Jamiyat
Markaziy bank qonunchilik talablarini buzgan yigirmaga yaqin bankni jarimaga tortdi
Markaziy banki tomonidan joriy yil sentyabr-oktyabr oylarida tijorat banklarining rasmiy veb-saytlari monitoringdan o‘tkazildi. Bundan ko‘zlangan maqsad moliyaviy xizmatlar iste’molchilari uchun axborotlar oshkor etilishi bo‘yicha qonunchilik talablariga rioya etilishini hamda foydalanuvchilarning to‘liq va ishonchli ma’lumot olish huquqi ta’minlanishni tekshirishdan iborat bo‘lgan.
Monitoring natijasida ayrim banklarning veb-saytlarida ma’lumotlar davlat tilida joylashtirilmaganligi aniqlandi.
Bundan tashqari, axborotlarni oshkor etish bo‘yicha qonunchilik talablariga rioya etilmagan holda ayrim banklarning veb-saytlarida kredit ta’minotiga qabul qilingan garov mulklarini kreditning asosiy qarzi qoldig‘iga mutanosib ravishda bosqichma-bosqich garovdan chiqarish tartibi joylashtirilmaganligi ma’lum bo‘ldi.
Xususan Agrobank, Anorbank, Hayotbank, Universal bank, Garant bank, Asakabank, Turonbank, Infinbank, MKBank, Trastbank, Madad Invest bank, Soderot bank, OFB, Ipoteka-bank, Tenge bank, Ziraat bank, AVO va Openbank kabi banklarning rasmiy veb-saytlarida yuqorida qayd etilgan tartib joylashtirilmaganligi kuzatildi.
Monitoring yakunlariga ko‘ra Markaziy bank tomonidan qoidabuzarlikka yo‘l qo‘ygan banklarning har biriga nisbatan amaldagi normativ hujjatlarga muvofiq 102 mln so‘mdan jarima chorasi qo‘llanildi va aniqlangan kamchiliklarni bartaraf etish hamda rasmiy veb-saytlardagi ma’lumotlarni qonunchilik talablariga to‘liq moslashtirish bo‘yicha tegishli ko‘rsatmalar yuborildi.
O‘z navbatida, Markaziy bank barcha tijorat banklaridan:
axborotlarni iste’molchilarga oshkor etishda davlat tiliga doir qonun talablariga so‘zsiz rioya etilishi;
rasmiy veb-saytlarda joylashtirilayotgan ma’lumotlarning to‘liqligi va dolzarbligi ta’minlanishi;
rasmiy veb-saytlarda joylashtirilgan axborotlarni oshkor etishda iste’molchilarining to‘liq, ishonchli va tushunarli ma’lumot olish huquqi hisobga olinishi lozimgini qat’iy ravishda talab qilmoqda.
https://cbu.uz/uz/press_center/news/3000247/
Toshkent shahri va Toshkent viloyatiga xos bo‘lgan, o‘zbek pazandachilik san’atining durdonasi bo‘lmish Toshkent to‘y oshi geografik ko‘rsatkich sifatida davlat ro‘yxatidan o‘tkazildi. Bu haqda Adliya vazirligi xabar berdi.
Adliya vazirligi xabariga ilova qilingan surat
Tarixiy va etnografik manbalarga ko‘ra, Toshkent vohasida palov tayyorlash madaniyati asrlar davomida shakllangan. To‘y oshi asosan tong saharda, qalin devorli cho‘yan qozonlarda pishiriladi.
Vazirlikning qayd etishicha, geografik ko‘rsatkich maqomi – Toshkent to‘y oshining nomi va an’anaviy tayyorlash texnologiyasini huquqiy jihatdan himoya qiladi hamda mahsulot sifatining davlat me’yorlariga muvofiqligini kafolatlaydi.
“Toshkent to‘y oshi – ajdodlar merosi, milliy qadriyatlar va xalq ruhining yorqin ifodasi bo‘lib, bugun gastronomik turizmni rivojlantirish hamda milliy brendni xalqaro miqyosda targ‘ib etishda muhim ahamiyat kasb etmoqda”, – deyiladi adliya axborotida.
Ma’lumot uchun, geografik ko‘rsatkich – mahsulotning muayyan hududga mansubligini va uning o‘ziga xos xususiyatlari aynan shu hudud bilan bog‘liqligini tasdiqlovchi intellektual mulk obektidir.
1 milliard so‘m — ayollar g‘oyalari uchun: Toshkentda yirik grant dasturi g‘oliblari e’lon qilindi.
Alisher Navoiy nomidagi Davlat akademik katta teatrida ayol tadbirkorlarni qo‘llab-quvvatlashga qaratilgan yirik grant dasturi g‘oliblari taqdirlandi. Tashabbus Uzum va Hamroh hamkorligida amalga oshirildi.
Tadbir davlat, biznes va ekspert doiralarini birlashtirib, amaliy muloqot va yangi imkoniyatlar maydoniga aylandi. Unda Zulayxo Mahkamova, Dilfuza Nurmatova hamda Svetlana Xe ishtirok etib, ayollar tadbirkorligini qo‘llab-quvvatlash bo‘yicha olib borilayotgan ishlar va yangi imkoniyatlarga to‘xtaldilar.
Dastur doirasida 20 nafar g‘olib ayol tadbirkor aniqlandi. Umumiy 1 milliard so‘mlik grant mablag‘lari uchta yo‘nalish — mentorlik, axborot texnologiyalari va «yashil» energetika bo‘yicha taqsimlandi.
Tanlovga taqdim etilgan loyihalar texnologik yechimlardan tortib mahalliy ishlab chiqarish va ta’lim tashabbuslarigacha bo‘lgan keng sohalarni qamrab oldi.
Tadbir davomida g‘olibalar o‘z tajribasi bilan o‘rtoqlashib, biznesni yo‘lga qo‘yish jarayonidagi qiyinchiliklar, qabul qilingan qarorlar va shaxsiy o‘sish yo‘li haqida so‘zlab berdilar. Shuningdek, tashkil etilgan ko‘rgazmada ishtirokchilarning mahsulotlari va loyihalari namoyish etildi.
Mazkur tashabbus davlat va xususiy sektor hamkorligi asosida ayollarning iqtisodiy faolligini oshirish, yangi ish o‘rinlari yaratish hamda zamonaviy tadbirkorlik muhitini shakllantirishda muhim qadam sifatida baholanmoqda.
Ijtimoiy tarmoqlarda Bo‘stonliq tumani «Yangi hayot» MFY hududida noqonuniy chiqindixona yuzaga kelgani aks etgan videomaterial tarqaldi.
Mazkur holat yuzasidan Chiqindilarni boshqarish va sirkulyar iqtisodiyotni rivojlantirish agentligi ishchi guruhi tomonidan joyiga tezkor chiqilib, vaziyat atroflicha o‘rganildi.
O‘rganish jarayonida chiqindilar yuridik va jismoniy shaxslar tomonidan belgilanmagan joylarga tashlangani natijasida to‘planib qolgani aniqlandi. Hudud sanitar tozalash korxonalari xizmat ko‘rsatish joriy reja-grafik ishlariga kiritilmaganiga qaramay, Agentlik tomonidan zarur choralar ko‘rildi.
Shu bilan birga, Agentlik huzuridagi kuzatuv kameralaridan foydalanish va nazorat qilish bo‘limi tomonidan hududga 24/7 rejimda ishlovchi zamonaviy kuzatuv kameralari o‘rnatish ishlari yo‘lga qo‘yilmoqda. Mazkur kameralar orqali belgilanmagan joylarga chiqindi tashlash bilan bog‘liq huquqbuzarliklarni aniqlash, ularning oldini olish hamda qonunchilikda belgilangan tartibda tegishli choralar ko‘rish imkoniyati yaratiladi.
Mazkur holatga befarq bo‘lmay, atrof-muhit tozaligi masalalariga e’tibor qaratgan jamoatchilik faollariga o‘z minnatdorchiligimizni bildiramiz, deyiladi agentlik xabarida.
Farg‘ona viloyatida DXX, bojxona va ichki ishlar organlari hamkorligida o‘tkazilgan tezkor tadbir davomida Qo‘qon shahriga yo‘l olgan «xavfli yuk» to‘xtatib qolindi.
Aniqlanishicha, qo‘qonlik ikki nafar shaxs (1994 va 2002-y.t.) qo‘shtepalik tanishining (2001-y.t.) «Gentra» avtomashinasida Farg‘ona tumaniga borib, qo‘shni davlatdan noqonuniy yo‘llar bilan olib kirilgan 11 650 dona «Regapen» kuchli ta’sir qiluvchi dori vositasini qabul qilib olishgan.
Guruh a’zolari ortga qaytayotgan vaqtda Uchko‘prik tumanida to‘xtatilgan. Shu paytda ular dori vositalarini mashinadan uloqtirib, voqea joyidan qochishga urinishgan, biroq tezkor xodimlar tomonidan qo‘lga olingan. Ma’lum bo‘lishicha, ushbu dorilarni Farg‘ona va Qo‘qon shaharlarida sotish rejalashtirilgan.
Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
Turkiyada o‘zbekistonliklar qurgan «Buxoro» masjidi ochildi
Source link
O‘zbekiston va Rossiya 2030-yilgacha savdo aylanmasini 30 milliard dollarga yetkazish, atom energetikasi va sanoat sohasidagi aloqalarni chuqurlashtirishni maqsad qilgan.
O‘zbekistonda qurilish nazoratini rag‘batlantirish choralari ko‘rilmoqda
Qurilishdagi byurokratik talablar 2 barobargacha qisqarishi mumkin
-
Dunyodan5 days agoArablar Putindan g’azablanishdi – nima uchun biz bilamiz
-
Siyosat5 days agoPrezident Mirziyoyev chakana savdoda elektron tijorat ulushini uch baravar oshirishni maqsad qilib qo‘ygan
-
Iqtisodiyot5 days ago
Keyingi haftada ham dollar pasayadi
-
Sport4 days ago
«Real Madrid» chempionlik uchun kurashlardan chiqdimi?
-
Dunyodan4 days ago
Kim Chen In Janubiy Koreya prezidentining kechirim so‘rashiga javob berdi
-
Dunyodan3 days ago
Eron rahbarlari AQSh va Isroildan tovon puli talab qilmoqda
-
Siyosat5 days agoOKMK chiqindilarni noqonuniy saqlash va daryolarni ifloslantirish uchun 48 milliard bedana jarimaga tortdi
-
Dunyodan4 days ago
Rossiya mudofaa vazirining sobiq o‘rinbosari 19 yillik qamoq jazosiga hukm qilindi