Davlatimiz rahbari Namangan viloyatiga tashrifi doirasida «Navbahor» futbol akademiyasiga tashrif buyurib, bu yerda yosh futbolchilar uchun yaratilgan shart-sharoitlar va o‘quv-mashg‘ulot jarayonlari bilan tanishdi.

Namangan viloyati o‘zining boy futbol an’analari va iqtidorli futbolchilari bilan mamlakatimizda alohida o‘rin tutadi. Yosh avlodni xalqaro standartlar asosida tayyorlash maqsadida «Navbahor» akademiyasi uch yil muddatga dunyoning yetakchi futbol maktablaridan biri sanalgan Niderlandiyaning «Ayaks» futbol akademiyasi boshqaruviga berildi.

«Ayaks» dunyodagi eng mashhur akademiya hisoblanadi (1900-yilda tashkil etilgan) va o‘z tarbiyalanuvchilarini Yevropaning mashhur klublariga o‘tkazish orqali har yili o‘rtacha 50-70 million yevro daromad oladi.

Kelishuvga asosan, klublar o‘rtasida qo‘shma o‘smirlar futbol akademiyasi tashkil etilib, o‘zbekistonlik yosh futbolchilar va murabbiylarni tayyorlash bo‘yicha «Ayaks»ning boshqaruv modeli joriy etiladi.

Hozirgi kunda akademiyada xorijiy mutaxassislar, jumladan, murabbiy va skautlar faoliyat yuritib, mahalliy yoshlarni Yevropa futbol standartlari asosida tayyorlash ishlarini olib boryapti.

Prezidentimiz akademiya infratuzilmasi, mashg‘ulot maydonlari hamda tarbiyalanuvchilar uchun yaratilgan imkoniyatlarni ko‘zdan kechirdi. Shuningdek, yosh futbolchilar va xorijiy mutaxassislar bilan suhbatlashib, ularning orzu-intilishlari va kelgusi rejalari bilan qiziqdi.

Uchrashuv davomida mamlakatimizda futbolni yanada rivojlantirish, iqtidorli yoshlarni qo‘llab-quvvatlash va O‘zbekiston milliy terma jamoasining xalqaro maydonlardagi ishtirokini kengaytirish masalalari muhokama qilindi. 

Davlatimiz rahbari akademiya tarbiyalanuvchilari bilan suratga tushdi.

Source link

Krishtianu o‘zi ishtirok etgan 6 ta jahon chempionatining har birida gol urdi va tarixdagi birinchi shunday futbolchiga aylandi.

Portugaliya milliy jamoasi hujumchisi Krishtianu Ronaldu JCh-2026 guruh bosqichi 2-turida O‘zbekiston bilan o‘yinda hisobni ochdi va ko‘p o‘tmay dubl qayd etdi (xabar yozilgan vaqtda o‘yin davom etmoqda).

Saudiya Arabistonining «An-Nasr» klubi futbolchisi 6-daqiqada Joau Kanseluning, 39-daqiqada esa Bruno Fernandeshning uzatmasidan gol urdi. Bu Ronaldu uchun ushbu jahon chempionatidagi ilk gollardir.

Shunday qilib, Krishtianu o‘zi ishtirok etgan 6 ta jahon chempionatining har birida gol urdi va tarixdagi birinchi shunday futbolchiga aylandi. Messi Argentina milliy jamoasi safida 5 ta mundialda gol urgan.

Krishtianu Ronalduning jahon chempionatlaridagi barcha gollari:

Source link

Shavkat Mirziyoyev 23 iyun kuni Namangan viloyatiga tashrifi doirasida “Navbahor” futbol akademiyasiga borib, yosh futbolchilar uchun yaratilgan shart-sharoitlar va o‘quv-mashg‘ulot jarayonlari bilan tanishdi.

Foto: Prezident matbuot xizmati

Qayd qilinishicha, yosh avlodni xalqaro standartlar asosida tayyorlash maqsadida “Navbahor” akademiyasi uch yil muddatga dunyoning yetakchi futbol maktablaridan biri sanalgan Niderlandiyaning “Ayaks” futbol akademiyasi boshqaruviga berildi.

Kelishuvga asosan, klublar o‘rtasida qo‘shma futbol akademiyasi tashkil etilib, o‘zbekistonlik yosh futbolchilar va murabbiylarni tayyorlash bo‘yicha “Ayaks”ning boshqaruv modeli joriy etiladi.

Hozirgi kunda akademiyada xorijiy mutaxassislar, jumladan, murabbiy va skautlar faoliyat yuritib, mahalliy yoshlarni Yevropa futbol standartlari asosida tayyorlash ishlarini olib boryapti.

Prezident akademiya infratuzilmasi, mashg‘ulot maydonlari hamda tarbiyalanuvchilar uchun yaratilgan imkoniyatlarni ko‘zdan kechirdi. Shuningdek, yosh futbolchilar va xorijiy mutaxassislar bilan suhbatlashib, ularning rejalari bilan qiziqdi.

Uchrashuv davomida mamlakatimizda futbolni yanada rivojlantirish, iqtidorli yoshlarni qo‘llab-quvvatlash va O‘zbekiston milliy jamoasining xalqaro maydonlardagi ishtirokini kengaytirish masalalari muhokama qilindi.

Source link

AQSh vitse-prezidenti Jyey Di Vens boshchiligidagi delegatsiya Shveytsariyada eronlik hamkasblari bilan muzokara o‘tkazdi. Donald Trampning ijtimoiy tarmoqdagi bayonoti uchrashuvni keskin ruhda boshlab bergan bo‘lsa-da, vositachilar 60 kun ichida yakuniy kelishuv loyihasini ishlab chiqishga kelishib olganini ma’lum qildi.

G7 sammitida Donald Trampning Ukraina bo‘yicha pozitsiyasi yana bahs markaziga chiqdi. Buyuk Britaniyada esa Kir Starmerning iste’fosi va uning ehtimoliy vorislari qizg‘in muhokama qilinmoqda.

Source link

Futbol – millionlarni birlashtiradigan o‘yin. Ayniqsa, katta turnirlar, jumladan Jahon chempionati yoshu qarini, erkag-u ayolni, har turli soha vakillarini qiziqtiradigan turnirdir. O‘zbekiston milliy jamoasining Mundialda ilk bor ishtirok etishi xalqimiz orasida ushbu turnirga qiziqishni chandon oshirdi. Shu bilan birga, ayrim soha mutaxassislari futbolchilarimizga g‘alaba tilash bilan birga, o‘z sohalari doirasida foydali fikrlar va maslahatlar bilan ham bo‘lishib turishibdi. Ulardan biri, saytimizning doimiy rezidenti, meteorolog, iqlimshunos Erkin Abdulahatov.

O‘zim futbolga qiziqaman. 1998-2000 yillardan boshlab muntazam katta turnirlarni tomosha qilaman. O‘yinlarni kasbim taqozosi bilan tashqi ob-havo muhiti prizmasi orqali ham kuzatib, o‘yinchilarning holatiga tashqi ta’sirni modellashtirib yuraman. Buni butun dunyo tan olgan – tashqi muhit futbolchilar fiziologiyasiga va o‘yiniga 20-30 foiz darajada ta’sir ko‘rsatadi. Sovuq havo, issiqlik stressi – termoregulyatsiya futbolchilarning harakatlariga, jumladan, to‘p uzatish, pressing qilish, sprint kabilarga, shubhasiz, ta’sir qiladi. Bu ilmiy jihatdan isbotlangan va yangilik emas.

Dengiz sathidan olinadigan balandlik ham shular jumlasidan. Ko‘pchilik toqqa chiqqanida kislorod yetishmasligini his qiladi. Deylik, o‘zimizdagi Amirsoy yoki Arashanga chiqqaningizda tekislikdagi harakatlaringiz va yerdagi harakatlarda farq seziladi. Masalan, tekislikda siz 100 metrni bosib o‘tishda 11-12 soniya sarflasangiz, yuqorida bu 15-16 soniyani tashkil qilishi mumkin. Chunki yuqorida havoning bosimi pasayadi, kislorod siyraklashadi. Milliy jamoamiz o‘ynagan Meksikaning Mexiko shahri dengiz sathidan 2240 metr balandlikda joylashgan. Shuningdek, Toluka shahri ham bor va u 2660 metr yuqorida. Bu Jahon chempionatlari tarixidagi eng yuqori nuqtadagi stadionlar. Biz o‘ynagan “Atsteka” stadionida 1970 va 1986 yillardagi Jahon chempionatlari o‘yinlari ham o‘tkazilgan. O‘sha paytlarda ham turli OAVlarda bu stadionlarda o‘ynash qiyinligi haqida o‘sha yerda to‘p tepgan jamoalar vakillarining gap-so‘zlari yoritilgan.

Ta’kidlashim kerak, men bu omillar haqida o‘yindan so‘ng chiqib aytmayapman. Men o‘yindan oldin bu haqda ijtimoiy tarmoqlarda yozdim. Bunday balandlikdagi o‘yinlarga futbolchilarning tayyorlanishi uchun ikki variant bor: birinchisi, o‘yindan 48 soat avval borish kerak. Bunday holatda ob-havo va bosimga organizm moslashadi, xolos. Bunda ular to‘pga fizik ta’sir omillarini o‘rganishga ulgurmaydi. To‘pni tepayotganda oddiy tekislikda qanday zarb berish kerag-u, balandda qanday kuch bilan zarba berish kerakligini ham o‘rganish lozim. Buni atroflicha o‘rganish uchun esa o‘sha muhitga 10-15 kun avval borish kerak. Ko‘rgan bo‘lsangiz, futbolchilarimiz standart vaziyatlarda to‘pni uzatayotganda paslar juda noaniq ketdi. To‘p doim mo‘ljallangan masofadan o‘tib ketaverdi, ya’ni futbolchining jamoadoshiga uzatilgan to‘p aniq bormay, 3-4 metr va undan uzoqroq masofaga uchib ketaverdi.

***

Portugaliyaga qarshi o‘yinimiz qulay ob-havo sharoitida o‘tadi. Hyustonda usti yopiladigan stadion. Unda konditsionerlar ishlaydi va 22-24 darajalai komfort muhit bo‘ladi.

Erkin Abdulahatovning fikrlarini havola orqali o‘tib, to‘liq tomosha qilishingiz mumkin. Biz esa bugungi o‘yinda Vatanimiz jamoasini qo‘llab-quvvatlab, unga omad tilaymiz.

Source link