Jamiyat
“Oyoqda turolmaydigan darajada mast bo‘lgan”
9 noyabr kuni Andijon viloyati Shahrixon tumani Bobochek mahallasida profilaktika inspektori A’zam Sotvoldiyev mast holatda mashina boshqarib, yo‘lning qarama-qarshi tomoniga chiqib ketgan va skuterda kelayotgan ikki kishini urib yuborgan. Jabrlanuvchilar hamon reanimatsiyada qolmoqda. Viloyat IIB Sotvoldiyev voqeadan ikki kun oldin ishdan bo‘shatilganini aytmoqda.
{Yii::t(}
O’tkazib yuborish 6s
O’tkazib yuborish
Kun.uz suhbatlashgan voqea guvohlariga ko‘ra, 35 yoshli Muhriddin Hamdamov 9 noyabr kuni o‘z ishini yakunlab uyiga qaytayotganda ko‘chada qo‘shnisi 53 yoshli Masxobiddin Jabborovni ko‘rib qoladi va ular skuterda birgalashib uylari tomon yo‘lga chiqishadi.
Yo‘l davomida ularni Maslahattepa mahallasi profilaktika inspektori A’zam Sotvoldiyev Nexia 3 avtomashinasida mast holatda urib ketgan. U yo‘lning qarama-qarshi tomoniga chiqib ketib, qarshisidagi skuterga urilib, uni bir necha metrgacha sudrab ketgani aytilyapti.
Andijon viloyati IIBga ko‘ra, profilaktika inspektori 2025 yil 7 noyabrda, ya’ni voqeadan ikki kun oldin ichki ishlar organlari tizimidan qurolli kuchlar zaxirasiga bo‘shatilgan.
Kun.uz muxbiri Shahrixonda bo‘lib hodisa tafsilotlarini o‘rgandi.
Muhriddin Hamdamov:
“O‘sha kuni skuterda ketayotgan edik. Hech qancha yurmasimizdan, ro‘paramizdan bizga qarab mashina kelayotganini ko‘rdim. O‘sha mashina bizga kelib urildi. O‘zining yo‘lidan emas, bizning yo‘limizdan yurib keldi. Xushimga kelganimda urib yuborgan mashinadan 30-40 metr uzoqda edim, shekilli. Skuterda qo‘shnimni surib olib ketgan ekan.
O‘zimga kelganimda atrofda to‘plangan odamlar uchastkavoy ichib olibdi, oyog‘ida zo‘rg‘a turibdi, deyishdi. Haqiqatan ham uchastkavoy mashinasining oldida nima bo‘lganini o‘zi ham anglolmay, gapirayotgan gapini ham bilmay turgan edi”, deydi jabrlanuvchi Muhriddin Hamdamov.
Muhriddin Hamdamovning akasi: “Moddiy tomondan hech kim yordam bermayapti”
“9 noyabr kuni ukangizni mashina bosib ketdi, degan xabar keldi. Zudlik bilan shifoxonaga yetib bordim. Ukamning holati og‘ir ekan, darhol reanimatsiyaga bo‘limiga olib kirishdi. Qo‘shnimiz Masxobiddin aka skuterni boshqarib ketayotgan ekan, orqasida ukam bo‘lgan. Uchastkavoy A’zam Sotvoldiyev mast holatda Nexia 3 mashinasida yo‘lning qarama-qarshi tomoniga chiqib ketib skuterga kelib urgan. Guvohlarning aytishicha, uchastkavoy skuterdagi qo‘shni aka va ukamni 15 metrdan oshiq masofagacha sudrab borib, og‘ir avtoavariya holatini sodir qilgan. Buning orqasidan ukam va qo‘shnimiz shu kungacha Shahrixon tumanining reanimatsiya bo‘limida davolanyapti.
Masxobiddin Jabborov
Muhriddin Hamdamov
Masxobiddin akaning boshi ochilib ketib, koma holatida yotibdi, o‘ziga kelgani yo‘q. Ukam Muhriddin Hamdamovning yettita qovurg‘asi singan, bosh suyagi darz ketgan.
Dori-darmonni shu kungacha o‘zim pulimga sotib olib chiqib beryapman. Moddiy tomondan hech kim yordam bermayapti. O‘sha kuni uchastkavoy oyoqda tura olmaydigan darajada mast bo‘lgan”, deydi jabrlanuvchi Muhriddin Hamdamovning akasi Husniddin Hamdamov.
Husniddin Hamdamov, jabrlanuvchi Muhriddin Hamdamovning akasi
Masxobiddinni Jabborovning rafiqasi: “Uchastkavoy o‘sha kuni formada bo‘lgan”
“9 noyabr kuni turmush o‘rtog‘im Masxobiddinni Jabborov ishdan kelayotgan paytda “Maslahattepa” MFY uchastka noziri mast holatda mashina boshqarib, avtohalokatga uchratgan. Miyasini pachoqlab yuborgan. Ko‘rsangiz qo‘rqadigan darajada edi. Turmush o‘rtog‘imning holati o‘ta og‘ir. To‘qqiz kundan beri kutib o‘tiribmiz, o‘ziga kelgani yo‘q. Bizga hech qanday bir najot yo‘q. Boquvchimni yo‘qotyapman. Tinchligimizni ta’minlaydigan xodimning o‘zi birovning yostig‘ini quritib yuraversa? Xodim formada ichib yurishi to‘g‘rimi?
Viloyat ichki ishlar boshqarmasi rasmiy bayonot bildiryapti, profilaktika inspektori faqat bir kishini urib yuborgan deb. 9 noyabr kuni kechqurun formadagi odam qanday qilib 7 noyabr kuni ishdan bo‘shatiladi? Formada turibdi-yu.
Bizga moddiy yordam berilmayapti. Urib yuborgan uchastkavoyning qayerdaligini bilmaymiz”, deydi jabrlanuvchi Masxobiddin Jabborovning turmush o‘rtog‘i Gulbahor Rahmatullayeva.
Gulbahor Rahmatullayeva, jabrlanuvchi Masxobiddin Jabborovning turmush o‘rtog‘i
Muhriddin Hamdamovning onasi: “Shifokorlar yana ikki marta operatsiya bo‘ladi deyishyapti”
“O‘g‘limning yettita qovurg‘asi, o‘mrov suyagi singan. Shifokorlar yana ikki martadan operatsiya bo‘ladi deyishyapti. Ichki ishlar xodimi nima uchun mast holatda mashina boshqaradi? Qilmishiga yarasha qonuniy jazo berilsin. 9 noyabr kuni avariya qilgan bo‘lsa, ikki kun oldin xodimni ishdan chiqdi, formani yechdi, deb rasmiy xabar chiqyapti. U kuni formani yechgan, ishdan chiqqan bo‘lsa, ichki ishlar xodimining formasida bo‘kib ichib avariya qilganini ko‘rganlar qancha? Nahotki buni yashirishayotgan bo‘lsa? Nimaga yashiradi? Javob bersin”, – deydi jabrlanuvchi Muhriddin Hamdamovning onasi Dilfuzaxon Rahimova.
Dilfuzaxon Rahimova, jabrlanuvchi Muhriddin Hamdamovning onasi.
Shifokor: Jabrlanuvchilardan birining ahvoli og‘ir, ikkinchisiniki qoniqarli
“9 noyabr kuni soat 19:40 larda bo‘limimizga avtoavariya bilan ikki bemor keldi. Bemorlarimizning birinchisi Muhriddin Hamdamov 1990 yil tug‘ilgan. Unga qovurg‘aning yopiq sinishi tashxisi qo‘yildi, bugungi holati qoniqarli.
Ikkinchi bemorimiz Masxobiddin Jabborov 1972 yil. Unga bosh miya asosining sinishi, lat yeyishi, shishishi tashxisi qo‘yilgan. Hozirgi kunda koma holatda, koma to‘rt deymiz. Sun’iy nafasga ulangan. Hozirgi kundagi ahvoli og‘ir”, deydi reanimatsiya-anesteziologiya bo‘limi mudiri Muzaffar Mo‘minov.
Muzaffar Mo‘minov, reanimatsiya-anesteziologiya bo‘limi mudiri
Ayni paytda holat bo‘yicha Shahrixon tumani prokuraturasi tomonidan tergovga qadar tekshiruv harakatlari olib borilmoqda.
Sarvar Ziyoyev,
Sardor Mamirov,
Kun.uz
O‘zbekistonda aholining o‘rtacha umr ko‘rish davomiyligi izchil o‘sib bormoqda. Milliy statistika qo‘mitasi ma’lumotlariga ko‘ra, 2025 yilda ushbu ko‘rsatkich 75,4 yoshga yetgan bo‘lib, bu 1991 yilga nisbatan 9 yoshga ko‘pdir.
Milliy statistika qo‘mitasi ma’lum qilishicha, 2025 yil yakuniga ko‘ra, O‘zbekistonda doimiy aholining o‘rtacha umr ko‘rish davomiyligi 75,4 yoshni tashkil etgan.
Statistik ma’lumotlarga ko‘ra, mustaqillikning dastlabki yillarida bu ko‘rsatkich ancha past bo‘lgan. Xususan, 1991 yilda aholining o‘rtacha umr ko‘rish davomiyligi 66,4 yoshni tashkil etgan. Shu tariqa, so‘nggi 34 yil ichida mazkur ko‘rsatkich 9 yoshga oshgan.
Yillar kesimidagi dinamikaga nazar tashlansa, 1995 yilda o‘rtacha umr ko‘rish davomiyligi 69,1 yosh, 2000 yilda 70,8 yosh, 2005 yilda 71,8 yosh, 2010 yilda 73 yosh, 2015 yilda 73,6 yoshni tashkil etgan.
2020 yilda bu ko‘rsatkich 73,4 yoshgacha biroz pasaygan bo‘lsa-da, keyingi yillarda yana o‘sish kuzatildi. Jumladan, 2024 yilda o‘rtacha umr ko‘rish davomiyligi 75,1 yoshga, 2025 yilda esa 75,4 yoshga yetgan.
Mutaxassislar bunday o‘sishga sog‘liqni saqlash tizimidagi islohotlar, tibbiy xizmatlar qamrovining kengayishi, profilaktika choralarining kuchaytirilishi hamda aholining turmush sifati yaxshilanib borayotgani kabi omillar ta’sir ko‘rsatganini qayd etadi.
Toshkent shahrining Yunusobod tumanida hovlidagi hojatxona chuquriga tushib ketgan 5 yoshli qizaloq Favqulodda vaziyatlar vazirligi qutqaruvchilari tomonidan tezkorlik bilan qutqarildi. Bolaga voqea joyida tibbiy yordam ko‘rsatildi, hozirda uning ahvoli yaxshi.
Favqulodda vaziyatlar vazirligi ma’lum qilishicha, hodisa 25 iyun kuni soat 17:33 da Yunusobod tumanidagi Obiravon ko‘chasida joylashgan xususiy uylardan birida sodir bo‘lgan.
Dastlabki ma’lumotlarga ko‘ra, 2021 yilda tug‘ilgan qizaloq ehtiyotsizlik va nazoratdan chetda qolgani oqibatida hovlidagi hojatxona chuquriga tushib ketgan.
Xabar kelib tushgach, Toshkent shahar Favqulodda vaziyatlar boshqarmasi qutqaruvchilari zudlik bilan voqea joyiga yetib borib, qutqaruv ishlarini boshlagan. Qutqaruvchilardan biri hojatxona chuquriga tushib, bolani xavfsiz tarzda yuqoriga olib chiqqan.
Shifokorlar tomonidan qizaloqqa voqea joyining o‘zida birinchi tibbiy yordam ko‘rsatilgan. Shundan so‘ng u yaqinlariga topshirilgan. Ma’lum qilinishicha, hozirda bolaning sog‘lig‘i qoniqarli.
Favqulodda vaziyatlar vazirligi ota-onalarga farzandlarini nazoratsiz qoldirmaslik, ayniqsa hovlilardagi quduq, hojatxona va boshqa xavfli joylar atrofida bolalar xavfsizligiga alohida e’tibor qaratish zarurligini eslatdi.
Prezident Shavkat Mirziyoyev Namanganga tashrifi asnosida an’anaviy gullar festivaliga tashrif buyurdi.
Festival muddati 2018-yildagi 3 kundan 2025-yilda 40 kunga uzaytirilgani natijasida xorijlik sayyohlar soni 25 mingdan 800 ming nafarga, mahalliy turistlar esa 6,4 million nafarga yetdi.
Navbatdagi maqsad – 50 dan ortiq davlatdan 1 million nafar xorijiy va 7 million nafar mahalliy turistni jalb etish, 150 dan ziyod tadbir o‘tkazish hamda xizmatlar hajmini 8 trillion so‘mga yetkazish.
Joriy yil 24-maydan 12-iyulga qadar davom etadigan 65-xalqaro gullar festivali ham o‘zgacha shukuh bilan o‘tmoqda
Festival «Ginnessning rekordlar kitobi»ga rasman kiritildi. Uning doirasida kitob vakillari bir oy davomida Namangan shahri aholisi tomonidan 29 milliondan ziyod gul ko‘chati qo‘lda ekilishi jarayonini kuzatdi. Natijada jahon rekordi qayd etildi.
Namangan shahrining 45 ta mahallasi gulchilikka ixtisoslashtirilib, 16 ming xonadon qamrab olindi, 21 ming nafar aholining bandligi ta’minlandi. Ushbu xonadon tomorqalarida mart-aprel oylarida 4 ming 683 ta issiqxona tashkil etilib, 120 million dona gul ko‘chati yetishtirildi. Odamlar qo‘shimcha 300 milliard so‘m daromadga ega bo‘ldi.
Davlatimiz rahbari festival doirasida barpo etilgan gul kompozitsiyalari, mavzuli maydonlar va ko‘rgazmalarni ko‘zdan kechirdi. Gulchilik bilan shug‘ullanayotgan aholi, tadbirkorlar, festival ishtirokchilari va mehmonlarni qutladi.
Koreya davlatiga ishga yuborish bilan bog‘liq firibgarlik holatlari aniqlandi.
Bosh prokuratura huzuridagi Departamentning Toshkent viloyati boshqarmasi tomonidan o‘tkazilgan tergovga qadar tekshiruvda fuqaro T.T. 12 nafar fuqaroning ishonchiga kirib, ularni Koreya davlatiga ishga yuborishini aytib, 38 000 AQSh dollarini firibgarlik yo‘li bilan qo‘lga kiritib, ushbu pullarni muqaddam Migratsiya Agentligida ishlagan A.A.ga (muqaddam JKning 168 va 211-moddalari bilan sudlangan) berganligi aniqlangan.
Departamentning Marg‘ilon shahri bo‘limi tomonidan o‘tkazilgan tergovga qadar tekshiruvda fuqaro I.R. (muqaddam sudlangan) 2 nafar fuqaroni Koreya davlatiga ishga yuborishini va’da qilib, ulardan jami 3 500 AQSh dollarini firibgarlik yo‘li bilan qo‘lga kiritganligi aniqlanib, ushbu pullar hisobidan 3 mln so‘mning qaytarilishi protsessual tartibda rasmiylashtirilgan.
Departamentning Dehqonobod tumani bo‘limi tomonidan o‘tkazilgan tergovga qadar tekshiruvda fuqarolar I.X. (muqaddam JKning 168-moddasi bilan sudlangan) va A.K. migratsiya agentligida ishlovchi tanishlari orqali fuqaro B.T.ni Koreya davlatiga ishga yuborishlarini aytib, 2 000 AQSh dollari va 36 mln so‘mni firibgarlik yo‘li bilan qo‘lga kiritganliklari aniqlangan.
Departamentning Xonobod shahri bo‘limi tomonidan o‘tkazilgan tergovga qadar tekshiruvda fuqaro A.A. (muqaddam JKning 168-moddasi bilan sudlangan) 3 nafar fuqaroni Koreya davlatiga ishga yuborishi uchun viza olib berishini aytib, 2 500 AQSh dollari va 11 mln so‘mni firibgarlik yo‘li bilan qo‘lga kiritganligi aniqlanib, ushbu pullar hisobidan 1 000 AQSh dollarining qaytarilishi protsessual tartibda rasmiylashtirilgan.
Departamentning Do‘stlik tumani bo‘limi tomonidan o‘tkazilgan tergovga qadar tekshiruvda fuqaro Yu.L. (muqaddam sudlangan) 11 000 AQSh dollari evaziga fuqaro U.F.ni migratsiya agentligida ishlovchi tanishlari orqali Koreya davlatiga ishga yuborishini va’da qilib, shundan 2 300 AQSh dollarini firibgarlik bilan qo‘lga kiritganligi aniqlangan.
Departamentning Bog‘ot tumani bo‘limi tomonidan o‘tkazilgan tergovga qadar tekshiruvda fuqaro X.K. 3 500 AQSh dollari evaziga fuqaro A.A.ni Koreya davlatiga ishga ketishi uchun o‘tkaziladigan imtihonlaridan ijobiy natijalar bilan o‘tkazib berishini aytib, kelishilgan puldan 1 000 AQSh dollarini firibgarlik yo‘li bilan qo‘lga kiritganligi aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
O‘zbekiston prezidenti matbuot va OAV xodimlarini kasb bayrami bilan tabrikladi.
Foto: Prezident matbuot xizmati
Prezident Shavkat Mirziyoyev 27 iyun – Matbuot va ommaviy axborot vositalari xodimlari kuni munosabati bilan soha vakillariga bayram tabrigini yo‘lladi.
Davlat rahbari tabrigida mamlakatning bosma va internet nashrlari, teleradiokanallar, axborot va media xizmatlari, nashriyot hamda matbaa korxonalarida faoliyat yuritayotgan ijodiy va texnik xodimlar, jurnalistlar hamda soha faxriylarini samimiy qutladi.
Prezident jurnalistlarni o‘zining doimiy maslakdoshi va jonkuyar do‘sti deb bilishini ta’kidladi.
Qayd etilishicha, bu yilgi kasb bayrami milliy matbuot tarixidagi muhim sanalar – jadidlar tomonidan «Taraqqiy» gazetasi tashkil etilganining 120 yilligi hamda O‘zbekistonda ilk radioeshittirishlar boshlanganining 100 yilligi arafasida nishonlanmoqda.
Tabrikda so‘nggi yillarda mamlakatda so‘z erkinligini ta’minlash, ommaviy axborot vositalarini qo‘llab-quvvatlash, davlat organlari faoliyatining ochiqligini kengaytirish, axborot sohasini raqamlashtirish va zamonaviy mediamakonni shakllantirish bo‘yicha amalga oshirilgan ishlar qayd etildi.
Prezidentning ma’lum qilishicha, bugungi kunda mamlakatdagi qariyb 2 ming 700 ta ommaviy axborot vositasining 67 foizi, noshirlik sub’yektlarining 90 foizdan ortig‘i va matbaa korxonalarining 83 foizi nodavlat sektor hissasiga to‘g‘ri keladi. Shuningdek, joriy yilda nashriyotlarning ishlab chiqarish quvvati o‘tgan yilga nisbatan ikki barobar oshib, 15 ming nomdagi 60 milliondan ortiq nusxada kitob nashr etilgan.
Davlat rahbari axborot oqimi ortib, dipfeyk texnologiyalari keng tarqalayotgan sharoitda ishonchli manbalarga tayanish muhim ahamiyat kasb etayotganini ta’kidladi. Shu bilan birga, qisqa vaqt ichida 10 ming nafar yoshni qamrab oladigan zamonaviy media-ta’lim tizimi shakllantirilgani qayd etildi.
Shavkat Mirziyoyev erkin va mas’uliyatli, xalqchil jurnalistikani davlat va jamiyat taraqqiyotining muhim sharti deb atab, jurnalistlarning huquq va manfaatlarini himoya qilish, ijtimoiy qo‘llab-quvvatlash, malakasini oshirish hamda mehnatini rag‘batlantirishga qaratilgan yangi chora-tadbirlar amalga oshirilishini bildirdi.
Shuningdek, prezident O‘zbekiston Jurnalistlar uyushmasi faoliyatini takomillashtirish, uning nufuzini oshirish va jurnalistlarni huquqiy hamda axborot-texnologik jihatdan qo‘llab-quvvatlash muhim vazifalardan biri ekanini ta’kidladi.
Tabrik so‘zi yakunida davlat rahbari kasb bayrami munosabati bilan davlat mukofotlariga sazovor bo‘lgan soha xodimlarini qutlab, barcha jurnalistlarga mustahkam sog‘liq, oilaviy baxt va ijodiy muvaffaqiyat tiladi.
34 yilda 9 yoshga o‘sish: o‘zbekistonliklar uzoqroq umr ko‘rmoqda
Yunusobodda hojatxonaga tushib ketgan bola qutqarildi
Qirgʻiziston va Oʻzbekiston chegarani delimitatsiya qilish doirasida hudud almashadilar
-
Sport4 days ago🔴 LIVE: AQSh-Eron muzokaralari va Starmer iste’fosi
-
Siyosat5 days agoPrezident Mirziyoyev Ozarbayjon elchisini oʻz nihoyasiga yetgan “Mehnat Shufrati” ordeni bilan taqdirladi
-
Siyosat4 days ago
O‘zbekiston uchun nimalar muhim? (video)
-
Iqtisodiyot5 days agoMurojaatlar bo‘yicha eng salbiy ko‘rsatkichga ega bo‘lgan banklar ro‘yxati e’lon qilindi
-
Iqtisodiyot4 days ago
Octobank xalqaro hamkorlikni va global kapital bozorlariga kirishni kengaytirmoqda: TXIF-2026 natijalari
-
Jamiyat2 days ago«Andijon polkasi» tadbiriga ketayotgan o‘quvchilar YTHga uchradi
-
Jamiyat5 days agoO‘zbekistonda aholiga tegishli avtomobillar soni qariyb 5 millionga yetdi
-
Sport4 days agojahon chempionatlari tarixidagi eng yaxshi to‘purar