Jamiyat
“Medgorodok”dagi kabi voqea takrorlanmasligiga kafolat bormi?
Toshkentda issiq suv quvuri bosim bilan sinash paytida yorilib ketdi. Xayriyatki, talafotlar faqat moddiy, baxtli tasodif sabab hech kimga jiddiy shikast yetmadi. Sal qolsa, osmonga uchgan trotuarning beton plitasi odamni bosib qolishi hech gap emasdi. Xo‘sh, shaharda insonlar hayoti tasodif ixtiyoriga tashlab qo‘yilganmi? Kun.uz bu haqdagi savollar bilan mas’ullarga yuzlandi.
10 iyul kuni Shayxontohur tumani Farobiy ko‘chasida trotuar ostidan o‘tgan issiq suv quvuri yorilib, portlashga olib keldi. Voqea kuz-qish mavsumiga tayyorgarlik doirasida, quvurlarni odatiy bosim ostida sinash vaqtida ro‘y berdi.
Kuzatuv kameralaridan olingan videolardan ko‘rinishicha, trotuarda turgan piyodadan bir necha qadam narida trotuarning beton plitasi otilib, o‘tkinchi avtomobilni bosib qolishiga bir baxya qolgan – agar portlash svetoforning qizil fazasida ro‘y berganida, shunday bo‘lishi tayin edi.
Boshqa bir videoda portlash natijasida hosil bo‘lgan quyuq chang ichidan bir necha kishi jon holatda, boshini changallagancha yugurib chiqayotgani ko‘rinadi.
FVV axborotiga ko‘ra, uch kishi yengil jarohatlangan. Bir necha avtomobil va binoga zarar yetgan. Kun.uz muxbiri voqea joyida bo‘lib, guvohlar va mas’ullar bilan suhbatlashdi.
Veolia Energy’ning Olmazor tumani bo‘lim boshlig‘i Baxtiyor Rasulovga ko‘ra, yetkazilgan zararlar kompaniyaning sug‘urta bo‘yicha hamkori tomonidan qoplab beriladi.
“Qishda yorilib ketmasligi uchun, quvurlar 30-40 yildan beri mana shu tarzda sinab kelinadi. Tajribamda bunday holatlar avval ham bo‘lgan. Bir necha yil oldin sal nariroqda ham shunday portlab, suv balandga otilgan. Yunusobodda ham yorilib, fontan bo‘lib ketgan.
O‘zi 16 atmosfera bosimga sinamoqchi edik, lekin ungacha chiqmadi, 12,6–12,8 atmosferada yorilib ketdi. Har bitta trubaning xizmat muddati bor, bir necha o‘n yil. Biz muddatidan oldin uni almashtira olmaymiz, chirigan joylari bor-yo‘qligini mana shunaqa obpressirovka bilan sinab olamiz. Mana, hozir chirigan joyi chiqdi.
Bunaqa sinov butun shahar hududida bo‘ladi. Zarar yetkazilgan holatlar bo‘yicha aktlar tuzamiz, sug‘urtamiz bor, shu sug‘urta kompaniyasi to‘lab beradi, faqat dalolatnoma asosida.
Belgilangan tartib bo‘yicha, sinov o‘tkazilayotganda ma’lum bir masofalarda xodimlarimizni joylashtiramiz. Bu yerda ham xodimimiz turgan, u odamlarga: “Nariroqqa o‘tinglar, bu yerda sinov bo‘lyapti” deb aytdim deyapti. Nima uchun bu xodimlarni qo‘yamiz? Sababi, yorilib ketsa, zudlik bilan issiq suvni o‘chirishimiz kerak”, – dedi Baxtiyor Rasulov.
Kun.uz muxbiri voqeadan keyin Veolia Energy Tashkent ofisida bo‘lib, kompaniya bosh muhandisi o‘rinbosari Ikromjon Isoqov bilan suhbatda bo‘ldi.
— Shunaqa portlashi ehtimoli bor ekan, bunaqa ishlar tungi vaqtda, ko‘chada odam kam bo‘lgan vaqtda qilinishi kerak emasmi?
— Bunday sinovlarni kechqurun o‘tkazish bundan-da xavfli. Qorong‘i vaqtda bugungidek hodisa bo‘lsa, avariya holatini aniqlash, bartaraf etish cho‘ziladi. Shuning uchun kunduz kuni qilinadi.
Biz sinovlar o‘tkazilishi haqida 1 oy oldin rasmiy manbalarimizda ogohlantirish beramiz. Qaysi ko‘chada, qachon sinovlar o‘tkazilishi bo‘yicha e’lo chiqarganmiz.
— Shu portlagan joyda biror odam turganida, beton plitaning tagida qolar edi. Sinovdan oldin xavfli joylarni lentalar bilan o‘rab chiqish kerak emasmi? Bu borada normativ hujjatlarda qanday talablar bor?
— Xavfli joylarda bizning xodimlar turishadi. Bugun ham turishgan. Quvurlarni bosim berib sinash bo‘yicha 2004 yilda tasdiqlangan qoidalar bor: qanaqa tartibda o‘tishi kerak, hammasi yozilgan. Biz shu tartib bo‘yicha ishlaganmiz. Endi shu tartibni o‘zgartirishni ko‘rib chiqyapmiz.
Bu hodisayam sababchi bo‘lib, tegishli qoidalarni o‘zgartirish bo‘yicha o‘z takliflarimizni beramiz. Takliflarimizdan biri – quvurni yuqori bosimda tekshirmasdan, o‘rniga ultratovush apparatlari bilan tekshirish.
— Sinov paytida bosim sekin-sekin, muayyan vaqt intervallari bilan oshirib borilganmi? Kattaroq portlash bo‘lganiga qaraganda, birdaniga yuqori bosim berilgandek ko‘rinyapti.
— Qoida bo‘yicha har 1 daqiqada bosim 1 atmosferaga ko‘tarib borishadi. Qoidasi shunaqa. Biz sinovda bosimni maksimal 16 atmosferagacha ko‘tarishimiz kerak edi, lekin 12,6 atmosferada shu joy yorilgan.
Bundan tashqari, qoida bo‘yicha, sinovdan oldin issiq suv haroratini 45 darajaga tushirishadi, shunday holatlar bo‘lganda odamlar kuymasligi uchun. Bugun ham suv haroratini 45 darajagacha tushirishib, shundan keyin bosimni 1 daqiqada ko‘tarib borishgan. (Bu vaqtda issiq suv ta’minoti ikkinchi quvur orqali davom ettirilgan – tahr.)
Agar bosim birdaniga ko‘tarib yuborilganida, gidravlik zarba yuzaga kelib, faqat bitta joy yorilmagan bo‘lardi.
— Qanday xulosa chiqariladi, bu kabi holatlar takrorlanmasligi uchun ish tartibiga o‘zgarishlar kiritiladimi?
— Sinov qoidalarini o‘zgartirish bo‘yicha nazorat organlariga taklifimizni beramiz. Birinchidan, yuqori bosimda tekshirmasdan, zamonaviy ultratovush apparatlari bilan tekshirishni taklif qilamiz.
Ikkinchidan, agar shunaqa yuqori bosimli sinovlarni davom ettirsak, odam yuradigan joylarni siz aytganingizdek lenta bilan o‘rab qo‘yish – birinchi maqsadimiz bo‘ladi.
Hozirgi sinovlar qozonxonadan boshlab, oxirgi nuqtagacha bo‘ladi. Yana bir taklifimiz – tekshirishni bo‘lib-bo‘lib, 500 metrdan 1 kilometrgacha bo‘lgan qismlarga ajratib, alohida sinovdan o‘tkazish bo‘ladi.
Sinovlar bo‘yicha hozir yangi grafik tuzilyapti. O‘zi rejamiz bo‘yicha avgust oxiridan sentabr o‘rtasigacha keyingi sinovlar bo‘lishi kerak. Hozir aytib o‘tgan takliflarimiz asosida, sinov tartibiga o‘zgartirish kiritib, shunday hodisa bo‘lmasligiga harakat qilamiz.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport4 days ago
EChL 2026/2027. Umumiy guruh bosqichi taqvimi e’lon qilindi
-
Jamiyat4 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Siyosat5 days ago
Prezidentning Mustaqillik bayrami tabrigidan o‘rin olgan asosiy fikrlari
-
Siyosat2 days ago
Шавкат Мирзиёев Бишкекда кутиб олинди
-
Sport4 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat3 days ago
Qonunchilikdagi noaniqliklar tadbirkor foydasiga talqin qilinadi
-
Siyosat3 days ago
Pokiston bosh vaziri bilan uchrashuv o‘tkazildi
-
Mahalliy1 day ago
«Enamdan qolgan dalalar» (Esse)