Sport
Italiya yirik hisobda yutqazdi, Belgiyada ham muvaffaqiyatsiz start
Juma kuni Yevropada JCh-2026 saralashi doirasida o‘tkazilgan o‘yinlar va guruhlardagi vaziyat.
I guruhi
Spalletti tarixga kirdi
Norvegiya — Italiya 3:0
Gollar: Cyorlot 14, Nusa 34, Holand 42
Norvegiya – Nyuland, Ryuerson, Ayyer, Heggem (Estigor 71), Volf (Pedersen 75), Edegor, Berge, Torsbyu (Berg 46), Nusa (Bobb 75), Holand, Syorlot (Larsen 83).
Italiya – Donnarumma, Di Lorenso, Koppola, Bastoni, Zappakosta (Orsolini 71), Rovella (Fratezzi 46), Tonali, Udoji (Dimarko 83), Barella, Raspadori (Richchi, 83), Retegi (Lukka 71).
Ogohlantirishlar: Torsbi 38, Berg 55.
Ko‘hna qit’ada ham saralash sikli asta-sekin avjiga kirmoqda. Millatlar ligasi pley-off bosqichi va «To‘rtlar finali» tufayli guruhlarning bir qismida hali birinchi tur ham boshlangani yo‘q, bir necha guruhda esa uchinchi tur o‘yinlari ham o‘tkazilmoqda. Bu turdan Italiya ham bahslarga qo‘shildi va Norvegiyaga qarshi o‘yin turning markaziy uchrashuvi sifatida afisha qilindi. Skandinavlar mart oyida o‘tkazilgan dastlabki turlarda maksimal olti ochko to‘plagandi va bu jamoaga qo‘shimcha ishonch baxsh etdi. Yomg‘irli Oslodagi uchrashuv mezbonlarning ustunligi bilan boshlandi. Norveglar Bastonining muvaffaqiyatsiz uzatmasidan maksimum natija chiqarib oldi, Nusa Syorlotni darvozabon bilan yakkama-yakka vaziyatga chiqarib yubordi, ushbu hujumchi mehmonlar safida debyut qilgan himoyachi Koppoladan («Verona») qochib ketdi va hisobni ochdi.
Bu hali hammasi emasdi, bo‘limning ikkinchi yarmida Nusa yana bir bor ajoyib nomer ijro etdi. Vinger ikki himoyachi orasidan o‘tib ketdi va to‘pni to‘sin ostidan darvoza to‘riga joyladi. Bo‘lim so‘nggida esa Edegor himoyachilar orasidan o‘tkazib bergan pasi bilan Holandni yakkama-yakka vaziyatga chiqardi, ofsayd tuzog‘idan qutulib qolgan hujumchi Donnarummani ham aldab o‘tib, bo‘sh darvozani ishg‘ol etdi va amalda o‘yin masalasini hal qildi. Luchano Spalletti bu pallada tarixga kirdi — Italiya bunga qadar saralash o‘yinlarida birinchi bo‘limning o‘zida uchta gol o‘tkazib yubormagandi.
Estoniya – Isroil 1:3
Gollar: Kyayt 31 – Biton 39, 49, Abu-Fani 90
Estoniya: Heyn, Kuusk, Paskochi, Saliste (Yepixin, 80), Shenning-Larsen, Shayn, Soomets (Kristal, 55), Kyayt (Aynsalu, 80), Sinyavskiy, Yakovlev (Saarma, 72), Tamm (Aner, 72)
Isroil: D. Perets, Shlomo, Naxmias, Solomon (Yarin, 90), Dasa, E. Perets (Jobir, 66), Abu Fani (Abada, 90), Glux, Revivo, Turgeman (Halaili, 66), Biton (D. Perets, 72)
Ogohlantirish: Heyn
Buyog‘iga Italiya vaziyatni o‘nglashga kirishishi tabiiy, ammo hozirda jamoa raqiblarni ortdan quvishga majbur. Jumladan, ikkinchi o‘rin uchun raqobat qilayotgan estonlar va isroilliklarni. O‘zaro o‘yinda avvaliga Boltiq bo‘yi jamoasi yaxshiroq ko‘rindi va hujumlardan birida faqat himoyachining jonbozligi bilan to‘p chiziq ustida to‘xtatib qolingan bo‘lsa, keyin Kyayt yaqin masofadan zarba berishiga hech kim to‘sqinlik qila olmadi. Ammo bo‘lim oxirida mudofaa chizig‘idagi xato Estoniyaga qimmatga tushdi. Himoyachilardan biri Turgemanni qo‘riqlada muvaffaqiyatsiz harakat qildi. Ikkinchisi — to‘pni Solomonga topshirdi, yakunda bu ikki xato Bitonning ikki goli bilan yakunlandi.
9 iyun. Estoniya — Norvegiya, Italiya — Moldova.
J guruhi
Dahshatli xatodan keyingi shedevr gol
Shimoliy Makedoniya – Belgiya 1:1
Gollar: Alioski 87 – de Kyuyper 28
Shimoliy Makedoniya – Dimitriyevski. Zaykov. Musliu. Alioski. Iliyevski (Ashkovski, 80). Stoychevski (Churlinov, 57). Atanasov (Elezi, 46). Bardi. Elmas. Kostadinov (Mitrovski, 80). Miovski (Ristovski, 85)
Belgiya – Sels, Myone (de Vinter 56), Debast, Fas, de Kyuyper (Teate, 78), Raskin, De Bryuyne (Tilemnas, 56), Vanaken (Onana, 56), Salemakers, Lukaku (Openda, 82), Doku.
Ogohlantirishlar: Atanasov 15, Musliu 66, Iliyevski 71, Bardi 76, Mitrovski 81, Ristovski 90 – Myone, 45
Domeniko Tedesko ishdan bo‘shatilib, Rudi Garsiya boshqaruviga o‘tgan Belgiya ham saralashni ko‘ngildagidek boshlamadi. Lekin o‘yinda uzoq vaqtgacha omad «qizil iblislar» tomonida edi. Birinchidan, Lukaku uyushtirgan hujumdan keyin to‘p himoyachidan hisobni ochgan gol muallifi De Kyuyperning oyog‘iga bordi. Ikkinchidan, Elmasning ikkinchi bo‘limdagi goli bekor qilindi, bu vaziyatda Iliyevski to‘p yo‘lidan chiqib, uning yo‘nalishini o‘zgartirgani ma’lum bo‘ldi. VAR darhol ofsayd qayd etdi. Shundan keyin makedonlar yetakchisi Alioski memlar qahramoniga aylanishiga bir baxya qoldi. Elmasning zarbasidan keyin ustundan qaytgan to‘pni u bo‘sh darvoza tomon yo‘lladi, ammo to‘p yana ustunga bordi. Ammo o‘yin oxirida Churlinov to‘pni jarima maydoniga yetkazib berganida Alioski havodagi to‘pni to‘xtatmay zarba berib, baribir darvozani ishg‘ol etdi. Bolqon jamoasi mart oyida Uelsga qarshi o‘yinda bo‘lganidek (1:1) so‘nggi daqiqalarda mag‘lubiyatdan qutulib qoldi.
Uels – Lixtenshteyn 3:0
Gollar: Rodon 39, Uilson 65, Mur 68.
Uels – Darlou, Devis, Rodon, Uilyams (Dasilva 24), Robers, Ampadu (Shixan 64), Tomas (Bruks 64), Kallen, Uilson (Jyeyms 74), Jonson (Kumas 64), Mur
Lixtenshteyn – Byuhel, Vizer, Hofer, Traber, Zele (Tsyund 90), Lyuxinger (Netser 73), Hasler, Geppel, Mayyer (Kindl 46), Lyuk-Notaro (Malin 70), Saglam (Pitssi 46)
Ogohlantirishlar: Shixan 83 – Kindl, 49, Pitssi 73
Tur yakunlariga ko‘ra Uels guruh peshqadami bo‘lib oldi, britanlar Lixtenshteynga qarshi o‘yinning birinchi bo‘limi davomida raqib mudofaasini yorib o‘tolmadi, ammo baribir bo‘lim oxirida ko‘psonli burchak zarbalaridan birini baribir golga aylantirdi. Ikki raqib qurshovida turgan baland bo‘yli Rodon sakramay ham zarba bera oldi. Ikkinchi bo‘limda esa Uilson va Mur guruh autsayderini uzil-kesil taslim qilishdi. Kreyg Bellami boshqaruvidagi «ajdarlar» yetarlicha kuchli jamoa bo‘lib ko‘rinmoqda.
9 iyun. Qozog‘iston — Shimoliy Makedoniya, Belgiya — Uels.
L guruhi
Chexiyada yuz foizlik ko‘rsatkich
Chexiya – Chernogoriya 2:0
Gollar: Glojyek 23, Shik 65
Chexiya – Kovarj, Xolesh, Kreychi, Zeleni, Tsoufal, Cherv (Sadilek 46), Souchek, Shuls (Kral, 90), Glojyek (Provod 28), Cherni (Kushey 77), Shik (Xori 76)
Chernogoriya – Nikich, Vuyachich, Shipchich (M. Vukchevich 84), Savich, Yankovich, Kuch (Lonchar 62), Radunovich (A. Vukchevich 63), Veshovich (Mugosha 84), Yovetich, Vukotich (Osmaich 62), Krstovich
Ogohlantirishlar: Tsoufal 90 – Veshovich 45, Lonchar 90, Vuyachich 90.
Plzendagi o‘yinda chexlar va chernogoriyaliklar birinchi o‘rin uchun o‘zaro bahslashishdi va qatorasiga uchinchi g‘alaba mezbonlarni guruhning yakkapeshqadamiga aylantirdi. Glojyek jarohat olishidan biroz oldinroq hisobni ochishga ulgurdi, u qanotdan markazga ko‘chib, jarima maydoniga kirmasdan yerlatib kuchli zarba yo‘lladi. Mehmonlarning tezkor javob goli esa bekor qilindi, jamoadoshini zarba berish nuqtasiga chiqargan Yovetich ofsaydda bo‘lgani qayd etildi. Chernining goli ham shunday sabab bilan bekor qilindi, ammo u baribir ikkinchi bo‘limda o‘z hisobiga samarali harakat yozdirib qo‘ydi. U burchakdan oshirib bergan to‘pni chexlar to‘purari Shik bosh bilan uzoq burchakka aniq yo‘naltirdi.
Gibraltar – Xorvatiya 0:7
Gollar: Pashalich 28, Budimir 30, Ivanovich 60, 63, Perishich 73, Kramarich 77, 80
Gibraltar – Benda, Annesli (Kerrington 62), Lopesh, Mauro, Ronan (Valarino 62), Uoker (Bent 86), Skenlon, De Barr (Torilya 46), Richards (Gibson 74), Jyessop, Bartolo
Xorvatiya – Livakovich, Stanishich, Kaleta, Pongrachich, Juranovich, Suchich ( Kramarich, 46), Mayyer, L. Suchich (Modrich, 63), Pashalich (Baturina, 65), Perishich, Budimir (Ivanovich, 46).
Ogohlantirish: Pongrachich, 54
Bu guruhdagi barcha jamoalar Xorvatiya o‘yinga qo‘shilganini hisobga olishiga to‘g‘ri keladi. «Shashkachilar» bechora Gibraltar darvozasini istagancha o‘qqa tutdi, keksalik bilmas Perishich personal benefisini o‘tkazdi. Avvaliga uning ikki uzatmasidan Pashalich va Budimir gol urishdi. Keyin esa Perishichning uzatmalari Bolqon jamoasida endigina uchinchi o‘yinini o‘tkazayotgan Ivanovich dubl qayd etishiga yordam berdi, ushbu futbolchi Belgiyada yakunlangan mavsumda «Yunion» chempionligining asosiy qahramonlaridan bo‘ldi. Shundan keyin Perishichning o‘zi oqshomning eng chiroyli golini urdi, u Pashalich uzatgan to‘pni to‘xtatmay zarba berdi. Zlatko Dalich jamoasini bir necha kundan keyin Chexiyaga qarshi hal qiluvchi bahs kutmoqda.
9 iyun. Farer orollari — Gibraltar, Xorvatiya — Chexiya.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat3 days ago
Toshkentda xalqaro moda akademiyasi tashkil etiladi
-
Iqtisodiyot18 hours ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat14 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat13 hours ago
O‘zbekiston do‘konlarida 73 turdagi mahsulot sifatsiz deb topildi