Jamiyat
Qizlariga ko‘z olaytirgan o‘gay otalar haqida ikki hikoya
O‘gay otasi tomonidan jinsiy zo‘ravonlikka uchragan 9 yashar qiz tergov xonasida “ukalaring ko‘chada qoladi” deb qo‘rqitilgan. 68 yoshli “ota” esa keksa odam, deya himoya ostida. Kun.uz suhbatlashgan onalar voyaga yetmagan qizlari boshidan kechirgan dahshatlar va o‘zlarining ilojsizlikdagi iztiroblarini so‘zlashdi. O‘z qizlariga ko‘z olaytirganlarning biri bolalarni himoya qiluvchi “Inson” ijtimoiy xizmatlar markazida ishlagan.
{Yii::t(}
O’tkazib yuborish 6s
O’tkazib yuborish
Chora ko‘rilmagan har bir raqam — tirik bola. Tirik fojia. Va bu fojialar ortida aybdor faqat zo‘ravon emas — uni himoya qilib turgan tizim ham bor. Oxirgi vaqtda yuzaga chiqqan Namangan va Ohangaronda yosh bolalarning pedofil qurboniga aylanishi jamoatchilikni larzaga keltirdi. Ammo oilalarda yuz berayotgan va yashirin qolayotgan voqealar ko‘pligi xavotirli. Bu ko‘rsatuvimiz aynan o‘z uyida o‘z yaqinlari tomonidan xo‘rlanayotgan bolalar va ularni himoya qilolmayotgan tizim haqida.
1-holat: Toshkent viloyati, Nurafshon
Nigora Rossiyada ishlaydigan erining u yerda oilasi borligini bilgach turmushdan ajrashgan va yillar o‘tib bir qizchasi bilan boshqa turmush qurgan. Hozir u to‘rt farzandning onasi va 2-guruh nogironi. Hali 9 ga to‘lmagan katta qizi bir necha yildan beri o‘gay ota tomonidan jinsiy tegajog‘likka uchrab kelgan.
“Ichki ishlarga murojaat qilganimizda ham Bolalar ombudsmani Surayyo Rahmonova shaxsan qizim bilan gaplashdi. Men buni ko‘tara olmasdim (nogironlik sababli), chiqarib yuborib gaplashishdi. Va ma’lum bo‘ldiki, bola haqiqatan ham zo‘ravonlikka uchragan. Chunki u 9 yosh edi, bola ko‘rmagan narsasini bunday tasvirlay olmaydi, jinsiy hayotni boshdan o‘tkazmagan deyildi. Lekin bola 9 marta tergov qilinganda ham biror marta psixolog chaqirilmadi. Qizim gapira olmaydi, erkakdan qo‘rqadi. Shunda mening xatoyim ayol tergovchi so‘radim. Shunda ular ayol tergovchi jalb qilishdi, ammo keyinchalik bilsam u tergovchi emas, xatlar bo‘limida ishlaydigan ayol ekan. Shundan keyin erimning advokati “tergovga aloqasi yo‘q odam tergov qildi” deb butun boshli qilingan ishlarni yo‘qqa chiqardi”.
1-murojaatda erkak qamoqqa olinadi. Ammo tergov jarayonida bola bilan ishlash uchun psixolog jalb qilish talabi inobatga olinmaydi va bu erkak foydasiga ishlaydi. Qamoqdan ozod qilingan va bundan xulosa chiqarmagan erkak bu jinoyatini yana davom ettiradi. Endi qurbonlar 2 ta bo‘layotgan edi. U o‘zining qiziga nisbatan ham shunday harakatlar qilayotgan edi. Singlisining ham o‘zi kabi qurbon bo‘lishini istamagan qizcha onasiga buni aytadi.
“Men sudlarning ishidan juda noroziman. Bolani tergov qilyapti, yana psixologsiz qilinyapti. Aslida voyaga yetmagan bola bir marta tergov qilinadi va tergov mustahkamlanadi. Bola qaytib bezovta qilinmasligi kerak.
Psixolog bola bilan xoli gaplashganda bola haqiqatan zo‘ravonlikka uchraganini ma’lum qildi. Hayron qolayotganim, tergov xonasida bizga tergovchi “yopig‘liq qozonni yopig‘liq qoldirish” kerakligini aytyapti. Qizimga esa 3 ukasi yetim qolishini aytib qo‘rqityapti. Tergovchi xulosani shunday berganki, 119-modda bo‘yicha ekspertizada bolaning tanasi toza ekanligi aytildi. Oradan 1,5 yil o‘tgandan keyin tanada qanday holat bo‘lishi mumkin? Lekin men SamPIga olib borganimda shifokor ko‘rganida qizimning jinsiy organida qizarishlar borligini aytgan. Men uni audio tarzda yozib olganman, ammo xulosa olmaganman”.
Erkak “Inson” himoya markazi xodimi bo‘lgan va ayni paytda ishdan bo‘shatilgan. Ya’ni bola huquqini himoya qilish maqsadida ishlamog‘i kerak bo‘lgan tizimdagi shaxs bolaning huquqini poymol qilib kelgan. Ayolning murojaatlari va tergov natijalari esa hamon so‘roq ostida.
2-holat Toshkent viloyati, Yangiyo‘l tumani
2-holatda ham shunga o‘xshash voqea. Anora ham bir qizchasi bilan yolg‘iz qolib 2 marta o‘zidan yoshi katta inson bilan turmush qurgan. Bu jinoyat ham Toshkent viloyatida yuz bergan va zo‘ravon 68 yoshli o‘gay ota. Ayol keta olmaydi — chunki er uning nomiga katta miqdorda kredit chiqargan, moliyaviy va huquqiy qullikning klassik sxemasi. 7 marta himoya orderini buzgan zo‘ravon — hali ham ozod. Va eng qizig‘i huquq idorasi vakillari uning yoshi kattaligini inobatga olish lozimligini uqtirishmoqda.
“U doimiy ravishda bu ishni qilib kelgan, qizim menga aytolmaganining sababi – menga pichoq ko‘tarib tahdid qilardi, ko‘p zo‘ravonliklar qilardi. Shundan qo‘rqib buni aytmagan. Erim esa oldindan uni tayyorlab borgan, qarasa onasiga aytmayapti, janjal chiqmayapti, demak qizga ochiqchasiga qilaman degan.
Bolalar ombudsmaniga, Ijtimoiy himoya agentligiga murojaat qildim. Oxirgi janjalda boshimni yordi “ikkalangniyam o‘liging chiqadi bu uydan” deb. 102 ga telefon qildik. Shunda bizga himoya orderi berishdi. Shunda qizimdan ham ko‘rsatmalar olishdi, ekspertiza tayinlandi. Lekin boshim yorilgani va tan jarohatlar bo‘yicha ma’muriy jazo qo‘llandi. Unda 1 mln 400 ming, menga 500 ming jarima qo‘yildi – uyda janjal ko‘targanim, yoshi katta insonga hurmatsizlik qilganim uchun. Lekin qizimga qilingan zo‘ravonliklar dalillarini hammasini IIB xodimiga berganman. Bularni sudga taqdim qilmagan. O‘sha ma’muriy jazodan keyin erim 2-3 oy ichida himoya orderi talablarini 7 marta buzdi.
Qizimga nisbatan zo‘ravonlik bo‘yicha 129-modda bilan jinoiy ish ochildi. Men bolamning sha’ni uchun kurashyapman. 13 yashar qizim stressda, qo‘rqoq bo‘lib, birovga biror ma’lumotni to‘liq gapira olmaydigan bo‘lib qolgan, duduqlanib qolgan”.
2 holatda ham voqealarni bog‘lovchi nuqta — huquqni himoya qiluvchi tizimning o‘zida zo‘ravonlikning qo‘llab-quvvatlanayotgani. Tergovning sust va qonun doirasida olib borilmasligi zo‘ravonlar foydasiga ishlamoqda. Ular esa bundan yanada ruhlanib go‘daklarga vahshiylikda davom etishyapti.
Ikkala holatda ham qonun himoyachilari zo‘ravonlarni himoyasiga olgan kabi go‘yo. Birida ukalari ko‘chada qolishi uqtirilib arizadan voz kechishni to‘g‘ridan to‘g‘ri tergov xonasida aytishayotgan bo‘lishsa, 2-sida yoshi katta insonligini inobatga olib yopig‘liq qozonni yopig‘liq qoldirishni istashmoqda. Ular kimni himoya qilishayotganiga hayratlanmay iloj yo‘q.
Qo‘l uchida qilingan tergov, ovora-yu sarson qilingan onalar, huquqlari va taqdirlari toptalayotgan bolalar – bizning bugungi og‘riqlarimiz.
Tasavvur qiling: bu ikki ona faqat bir odam – mahalla inspektori yoki tergovchi emas, butun tizimning qarshisida yolg‘iz qolishgan. Va bu tizim hanuz “murojaat keldi – qayd etdik – tergov ketyapti” degan byurokratik ssenariydan nariga o‘ta olmayapti. Bunga shaxsan o‘zim guvoh bo‘ldim, 2-murojaat yuzasidan ayblov xulosasi tayyorligini aytgan tergovchi ayol bilan gaplashishni ham istamasdan xulosa yo‘qligini aytdi.
Shu o‘rinda bir savol tug‘iladi: bu holatlarda o‘z vazifasini bajarmaydigan inspektor, tergovchi, sudya ham javobgarlikka tortiladimi? Voqealar yuzasidan tegishli tashkilotlardan munosabatlar kutamiz.
Gulmira Toshniyozova tayyorladi.
Tasvirchi: Nizomjon Toshpo‘latov
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Siyosat3 days ago
Шавкат Мирзиёев Бишкекда кутиб олинди
-
Mahalliy3 days ago
«Enamdan qolgan dalalar» (Esse)
-
Jamiyat5 days ago
Qonunchilikdagi noaniqliklar tadbirkor foydasiga talqin qilinadi
-
Jamiyat4 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif
-
Jamiyat3 days ago
Bu yilgi Mustaqillik bayrami ijtimoiy tarmoqlarda chin ma’noda portladi!
-
Siyosat5 days ago
Saida Mirziyoyeva Pekinda Va I bilan muloqot o‘tkazdi
-
Sport4 days ago
«Beradigan boshqa narsam qolmadi» — Messi Argentina terma jamoasidagi faoliyatini yakunladi
-
Siyosat5 days ago
Pokiston bosh vaziri bilan uchrashuv o‘tkazildi