Iqtisodiyot
O‘zbekiston JSTga a’zolik bo‘yicha yana uch davlat bilan kelishuvga erishdi
Bitimlar Jahon savdo tashkilotiga a’zo bo‘lish jarayoni doirasida tuzildi.
O‘zbekiston Argentina, Avstraliya va Honduras bilan bozorga kirish bo‘yicha ikki tomonlama protokollarni imzoladi. Bitimlar Jahon savdo tashkilotiga a’zo bo‘lish jarayoni doirasida tuzildi.
Prezidentning JST bo‘yicha vakili Azizbek O‘runovning aytishicha, JSTning yana ikki a’zosi bilan ham prinsipial kelishuvlarga erishilgan. Erishilgan kelishuvlarning umumiy soni 29 taga yetdi, yana 3 ta davlat bilan protokollar imzolanishi qoldi.
«Har bir imzo O‘zbekistonni JSTga to‘laqonli a’zolikka yaqinlashtiradi – bu muhim bosqich iqtisodiyotimiz, mintaqamiz va butun dunyodagi savdo hamkorlarimiz uchun yangi imkoniyatlar ochadi», — deb yozadi O‘runov.