Jamiyat
“Kichkina xonada 6 kishi yashayapmiz” – Toshkentda qurilish firmasi yuzlab odamning uyini vaqtida topshirmadi
“City oil” MChJ Bektemir tumani Iqbol mahallasidagi qurilish obektini va’da qilingan muddatda topshirmadi. Qurilish va uy-joy kommunal xo‘jaligi sohasida nazorat qilish inspeksiyasi firma tegishli hujjatlarsiz ish boshlagani uchun qurilish jarayonlarini to‘xtatib qo‘ygan. Shu yilning dekabrida foydalanishga topshirilishi kerak bo‘lgan ko‘p qavatli uy qurilishi hali boshlanmagan.
{Yii::t(}
O’tkazib yuborish 6s
O’tkazib yuborish
2019 yilda Toshkent shahri hokimi qarori bilan “City oil” MChJga Bektemir tumanining Iqbol mahallasi hududidan ko‘p qavatli uy qurish uchun 70 sotix yer maydoni ajratib berilgan. 2018 yil davlat ro‘yxatidan o‘tgan, ta’sischilari “Maryam fayz” MChJ va Zohidova Gulnoza Zokirjonovna bo‘lgan “City oil” MChJ esa kvartiralarni shartnoma muddatida topshirolmayapti.
Investorlarning so‘zlariga ko‘ra, qurilish ishlari 2019 yilda boshlangan. Ammo tuzilgan shartnomalarda xonadonni topshirish muddati har xil, birida 2022 yil, boshqasida 2023 yil qilib ko‘rsatilgan.
“2023 yil sentabr oyida ushbu firmani topganman. “City oil” qurilish kompaniyasining firmasi ko‘p: “Maryam fayz”, “Ekolider”. Shu yilning birinchi choragida o‘z uylarini sotuvga qo‘yishgan. 50 foizini to‘laganman. Qolganini ikki yil davomida oyma-oy bo‘lib to‘lashga shartnoma tuzilgan. Bizlarniki hali qurilmagan, kotlovan holatida yotibdi. Uyni 2025 yilda topshiramiz deyishgan”, deydi fuqaro Oybek Egamberdiyev.
Unga ko‘ra, quruvchi 15-20 kunda ish boshlashini aytib keladi. Biroq natija yo‘q.
Boshqa bir investor Abdurahmon Mamatqulov ham qurilish ishlari reja bo‘yicha ketmayotganini bildirdi. Uning uyi shartnoma bo‘yicha 2022 yil martida topshirilishi kerak bo‘lgan.
“2021 yil fevral oyida to‘lov qilganmiz. 128 mln so‘m to‘ladim. 1 yilda topshirishi kerak edi. Mana, shuniyam qil-qil, deb zo‘rg‘a qurdirganmiz. Bizlarga fasadni qilib beramiz, kirib yashaysizlar, deb va’da berishgandi. Hech qanaqa ish ketayotgani yo‘q. To‘xtab qolgan, tom va fasad oxirigacha qilinmagan, umuman ishchilar yo‘q. Hozir ko‘pchilik oyiga 300-400 dollar to‘lab ijarada yashaydi. So‘rasak “bo‘ldi, ertaga, indinga” deydi. 3 nafar xodimini qo‘yib qo‘ygan”, deydi Abdurahmon Mamatqulov.
Fuqaro Azima Gaziyevaning aytishicha, hokimiyat va vazirlik uy uchun to‘lovlarni to‘lamay turishga chaqirgan.
“2023 yil iyunda 2 nafar ukam va o‘g‘limga 50 foizdan 3 ta xonadonga to‘lov qildik. Hozirgi kungacha har bir xonadonga 240 mln so‘mdan to‘lab qo‘ydik. Hokimiyat va vazirlik hozircha to‘lovlarni to‘lamanglar, dedi. Ularning ofisiga borib, qachon mening blokimga kelib, qurilish boshlansa, o‘shanda to‘layman, deya xat ham yozdirib keldim. Bu yil dekabrda topshirishi kerak edi. Kotlovani ham yo‘q.
Menga yaqinda pochta orqali xat keldi: shartnomani bir taraflama bekor qilishmoqchi ekan. Ofisiga bordim. Nima uchun, desam, “Sen agitatorsan, odamlarni yig‘ib, vazirlikka borasan, shikoyat qilasan, bizlarga to‘sqinlik qilyapsan”, deyishmoqda. O‘sha uchun menga jarima solmoqchi, yana ichki ishlarga mening ustimdan yozyapti. Nima uchun? Men nogiron bo‘lsam, o‘zimizning haqqimizni talab qilyapmiz”, deydi ayol.
U yuqori tashkilotlarga qilgan murojaatlari samara bermaganini, ishchilar xo‘jako‘rsinga 1-2 kun ishlab ketayotganini aytdi. Azima Gaziyeva reklamaga ishonib ushbu firmadan xonadon sotib olgan. Hozirda riyeltorlik kompaniyasi to‘langan pul mablag‘larini undirib berishni ma’lum qilgan.
“Ular bizga faqat pullaringni undirib bera olamiz, deb aloqaga chiqishdi. Shuni ham 5-6 yilda bo‘lib-bo‘lib kartamizga tashlab berarkan. Qurilish-chi, bizlarga uy kerak, desak, “Yo‘q, hali 2030 yilda ham uyinglar bo‘lmaydi”, dedi. Shartnoma bo‘yicha “City oil”ning direktori Ilhom Salomov. Keyin eshitsak, u qamaldi, o‘tirib ham chiqdi. 3 nafar direktor almashdi”, deydi u.
Fuqaro Adolat Usmonovaga ham shu yil dekabr oyida xonadon topshirilishi kerak edi. U uy uchun 200 mln so‘mdan ortiq pul to‘lagan. Ammo uning uyi qurilishi hali boshlanmagan.
“Bolalar to‘lagani uchun men aralashmagandim. O‘g‘lim, kelinim, 3 ta nevaram bilan bir xonali yotoqxonada turamiz. Kichkina xonada 6 kishi yashayapmiz. Hamma kelinimdan “qaynonangiz qayerda yotadi?” deb so‘rarkan. O‘zimdan ham so‘rashadi. Oshxonada yotaman”, deydi Adolat Usmonova.
Uning qo‘shimcha qilishicha, “City oil” MChJ sobiq rahbari Ilhom Salomovning sudlangani qurilish ishlariga ta’sir qilgan.
Kun.uz muxbiri MChJning hozirgi rahbari Bahrom Yo‘ldoshev bilan bog‘landi. U investorlar bilan qo‘shimcha shartnomalar tuzilishini, qurilish ishlari tez kunlarda boshlanishini ma’lum qildi.
“Hozir tayyor bo‘lgan 4 pod’yezd binomiz bor. Shuni davlat ro‘yxatidan o‘tkazish kerak. Ayni paytda bu bo‘yicha chora-tadbir o‘tkazilyapti. Bu bo‘lmaguncha qolgan bosqichlarini boshlashga haqqimiz yo‘q. “Gospriyomka”ni 1,5 oyda qilasizlar, keyin qolganiga ruxsat beramiz, deyishgan. Reja-grafik asosida qolgan bloklarimizda ishlar 15 sentabrdan boshlanadi. Qurib bitkazilgan 4 pod’yezdli binoni 15 sentabrgacha aholiga topshiramiz. Injyenerlik tarmoqlari va quyosh batareyalarini o‘rnatsak bo‘ldi. Ichki pardozlash ishlari tugadi, topshirishga tayyor holatda. Quyosh batareyasiga buyurtma berganmiz, tayyor bo‘lib qolibdi, o‘zlari kelib, montaj qilib ketadi, boshqa ish qolmadi”, deydi Bahrom Yo‘ldoshev.
MChJ rahbarining qo‘shimcha qilishicha, joriy yil dekabrda topshirilishi kerak bo‘lgan ko‘p qavatli uylar 2026 yil avguctigacha qurib bitkaziladi: qurilish ishlarini amalga oshirish uchun firma mablag‘i yetarli.
Qurilish va uy-joy kommunal xo‘jaligi sohasida nazorat qilish inspeksiyasi “City oil” olib borayotgan qurilish ro‘yxatdan o‘tmagani uchun to‘xtatilganini bildirdi. “City oil”ning kengash xulosasi, ekspertizasi yo‘q”, deyiladi inspeksiya axborotida.
Shahzod O‘roqboyev,
Kun.uz
Koreya davlatiga ishga yuborish bilan bog‘liq firibgarlik holatlari aniqlandi.
Bosh prokuratura huzuridagi Departamentning Toshkent viloyati boshqarmasi tomonidan o‘tkazilgan tergovga qadar tekshiruvda fuqaro T.T. 12 nafar fuqaroning ishonchiga kirib, ularni Koreya davlatiga ishga yuborishini aytib, 38 000 AQSh dollarini firibgarlik yo‘li bilan qo‘lga kiritib, ushbu pullarni muqaddam Migratsiya Agentligida ishlagan A.A.ga (muqaddam JKning 168 va 211-moddalari bilan sudlangan) berganligi aniqlangan.
Departamentning Marg‘ilon shahri bo‘limi tomonidan o‘tkazilgan tergovga qadar tekshiruvda fuqaro I.R. (muqaddam sudlangan) 2 nafar fuqaroni Koreya davlatiga ishga yuborishini va’da qilib, ulardan jami 3 500 AQSh dollarini firibgarlik yo‘li bilan qo‘lga kiritganligi aniqlanib, ushbu pullar hisobidan 3 mln so‘mning qaytarilishi protsessual tartibda rasmiylashtirilgan.
Departamentning Dehqonobod tumani bo‘limi tomonidan o‘tkazilgan tergovga qadar tekshiruvda fuqarolar I.X. (muqaddam JKning 168-moddasi bilan sudlangan) va A.K. migratsiya agentligida ishlovchi tanishlari orqali fuqaro B.T.ni Koreya davlatiga ishga yuborishlarini aytib, 2 000 AQSh dollari va 36 mln so‘mni firibgarlik yo‘li bilan qo‘lga kiritganliklari aniqlangan.
Departamentning Xonobod shahri bo‘limi tomonidan o‘tkazilgan tergovga qadar tekshiruvda fuqaro A.A. (muqaddam JKning 168-moddasi bilan sudlangan) 3 nafar fuqaroni Koreya davlatiga ishga yuborishi uchun viza olib berishini aytib, 2 500 AQSh dollari va 11 mln so‘mni firibgarlik yo‘li bilan qo‘lga kiritganligi aniqlanib, ushbu pullar hisobidan 1 000 AQSh dollarining qaytarilishi protsessual tartibda rasmiylashtirilgan.
Departamentning Do‘stlik tumani bo‘limi tomonidan o‘tkazilgan tergovga qadar tekshiruvda fuqaro Yu.L. (muqaddam sudlangan) 11 000 AQSh dollari evaziga fuqaro U.F.ni migratsiya agentligida ishlovchi tanishlari orqali Koreya davlatiga ishga yuborishini va’da qilib, shundan 2 300 AQSh dollarini firibgarlik bilan qo‘lga kiritganligi aniqlangan.
Departamentning Bog‘ot tumani bo‘limi tomonidan o‘tkazilgan tergovga qadar tekshiruvda fuqaro X.K. 3 500 AQSh dollari evaziga fuqaro A.A.ni Koreya davlatiga ishga ketishi uchun o‘tkaziladigan imtihonlaridan ijobiy natijalar bilan o‘tkazib berishini aytib, kelishilgan puldan 1 000 AQSh dollarini firibgarlik yo‘li bilan qo‘lga kiritganligi aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
O‘zbekiston prezidenti matbuot va OAV xodimlarini kasb bayrami bilan tabrikladi.
Foto: Prezident matbuot xizmati
Prezident Shavkat Mirziyoyev 27 iyun – Matbuot va ommaviy axborot vositalari xodimlari kuni munosabati bilan soha vakillariga bayram tabrigini yo‘lladi.
Davlat rahbari tabrigida mamlakatning bosma va internet nashrlari, teleradiokanallar, axborot va media xizmatlari, nashriyot hamda matbaa korxonalarida faoliyat yuritayotgan ijodiy va texnik xodimlar, jurnalistlar hamda soha faxriylarini samimiy qutladi.
Prezident jurnalistlarni o‘zining doimiy maslakdoshi va jonkuyar do‘sti deb bilishini ta’kidladi.
Qayd etilishicha, bu yilgi kasb bayrami milliy matbuot tarixidagi muhim sanalar – jadidlar tomonidan «Taraqqiy» gazetasi tashkil etilganining 120 yilligi hamda O‘zbekistonda ilk radioeshittirishlar boshlanganining 100 yilligi arafasida nishonlanmoqda.
Tabrikda so‘nggi yillarda mamlakatda so‘z erkinligini ta’minlash, ommaviy axborot vositalarini qo‘llab-quvvatlash, davlat organlari faoliyatining ochiqligini kengaytirish, axborot sohasini raqamlashtirish va zamonaviy mediamakonni shakllantirish bo‘yicha amalga oshirilgan ishlar qayd etildi.
Prezidentning ma’lum qilishicha, bugungi kunda mamlakatdagi qariyb 2 ming 700 ta ommaviy axborot vositasining 67 foizi, noshirlik sub’yektlarining 90 foizdan ortig‘i va matbaa korxonalarining 83 foizi nodavlat sektor hissasiga to‘g‘ri keladi. Shuningdek, joriy yilda nashriyotlarning ishlab chiqarish quvvati o‘tgan yilga nisbatan ikki barobar oshib, 15 ming nomdagi 60 milliondan ortiq nusxada kitob nashr etilgan.
Davlat rahbari axborot oqimi ortib, dipfeyk texnologiyalari keng tarqalayotgan sharoitda ishonchli manbalarga tayanish muhim ahamiyat kasb etayotganini ta’kidladi. Shu bilan birga, qisqa vaqt ichida 10 ming nafar yoshni qamrab oladigan zamonaviy media-ta’lim tizimi shakllantirilgani qayd etildi.
Shavkat Mirziyoyev erkin va mas’uliyatli, xalqchil jurnalistikani davlat va jamiyat taraqqiyotining muhim sharti deb atab, jurnalistlarning huquq va manfaatlarini himoya qilish, ijtimoiy qo‘llab-quvvatlash, malakasini oshirish hamda mehnatini rag‘batlantirishga qaratilgan yangi chora-tadbirlar amalga oshirilishini bildirdi.
Shuningdek, prezident O‘zbekiston Jurnalistlar uyushmasi faoliyatini takomillashtirish, uning nufuzini oshirish va jurnalistlarni huquqiy hamda axborot-texnologik jihatdan qo‘llab-quvvatlash muhim vazifalardan biri ekanini ta’kidladi.
Tabrik so‘zi yakunida davlat rahbari kasb bayrami munosabati bilan davlat mukofotlariga sazovor bo‘lgan soha xodimlarini qutlab, barcha jurnalistlarga mustahkam sog‘liq, oilaviy baxt va ijodiy muvaffaqiyat tiladi.
Xorazm viloyatida jamoat transporti uchun to‘lovlar to‘liq elektron shaklga o‘tkaziladi. Bu haqda Transport vazirligi axborot xizmati xabar berdi.
Yangi tartib jamoat transportida ko‘rsatilayotgan xizmatlarning sifatini oshirish, to‘lovlar shaffofligini ta’minlash, sohaga raqamli texnologiyalarni keng joriy etish orqali yashirin iqtisodiyotni bartaraf etish, yo‘lkira haqini to‘lashda elektron to‘lov tizimlaridan foydalanishni rag‘batlantirish maqsadida joriy etilmoqda.
Elektron to‘lovga o‘tish ikki bosqichda amalga oshiriladi. Birinchi bosqich 2026 yil 1 iyuldan ShI-4, ShI-5, ShI-7, ShI-13, ShI-18, ShI-19 va ShI-28-sonli avtobus yo‘nalishlari hamda T1-sonli «Urganch shahri – Xiva shahri» trolleybus yo‘nalishini qamrab oladi.
Ikkinchi bosqichda qolgan avtobus hamda trolleybus yo‘nalishlarida belgilangan tartibda brutto-shartnomasi rasmiylashtirilgandan keyin yo‘lkira haqini to‘lashda naqd pulsiz to‘lov tizimi amaliyoti joriy etiladi va to‘lovlar faqat elektron tarzda qabul qilinishi yo‘lga qo‘yiladi.
2026-yil 1-aprel holatiga ko‘ra, O‘zbekistonda doimiy aholisi eng kam bo‘lgan hudud Navoiy viloyatidagi G‘ozg‘on shahri bo‘ldi. Milliy statistika qo‘mitasiga ko‘ra, bu yerda 9,5 ming nafar aholi istiqomat qiladi.
Top-10 talikdan Navoiy, Buxoro, Sirdaryo va Qoraqalpog‘iston Respublikasi hududlari o‘rin olgan.
Reytingning ikkinchi pog‘onasidan Navoiy viloyatining Tomdi tumani joy olgan. Bu yerda 15,3 ming nafar aholi yashaydi. Keyingi o‘rinda esa Sirdaryo viloyatidagi Shirin shahri qayd etilgan bo‘lib, uning aholisi 19,4 ming nafarni tashkil qiladi.
Shuningdek, Buxoro viloyatining Qorovulbozor tumanida 20,7 ming nafar, Qoraqalpog‘iston Respublikasining Bo‘zatov tumanida 21,8 ming nafar aholi istiqomat qiladi.
Ro‘yxatdan Jizzax viloyatidagi Yangiobod tumani ham o‘rin olgan. U yerda 30,6 ming nafar aholi yashaydi. Qoraqalpog‘istondagi Mo‘ynoq tumani aholisi esa 34,1 ming nafarni tashkil etgan.
Navoiy viloyatining Konimex tumanida 36,8 ming nafar, Qoraqalpog‘iston Respublikasining Taxtako‘pir tumanida 38,9 ming nafar aholi yashaydi. Reytingni Navoiy viloyatining Uchquduq tumani yakunlab, u yerda 39,9 ming nafar doimiy aholi qayd etilgan.
Soliq qo‘mitasi banklar tomonidan soliq organlariga axborot taqdim etish tartibiga oid qaror loyihasi yuzasidan jamoatchilikda paydo bo‘lgan savollarga munosabat bildirdi.
Qo‘mita ayrim ommaviy axborot vositalarida loyiha faqat jismoniy shaxslarning omonatlari bilan bog‘liq tashabbus sifatida talqin qilinayotganini qayd etdi. Rasmiy izohga ko‘ra, bunday yondashuv hujjat mazmunini to‘liq aks ettirmaydi.
Ta’kidlanishicha, loyihada soliq nazorati uchun zarur bo‘lgan ma’lumotlarni taqdim etish tartibi, muddatlari, shakllari va elektron formatini belgilash taklif etilmoqda. Shu bilan birga, hujjat soliq organlariga yangi vakolatlar bermaydi va bank hisobvaraqlariga erkin kirish imkoniyatini nazarda tutmaydi.
Soliq qo‘mitasiga ko‘ra, banklar ma’lumotlarni faqat qonunchilikda belgilangan holatlar va tartib doirasida taqdim etishi mumkin. Bu vakolatlar Soliq kodeksining 134-moddasida mustahkamlangan.
Shuningdek, «Bank siri to‘g‘risida»gi Qonunga muvofiq, soliq solish masalalariga oid ma’lumotlar belgilangan tartibda davlat soliq xizmati organlariga berilishi mumkin.
Qo‘mita soliq organlari tomonidan olingan ma’lumotlar soliq siri hisoblanishini ham eslatdi. Bunday ma’lumotlarni oshkor qilish, uchinchi shaxslarga taqdim etish yoki belgilangan maqsaddan tashqari ishlatish qonun bilan taqiqlangan.
Rasmiy bayonotda qayd etilishicha, banklar va soliq organlari o‘rtasidagi axborot almashinuvi mexanizmi xalqaro amaliyotda keng qo‘llaniladi. Xususan, Iqtisodiy hamkorlik va taraqqiyot tashkiloti mamlakatlarida bunday tizimlar soliq shaffofligini ta’minlashning muhim vositalaridan biri hisoblanadi. O‘zbekiston ham Soliq maqsadlarida shaffoflik va axborot almashinuvi bo‘yicha global forumga qo‘shilgan.
Soliq qo‘mitasi qaror loyihasi hozirda jamoatchilik muhokamasiga qo‘yilganini ma’lum qildi. Idora fuqarolar, tadbirkorlar, ekspertlar va ommaviy axborot vositalari vakillarini muhokamada faol ishtirok etishga chaqirib, kelib tushgan takliflar hujjatni takomillashtirish jarayonida ko‘rib chiqilishini bildirdi.
Bosh vazir Netanyaxu g’azabda – nima uchun biz bilamiz
Qurilish materiallari korxonalariga 50 mln dollar ajratiladi
Janubiy Koreya Ukrainada asirga olingan Shimoliy Koreya askarlarini qabul qildi
-
Iqtisodiyot5 days ago
O‘zbekistonda qurilish ishlari hajmi 35 yilda 12 barobar oshdi
-
Iqtisodiyot5 days agoO‘zbekiston qaysi mamlakatlarga ko‘proq mahsulot sotmoqda?
-
Siyosat4 days agoPrezident Mirziyoyev Ozarbayjon elchisini oʻz nihoyasiga yetgan “Mehnat Shufrati” ordeni bilan taqdirladi
-
Sport3 days ago🔴 LIVE: AQSh-Eron muzokaralari va Starmer iste’fosi
-
Iqtisodiyot5 days agoMurojaatlar bo‘yicha eng salbiy ko‘rsatkichga ega bo‘lgan banklar ro‘yxati e’lon qilindi
-
Dunyodan5 days ago
Buyuk Britaniyadagi siyosiy zilzila: Key Starmer iste’foga chiqish arafasida
-
Dunyodan5 days ago
Baliq yog’i foydasiz: tadqiqotchilar shunday xulosaga kelishdi
-
Jamiyat5 days agoO‘zbekistonda aholiga tegishli avtomobillar soni qariyb 5 millionga yetdi