Jamiyat
O‘zbekistonda kriptovaluta “qazib oluvchi” uskuna ijarasidan daromad olish taklif etilmoqda
Firibgarlik va moliyaviy piramidalardan toliqqan odamlar hayotiga Veemine nomi ostida oson pul topish va’da qilinayotgan yangi cho‘pchak kirib keldi. Yolg‘on ekani yaqqol ko‘rinib turganiga qaramay ushbu loyihaga ishonib, pul tikayotganlar ko‘paymoqda. Huquqni muhofaza qiluvchi organlar ariza tushishini kutib tursa, O‘zbekistonda moliyaviy piramidaga aldanganlarning yangi to‘lqini paydo bo‘lishi mumkin.
{Yii::t(}
O’tkazib yuborish 6s
O’tkazib yuborish
O‘zbekistonda VM, ya’ni Veemine nomi ostida yana bir moliyaviy piramida paydo bo‘ldi. Ushbu loyiha oxirgi bir oyda vodiy viloyatlari va Xorazmda faol targ‘ib qilinmoqda.
VM nima?
Veemine bundan oldin minglab odamlarni chuv tushirib, pulini o‘margan boshqa moliyaviy piramidalardan umuman farq qilmaydigan navbatdagi yolg‘on. Faqat shakl, ya’ni loyihaning moliyaviy piramida ekanini o‘rab turuvchi “to‘n” biroz o‘zgargan.
Masalan, odamlar “Parker” moliyaviy piramidasida powerbank ijarasiga pul tikish orqali katta daromad olishga ishontirilgan bo‘lsa, “Sun Eco”da quyosh panellariga investitsiya kiritib, qisqa fursatda yirik foyda ko‘rish aytilgan. VM’da ayni shu nuqta – odamlarni aldash sxemasi kriptovaluta “qazib oladigan” Veemine nomli uskuna bilan bog‘liq.
Kompaniya 2013 yilda tashkil etilgani va shtab-kvartirasi Buyuk Britaniyada joylashgani aytiladi.
“Blokcheyn sohasida 10 yillik professional tajribaga ega bo‘lgan VM kriptovaluta qazib olish, konchilik hovuzi operatsiyalari va ma’lumotlar markazi xizmatlarini qamrab olgan. Kompaniya BTC, ETC, LTC va boshqalar kabi bir nechta valutalar uchun samarali va xavfsiz qazib olish yechimlarini ta’minlovchi global biznes tarmog‘ini muvaffaqiyatli qurdi. Sanoat mezoni sifatida VM har doim global kriptovaluta bozori va yangi texnologiyalarni barqaror rivojlantirish orqali uzoq muddatli qiymat yaratishga sodiq bo‘lib kelgan”, deya cho‘pchak to‘qilgan ijtimoiy tarmoqlardagi kanallarda.
VM kompaniyasi 2023 yilda O‘zbekistonda milliy strategik tadqiqot loyihasini ishga tushirgani bildirilgan. Biroq birorta rasmiy OAVda ushbu kompaniya va uning O‘zbekistondagi faoliyati haqida xabarlar uchramaydi. Aslida shuning o‘ziyoq VM navbatdagi moliyaviy piramida ekaniga dalil.
“Ish o‘rni yaratamiz”
VM ham oldingi shu kabi loyihalardek O‘zbekistonga “katta maqsadlar bilan kirgani”, “kompaniya bu yerda ko‘plab ish o‘rinlari yaratishi kutilayotgani” ma’lum qilingan.
“VM O‘zbekistondagi uzoq muddatli investitsiya rejasida mahalliy aholiga tog‘-kon mashinalarini ishlatish va texnik xizmat ko‘rsatish, foydani hisoblash va aktivlarni boshqarish kabi to‘liq zanjirli bandlikni qo‘llab-quvvatlashni onlayn va modulli ko‘nikmalarni o‘qitish tizimi orqali taqdim etishni va’da qilmoqda. Bevosita raqamli iqtisodiyot bo‘yicha ko‘proq ish o‘rinlarini yaratishi kutilmoqda”, deyiladi loyiha targ‘ib qilinayotgan kanallardan birida.
VM “yangi ish o‘rni ochish” jumlasini “kompaniyaga a’zo bo‘lish orqali onlayn ishlab daromad olish” fikri bilan asoslaydi. Go‘yoki bu yangi ish o‘rni, ya’ni a’zolik “mijozni” kompaniya xodimiga aylantiradi.
Shuningdek, a’zo bo‘lish uchun ariza berganlarni “kafolatlash hamda ularning kelib chiqishini tekshirish” bahonasida ayrim ma’lumotlarni taqdim etishi kerakligi ko‘rsatilgan. Bu orqali loyiha ortida turganlar ko‘plab insonlarning shaxsiy ma’lumotlarini qo‘lga kiritishi xavfi ham yuzaga kelmoqda.
“Pul tikasiz va daromad ko‘rasiz”
VM odamlarga Veemine qurilmasi “qazib olgan” kriptovalutani haqiqiy pulga aylantirish orqali katta daromad ko‘rishni va’da qilmoqda. Ayni shu nuqtada mazkur moliyaviy piramida ortida turganlarning asl maqsadi O‘zbekistonda “yangi ish o‘rinlarini yaratish” emas, odamlarning pulini o‘marish ekani yaqqol oydinlashadi.
Taklif qilinayotgan daromad ko‘rish sxemasi oldingilari bilan bir xil: qancha ko‘p pul tiksangiz shuncha ko‘p daromad olasiz.
Mijozlarga pul tikish orqali bir necha turdagi qurilmalarni ijaraga olish taklif etilgan. Masalan, ASIC-40 qurilmasi 400 ming so‘mga ijaraga olinsa, 50 kun mobaynida kuniga 18 400 so‘mdan jami 920 ming so‘m daromad ko‘rish va’da qilingan. Ushbu tarifga taklif qilingan har a’zo uchun 40 ming so‘m mukofot puli ham berilishi aytilgan.
Shu tariqa uskunalarning ijara narxi oshib borgan. ASIC-800 qurilmasini 8 mln so‘mga ijaraga olib, kuniga 440 ming so‘mdan 54 kunda 23 mln 760 ming so‘m foyda ko‘rish mumkinligi keltirilgan.
Oddiy mantiq: kompaniya shuncha qurilmaga ega ekan, ular tinmay kriptovaluta “qazib olarkan”, unda nega taklif etilayotgan foydani o‘zi olmay, ijara puliga ko‘z tikmoqda?! Chunki VM orqali aynan ana shu “ijara pullari”ni milliardlarga aylantirib, o‘marish maqsad qilingan.
“Turtkilanayotgan” hislar…
O‘zbekistonda Veemine’ning o‘nlab guruh va kanallari faol yuritilmoqda. Ularga minglab odamlar a’zo bo‘lgan. Ushbu moliyaviy piramida ayniqsa oxirgi bir oyda faol targ‘ib qilina boshlandi.
Hatto ba’zilar odam qo‘shish orqali pul topish maqsadida jamoaviy tadbirlar o‘tkazib, o‘zi bilib-bilmay boshqalarni ham pul tikishga undamoqda.
Bundan tashqari, guruhlarda og‘ir ahvolga tushib qolib, Veemine qurilmasini ijaraga olish orqali boyib ketgan insonlar hayoti misol qilib keltirilmoqda. Albatta, bularning bari yolg‘on. Maqsad – odamlarning hislarini “turtkilash” orqali ularni moliyaviy piramida domiga tortishdir.
Masalan, guruhlardan birida Rustam ismli qashqadaryolik yigit yozilgan. Unda Rustam Veemine kompaniyasida 6 oydan beri ishlashi aytilgan.
“Yarim yil avval uning hayoti parokanda edi: kasal xotini, yig‘layotgan go‘dak, keksa va nogiron ota-ona… Balki uni ijobiy kayfiyatda ushlab turgan hayot tazyiqlari bo‘lgandir. U mening jamoamning eng mehnatkash a’zolaridan biri. Shu olti oyda 300 mln so‘mga yaqin daromad qilganini aytdi. Bugun 38 yoshga to‘ldi va u o‘ziga ikkinchi qurilmani sotib oldi.
Hech kimning hayoti silliq kechmaydi. Xudo bizga hayotimizni yaxshilash uchun ko‘p imkoniyatlar beradi. Ularni qo‘lga kirita olmaganlar doimo o‘zlariga tasalli berish uchun orzu qiladilar”, deyiladi Rustam haqidagi hikoyada.
Aldanuvchi bor ekan, aldovchi topiladi
So‘nggi 2-3 yilda O‘zbekistonda turli moliyaviy piramidalar avj oldi: powerbank ijarasini taklif etgan “Parker”, video ko‘rish orqali pul topishni targ‘ib qilgan HNK, Whats va Aif, tabiat g‘amxo‘ri niqobidagi “Blue culture”, sovg‘a ulashuvchi “Dari poluchay” kabi moliyaviy piramidalarga minglab odamlar aldandi. Hatto chet davlat fuqarolari kelib, o‘zbekistonliklarni millionlab dollarga chuv tushirishdi.
Ba’zi yurtdoshlarimiz “boshlanishida pul beradi, ishlab olaman” degan o‘yda ushbu loyihalar moliyaviy piramida ekanini, ma’lum muddatdan so‘ng yo‘qolib qolishini bilgan holda ularning tegirmoniga suv quyyapti. Bu kabi harakatlar esa yanada ko‘proq odam aldanishiga sabab bo‘lmoqda.
Kun.uz yurtdoshlarimizni doim ogoh bo‘lishga, har bir ma’lumotni tekshirib ko‘rishga, o‘z mablag‘larini shubhali loyihalarga tikmaslikka chaqiradi.
Ruslan Saburov,
Kun.uz
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport4 days ago
EChL 2026/2027. Umumiy guruh bosqichi taqvimi e’lon qilindi
-
Jamiyat4 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Siyosat5 days ago
Prezidentning Mustaqillik bayrami tabrigidan o‘rin olgan asosiy fikrlari
-
Siyosat2 days ago
Шавкат Мирзиёев Бишкекда кутиб олинди
-
Sport4 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat3 days ago
Qonunchilikdagi noaniqliklar tadbirkor foydasiga talqin qilinadi
-
Siyosat3 days ago
Pokiston bosh vaziri bilan uchrashuv o‘tkazildi
-
Mahalliy1 day ago
«Enamdan qolgan dalalar» (Esse)