Jamiyat
«Mening o‘g‘lim urushga bormas edi» (hikoya)
Muhojir bolasini tobutda qarshilagan ona
– Lojis! Na zemlyu! – qayerdandir qo‘lida qurol bilan paydo bo‘lib qolgan Rossiya politsiyasi xodimi Sardorning orqa oyoqlari tizza qismiga zarb bilan tepdi.
«Dostavkachi»lik ortidan kun ko‘rayotgan Sardor nima bo‘layotganini anglamay qoldi. Uni buyurtma bergan mijozga tegishli ovqatning yer bilan bitta bo‘lib yotgani tashvishga soldi. «Shunday-da ham bir haftadan beri betob bo‘lib, ishga chiqolmay yotgandim. Shefimga nima deyman? Yana ishsiz qolamanmi?! Nima bo‘ldi ekan, o‘zi?!» – Sardorning ichidan zil o‘tib, bir zumda miyasida turli o‘ylar charx urdi.
Kutilmaganda och biqiniga kelib tushgan oyoq tepkisidan ingrab yubordi.
– Za chto, aka?! – qo‘lini boshining orqasiga majburan qo‘ydirilgan ko‘yi so‘radi Sardor.
– Kakoy yeщyo «aka?!» Von, smotri – eto chto?! Narkotiki, da! Narkoman, chyort! – so‘kindi politsiyachi.
Ikki oyog‘ining orqa qismidan ayamay bosib turgan politsiyachi qo‘lidagi qora paketni unga ko‘rsatib, nimalarnidir ro‘kach qilardi.
– Eto ne moyo, akajon! Vot eto – moyo! – Sardor yerga sochilib, to‘kilib yotgan ovqatlarni nigohi bilan ko‘rsatdi politsiya xodimiga.
– Xa! Ya tebe seychas dokaju, chto eto ne tvoyo! Tfu!
Bir nechta politsiya xodimlari endigina 21 yoshga to‘lgan buxorolik muhojir Sardorni kuch bilan xizmat mashinasida olib ketishdi. Sardorning ko‘zlari ortda – uni eshigi oldida kuzatib turgan buyurtmachining quv nigohlarida qoldi…
***
Sardor 19 yoshga kirgan yili muhojirlik to‘nini yelkasiga tashlab, Buxorodan Rossiyaning Sankt-Peterburg shahriga ishga ketgandi. U uyda yolg‘iz o‘g‘il edi. Har kuni ertalabdan kechgacha qurilishda ishladi. Ish beruvchilar unga pasport emas, «ishni yaxshi qil» deb qarardilar. «Patent yo‘q», deb jarima soldilar. Qo‘li og‘rib, oyog‘i shishib qolgan kunlarda u onasiga telefon qilib:
– Ona, hech narsa bo‘lmaydi, bir yilda qarzlardan qutilamiz, uylar olamiz, singlimni turmushga uzatamiz, – derdi.
Har oyda 300-400 dollar yuborishga harakat qilardi. Bir marta: «Ona, singlimning to‘yi uchun ozroq yiqqandim. Ammo, sog‘ligim biroz qiynayapti. Davolanib olay, keyin ishlab, yana jo‘nataman», – dedi.
Onaizor o‘shanda ko‘zlariga yosh olgan.
Sardorning yuragida katta niyatlar yashardi. Muhojirlik uning uchun oson kechmadi. Politsiyadan qochgan kunlari ham ko‘p bo‘lgan. «Registratsiya yo‘q», «Patent muddati o‘tgan», degan tekshir-tekshirlardan o‘ta charchagandi.
Qurilish ishlari Sardorning jussasiga biroz og‘irlik qildimi, sog‘ligi pand berdimi, u keyingi uch oydan beri «dostavkachilik» bilan shug‘ullandi.
– O‘g‘lim, ehtiyot bo‘l. O‘zingni asra, bolam. Rossiya ham alg‘ov-dalg‘ov bo‘lib qoldi. Bilib-bilmay noto‘g‘ri yo‘llarga kirib ketma, bolam. Urush tuzoqlaridan ehtiyot bo‘l! Yaxshisi, qayta qol, o‘g‘lim! – zorlandi onaizor.
– Xabarim bor, onajon. Urushda ishtirok etish — O‘zbekiston Qonunchiligi bo‘yicha jinoyat hisoblanishi haqidagi eslatmalar ham yod bo‘ldi, onajon. Ammo, ozgina fursat bering. Osonroq ishga o‘tdim. Dostavkachilik qilyapman. Hech kimga ziyonim tegmaydi. Xavotir olmang! – degandi u onasiga.
Ona biz bilan suhbatda o‘qchib-o‘qchib yig‘larkan, yelkasi uzra xiyla to‘kilib turgan ro‘molining uchi bilan ko‘z yoshlarini artadi. Uzoq xayollarga cho‘mib, sekin pichirlab so‘zlaydi.
Uning so‘ziga ko‘ra, Sardor qamoqda o‘zini yo‘qotmaslik uchun kundalik yozishni boshlagan. Har bir sahifa uning ichki olamidagi kurashning bir parchasi bo‘lgan. Hartugul, shu kundaliklarini tobutga qo‘shib, kamzullari cho‘ntagiga solingancha jo‘natishgan.
«Bugun onamni tushimda ko‘rdim. Har gal menga qarab yig‘lardi. Uyimizning eshigi ochiq edi. Hali uylanmaganim qo‘shni qizu hali tug‘ilmagan farzandlarim uning ortidan yugurishardi… Kameradagi har bir kecha – sinov. Qo‘shni mahkumlar tomonidan kelgan tahdidlar, cho‘chib uxlashlar, oshxonadagi sovuq taomlar va hech kim bilan bo‘lisholmaydigan yurak og‘rig‘i… tuyqus meni cho‘chitib uyg‘otdi. Hafsala bilan kameraning temir eshiklariga osildim. Bu baqir-chaqirlarim kimgacha va qayergacha yetib borardi. Taqdirning ayovsiz burilishlarida yuragi, jismi kuygan muhojirgina bolangizni kechiring, kechiring, onajon!»
Suhbatdosh chuqur «uh» tortib, yana so‘zida davom etadi.
– Uzoq bir kechada, u menga qo‘ng‘iroq qildi. Titroq ovozda: «Ona, meni to‘xtatishdi… Narkotik, deb ayblashmoqda… Men bilmayman, u qayerdan keldi… Meni qamashdi…» O‘g‘limning bu gapi ikki dunyoyimni kuydirdi. O‘sha tuni bilan qo‘llarimni ko‘klarga cho‘zib, duolarda bo‘ldim: «Yo, Rabbim, yolg‘on ayb bo‘lsin. Sardor mening bolam – undan bunday narsa chiqmaydi… Keyin u yo‘qoldi. Ovozi ham, xabari ham. Undan keyin kelgan birinchi xabar – uning urushga olib ketilgani bo‘ldi. Keyingi xabar esa – uning tobuti, – zorlanib yig‘ladi onaizor.
Onaning aytishicha, xorijda uning o‘g‘liga nisbatan nohaq tuhmatlar bo‘lgan.
– Mening o‘g‘lim urushga bormas edi. Rossiyaning urushlariga mening bolamni nima uchun olib ketishdi? Sardorim faqat ishlashni, uylar qurishni bilardi, baxt topishni xohlagandi. Men har kuni o‘g‘limning eski ish formasini ushlab yig‘layman. Undan mehnat hidi keladi. Har kuni u yuborgan kamzulga munchoqlar tikaman. U muhojir edi. U askar emas. Muhojirlar – faqat ishchi kuchi emas. Ular inson. Ular farzand. Ular hayot uchun kurashchilar. Sardor O‘zbekistonni sevardi: so‘nggi 3-4 yil o‘z yurtida, garchi, jismi bilan yashamasa-da, ruhi bilan, ko‘ngli bilan sog‘inardi Buxoroni. Rus tilini eplab gapirolmasdi, to‘g‘risi. Qamoqda qancha kun, qancha oy «o‘tirdi» – bilmayman. U yerda uni nimaga majburlashdi – faqat o‘zi va Alloh biladi. Keyin Rossiya-Ukraina urushida qamoqdagi muhojirlarni frontga olib ketishyapti, deb eshitdim. Ba’zilari «ixtiyoriy», deb yozilgan qog‘ozga qo‘l qo‘yishga majbur qilinayotgan ekan. Urushdan qaytganlar yo‘q, dedilar. Urushga kerak bo‘lgan jon – mening Sardorimning joni bo‘ldi. Urushda kerak bo‘lgan narsa – Sardorimning qo‘li, Sardorimning ko‘zi, Sardorimning umidlari bo‘ldi. Men har kuni bolamning rasmiga qarayman. U hali yosh edi. Hali baxt ko‘rmagan edi. Eng navqiron davrini muhojirlikda yashadi, urushda halok bo‘ldi, tobutda qaytdi, – o‘g‘lining suratini quchib yig‘ladi onaizor.
***
Sardor urushni tanlamagan edi. U hech qachon qo‘liga avtomat olmoqchi bo‘lmagan. U mehnat qilmoqchi edi. Onasiga uy qurib bermoqchi, singlisini to‘ylar qilib uzatmoqchi edi. «Otam yo‘qligini bildirmayman singlimga, ona! Ota o‘rnida baxt uyiga o‘zim yetaklab boraman… Ha, aytmoqchi, erkatoy qizingizdan tezroq «qutilsak», navbat menga, chiroyli bir qiz-kelin xizmatingizga keladi», – derkan hazillashib, onasi bilan telefon orqali suhbatlarda Sardor.
Sardor qamoqdan chiqayotganda, urushga ixtiyoriy borishni yozma ravishda «tanlagan». Aslida, bu ixtiyoriylik emas – bu uning tanlovi bo‘lmagan.
Sardorni oldin jangga o‘rgatish markaziga olib borishdi. Qo‘liga qurol tutqazib: «Teper ti ne migrant, ne zaklyuchyonniy. Ti – soldat!» – dedi unga kapitan.
Uni urush ko‘p jabrladi. Og‘riqlar, jangdoshlarining qurbonligi, hech kimga ma’lum bo‘lmagan yong‘inlar, portlashlar uning qalbini sinadi, orzularini sindirdi.
«Har bir onaga tinchlik, har bir bolaga tinch mehnat, adolat, qadr va hayot tilayman», –o‘g‘lining suratiga termulgancha ko‘zda yosh bilan so‘zladi ona.
Laylo Hayitova
Ma’lumot o‘rnida:
2022-2023 yillarda, Rossiya-Ukraina urushi avj olgan davrda, Rossiya qamoqxonalaridagi chet el fuqarolarining frontga jalb qilinishi haqida xalqaro axborotlar tarqalganidan so‘ng, O‘zbekiston Tashqi ishlar vazirligi tomonidan O‘zbekiston fuqarolarining hech qanday harbiy harakatlarda ishtirok etmasligi lozimligi xususida rasmiy ogohlantirishlar, urushda ishtirok etish – O‘zbekiston Qonunchiligi bo‘yicha jinoyat hisoblanishi haqida bir necha marta rasmiy bayonotlar berildi.
Bugungi kunda O‘zbekiston elchixonalari va konsulliklari Rossiyadagi fuqarolarni nazorat qilish, ularga huquqiy yordam berish, qamoqdagi muhojirlar bilan bog‘liq ishlarni olib borishga harakat qilmoqda. Ammo, bu faoliyat to‘liq va samaralimi? Aniq yechimlar va fuqarolarni himoya qilish darajasi qanday?
Ijtimoiy tarmoqlarda bot-bot aytilayotgandek, muhojirlarni urushdan himoya qilish bo‘yicha amaliy harakatlar yetarlimi? Rossiyada qamoqda o‘tirgan, noxaq ayblangan yoki urushga jalb qilingan o‘zbekistonliklar haqidagi alohida tekshiruvlar, xalqaro bosimlar yoki jamoatchilikni jalb etgan tashabbuslar-chi?! Yaqinda BBC va boshqa ijtimoiy tarmoqlar orqali O‘zbekistondan 66 kishining Ukrainaga qarshi urushda Rossiya tarafida qatnashib, halok bo‘lgani xususida xabarlar yoritildi.
Aytish joizki, O‘zbekiston rasmiylari tomonidan Rossiyaga migrantlarga nisbatan to‘g‘ri munosabat va huquqni himoya qilishni ta’minlash bo‘yicha diplomatik nota yuborildi. Ammo, amaliy choralar, muhojir fuqarolarga yuridik yordam va ommaviy asosda ma’lumot yetkazish borasida jamoatchilik va mustaqil tashkilotlar faolligi yetarli emasdek. Muhojirlarni himoyalash borasida urushda ishtirok etishni ta’qiqlash haqida bayonotlar berilayotgani amalda ham namoyon bo‘lib, ularni himoya qilish darajasi yanada kuchayishi muhim. Shu o‘rinda, davlat institutlaridan tashqari, jamoatchilik faolligi, mustaqil jurnalistika va huquqni himoya qilish tashkilotlari orqali bu holatlar ma’lum darajadagina yoritilmoqda. Demak, yuqorida so‘z yuritilgan bayonotlar O‘zbekiston muhojirlari uchun mustahkam himoya qo‘rg‘oni bo‘lib xizmat qilishi kerakligi kun talabiga aylanishi kerak.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
Ko‘ksaroy qarorgohida O‘zbekiston Prezidenti Shavkat Mirziyoyev va Hindiston Bosh vaziri Narendra Modi o‘rtasida muzokaralar bo‘lib o‘tdi. Uchrashuv avvalida mehmon davlatimiz rahbarini Mustaqillik kuni bilan samimiy tabrikladi. Ushbu tarixiy tashrif ikki mamlakat o‘rtasidagi munosabatlarni keng qamrovli strategik sheriklik darajasiga olib chiqib, o‘zaro hamkorlikda yangi bosqichni boshlab berishi ta’kidlandi.
Tomonlar savdo-iqtisodiy aloqalar izchil rivojlanayotganini mamnuniyat bilan qayd etdilar. O‘tgan yili tovar ayirboshlash hajmi ilk bor 1 milliard dollardan oshdi, qo‘shma korxonalar soni esa 7 barobarga ko‘paydi, haftasiga 14 ta to‘g‘ridan-to‘g‘ri aviaparvoz amalga oshirilmoqda. Ikki davlat rahbarlari 2030-yilga qadar o‘zaro savdo hajmini 5 milliard dollarga yetkazish bo‘yicha zarur choralarni ko‘rishga kelishib oldilar. Shuningdek, energetika, farmatsevtika, metallurgiya, sog‘liqni saqlash va qishloq xo‘jaligi kabi ustuvor sohalarda yangi sanoat kooperatsiyasi loyihalarini amalga oshirishga alohida e’tibor qaratildi.
Hamkorlikni samarali muvofiqlashtirish maqsadida tashqi siyosat idoralari rahbarlari darajasida yangi muvofiqlashtiruvchi mexanizm ta’sis etiladigan bo‘ldi. Tomonlar parlamentlararo, Hukumatlararo komissiya va Ishbilarmonlar kengashi doirasidagi muloqotlarni faollashtirishga kelishib oldilar. Andijon va Gujarat, Farg‘ona va Haryana, Samarqand va Agra o‘rtasidagi hududlararo yaqin sheriklik aloqalari ham yuqori baholandi.
Gumanitar sohada ta’lim va madaniyat yo‘nalishidagi aloqalar kengaymoqda. Hozirda O‘zbekistonda Hindistonning 4 ta universiteti faoliyat yuritmoqda. Madaniy-gumanitar aloqalarni rivojlantirishga alohida e’tibor qaratilmoqda. Bunda Lal Bahodur Shastri nomidagi Hind madaniyati markazi va Mahatma Gandi nomidagi Hindshunoslik markazi muhim o‘rin tutmoqda.
Shuningdek, O‘zbekistonda yoga tobora ommalashib borayotgani va ushbu sohadagi hamkorlik faol rivojlanayotgani qayd etildi.
Tashrif doirasida Madaniy almashinuv bo‘yicha besh yillik dastur imzolanishi, madaniyat kunlari va kinofestivallar muntazam o‘tkazilishi belgilandi. Rahbarlar BMT, ShHT va BRIKS kabi xalqaro tashkilotlar doirasida bir-birini izchil qo‘llab-quvvatlashni davom ettirishlarini bildirdilar. Muzokaralar yakunida belgilangan barcha vazifalar bo‘yicha aniq «yo‘l xaritalari» ishlab chiqilishiga kelishib olindi.
O‘zbekistonda yetti oylik bozor xizmatlari hajmi 802,5 trln so‘mga yetdi
«Enamdan qolgan dalalar» (Esse)
Шавкат Мирзиёев Бишкекда кутиб олинди
-
Sport4 days ago
EChL 2026/2027. Umumiy guruh bosqichi taqvimi e’lon qilindi
-
Jamiyat3 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport3 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat3 days ago
Qonunchilikdagi noaniqliklar tadbirkor foydasiga talqin qilinadi
-
Siyosat4 days ago
Prezidentning Mustaqillik bayrami tabrigidan o‘rin olgan asosiy fikrlari
-
Siyosat1 day ago
Шавкат Мирзиёев Бишкекда кутиб олинди
-
Siyosat3 days ago
Pokiston bosh vaziri bilan uchrashuv o‘tkazildi
-
Mahalliy15 hours ago
«Enamdan qolgan dalalar» (Esse)