Jamiyat
“Musobaqa yangi, yosh shaxmat yulduzlarini kashf etishning ajoyib usulidir” – Antoanetta Stefanova
Sovrin jamg‘armasi 620 mln so‘m bo‘lgan IV “Zakovat-Gambit” shaxmat turniri yakunlandi. Final g‘oliblari 20 mln so‘mdan 50 mln so‘mgacha bo‘lgan pul mukofotlari bilan taqdirlandi.
23 oktyabr kuni O‘zbekistonda ko‘plab shaxmatchilarni kashf qilayotgan IV “Zakovat-Gambit” chempionati yakunlandi. Bu yilgi turnirda 2200 dan ortiq shaxmatchi qatnashgan bo‘lsa, ularning 91 nafari finalda kuch sinashdi. Unda yaxshi natija ko‘rsatganlar 20 mlndan 50 mln so‘mgacha bo‘lgan pul mukofotlari bilan taqdirlandi. Tantanali tadbirda Kun.uz muxbiri ham ishtirok etib, g‘olib bo‘lganlarning ayrimlariga mikrofon tutdi. Ulardan biri 18 yoshli Akjol Rahmatullayev, u E guruhida 1-o‘rinni egallab, 50 mln so‘mni qo‘lga kiritdi.
“Shaxmatni birinchi marta to‘rt yoshimda boshlaganman. Boshida bunga oddiy mashg‘ulot sifatida qaraganman, keyin bilsam, shaxmat juda qiziq o‘yin ekan. Turnir yaxshi o‘tdi va raqiblarim kuchli chiqishdi, shunga qaramasdan ularning hammasini yengdim”, – deydi Rahmatullayev.
Rahmatullayev so‘zi davomida Magnus Karlsenni dunyodagi eng yaxshi shaxmatchi deb bilishini, o‘yinlardagi har qanday vaziyatdan chiqib keta olishini qo‘shimcha qildi.
Farg‘onalik Muhammadrizo Umarov ham musobaqada 2-o‘rin sohibi bo‘ldi va 30 mln so‘mga ega chiqdi.
“Zakovat-Gambit musobaqasida D guruhda qatnashdim. 9 ta turda 5 ta g‘alaba, 3 ta durang hamda 1 ta mag‘lubiyat bilan 2-o‘rinni qo‘lga kiritdim. Shunaqa natija qilganimdan juda xursandman.
Men shaxmat bilan 10 yildan beri shug‘ullanib kelaman. Albatta, boshida bunga biroz qiziqish bo‘lgan. Lekin ma’lum bir vaqtdan keyin jiddiy qiziqa boshladim, ya’ni yo‘nalish sifatida tanladim. Yaxshi kasb deb o‘ylayman”, – deydi Umarov.
Umarovning qayd etishicha, shaxmatda soniyalar rol o‘ynaydi.
“Bu musobaqa 3 ta bosqichda o‘tkazildi: onlayn, yarimfinal hamda final. Kuchli shaxmatchilar qatnashdi. Deyarli ko‘pchilikning darajasi bir-biriga yaqin. Shuning uchun ham musobaqa juda shiddatli o‘tdi. Bu yerda yaxshi mehnat, harakat, albatta, biroz omad ham kerak bo‘ladi. Musobaqa blits bo‘ldi, ya’ni tezkor shaxmat. 2-3 soniyada o‘yin taqdiri o‘zgarib ketish mumkin”, – deydi shaxmatchi.
Shuningdek, taqdirlash marosimida Afruza Hamdamova, Umida Omonova, Nilufar Imomqo‘ziyeva, Zilola Aktamova, Mohijahon Rahmonova turnirning eng yaxshi ayol shaxmatchilari deb topilib, 20 mln so‘mga sazovor bo‘lishdi. Qolaversa, musobaqaning eng yosh ishtirokchisi Abdurahmon Rajabov (12 yosh) va eng keksa qatnashchisi, xalqaro grossmeyster Toir Vohidov (63 yosh) bo‘ldi. Ularning har biri 10 mln so‘m bilan taqdirlandi.
Kun.uz muxbiri mazkur turnir tashkilotchisi Hulkar Tohirjonova bilan suhbat qurdi. Uning ta’kidlashicha, keyingi musobaqada xalqaro reytingga ega bo‘lmagan havaskorlar uchun yangi kategoriya qo‘shilishi mumkin.
“Zakovat-Gambit” o‘z oldiga qo‘ygan barcha vazifalarni yaxshi bajarib kelmoqda. Sababi, shaxmatchilarning kuchiga qarab 5 ta guruhga bo‘lganmiz. Bu turnirdan keyin yana bitta kategoriya qo‘shmoqchimiz. Bu umuman xalqaro reytingga ega bo‘lmagan havaskorlar o‘rtasidagi kategoriya. Bundan tashqari, keyingi yilda ko‘proq oflayn formatga o‘tishni ham o‘ylab ko‘ryapmiz”, – deydi Tohirjonova.
Kun.uz muxbiri tadbirdan so‘ng, bolgariyalik mashhur shaxmatchi Antoanetta Stefanova bilan suhbatlashdi. U intervyu davomida musobaqaning ahamiyati, tajribalari haqida so‘zlab berdi.
“Bu ajoyib format, yarimfinal va finaldagi jonli o‘yinlarni kuzatdim. Bu musobaqa yangi, yosh shaxmat yulduzlarini kashf etishning ajoyib usulidir. Ba’zan yoshi kattaroq o‘yinchilar ham sizni hayratda qoldirishi mumkin. Bu yerda ajoyib muhit hukm surdi.
Bunday tadbirlarni o‘tkazish g‘oyat muhim, chunki bu o‘yinchilarni ham ruhlantiradi va shaxmatni tobora ommalashtiradi. Siz mendan shaxmat o‘yinmi, ishmi yoki hayot falsafasimi deb so‘radingiz, hammasi deyman. Chunki men besh yoshimdan shaxmat o‘ynay boshlaganman. Hozir murabbiyman, Yevropa Shaxmat Ittifoqining Ayollar shaxmati bo‘yicha komissiyasi raisiman. Shunday ekan, shaxmat mening sevimli o‘yinim. Bu do‘stlar orttirish, dunyo bo‘ylab sayohat qilish imkonini beruvchi hayot tarzidir. U hayotimga juda ko‘p quvonch olib keldi.
Menimcha, shaxmat men va boshqa ko‘plab shaxmatchilar uchun – o‘z xatti-harakatlarimiz uchun mas’uliyatni zimmamizga olishni o‘rganishdir. Chunki shaxmat tanqidiy fikrlash qobiliyatini, shuningdek, qaror qabul qilish jarayonini rivojlantiradi va siz qilgan har bir yurish, har bir qarorning oqibatlari bo‘ladi.
Men minglab raqiblarga qarshi dona surganman, har bir mag‘lubiyatga uchragan o‘yiningizdan g‘alaba qozongan o‘yinlaringizga qaraganda ko‘proq narsa o‘rganasiz. Shaxmatni rivojlantirishning yo‘li – har doim o‘yinlarni tahlil qilishdir. Garchi g‘alaba qozonib, chiroyli kombinatsiyalar qilgan o‘yinlarimizni tahlil qilish ancha yoqimliroq bo‘lsa-da, mag‘lub bo‘lgan yoki durang o‘ynagan partiyalarni o‘rganish undan zarurdir. Yakunda har doim mashaqqatli mehnat muhimroq, chunki iqtidor juda ko‘p narsani anglatadi. Qattiq mehnat qila olish qobiliyati ham iqtidordir. Albatta, yosh o‘yinchilar, ba’zilari ancha tez o‘rganadi, ular uchun tushunchalarni o‘zlashtirish va o‘z g‘oyalarini yaratish osonroq. Ammo shaxmatda mashaqqatli mehnatsiz, faqat iqtidor bilan chinakamiga o‘sish va jiddiy natijalarga erishib bo‘lmaydi”, – deydi Stefanova.
Ma’lumot o‘rnida, O‘zbekistonda har yili shaxmatni rivojlantirish uchun davlat budjetidan 50 mlrd so‘m ajratiladi.
Hozirgi kunda yurtimizda 500 ming nafardan ortiq kishi “UzChess” elektron tizimida ro‘yxatdan o‘tib, shaxmatni o‘rganmoqda.
Turli mamlakatlar olimlari inson organizmini vaqtidan oldin qaritadigan asosiy sabablarni aniqlashdi.
Kambag‘allik, past daromad va sifatli ta’lim olish imkoniyatining yo‘qligi inson tanasidagi biologik qarishni tezlashtirishi isbotlandi. Eng yomoni, bu salbiy jarayon ko‘pincha bolalikdanoq boshlanadi.
Xulosa chiqarish uchun mutaxassislar dunyoning 23 ta davlatidan 66 mingdan ortiq odam ishtirok etgan 140 ta ilmiy tadqiqot natijalarini o‘rganib chiqishdi. Unda chaqaloqlardan to 86 yoshgacha bo‘lgan odamlar ishtirok etdi. Olimlar odamlarning qarish tezligini maxsus «epigenetik soatlar» (organizmning ichki holatini ko‘rsatuvchi tizim) yordamida tekshirishdi. Bu haqda «Nature Human Behavior» nashri ma’lum qildi.
Tadqiqot natijalariga ko‘ra agar biologik qarish sekinlashsa inson o‘z yoshiga nisbatan tetik, yosh va sog‘lom bo‘lib yuradi. Uning tashqi ko‘rinishi ham, ichki sog‘lig‘i ham xuddi pasportdagi yoshidek (yoki undan ham yoshroq) saqlanib qoladi.
Agar qarish jarayoni tezlashayotgan bo‘lsa odatda keksalikka xos bo‘lgan kasalliklar insonda vaqtidan ancha oldin paydo bo‘ladi.
Ma’lumotlarga ko‘ra, ta’minoti past va kambag‘al oilalarda o‘sayotgan bolalarning ichki organizmi (biologik yoshi) o‘ziga to‘q oilalardagi tengdoshlariga qaraganda ancha katta, ya’ni ertaroq qariyotgani ma’lum bo‘ldi. Xuddi shunday holat katta yoshli insonlar orasida ham kuzatilmoqda.
U Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli hibsga olingan.
Yaponiya immigratsiya xizmati agentligi mamlakatda noqonuniy yashab kelgan O‘zbekiston fuqarosini deportatsiya qildi.
Deportatsiya qilingan shaxs Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli rasmiylar tomonidan hibsga olingan.
Yaponiyaning O‘zbekistondagi elchixonasi ma’lum qilishicha, agar mamlakatda noqonuniy yashash yoki noqonuniy ishlash holatlari aniqlansa, politsiya tomonidan hibsga olish va ushlab turish, immigratsiya muassasalarida qamoqqa olish yoki deportatsiya qilish kabi choralar ko‘riladi.
Shuningdek, bildirilishicha, Yaponiyada qochqin maqomini olish uchun ariza berilsa, “uzoq muddat qolish mumkin” yoki “ishlash mumkin” degan noto‘g‘ri ma’lumot tarqalgan bo‘lib, shu kabi maqsadlar bilan qochqin maqomini olish uchun ariza berishga ruxsat etilmaydi.
Agar qochqin maqomi rad etilsa, immigratsiya muassasasiga joylashtirish yoki deportatsiya qilish kabi choralar qo‘llanilishi mumkin. Bundan tashqari, soxta ma’lumot berish yoki noqonuniy usullar bilan qochqin maqomini olish uchun murojaat qilish jiddiy huquqiy choralarni keltirib chiqarishi mumkin.
Jamiyat
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ikki fuqaro 5 000 AQSh dollarini, kadastrlar palatasi Pop tumani bo‘limi sobiq boshlig‘i 1 500 AQSh dollari va 6 mln so‘mni olgan vaqtida qo‘lga olingan.
Bosh prokuratura huzuridagi Departamentning Pop tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tezkor tadbirda fuqarolar U.A. va M.B. kadastrlar palatasida ishlovchi tanishlari orqali 381 000 AQSh dollari evaziga fermer xo‘jaligi balansidagi 50 sotix yer maydonining hujjatlarini fuqaro A.S.ning nomiga noturar joy sifatida rasmiylashtirib berishlarini aytib, shundan 5 000 AQSh dollarini olgan vaqtida qo‘lga olindi.
Shundan so‘ng tadbir davom ettirilib, kadastrlar palatasi Pop tumani bo‘limi sobiq boshlig‘i S.A. 1 500 AQSh dollari va 6 mln so‘mni olgan vaqtda ashyoviy dalillar bilan ushlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Viloyat FVB xabariga ko‘ra, yorilish natijasida yong‘in sodir bo‘lmagan, hech kim tan jarohati olmagan.
27 iyun kuni soat 19:00 larda Farg‘ona shahridagi AGTKSh hududida avtobus tom qismiga o‘rnatilgan gaz ballonlariga gaz to‘ldirish vaqtida gaz ballonlaridan birida yorilish paydo bo‘lgan.
Viloyat FVBning xabariga ko‘ra, yorilish natijasida yong‘in sodir bo‘lmagan, tan jarohati olganlar yo‘q.
Voqea joyiga viloyat FVB boshlig‘i va huquqni muhofaza qilish organlari hamda tegishli xizmat vakillari chiqqan.
Yorilish sababi vakolatli tashkilotlar bilan hamkorlikda aniqlanmoqda.
Jamiyat
“Hokimiyatdan kelgan topshiriqni deb, bolamga kuyib o‘tiribman” – o‘lim bilan tugagan “Andijon polkasi” tafsilotlari
23 iyun kuni “Andijon polkasi” Ginnesning rekordlar kitobiga kiritildi: viloyat markaziy stadionida 20 ming odam bir vaqtda raqsga tushdi.
Raqsga tushganlar orasida Asaka tumanidagi 14-maktabning 8-sinf o‘quvchisi, 15 yoshli Farrux Ne’matov ham bor edi.
U o‘sha kuni tadbirdan qaytishda o‘zi o‘qiydigan maktab direktori boshqaruvidagi Damas’da avtohalokatga uchrab, shifoxonada vafot etdi.
Tafsilotlar – Kun.uz muxbiri reportajida.
Surishtiruvdan ma’lum bo‘lishicha, “Andijon polkasi”ni Ginnes rekordlar kitobiga kirishi uchun stadionda katta tadbir uyushtirilgan va bunga maktab o‘quvchilari jalb qilingan. 23 iyun kuni boshqa maktablar qatori Asaka tumanidagi 14-maktabning o‘quvchilari ham tadbirda qatnashgan. O‘sha kuni YTH oqibatida vafot etgan 8-sinf o‘quvchisi Ne’matov Farrux ham maxsus avtobuslarda stadionga borgan. Tadbir tugagach u 5 nafar sinfdoshlari bilan maktab direktorining “Damas” avtomashinasiga o‘tirib uyga qaytayotgan bo‘lgan.
YTH sodir bo‘lgan chorraha
Maktab o‘quvchilari mingan mashina asosiy yo‘ldan kelib chapga qayrilmoqchi bo‘lgan paytda qarama qarshi tomondan kelayotgan “ZIL” yuk mashinasi “Damas”ning orqasiga kelib urilgan. Oqibatda “Damas” ag‘darilib ketgan.
“Sog‘lom o‘g‘limni o‘ldirib berishdi”…
“Bir kun avval o‘g‘limning sinf rahbari telefon qilib ertaga “Andijon polkasi” tadbiriga Farruxni jo‘nating iltimos deb qayta-qayta tayinladi. Xo‘p dedim. 15 yoshga kirib pul topadigan bo‘lib qolgandi o‘g‘lim. Chiroyli qilib kiyintirib maktabiga jo‘natdik. Chorsilarni beliga tugib xursand bo‘lib do‘sti bilan uydan chiqib ketdi.
marhum Farrux Ne’matov
Bir payt qo‘shnim yugurib kirdi. Durdonaxon, bolalarimiz “avariyaga” uchrabdi, qolgan bolalar yaxshi ekan, bitta sizning bolangizni boshi yorilibdi, tikishyapti ekan dedi. Viloyat shifoxonasiga qarab ketdik. Farruxbek besh-olti soatda chiqdi operatsiyadan. Amaliyot juda uzoq cho‘zildi.
O‘qituvchilarning o‘zi qon berdi o‘g‘limga. Ichki a’zolari majaqlanib ketgan ekan. O‘ziga kelmadi o‘sha kuni kechasi bilan ham. Ertasi kuni 24 iyunda joni uzildi-da bolamni. Farruxbek o‘g‘lim katta farzandim edi. Uydan soppa-sog‘ chiqib ketgan edi.
Aslida tadbirni tashkillagan tashkilotlar, hokimiyat o‘quvchilarni maxsus avtobusda olib borib, olib kelib qo‘yishlari kerak edi. O‘zboshimchalik bilan avtobusga chiqmay “Damas”ga chiqqan deb, endi aybni o‘g‘limga ag‘darib qo‘yishyapti. Aybdorlar qonun oldida javob bersin. Guldek o‘g‘limdan ayrildim”, deydi marhum Farrux Ne’matovning onasi Durdona Qosimova.
Durdona Qosimova, marhumning onasi
Avtobus ketib qolgach, direktorning “Damas”iga chiqishgan ekan…
“Jiyanim do‘stlari bilan tadbirga avtobusda borgan. Tadbirdan keyin bolalar ust-boshlarini almashtirib chiqqunicha, avtobus ketib qolgan ekan. Ko‘chada qolgan bolalar bizni olib ketinglar deb, domlasiga telefon qilgan. Shundan keyin maktab direktori o‘zining “Damas” mashinasida bolalarni olib ketayotgan bo‘lgan. Chorrahaga yetganlarida baxtsiz hodisa sodir bo‘lganda.
Jiyanim Muhammadrizo Qambarovning holati og‘ir edi, endi hozir “operatsiyadan” keyin ancha o‘ziga kelib qoldi. “Damas”da 2011 yilda tug‘ilgan 6 nafar sinfdosh do‘stlar bo‘lgan”, deydi YTH oqibatida shifoxonaga tushib qolgan Muhammadrizo Qambarovning tog‘asi Oybek Ibragimov.
Oybek Ibragimov
2 o‘quvchi shifoxonada, qolganiga ruxsat berdik…
“23 iyun kuni Andijon-Asaka avtomobil yo‘lida yo‘l-transport hodisasi sodir bo‘lgan. Respublika shoshilinch tibbiy yordam ilmiy markazi Andijon filialiga olti nafar jabrlangan o‘quvchi olib kelindi. Olti nafardan biri o‘ta og‘ir holatda kelgan. Ertasi kuni o‘sha og‘ir bemor vafot etgan. Qolgan besh nafar bemor turli jarohatlar bilan davolangan. Ulardan uch nafariga holati yaxshilanganidan keyin uyiga ruxsat berildi. Hozirda ikki nafari shifoxonada davolanyapti” – Respublika shoshilinch tibbiy yordam ilmiy markazi Andijon filiali direktori o‘rinbosari Abdumutalib Akbaraliyev.
Abdumutalib Akbaraliyev
Kun.uz muxbiri bo‘lib o‘tgan voqea bo‘yicha tegishli idoralardan izoh olmoqchi bo‘ldi. Ammo biror bir tashkilot xodimi holatga munosabat bildirishni istamadi.
Ayni paytda YTH yuzasidan Asaka tumani IIB tomonidan surishtiruv ishlari olib borilyapti.
Ma’lumot o‘rnida, 24 iyun kuni Andijon viloyati markazidagi stadionda «Andijon polkasi» raqsiga tushish orqali rekord o‘rnatildi.
25-iyundan valyutalar qanchaga yetishi e’lon qilindi
Olimlar kimlar tezroq qarishini aniqlashdi
iPhone 18 “Pro” funksiyalarini hamyonbop narxda taqdim etadi!
-
Sport5 days ago🔴 LIVE: AQSh-Eron muzokaralari va Starmer iste’fosi
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Jamiyat2 days agoVatanparvar jurnalistlarni o‘zimga do‘st va maslakdosh deb bilaman
-
Sport4 days agoEldor Shomurodov muxlislardan uzr so‘radi
-
Siyosat5 days agoPrezident Mirziyoyev Qatar amiriga gaz zavodi portlashi munosabati bilan hamdardlik bildirdi
-
Jamiyat5 days ago
Biz 34 yil kutgan voqea
-
Dunyodan4 days ago
BAAda 15 yoshgacha bo’lgan bolalar uchun ijtimoiy tarmoqlar taqiqlangan