Jamiyat
Mahalla — islohotlar tayanchi va yuksalish nuqtasi
O‘zbek jamiyatining tarixiy xotirasida “mahalla” tushunchasi oddiy hududiy birlik sifatida emas, balki odamlar taqdirini bog‘laydigan ijtimoiy rishta, qo‘ni-qo‘shnichilik mas’uliyatini tarbiyalaydigan hayot maktabi sifatida yashab kelgan. Keksalar duosi, yoshlar tarbiyasi, mehr-shafqat, hashar, yarashuv va hamjihatlik madaniyati – bularning barchasi asrlar davomida mahalla muhitida shakllangan.
Shu bois ham jamiyatdagi islohotlar haqida gap ketganda, ularning haqiqiy o‘lchovi odamlar hayotidagi o‘zgarishlar bilan, ya’ni mahalladagi kayfiyat, farovonlik va adolat hissi bilan baholanadi. Mahalla qayerda kuchli bo‘lsa, o‘sha yerda jamiyat barqaror, inson qadri ulug‘, taraqqiyot esa xalqqa yaqin bo‘ladi.
Prezidentimiz Shavkat Mirziyoyevning Oliy Majlis va O‘zbekiston xalqiga navbatdagi Murojaatnomasi ham aynan shu mazmunda – davlat va jamiyat taraqqiyoti uchun strategik yo‘nalishlarni belgilab bergan muhim siyosiy-huquqiy hujjat sifatida yana bir bor o‘z ahamiyatini namoyon etdi.
Murojaatnomada islohotlarning markazida inson manfaati, xalq bilan muloqot, ochiqlik va hisobdorlik tamoyillari turgani, eng muhimi – davlat siyosati joylarda, aholiga eng yaqin bo‘g‘in orqali amaliy natijaga aylanishi kerakligi yaqqol sezildi. Shu ma’noda 2026 yilga “Mahallani rivojlantirish va jamiyatni yuksaltirish yili” deb nom berilgani ramziy shior emas, balki islohotlarning ijtimoiy tayanch nuqtasini aniq belgilab beruvchi dasturiy yondashuv sifatida namoyon bo‘lmoqda.
Bu g‘oyaning mohiyati oddiy, ammo juda muhim: fuqarolarning ehtiyoji, dardi va muammosi birinchi navbatda mahalla darajasida ko‘rinadi. Demak, adolatli va samarali boshqaruv ham aynan shu yerdan – odamlar kundalik hayotiga eng yaqin nuqtadan boshlanishi lozim. Mahalla bugun faqat ma’muriy hudud emas; u fuqarolik jamiyatining tabiiy tayanchi, jamoatchilik nazorati va hamjihatlik madaniyati qaror topadigan muhit, aholini davlat qarorlari qabul qilinishiga yaqinlashtiradigan amaliy maydonga aylanmoqda.
Prezidentimiz Murojaatnomasida fuqarolik jamiyati institutlarini, xususan mahalla institutini kuchaytirish tashabbuslarining ustuvor qo‘yilishi ham jamiyatni yuksaltirishning eng ta’sirchan yo‘li sifatida qaralayotganini anglatadi.
So‘nggi yillarda mahalla tizimida amalga oshirilayotgan o‘zgarishlar “aholi bilan ishlash”ni tizimli yo‘lga qo‘yishga xizmat qilmoqda.
Xususan, mahallada “yettilik” tizimining joriy etilishi, kredit, subsidiya, kompensatsiya, moddiy yordam kabi 100 dan ziyod xizmatlarni mahalla darajasiga tushirish orqali millionlab fuqarolarga manzilli ko‘mak yetkazish imkoniyati kengaygani ta’kidlandi. Bu yondashuv ijtimoiy himoyani kuchaytirish bilan cheklanmay, bandlik va tadbirkorlikni rag‘batlantirish orqali aholi daromadini oshirishga yo‘naltirilgani bilan ham ahamiyatli. Chunki fuqaro uchun eng muhim narsa – “tizim” emas, natija: ish o‘rni, daromad manbai, muammoning tez hal bo‘lishi, adolatli munosabat.
Ayniqsa, aholi farovonligini oshirishda mahallaga resurs va vakolatlarni tushirishga qaratilgan tashabbuslar sifat jihatdan yangi bosqichni boshlab bermoqda. “Tashabbusli budjet” doirasida mahalla aholisi o‘z tashabbusi bilan yo‘l, suv, maktab, bog‘cha kabi muhim loyihalarni ilgari sursa, xarajatning bir qismini davlat qoplab berishi mexanizmlari kengayishi – fuqaroning qaror qabul qilishdagi ishtirokini amaliy mazmun bilan to‘ldiradi. Bunday mexanizmlarda “davlat – ijrochi, xalq – kuzatuvchi” emas, balki “xalq – tashabbuskor, davlat – qo‘llab-quvvatlovchi” tamoyili mustahkamlanadi. Natijada mahalladagi ishonch, mas’uliyat va jamoaviy nazorat kuchayadi.
Mahallaning moliyaviy imkoniyatlarini kengaytirish masalasi ham Murojaatnomadagi umumiy mantiqqa mos ravishda talqin etilmoqda. Xususan, sanitariya, ekologiya va noqonuniy qurilish bo‘yicha jarimalarning ma’lum ulushini mahalla budjetiga yo‘naltirish, 2026 yildan boshlab mahallalar budjetiga har yili mablag‘ ajratish kabi yondashuvlar mahallaning moliyaviy barqarorligini oshirishga xizmat qiladi. Shu bilan birga, qo‘shimcha resurslar hisobidan kelgusi bir yilda 2 mingta mahallaga qo‘shimcha 8,5 trillion so‘m mablag‘ yo‘naltirilishi tashabbusi mahalla endi farovonlikni ta’minlashning real iqtisodiy instrumentiga aylanayotganini ko‘rsatadi.
Moliyaviy detsentralizatsiyaning demokratik mazmuni ham ana shu yerda namoyon bo‘ladi: resurs aholiga yaqinlashgan sari qaror qabul qilish jarayonida jamoatchilik ishtiroki va talabchanligi ortadi, natija uchun mahallada jamoaviy mas’uliyat kuchayadi. Shu nuqtai nazardan “Eng yaxshi soliq to‘lovchi mahalla” reytingi, infratuzilma xarajatlarining kattaroq qismini qoplash, qo‘shimcha mablag‘ ajratish kabi rag‘batlantiruvchi mexanizmlar fuqarolik faolligini iqtisodiy manfaat bilan uyg‘unlashtirgan holda kuchaytirishi mumkin. Chunki raqobat muhitida tashabbus ham, tartib ham, natija ham qadrlanadi.
E’tiborli jihati shundaki, Murojaatnomadagi yondashuvga ko‘ra, mahalla faqat “yordam tarqatadigan” yoki “muammo ro‘yxatlaydigan” bo‘g‘inga aylanib qolmasligi lozim. Aksincha, u inson salohiyatini ishga soladigan, bandlikni kengaytirib, oila daromadini oshiradigan, profilaktika va tarbiya orqali ijtimoiy muhitni sog‘lomlashtiradigan tizim sifatida ko‘rilmoqda.
Shu bois har bir mahallada ixtisoslashuvni to‘g‘ri belgilash, mikroloyihalarni shakllantirish, bo‘sh davlat mulkini auksionga chiqarish vakolatlarini kengaytirish, tushumning muayyan ulushini mahallaning o‘zida qoldirish kabi qarorlar “farovonlikni mahalladan boshlash” g‘oyasini iqtisodiy jihatdan mustahkamlaydi.
Fuqarolik jamiyati institutlari haqida so‘z ketganda, mahalla bilan bir qatorda nodavlat notijorat tashkilotlari, ommaviy axborot vositalari, jamoatchilik kengashlari, tashabbuskor guruhlar va faol fuqarolar ishtiroki ham hal qiluvchi ahamiyat kasb etadi.
Demokratik taraqqiyotning mazmuni aynan shu institutlarning mustaqil fikr bildirishi, tashabbus ko‘rsatishi, jamoatchilik manfaatlarini himoya qilishi va davlat idoralari faoliyati ustidan ta’sirchan jamoatchilik nazoratini amalga oshira olishi bilan o‘lchanadi. “Jamiyatni yuksaltirish” g‘oyasi mahalla bilan hamkorlikda ishlayotgan fuqarolik institutlari orqali haqiqiy ijtimoiy “immunitet”ga aylanadi: har bir o‘zgarish aholi tomonidan tushuniladi, qabul qilinadi va qo‘llab-quvvatlanadi.
Bu o‘rinda muhim vazifa – fuqarolik jamiyati institutlarini formal “qo‘shimcha bo‘g‘in” emas, balki davlat va jamiyat o‘rtasidagi ishonch ko‘prigi sifatida mustahkamlashdir. Chunki mahallada bandlik, kambag‘allikni qisqartirish, yoshlar tarbiyasi, oila mustahkamligi, ekologik madaniyatni oshirish kabi masalalar ma’muriy ko‘rsatma bilan emas, jamoatchilik fikri, mahalladagi hayotiy tajriba va ijtimoiy sheriklik orqali barqaror yechim topadi. Shuning uchun mahalla “yettiligi” faoliyatini kompleks baholash, joylarda yagona jamoa bo‘lib ishlash, har bir tashabbusni aniq loyihaga aylantirish kabi talablar amalda fuqarolik jamiyatining samaradorlik mezoniga aylanishi kerak.
Mahalla institutining yana bir muhim vazifasi – jamoatchilik ishtirokini kengaytirish. Fuqaro davlatni ko‘pincha mahalla orqali “ko‘radi”: murojaat qiladi, taklif beradi, muammo ko‘taradi, xizmat oladi. Demak, mahallani raqamlashtirish, xizmatlarni soddalashtirish, ma’lumotlar almashinuvini tizimlashtirish orqali inson omilini qisqartirishga qaratilgan tashabbuslar aholi uchun qulaylik yaratishi barobarida davlat faoliyatining ochiqligi va hisobdorligini ham kuchaytiradi. “Raqamli mahalla” tamoyillarini mustahkamlash esa jamoatchilik ishtirokining zamonaviy texnologik asosini yaratadi.
Xulosa shuki, 2026 yilning “Mahallani rivojlantirish va jamiyatni yuksaltirish yili” deb belgilanishi fuqarolik jamiyatini kuchaytirish orqali xalq farovonligini oshirishga qaratilgan davlat siyosatining mantiqiy davomidir.
Mahallaga resurs va vakolatlarni tushirish, xizmatlarni aholiga yaqinlashtirish, tashabbuskor fuqarolarni qo‘llab-quvvatlash, infratuzilma va bandlik loyihalarini kengaytirish – bularning barchasi inson qadrini ta’minlashga, ijtimoiy adolatni mustahkamlashga xizmat qiladi.
Baxtiyor Abdullayev,
Demokratik jarayonlarni tahlil qilish markazi bo‘lim boshlig‘i
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Siyosat3 days ago
Шавкат Мирзиёев Бишкекда кутиб олинди
-
Mahalliy3 days ago
«Enamdan qolgan dalalar» (Esse)
-
Jamiyat5 days ago
Qonunchilikdagi noaniqliklar tadbirkor foydasiga talqin qilinadi
-
Jamiyat4 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif
-
Jamiyat3 days ago
Bu yilgi Mustaqillik bayrami ijtimoiy tarmoqlarda chin ma’noda portladi!
-
Siyosat5 days ago
Saida Mirziyoyeva Pekinda Va I bilan muloqot o‘tkazdi
-
Sport4 days ago
«Beradigan boshqa narsam qolmadi» — Messi Argentina terma jamoasidagi faoliyatini yakunladi
-
Siyosat5 days ago
Pokiston bosh vaziri bilan uchrashuv o‘tkazildi