Sport
Portugaliya Ronaldusiz 9 gol urdi, Italiya yirik hisobda yutqazdi. Kun o‘yinlari
Norvegiya bu asrda ilk bor mundialga boradi, Irlandiyada superkambek, Italiya qatorasiga uchinchi mundialni o‘tkazib yuborishi mumkin. Yevropada JCh saralashida guruh o‘yinlari yakunlanmoqda.
F guruhi
Portugaliya – Armaniston 9:1
Gollar: Veyga, 7 (1:0). Spersyan, 18 (1:1). Ramush, 28 (2:1). Joau Nevesh, 30 (3:1). Joau Nevesh, 41 (4:1). Brunu Fernandesh, 45+3 – penalti (5:1). Brunu Fernandesh, 52 (6:1). Brunu Fernandesh, 72 – penalti (7:1). Joau Nevesh, 81 (8:1). Konseysau, 90+2 (9:1)
Portugaliya: Koshta, Ruben Diash (Mateus Nunes, 73), Veyga, Joau Kanselu (Ruben Nevesh, 73), Semedu, Bernardu Silva (Borjyesh, 56), Vitinya (Joau Feliks, 67), Joau Nevesh, Leau (Konseysau, 56), Brunu Fernandesh, Ramush
Armaniston: Avagyan, S. Muradyan (Bandikyan, 82), Mkrtchan, Tiknizyan, Piloyan (Arutyunyan, 56), K. Muradyan, Spersyan, Agasaryan (Sevikyan, 46), Serobyan (Shagoyan, 46), Oganesyan, Ranos (Eloyan, 65)
Ogohlantirish: S. Muradyan, 70
Portugaliya milliy jamoasi vazifani uddaladi va o‘z maydonida jahon chempionati yo‘llanmasini nishonladi. Roberto Martines shogirdlariga Krishtianu Ronalduning yo‘qligi sezilmadi va armanlar darvozasiga to‘qqizta gol urildi. Irlandiyaga qarshi o‘yindagi qizil kartochka tufayli diskvalifikatsiyaga uchragan portugaliyalik yulduz esa gollari sonini oshirib olish (u minglik dovonni zabt etishga harakat qilmoqda) imkoniyatidan foydalana olmadi. Joau Nevesh va Brunu Fernandesh het-trik nishonladi. «Manchester Yunayted» yarimhimoyachisi uchun bu faoliyatidagi to‘rtinchi (milliy jamoadagi birinchisi) het-trik bo‘ldi. Asosiysi jamoa qatorasiga yettinchi bor jahon chempionatiga boradi, Yevropada bundan yaxshiroq seriya bilan faqat Germaniya, Ispaniya va Fransiya maqtana olishi mumkin.
Vengriya – Irlandiya 2:3
Gollar: Lukach, 3 (1:0). Perrott, 15 – penalti (1:1). Varga, 37 (2:1). Perrott, 80 (2:2). Perrott, 90+6 (2:3)
Vengriya: Dibus, Salai, Orban, Kerkez, Nego (Mochi, 90+3), Soboslai, Shefer (Etvesh, 63), Tot (Bolla, 76), Sholloi (Redzich, 90+3), Lukach (Stayls, 63), Varga
Irlandiya: Kelleher, Kollinz, O`Shi, O`Brayyen (Menning, 46), Kallen (Teylor, 80), Molumbi (Ebosele, 60), Skeyls, Koulman (Kenni, 60), Eyzas, Ogbene (Ida, 53), Perrott
Ogohlantirishlar: Salai, 45. Varga, 90 – Skeyls, 68. Kallen, 78. Ebosele, 89. Perrott, 90
3-turdan keyin atigi 1 ochkoga ega bo‘lgan Irlandiya keyingi 3 turda 9 ochko to‘pladi va o‘tish o‘yinlari orqali jahon chempionati uchun kurashni davom ettiradigan bo‘ldi. G‘alaba suv va havodek zarur bo‘lgan irlandlar Budapeshtdagi hal qiluvchi o‘yinda ham hisobda ortda borayotgandi. Keyin esa Troy Perrott katta sahnaga chiqdi. O‘tgan turda Portugaliyaga qarshi o‘yinda (2:0) dubl qayd etgan hujumchi bu safar birinchi bo‘limda penaltini aniq ijro etdi, keyin esa 80- va 90+6-daqiqalarda gol urdi. Bu o‘yinda durang ham qoniqtiradigan Vengriya yakunda o‘tish o‘yinlarida ishtirok etish huquqidan mahrum bo‘ldi. Vengrlar 1986 yildan buyon jahon chempionatlarini o‘tkazib yubormoqda. So‘nggi ikki o‘yinda besh gol urib, Irlandiya qahramoniga aylangan Perrott endi katta ehtimol bilan katta klublar e’tiboriga tushadi («Tottenhem» tarbiyalanuvchisi bo‘lgan futbolchi hozirda Niderlandiya chempionatida AZ Alkmar klubida to‘p surmoqda).
D guruhi
Ukraina g‘alabani ilib ketdi
Ukraina – Islandiya 2:0
Gollar: Zubkov, 83 (1:0). Gutsulyak, 90+3 (2:0)
Ukraina: Trubin, Zabarniy, Matviyenko, Mikolenko, Konoplya, Kalyujniy, Malinovskiy (Gutsulyak, 77), Yarmolyuk (Shaparenko, 69), Zubkov (Svatok, 87), Tsigankov (Nazarina, 87), Vanat (Yaremchuk, 69)
Islandiya: Oulafsson, Ingason, Magnusson, Ellersson (Tomasson, 86), Palsson, Yoxannesson, A. Gudmundsson, Haraldsson, Torsteynsson (Byarkason, 86), Vidlyumsson (Y. Gudmundsson, 65), Gudyonsen
Ogohlantirishlar: Malinovskiy, 75. Konoplya, 85 – Yoxannesson, 45
O‘tgan tur yakunlariga ko‘ra ochkolari soni bo‘yicha ukrainlarga yetib olgan Islandiyani o‘zaro o‘yinda durang ham qoniqtirgan bo‘lardi. Ammo Varshavadagi o‘yin oxirida tarozi pallasi nominal mezbonlar tomonga og‘ib ketdi. Avvaliga standart vaziyatdan keyin Palsson darvozabon hududidan turib boshda xavfli zarba yo‘lladi, Trubin esa qahramonlik ko‘rsatib, jamoasini o‘yinda olib qoldi. Keyin esa Gutsulyak avvaliga Zubkovni golli pas bilan ta’minladi, qo‘shimcha daqiqalarda o‘zi ham gol urdi. Endi Sergey Rebrov shogirdlari pley-off orqali omadini sinab ko‘radi.
Ozarboyjon – Fransiya 1:3
Gollar: Dadashov, 4 (1:0). Mateta, 17 (1:1). Akliush, 30 (1:2). Magomedaliyev, 45 – avtogol (1:3)
Ozarboyjon: Magomedaliyev (Bayramov, 46), Mustafozoda, Krivotsyuk, Badalov, Mahmudov (Abdullazoda, 66), Haybulayev, Dashdamirov, G. Aliyev, X. Aliyev (Ahmadzoda, 87), Nuriyev (Oxunzoda, 46), Dadashov (Guseynov, 75)
Fransiya: Shevale, Konate, L. Ernandez, T. Ernandez, Gyusto, Tyuram, Zair-Emeri, Nkunku (Sherki, 62), Mateta (Barkolya, 79), Akliush (Toven, 62), Ekitike
Ogohlantirishlar: Krivotsyuk, 39. Haybulayev, 72
Shanba kungi o‘yinlarda Qozog‘iston va Belarus mos ravishda Belgiya va Daniyadan ochko olib, ko‘pchilikni ajablantira olgandi. Bir kun o‘tib MDHning yana bir vakili Ozarboyjon fransuzlarga qarshi o‘yinda bu tryukni takrorlashga harakta qildi. Bokuda o‘tgan o‘yin startida Dadashov Dashdamirovning ideal uzatmasini golga aylantirib, hisobni ochdi. Shu kuni «Uchranglilar» darvozasida debyut qilgan Shevale 4-daqiqadayoq gol o‘tkazib yubordi.
Ammo bo‘lim davomida Fransiya barchasini o‘z joyiga qaytardi va hisobda oldinga chiqib oldi va bunda asosiy ishni Gyusto amalga oshirdi. «Chelsi» himoyachisi avvaliga hisobni tenglashtirgan Matetaga qanotdan uzatma berdi, keyin esa Akliushga milliy jamoadagi birinchi golini urishda yordamlashdi. Gyustoning o‘zi ham nomini tabloga yozdirib qo‘yishi mumkin edi, ammo u gol urgan hujum davomida Nkunku to‘pni qo‘li bilan o‘ynagani ma’lum bo‘ldi. Umuman olganda, arbitr birinchi bo‘limning o‘zida mehmonlarning ikki golini bekor qildi, bo‘lim oxirida yana bir gol bekor qilinishi mumkin edi, ammo VAR aralashuvi bu safar mehmonlar foydasiga bo‘ldi. O‘tgan turdayoq JCh yo‘llanmasini hal qilgan fransuzlar saralash turnirini safardagi ishonchli g‘alaba bilan yakunladi.
I guruhi
28 yillik kutish
Italiya – Norvegiya 1:4
Gollar: Espozito, 11 (1:0). Nusa, 63 (1:1). Holand, 78 (1:2). Holand, 80 (1:3). Larsen, 90+3 (1:4)
Italiya: Donnarumma, Bastoni (Buondjorno, 86), Manchini, Dimarko, Di Lorenso, Lokatelli (Dzakkani, 79), Barella (Richchi, 86), Frattezi (Kristante, 68), Politano, Retegi, Espozito (Skamakka, 79)
Norvegiya: Nyulann, Ayyer, Heggem, Volfe (Estigor, 89), Ryuerson, Berg (Torsbi, 64), Berge, Nusa, Torstvedt (Bobb, 75), Serlot (Osgor, 75), Holand (Larsen, 89)
Ogohlantirishlar: Barella, 45. Bastoni, 67. Espozito, 69 – Larsen, 90
Italiya JChga to‘g‘ridan to‘g‘ri yo‘llanma olishi uchun bu o‘yinda to‘qqiz gol farqi bilan g‘alaba qozonishi talab etilardi. Lekin 11-daqiqada Franchesko Espozito hisobni ochganida italiyalik ashaddiy muxlislar ham hech narsaga umid qilmayotgandi.
Va amalda ham hech qanday mo‘jiza sodir bo‘lmadi va Norvegiya 1998 yildan buyon ilk bor jahon chempionatiga boradigan bo‘ldi. Skandinavlar oxirgi bor Fransiya yashil maydonlaridagi turnirda ishtirok etganida jamoaning hozirgi bosh murabbiyi Stol Solbakken futbolchi sifatida o‘ynardi. Hozirda esa jamoada Edegor, Holand, Torstvedt va Serlot kabi yangi avlod yulduzlari o‘ynamoqda — ular 90-yillardagi jahon chempionatlarida qatnashgan futbolchilarning farzandlari hisoblanadi.
Norveglar ikkinchi bo‘limda o‘yinni kuchaytirishdi va to‘rtta gol urishdi, Erling Holand navbatdagi dublni rasmiylashtirdi va saralash bosqichlaridagi urilgan gollar soni bo‘yicha (16) Levandovskining rekordini takrorladi. Umuman, norveglar 37 gol bilan saralash bosqichidagi eng ko‘p gol urgan jamoaga aylanishdi.
Yirik hisobda yutqazgan «Skuadra adzurra» esa endi o‘tish o‘yinlarida qatnashadi, jamoa bu bosqichda qatorasiga ikki bor muvaffaqiyatsizlikka uchragan JCh-2018 saralashida Shvetsiyaga, JCh-2022 saralashida Shimoliy Makedoniyaga qarshi o‘yinlarda mag‘lub bo‘lib, mundialdan qolib ketgan.
Isroil – Moldova 4:1
Gollar: Turgeman, 21 – penalti (1:0). Nikolaesku, 37 (1:1). Revivo, 65 (2:1). E. Perets, 85 (3:1). Baboglo, 88 – avtogol (4:1)
Isroil: Glazer, Blorian, Lemkin, Revivo, Dasa (Mizrahiy, 46), Biton (Shua, 86), E. Perets, D. Perets (Jobir, 77), Kanichovski (Turiel, 77), Turgeman (Toklomati, 84), Gluh
Moldova: Timbur, Baboglo, Gerasimenkov, Kukosh, Kaymakov, Fratya (Bodishtyanu, 72), Persiun, Bitsa (Bors, 54), Forov (Pletike, 54), Postolaki (Raylyanu, 54), Nikolaesku (Ionitse, 66)
Ogohlantirishlar: Dasa, 34. D. Perets, 45 – Kaymakov, 73. Pletike, 88
Chetlatish: Persiun, 18
Bu o‘yin oldindan quruq rasmiyatchilikka aylangandi. Ikki jamoa ham hatto pley-offda qatnashish imkoniyatini allaqachon yo‘qotgan. O‘yinning 18-daqiqasidayoq Serju Perchun Moldovani ozchilikda qoldirib ketdi va bu bilan amalda o‘yin taqdiri hal bo‘ldi. Avvaliga Dor Turgeman penaltini aniq ijro etib, hisobni ochdi, ammo nominal mehmonlar birinchi bo‘lim davomida hisobni tenglashtirishdi. Ikkinchi bo‘limda esa o‘yin faqat bir darvoza tomonga bo‘ldi – Isroil yana uchta gol urib, hisobni yiriklashtirdi.
K guruhi
Angliyada ideal natija
Albaniya – Angliya 0:2
Gollar: Keyn, 74 (0:1). Keyn, 82 (0:2)
Albaniya: Strakosha, Jimsiti, Ismayli, Aliyi, Xyusay (Baliu, 26), Aslani, Ramadani, Lyachi (Payaziti, 84), Xo‘ja, Bayrami (Broyya, 75), Uzuni
Angliya: Henderson, Kuansa, Stouns, O`Rayli, Bern, Uorton (Anderson, 75), Rays (Saka, 62), Bellinghem (Rodjyers, 84), Bouen (Reshford, 75), Eze (Foden, 62), Keyn
Ogohlantirishlar: Ramadani, 15 – Uorton, 39. Bellinghem, 80
Inglizlar Tiranada Tomas Tuxel davridagi eng kamtarona bo‘limni o‘tkazishdi va tanaffusgacha atigi 0,29 xG ko‘rsatkichini qayd etishdi. Lekin ikkinchi bo‘limda baribir Keynning gol sezish qobiliyati «Uch sherlar»ga saralash turniridagi yuz foizlik natijani taqdim etdi. Harri avvaliga Saka burchakdan oshirgan to‘pni mezbonlar darvozasiga yo‘lladi, keyin esa Reshfordning uzatmasini golga aylantirdi.
Jamoa sakkiz o‘yinda sakkiz g‘alabaga erishdi va bu o‘yinlarda birorta gol o‘tkazmadi – 22:0. Bungacha Yugoslaviya Yevropada saralash bosqichidagi barcha o‘yinlarda quruq g‘alabaga erishgan yagona jamoa bo‘lib turgandi, ammo bolqonliklar JCh-1954 saralashida atigi to‘rt o‘yin o‘tkazgandi. Seshanba kuni Ispaniya inglizlarning natijasini yaxshilashi mumkin, qizil furiya hozirda besh o‘yinda besh g‘alaba va 19:0 ko‘rinishidagi to‘plar nisbatiga ega, lekin ushbu jamoa so‘nggi turni Turkiyaga qarshi safarda o‘tkazadi.
Serbiya – Latviya 2:1
Gollar: Gutkovskiy, 12 (0:1). Katai, 49 (1:1). Stankovich, 60 (2:1)
Serbiya: Raykovich, Pavlovich (Mimovich, 46), Milenkovich, Kostich, Erakovich, Gruich (Gudel, 85), Lukich (Stankovich, 46), Samarjich, Radonich (Katai, 46), Jivkovich, Yovich (Miloshevich, 80)
Latviya: Matrevitss, Veyps, Yurkovskis, Melnik, Tonishev (Yagodinskiy, 78), Savalniyeks, Zelenkov, Vapne (Pulis, 84), Dashkevich (Penkevich, 78), Ikauniyeks (Savelev, 65), Gutkovskiy (Regja, 65)
Ogohlantirishlar: Savalniyeks, 59. Dashkevich, 62
O‘tgan turdayoq serblar guruhda uchinchi o‘rindan yuqoriga ko‘tarila olmasligi ma’lum bo‘lib ulgurgandi va jamoaning yangi bosh murabbiyi Velko Paunovich tajriba qilishni boshlab yubordi. Latviyaga qarshi o‘yin esa juda yomon boshlandi va 12-daqiqadayoq gol o‘tkazib yuborildi. Tanaffusdan keyin esa ikki Aleksandar o‘yinni qutqardi – Katai va Stankovich (Deyanning o‘g‘li) Andriy Jivkovichning uzatmalarini golga aylantirishdi. Lekin bu g‘alaba Serbiyaga hech narsa bermaydi. Ushbu guruhdan pley-offda Albaniya qatnashadi.
Bugundan futbol mavzusiga ko‘proq to‘xtalamiz, jahon chempionati boshlanmoqda axir. Mundial kundaligi ruknida asosan O‘zbekiston milliy jamoasining JChdagi ishtirokiga e’tibor qaratamiz. Birinchi sonimizda jamoamizning eng oxirgi tayyorgarlik doirasidagi ikki o‘yiniga va umumiy jamoaning holatiga to‘xtalmoqchiman.
To‘g‘risini aytay, Kanadaga qarshi o‘yinning ikkinchi bo‘limidan keyin xavotirlanib qolgandim, biroq Niderlandiyadek dunyo futboli giganti bilan o‘yindan keyin Kannavaro boshchilik jamoaga ishonchim oshdi. Bu gapni aytish uchu kechagi o‘yinni kutib turgandim – O‘zbekiston jahon chempionatiga tayyor ekan!
Sovuq dush
Kannavaro O‘zbekiston milliy jamoasini qabul qilib olgandan keyin birorta rasmiy o‘yin o‘tkazilmadi. O‘rtoqlik o‘yinlari bilan esa xulosa qilib bo‘lmaydi. Shu sabab bu murabbiydan nima kutishni ko‘pchilik bilmaydi. U kelganidan buyon faqat iliq so‘zlar eshitdi, tanqid bo‘lmadi, chunki tanqid qiladigan hech narsa yo‘q, go‘yoki barchasi risoladagidek ketayotgandi. Biroq Kanada bilan o‘yin bunday emasligini ko‘rsatib qo‘ydi. Jahon chempionati mezboni jahon darajasidagi jamoaga qarshi o‘yin nimaligini, jahon chempionatida qanaqa raqiblar bo‘lishini ko‘rsatib qo‘ydi. Bu o‘yin jamoamiz uchun sovuq dush bo‘ldi, barcha xatolarimiz, xususan, katta tempga dosh berishda qiynalishimiz ko‘rinib qoldi.
Kannavaro «JChda xato qilgandan o‘rtoqlik o‘yinlarida xato qilgan yaxshi ekanini» aytdi. Kanadaga qarshi yomg‘irli havoda o‘tgan o‘yin biz uchun juda foydali bo‘ldi. Niderlandiya bilan o‘yin mundial oldidan eng oxirgi repititsiya bo‘ldi, shu bilan Meksikada Kolumbiyaga qarshi birinchi tur o‘yinida maydonga tushamiz.
Niderlandiya juda kuchli va to‘g‘ri tanlangan raqib edi, chunki guruhda Yevropaning yana bir jamoasi Portugaliya bilan o‘ynashimiz kerak. Quvonarlisi, Kannavaro boshchilik jamoamiz Niderlandiyadek gigant jamoa bilan juda yaxshi o‘yin ko‘rsatdi. Ayniqsa ikkinchi bo‘lim yakunida ustunlik to‘liq biz tomonda bo‘ldi.
Ha, o‘yinda yutqazdik, lekin raqiblar ikkita golni ham penaltidan urdi. Markaziy himoyachilarimiz ikki penaltiga sababchi bo‘ldi. Biz esa chiroyli hujumdan keyin gol urdik, o‘sha payt ustunlik to‘liq biz tomonda edi. Aytgancha, Niderlandiyaning ikkinchi golini hisoblamaslik kerak edi, menimcha. Chunki Gapko zarbadan oldin pauza qilib oldi, bu esa yangi futbol qoidalariga zid.
E’tibor bering, biz Niderlandiyaga yutqazdik va raqib g‘alaba golini o‘yin tugaganidan keyin belgilangan shubhali penaltidan katta ehtimol qoidaga zid tarzda urdi. Jismonan kuchli, tezkor Yevropa grandiga qarshi o‘yinda ustunlikni qo‘lga olib gol ura olishimiz, o‘yinni nazorat qilishimiz mumkinligini ko‘rdik. Bu o‘yin shaxsan menga yaxshigina umid berdi, endi Kolumbiya bilan ham, Portugaliya bilan ham bemalol o‘ynay olishimizga ishondim.
Murabbiylar shtabi Kanada va Niderlandiya bilan o‘yindagi xatolardan xulosaga chiqarishiga shubha yo‘q. Birinchi o‘yingacha o‘n kun vaqt borligi, bu vaqt ichida futbolchilar Amerika havosi, vaqt tafovutiga yanayam moslashib olgan bo‘lishi inobatga olinsa, mundialdan yaxshi natija kutsak arziydi. Avvali bu biz uchun birinchi jahon chempionati, unda guruhdan chiqolmasak ham, jamoani ayblash adolatdan bo‘lmaydi. Lekin Van Deyk boshchilik Niderlandiya bilan tengma-teng o‘ynay oldikmi, demak natija kutsak ham bo‘ladi!
Aytgancha, tarkibdagi muammolar haqida. O‘ng qanotni kim yopishi hamon noaniq: Alijonov tiklanish jarayonida, Karimov bir necha oy futbol o‘ynamagan. Bu muammolar fonida Aziz Turg‘unboyev qoldirib ketilgani yana muhokama qilinmoqda. Lekin hozir ko‘p jamoada bor bunaqa muammolar. Jahon chempionatida bir futbolchi boshqa futbolchining o‘rnini yopib o‘ynashi yangilik emas. Endi qolganiga qo‘shimcha jarohatlar bo‘lmasa, kifoya.
Futbolchilar hozir faqat tiklanish va Kolumbiyaga qarshi o‘yinga eng yaxshi holatda yetib borishni o‘ylashi kerak. Tarkibdagi muammoni murabbiy o‘zi hal qiladi…
Tramp Amerikaning NBA finaliga tashrif buyurgan ilk prezidentiga aylandi. Bu unchalik to‘g‘ri qaror bo‘lib chiqmadi: avvaliga muxlislar unga hushtakbozlik qilishdi, keyin esa u uxlab qoldi. Qolaversa, uning sevimli jamoasi yutqazib qo‘ydi.
Mark Schiefelbein / AP / Scanpix / LETA
AQSh prezidenti Donald Trampga 8 iyun kuni «Nyu-York Niks» va «San-Antonio Spers» basketbol jamoalari o‘rtasida Nyu Yorkdagi «Medison-skver-garden» stadionida o‘tkazilgan Milliy basketbol uyushmasi (NBA) finalida hushtakbozlik qilindi.
Tramp AQSh tarixida bunday finalga tashrif buyurgan ilk prezident bo‘ldi. U o‘yinni «Niks» jamoasi xo‘jayini Jyeyms Dolanning lojasida o‘z nabirasi Kay va shaxsiy maslahatchisi Boris Epshteyn bilan birga kuzatdi. Tramp – «Nyu York Niks»ning eski muxlislaridan hisoblanadi, u 1990-yillardan buyon ushbu jamoa o‘yinlarini kuzatib keladi.
Trampning tashrifi tufayli stadionda xavfsizlik choralari kuchaytirildi, Nyu York hukumati esa stadion atrofidagi ko‘chada katta ekranlarda o‘yinni namoyish etishni bekor qildi.
O‘yin boshlanishi arafasida milliy madhiya ijro etilayotganida prezidentga hushtakbozlik qilindi. Prezident arenadagi ekranda bir necha soniyaga ko‘rinish berganida muxlislar hushtakbozlik qilishdi – bu vaqtda Tramp tabassum qilib, harbiy salom yo‘llayotgandi. Kameralar «Niks» sportchilariga qaratilganidan keyingina hushtaklar o‘rnini olqishlar egalladi.
Trampning o‘zi bunday qabulga xotirjam munosabatda bo‘ldi. «O‘ylaymanki, bu asosan olqishlar edi», – dedi u o‘yindan so‘ng jurnalistlarga.
O‘yin vaqtida Tramp uxlab ham qoldi.
Tramp va NBA o‘rtasidagi munosabatlar avvaldan yaxshi emas. Milliy basketbol uyushmasi ko‘p yillardan buyon Amerikadagi to‘rtta professional sport ligalari orasida nisbatan «liberal» hisoblanadi, uning ko‘plab sportchilari esa Trampga qarshi chiqishlar qilishadi.
Liganing asosiy yulduzlari – Kevin Dyurant, Stiven Karri, Lebron Jyeyms kabilar prezidentni birinchi prezidentlik muddati davrida ham ko‘p marta tanqid qilishgan. 2017 yilda esa Tramp sportchilarning o‘zi haqidagi keskin fikrlari tufayli NBA chempioni bo‘lgan «Golden Steyt Uorriors» a’zolari uchun Oq uydagi an’anaviy qabulni bekor qilgandi.
Tramp tashrif buyurgan o‘yin to‘rt g‘alabagacha o‘ynaladigan finallar seriyasidagi uchinchi o‘yin bo‘ldi. Bu bahsda «San-Antonio» 115:111 hisobida g‘alaba qozondi. Hozircha «Nyu-York» seriyada hisobda oldinda bormoqda – 2:1. Keyingi bahs 11 iyunga o‘tar kechasi Nyu Yorkda bo‘lib o‘tadi.
Bu safargi final – 1999 yilgi hal qiluvchi seriyaning takrori bo‘lmoqda. O‘shanda ham finalda ushbu jamoalar to‘qnashgan va unda «San-Antonio» 4:1 hisobida g‘alaba qozongandi. O‘tgan vaqt mobaynida «Spers» yana to‘rt marta NBA chempioni bo‘ldi (oxirgi marta – 2014 yilda), «Niks» esa biror marta finallar seriyasiga chiqa olmagan. Ushbu jamoaning oxirgi chempionligi 1973 yilga to‘g‘ri keladi.
JCh-2026 arafasida mojarolar davom etmoqda.
AQSh hukumati va FIFA rasmiylari JCh-2026 arafasida futbol bo‘yicha O‘zbekiston va Senegal milliy jamoalariga ko‘rsatilgan munosabat tufayli tanqidga uchramoqda: ikki jamoa vakillari ham metall detektorlar va iskovuch itlar yordamida qattiq tekshiruvdan o‘tkazilgan.
Ijtimoiy tarmoqlarda tarqalgan videolarga ko‘ra, O‘zbekiston vakillarini Nyu Yorkda, Niderlandiyaga qarshi o‘rtoqlik uchrashuviga yetib kelishgani tekshirishga qaror qilishgan. Videoda jamoa avtobusidan tushib kelayotgan Fabio Kannavaro boshchiligidagi murabbiylar shtabi vakillaridan smartfonlarini berish va cho‘ntaklarini ochib ko‘rsatish so‘ralgani aks etgan.
Shuningdek, jamoa vakillarining sumkalari yerga to‘plangan va iskovuch it yordamida tekshirilgan.
Shundan keyingina jamoaga stadionga kirishga ruxsat berilgan.
O‘z navbatida, Niderlandiya futbolchilari bunday tekshiruvdan o‘tkazilmagan.
Afrikaliklar jamoasi bilan bog‘liq vaziyat esa undan ham o‘tib tushdi – Texas shtati San-Antonio shahridagi aeroportga qo‘ngan futbolchilar samolyotdan tushishi bilanoq tekshirilgan.
Videoda futbolchilar va delegatsiyaning boshqa vakillari to‘g‘ridan to‘g‘ri tekshiruv maydonida sinchiklab tekshiruvdan o‘tkazilayotganini ko‘rish mumkin: xavfsizlik xizmati xodimlari mehmonlarni qo‘l metall detektor bilan tekshirishgan, keyin esa ular oyoq kiyimlarni yechish hamda sumkalarni ochib ko‘rsatishga majburlangan.
Ko‘plab muxlislar bunday choralarni haqoratomuz deb baholamoqda.
Ijtimoiy tarmoq foydalanuvchilari bunday tekshiruvlar Yevropa yoki boshqa qit’alardagi oldingi jahon chempionatlarida kuzatilmaganini qayd etishmoqda. Shuningdek, Afrika va Osiyo vakillariga ayricha munosabatda bo‘linayotgani haqida ayblovlar yangramoqda.
«Bu delegatsiyalarning barchasi ortiga qaytishi va FIFA jahon chempionatini yakka o‘zi o‘tkazishiga qo‘yib berishi kerak. Bu o‘ta qo‘pol hurmatsizlik», – deydi AkumaCelest nikli foydalanuvchi.
«FIFA uyalishi kerak. Bu osiyoliklar, janubiy amerikaliklar va afrikaliklar bilan sodir bo‘ladi. Hech bir yevropalik mulozim yoki sportchi bunday kamsitilishga duchor bo‘lmaydi», – deya uning fikriga qo‘shiladi dimotc.
«Ularga jinoyatchilardek muomala qilishdi. Eron jamoasi bilan yanada yomonroq bo‘ladi», – deya qayd etgan KvThgio.
Bu birinchi mojaro emas
Shu kunlarda somalilik arbitr Umar Artanni AQShga kiritishmagani ma’lum bo‘lgandi. U Afrikaning 2025 yildagi eng yaxshi hakami sifatida e’tirof etilgani va diplomatik pasportga egaligiga qaramay, hech qanday izohsiz unga rad javobi berilgan va Istanbulga qaytarib yuborilgan.
Artan Somalining jahon chempionati o‘yinlariga tayinlanadigan ilk vakili bo‘lishi kerak edi. FIFA bu vaziyatda hech qanday chora ko‘ra olmadi.
«FIFA qabul qiluvchi mamlakatning immigratsiya jarayonlarida, jumladan, viza berish to‘g‘risidagi qarorlarda ishtirok etmaydi va rasmiylar bizga janob Artanning maqomi hozirda o‘zgarmasligini ma’lum qilishdi», – degan federatsiya vakili Sky Spors telekanaliga bergan izohida.
Arbitrning o‘zi yuzaga kelgan vaziyatga qaramay, ijobiy kayfiyatni saqlab qolgan.
«Futbol oilasiga qo‘llab-quvvatlaganlari uchun minnatdorchilik bildiraman, hamkasblarimga jahon chempionatida muvaffaqiyatlar tilayman. Kelgusidagi turnirlarda ularga yana qo‘shilishga umid qilaman», – deya uning so‘zlarini keltiradi Reuters.
Boshqa shov-shuvli holatlar ham bo‘ldi. Xususan, Iroq milliy jamoasi hujumchisi Ayman Husaynni ham uzoq tekshirishdi: Chikago aeroportidagi chegarachilar uni qariyb yetti soat davomida so‘roq qilishgan va shundan keyingina mamlakatga kirishga ruxsat berishgan. Iroqliklar jamoasi fotosuratchisi Talal Salohning esa omadi kelmadi – uni ortga qaytarib yuborishgan.
2026 yilgi jahon chempionati 11 iyun kuni boshlanadi. Ochilish o‘yini Meksika va JAR milliy jamoalari ishtirokida bo‘lib o‘tadi.
Bugun futbol bo‘yicha O‘zbekiston milliy terma jamoasi Niderlandiyaga qarshi o‘rtoqlik o‘yinida maydonga tushadi.
Uchrashuv 23:45 da boshlanadi.
Xabar qilinishicha, uchrashuv yakunlanganidan so‘ng kam o‘yin amaliyotiga ega bo‘lgan futbolchilar ishtirokida 30 daqiqadan iborat qo‘shimcha ikkita bo‘lim o‘tkaziladi.
O‘FA xabariga ko‘ra, ushbu qo‘shimcha bo‘limlar yopiq eshiklar ortida bo‘lib o‘tadi.
2025 yilda Afrikaning eng yaxshi futbol hakami deb topilgan somalilik referi Omar Artanga AQShga kirishga ruxsat berilmadi. FIFA tomonidan 2026 yilgi jahon chempionatida ishlaydigan hakamlar ro‘yxatiga kiritilgan mutaxassis Mayami aeroportida chegara nazoratidan o‘ta olmagan.
Reuters agentligining xabar berishicha, qaror o‘tgan hafta oxirida qabul qilingan. Omar Artan AQShga yetib kelganidan so‘ng mamlakatga kirish huquqidan mahrum qilingan va chegara xizmati tomonidan orqaga qaytarilgan.
FIFA ushbu holat bo‘yicha izoh berib, qabul qiluvchi davlatning migratsiya va viza masalalariga aralashmasligini ma’lum qildi.
«FIFA mezbon mamlakatning immigratsiya tartib-taomillarida, jumladan viza masalalarida ishtirok etmaydi. Vakolatli idoralar bizga janob Artanning maqomi hozircha qayta ko‘rib chiqilmasligini ma’lum qildi», dedi federatsiya vakili.
AQSh Bojxona va chegara xizmati ham bu voqeani tasdiqlagan. Biroq idora bayonotida hakamning ismi ochiqlanmagan va mamlakatga kirish rad etilganining aniq sabablari keltirilmagan. Faqat Mayami aeroportiga kelgan Somali fuqarosiga kirish taqiqlangani ma’lum qilingan.
Omar Artan esa vaziyatga qaramay, faoliyatini davom ettirish niyatida ekanini bildirdi. U o‘zini qo‘llab-quvvatlagan futbol jamoatchiligiga minnatdorlik izhor qildi va hamkasblariga jahon chempionatida omad tiladi.
«Qo‘llab-quvvatlov so‘zlari uchun futbol oilasiga rahmat aytaman. Hamkasblarimga jahon chempionatida muvaffaqiyat tilayman va kelajakdagi turnirlarda ular safiga yana qo‘shilishga umid qilaman», dedi Artan.
Omar Artan Afrika futbol konfederatsiyasi (CAF) tomonidan 2025 yilning eng yaxshi hakami deb e’tirof etilgan edi. U jahon chempionati final bosqichi o‘yinlariga jalb qilingan birinchi somalilik referi sifatida ham tarixga kirgan.
Kuzatuvchilarning fikricha, mazkur qaror sport va migratsiya siyosati kesishgan nuqtada yuzaga kelgan bahsli holatlardan biri bo‘lib, jahon chempionati oldidan katta muhokamalarga sabab bo‘lishi mumkin.
Farg‘ona viloyat sudi raisi va o‘rinbosari lavozimidan ozod etildi
Kredit reytinglarining yaxshilanishi O‘zbekistonga nima beradi?
Koreyaga yuborish va’dasi bilan pul yig‘gan shaxslar qo‘lga olindi
-
Iqtisodiyot5 days agoTBC Bank Group’ga OLX Uzbekistan’ni sotib olishga ruxsat berildi
-
Siyosat5 days agoSaida Mirziyoyeva mintaqaviy yashil tashabbuslarni ilgari surish maqsadida BMT va GEF rahbarlari bilan uchrashmoqda
-
Jamiyat4 days agoToshkentda avtobus orqaga yurayotgan payti piyodani bosib ketdi
-
Siyosat5 days ago
Shavkat Mirziyoyev Gonkong rahbarini qabul qildi
-
Jamiyat4 days agoToshkentda uyni ikki marta sotgan aka-ukaga jinoyat ishi qo‘zg‘atildi
-
Iqtisodiyot5 days agoAESda ishlab chiqarilgan 1 kWh elektr narxi 1000 so‘mdan past bo‘ladi
-
Jamiyat4 days agoQo‘g‘irchoq teatri san’ati an’analarini asrab qolish alohida ahamiyatga ega – Saida Mirziyoyeva
-
Mahalliy4 days ago
Bugun — Jahon atrof-muhitni muhofaza qilish kuni: sayyora bizdan nimani kutyapti?