Jamiyat
ovqat yetkazib beruvchi firma tendersiz tanlangan, kim aybdor?
“Garden Catering Trade” MChJ Farg‘ona va Quvasoy shaharlaridagi davlat bog‘chalariga keytering asosida ovqat yetkazib beradi. Qizig‘i, kelib chiqishi Quvasoy hokimi Zafarjon To‘raqulov bilan bog‘lanishi mumkin bo‘lgan bu firma hech qanday tanlovsiz viloyat hokimi imzolagan qaror bilan ushbu imkoniyatni qo‘lga kiritgan. Farg‘onalik shifokor va ayni keytering loyihasining muallifi Muazzam Ibrohimova hududda zaharlanish yuzaga kelishi haqida anchadan beri aytib kelardi. “Bolalar ovqatlanishini biznes qilmanglar, iltimos. Bu shaxslar jazolanishi shart”, deydi u Kun.uz bilan bo‘lgan suhbatda.
Farg‘ona shahridagi bir nechta bog‘chada bolalarning ommaviy zaharlanishi kuzatildi. Oxirgi ma’lumotlarda shifoxonada 70 dan ortiq bola qolayotgani, mas’uliyatni hech kim bo‘yniga olmayotgani aytiladi. Xo‘sh, bunga aslida kim javobgar? Kun.uzʼning navbatdagi materiali shu haqda.
“Garden Catering Trade” MChJ haqida
Gap shundaki, Kun.uz bu mavzuni birinchi marotaba ko‘tarayotgani yo‘q. Aynan zaharlanish kuzatilgan Farg‘onadagi davlat bog‘chalariga ovqat yetkazib beruvchi firma, “Garden Catering Trade” MChJ haqida avvalroq surishtiruv qilgandik.
Ayni keytering loyihasi uchun 2024 yil aprel oyida qo‘shma korxona sifatida “Turan Catering International” MChJ tashkil etilgan. Unga avvaliga 3 ta ta’sischi: turk investorlari (50 foiz), Muazzam Ibrohimova (10 foiz) va Quvasoy hokimi Zafar To‘raqulovning qarindoshi Elbek Jo‘rayev (40 foiz) egalik qilgan.
Bu firma yopilgach, keyin umuman boshqa “Garden Catering Trade” MChJ ochilgan. Kompaniya Iqboljon Bozorov va Yildirim Ademning teng sherikligida bo‘lgan. Hozirga kelib esa firma qo‘shma korxona emas, u 100 foizlik ulush bilan Iqboljon Bozorovga tegishli. 25 fevral sanasida Statistika agentligi bazasidan olingan so‘nggi ma’lumotga ko‘ra, firmaning ta’sischisi Mo‘ydinjon G‘ofurovga o‘zgargan. Nega Iboljon Bozorov ta’sischilikdan chiqib ketgani noma’lum. Hujjatlarga ko‘ra, firmaga Shavkat Turdialiyev rahbarlik qilmoqda.
“Turan Catering International” ham, “Garden Catering Trade” ham bir manzil, ya’ni Quvasoy shahrining “Pakana” MFY Nurli yo‘l ko‘chasi 405A-uyda joylashgani qayd etilgan. Bundan ko‘rinadiki, ikkalasi ham nomi boshqa, lekin bitta firma hisoblanadi.
Firma tendersiz tanlab olingan
O‘zbekistonning deyarli barcha hududida bog‘chalar ta’minoti autsorsing – ya’ni mahsulotlar yetkazib berish tartibida ishlasa, Farg‘ona viloyatining ayrim tumanlari keytering – tayyor ovqat yetkazib berish tartibida amal qiladi. Farg‘onadagi keytering xizmatini ana shu “Garden Catering Trade” MChJ amalga oshiradi.
Unga bunday eksklyuziv huquqni Farg‘ona viloyati hokimi Xayrulla Bozorov 2024 yil 25 iyuldagi qarori bilan taqdim qilgan. Hujjatga ko‘ra, aynan o‘sha yili 1 avgustdan boshlab Quvasoy shahridagi davlat bog‘chalarida 5 oy muddatga keytering tizimi joriy etilishi, taomlarni tayyorlash va yetkazish bilan esa Quvasoydagi “Garden Catering” qo‘shma korxonasi shug‘ullanishi bo‘yicha takliflar ma’qullangan. Yil yakuniga qadar tizim Farg‘ona shahridagi davlat bog‘chalarida ham tashkil etilishi belgilangan. Shunday qilib, firma Farg‘ona va Quvasoy shaharlaridagi bog‘chalarning ovqat yetkazib beruvchisiga aylangan.
Qonunchilikka tayanilsa, autsorsing asosida ishlovchi firmalar davlat xaridlarini tender asosida yutib olishi talab qilinadi. Keyteringga oid tartib esa biror hujjatda qayd etilmagan. Katta ehtimol rasmiylar mana shu lozeykadan foydalanib qolgan bo‘lishi mumkin.
Quvasoy shahar hokimligi matbuot kotibi Dilmurod Jumaboyev o‘sha vaqtda tenderga oid so‘rovlarimizga javoban Farg‘ona vodiysida keytering xizmatini ko‘rsatuvchi korxona yo‘qligi, hududdagi bog‘chalarda ovqatlanish tizimi qoniqarsiz holatga kelgani sababli “Garden Catering” qo‘shma korxonasi 5 oylik sinov uchun tanlab olinganini aytgandi.
Tahririyat o‘zining dastlabki surishtiruvida aynan “Turan Catering International” firmasining avvalgi ulushdorlaridan biri Elbek Jo‘rayev Quvasoy shahar hokimi Zafarjon To‘raqulovga aloqador ekanini dalillar bilan ko‘rsatgandi. Ammo bu sanab o‘tilgan holatlarning birortasiga na Korrupsiyaga qarshi kurashish agentligi, na IIV va na Bosh prokuratura e’tibor qaratdi. Oqibatda esa yana o‘sha muammo – bolalarning ommaviy zaharlanishi yuzaga keldi.
“Hech bo‘lmasa shu sohani yemasdan, halol, to‘g‘ri ishlata olmaymizmi?”
Keytering loyihasining asli muallifi, farg‘onalik shifokor Muazzam Ibrohimova bunday muammo yuzaga kelishi mumkinligini avvaldan taxmin qilganini aytadi.
“Farg‘ona viloyatidagi maktabgacha ta’lim muassasasi tarbiyalanuvchilari o‘rtasida ro‘y bergan ovqatdan zaharlanish haqidagi xabarni eshitib, larzaga tushdim, to‘g‘risi. Lekin bu haqida bir necha marta ogohlantirganman. Aytish joizki, ikki yildan beri tinmay ogohlantirib kelardim.
Bu loyiha, ya’ni biz tashkil qilgan “Turan Catering International” loyihasi umuman sohasiga begona va bu sohani yaxshi bilmaydigan odamlarning qo‘liga o‘tib ketgani haqida bir necha marta aytganman, yozganman. Lekin ming afsuski, hattoki prezidentga yozgan shikoyatlarimga ham xuddi mazax qilgandek Zafarjon To‘raqulovdan (Quvasoy shahar hokimi), yo Farg‘ona viloyati hokimligidan javob qaytgani judayam insoniylikdan tashqari narsa edi.
Men aynan o‘sha xatlarimda bolalar zaharlanishi mumkin, bular mutaxassis emas, bular bolalar uchun keytering qilgan odamlar emas, deb bong urganman, bilasizmi? Bu bolalar vafot etishi ham mumkin edi. O‘tkir diareyani qarang, qayt qilyapti, bolaning qayta-qayta isitmasi chiqyapti. Hech bo‘lmasa shu sohani yemasdan, halol, to‘g‘ri ishlata olmaymizmi? Bu sohada aynan shu To‘raqulovga o‘xshagan odamlarning qo‘li bo‘lmasa, soha g‘ildiragi yurmay qoladimi?
Bilasizmi, bolalar taomlanishi, bolalarni ovqatlantirish biznes bo‘lishi kerak emas. Bu sog‘liqni saqlash tizimining bitta bo‘lagi bo‘lishi kerak. Chunki aynan noto‘g‘ri ovqatlanish tufayli turli xil kasalliklar kelib chiqyapti. Turan Cateringʼni tashkil qilishimdan ham yagona maqsadim bor edi: bolalar taomlarini individual, salomatligiga moslab turib va o‘sha orqali har xil og‘ir kasalliklarning oldini olish edi. Bolalarni jismonan, ruhan sog‘lomlashtirish edi. Lekin bu loyihani bizdan o‘g‘irlagan nokaslarning umuman niyati boshqa bo‘lgan”, – deydi u.
Ibrohimovaning qo‘shimcha qilishicha, aynan shu firmaning taomini hozirda 45 ming nafar bola iste’mol qiladi. Ularda ayni ovqatlardan zaharlanish holatlari avval ham uchragan, ammo ishlar yopdi-yopdi qilingani aytilmoqda.
“Masalan, bitta brutsellyozli tuxum agar go‘shtning ichiga tushib qolsa yoki bo‘lmasam, qanaqadir mikrobi bor ko‘kat, sabzavotlar, yana bir boshqa mahsulotlarning ichiga tushib qolsa, bu yerda tizimli zaharlanish kelib chiqadi, bolalar zaharlanadi. Bolalar qo‘y, mol, eshak emas. Bolalarni har tomonlama himoya qilish uchun ham talabga, sanitariya-gigiyenik talablariga mos keladigan jihozlarni qo‘yaylik, deb men aytganman. Buni turkiyalik investorlarimiz ham aytishgan. Lekin ming afsus, umuman bu talablarga javob bermaydigan holatda ishlashgan.
Bog‘chalarga ovqat tashishi kerak bo‘lgan maxsus termal idishlarning eng yaxshisini, talabga javob beradiganini, temperaturani bir xilda saqlab, achitmasdan olib boradiganini biz sal qimmatrog‘ini tanlab qo‘yganimizda, “eh, buning ikki baravar arzoni Xitoydan ham kirib keladi”, deb mana, nimaga olib keldi.
Bu yerda bitta yagona aybdor bor. U ham bo‘lsa, Quvasoy shahar hokimi Zafarjon To‘raqulov. Chunki “Turan Catering”ga ham o‘zining jiyanini tiqqandi. 40 foiz ulushni berasan, deb oxiri hammamizni haydab chiqarib, loyihamizni o‘g‘irlab, ham o‘sha Pakana mahallasida, ham Buvaydada ikkita keyteringni qilib, o‘zining qarindosh-urug‘i yoki bilmayman [kiritgan], hozir Iqbol Bozorov degan[i bo‘lgan], hatto bu inson haqida ham yaxshiroq surishtirib ko‘rishingizni xohlayman.
Xullas, bolalar ovqatlanishini biznes qilmanglar, iltimos. Bu shaxslar jazolanishi shart. Mana, elektrdan yaqinda 9 milliard so‘mlik qarzlari bor. Ancha ishchilarni haydashgandi, ancha oshpazlarni, haydovchilarni bo‘shatishgandi va bilasizmi, o‘sha yerda ishlab kelayotgan, ishlab haydalgan sobiq ishchilar, oshpazlar bilan gaplashganimda shunday bir qo‘rqinchli gaplarni gapirishadiki, men qo‘rqib ketgandim. Shuning uchun qayta-qayta yozayotgandim”, – deydi Ibrohimova.
Suhbatdoshimiz bu holatlarga tegishli organlarning sergak bo‘lib, chora ko‘rishini qat’iy so‘rab talab qilmoqda.
Eslatib o‘tamiz, Maktabgacha va maktab ta’limi vazirligi esa “Garden Catering Trade” korxonasi faoliyatini o‘rganib, xizmatlarida bir qancha talablarga rioya qilinmagani, xususan, taomlarning retseptura to‘plami, tarkibiy qismi hamda energetik qiymati sanitariya talablari asosida ishlab chiqilmagani, tarbiyalanuvchilarga yetkazib beriladigan taomlarni tashish, saqlash va iste’molga berilishiga qo‘yiladigan sanitariya-gigiyena talablari bo‘yicha tizimli ishlar belgilab olinmaganini aniqlagandi. Raqobat qo‘mitasi Farg‘ona viloyati hokimidan Quvasoydagi keytering korxonasiga oid qarorini bekor qilishni talab qilgandi.
Kun.uz shularning natijasi bo‘yicha vazirlik va qo‘mitaga savol yubordi. Maktab vazirligi doimgidek so‘rovlarimizni befarq qoldirishni ma’qul ko‘rdi. Raqobat qo‘mitasi esa ayni masalaga izohni Sanitariya-epidemiologik osoyishtalik va jamoat salomatligi qo‘mitasi hamda mahalliy hokimlik berishini aytdi.
Ichki ishlar boshqarmasiga ko‘ra, holat yuzasidan Jinoyat kodeksining 257−1-moddasi (Sanitariyaga oid qonun hujjatlarini yoki epidemiyaga qarshi kurash qoidalarini buzish) bilan jinoyat ishi qo‘zg‘atilgan.
Xozirda vaziyat Farg‘ona viloyati prokuraturasi, IIB hamda boshqa mutasaddi idoralarning ma’sullari tomonidan o‘rganilmoqda. Barcha tegishli turdagi ekspertizalar tayinlangan holda dastlabki tergov harakatlari olib borilmoqda, deyiladi xabarda.
Avvalroq Oliy Majlisning Bola huquqlari bo‘yicha vakili Surayyo Rahmonova ushbu vaziyat nazoratga olinganini ma’lum qilgandi. Uning so‘zlariga ko‘ra, ombudsmanning mintaqaviy vakili voqea joyiga yetib borgan, hozirda tergovga qadar tekshiruv doirasida hujjatlar tahlili va o‘rganish ishlari olib borilmoqda.
O‘tgan yili zaharlanishga oid keyslar Toshkent viloyatining bir qancha tumanlarida ham kuzatilib, jinoyat ishi qo‘zg‘atilgandi. Hozirda 11 kishi qamoqqa olingan va ularga sud yaqin kunlarda boshlanadi.
Interpolning qizil bildirishnomasi asosida xalqaro qidiruvda bo‘lgan O‘zbekiston fuqarosi Polsha bilan hamkorlikda mamlakatga qaytarildi. Qaytarish jarayoni O‘zbekistonning Polshadagi elchixonasi, ikki davlatning tegishli idoralari hamda Interpol milliy markaziy byurosi hamkorligida amalga oshirildi.
Interpol tomonidan xalqaro qidiruvga berilgan O‘zbekiston fuqarosi F.V. Polsha poytaxti Varshava shahridan Toshkentga olib kelindi.
Fuqaroning O‘zbekistonga qaytarilishi mamlakatning Polshadagi elchixonasi tomonidan ko‘rilgan tashkiliy-diplomatik chora-tadbirlar, shuningdek Polsha Adliya vazirligi bilan yo‘lga qo‘yilgan hamkorlik natijasida amalga oshirildi. Qaytarish operatsiyasi O‘zbekiston Ichki ishlar vazirligi huzuridagi Interpol milliy markaziy byurosi tomonidan tashkil etildi.
Ma’lum qilinishicha, 1988 yilda Samarqand viloyatida tug‘ilgan F.V. O‘zbekiston Jinoyat kodeksining 168-moddasi (firibgarlik) bo‘yicha ayblanib, Interpolning qizil bildirishnomasi asosida xalqaro qidiruvga berilgan.
Fuqaro Interpol xodimlari hamrohligida Varshavadan Toshkentga olib kelindi.
O‘zbekistonning Polshadagi elchixonasi ma’lumotiga ko‘ra, mazkur amaliyot xorijdagi O‘zbekiston fuqarolarining huquq va manfaatlarini himoya qilish, huquqni muhofaza qiluvchi organlar o‘rtasidagi xalqaro hamkorlikni mustahkamlash hamda qidiruvdagi shaxslarni vatanga qaytarish bo‘yicha olib borilayotgan tizimli ishlar natijasi hisoblanadi.
Prezident Shavkat Mirziyoyevga yoqilg‘i-energetika sohasidagi murojaatlar tahlili taqdim etildi. Davlat rahbari kuz-qish mavsumiga tayyorgarlik doirasida elektr va gaz ta’minotidagi tizimli muammolarni bartaraf etish, tarmoqlarni ta’mirlash hamda aholini uzluksiz energiya bilan ta’minlash bo‘yicha mas’ullarga topshiriq berdi.
Foto: Prezident matbuot xizmati
Prezident Shavkat Mirziyoyevga 17 iyul kuni yoqilg‘i-energetika sohasida fuqarolar murojaatlarini ko‘rib chiqish hamda ularda ko‘tarilgan muammolarni kuz-qish mavsumiga tayyorgarlik doirasida bartaraf etish yuzasidan axborot berildi.
Qayd qilinishicha, 2026 yilning birinchi yarmida yoqilg‘i-energetika sohasiga oid 40 mingga yaqin murojaat kelib tushgan. Ularning 50 foizi tabiiy va suyultirilgan gaz, 38,3 foizi elektr ta’minoti bilan bog‘liq.
Murojaatlarda asosan suyultirilgan gaz ballonini to‘ldirish, elektr ta’minotidagi uzilishlar, elektr tarmoqlarini qurish va ta’mirlash hamda tabiiy gaz bosimi bilan bog‘liq masalalar ko‘tarilgan.
Kuz-qish mavsumidan oldin takror murojaatlar kelib tushayotgan mahalla va obektlarni xatlovdan o‘tkazish, elektr va gaz tarmoqlarining texnik holatini o‘rganish, aniqlangan kamchiliklarni bartaraf etish bo‘yicha hududlar kesimida manzilli rejalar ishlab chiqish vazifasi qo‘yildi.
Ayniqsa, elektr ta’minotida uzilishlar ko‘p kuzatilayotgan hududlarda tarmoq va transformatorlarni ta’mirlash, avariya brigadalarining shayligini oshirish, tabiiy gaz bosimi bilan bog‘liq muammolar mavjud joylarda ta’minot barqarorligini ta’minlash muhimligi qayd etildi.
Shuningdek, suyultirilgan gaz ballonlarini to‘ldirish va aholiga yetkazib berish grafiklariga qat’iy rioya qilish, ehtiyoj yuqori bo‘lgan hududlarda qo‘shimcha zaxira va imkoniyatlarni safarbar etish zarurligi ko‘rsatib o‘tildi.
Davlat rahbari mutasaddilarga murojaatlarda ko‘tarilgan tizimli muammolarni kuz-qish mavsumi boshlanguniga qadar hal etish bo‘yicha topshiriq berdi.
Yagona interaktiv davlat xizmatlari portali saytini (my.gov.uz) soxtalashtirib, fuqarolarning pulini o‘zlashtirgan jinoiy guruh a’zolari qo‘lga olindi.
Ichki ishlar vazirligi Kiberjinoyatlarga qarshi kurashish departamenti xabariga ko‘ra, ular soxta sayt yaratib, Instagram orqali «kompensatsiya rasmiylashtirish markazi» nomi ostida yolg‘on reklama tarqatgan.
Tergov ma’lumotlariga ko‘ra, jinoiy guruhni 1993 yilda Xorazm viloyatida tug‘ilgan shaxs tashkil etgan. U soxta sayt orqali fuqarolarning karta ma’lumotlarini qo‘lga kiritib, pullarni yechib olgan. Guruh 26 nafar fuqaro nomiga rasmiylashtirilgan 293 ta bank kartasidan foydalangan. O‘g‘irlangan mablag‘lar dastlab ushbu kartalarga o‘tkazilgan, keyin esa Telegram messenjeridagi maxsus kriptobotlar orqali kriptoaktivlarga aylantirilgan.
Tergov davomida mazkur jinoiy guruh respublika bo‘ylab 456 nafar fuqarodan 1 milliard so‘mdan ortiq mablag‘ni o‘zlashtirgani aniqlangan.
Holat yuzasidan Jinoyat kodeksining 168-moddasi (firibgarlik) hamda 278-6-moddasi bilan jinoyat ishi qo‘zg‘atilgan va tergov harakatlari davom etmoqda.
Energotizim barqarorligini ta’minlash va yirik avariyalarning oldini olish maqsadida Qashqadaryo, Jizzax, Xorazm va Toshkent viloyatining ayrim hududlarida 2 soatlik majburiy elektr cheklovlari joriy etildi.
16 iyul kuni O‘zbekiston yagona energetika tizimida sutkalik elektr energiyasi iste’moli 291 million kVt·soatni tashkil etib, o‘tgan yozgi mavsumdagi eng yuqori ko‘rsatkichdan 18,4 million kVt·soatga (6,7 foizga) oshdi. Shu kuni elektr energiyasi ishlab chiqarish hajmi ham 295,4 million kVt·soatga yetib, yangi rekord o‘rnatildi. Bu haqda Energetika vazirligi xabar berdi.
Qayd qilinishicha, anomal issiq ta’sirida elektr uzatish tarmoqlari va uskunalari me’yordan ortiq qizib, kunduzi elektr energiyasi iste’molining keskin oshishi tarmoqlardagi yuklamani yanada kuchaytirmoqda.
Shu sababli, energotizim barqarorligini ta’minlash va yirik avariyalarning oldini olish maqsadida Qashqadaryo, Jizzax, Xorazm va Toshkent viloyatining ayrim hududlarida 2 soatlik majburiy elektr cheklovlari joriy etildi.
Prezident Shavkat Mirziyoyev madaniyat va san’atni rivojlantirish hamda milliy merosni xalqaro miqyosda targ‘ib qilishga qaratilgan loyihalar taqdimoti bilan tanishdi. Unga ko‘ra, O‘zbekistonning noyob arxeologik va amaliy san’at namunalari jahonning yetakchi muzeylarida namoyish etiladi, «Tamerlano» operasi 2027 yilda Nyu-Yorkdagi Karnegi-xoll sahnasida qo‘yiladi, shuningdek, mamlakatda yirik xalqaro madaniy tadbirlarni tashkil etishning yangi tizimi joriy etiladi.
Prezident Shavkat Mirziyoyev 17 iyul kuni madaniyat va san’atni rivojlantirish, milliy merosimizni asrab-avaylash hamda xalqaro miqyosda keng targ‘ib qilishga qaratilgan loyiha va tadbirlar taqdimoti bilan tanishdi.
Dastlab nufuzli xorijiy muzey va ko‘rgazma maydonlarida O‘zbekistonning arxeologik va ilmiy merosi, shuningdek, amaliy san’at asarlarini namoyish etish bo‘yicha rejalar ko‘rib chiqildi.
Jumladan, 2026 yil sentabr oyida Dohadagi Islom san’ati muzeyida “Uzbekistan: Heritage in Motion” ko‘rgazmasini, noyabr oyida esa Milandagi Prada fondida O‘zbekistonning noyob eksponatlari ishtirokida “Global Antiquity” xalqaro arxeologiya ko‘rgazmasini tashkil etish rejalashtirilgan. 2027 yilda Venetsiyadagi Palatsso Grimani va Yaponiyaning Nara milliy muzeyida O‘zbekistonning bronza davridan ilk o‘rta asrlargacha bo‘lgan tarixini aks ettiruvchi 200 dan ziyod arxeologik topilmalar namoyish etiladi. Milandagi Palatsso Realeda oltin kashtachilik, so‘zana, ikat, zargarlik buyumlari va amaliy san’at asarlaridan iborat 150 dan ortiq eksponat taqdim etiladi.
Florensiyada Abu Ali ibn Sinoning hayoti va ilmiy merosiga bag‘ishlangan ko‘rgazma o‘tkazish, shuningdek, Yaponiya, Buyuk Britaniya, Xitoy, Saudiya Arabistoni va boshqa davlatlardagi yetakchi madaniy muassasalar bilan qo‘shma loyihalarni amalga oshirish rejalari bayon qilindi.
Madaniy meros obektlarini restavratsiya qilish masalalariga alohida e’tibor qaratildi. Knyaz Nikolay Romanov saroyida O‘zbekiston davlat san’at muzeyi filialini tashkil etish ko‘zda tutilgan. Bunda majmuaning tarixiy qiyofasi saqlab qolinib, 300 ga yaqin eksponatdan iborat doimiy ekspozitsiya shakllantiriladi.
Muxtor Ashrafiy uy-muzeyida binoning fasadi va tarixiy intererlari restavratsiya qilinib, ekspozitsiya yangilanmoqda. Muzey zamonaviy muhandislik tizimlari, xavfsizlik va iqlim nazorati vositalari, multimedia uskunalari, shuningdek, ovoz yozish studiyasi bilan jihozlanadi.
Taqdimotda “Tamerlano” operasini jahonning nufuzli sahnalarida namoyish etish natijalari va kelgusi rejalar ko‘rib chiqildi.
Joriy yilda ushbu asar Dubay operasi, Venadagi “Muzikferayn”, Sankt-Peterburgdagi Mariinskiy teatri hamda Versal saroyi Qirollik operasi sahnalarida namoyish etildi. Stefano Poda sahnalashtirgan operada Georg Fridrix Gendel musiqasi Kirill Rixter talqinida, o‘zbek milliy cholg‘u asboblaridan foydalanilgan holda ijro etildi. Loyihada O‘zbekiston Milliy simfonik orkestri, xor, xalq cholg‘ulari orkestri va taniqli solistlar ishtirok etdi.
2027 yil mart oyida “Tamerlano” operasini Nyu-Yorkdagi mashhur “Karnegi-xoll” konsert zali sahnasida namoyish etish rejalashtirilgan. Bu o‘zbek opera san’ati va milliy ijrochilik maktabining yuksak salohiyatini xorijiy auditoriyaga keng namoyish etish imkonini beradi.
Yirik konsertlar, festivallar, tanlov va ko‘rgazmalarni tashkil etishning yagona tizimini shakllantirish masalasi ham ko‘rib chiqildi. Madaniyat vazirligi huzuridagi “Xalqaro festivallar direksiyasi” davlat muassasasi negizida Madaniyat va san’atni rivojlantirish jamg‘armasi huzurida Madaniy loyihalar milliy operatorini tashkil etish taklif qilindi.
Milliy operator yirik xalqaro tadbirlarni tashkil etish va ularni xorijda targ‘ib qilish, taniqli ijrochilar ishtirokidagi konsertlarga buyurtmachi sifatida ish olib borish, shuningdek, “Sharq taronalari” xalqaro musiqa festivalini tayyorlash uchun mas’ul bo‘ladi.
Joriy yil 8 iyun kuni Samarqanddagi Registon maydonida mashhur xonanda Jon Lejyendning konserti o‘tkazildi. Avgust oyida Pekindagi Buyuk Xitoy devorida, sentabr oyida esa Registon maydonida taniqli pianinochi Lang Langning konsertini o‘tkazish rejalashtirilgan. Oktabr oyida Toshkentdagi “O‘zbekiston” xalqaro anjumanlar saroyida bastakor Maks Rixterning konserti bo‘lib o‘tadi.
Joriy yilda Venetsiya va Milan shaharlarida o‘tkazilayotgan yirik xalqaro madaniy tadbirlarda O‘zbekistonning ishtiroki natijalari ham taqdim etildi.
Venetsiyadagi 61-xalqaro san’at biyennalesida O‘zbekiston “The Aural Sea” loyihasi bilan milliy pavilonda ishtirok etmoqda. Loyiha Orol dengizi va Qoraqalpog‘iston mavzusini xotira, afsona va hikoyalar orqali ochib beradi. Pavilonga hozirga qadar 60 mingdan ziyod kishi tashrif buyurgan. Loyihaga bag‘ishlangan materiallarning umumiy media qamrovi 145 milliondan oshgan.
Biyennale doirasida Palatsso Kavalli-Frankettida o‘zbekistonlik rassom Vyacheslav Axunovning “Instrumens of the Mind” shaxsiy ko‘rgazmasi ham tashkil etildi. Unda rassomning 1970 yillardan bugungi kunga qadar yaratilgan 200 dan ortiq asari namoyish etilmoqda. Ko‘rgazmaga 30 dan ziyod mamlakatdan 12 mingdan ortiq kishi tashrif buyurgan.
“Milan Design Week 2026” doirasida tashkil etilgan “O‘rik gullaganda” milliy pavilonida 12 nafar xalqaro dizayner hamda O‘zbekiston va Qoraqalpog‘istondan 12 nafar hunarmandning hamkorlikdagi ishlari namoyish qilindi. O‘zbekiston paviloni “Fuorisalone Award 2026” mukofoti hakamlar hay’atining maxsus e’tirofiga sazovor bo‘ldi. Uni 18 mingdan ziyod kishi ko‘rdi, loyihaning xalqaro axborot qamrovi 171 millionga yetdi.
Shuningdek, Madaniyat va san’atni rivojlantirish jamg‘armasining 2026-2027 yillarga mo‘ljallangan tadbir va loyihalari muhokama qilindi.
11-13 sentabr kunlari Nukus shahrida Orol madaniyati sammiti o‘tkaziladi. Madaniyat, ilm-fan, me’morlik, dizayn va ekologiya sohalari vakillari Orolbo‘yini barqaror rivojlantirish masalalarini muhokama qiladi. 2027 yil yanvar oyida “Aral School” xalqaro dasturining Orol dengizi havzasi iqlimi va landshaftiga bag‘ishlangan yangi mavsumi boshlanadi.
Alisher Navoiy nomidagi O‘zbekiston davlat akademik katta teatri repertuarini yangilash doirasida Jakomo Puchchinining “Turandot” operasi va Pyotr Chaykovskiyning “Shelkunchik” baletini yangicha talqinda sahnalashtirish rejalari ko‘rib chiqildi. Loyihalarni amalga oshirishga yetakchi mahalliy va xorijiy rejissyorlar, dirijyorlar, xoreograflar va sahnalashtirish bo‘yicha mutaxassislarni jalb etish rejalashtirilgan.
2027 yilgi Buxoro biyennalesi doirasida madaniy meros obektlarini restavratsiya qilish, tarixiy hududlar va jamoat makonlarini obodonlashtirish, shuningdek, ko‘rgazma maydonlarini tayyorlash rejalashtirilgan. Biyennalega 50 dan ziyod xorijiy rassom va dizayner hamda mamlakatimiz kreativ industriyalarining 300 dan ortiq vakili jalb etiladi.
Bundan tashqari, “Milan Design Week” va “Art Basel” tadbirlarida ishtirok etish, “Art for Tomorrow” xalqaro anjumanini o‘tkazish, Qatar muzeylari bilan hunarmandchilik va dizayn sohasida hamkorlikni rivojlantirish, shuningdek, Buxoroda badiiy rezidensiya va xalqaro zargarlik maktabini tashkil etish bo‘yicha takliflar ko‘rib chiqildi.
Davlat rahbari loyihalarni puxta tayyorlash, restavratsiya ishlari sifatini qat’iy nazorat qilish, milliy mazmunni zamonaviy yondashuvlar bilan uyg‘unlashtirish hamda xalqaro madaniy hamkorlikning amaliy natijadorligini oshirish bo‘yicha ko‘rsatmalar berdi.
Rustam Jo‘layev Prezident huzuridagi Milliy xavfsizlik agentligi rahbari etib tayinlandi
Xalqaro qidiruvdagi fuqaro Varshavadan Toshkentga olib kelindi
Marokashda dunyodagi eng yirik futbol stadioni qurilmoqda
-
Siyosat5 days ago
Prezident Shavkat Mirziyoyev Qatar amiriga ta’ziya bildirdi
-
Iqtisodiyot4 days agotadbirkor va davlat organlari o‘rtasida huquqiy bahs yuzaga keldi
-
Iqtisodiyot4 days ago
Andijonda Belarus texnologiyasi asosida qishloq xo‘jaligi texnikalari ishlab chiqariladi
-
Mahalliy4 days ago
O‘zbekistondagi 10 mingdan ortiq maktab «Canva»dan bepul foydalanadi
-
Iqtisodiyot3 days agoMarkaziy bank huzurida Islomiy moliya kengashi tashkil etildi
-
Siyosat5 days ago
Shavkat Mirziyoyev elektropoyezdda Bekobodga bordi
-
Sport5 days agoSinner ikkinchi marta ketma-ket Uimbldon chempioni bo‘ldi
-
Sport5 days agoIspaniyada Fransiya milliy jamoasi haqidagi bayonot ortidan siyosiy mojaro avj oldi