Sport
Hali Falastinda ham imkon bor. Osiyo saralashidagi intrigalar
O‘z uyida O‘zbekistonni yenga olmay, to‘g‘ridan to‘g‘ri yo‘llanmadan umid uzgan BAA va so‘nggi turda Toshkentda mehmon bo‘ladigan Qatarda hali JChga chiqish uchun imkoniyat bo‘ladi. Bunday imkoniyat Falastin va Indoneziya kabi jamoalarda ham saqlanib turibdi.
Futbol bo‘yicha 2026 yilgi jahon chempionatiga Osiyo uchun 6+2,5 ta yo‘llanma berilgan. To‘g‘ridan to‘g‘ri 6 ta yo‘llanmadan 5 tasining egalari ma’lum – Yaponiya va Eron ortidan O‘zbekiston, Iordaniya va Janubiy Koreya ham okeanortida o‘tkaziladigan mundial chiptalarini qo‘lga kiritdi. Oltinchi yo‘llanma taqdiri so‘nggi turda Saudiya Arabistoni va Avstraliya o‘rtasidagi uchrashuvda hal bo‘ladi.
Guruhlarda 3 va 4-o‘rinlarda qolib ketayotgan jamoalar esa qo‘shimcha imkoniyatdan foydalanishi mumkin.
Uchta guruhdan chiqadigan 6 jamoa avvaliga ikki guruhga bo‘linib, ikkita yo‘llanma uchun kurash olib boradi. Guruh g‘oliblari yo‘llanmaga ega chiqadi, uchinchi o‘rinda qolgan jamoalar mundialdan butkul umid uzadi, ikkinchi o‘rinni egallagan jamoalar esa o‘zaro o‘ynaydi, g‘olib qit’alararo pley offda yana bir yo‘llanma uchun kurashadi.
A guruhi
Guruh favoritlari Eron va O‘zbekistonga qarshi o‘yinlarda munosib qarshilik ko‘rsatgan Qirg‘iziston so‘nggi tur arafasida mundial yo‘llanmasi uchun kurashdan chiqdi. Qo‘shnilarning to‘rtinchi o‘rin uchun kurashdagi raqibi bo‘lgan Qatar o‘z uyida muddatidan oldin yo‘llanmani hal qilgan va amalda motivatsiyaga ega bo‘lmagan Eronni mag‘lub etdi. Qirg‘izlarning o‘zi esa safarda KXDR bilan durang o‘ynab qaytdi. Natijada Qatar va Qirg‘iziston o‘rtasida so‘nggi tur arafasida olti ochkolik farq yuzaga keldi.
Bu guruhda Eron va O‘zbekiston muddatidan oldin yo‘llanmaga ega bo‘ldi, BAA va Qatar esa pley-offda qo‘shimcha imkoniyatdan foydalanishga urinib ko‘radi.
Guruhda so‘nggi turdagi intrigalar faqat qaysi jamoalar qaysi o‘rinni egallashi bilan bog‘liq – agar Eron o‘z uyida shimoliy koreyaliklarni yenga olmasa, O‘zbekiston Qatarni yirikroq hisobda yengish orqali birinchi o‘ringa chiqib olishi mumkin.
10 iyun. O‘zbekiston — Qatar, Qirg‘iziston — BAA, Eron — KXDR.
B guruhi
Bu guruhda ham so‘nggi tur oldidan to‘g‘ridan to‘g‘ri yo‘llanma egalari aniq bo‘lib ulgurdi — bu turda Janubiy Koreya Iroqqa, Iordaniya O‘monga hech qanday imkoniyat qoldirmadi va mundial yo‘llanmasini muddatidan oldin hal qilishdi. Iordaniya uchun ham bu tarixdagi ilk ishtirok bo‘ladi.
Lekin A guruhdan farqli o‘laroq, bu guruhda 3 va 4-o‘rin egalari aniq bo‘lmagan. Ayni vaqtda beshinchi o‘rinda qolayotgan Falastinda ham bu o‘rinlardan biriga chiqib olish imkoniyati mavjud.
Falastinliklar bu saralashning sensatsiya jamoasi bo‘lmoqda – ushbu jamoa guruh favoriti bo‘lgan koreyslarga qarshi ikki o‘yinda ham durang qayd etdi (0:0, 1:1), Kuvayt bilan o‘yinda to‘rt ochko oldi (1:1, 2:0), Iroq bilan o‘yinlardan birida g‘alabaga erishdi (2:1) va ayni vaqtda 9 ochkoga ega. Uning raqobatchilari Iroq va O‘mon esa mos ravishda 12 va 10 tadan ochkoga ega. Falastin so‘nggi turda aynan O‘monga qarshi hal qiluvchi o‘yinda maydonga tushadi, jamoalarning oldingi uchrashuvida O‘mon minimal hisobda (1:0) ustunlikka erishgandi. Bu o‘yinda revansh olish orqali falastinliklar pley-off bosqichiga o‘tishi va mundial yo‘llanmasi uchun kurashni davom ettirishi mumkin bo‘ladi.
10 iyun. Janubiy Koreya — Kuvayt, Iordaniya — Iroq, Falastin — O‘mon.
C guruhi
Bu guruhda vaziyat yanada chalkashroq, faqat birinchi o‘rin egasi (Yaponiya) hamda guruhning so‘nggi o‘rinlarida qolib ketgan jamoalar nomi ma’lum – Bahrayn va Xitoy kurashdan chiqqan.
Guruhdan ikkinchi yo‘llanma uchun esa Avstraliya va Saudiya Arabistoni raqobat qilmoqda. So‘nggi turda aynan ushbu ikki jamoa o‘zaro to‘qnashadi. Ayni vaqtda 16 ochkoga ega bo‘lgan «sokkeruzlar»ning holati yaxshiroq, yashil qit’a vakillari raqibdan uch ochko ko‘proq to‘plash bilan birga, to‘plar nisbati bo‘yicha +8 ustunlikka ega. Saudlar ularni quvib o‘tishi uchun 10 iyun kuni o‘z maydonida o‘tadigan o‘yinda kamida to‘rtta gol farqi bilan g‘alaba qozonishi talab etiladi.
Katta ehtimol bilan, ikkinchi yo‘llanma avstraliyaliklarga nasib etadi, saudlar esa Indoneziya bilan birgalikda pley-offda navbatdagi imkoniyatdan foydalanishga urinib ko‘radi.
10 iyun. Yaponiya — Indoneziya, Xitoy — Bahrayn, Saudiya Arabistoni — Avstraliya.
Yo‘llanmaga ega chiqqan jamoalar:
Yaponiya
Eron
O‘zbekiston
Janubiy Koreya
Iordaniya
(Avstraliya yoki Saudiya Arabistoni)
Pley-offda qatnashadigan jamoalar:
BAA
Qatar
Indoneziya
(Avstraliya yoki Saudiya Arabistoni)
(Iroq, O‘mon va Falastin jamoalaridan ikkitasi)
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat3 days ago
Toshkentda xalqaro moda akademiyasi tashkil etiladi
-
Iqtisodiyot19 hours ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat15 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat14 hours ago
O‘zbekiston do‘konlarida 73 turdagi mahsulot sifatsiz deb topildi