Iqtisodiyot
London Rossiya pullari hisobidan Ukraina armiyasiga 1 mlrd funt sterling o‘tkazdi
Buyuk Britaniya Mudofaa vazirligi rahbari Kiyevga tashrifi chog‘ida Ukrainaga yangi keng ko‘lamli harbiy yordam paketini e’lon qildi. Jon Xili Kiyevdan turib «Ko‘ngillilar koalitsiyasi» yig‘ilishida ishtirok etdi.
Buyuk Britaniya mudofaa vaziri Jon Xili Kiyevga tashrifi chog‘ida muzlatilgan Rossiya aktivlaridan foydalangan holda Ukrainaga harbiy yordam ko‘rsatilishini ma’lum qildi. 3 sentabr, chorshanba kuni Britaniya vaziri Rossiya Federatsiyasidan olib qo‘yilgan mablag‘lar 1 milliard funt sterlingdan ortiq qurol va boshqa harbiy yordam sotib olishga sarflanganini aytdi.
Bu Ukrainaga yuz minglab artilleriya o‘q-dorilari, yuzlab zenit-raketalar, qurollar uchun ehtiyot qismlar yetkazib berish, shuningdek, texnika va harbiy transportga texnik xizmat ko‘rsatish va ta’mirlash bo‘yicha yangi shartnomalar tuzish imkonini berdi, deya xabar berdi Buyuk Britaniya hukumati sayti.
So‘nggi 50 kun ichida Ukraina Buyuk Britaniyadan 4,7 million o‘q-dorilar, 60 ming artilleriya o‘qlari, raketalar va raketa tizimlari, 2,5 mingdan ortiq dron, 200 dan ortiq elektron urush tizimlari, 100 ta birlik yengil qurollar, 30 ta mashina va havo mudofaasi uchun qo‘shimcha jihozlar oldi.