Sport
Portugaliya Ronaldusiz 9 gol urdi, Italiya yirik hisobda yutqazdi. Kun o‘yinlari
Norvegiya bu asrda ilk bor mundialga boradi, Irlandiyada superkambek, Italiya qatorasiga uchinchi mundialni o‘tkazib yuborishi mumkin. Yevropada JCh saralashida guruh o‘yinlari yakunlanmoqda.
F guruhi
Portugaliya – Armaniston 9:1
Gollar: Veyga, 7 (1:0). Spersyan, 18 (1:1). Ramush, 28 (2:1). Joau Nevesh, 30 (3:1). Joau Nevesh, 41 (4:1). Brunu Fernandesh, 45+3 – penalti (5:1). Brunu Fernandesh, 52 (6:1). Brunu Fernandesh, 72 – penalti (7:1). Joau Nevesh, 81 (8:1). Konseysau, 90+2 (9:1)
Portugaliya: Koshta, Ruben Diash (Mateus Nunes, 73), Veyga, Joau Kanselu (Ruben Nevesh, 73), Semedu, Bernardu Silva (Borjyesh, 56), Vitinya (Joau Feliks, 67), Joau Nevesh, Leau (Konseysau, 56), Brunu Fernandesh, Ramush
Armaniston: Avagyan, S. Muradyan (Bandikyan, 82), Mkrtchan, Tiknizyan, Piloyan (Arutyunyan, 56), K. Muradyan, Spersyan, Agasaryan (Sevikyan, 46), Serobyan (Shagoyan, 46), Oganesyan, Ranos (Eloyan, 65)
Ogohlantirish: S. Muradyan, 70
Portugaliya milliy jamoasi vazifani uddaladi va o‘z maydonida jahon chempionati yo‘llanmasini nishonladi. Roberto Martines shogirdlariga Krishtianu Ronalduning yo‘qligi sezilmadi va armanlar darvozasiga to‘qqizta gol urildi. Irlandiyaga qarshi o‘yindagi qizil kartochka tufayli diskvalifikatsiyaga uchragan portugaliyalik yulduz esa gollari sonini oshirib olish (u minglik dovonni zabt etishga harakat qilmoqda) imkoniyatidan foydalana olmadi. Joau Nevesh va Brunu Fernandesh het-trik nishonladi. «Manchester Yunayted» yarimhimoyachisi uchun bu faoliyatidagi to‘rtinchi (milliy jamoadagi birinchisi) het-trik bo‘ldi. Asosiysi jamoa qatorasiga yettinchi bor jahon chempionatiga boradi, Yevropada bundan yaxshiroq seriya bilan faqat Germaniya, Ispaniya va Fransiya maqtana olishi mumkin.
Vengriya – Irlandiya 2:3
Gollar: Lukach, 3 (1:0). Perrott, 15 – penalti (1:1). Varga, 37 (2:1). Perrott, 80 (2:2). Perrott, 90+6 (2:3)
Vengriya: Dibus, Salai, Orban, Kerkez, Nego (Mochi, 90+3), Soboslai, Shefer (Etvesh, 63), Tot (Bolla, 76), Sholloi (Redzich, 90+3), Lukach (Stayls, 63), Varga
Irlandiya: Kelleher, Kollinz, O`Shi, O`Brayyen (Menning, 46), Kallen (Teylor, 80), Molumbi (Ebosele, 60), Skeyls, Koulman (Kenni, 60), Eyzas, Ogbene (Ida, 53), Perrott
Ogohlantirishlar: Salai, 45. Varga, 90 – Skeyls, 68. Kallen, 78. Ebosele, 89. Perrott, 90
3-turdan keyin atigi 1 ochkoga ega bo‘lgan Irlandiya keyingi 3 turda 9 ochko to‘pladi va o‘tish o‘yinlari orqali jahon chempionati uchun kurashni davom ettiradigan bo‘ldi. G‘alaba suv va havodek zarur bo‘lgan irlandlar Budapeshtdagi hal qiluvchi o‘yinda ham hisobda ortda borayotgandi. Keyin esa Troy Perrott katta sahnaga chiqdi. O‘tgan turda Portugaliyaga qarshi o‘yinda (2:0) dubl qayd etgan hujumchi bu safar birinchi bo‘limda penaltini aniq ijro etdi, keyin esa 80- va 90+6-daqiqalarda gol urdi. Bu o‘yinda durang ham qoniqtiradigan Vengriya yakunda o‘tish o‘yinlarida ishtirok etish huquqidan mahrum bo‘ldi. Vengrlar 1986 yildan buyon jahon chempionatlarini o‘tkazib yubormoqda. So‘nggi ikki o‘yinda besh gol urib, Irlandiya qahramoniga aylangan Perrott endi katta ehtimol bilan katta klublar e’tiboriga tushadi («Tottenhem» tarbiyalanuvchisi bo‘lgan futbolchi hozirda Niderlandiya chempionatida AZ Alkmar klubida to‘p surmoqda).
D guruhi
Ukraina g‘alabani ilib ketdi
Ukraina – Islandiya 2:0
Gollar: Zubkov, 83 (1:0). Gutsulyak, 90+3 (2:0)
Ukraina: Trubin, Zabarniy, Matviyenko, Mikolenko, Konoplya, Kalyujniy, Malinovskiy (Gutsulyak, 77), Yarmolyuk (Shaparenko, 69), Zubkov (Svatok, 87), Tsigankov (Nazarina, 87), Vanat (Yaremchuk, 69)
Islandiya: Oulafsson, Ingason, Magnusson, Ellersson (Tomasson, 86), Palsson, Yoxannesson, A. Gudmundsson, Haraldsson, Torsteynsson (Byarkason, 86), Vidlyumsson (Y. Gudmundsson, 65), Gudyonsen
Ogohlantirishlar: Malinovskiy, 75. Konoplya, 85 – Yoxannesson, 45
O‘tgan tur yakunlariga ko‘ra ochkolari soni bo‘yicha ukrainlarga yetib olgan Islandiyani o‘zaro o‘yinda durang ham qoniqtirgan bo‘lardi. Ammo Varshavadagi o‘yin oxirida tarozi pallasi nominal mezbonlar tomonga og‘ib ketdi. Avvaliga standart vaziyatdan keyin Palsson darvozabon hududidan turib boshda xavfli zarba yo‘lladi, Trubin esa qahramonlik ko‘rsatib, jamoasini o‘yinda olib qoldi. Keyin esa Gutsulyak avvaliga Zubkovni golli pas bilan ta’minladi, qo‘shimcha daqiqalarda o‘zi ham gol urdi. Endi Sergey Rebrov shogirdlari pley-off orqali omadini sinab ko‘radi.
Ozarboyjon – Fransiya 1:3
Gollar: Dadashov, 4 (1:0). Mateta, 17 (1:1). Akliush, 30 (1:2). Magomedaliyev, 45 – avtogol (1:3)
Ozarboyjon: Magomedaliyev (Bayramov, 46), Mustafozoda, Krivotsyuk, Badalov, Mahmudov (Abdullazoda, 66), Haybulayev, Dashdamirov, G. Aliyev, X. Aliyev (Ahmadzoda, 87), Nuriyev (Oxunzoda, 46), Dadashov (Guseynov, 75)
Fransiya: Shevale, Konate, L. Ernandez, T. Ernandez, Gyusto, Tyuram, Zair-Emeri, Nkunku (Sherki, 62), Mateta (Barkolya, 79), Akliush (Toven, 62), Ekitike
Ogohlantirishlar: Krivotsyuk, 39. Haybulayev, 72
Shanba kungi o‘yinlarda Qozog‘iston va Belarus mos ravishda Belgiya va Daniyadan ochko olib, ko‘pchilikni ajablantira olgandi. Bir kun o‘tib MDHning yana bir vakili Ozarboyjon fransuzlarga qarshi o‘yinda bu tryukni takrorlashga harakta qildi. Bokuda o‘tgan o‘yin startida Dadashov Dashdamirovning ideal uzatmasini golga aylantirib, hisobni ochdi. Shu kuni «Uchranglilar» darvozasida debyut qilgan Shevale 4-daqiqadayoq gol o‘tkazib yubordi.
Ammo bo‘lim davomida Fransiya barchasini o‘z joyiga qaytardi va hisobda oldinga chiqib oldi va bunda asosiy ishni Gyusto amalga oshirdi. «Chelsi» himoyachisi avvaliga hisobni tenglashtirgan Matetaga qanotdan uzatma berdi, keyin esa Akliushga milliy jamoadagi birinchi golini urishda yordamlashdi. Gyustoning o‘zi ham nomini tabloga yozdirib qo‘yishi mumkin edi, ammo u gol urgan hujum davomida Nkunku to‘pni qo‘li bilan o‘ynagani ma’lum bo‘ldi. Umuman olganda, arbitr birinchi bo‘limning o‘zida mehmonlarning ikki golini bekor qildi, bo‘lim oxirida yana bir gol bekor qilinishi mumkin edi, ammo VAR aralashuvi bu safar mehmonlar foydasiga bo‘ldi. O‘tgan turdayoq JCh yo‘llanmasini hal qilgan fransuzlar saralash turnirini safardagi ishonchli g‘alaba bilan yakunladi.
I guruhi
28 yillik kutish
Italiya – Norvegiya 1:4
Gollar: Espozito, 11 (1:0). Nusa, 63 (1:1). Holand, 78 (1:2). Holand, 80 (1:3). Larsen, 90+3 (1:4)
Italiya: Donnarumma, Bastoni (Buondjorno, 86), Manchini, Dimarko, Di Lorenso, Lokatelli (Dzakkani, 79), Barella (Richchi, 86), Frattezi (Kristante, 68), Politano, Retegi, Espozito (Skamakka, 79)
Norvegiya: Nyulann, Ayyer, Heggem, Volfe (Estigor, 89), Ryuerson, Berg (Torsbi, 64), Berge, Nusa, Torstvedt (Bobb, 75), Serlot (Osgor, 75), Holand (Larsen, 89)
Ogohlantirishlar: Barella, 45. Bastoni, 67. Espozito, 69 – Larsen, 90
Italiya JChga to‘g‘ridan to‘g‘ri yo‘llanma olishi uchun bu o‘yinda to‘qqiz gol farqi bilan g‘alaba qozonishi talab etilardi. Lekin 11-daqiqada Franchesko Espozito hisobni ochganida italiyalik ashaddiy muxlislar ham hech narsaga umid qilmayotgandi.
Va amalda ham hech qanday mo‘jiza sodir bo‘lmadi va Norvegiya 1998 yildan buyon ilk bor jahon chempionatiga boradigan bo‘ldi. Skandinavlar oxirgi bor Fransiya yashil maydonlaridagi turnirda ishtirok etganida jamoaning hozirgi bosh murabbiyi Stol Solbakken futbolchi sifatida o‘ynardi. Hozirda esa jamoada Edegor, Holand, Torstvedt va Serlot kabi yangi avlod yulduzlari o‘ynamoqda — ular 90-yillardagi jahon chempionatlarida qatnashgan futbolchilarning farzandlari hisoblanadi.
Norveglar ikkinchi bo‘limda o‘yinni kuchaytirishdi va to‘rtta gol urishdi, Erling Holand navbatdagi dublni rasmiylashtirdi va saralash bosqichlaridagi urilgan gollar soni bo‘yicha (16) Levandovskining rekordini takrorladi. Umuman, norveglar 37 gol bilan saralash bosqichidagi eng ko‘p gol urgan jamoaga aylanishdi.
Yirik hisobda yutqazgan «Skuadra adzurra» esa endi o‘tish o‘yinlarida qatnashadi, jamoa bu bosqichda qatorasiga ikki bor muvaffaqiyatsizlikka uchragan JCh-2018 saralashida Shvetsiyaga, JCh-2022 saralashida Shimoliy Makedoniyaga qarshi o‘yinlarda mag‘lub bo‘lib, mundialdan qolib ketgan.
Isroil – Moldova 4:1
Gollar: Turgeman, 21 – penalti (1:0). Nikolaesku, 37 (1:1). Revivo, 65 (2:1). E. Perets, 85 (3:1). Baboglo, 88 – avtogol (4:1)
Isroil: Glazer, Blorian, Lemkin, Revivo, Dasa (Mizrahiy, 46), Biton (Shua, 86), E. Perets, D. Perets (Jobir, 77), Kanichovski (Turiel, 77), Turgeman (Toklomati, 84), Gluh
Moldova: Timbur, Baboglo, Gerasimenkov, Kukosh, Kaymakov, Fratya (Bodishtyanu, 72), Persiun, Bitsa (Bors, 54), Forov (Pletike, 54), Postolaki (Raylyanu, 54), Nikolaesku (Ionitse, 66)
Ogohlantirishlar: Dasa, 34. D. Perets, 45 – Kaymakov, 73. Pletike, 88
Chetlatish: Persiun, 18
Bu o‘yin oldindan quruq rasmiyatchilikka aylangandi. Ikki jamoa ham hatto pley-offda qatnashish imkoniyatini allaqachon yo‘qotgan. O‘yinning 18-daqiqasidayoq Serju Perchun Moldovani ozchilikda qoldirib ketdi va bu bilan amalda o‘yin taqdiri hal bo‘ldi. Avvaliga Dor Turgeman penaltini aniq ijro etib, hisobni ochdi, ammo nominal mehmonlar birinchi bo‘lim davomida hisobni tenglashtirishdi. Ikkinchi bo‘limda esa o‘yin faqat bir darvoza tomonga bo‘ldi – Isroil yana uchta gol urib, hisobni yiriklashtirdi.
K guruhi
Angliyada ideal natija
Albaniya – Angliya 0:2
Gollar: Keyn, 74 (0:1). Keyn, 82 (0:2)
Albaniya: Strakosha, Jimsiti, Ismayli, Aliyi, Xyusay (Baliu, 26), Aslani, Ramadani, Lyachi (Payaziti, 84), Xo‘ja, Bayrami (Broyya, 75), Uzuni
Angliya: Henderson, Kuansa, Stouns, O`Rayli, Bern, Uorton (Anderson, 75), Rays (Saka, 62), Bellinghem (Rodjyers, 84), Bouen (Reshford, 75), Eze (Foden, 62), Keyn
Ogohlantirishlar: Ramadani, 15 – Uorton, 39. Bellinghem, 80
Inglizlar Tiranada Tomas Tuxel davridagi eng kamtarona bo‘limni o‘tkazishdi va tanaffusgacha atigi 0,29 xG ko‘rsatkichini qayd etishdi. Lekin ikkinchi bo‘limda baribir Keynning gol sezish qobiliyati «Uch sherlar»ga saralash turniridagi yuz foizlik natijani taqdim etdi. Harri avvaliga Saka burchakdan oshirgan to‘pni mezbonlar darvozasiga yo‘lladi, keyin esa Reshfordning uzatmasini golga aylantirdi.
Jamoa sakkiz o‘yinda sakkiz g‘alabaga erishdi va bu o‘yinlarda birorta gol o‘tkazmadi – 22:0. Bungacha Yugoslaviya Yevropada saralash bosqichidagi barcha o‘yinlarda quruq g‘alabaga erishgan yagona jamoa bo‘lib turgandi, ammo bolqonliklar JCh-1954 saralashida atigi to‘rt o‘yin o‘tkazgandi. Seshanba kuni Ispaniya inglizlarning natijasini yaxshilashi mumkin, qizil furiya hozirda besh o‘yinda besh g‘alaba va 19:0 ko‘rinishidagi to‘plar nisbatiga ega, lekin ushbu jamoa so‘nggi turni Turkiyaga qarshi safarda o‘tkazadi.
Serbiya – Latviya 2:1
Gollar: Gutkovskiy, 12 (0:1). Katai, 49 (1:1). Stankovich, 60 (2:1)
Serbiya: Raykovich, Pavlovich (Mimovich, 46), Milenkovich, Kostich, Erakovich, Gruich (Gudel, 85), Lukich (Stankovich, 46), Samarjich, Radonich (Katai, 46), Jivkovich, Yovich (Miloshevich, 80)
Latviya: Matrevitss, Veyps, Yurkovskis, Melnik, Tonishev (Yagodinskiy, 78), Savalniyeks, Zelenkov, Vapne (Pulis, 84), Dashkevich (Penkevich, 78), Ikauniyeks (Savelev, 65), Gutkovskiy (Regja, 65)
Ogohlantirishlar: Savalniyeks, 59. Dashkevich, 62
O‘tgan turdayoq serblar guruhda uchinchi o‘rindan yuqoriga ko‘tarila olmasligi ma’lum bo‘lib ulgurgandi va jamoaning yangi bosh murabbiyi Velko Paunovich tajriba qilishni boshlab yubordi. Latviyaga qarshi o‘yin esa juda yomon boshlandi va 12-daqiqadayoq gol o‘tkazib yuborildi. Tanaffusdan keyin esa ikki Aleksandar o‘yinni qutqardi – Katai va Stankovich (Deyanning o‘g‘li) Andriy Jivkovichning uzatmalarini golga aylantirishdi. Lekin bu g‘alaba Serbiyaga hech narsa bermaydi. Ushbu guruhdan pley-offda Albaniya qatnashadi.
Milliy jamoa Toshkent xalqaro aeroportida / Foto: O‘FA
Futbol bo‘yicha O‘zbekiston milliy jamoasi 26 may tongida Toshkent – Nyu York reysi bilan o‘z tarixidagi ilk jahon chempionatida ishtirok etish uchun AQShga uchib ketdi.
Bosh murabbiy Fabio Kannavaro chempionatga 30 nafar futbolchini olib ketmoqda, yakuniy ro‘yxatga ulardan 26 nafari kiritiladi.
Uzbekistan Airways jamoa uchun Boeing 787 Dreamliner samolyotini “Olg‘a O‘zbekiston”, “ko‘k bo‘rilar” kabi yozuvlar tushirilgan maxsus livreya bilan jihozladi.
22 may kuni “Bunyodkor” stadionida prezident Shavkat Mirziyoyev jamoa a’zolari bilan uchrashib, ularga muvaffaqiyat tiladi; ilk mundial sharafiga bayramona tadbir tashkil etildi.
O‘zbekiston JChdagi birinchi o‘yinini 17 iyunda (Toshkent vaqti bilan 18 iyun tongida) Mexiko shahrida Kolumbiyaga qarshi o‘tkazadi.
Sport
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonning futbol bo‘yicha milliy terma jamoasi FIFA jahon chempionatida ishtirok etish uchun AQShga uchib ketdi.
Eslatib o‘tamiz, 2026 yilgi jahon chempionati AQSh, Meksika va Kanada hududida o‘tkaziladi.
Kannavaro boshchiligidagi jamoa 1 iyun kuni Kanadaga qarshi o‘rtoqlik uchrashuvi o‘tkazadi, 8 iyunda esa Niderlandiya bilan bahs olib boradi.
«Oq bo‘rilar»ning jahon chempionatidagi ishtiroki esa Meksikadagi o‘yindan boshlanadi. Jamoa 18 iyun kuni Kolumbiyaga qarshi birinchi uchrashuvini Mexikodagi «Atsteka» stadionida o‘tkazadi.
23 iyun kuni jamoa Portugaliya terma jamoasiga qarshi maydonga tushadi. Bahs AQShning Xyuston shahridagi stadionida bo‘lib o‘tadi.
Guruh bosqichidagi so‘nggi o‘yin 28 iyun kuni Atlantadagi stadionda Kongo Demokratik Respublikasiga qarshi o‘tkaziladi.
Avvalroq, Kongo terma jamoasi Ebola virusi tarqalganligi sababli Belgiyada karantin muddatini o‘tab, keyin AQShga kelishi talab etilgan, aks holda jamoa jahon chempionatidan chetlatilishi mumkinligi ma’lum qilingandi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Sport
O‘zbekiston milliy terma jamoasining jahon chempionatida ishtirok etuvchi tarkibi e’lon qilindi
Milliy terma jamoa 26 may kuni AQShga yo‘l oladi.
Futbol bo‘yicha O‘zbekiston milliy terma jamoasi bosh murabbiyi Fabio Kannavaro Jahon chempionatida ishtirok etuvchi 30 nafardan iborat futbolchilarning ro‘yxatini e’lon qildi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Boshoqshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Boshoqshehir”, Turkiya)
Jamoamiz 26 may kuni tongda Toshkent – Nyu-York yo‘nalishi bo‘yicha Amerika Qo‘shma Shtatlariga yo‘l oladi.
O‘zbekiston milliy terma jamoasi 26 may kuni qaysi tarkib bilan AQShga yo‘l olishi ma’lum bo‘ldi. Bu haqda Championat.asia xabar berdi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Bashakshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Bashakshehir”, Turkiya)
Yig‘inda qatnashgan quyidagi futbolchilar AQShga bormaydi: Vladimir Nazarov, Muhammadrasul Abdumajidov, Diyor Ortiqboyev, Quvondiq Ro‘ziyev, Nodir Abdurazzoqov, Alisher Odilov, Sardor Bahromov, Husayn Norchayev, Muhammadqodir Hamraliyev.
Oldinroq O‘FA Ibrohimhalil Yo‘ldoshevning jarohati sababli JChga bora olmasligini ma’lum qilgandi.
Aholi va biznesning inflatsiya kutilmalari pasaydi: asosiy xavotir
Buvisi muntazam tazyiq o‘tkazib kelgan 3 nafar bola Turkiyadan vatanga qaytarildi
Oliy attestatsiya komissiyasi rahbari ishdan olindi
-
Siyosat5 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Mahalliy4 days ago
Yoshlar umrini sotgan jinoyatchilar qo‘lga olindi
-
Mahalliy2 days agoSizni maktabda aldashgan! So‘nggi qo‘ng‘iroq haqida siz bilmagan haqiqat
-
Dunyodan3 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Iqtisodiyot3 days ago
O‘zbekistonda har 100 ta uyga nechta kompyuter to‘g‘ri kelishi ma’lum bo‘ldi
-
Siyosat5 days ago
Shavkat Mirziyoyev YeXHT bosh kotibini qabul qildi
-
Jamiyat5 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Sport2 days agoO‘zbekiston milliy terma jamoasining jahon chempionatida ishtirok etuvchi tarkibi e’lon qilindi