Sport
Ispaniya Isroil g‘azabiga uchragan Lamin Yamalni yolg‘izlatib qo‘ymadi
Futbol yulduzi, «Barselona» jamoasi hujumchisi Lamin Yamal Isroil rasmiylarining bosimiga uchradi. Ispaniya rahbariyati yosh futbolchining yonini oldi.
11-may kuni «Barselona» jamoasi Ispaniya chempionatidagi g‘oliblikni muxlislar bilan birgalikda ommaviy ravishda nishonladi. Futbolchilar Barselona ko‘chalari bo‘ylab avtobusda o‘tar ekan, Lamin Yamal Falastin bayrog‘ini hilpiratgani dunyo ahlining e’tiborini tortdi.
Falastinning mazlum xalqiga xayrixoh bo‘lgan millionlab odamlar Yamalning bu harakatini olqishladi.
Isroil mulozimlari esa kutilganidek bundan darg‘azab bo‘ldi. Xususan, yahudiy davlati mudofaa vaziri ispan yulduzini «nafrat tarqatish» da aybladi.
«Men «Barselona»dek buyuk va hurmatli klub bu bayonotlardan o‘zini uzoq tutadi hamda terrorizmga undash va uni qo‘llab-quvvatlashga joy yo‘qligini aniq-ravshan bildiradi deb umid qilaman», – deb yozgan Isroil mudofaa vaziri.
Isroil vaziri BMT rezolyusiyalariga muvofiq suveren davlat maqomiga ega hamda dunyoning 160 ga yaqin mamlakati tan olgan Falastin bayrog‘ini hilpiratish nega terrorizmni qo‘llash deb hisoblanishi kerakligiga oydinlik kiritmagan.
Ushbu holatga munosabati bildirgan Ispaniya bosh vaziri Pedro Sanches to‘laqonli ravishda Lamin Yamalni qo‘llab-quvvatladi.
«Davlat bayrog‘ini hilpiratishni nafrat tarqatish deb da’vo qilayotganlar yo aqldan ozgan, yo sharmandali ishlari sabab ko‘rish qobiliyatidan mosuvo bo‘lgan. Lamin millionlab ispanlar xayrixoh bo‘lgan Falastin bilan birdamlik izhor qildi. U bilan faxrlanishimiz uchun yana bir sabab bu!» – deb yozdi Pedro Sanches X platformasidagi rasmiy kanalida.
Ma’lumot o‘rnida: dunyo futbolining yangi porlayotgan yulduzi deb ta’riflanayotgan Lamin Yamal 2007-yilda Ispaniyada Marokash va Ekvatorial Gvineya vakillari xonadonida tug‘ilgan.
Yamalning ayni paytda og‘ir ahvolda qolgan Falastinni qo‘llab-quvvatlashi G‘azo ahlini to‘lqinlantirib yuborgani aytilmoqda. Jumladan, G‘azodagi qochqinlar lagerida vayron bo‘lgan bino devoriga Yamalning Falastin bayrog‘ini hilpiratayotgani aks etgan surati chizilgan.
2024-yil may oyida Falastin davlatini tan olgan Ispaniya hukumati xalqaro maydonda Isroilning xalqaro huquqqa zid harakatlarini keskin tanqid qilib kelmoqda.
O‘zaro ziddiyat ortidan Ispaniya hukumati Tel-Avivdagi vakolatxonasi maqomini elchilikdan muvaqqat vakillikka tushirdi.
Mamlakat bosh vaziri Pedro Sanches Isroilning G‘azo sektorida o‘n minglab tinch aholi vakillarini o‘ldirganini qoralab, xuddi Rossiya kabi Isroil ham «Yevrovideniye» tanlovida qatnashmasligini talab qilgan.
Madrid yahudiy davlatining G‘azodagi urushiga norozilik sifatida Isroil kompaniyasidan ko‘p millionlik o‘q-dori buyurtmasini ham bekor qilgan.
Pedro Sanches Isroil bosh vaziri Binyamin Netanyahuni Livanda ham G‘azoga o‘xshash vayronagarchilikni keltirib chiqaruvchi harakatlarini qoralagan.
28 yoshli sportchi C1 200 metr masofasidagi final bahsida oltin medalni qo‘lga kiritdi.
O‘zbekistonlik kanoechi Artur Guliyev baydarka va kanoeda eshkak eshish bo‘yicha Jahon Kubogining II bosqichida zafar quchdi.
28 yoshli sportchi C1 200 metr masofasidagi final bahsida oltin medalni qo‘lga kiritdi. U qizg‘in kurashda ispaniyalik Pablo Grana va rossiyalik Sergey Svinarevni ortda qoldirdi.
Guliyev marraga 00:38.44 soniyada yetib keldi. Pablo Grana 00:38.63 soniya, Sergey Svinarev 00:39.09 soniya natijani ko‘rsatdi.
Jahon Kubogining II bosqichi Germaniyaning Brandenburg shahrida 14-17 may kunlari o‘tkaziladi. Musobaqada 5 qit’aning 60 davlatidan 854 nafar sportchi ishtirok etmoqda. To‘rt kunlik musobaqa davomida 243 ta poyga o‘tkaziladi.
Jami 36 ta medallar to‘plami o‘ynaladi: baydarka va kanoeda eshkak eshish bo‘yicha 24 ta va parakanoe bo‘yicha 12 ta.
Sportchilar reyting ochkolar va 2028 yilda Los-Anjyelesda bo‘lib o‘tadigan Olimpiya va Paralimpiya o‘yinlarida ishtirok etish huquqi uchun kurashadi.
Korzinka Park in Mall’da futbol maktablari tarbiyalanuvchilari ishtirokida uchrashuv tashkil etildi. Uchrashuv doirasida bolalar uchun pazandalik bo‘yicha mahorat darsi ham o‘tkazildi. Tadbirni O‘zbekiston futbol assotsiatsiyasi tashkil etdi.
Tadbirda futbol maktablarining 20 nafar o‘quvchisi va O‘FA birinchi vitse-prezidenti Ravshan Irmatov ishtirok etdi. Yosh futbolchilar «Korzinka»ning tajribali novvoylari ko‘magida BIRGA yozuvi tushirilgan nonlarni yopishdi.
“Korzinka” tarmog‘i uchun oila, an’analar va qadrdon uy tafti hamisha qadrli. Bugun biz ushbu qadriyatlarni futbol quvvati bilan o‘zaro chog‘ishtirdik. Birgalikda non pishirish tadbiri juda ramziy ma’noga ega. Yangi pishirilgan non yaqinlarimizni bir dasturxon atrofida jamlagani kabi, biz ham milliy terma jamoani qo‘llab-quvvatlash uchun birlashishimiz kerak. Biz chempionatga “birga” – muxlislarning katta oilasi sifatida boramiz”, – dedi Korzinka Kuzatuv kengashi a’zosi Alisher Hoshimov.
Bu kulchalar har bir muxlisning jamoa hayotiga daxldorligini aks ettiradi. “BIRGA” shiori jamoa va muxlislar bir butun tanaga aylanganda, katta g‘alabalar qozonish mumkinligiga ishora qiladi. Bunda terma jamoaning muvaffaqiyati umumiy bayramga aylanadi, stadion energiyasi esa maydondagi o‘yinchilarga kuch beradi.
“Sportchilar har doim qo‘llab-quvvatlashni his qilib turishlari juda muhim. Terma jamoaga ham bolalar, ham kattalarning qizg‘in muxlislik qilayotgani o‘yinchilar uchun bag‘oyat yoqimli. Bugungi aksiya ana shunday birdamlikning yorqin namunasidir. Ishonchim komilki, bunday qo‘llab-quvvatlash futbolchilarimizga har bir o‘yinda qo‘shimcha rag‘bat beradi”, – dedi O‘zbekiston futbol assotsiatsiyasining birinchi vitse-prezidenti Ravshan Ermatov.
Uchrashuv yakunida tadbir qatnashchilari endigina tandirdan uzilgan nonlarni birgalikda tatib ko‘rishdi. Shuningdek, mehmonlar birinchilardan bo‘lib merch va mavzuli mahsulotlar taqdim etilgan «Korzinka»dagi futbol burchagiga tashrif buyurishdi.
Futbol aksiyalari, yutuqli o‘yinlar va tadbirlarni o‘tkazib yubormaslik uchun «Korzinka» ijtimoiy tarmoqlariga obuna bo‘ling.
Qo‘shimcha ma’lumot uchun:
«Korzinka» supermarketlar tarmog‘i matbuot xizmati
Doniyor Rasulov
tel.: +998 78 140 14 14
e-mail: pr@korzinka.uz
Kompaniya haqida
“Korzinka” 1996 yilda ta’sis etilgan. Hozirgi paytda tarmoq mamlakatning 12 ta hududida 200 tadan ziyod savdo nuqtasini birlashtiradi: “Korzinka” supermarketlari, “uy oldida” formatidagi “Korzinka Mahalla”, “Korzinka Biznes” ulgurji savdo do‘koni, shuningdek Korzinka Go onlayn-supermarketi.
O‘zbekiston futbol assotsiatsiyasi to‘g‘risida
O‘zbekiston futbol assotsiatsiyasi – O‘zbekistonda futbolni boshqarish bo‘yicha milliy tashkilot. Assotsiatsiya futbolni rivojlantirish va ommalashtirish, milliy terma jamoalar faoliyatini muvofiqlashtirish, ommaviy va professional sportni targ‘ib etishga qaratilgan dasturlarni amalga oshirish uchun mas’uldir. 1994 yildan FIFA va Osiyo futbol konfederatsiyasi a’zosi.
Bosh murabbiy Sergey Chigodayev shogirdlari Avstraliya terma jamoasi darvozasiga javobsiz ikkita to‘p kiritdi.
O‘zbekistonning 17 yoshgacha bo‘lgan futbolchilardan iborat terma jamoasi Osiyo Kubogi guruh bosqichini muvaffaqiyatli yakunladi.
13 may kuni o‘tkazilgan so‘nggi bahsda bosh murabbiy Sergey Chigodayev shogirdlari Avstraliya terma jamoasi darvozasiga javobsiz ikkita to‘p kiritdi. Gollar Mirkomil Murodov va Ahror Ravshanbekov hisobiga yozildi.
Natijada O‘zbekiston o‘smirlari D guruhida 6 ochko to‘plagan holda 1-o‘rin bilan, Avstraliya 3 ochko yig‘gan holda 2-o‘rin bilan chorakfinalga chiqdi. Hindiston birorta ochko to‘plamagan holda uchinchi bo‘ldi. Avvalroq, KXDR musobaqada ishtirok etishdan bosh tortgan edi.
1-turda o‘zbekistonliklar Hindistonni 3:0 hisobida yengib, muddatidan oldin jahon chempionati va chorakfinal yo‘llanmasini qo‘lga kiritdi.
U17 Osiyo Kubogi Saudiya Arabistonida o‘tkazilmoqda. Chigodayev shogirdlari chorakfinal o‘yinini 16 may kuni S guruhida ikkinchi o‘rinni egallagan jamoaga (Janubiy Koreya, Vetnam, BAA yoki Yaman bo‘lishi mumkin) qarshi o‘tkazadi.
U17 Jahon chempionati shu yil noyabr – dekabr oylarida Qatarda bo‘lib o‘tadi.
Birinchi o‘rinni «Nasaf» darvozaboni Abduvohid Ne’matov egallab turibdi. O‘ntalikda «Paxtakor»ning besh futbolchisi bor.
Futbolchilarning shartnomasiga ixtisoslashgan Transfermarkt portali O‘zbekiston chempionatida to‘p tepayotgan o‘yinchilarning yangilangan transfer qiymatlarini e’lon qildi.
Ro‘yxatda birinchi o‘rinni «Nasaf» klubining 25 yoshli darvozaboni Abduvohid Ne’matov egallab turibdi. Uning transfer qiymati 1,5 million yevroga baholangan.
Ikkinchi pog‘onadan «Paxtakor» yarimhimoyachisi Akmal Mozgovoy joy oldi. Uning qiymati 100 ming yevroga oshib, 1,4 million yevroga yetdi.
Uchinchi o‘rinda «Paxtakor» yarimhimoyachisi Hojiakbar Alijonov — uning qiymati 100 ming yevroga ko‘tarilib, 1,3 million yevroni tashkil qildi.
Eng katta o‘sish «Paxtakor» yarimhimoyachisi Dostonbek Hamdamovda kuzatildi. Uning transfer qiymati birdaniga 300 ming yevroga oshdi.
Superliganing eng qimmat 10 futbolchisi quyidagilar:
1. Abduvohid Ne’matov («Nasaf») — 1,5 mln yevro
2. Akmal Mozgovoy («Paxtakor») — 1,4 mln yevro
3. Hojiakbar Alijonov («Paxtakor») — 1,3 mln yevro
4. Sherzod Nasrullayev («Paxtakor») — 1,2 mln yevro
5. Lyupcho Doriyev («So‘g‘diyona», Bolgariya) — 1,2 mln yevro
6. Hojimat Erkinov («Paxtakor») — 1 mln yevro
7. Jamshid Iskanderov («Neftchi») — 1 mln yevro
8. Dostonbek Hamdamov («Paxtakor») — 900 ming yevro
9. Ruslan Jiyanov («Navbahor») — 800 ming yevro
10. Abrorbek Ismoilov («Neftchi») — 800 ming yevro.
Milliy futbol markazida O‘zbekiston futbol assotsiatsiyasi birinchi vitse-prezidenti Ravshan Irmatov hamda terma jamoa bosh murabbiyi Fabio Kannavaro ishtirokida jahon chempionati oldidan matbuot anjumani bo‘lib o‘tdi. Unda italiyalik mutaxassis mundialga tayyorlanish jarayoni haqida ma’lumot berdi.
«Jahon chempionatiga jiddiy tarzda tayyorgarlik ko‘ryapmiz va juda qattiq ishlayapmiz. Barchamiz mundialga uchib ketishni intiqlik bilan kutyapmiz.
Murabbiy etib tayinlanganimdan keyin murabbiylar shtabi bilan birgalikda barcha futbolchilarni kuzatib bordik. Kimdir terma jamoaga chaqirilmagan bo‘lsa, demak u o‘z o‘yini bilan hali meni yetarlicha ishontira olmagan. Hozir jamoaning jismoniy holatini yaxshilash ustida ishlayapmiz», – dedi murabbiy.
Kannavaroning aytishicha, o‘rtoqlik uchrashuvlari uchun imkoni qadar kuchli va raqobatbardosh raqiblar tanlangan. Avvalroq, O‘zbekiston terma jamoasi jahon chempionatiga tayyorgarlik doirasida Niderlandiya bilan o‘rtoqlik uchrashuvi o‘tkazishi ma’lum qilingan edi.
«Kanada – musobaqa mezboni sifatida yuqori darajadagi futbol muhiti va ajoyib atmosfera yaratishi shubhasiz. Niderlandiya esa Yevropaning eng kuchli terma jamoalaridan biri hisoblanadi. Ularning o‘yin uslubi va taktik yondashuvi ma’lum jihatlari bilan Portugaliya terma jamoasiga o‘xshash», – dedi murabbiy.
Shuningdek, u futbolchilarning jismoniy holatiga ham to‘xtalib o‘tdi.
«Masalan, Jaloliddin Masharipov katta tajribaga ega. Agar u optimal sport formasiga chiqsa, jahon chempionatida jamoaga katta foyda keltirishi mumkin. Abbos Fayzullayev kuni kecha gol urdi. Shuningdek, u mehnatkashligi va jangovar xarakteri bilan ham ajralib turadi. Shuningdek, Abduqodir Husanov va Eldor Shomurodov hozir yaxshi holatda.
Eng muhimi – bu biz uchun ilk jahon chempionati. Shuning uchun futbolchilarga ortiqcha bosim emas, aksincha, o‘yindan zavq olish ruhini berishimiz kerak. Men jamoamizning bor kuchi bilan xalqimiz uchun munosib ishtirok etishiga ishonaman.
Yanvar oyida bo‘lib o‘tadigan Osiyo kubogidagi guruhimiz juda qiziqarli va kuchli raqiblardan iborat. Har bir o‘yin biz uchun jiddiy sinov bo‘lib, maksimal e’tibor va tayyorgarlikni talab qiladi.
Mening asosiy ambitsiyalarimdan biri – Osiyo kubogini yutish. Biz bu maqsad yo‘lida bor kuchimiz bilan harakat qilamiz. Jahon chempionati esa biz uchun tajriba maydoni bo‘lsa, Osiyo kubogida esa natija uchun kurashamiz», – ta’kidladi Kannavaro.
Shuningdek, anjuman davomida Ravshan Irmatov terma jamoaning mundialgacha bo‘lgan davrdagi tayyorgarlik rejasi bilan tanishtirdi.
Germaniya kansleri prezident Putinning muzokaralar tashabbusiga javob berdi
«Aviasozlar» bozori buziladimi? Poytaxt hokimligi bayonoti
Ispaniya Isroil g‘azabiga uchragan Lamin Yamalni yolg‘izlatib qo‘ymadi
-
Jamiyat5 days agoНавоийда бир неча кун қизғин давом этган «Медиа ҳафталик» якунланди
-
Dunyodan4 days ago
Prezident Tramp 13-15 may kunlari Xitoyga tashrif buyuradi.
-
Sport5 days agoO‘zbekiston o‘smirlar futbol terma jamoasi JCh yo‘llanmasini qo‘lga kiritdi
-
Sport5 days agoDenovdagi kurash musobaqasi qotillik bilan yakunlandi: Taniqli polvon pichoqlab o‘ldirildi
-
Iqtisodiyot4 days ago
O‘zbekiston Mo‘g‘ulistondagi konlarni o‘zlashtirishni boshladi
-
Jamiyat4 days ago
Surxondaryo viloyati hokimiga o‘rinbosar tayinlandi
-
Dunyodan4 days ago
Shimoliy Koreya Ukraina mojarosidan katta foyda ko’rdi
-
Dunyodan5 days agoGermaniya kansleri mamlakatni Yevropa uchun tahdid deb atadi