Sport
Kannavaro hal bo‘ldi: bu yaxshimi yoki yomon?
O‘zbekiston milliy jamoasini Amerika mundialiga Italiya futboli afsonasi Fabio Kannavaro olib boradigan bo‘ldi. Hali rasman e’lon qilingani yo‘q, lekin Fabrisio Romano aytdimi, shunaqa bo‘ladi. Biz «Kapadze qolishi kerak», deb ko‘p aytdik, lekin O‘FA baribir xorijlik murabbiy olib keldi. Mayli, bo‘lar ish bo‘ldi, endi bu murabbiy biz uchun yaxshimi yoki yomon degan savolga javob izlasak.
{Yii::t(}
O’tkazib yuborish 6s
O’tkazib yuborish
Jahon chempionatiga jahon chempioni bilan
Avvalo Fabio Kannavaro kim ekani haqida ikki og‘iz. Chunki hozirgi yosh avlod bu afsonaviy futbolchi haqida ko‘p eshitmagan bo‘lsa kerak. Yoshlar, tasavvur qilishingiz uchun aytaman: hozir Yevropa futbolida Kannavaro darajasidagi himoyachi yo‘q hisob. Balki van Deyk, Diash, Salibaning eng yaxshi jihatlarini qo‘shsangiz, shunaqa himoyachi «paydo bo‘lar». Kannavaro o‘z davrining tengsiz himoyachisi edi.
Bo‘yi unchalik baland bo‘lmasa-da, markaziy himoyada chinakam qo‘poruvchi kabi harakatlanar, juda aqlli himoyachi edi. Fabio Italiya milliy jamoasida Alessandro Nesta bilan birga zamonasining eng zo‘r markaziy himoya juftliklaridan birini tashkil etgandi. 2006 yilgi jahon chempionati finalida Fabio Marko Materatssi bilan birga juftlik hosil qiladi.
O‘sha vaqtda Italiya milliy jamoasi yigitlari himoyalanishni san’at darajasiga olib chiqishgandi. Va mana shu himoya evaziga jahon chempioni bo‘lgan Italiyaning lideri va sardori Fabio Kannavaro edi. Oxir-oqibat Fabio 2006 yil mundialdagi super o‘yinlari evaziga «Oltin to‘p»ga munosib ko‘riladi. Undan keyin biror himoyachi futboldagi asosiy sovrinni yutgani yo‘q.
Kannavaro futbolchi sifatida avvalo 2006 yilgi jahon chempionatini yutgan. Uning 1999 yil «Parma» bilan UEFA kubogini yutgani megayulduzlik davrini boshlab bergandi. O‘sha tarkibdagi Buffon, Krespo, Veron, Tyuram kabi yigitlar ham keyinchalik jahon darajasidagi yulduzlarga aylanishadi. Kannavaro «Parma»dan «Inter»ga, keyin «Yuventus»ga, «Oltin to‘p»ni yutganidan keyin esa «Real» Madridga o‘tadi.
Aytgancha, «Parma» va «Inter»da bizning qadrdonimiz Ektor Kuper qo‘l ostida o‘ynaydi. Xullas, Fabioning futbolchilik faoliyati orzudagidek o‘tgan desak bo‘ladi: sensatsiyachi klub bilan UEFA kubogi, jahon chempionligi va «Real»da o‘ynash.
Murabbiylikda esa…
Biroq Fabio murabbiylik faoliyati bilan maqtana olmaydi. Hozircha uning hisobida «Guanjou» jamoasi bilan yutilgan Xitoy chempionligi bor xolos. U o‘zini Yevropada ham sinab ko‘rdi, lekin «Udineze» va «Dinamo Zagreb»da ishlari yurishmadi. Bilasizmi, bizni quvontirishi kerak bo‘lgan jihat ham mana shu aslida. Kannavaro har qancha katta kalibrli futbolchi bo‘lmasin, murabbiylikda ham qo‘lidan ish kelishini futbol ommasiga isbotlashni istayli.
Ha, Fabio murabbiy sifatida g‘alabaga chanqoq, u hech qachon jahon chempionati kabi jiddiy musobaqada ishlamagan. Ishoning, futbol tarixidagi eng zo‘r himoyachilardan bo‘lgan Kannavaro uchun O‘zbekiston milliy jamoasini boshqarish murabbiylik faoliyatidagi hozircha eng jiddiy ish. Biz bundan faqat xursand bo‘lishimiz kerak.
Nimalar o‘zgaradi?
Endi bizning himoyachilarda kimsan Kannavarodan o‘rganish imkoni bor. Fabio natijaga erishish uchun ham himoyachilarimizni yangi darajaga olib chiqishni istaydi. Tarkibda ham o‘zgarishlar bo‘lsa kerak. Kannavaro katta ehtimol chempionatning qolgan qismini kuzatib, Kapadze e’tibor qilmagan ba’zi futbolchilarni sinab ko‘rishi mumkin. Aytgancha, Temur Kapadze Kannavaroga yordamchi bo‘lib qoladi deyishmoqda, bu esa tarkib asosi o‘zgarmaydi degani. Biroq Kannavaro o‘ziga yoqqan yangi nomlarni chaqirib ko‘rsa kerak.
G‘alati iste’folar
Uzoq jimlikdan keyin nihoyat Temur Kapadze bosh murabbiylikdan ketishi ma’lum bo‘ldi. Hali bu haqda e’lon ham qilishmadi. Shu o‘rinda O‘zbekiston milliy jamoasida g‘alati iste’folar yuz berishini aytmasak bo‘lmaydi. Osiyo chempionati yarim finaliga olib chiqqan, tariximizdagi eng yorqin jamoani tuzgan Abramov Eronga qarshi saralashning birinchi o‘yinida yutqazishi bilan ishdan olingandi, Ektor Kuper Falastinga qarshi ko‘p narsani hal qilmaydigan, keyinchalik turli shubha-gumonlarga sabab bo‘lgan o‘yinda yutqazganidan keyin bo‘shatilgandi, Kapadze esa O‘zbekistonni jahon chempionatiga olib chiqib ketmoqda. Chindan g‘alati iste’folar, bunaqasi «Chelsi»da ham bo‘lmaydi.
Gapimiz boshida aytganimizdek, bo‘lar ish bo‘ldi. Kapadzega adotalsizlik qilindi, lekin endi oldingi qarash kerak. Kannavaro futbol olamiga murabbiy sifatida ham zo‘r ekanini isbotlashni istamoqda. Buni O‘zbekiston bilan uddalashiga umid qilamiz. Futbolimiz darajasi bunga bemalol imkon beradi.
O‘tkir Jalolxonov tayyorladi
Tasvirchi va montaj ustasi – Faxriddin Hotamov
«Yangi O‘zbekiston olimpiya cho‘qqilari» hamda «Prezident Olimpiadasi» musobaqalarining 2026 yilgi mavsumi rasman boshlandi. Toshkentdagi «Olimpiya va Paralimpiya shon-shuhrati muzeyi»da tashkil etilgan tadbirda mavsumga ramziy start berildi.
Ushbu musobaqalar yosh avlod o‘rtasida sog‘lom turmush tarzini targ‘ib qilish va Olimpiya zaxiralarini tayyorlash tizimini yanada takomillashtirishga xizmat qiladi. Mavsum doirasida respublikamizning barcha hududlarida minglab yosh sportchilar turli sport turlari bo‘yicha o‘z mahoratlarini namoyish etishlari kutilmoqda.
2026 yilgi mavsum yanada takomillashtirilgan uch bosqichli tizimda o‘tkaziladi: tuman va shahar hokimi Olimpiadasi, hududiy bosqich hamda «Prezident Olimpiadasi». Bugundan boshlab birinchi bosqich — tuman va shahar hokimi Olimpiadasi doirasida respublikamizning barcha hududlarida bellashuvlar boshlandi. Unda sport maktablari, umumta’lim muassasalari, xususiy sport klublari va murabbiylar tarbiyalagan yoshlar faol ishtirok etmoqda.
Londondagi «Uembli» stadionida Angliya Liga Kubogining final uchrashuvi bo‘lib o‘tdi. Bosh sovrin uchun bahsda «Manchester Siti» va «Arsenal» jamoalari o‘zaro to‘qnash kelishdi.
Uchrashuv «Manchester Siti» ning 2:0 hisobidagi g‘alabasi bilan yakunlandi. O‘yin taqdirini ikkinchi bo‘limda Niko O‘Rayli tomonidan kiritilgan ikkita gol (60 va 64-daqiqalar) hal qildi. Ushbu muvaffaqiyat evaziga «Manchester Siti» o‘z tarixida 9-marta Angliya Liga Kubogi sohibiga aylandi. Endilikda ular mazkur turnirda eng ko‘p zafar quchgan «Liverpul» (10 ta sovrin) rekordiga yaqinlashib oldi — ular orasidagi farq atigi bitta kubokni tashkil etmoqda.
O‘zbekiston milliy terma jamoasi himoyachisi Abduqodir Husanov «Manchester Siti» tarkibida maydonga tushib, to‘liq 90 daqiqa harakat qildi. U uchrashuvning 32-daqiqasida Viktor Dyokereshga ishlatilgan qo‘pollik uchun sariq kartochka oldi.
Ushbu g‘alaba orqali Husanov Angliya Liga Kubogini qo‘lga kiritgan ilk o‘zbekistonlik futbolchi sifatida tarixga kirdi. Bu sovrin himoyachi uchun Angliyadagi birinchi oltin medal hisoblanadi.
Kecha, 22 mart kuni Ispaniya La Ligasida bir qator markaziy uchrashuvlar bo‘lib o‘tdi. Turning eng asosiy bahsi Madrid derbisiga to‘g‘ri keldi. Unda “Real Madrid” prinsipial raqibi “Atletiko Madrid”ni 3:2 hisobida mag‘lub etdi. “Barselona” esa “Rayo Valekano” ustidan 1:0 hisobida g‘alaba qozondi.
Ispaniya chempionatining kechagi turi qiziqarli va kurashlarga boy o‘yinlarga boy bo‘ldi.
Turning markaziy uchrashuvida “Real Madrid” o‘z maydonida “Atletiko Madrid”ni qabul qildi. Shiddatli va murosasiz kechgan bahsda mezbonlar 3:2 hisobida g‘alaba qozondi. Uchrashuv davomida har ikki jamoa ham faol hujumlar tashkil etdi, ammo yakunlovchi daqiqalarda “Real” ustunroq harakat qildi.
Yana bir muhim o‘yinda “Barselona” o‘z maydonida “Rayo Valekano”ni 1:0 hisobida mag‘lub etdi. Kataloniya klubi qiyin kechgan bahsda muhim uch ochkoni qo‘lga kiritib, turnir jadvalidagi pozitsiyasini mustahkamlashga harakat qildi.
Shuningdek, qiziqarli o‘yinlardan birida “Alaves” mehmonda “Selta”ni 4:3 hisobida yengdi. Bu bahs turning eng dramatik to‘qnashuvlaridan biriga aylandi. “Atletik Bilbao” esa o‘z uyida “Betis”ni 2:1 hisobida mag‘lub etib, navbatdagi muhim g‘alabani rasmiylashtirdi.
22 mart kungi o‘yinlardan so‘ng La Liga jadvalida “Barselona” 73 ochko bilan peshqadam bo‘lib turibdi. “Real Madrid” 69 ochko bilan ikkinchi, “Vilyarreal” 58 ochko bilan uchinchi, “Atletiko Madrid” 57 ochko bilan to‘rtinchi o‘rinda bormoqda. Keyingi pog‘onalarda “Betis” 44 ochko, “Selta” 41 ochko bilan joylashgan. Shu tariqa, chempionlik uchun asosiy kurash hozircha “Barselona” va “Real Madrid” o‘rtasida kechmoqda, Yevropa kuboklari yo‘llanmalari uchun raqobat esa yanada keskinlashgan.
Rossiyalik hokkeychi liga tarixida Ueyn Gretskidan keyin bu marrani zabt etgan ikkinchi o‘yinchi bo‘ldi.
«Vashington Kepitalz»ning rossiyalik hujumchisi Aleksandr Ovechkin MHL muntazam chempionatining «Kolorado Evelansh»ga qarshi uchrashuvida gol urdi va pley-offlarni ham hisobga olgan holda liga tarixida 1000 ta gollik ko‘rsatkichga erishdi.
40 yoshli Ovechkin hisobida muntazam chempionatlarda 923 ta va pley-offda 77 ta gol bo‘ldi. U jami 1723 ta o‘yin o‘tkazgan (muntazam chempionatda 1562 ta va pley-offda 161 ta).
Bu borada MHL rekordchisi kanadalik Ueyn Gretski hisoblanadi — u 1694 ta (1487+207) o‘yinda 1016 ta (894+122) gol urgan.
Aleksandr Ovechkin muntazam chempionatlarda urilgan gollar soni bo‘yicha MHL rekordchisi bo‘lib, o‘tgan mavsumda Gretskining rekordini yangilagan edi.
«Kolorado»ga qarshi o‘yindan so‘ng «Vashington»da muntazam chempionatda yana 11 ta o‘yin qoladi. Hozir jamoa Sharqiy konferensiyada 12-o‘rinda bormoqda va pley-off hududidan tashqarida joylashgan.
“Manchester Siti” to‘qqizinchi bor Angliya Liga kubogi sohibi bo‘ldi. O’Rayli “Arsenal” darvozasiga to‘rt daqiqa ichida ikkita gol kiritib, dubl muallifiga aylandi.
Londondagi “Uembli” stadionida “Arsenal” va “Manchester Siti” jamoalari Angliya Liga kubogi final bahsi bo‘lib o‘tdi.
Uchrashuvning birinchi bo‘limida hisob ochilmadi.
O’Rayli 60-daqiqada “Manchester Siti”ni hisobda oldinga olib chiqqan bo‘lsa, 64-daqiqada “Arsenal” darvozasiga ikkinchi golini kiritdi.
“Shaharliklar”ning o‘zbekistonlik himoyachisi Abduqodir Husanov uchrashuvni asosiy tarkibda boshladi va to‘liq harakat qildi. U 32-daqiqada Yokeresga nisbatan ishlatgan qo‘polligi uchun sariq kartochka oldi.
“Arsenal”ni 2:0 hisobida mag‘lub etgan “Manchester Siti” to‘qqizinchi bor Angliya Liga kubogi sohibi bo‘ldi.
O‘zbekiston va Rossiya yetakchilari o‘zaro muloqot o‘tkazdi
Neft bozoridagi keskinlik Rossiyaga milliardlab dollar keltirishi mumkin
Rossiya iqtisodiyotida pasayish bor – Putin
-
Dunyodan4 days ago
Isroil Livan janubida quruqlikdan operatsiya boshladi
-
Jamiyat4 days agoChilonzorda Al-Xorazmiy ko‘chasining bir qismi yopiladi
-
Siyosat3 days ago
O‘zbekiston va Turkmaniston yetakchilari bir-birlarini tabrikladilar
-
Jamiyat4 days agoCoca-Cola O‘zbekistonda Ramazon oyida bir qator xayriya tashabbuslarini amalga oshirdi
-
Jamiyat4 days agoToshkentda bayram kunlari jamoat transporti uchun maxsus jadval joriy etildi
-
Mahalliy5 days agoRo‘zadan keyin 90 foiz odamlar yo‘l qo‘yadigan xato
-
Turk dunyosi5 days agoTurkiya sharqida ko’chmanchi qushlar bahor kelishidan xabar beradi
-
Jamiyat3 days agoImom Buxoriy masjid-majmuasida ilk hayit namozi o‘qildi (foto)