Sport
«Liverpul» «Real»ga imkon qoldirmadi, «Arsenal» va «Bavariya»ni to‘xtatib bo‘lmayapti
Turning markaziy uchrashuvida Dias qizil kartochka oldi, Hakimi og‘ir jarohat olib, maydonni yig‘lab tark etdi. Seshanba oqshomida YeChLning 3-turi doirasida bo‘lib o‘tgan asosiy voqealar, o‘yinlardagi gollar va turnir jadvalidagi vaziyat.
«Liverpul» – «Real» 1:0
Gol: Makallister, 61 (1:0)
«Liverpul»: Mamardashvili, van Deyk, Konate, Roberson (Kerkez, 88), Bredli, Gravenberh, Makallister (Jons, 79), Soboslai, Virs (Kiyeza, 88), Saloh, Ekitike (Gakpo, 79)
«Real»: Kurtua, Eder Militau, Hausen, Karreras, Valverde (Dias, 90), Kamavinga (Rodrigu, 69), Tshuameni, Vinisius Junior, Arda Guler (Aleksandr-Arnold, 81), Bellinghem, Mbappe
Ogohlantirishlar: Makallister, 52 – Vinisius Junior, 23. Hausen, 45. Bellinghem, 60. Karreras, 90
«Real» Chempionlar ligasidagi g‘alabali seriyasini to‘xtatib, «Enfild»da mag‘lubiyatga uchradi. «Liverpul»ga qarshi o‘yinda mehmonlar deyarli xavfli vaziyat yarata olishmadi. Mezbonlar kuchli pressing uyushtirib, birinchi bo‘limning o‘zida bir qancha xavfli hujumlar uyushtirishdi – faqat Tibo Kurtuaning qahramonligi jamoani gollardan qutqarib turdi. 32-daqiqada esa «Liverpul» penalti tepishi mumkin edi: Dominik Soboslaining zarbasidan keyin to‘p Orelen Tchuamenining qo‘liga tegdi.
Hakam Ishtvan Kovach esa to‘p bilan kontakt jarima maydoni tashqarisida bo‘lgan deb topdi va jarima zarbasi belgilashga qaror qildi, videotakrorda esa to‘p chiziqdan ichkarida bo‘lganini ko‘rish mumkin edi.
Lekin bu holatda madridliklar futbolchisining qo‘li tabiiy holatda bo‘lgan deb topildi va xavfli jarima zarbasi ham bekor bo‘ldi.
Ikkinchi bo‘limda o‘yin kartinasi o‘zgarmadi. «Liverpul» ustunlik qildi va bu 61-daqiqada golga aylandi: jarima zarbasidan keyin Aleksis Mak Allister hisobni ochdi. Xabi Alonso futbolchilarni almashtirishga kechikdi. Holbuki Vinisius va Kilian Mbappe umuman maydonda ko‘zga tashlanmayotgandi. O‘yin oxirida esa mezbonlar ikkinchi golni urishga yaqin kelishdi, bu safar Kurtua Eder Militao bilan birgalikda xavfni bartaraf etdi. Mezbonlar jami zarbalar soni bo‘yicha yaqqol ustunlikka erishdi – 17:8.
Inqirozdan chiqa boshlagan «Liverpul» anchadan buyon ilk bor qatorasiga ikki o‘yinda g‘alaba qildi: o‘tgan hafta oxirida APLda «Aston Villa» 2:0 hisobida mag‘lub etilgandi. Undan oldingi yetti o‘yinda olti mag‘lubiyat qayd etilgandi. Slot shogirdlarining YeChLdagi ishlari yomon emas: to‘rt turdan keyin to‘qqiz ochko jamg‘arilgan.
«Real» esa qatorasiga olti g‘alabadan keyin ilk mag‘lubiyatini tan olishga majbur bo‘ldi. Bu oraliqda «Yuve» va «Barsa» kabi kuchli raqiblar ustidan qozonilgan g‘alabalar bo‘lgandi (umumiy to‘plar nisbati 16:2). Bu madridliklarning mavsumdagi ikkinchi mag‘lubiyati bo‘ldi: «Atletiko»ga qarshi o‘yinda 2:5, «Liverpul»dan 0:1. Xabi Alonso hozircha top-jamoalarga qarshi chora topa olmayapti.
Keyingi turda «Liverpul» PSVni qabul qiladi, «Real» «Olimpiakos» maydoniga safar qiladi.
Diasda dubl va qizil
«PSJ» – «Bavariya» 1:2
Gollar: Dias, 4 (0:1). Dias, 32 (0:2). Joau Nevesh, 74 (1:2)
«PSJ»: Shevale, Markinios, Pacho, Nunu Mendesh, Hakimi (Mayulu, 45+7), Vitinya, Ruis (Joau Nevesh, 66), Zair-Emeri, Barkolya (Ramush, 66), Kvaratsxeliya, Dembele (Li Kan In, 25)
«Bavariya»: Noyyer, Upamekano, Ta, Stanishich, Laymer, Kimmih, Pavlovich, Gnabri (Bishof, 46), Dias, Olise (Kim Min Je, 81), Keyn (Goretska, 88)
Ogohlantirishlar: Nunu Mendesh, 84 – Bishof, 47. Noyyer, 49. Stanishich, 84
Chetlatish: Dias, 45
«Bavariya» «PSJ» maydonida ikkinchi bo‘limda bir kishi kam bo‘lib o‘ynadi, lekin g‘alabani saqlab qodi – 2:1.
Birinchi bo‘lim oxirida Luis Dias jamoadoshlarini qiyin ahvolda qoldirib ketdi. Shu bilan birga, aynan uning sa’y-harakatlari evaziga myunxenliklar hisobni qulay ko‘rinishga keltirib olgandi: kolumbiyalik hujumchi 4-daqiqada hisobni ochgandi – bu hujumda Maykl Olise Nunu Mendeshning xatosidan foydalanib, zarba berdi, darvozabondan qaytgan to‘pni Dias to‘rga kiritib yubordi. «PSJ» 22-daqiqada javob qaytardi, ammo Usmon Dembelening goli ofsayd tufayli bekor qilindi.
Keyin esa parijliklarda muammolar davom etdi: birinchidan, Usmonni zaxiraga olishga to‘g‘ri keldi. «Oltin to‘p» sohibi jarohatidan to‘liq sog‘aymasdan maydonga tushgandi va bu qimmatga tushdi.
O‘n daqiqa o‘tib «Bavariya» yana bir gol urdi: bu safar Dias Markinosning sustkashligidan foydalandi. «PSJ» birinchi bo‘limning o‘zida uchinchi to‘pni olib chiqishi mumkin edi, ammo mehmonlar bir necha vaziyatda ularni kechirishdi. Tanaffus arafasida esa Dias antiqahramonga aylandi, u Ashraf Hakimiga qarshi o‘ta qo‘pol o‘ynadi va qizil kartochka oldi.
Marokashlik himoyachi ham ko‘zda yosh bilan maydonni tark etdi.
Ikkinchi bo‘limda «PSJ» son jihatdan ustunlik evaziga to‘pga egalik qildi va bosim uyushtirdi. Ammo bu faqat bir gol uchun yetarli bo‘ldi – Joau Nevesh 74-daqiqada hisobni qisqartirdi. «Bavariya» ozchilik bo‘lib hujumlarga dosh berdi va yakunda g‘alabali hisobni saqlab qoldi. Vensan Kompani shogirdlari bu mavsumda ilk bor himoyaga yotdi va buni uddaladi.
«Bavariya» joriy mavsumda barcha o‘yinlarda g‘alaba qozonmoqda: durang ham, mag‘lubiyat ham yo‘q. Barcha turnirlar doirasida 16 o‘yinda g‘alaba. Bu oraliqdagi umumiy hisob – 59:11.
«PSJ» esa sentabrdan buyon ilk bor yutqazdi: o‘shanda jamoa «Marsel»ga safarda 0:1 hisobida yutqazgan, shundan keyin sakkiz o‘yindan iborat mag‘lubiyatsiz seriya qayd etgandi. Shu bilan birga, bu oraliqda uchta o‘yinda durang bo‘lgan: «Lill» va «Loryan» bilan o‘yinlarda 1:1, «Strasbur»ga qarshi 3:3.
Keyingi turda «Bavariya» Londonda «Arsenal» mehmoni bo‘ladi, «PSJ» «Tottenhem»ni qabul qiladi.
«Kanonirlar»da «quruq» o‘yinlar seriyasi
«Slaviya» – «Arsenal» 0:3
Gollar: Saka, 32 – penalti (0:1). Merino, 46 (0:2). Merino, 68 (0:3)
«Slaviya»: Markovich, Xaloupek, Zima, Vlchek (Cham, 70), Zafeyris (Dudera, 70), Sadilek, Mbodji, Mozes (Xasioka, 74), Sanyang (Kushey, 74), Provod, Xori (Xitil, 48)
«Arsenal»: Rayya, Saliba, Gabriel Magalyayns, Inkapiye (Uayt, 73), Timber (Lyuis-Skelli, 73), Norgar, Rays (Harriman-Annous, 81), Nvaneri (Eze, 65), Trossar (Douman, 73), Saka, Merino
Ogohlantirishlar: Zafeyris, 70. Dudera, 83. Mbodji, 90 – Nvaneri, 24. Merino, 37. Nergor, 75. Lyuis-Skelli, 79
Tarkibdagi jarohatlar tufayli Pragadagi o‘yinda aralash tarkibni tushirgan Mikel Arteta bu safar ham standart vaziyatlardan foydalanib, natijaga erishdi. Bu safar burchak zarbasidan gol urilmadi, ammo aynan kornerdan keyin «kanonirlar» penalti tepish huquqiga ega bo‘ldi va Saka hisobni ochdi. U londonliklarning YeChLda qatorasiga to‘rt safar o‘yinida gol urgan ilk futbolchisiga aylandi.
Ikkinchi bo‘limda esa yana markaziy hujumchi pozitsiyasida harakat qilgan Mikel Merino o‘yin taqdirini hal qildi. Dastlab qarshi hujumda mezbon himoyachilar uni jarima maydonida yolg‘iz qoldirishdi va ispaniyalik yarimhimoyachi Trossarning uzatmasini osonlik bilan golga aylantirdi. Bo‘lim davomida yana bir standart vaziyat londonliklarga gol olib keldi. Raysning uzatmasidan keyin Merino to‘p uchun kurashda darvozabondan ustun keldi va boshi bilan darvoza to‘rini ishg‘ol etdi. Shundan keyin Arteta tarixiy o‘zgarishni amalga oshirdi. Nvaneri o‘rniga maydonga tushgan Douman (15 yoshu 308 kunlik) YeChL tarixidagi eng yosh futbolchiga aylandi.
O‘yin oxirlarida hakam mehmonlar darvozasiga penalti belgiladi, ammo VAR aralashuvidan keyin qoidabuzarlik yo‘qligi ma’lum bo‘ldi. Shu tariqa, «kanonirlar» quruq seriyasini davom ettiradigan bo‘ldi – jamoa barcha turnirlar doirasida sakkiz o‘yindan buyon gol o‘tkazmasdan g‘alaba qozonib kelmoqda. Klub bu orqali o‘z tarixidagi yangi rekordni o‘rnatdi (olis 1903 yilda ham jamoa ketma-ket sakkiz uchrashuvda gol o‘tkazmagan, ammo hozirgidan farqli ravishda bu o‘yinlarning barchasida ham g‘alaba qozonilmagan).
Umuman olganda, «Arsenal» bu mavsumda himoyada o‘ta ishonchli o‘ynamoqda – 33:3. YeChLning keyingi turida yoki «Bavariya» ilk bor ochko yo‘qotadi, yoki «Arsenal» quruq seriyasini to‘xtatadi.
«Tottenhem» – «Kopenhagen» 4:0
Gollar: Jonson, 19 (1:0). Odober, 51 (2:0). van de Ven, 64 (3:0). Palinya, 67 (4:0)
Aniq ijro etilmagan penalti: Risharlison, 90’
«Tottenhem»: Vikario, Romero (Danso, 73), van de Ven, Udodji (Spens, 73), Porro, Sarr, Bentankur, Simons (Palinya, 61), Odober (Skarlett, 80), Jonson, Kolo Muani (Risharlison, 73)
«Kopenhagen»: Kotarski, Gabriel Pereyra (Garananga, 72), Xatzidiakos, Lopes, Sudzuki, Lerager, Klem, Ashuri (Robert, 76), Larsson (Dadason, 46), Mukoko (Klasson, 72), El-Yunussi (Kornelius, 72)
Ogohlantirishlar: Kolo Muani, 39 – Gabriel Pereyra, 15. Sudzuki, 62. Lerager, 90
Chetlatish: Jonson, 55
Londondagi o‘yin «Kopenhagen» darvozaboni Kotarski uchun dahshatli tushga aylandi, uning ikki qo‘pol xatosi amalda o‘yin taqdirini hal qildi. Avvaliga xorvatiyalik posbon o‘ziga qattiq ishonib yuborib, jarima maydoni tashqarisiga yugurib chiqdi va Jonson bo‘sh darvozani ishg‘ol etdi. Keyin esa Kolo Muanining bosimi ostida to‘pni yo‘qotdi va to‘pga ega chiqqan Odober ikkinchi golni urdi. Ikkinchi bo‘limda Jonson maydondan chetlatilishi ham daniyaliklarni yirik hisobdan qutqarib qololmadi va «shporlar» bir kishi kam holatida yana ikkita gol urishdi. Avvaliga himoyachi Mikki van de Ven deyarli butun maydonni to‘p bilan bosib o‘tib, darvozabonni ham dog‘da qoldirdi va turning eng chiroyli golini urdi.
Endilikda u olti gol bilan Tomas Frank jamoasining eng yaxshi to‘purari bo‘lib turibdi. Uch daqiqa o‘tib Palinya hisobdagi farqni oshirdi. O‘yin oxirida mezbonlar beshinchi golni ham urishi mumkin edi, ammo Risharlison penaltidan foydalana olmadi, uning kuchli zarbasidan keyin to‘p darvoza to‘siniga bordi.
«Napoli» – «Ayntraxt» 0:0
«Napoli»: Milinkovich-Savich, Buondjorno, Rraxmani, Guterres, Di Lorenso, Lobotka (Lang, 74), Maktominay, Zambo Angissa, Elmas, Politano (Neres, 65), Hoylund
«Ayntraxt» F: Tsetterer, Kox, Teat, Kollinz, Shaibi (Amenda, 90+3), Larsson (Sxiri, 79), Braun (Daud, 90+3), Kristensen, Baoyya (Knauff, 65), Gyotse, Burkardt
Ogohlantirishlar: Rraxmani, 50. Guterres, 90
Bu safar «Ayntraxt» o‘ziga xos bo‘lmagan pragmatik o‘yin namoyish etdi. Oldingi turlarda «Atletiko» va «Liverpul»dan 5 tadan gol o‘tkazib yuborgan hamda 3 turdan keyin «Ayaks» bilan birga eng ko‘p gol o‘tkazib yuborgan (11) ikki jamoadan biri bo‘lib turgan «burgutlar» jamoasi uch markaziy himoyachi bilan maydonga tushdi va maqsadiga erishdi. Mehmonlar o‘yin yakunida g‘alabani ilib ketishi ham mumkin edi, ammo Knauff yaqin masofadan yo‘llagan zarba to‘g‘ri darvozabon Vanya Milinkovich-Savich tomon bordi. Shu bilan birga, nemislar darvozaboni Zetterer o‘yinning qo‘shimcha daqiqalarida Hoylundning xavfli zarbasini bartaraf etib, jamoasi uchun durang hisobni saqlab qoldi.
«Yuventus» – «Sporting» 1:1
Gollar: Arauxo, 12 (0:1). Vlahovich, 34 (1:1)
«Yuventus»: Di Gregorio, Gatti, Kopmeyners, Kalyulyu, Lokatelli (Adjich, 83), Tyuram (Kostich, 72), Makkenni, Kambiyaso, Konseysau (Jyegrova, 72), Kenan Yildiz (David, 87), Vlahovich (Miretti, 83)
«Sporting»: Ruy Silva, Gonsalu Inasiu, Diomande, Arauxo, Vayannidis (Kuarejma, 67), Yulmann, Simoyes (Santos, 82), Trinkan, Gonsalvesh (Morita, 82), Kenda (Katamu, 67), Ioannidis (Suares, 72)
Ogohlantirishlar: Tyuram, 24. Kambiyaso, 27 – Gonsalvesh, 33. Arauxo, 61. Yulmann, 73
O‘yin startida «Yuventus» Maksimiliano Arauxodan tezkor gol o‘tkazib yubordi, bir necha daqiqa o‘tib turinliklarni darvoza ustuni ikkinchi goldan qutqarib qoldi. Luchano Spalletti shogirdlari faqat shundan keyin uyg‘onishdi: mezbonlar raqib darvozasi tomon 18 bor zarba berishdi, portugallar darvozaboni Ruy Silva 7 bor seyv ijro etib, tur qahramonlaridan biriga aylandi. U faqat Vlahovichning zarbasini o‘tkazib yubordi, shu bilan birga jamoasi uchun durang hisobni saqlab qoldi. Bu durangdan keyin lissabonliklar o‘ninchi o‘rinni saqlab qoldi, «Keksa Siniora»da esa hali ham g‘alaba yo‘q (=3-1) va uchta durangdan keyin jamoa hozircha 23-o‘rinda. Ammo bunday start jamoa uchun yangilik emas — «Yuve» 1998 va 2013 yillarda ham YeChLni qatorasiga to‘rt g‘alabasiz seriya bilan boshlagandi.
«Atletiko» – «Yunion» 3:1
Gollar: Alvares, 39 (1:0). Gallaher, 72 (2:0). Sayks, 80 (2:1). Liorente, 90+6 (3:1)
«Atletiko»: Oblak, Gansko, Le Norman (Ximenes, 26), Rudjyeri, Molina, Koke (Gallaher, 62), Barrios, Baena (Almada, 62), Simeone (Liorente, 88), Grizmann (Serlot, 62), Alvares
«Yunion»: Sxerpen, Makallister, Berdjyess, Sayks, Xalaili (Patris, 85), van de Perre (Rasmussen, 74), Sxofs (Devid, 60), Zorgan, Ait El-Hoji (Jiger, 74), Nyang, Rodriges (Bufal, 74)
Ogohlantirishlar: Molina, 68 – van de Perre, 45. Nyang, 66. Makallister, 81
0:4 hisoblaridagi ikki mag‘lubiyatdan keyin «Yunion» Madridda nisbatan munosib o‘yin namoyish etdi, ammo baribir yutqazdi. Birinchi bo‘lim oxirlarida Juliano Simeone belgiyaliklar mudofaasini yorib o‘tib, bir harakat bilan himoyachini yo‘ldan oldi va Alvaresni zarba berish nuqtasiga chiqardi. Bu Xulianning YeChLda «Atletiko» safida 13 o‘yindagi to‘qqizinchi goli bo‘ldi va u allaqachon «Manchester Siti» safidagi ko‘rsatkichini (17 o‘yinda 8 gol) yaxshiladi. Ikkinchi bo‘limda Gallaher hisobdagi farqni oshirdi, mehmonlar ko‘p o‘tmay hisobni qisqartirgandi, ammo qo‘shimcha daqiqalarda Liorente intrigani o‘ldirdi. Turnirdagi ikkinchi g‘alabadan keyin «matraschilar» top-8 uchun kurashga qaytdi.
«Olimpiakos» – «PSV» 1:1
Gollar: Martinsh, 17 (1:0). Pepi, 90+5 (1:1)
«Olimpiakos»: Tzolakis, Pirola, Retsos, Ortega, Rodiney, Dani Garsiya (Diogu Nasimentu, 63), Muzakitis, Shikinyu (Taremi, 73), Podense (Koshtinya, 83), Martinsh, El-Kaabi (Skipioni, 83)
«PSV»: Kovarj, Gaserovski, Sxauten, Salax-Eddin (Vanner, 67), Dest, Mauro Junior, Verman, Saybari (Boadu, 84), Perishich (Bayraktarevich, 68), Man (Pepi, 58), Til (Driosh, 58)
Ogohlantirishlar: Skipioni, 89 – Perishich, 63
«Olimpiakos» barcha parametrlar bo‘yicha niderlandlardan ustun keldi, mehmonlar 78-daqiqaga qadar darvoza sohasiga to‘g‘ri borgan birorta zarba bera olmagandi. Ammo o‘yinga qo‘shib berilgan daqiqalar yakunlanayotganida Pepi jarima zarbasidan oshirilgan to‘pni darvozaga yo‘lladi va jamoasini mag‘lubiyatdan qutqarib qoldi. Amerikalik ushbu hujumchi YeChLda uchinchi bor qo‘shimcha daqiqalarda gol urdi va turnirning bu boradagi rekordchilari Krishtianu Ronaldu va Serxio Aguero bilan tenglashib oldi. «PSV» ochkolari sonini 5 taga yetkazib, hozircha umumiy jadvalda 17-o‘rinda bormoqda, «Olimpiakos» o‘tish o‘yinlariga yo‘llanma beradigan top-24 uchun kurashishi mumkin, ammo hozircha 2 ochko bilan 31-o‘rinda joylashgan.
«Bude-Glimt» – «Monako» 0:1
Gol: Balogun, 43 (0:1)
«Bude-Glimt»: Xaykin, Bertuft, Moe (Gundersen, 46), Berkan (Nilsen, 86), Sevold, Berg, Fet (Blomberg, 73), Even, Xauge (Myayattya, 86), Euklenn, Xeg (Xelmersen, 73)
«Monako»: Ken, Salisu, Kayyu Enrike, Kerer, Golovin, Kulibali, Uttara, Teze, Akliush (Biyeret, 72), Minamino (Kabral, 63), Balogun
Ogohlantirishlar: Euklenn, 4 – Kerer, 24. Salisu, 42. Uttara, 88
Chetlatish: Gundersen, 81
O‘tgan turlarda «Manchester Siti» (2:2) va «Tottenhem»dan (0:0) ochko olishga erishgan «Monako» bu safar turnirdagi ilk g‘alabasiga erishdi. Norvegiyadagi o‘yinda Balogunning birinchi bo‘lim oxiridagi yagona goli barchasini hal qildi. Monegaskliklar bungacha YeChLda qatorasiga olti o‘yindan buyon g‘alaba qozona olmayotgandi, qolaversa, jamoa o‘n bir yildan buyon ilk bor YeChLda qatorasiga ikki o‘yinda darvozasi daxlsizligini saqlab qoldi.
Umumiy turnir jadvali
Qirg‘izistonda 23-26-may kunlari badiiy gimnastika bo‘yicha Osiyo chempionati bo‘lib o‘tdi.
Musobaqalarning navbatdagi kuni ham O‘zbekiston terma jamoasi uchun muvaffaqiyatli yakunlandi. Sportchilarimiz 4 ta oltin va 1 ta bronza medalga sazovor bo‘lishdi.
Taxmina Ikromova — 2 ta oltin (kattalar: yakkalik ko‘pkurash hamda guruh mashqining ko‘pkurash dasturi);
Sabina Kagirova — 2 ta oltin (yoshlar: to‘p bilan mashq hamda guruh mashqining 5 ta to‘p bilan mashqi).
Natalya Usova — 1 ta bronza (kattalar: yakkalik ko‘pkurash).
O‘zbekistonlik tennischi Fransiya ochiq chempionatining birinchi bosqichidan muvaffaqiyatli o‘tdi.
Jahon tasnif jadvalida 89-pog‘onani egallab turgan tennischi Kamilla Rahimova «Rolan Garros» turnirida birinchi bosqich o‘yinini o‘tkazdi. Ruminiyalik Kristian Jaklinga (33-reyting) qarshi kortga chiqqan o‘zbekistonlik sportchi 3 set (6:3, 4:6, 6:4) davom etgan o‘yinda g‘alabaga erishdi. Rahimova ikkinchi davra bahsini chexiyalik Karolina Muxovaga qarshi o‘tkazadi.
«Katta dubulg‘a» turnirlariga kiruvchi «Rolan Garros» (Tennis bo‘yicha Fransiya ochiq chempionati) 24 maydan 7 iyungacha Parijdagi Stade Roland Garros grunt kortlarida bo‘lib o‘tadi. Musobaqa sovrin jamg‘armasi — taxminan 61,7 million yevro. 2025 yilda erkaklar o‘rtasidagi bahslarda ispaniyalik Karlos Alkaras, ayollar o‘rtasidagi bahslarda amerikalik Koko Gauff g‘alaba qozongan edi.
Asli rossiyalik bo‘lgan Kamilla Rahimova 2025 yil dekabr oyida sport fuqaroligini o‘zgartirib, xalqaro musobaqalarda O‘zbekiston bayrog‘i ostida ishtirok etishni boshladi.
Milliy jamoa Toshkent xalqaro aeroportida / Foto: O‘FA
Futbol bo‘yicha O‘zbekiston milliy jamoasi 26 may tongida Toshkent – Nyu York reysi bilan o‘z tarixidagi ilk jahon chempionatida ishtirok etish uchun AQShga uchib ketdi.
Bosh murabbiy Fabio Kannavaro chempionatga 30 nafar futbolchini olib ketmoqda, yakuniy ro‘yxatga ulardan 26 nafari kiritiladi.
Uzbekistan Airways jamoa uchun Boeing 787 Dreamliner samolyotini “Olg‘a O‘zbekiston”, “ko‘k bo‘rilar” kabi yozuvlar tushirilgan maxsus livreya bilan jihozladi.
22 may kuni “Bunyodkor” stadionida prezident Shavkat Mirziyoyev jamoa a’zolari bilan uchrashib, ularga muvaffaqiyat tiladi; ilk mundial sharafiga bayramona tadbir tashkil etildi.
O‘zbekiston JChdagi birinchi o‘yinini 17 iyunda (Toshkent vaqti bilan 18 iyun tongida) Mexiko shahrida Kolumbiyaga qarshi o‘tkazadi.
Sport
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonning futbol bo‘yicha milliy terma jamoasi FIFA jahon chempionatida ishtirok etish uchun AQShga uchib ketdi.
Eslatib o‘tamiz, 2026 yilgi jahon chempionati AQSh, Meksika va Kanada hududida o‘tkaziladi.
Kannavaro boshchiligidagi jamoa 1 iyun kuni Kanadaga qarshi o‘rtoqlik uchrashuvi o‘tkazadi, 8 iyunda esa Niderlandiya bilan bahs olib boradi.
«Oq bo‘rilar»ning jahon chempionatidagi ishtiroki esa Meksikadagi o‘yindan boshlanadi. Jamoa 18 iyun kuni Kolumbiyaga qarshi birinchi uchrashuvini Mexikodagi «Atsteka» stadionida o‘tkazadi.
23 iyun kuni jamoa Portugaliya terma jamoasiga qarshi maydonga tushadi. Bahs AQShning Xyuston shahridagi stadionida bo‘lib o‘tadi.
Guruh bosqichidagi so‘nggi o‘yin 28 iyun kuni Atlantadagi stadionda Kongo Demokratik Respublikasiga qarshi o‘tkaziladi.
Avvalroq, Kongo terma jamoasi Ebola virusi tarqalganligi sababli Belgiyada karantin muddatini o‘tab, keyin AQShga kelishi talab etilgan, aks holda jamoa jahon chempionatidan chetlatilishi mumkinligi ma’lum qilingandi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Badiiy gimnastikachilarimiz Osiyo chempionatida zafar quchishdi
turk tadbirkorining Shveytsariya bankiga qarshi moliyaviy urushi
Namanganda YPX inspektorini urib ketib, o‘limiga sababchi bo‘lgan haydovchi 6 yilga qamaldi
-
Mahalliy4 days ago
Yoshlar umrini sotgan jinoyatchilar qo‘lga olindi
-
Mahalliy2 days agoSizni maktabda aldashgan! So‘nggi qo‘ng‘iroq haqida siz bilmagan haqiqat
-
Dunyodan3 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Iqtisodiyot4 days ago
O‘zbekistonda har 100 ta uyga nechta kompyuter to‘g‘ri kelishi ma’lum bo‘ldi
-
Mahalliy4 days ago
Prezident davlat boshqaruvidagi eng yaxshi kadrlarni e’tirof etdi
-
Siyosat5 days ago
Shavkat Mirziyoyev YeXHT bosh kotibini qabul qildi
-
Jamiyat5 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Iqtisodiyot5 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda