Sport
Qo‘limda juda yaxshi jamoa bor, lekin uni yanada yaxshilashim kerak – Kannavaro
O‘zbekiston milliy jamoasi bosh murabbiyi Fabio Kannavaro Urugvayga (1:2) qarshi o‘rtoqlik o‘yinidan keyin o‘z fikrlarini aytdi.
O‘zbekiston milliy jamoasi 13 oktyabr kuni Malayziyada Urugvay bilan o‘rtoqlik o‘yinini o‘tkazib, 1:2 hisobida yutqazdi.
Bosh murabbiy Fabio Kannavaro bahsdan keyin o‘z fikrlarini aytdi.
– Afsuski bu o‘yinda 9 futbolchimiz jarohat tufayli qatnasha olmadi. Men uchun barcha futbolchilarni ko‘rikdan o‘tkazish muhim edi, ular bilan ko‘proq vaqt o‘tkazish, ko‘proq narsalarni yaxshilashga harakat qilish. Ularning ishtiyoqidan, harakatlaridan juda xursandman. Oson emas edi, chunki 2 kun oldin uchib keldik, yaxshi hordiq chiqarish ham qiyin bunday vaziyatda. Lekin juda yaxshi o‘yin o‘tkazdik, dedi Kannavaro.
– Albatta bunday o‘yinlarda gol urish muhim. Oldinroq ham gol ursak bo‘lardi, 2-3 ta yaxshi vaziyat bo‘ldi. To‘psiz o‘yin juda yuqori tempda bo‘ldi. To‘p bilan yaxshi g‘oyalarni amalga oshirishga urindik. Urugvayni qiyin vaziyatga tushirish osonmas, ular juda aqlli, ko‘pchiligi dunyo bo‘ylab yuqori ligalarda to‘p tepadi.
– O‘tgan ikkita o‘yindan keyin xursandman, qo‘limda juda yaxshi jamoa bor. Lekin biz uni yanada yaxshilashimiz kerak.
– Bizda (jahon chempionatigacha) 8 oy vaqt bor, jismoniy holatimizni yaxshilash uchun. Lekin bu faqat mashg‘ulotga bog‘liqmas, ko‘p narsaga bog‘liq: ovqatlanish, uxlash, kundalik mashg‘ulotlar. Biz jahon chempionatiga bosqichma-bosqich tayyorlanishimiz kerak, chunki qiyin bo‘ladi.
– Milliy jamoa noyabr oyida ikkita o‘yinga kelishgan, bu Dubayda bo‘ladi. O‘zbekistonda qolib, milliy chempionat o‘yinlarini kuzataman, mashg‘ulotlarga boraman, futbolchilar bilan ko‘rishaman, murabbiylar bilan tanishaman. Milliy jamoa murabbiyining ishi shundan iborat.
– Albatta vaqtimiz bor, biz ko‘plab futbolchilarni kuzatishimiz kerak. Faqat milliy jamoaga kelayotganlarni emas, chempionatda ham yaxshi ishtirok etayotganlarni kuzataman. Iloji boricha ularni (yig‘inlarga) chaqirib, chunki ularni maydonda ko‘rish boshqa, TV orqali ko‘rish boshqa.
– O‘tkazib yuborgan gollarimiz? Birinchisi menimcha ofsayd edi, ikkinchisida raqibga juda ko‘p bo‘sh joy qoldirdik. Ba’zan jarima maydoni ichida jipsroq o‘ynash kerak. Lekin yuqori darajadagi jamoalarga qarshi o‘yinlarda xatolarni kamaytirish lozim. Albatta e’tibor, konsentratsiya juda muhim. Tanaffusda ham aytdim, ilk 15 daqiqada ehtiyot bo‘lishni. Chunki birinchi taymda yaxshi o‘ynab, tanaffusdan keyin xotirjam maydonga chiqsak, muammo bo‘ladi, raqib bizni aynan shunday jazoladi.
– Futbolchilarim ikkinchi taymda sal kayfiyati yo‘qdek ko‘rindi. Lekin ularga motivatsiyani oshirish kerakligini aytdim, o‘yinni dinamikasini o‘zgartirish bo‘yicha gapirdim. Albatta oxirda yaxshi o‘ynadik, bir gol urdik, yana gol urishga harakat qildik. Men xursandman, har bir futbolchi bor kuchi bilan o‘ynayapti, bu juda muhim edi, dedi Kannavaro.
Londondagi «Uembli» stadionida Angliya Liga Kubogining final uchrashuvi bo‘lib o‘tdi. Bosh sovrin uchun bahsda «Manchester Siti» va «Arsenal» jamoalari o‘zaro to‘qnash kelishdi.
Uchrashuv «Manchester Siti» ning 2:0 hisobidagi g‘alabasi bilan yakunlandi. O‘yin taqdirini ikkinchi bo‘limda Niko O‘Rayli tomonidan kiritilgan ikkita gol (60 va 64-daqiqalar) hal qildi. Ushbu muvaffaqiyat evaziga «Manchester Siti» o‘z tarixida 9-marta Angliya Liga Kubogi sohibiga aylandi. Endilikda ular mazkur turnirda eng ko‘p zafar quchgan «Liverpul» (10 ta sovrin) rekordiga yaqinlashib oldi — ular orasidagi farq atigi bitta kubokni tashkil etmoqda.
O‘zbekiston milliy terma jamoasi himoyachisi Abduqodir Husanov «Manchester Siti» tarkibida maydonga tushib, to‘liq 90 daqiqa harakat qildi. U uchrashuvning 32-daqiqasida Viktor Dyokereshga ishlatilgan qo‘pollik uchun sariq kartochka oldi.
Ushbu g‘alaba orqali Husanov Angliya Liga Kubogini qo‘lga kiritgan ilk o‘zbekistonlik futbolchi sifatida tarixga kirdi. Bu sovrin himoyachi uchun Angliyadagi birinchi oltin medal hisoblanadi.
Kecha, 22 mart kuni Ispaniya La Ligasida bir qator markaziy uchrashuvlar bo‘lib o‘tdi. Turning eng asosiy bahsi Madrid derbisiga to‘g‘ri keldi. Unda “Real Madrid” prinsipial raqibi “Atletiko Madrid”ni 3:2 hisobida mag‘lub etdi. “Barselona” esa “Rayo Valekano” ustidan 1:0 hisobida g‘alaba qozondi.
Ispaniya chempionatining kechagi turi qiziqarli va kurashlarga boy o‘yinlarga boy bo‘ldi.
Turning markaziy uchrashuvida “Real Madrid” o‘z maydonida “Atletiko Madrid”ni qabul qildi. Shiddatli va murosasiz kechgan bahsda mezbonlar 3:2 hisobida g‘alaba qozondi. Uchrashuv davomida har ikki jamoa ham faol hujumlar tashkil etdi, ammo yakunlovchi daqiqalarda “Real” ustunroq harakat qildi.
Yana bir muhim o‘yinda “Barselona” o‘z maydonida “Rayo Valekano”ni 1:0 hisobida mag‘lub etdi. Kataloniya klubi qiyin kechgan bahsda muhim uch ochkoni qo‘lga kiritib, turnir jadvalidagi pozitsiyasini mustahkamlashga harakat qildi.
Shuningdek, qiziqarli o‘yinlardan birida “Alaves” mehmonda “Selta”ni 4:3 hisobida yengdi. Bu bahs turning eng dramatik to‘qnashuvlaridan biriga aylandi. “Atletik Bilbao” esa o‘z uyida “Betis”ni 2:1 hisobida mag‘lub etib, navbatdagi muhim g‘alabani rasmiylashtirdi.
22 mart kungi o‘yinlardan so‘ng La Liga jadvalida “Barselona” 73 ochko bilan peshqadam bo‘lib turibdi. “Real Madrid” 69 ochko bilan ikkinchi, “Vilyarreal” 58 ochko bilan uchinchi, “Atletiko Madrid” 57 ochko bilan to‘rtinchi o‘rinda bormoqda. Keyingi pog‘onalarda “Betis” 44 ochko, “Selta” 41 ochko bilan joylashgan. Shu tariqa, chempionlik uchun asosiy kurash hozircha “Barselona” va “Real Madrid” o‘rtasida kechmoqda, Yevropa kuboklari yo‘llanmalari uchun raqobat esa yanada keskinlashgan.
Rossiyalik hokkeychi liga tarixida Ueyn Gretskidan keyin bu marrani zabt etgan ikkinchi o‘yinchi bo‘ldi.
«Vashington Kepitalz»ning rossiyalik hujumchisi Aleksandr Ovechkin MHL muntazam chempionatining «Kolorado Evelansh»ga qarshi uchrashuvida gol urdi va pley-offlarni ham hisobga olgan holda liga tarixida 1000 ta gollik ko‘rsatkichga erishdi.
40 yoshli Ovechkin hisobida muntazam chempionatlarda 923 ta va pley-offda 77 ta gol bo‘ldi. U jami 1723 ta o‘yin o‘tkazgan (muntazam chempionatda 1562 ta va pley-offda 161 ta).
Bu borada MHL rekordchisi kanadalik Ueyn Gretski hisoblanadi — u 1694 ta (1487+207) o‘yinda 1016 ta (894+122) gol urgan.
Aleksandr Ovechkin muntazam chempionatlarda urilgan gollar soni bo‘yicha MHL rekordchisi bo‘lib, o‘tgan mavsumda Gretskining rekordini yangilagan edi.
«Kolorado»ga qarshi o‘yindan so‘ng «Vashington»da muntazam chempionatda yana 11 ta o‘yin qoladi. Hozir jamoa Sharqiy konferensiyada 12-o‘rinda bormoqda va pley-off hududidan tashqarida joylashgan.
“Manchester Siti” to‘qqizinchi bor Angliya Liga kubogi sohibi bo‘ldi. O’Rayli “Arsenal” darvozasiga to‘rt daqiqa ichida ikkita gol kiritib, dubl muallifiga aylandi.
Londondagi “Uembli” stadionida “Arsenal” va “Manchester Siti” jamoalari Angliya Liga kubogi final bahsi bo‘lib o‘tdi.
Uchrashuvning birinchi bo‘limida hisob ochilmadi.
O’Rayli 60-daqiqada “Manchester Siti”ni hisobda oldinga olib chiqqan bo‘lsa, 64-daqiqada “Arsenal” darvozasiga ikkinchi golini kiritdi.
“Shaharliklar”ning o‘zbekistonlik himoyachisi Abduqodir Husanov uchrashuvni asosiy tarkibda boshladi va to‘liq harakat qildi. U 32-daqiqada Yokeresga nisbatan ishlatgan qo‘polligi uchun sariq kartochka oldi.
“Arsenal”ni 2:0 hisobida mag‘lub etgan “Manchester Siti” to‘qqizinchi bor Angliya Liga kubogi sohibi bo‘ldi.
O‘zbekiston milliy terma jamoasi 22-martdan Toshkentda o‘quv-mashg‘ulot yig‘inlarini boshlaydi.
Fabio Kannavaro FIFA Series uchun jalb etilgan futbolchilar ro‘yxatini e’lon qildi.
Kengaytirilgan ro‘yxatdan o‘rin olgan futbolchilarimiz — Jaloliddin Masharipov, Husniddin Aliqulov, Abbosbek Fayzullayev, Dilshod Komilov, Ibrohimhalil Yo‘ldoshev, Abdulla Abdullayev, Alibek Davronov va Husayn Norchayev jarohati tufayli yig‘inni o‘tkazib yuborishi ma’lum bo‘ldi.
Eslatib o‘tamiz, milliy jamoa FIFA Series doirasida 27 mart kuni Gabon, 30 mart kuni esa Venesuyealaga qarshi maydonga tushadi. O‘yinlar «Bunyodkor» stadionida soat 19:00 da start oladi.
O‘zbekistonda taksichilarni aldashning yangi firibgarlik usuli fosh etildi
Hukumat Toshkent issiqxonalarini janubiy viloyatlarga ko‘chirish rejasini ma’lum qildi
Jahon banki Surxondaryoda yo‘l qurishga 200 mln dollar ajratadi
-
Siyosat5 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Dunyodan4 days ago
Isroil Livan janubida quruqlikdan operatsiya boshladi
-
Jamiyat4 days agoToshkentda bayram kunlari jamoat transporti uchun maxsus jadval joriy etildi
-
Mahalliy4 days agoRo‘zadan keyin 90 foiz odamlar yo‘l qo‘yadigan xato
-
Jamiyat4 days agoChilonzorda Al-Xorazmiy ko‘chasining bir qismi yopiladi
-
Dunyodan5 days ago
Eron Hindistondan qo’lga olingan tankerni ozod qilishni talab qildi
-
Jamiyat4 days agoCoca-Cola O‘zbekistonda Ramazon oyida bir qator xayriya tashabbuslarini amalga oshirdi
-
Iqtisodiyot4 days ago
Xizmatlar bozorining qariyb 40 foizi Toshkentda — statistika