Jamiyat
maktablarda urfga kirayotgan “Sekret Santa” odamlarga qanday ta’sir qilyapti?
Bu o‘yin maktab o‘quvchilaridan tortib, talabalar, jamoalar orasida ham urfga aylanmoqda. Uning tarixi va o‘yin bilan bog‘liq holatlar haqida bilasizmi?
Secret Santa — bu guruh ichida tasodifiy ravishda kimga sovg‘a olish belgilanadigan, sovg‘a beruvchining ismi yashirin saqlanadigan o‘yin. Odatda har bir ishtirokchi boshqa bir bola uchun sovg‘a tanlaydi va o‘zi ham birovdan sovg‘a oladi. Sovg‘a egalari anonim saqlanadi. Ushbu an’ana Rojdestvo bayrami bilan bog‘liq. Bu 19-asrda Shvetsiya va Norvegiyada paydo bo‘lgan “Julklapp” urfidan kelib chiqqan. Shvedcha “Julklapp” so‘zi “Rojdestvoga sovg‘a” ma’nosini bildiradi. Odamlar qo‘shnisining eshigi yoniga sirli sovg‘acha qo‘yadi va uni ko‘rib qolmasliklari uchun tezda yugurib ketardi. Maqsad bayram ruhini ulashish, kayfiyatni ko‘tarish bo‘lgan. O‘zbekistonda ham oxirgi bir-ikki yilda bu an’anaga amal qilinyapti. Faqat maqsadlar o‘zgargandek…
Bu an’ana bolalar orasida bullingga sabab bo‘lyapti
Ba’zi ota-onalar Secret Santa o‘yini ba’zan maktab o‘quvchilari o‘rtasida salbiy munosabatlarga sabab bo‘layotgani, bola depressiyaga tushayotganidan xavotir bildirgan. Kun.uz’ga o‘z fikrini bildirgan o‘qituvchilardan biri esa sinfidagi o‘quvchilar shu sabab ikkiga ajralib qolganini aytdi.
“Bu an’ana bir-birining ijtimoiy ahvolini biladigan odamlar orasida bo‘lishi normaldir balki. Lekin bolalar orasida ommalashishiga qarshiman. Chunki bolalar bir-birlarining moliyaviy holatlarini yaxshi bilishmaydi. Yaqinda o‘quvchilarim shunaqa o‘yin o‘ynashni taklif qilishdi. Ruxsat berdim, shartlari bor ekan, ya’ni qur’a tashlash yo‘li bilan kim kimga sovg‘a berishini aniqladik. Buni bolalar orasida sir saqlashga kelishdik. Lekin undan keyin juda pushaymon bo‘ldim ruxsat berganimdan. Chunki shundan keyingi bir haftani shu o‘yinning g‘alvasi bilan o‘tkazdik. Hali bolalar shuning ustida janjallashgan, hali ota-ona telefon qilib bolasi kattaroq sovg‘a berib, arzimas sovg‘a olganidan norozi bo‘lganini aytgan. Xuddi bolalarni tabaqalashtirib qo‘ydi nazarimda.
To‘g‘ri, o‘ziga to‘q oilaning farzandlari nisbatan yaxshiroq sovg‘alar tayyorlashgan ekan, men ham kim qanday sovg‘a tayyorlaganini bilmasdim. Lekin oddiy oilaning bolalarida unaqa sovg‘a berishga imkoniyat yo‘q. Ko‘zlari mung‘ayib g‘alati bo‘lib qolishdi ba’zilari, xuddi kamsitilganday his qilib o‘zlarini. Bu o‘yinga ruxsat so‘rashganda asl mazmunini anglab yetmagan ekanman, bir o‘yin-da deb. Bolalarni yanayam ahil bo‘lishiga hissa qo‘shadi deb o‘ylagandim, lekin teskarisi bo‘ldi. Bunga ruxsat berishdan oldin yaxshi o‘rganib, to‘g‘ri tushuntirish kerak ekan mohiyatini. Maqsad sovg‘a olish emas, ko‘ngil ko‘tarish, yaxshilik qilish degan ma’noda. O‘zi bizning an’analarga kirmas ekan, shuning uchun tushunmasdan bolalarning dili og‘rishiga, ko‘nglida yomon xotira qolishiga sabab bo‘lmaylik deyman. Ayrim ota-onalar “qayerdan o‘ylab topdinglar bu o‘yinni?” deb bizni so‘roq qilishyapti. Vaholanki buni bolalar o‘zlari eshitib taklif kiritishgandi, bizga ham yangilik bo‘lganiga uncha tushunmaganmiz”, deydi u.
Ota-onalar qanday fikrda?
“Ikkita qizimni o‘zim yolg‘iz katta qilyapman. O‘tgan haftada katta qizim “Sekret Santa” degan o‘yinni o‘ynayapmiz deb keldi. Nima ekan desam, sovg‘a ulasharkanmiz, kim kimga sovg‘a berishini hech kim bilmaydi. Hozir hamma shunaqa qilyapti dedi. Hali oylikkacha ancha bor, to‘g‘risi non pulimizgacha hisoblab ishlatmasak qiynalib qolamiz. Ijarada turishning o‘zi bo‘lmaydi. Nima sovg‘a berish kerak ekan desam, ustozi buning ahamiyati yo‘q. O‘zlaring istagan har qanday sovg‘ani beraveringlar debdi. Uydan nimadir chiqarishga harakat qildim. Qizim o‘g‘il bola sinfdoshiga sovg‘a berishi kerak edi. Kichikroq sochiq bor edi, shuni chiroyli o‘rab berdim. Ahvolimizni bilgan qizim g‘ing demay olib ketdi, kayfiyati juda yaxshi edi. Kechga sovqotib ishdan qaytsam (bozorda ovqat sotaman), uyda biror ish qilinmagan, kayfiyati yomon, lekin hech narsa demaydi. 4 kundan beri maktabga bormayapti, mazam yo‘q deydi sababini so‘rasam, og‘zidan gap olaman deb qiynalib ketdim. Bilsam o‘sha kuni o‘g‘il bola sinfdoshiga sovg‘ani bergan, keyin u hammani oldida sovg‘ani ochgan va boshqa o‘g‘il bolalar “kuyovnavkarga tarqatiladigan sochiq olding” deb uning ustidan kulishgan. 7-sinf o‘quvchilari ayni o‘tish davrida emasmi, bolaning jahli chiqib qizimning yuziga sochiqni otib yuborgan. Boshqalarning eng oddiy sovg‘asi quloqchin, shunga o‘xshash narsalar bo‘lgan ekan. Bolam juda qattiq izza bo‘lgan, endi bormayman maktabga, ishlayman, nima ish bo‘lsayam farqi yo‘q deb o‘tiribdi. O‘qituvchisiyam bo‘lgan voqeadan xabari bor ekan, gaplashdik, lekin qizim juda g‘alati holatda hozir”, dedi tahririyatga murojaat qilgan ona.
Yana bir ota esa buning ota-onalarga ortiqcha yuk ekanligini ta’kidladi:
“O‘g‘lim boshlang‘ich sinfda o‘qiydi. Santa degan o‘yin o‘ynashga kelishishgan ekan. O‘rganib ko‘rsam, bu o‘yinda sovg‘aning qiymati, kim tomonidan berilishi ahamiyatli emas ekan. Shuning uchun kimdan sovg‘a olayotganini bilmasligi kerak ekan bola. Lekin biznikilar buni o‘zlariga moslashgan shekilli. Chunki o‘g‘limning sherigi, ya’ni undan sovg‘a kutayotgan bola o‘ziga olinadigan sovg‘ani belgilab bergan – sport qo‘lqopi, yana yopishtiradigan nimadir olishi kerakligini aytgan. Surishtirsam eng arzonini olsak ham 200 mingga yaqin narxda ekan. Hol-jonimga qo‘ymay ta’kidlashiga qaraganda shuni bermasa qattiq xafa bo‘ladigan.
Qizimdayam xuddi shunday hol. Bu yerda gap puldayammas, bolalar uchun zarur bo‘lmagan narsalarni oldirish. Undan keyin agar siz beradigan sovg‘a narigi tomon beradigan sovg‘adan kam (arzonroq) bo‘lib qolsa orada xafagarchilik, xijolatchilik degan narsalar bor. Shaxsan menga muammo bo‘lib ko‘rinyapti bu, ota-onalarga ortiqcha yuk, bolaga esa stress olib kelishi mumkin”.
Har bir davrning o‘z urflari bo‘lgani kabi bu o‘yin ham qachondir yodimizdan chiqadi. Lekin qancha bolaning ruhiy holatiga yomon ta’sir qilishi ularning kelajakdagi hayotiga ta’siri bo‘lishini unutmaslik kerak.
Sudlanuvchilar O‘zbekistonning turli hududlarida 20 dan ortiq MChJ ochib, past foizda mashina olib berishni va’da qilgan holda, yuzlab odamlarni chuv tushirgan. 14 nafar sudlanuvchiga qariyb mingta epizod bo‘yicha ayb e’lon qilib, jami 88,5 mlrd so‘m zarar hisoblangandi. Ular sudda 130 ta epizod bo‘yicha aybsiz deb topildi.
Oson shartlarda mashina olib berishni va’da qilib, odamlarni chuv tushirgan “Umid avto”chilar jinoiy jazoga tortildi. 14 nafar shaxsga nisbatan qo‘zg‘atilgan jinoyat ishi JIB Yunusobod tuman sudida sudya Shamsiddin Tojiyev raisligida ko‘rib chiqilib, hukm o‘qildi.
Sud majlisida qatnashgan Kun.uz jurnalistining xabar berishicha, sudlanuvchilarga 987 ta epizod bo‘yicha ayb e’lon qilinib, jami 88,5 mlrd so‘m zarar hisoblangan. Sudda ular 130 ta epizod bo‘yicha aybsiz deb topilib, oqlandi. Ayrim jabrlanuvchilar esa da’vosi yo‘qligini ma’lum qilgan.
Shu tariqa sudlanuvchilardan 834 ta epizod bo‘yicha jabrlanuvchilarga 60 mlrd so‘mdan ko‘proq zarar undirish belgilandi. Bunda har bir sudlanuvchi o‘zi aybli deb topilgan epizodlar bo‘yicha zararni qoplashi nazarda tutilgan.
Sud hukmiga ko‘ra, sudlanuvchilarga quyidagicha jazo tayinlandi:
Qodirov Dilshod Muhammadjonovich – Jinoyat kodeksining 168-moddasi (firibgarlik) 4-qismi “a,v” bandlari bilan aybli deb topilib, boshqa jinoyat ishi doirasida muqaddam tayinlangan jazoni qisman qo‘shish yo‘li bilan 10 yilga ozodlikdan mahrum qilish;
Abdurahmonov Abdumannop Abduhakim o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, boshqa jinoyat ishi doirasida muqaddam tayinlangan jazoni qisman qo‘shish yo‘li bilan 10 yilga ozodlikdan mahrum qilish;
Abduhakimov Ibroxim Anvar o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, 8 yilga ozodlikdan mahrum qilish;
Nig‘monjonov Muhammadmuso Ruslan o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, boshqa jinoyat ishi doirasida muqaddam tayinlangan jazoni qisman qo‘shish yo‘li bilan 8 yilga ozodlikdan mahrum qilish hamda BHMning 410 baravari miqdorida jarima;
Saidov Ixtiyor Baxtiyor o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, 8 yilga ozodlikdan mahrum qilish;
Raximov Mirqodir Raxmat o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, 9 yilga ozodlikdan mahrum qilish;
Toirjonov Akrom Baxtiyor o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, 8 yilga ozodlikdan mahrum qilish;
Muhammadjonov Shukurullo Risxivoy o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, 8 yilga ozodlikdan mahrum qilish;
Tal’atov Sarvar Tohir o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, 8 yilga ozodlikdan mahrum qilish;
Ismoilov Iskandar G‘ayrat o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, 8 yilga ozodlikdan mahrum qilish;
Toshtemirov Og‘abek Zokir o‘g‘li – Jinoyat kodeksining 168-moddasi 4-qismi “a,v” bandlari bilan aybli deb topilib, 8 yilga ozodlikdan mahrum qilish;
Xudoyberdiyeva Umidabonu Raxim qizi – Jinoyat kodeksining 168-moddasi 4-qismi “a,v” bandlari bilan aybli deb topilib, 5 yilga ozodlikdan mahrum qilish;
Nematov Shuxratjon Nusrat o‘g‘li – Jinoyat kodeksining 168-moddasi 4-qismi “v” bandi bilan aybli deb topilib, boshqa jinoyat ishi doirasida muqaddam tayinlangan jazoni qisman qo‘shish yo‘li bilan 6,5 yilga ozodlikdan mahrum qilish;
Mahmudov Mirjalol Muqumjon o‘g‘li – Jinoyat kodeksining 168-moddasi 4-qismi “v” bandi bilan aybli deb topilib, 6 yilga ozodlikdan mahrum qilish.
Ma’lumot uchun, “Umid avto” rahbari Abdumannop Abdurahmonov 2025 yil yanvar oyi boshida qamoqqa olingandi. 2025 yil iyun oyi oxiriga kelib esa mashina olib berish bahonasida 840 dan ortiq odamni chuv tushirgan guruh ushlangandi.
Abdumannop Abdurahmonov va boshqalar past foizda avtomashina sotib olish niyatidagi fuqarolarga istalgan turdagi avtomashinani yetkazishi to‘g‘risida ijtimoiy tarmoqlarda targ‘ibot olib borgan. Ular Toshkent shahri va respublikaning turli nuqtalarida “Umid avto companies”, “Umid Savdo Fayz Invest”, “Umid Avto Lizing”, “Umid Auto” kabi 20 dan ortiq MChJ tashkil etib, fuqarolarning mablag‘larni o‘zlashtirish bilan shug‘ullanib kelgani aytilgandi.
Abdumannop Abdurahmonov Kun.uz’ga bergan izohida mashinalar o‘z vaqtida topshirilmaganini 2022-2023 yillarda bir necha o‘nlab lizing kompaniyalar yoppasiga yopilib ketgani bilan izohlagandi.
Jamiyat
Centrum Air yangi yo‘nalish ochilishi munosabati bilan Antaliyaga maxsus reysni amalga oshirdi
Centrum Air aviakompaniyasi yangi Toshkent – Antaliya yo‘nalishi ochilishiga bag‘ishlangan keng ko‘lamli tadbirni o‘tkazish uchun Antaliyaga maxsus reys tashkil etdi. Mazkur reys bilan Turkiyaga taklif etilgan mehmonlar, jumladan, turizm sohasi vakillari, hamkorlar, blogerlar va OAV xodimlari yetkazildi.
27-aprel kuni Gloria Verde Resort mehmonxonasida bo‘lib o‘tadigan gala-kecha mavsumning asosiy turistik voqealaridan biriga aylanadi. Marosimda 200 dan ziyod mehmonlar, jumladan, Centrum Holidays’ning yetakchi turistik agentlari ishtirok etadi.
Toshkent – Antaliya yo‘nalishi bo‘yicha muntazam qatnovlarni 2026-yil 15-maydan boshlab yo‘lga qo‘yish rejalashtirilgan. Birinchi bosqichda parvozlar haftasiga 2-marta, 29-maydan esa har kuni amalga oshiriladi.
Parvozlar 347 nafargacha yo‘lovchini tashiy oladigan, yuqori darajadagi qulaylikka ega hamda uzoq masofali parvozlar uchun mo‘ljallangan zamonaviy keng fyuzelyajli Airbus A330 samolyotlarida amalga oshiriladi.
Barcha turlar Centrum Holidays’dan parvoz va yashash xarajatlarini o‘z ichiga olgan tayyor turpaketlar shaklida taqdim etiladi. Yo‘lovchilar kompaniyaning onlayn platformasi orqali mos mehmonxona va dam olish formatini tanlashlari mumkin.
Turpaketning minimal narxi bir kishi uchun 11,4 mln so‘mdan boshlanadi.
Dastur doirasida parvoz uchun jozibador shartlar ko‘zda tutilgan:
bagaj me’yori – 60 kg gacha (weight concept): umumiy vaznga rioya qilgan holda cheklanmagan miqdordagi yuk o‘rinlari;
qo‘l yuki – 8 kg gacha;
2 yoshgacha bo‘lgan bolalar uchun parvoz bepul (alohida o‘rindiqsiz);
2 yoshdan 11 yoshgacha (shu jumladan) bo‘lgan bolalar uchun tarifdan 1,2 mln so‘m chegirma beriladi.
Takliflar, mehmonxonalar va parvoz sanalari haqida qo‘shimcha ma’lumotlarni Centrum Holidays platformasidan olishingiz mumkin.
Ma’lumot uchun kontaktlar:
Telefonlar: +998772820880, +998772810880, +998702000880
Sayt | Instagram | Telegram
Prezident Shavkat Mirziyoyev Farg‘ona viloyatiga tashrifi doirasida Quva tumanida agrovoltaika texnologiyasi joriy etilgan qishloq xo‘jaligi majmuasi bilan tanishdi.
Yurtimizda qishloq va suv xo‘jaligida energiya sarfi ortib borayotgani hisobga olinib, «yashil» energiya quvvatlarini ko‘paytirishga alohida e’tibor qaratilmoqda. Agrovoltaika usuli bir yerning o‘zida ham mahsulot yetishtirish, ham quyosh panellari orqali elektr energiyasi ishlab chiqarish imkonini beradi. Hisob-kitoblarga ko‘ra, mamlakatimizda agrovoltaika yo‘nalishida 10 gigavattgacha quvvat yaratish salohiyati mavjud.
Bu yondashuv O‘zbekiston sharoitida, ayniqsa, quyoshli kunlar ko‘p bo‘lgan hududlar uchun samaralidir. Panellar ekinlarga soya berib, tuproq namligini uzoqroq saqlaydi, suv sarfini kamaytiradi. Ekinlar esa yer haroratini me’yorda ushlab, quyosh modullarining samarali ishlashiga yordam beradi.
Majmuada suv tejamkorligiga qaratilgan ilg‘or texnologiyalar ham joriy etilgan. Xususan, Avstriyaning «Bauer» kompaniyasi texnologiyasi asosida yomg‘irlatib sug‘orish tizimi qo‘llanilmoqda. Bu usul suvni ekin maydoniga bir me’yorda yetkazib, tuproq namligini saqlash, o‘g‘itni maqsadli berish va hosildorlikni oshirish imkonini beradi.
Mazkur texnologiya avval respublikadagi fermer xo‘jaliklarida sinovdan o‘tkazilib, suv sarfini 40 foizga, o‘g‘it sarfini 35 foizga, qo‘l mehnatini 90 foizga kamaytirish va hosildorlikni 25 foizga oshirish samarasini ko‘rsatgan.
110 gektar maydonni egallagan majmuada intensiv bog‘dorchilik, chorvachilik va baliqchilik yo‘nalishlari uyg‘unlashtirilgan. Bu qayta tiklanuvchi energiya manbalari va suv tejovchi texnologiyalar joriy etilgan mamlakatimizdagi ilk agromajmualardan biri hisoblanadi.
Hududda 10 mingta quyosh paneli o‘rnatilgan. Ular elektr energiyasi ishlab chiqarish bilan birga tuproq namligini saqlash va ekinlar uchun soya hosil qilishga xizmat qiladi. Baliqchilik hovuzlarida kislorod berish jarayoni elektr energiyasi hisobiga amalga oshiriladi, hovuz suvi esa mineral moddalarga boy holda uzumzor va bog‘larni oziqlantirishga yo‘naltiriladi.
Chorvachilik yo‘nalishida qoramollar quyosh panellari soyasida saqlanadi, bog‘ hududidagi o‘tlar bilan oziqlanadi, organik o‘g‘it esa yer unumdorligini oshirishga xizmat qiladi. Shu tariqa majmuada energiya, suv, ozuqa va o‘g‘it bir-birini to‘ldiruvchi yagona tizimga birlashtirilgan.
Bunday tizim qishloq xo‘jaligi, energetika va chorvachilikni o‘zaro bog‘lab, yerdan ikki karra samara olish, mahsulot tannarxini pasaytirish va bozorda raqobatbardoshlikni oshirish imkonini beradi. Eng muhimi, bu fermerlar daromadini ko‘paytirish, yangi ish o‘rinlari yaratish va mahalliy iqtisodiyotni rivojlantirishga xizmat qiladi.
Hozirda agromajmuada uzumning eksportbop «Avatar» navi yetishtirilib, zotdor qoramol va qo‘ylar parvarishlanmoqda, intensiv baliqchilik yo‘lga qo‘yilgan. Natijada 100 dan ortiq oilaning daromadi oshirilib, 350 nafar aholi bandligi ta’minlanmoqda. Eksport hajmi 2,5 million dollarni tashkil etadi.
Endilikda nafaqat mamlakatimiz, balki butun mintaqa uchun noyob bo‘lgan ushbu tajribani respublikaning 13 ta hududida 2 ming gektar maydonda ommalashtirish rejalashtirilgan.
Davlatimiz rahbari majmua faoliyati bilan tanishar ekan, agrodronlar yordamida ekinlarni dorilash va monitoring qilish ishlarini ham ko‘zdan kechirdi.
Prezident Shavkat Mirziyoyev Quva tumanidagi «Karkidon» suv ombori hududida barpo etilgan yangi turizm majmuasida amalga oshirilayotgan loyihalar bilan tanishdi.
Bu maskan Farg‘ona vodiysida yozgi dam olish, ekoturizm va faol hordiq chiqarish uchun eng jozibador manzillardan biriga aylanishi kutilmoqda.
Davlatimiz rahbarining 2025-yil 1-apreldagi qaroriga muvofiq, bu yerda qiymati 635 milliard so‘mlik zamonaviy turizm majmuasi shakllantirilmoqda. Hududda yo‘l infratuzilmasi yaxshilanib, obodonlashtirish ishlari davom etmoqda.
508 gektar maydonni egallagan majmua agroturizm, ekoturizm va ekstremal turizm imkoniyatlarini birlashtirgan. Bu yerda 45 ta shale, 57 ta zamonaviy mehmon uyi, agroturizm majmuasi, gullar bog‘i, lavandazor, ekobozor, sokin hududlar va restoranlar tashkil etilgan.
Prezidentimiz hududda yaratilgan sharoitlar bilan tanishar ekan, bunday loyihalar aholi farovonligi, hudud iqtisodiyoti va mamlakatimizning sayyohlik salohiyatini oshirishda muhim ahamiyatga ega ekanini ta’kidladi. Turizm mamlakatni dunyoga tanitish, yangi ish o‘rinlari yaratish va xizmatlar eksportini kengaytirishning samarali yo‘nalishlaridan biri ekani qayd etildi.
Loyiha doirasida yuzdan ortiq tadbirkorlik sub’yekti tashkil etilib, 2 mingga yaqin yangi ish o‘rni yaratiladi. Yiliga 750 ming nafar sayyohni qabul qilish, 3 milliard so‘mlik budjet tushumi hamda 5 million dollarlik xizmatlar eksportini ta’minlash ko‘zda tutilgan. Majmua 2027 yildan to‘liq quvvatda ishga tushiriladi.
Kelgusida bu yerda motokross maydonlari, 2 kilometrli dor yo‘li, karting va golf maydonlari tashkil etiladi. Bu imkoniyatlar «Karkidon» majmuasini faol turizm yo‘nalishidagi flagman maskanlardan biriga aylantiradi.
Mutasaddilarga turizm va xizmat ko‘rsatish sohalarini yanada rivojlantirish, mahalliy va xorijiy sayyohlar uchun qulay sharoitlar yaratish, eng muhimi, aholi manfaatiga xizmat qiladigan barqaror tizimni shakllantirish bo‘yicha topshiriqlar berildi.
Tashrif davomida davlatimiz rahbari yangi mehmonxona va savdo majmualari faoliyati bilan ham tanishdi. Shu yerning o‘zida sayyohlik sohasida istiqbolda amalga oshiriladigan loyihalar taqdimot qilindi.
Jumladan, Taxtako‘pir tumanida Qoratereng ko‘li, Xonobod tumanida sun’iy ko‘l, Xatirchi tumanida «Ko‘ksaroy suv ombori, Pop tumanida Arashan ko‘li, Nurobod tumanida «Sobirsoy» va Kattaqo‘rg‘on tumanidagi «Kattaqo‘rg‘on» suv omborlari atrofida ham yirik turizm majmualarini barpo etish rejalashtirilgan.
Bu kabi loyihalar mamlakatimizning sayyohlik salohiyatini kengaytirish, hududlarda xizmat ko‘rsatish sohasini rivojlantirish va aholi daromadini oshirishga xizmat qiladi.
London shahridagi O‘zbekiston Respublikasi Elchixonasi binosida buyuk davlat arbobi, zabardast sarkarda va ma’rifatparvar, qudratli davlat asoschisi, jahon tarixidagi eng ulug‘ shaxslardan biri — Amir Temur tavalludining 690 yilligi munosabati bilan xalqaro madaniy-ilmiy tadbir o‘tkaziladi.
O‘zbekiston Respublikasi Prezidenti Shavkat Mirziyoyevning Amir Temur tavalludining 690 yilligini keng nishonlash to‘g‘risidagi qaroriga muvofiq, ushbu muhim sana dunyo bo‘ylab xalqaro darajada keng nishonlanmoqda. Shu munosabat bilan aprel oyi Amir Temur oyi etib e’lon qilingan.
2026 yil 8–12-aprel kunlari Toshkent va Samarqand shaharlarida Amir Temur va Temuriylar sivilizatsiyasining jahon tarixidagi o‘rni va ahamiyatiga bag‘ishlangan xalqaro ilmiy-amaliy konferensiya bo‘lib o‘tdi.
Yubiley dasturining davomi sifatida 22-aprel kuni Madrid shahrida olimlar, ekspertlar va diplomatik korpus vakillari ishtirokida xalqaro ilmiy-ma’rifiy tadbir tashkil etildi.
Londonda bo‘lib o‘tadigan ushbu tadbir keng ko‘lamli yubiley tantanalarining davomi bo‘lib, Sharq va G‘arb o‘rtasidagi ko‘p asrlik intellektual va madaniy muloqotning uzviy davomiyligini ifoda etadi.
Tadbir doirasida yetakchi milliy va xalqaro olimlar, ekspertlar, xalqaro tashkilotlar hamda hamkor tuzilmalar vakillari ishtirokida ma’ruzalar va muhokamalar o‘tkazilishi rejalashtirilgan.
Shuningdek, YeXHT va Buyuk Britaniyaning tegishli huquq-tartibot organlari vakillari ishtirokida madaniy merosni muhofaza qilish, tarixiy artefaktlarni noqonuniy aylanishini oldini olish, xalqaro huquqiy hamkorlikni mustahkamlash hamda jahon madaniy merosini saqlash masalalari muhokama etiladi.
O‘zbekistondagi Islom sivilizatsiyasi markazi direktori, O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyati (WOSCU) boshqaruv raisi Firdavs Abduxaliqov bu haqda to‘xtalib shunday dedi:
«Yaqinlashib kelayotgan tadbirning eng muhim qismi — noqonuniy ravishda olib chiqilgan madaniy artefaktlarni O‘zbekistondagi Islom sivilizatsiyasi markaziga tantanali ravishda topshirish marosimi bo‘ladi. Bu holat xalqaro hamjamiyat tomonidan O‘zbekiston Prezidentining madaniy merosni qaytarish borasidagi siyosatini qo‘llab-quvvatlanayotganining yorqin ifodasidir. Shuningdek, bu madaniy-tarixiy merosni himoya qilish, restitutsiya va insoniyat xotirasini asrash bo‘yicha xalqaro hamkorlik mustahkamlanayotganini ko‘rsatadi. Biz shuningdek, Sotheby’s va Christie’s kabi auksionlarda ishtirok etish hamda O‘zbekiston madaniy merosiga oid qator noyob predmetlarni xarid qilish maqsadida bir qator art galereyalarga tashrif buyurishni ham rejalashtirmoqdamiz».
Tadbir doirasida WOSCU tomonidan chop etilgan yangi fundamental ilmiy nashr — «Dunyo kolleksiyalaridagi O‘zbekiston madaniy merosi turkumiga kiruvchi “Markaziy Osiyo qo‘lyozma merosi Kembrij universiteti kutubxonalarida» nomli asar taqdimoti ham bo‘lib o‘tadi. Ushbu ilmiy loyiha doktor Firuza Melvill va O‘zbekistonlik mutaxassislar hamkorligida uch yil davomida tayyorlangan.
Tadbir O‘zbekiston Respublikasi Tashqi ishlar vazirligi, Fanlar akademiyasi, O‘zbekiston madaniy merosini saqlash, o‘rganish va ommalashtirish bo‘yicha Butunjahon jamiyati hamda bir qator davlat va jamoat tashkilotlari tomonidan qo‘llab-quvvatlanmoqda.
Bugun Amir Temur nomi yana alohida ahamiyat bilan tilga olinmoqda — u davlat boshqaruvidagi donoligi, strategik tafakkur va madaniy yaratuvchanlik timsoli sifatida namoyon bo‘lmoqda. Londonda bo‘lib o‘tayotgan ushbu forum esa Temuriylar merosining zamonaviy dunyoda ham xalqlar, davlatlar va ilmiy jamoalarni birlashtirishda muhim o‘rin tutayotganini yana bir bor tasdiqlaydi.
Joriy yil 2-may kuni Toshkent shahrida Yevropa kuni keng miqyosda nishonlanadi. Ushbu sana munosabat bilan poytaxtda Yevropa Ittifoqi festivali tashkil etiladi.
«Bu Yevropa jamoasi ruhidagi ochiq shahar tadbiri bo‘lib, bir makonda xalqaro loyihalar, YeIga a’zo mamlakatlar elchixonalari va bugungi kunda mavjud imkoniyatlarni yaxshiroq tushunishni istagan insonlar uchrashadi», – deb xabar berdi YeI delegatsiyasi.
Festival doirasida Yevropa Ittifoqi moliyalashtirayotgan dasturlarning vakillari bilan bevosita muloqot qilish, ta’lim, ko‘nikmalarni rivojlantirish, ekologiya, hamjamiyatlarni qo‘llab-quvvatlash, inson huquqlarini himoya qilish va boshqa yo‘nalishlardagi xalqaro tashabbuslar O‘zbekistonda qanday ishlayotgani borasida qimmatli ma’lumotlar olish mumkin.
Dasturning alohida qismi YeI mamlakatlari bilan jonli tanishuv bo‘lib, elchixonalar o‘z turizm salohiyatini, ta’lim olish imkoniyatlarini va madaniy xilma-xilliklarini taqdim etadi.
Bolalar hamda kattalar uchun yengil va ochiq shahar bayrami formatidagi festival interaktiv zonalarni ham o‘z ichiga oladi.
Tashkilotchilarga ko‘ra, qiziquvchilar tadbirga oila a’zolari va yaqinlari bilan tashrif buyurishi mumkin. Kirish bepul.
Yevropa Ittifoqi festivali 2-may kuni soat 11:00–16:00 da Toshkent shahridagi Yoshlar ijod saroyida (Mustaqillik shohko‘chasi, 2) bo‘lib o‘tadi.
U-17 Jahon chempionati o‘tkaziladigan sana ma’lum qilindi
Ijobiy tendensiyalar sekinlashgan va tashqi xatarlar bor – MB raisi asosiy stavka o‘zgarishsiz qoldirilgani haqida
Mashina olib berish va’dasida yuzlab odamni chuv tushirgan “Umid avto”chilarga hukm o‘qildi
-
Dunyodan5 days ago
267 nafar farzandni tarbiyalagan “Super dada” (foto)
-
Jamiyat3 days agoJomboyda mast haydovchi YTH sodir etdi
-
Siyosat5 days ago
Prezident eksport qilishda tadbirkorlarga yordam bermayotgan hokimlarni ogohlantirdi
-
Dunyodan4 days ago
Livan-Isroil o’t ochishni to’xtatish muddati uch haftaga uzaytirildi
-
Dunyodan3 days ago
AQSh Eronga qarshi urush uchun har soniyada 11,5 ming dollar sarflamoqda
-
Jamiyat4 days agoToshkentda elektr korxonasi muhandislari 8 ming dollar bilan ushlandi
-
Siyosat5 days agoShavkat Mirziyoyev: dunyo oldingidek «sokin» bo‘lmaydi
-
Jamiyat4 days ago
O‘zbekiston turizm salohiyati Destination Karakalpakstan 2026 maydonida namoyish etildi