Jamiyat
Hududlarda jamoat transporti rivojlanmoqda
Bugungi kunda hayotimizni jamoat transportisiz tasavvur etib bo‘lmaydi.
Davlatimiz rahbarining 2023 yil 16 fevraldagi «Jamoat transporti tizimini isloh qilish chora-tadbirlari to‘g‘risida»gi qarori mamlakatimiz transport tizimi taraqqiyotida yangi bosqichni boshlab berdi. Qaror asosida tizimni modernizatsiya qilish, aholining jamoat transporti qatnovlariga bo‘lgan ehtiyojini to‘liq ta’minlash, uning qamrovini kengaytirish ishlari keng ko‘lamda olib borilmoqda. Jarayonda «O‘zmilliybank» aksiyadorlik jamiyati yetakchi moliyaviy sherik sifatida faol ishtirok etmoqda.
PQ-59-sonli qaror doirasida jamoat transportini boshqarishda mutlaqo yangi yondashuv — brutto-shartnoma tizimi joriy etildi. Ushbu tizimga muvofiq, tashuvchilar harakatlarining samaradorligi va sifat ko‘rsatkichlari avtomatlashtirilgan tarzda nazorat qilinib boriladi.
Sohada birinchi navbatda harakat tarkibini yangilash masalasiga alohida e’tibor qaratildi. «O‘zmilliybank» AJ ushbu loyihani amalga oshirish uchun transport korxonalariga imtiyozli kredit ajratib kelmoqda. Ushbu mablag‘lar hisobiga bugungi kunda avtobus parklari yangi, zamonaviy, xavfsiz, qulay va ekologik talablarga javob beruvchi transport vositalari bilan ta’minlanmoqda.
Shuningdek, avtomatlashtirilgan dispetcherlik va nazorat tizimlari orqali har bir avtobusning harakat yo‘nalishi, vaqti, yo‘lovchi soni va texnik holati doimiy monitoring qilinadi. Transport xizmati tariflari esa «Bosib o‘tilgan yo‘l», «Xizmat ko‘rsatish sifati» kabi mezonlarga asosan shakllantirilib, shaffoflik va natijaviylikni ta’minlaydi.
Bu tizim nafaqat xarajatlarni oqilona boshqarish, balki yo‘lovchilar uchun qulay va ishonchli xizmat ko‘rsatishga ham xizmat qilmoqda.
2023-2025 yillarda hududlarda jamoat transportini rivojlantirish bo‘yicha amalga oshirilgan ishlar haqida to‘xtaladigan bo‘lsak, 2025 yil
1 avgust holatiga ko‘ra, jami 1832 ta avtobus sotib olindi. Ularning umumiy qiymati 296 mln dollarni tashkil etdi. Shundan 1432 tasi tabiiy gazda va 400 tasi elektrda harakatlanadi.
Harid qilingan avtobuslar hududlar kesimida Toshkent shahrida 1000 ta, Samarqand viloyatida 263 ta, Jizzax viloyati 90 ta, Qashqadaryo viloyatida 86 ta, Farg‘ona viloyatida 48 ta, Sirdaryo viloyatida 25 ta, Namangan viloyatida 66 ta, Qorqalpog‘iston Respublikasida 22 ta, Navoiy viloyatida 67 ta, Buxoro viloyatida 44 ta, Toshkent viloyatida 41 ta va Xorazm viloyatida 80 tani tashkil qilmoqda.
Avtobus yo‘nalishlari yangi tarmog‘ining joriy etilishi, xarakat tarkibi sig‘imining oshirilishi va yangilanishi, yangi tabaqalashtirilgan tarif rejalari joriy etilishi hamda sohani moliyalashtirishning yangi «brutto-shartnoma» tizimiga o‘tilishi hisobiga avtobuslar xizmatidan foydalanayotgan kunlik yo‘lovchilar soni 2,2 mln. oshdi (avval 500 minga yaqin yo‘lovchini tashkil etgan). Ushbu loyihalarni amalga oshirish natijasida 4 mingdan ziyod yangi ish o‘rinlari yaratildi.
Joriy yil yakuniga qadar qo‘shimcha ravishda 330 ta avtobus xarid qilinishi rejalashtirilgan. Bu loyihalar uchun jami 34 mln dollar miqdorida qo‘shimcha kredit mablag‘larini yo‘naltirish hamda 700 dan ziyod yangi ish o‘rinlari yaratilishi ko‘zda tutilgan.
Toshkent viloyatiga 107 ta, Andijon viloyatiga 100 ta, Surxondaryo viloyatiga 35 ta, Farg‘ona viloyatiga 24 ta, Buxoro viloyatiga 12 ta va Sirdaryo viloyatlarigi 52 ta xarid qilinishi rejalashtirilgan yangi avtobuslarning 230 tasi tabiiy gazda, 100 tasi esa elektrda harakatlanadi.
PQ-59-sonli qaror ijrosi doirasida O‘zmilliybank tomonidan respublika miqyosida transport sohasini rivojlantirish borasida keng ko‘lamli ishlar amalga oshirilmoqda. Har bir hududning ehtiyojidan kelib chiqqan holda, avtobuslar xaridi va yetkazib berilishi tizimli va bosqichma-bosqich yo‘lga qo‘yilgan. Yil oxirigacha amalga oshiriladigan ishlar natijasida umumiy avtobuslar parki yanada kengayadi va jamoat transporti xizmati sifat jihatidan yangi bosqichga ko‘tariladi.
Mamlakatimizda urbanizatsiya jarayoni tezlashib, yirik shaharlarning ko‘payib borayotgani hamda aholi sonining o‘sishi natijasida jamoat transportiga bo‘lgan talab va ehtiyoj yil sayin ortmoqda. Bu esa, o‘z navbatida, jamoat transporti xizmati sifatini oshirish, madaniyatini yuksaltirish, uni bugungi davr va sharoitga moslashtirishni taqozo etadi. «O‘zmilliybank» AJ kabi moliyaviy institutlarning faol ishtiroki esa, shubhasiz, bu jarayonni yanada jadallashtirishga xizmat qiladi.
Toshkent shahri va unga tutash hududlarda «Yashil belbog‘» loyihasining navbatdagi bosqichi amalga oshiriladi. Unga muvofiq, yangi yashil hududlar barpo etilib, iqlimga mos, qurg‘oqchilikka chidamli daraxt va buta ko‘chatlari ekiladi.
Ekologiya va iqlim o‘zgarishi milliy qo‘mitasi ma’lum qilishicha, ijtimoiy tarmoqlarda Toshkent shahri atrofida «yashil belbog‘»lar tashkil etish hamda yo‘l yoqalarida tabiiy o‘sib chiqqan daraxt va buta nihollarini saqlab qolish yuzasidan bildirilgan fikrlar o‘rganilgan.
Qayd etilishicha, prezidentning farmon va qarorlariga muvofiq, 2022–2026 yillarda Toshkent shahrida 1 million 350 ming tupdan ortiq daraxt va buta ko‘chatlari o‘tqazilgan. 2025–2026 yillarda esa poytaxt va unga tutash hududlarda Bektemir tumanida 38 ming, Toshkent tumanida 20 ming, Yangihayot tumanida 2,1 ming va Qibray tumanida 100 ming tup daraxt ekilgan. Shuningdek, 4R–21 avtomobil yo‘li yoqasida ham 2 mingdan ziyod manzarali daraxt va buta ko‘chatlari o‘tqazilgan.
2026–2027 yillarda Yangihayot tumanida 21,21 gektar, Sergeli tumanida 6,81 gektar, Bektemir tumanida 40,1 gektar hamda Chirchiq daryosining Mirzo Ulug‘bek, Yashnobod va Bektemir tumanlari hududidan o‘tuvchi qismi bo‘ylab 100 gektar maydonda yangi «yashil belbog‘»lar tashkil etish rejalashtirilgan.
Shuningdek, prezidentning 2026 yil 25 martdagi farmoniga muvofiq, Toshkent shahri va viloyatida botanika hamda dendrologiya bog‘larini tashkil etish uchun jami 385,3 gektar yer maydoni ajratiladi. Vazirlar Mahkamasining qarori asosida esa poytaxtda umumiy maydoni 139,6 gektar bo‘lgan to‘qqizta yangi jamoat bog‘ini barpo etish belgilangan.
Ekologiya qo‘mitasi ma’lumotiga ko‘ra, «Yashil belbog‘» loyihasi doirasida 2045 yilga qadar Toshkent shahri va unga tutash hududlarda kamida 58 ming gektar maydonda intensiv himoyaviy o‘rmonzorlar tashkil etish rejalashtirilgan. Buning uchun 50 million tupdan kam bo‘lmagan iqlimga mos, qurg‘oqchilikka chidamli va changni yaxshi ushlab qoluvchi daraxt hamda buta ko‘chatlari ekilib, ularning yashovchanligini 85 foizga yetkazish maqsad qilingan.
Mas’ullar ta’kidlashicha, «yashil belbog‘» loyihasi faqat ko‘chat ekish bilan cheklanmaydi. Uning doirasida yashil hududlarning huquqiy muhofazasini kuchaytirish, suv tejovchi sug‘orish tizimlarini joriy etish, havo sifati va yashillik qoplamini muntazam monitoring qilish, shuningdek, yo‘l yoqalarida tabiiy o‘sib chiqqan daraxt va buta nihollarini saqlab qolish choralari ham amalga oshiriladi.
Toshkent shahri Mirzo Ulug‘bek tumanidagi Mustaqillik shohko‘chasida rekonstruksiya ishlarining navbatdagi bosqichi boshlanishi munosabati bilan transport harakati sxemasi vaqtincha o‘zgartiradi. Ta’mirlangan yo‘l qismi harakat uchun ochilsa, ko‘chaning qarshi yo‘nalishida qurilish-ta’mirlash ishlari olib boriladi.
Toshkent shahar hokimligi ma’lum qilishicha, Mustaqillik shohko‘chasida yo‘l infratuzilmasini yaxshilash, transport oqimini tartibga solish va jamoat transporti harakati uchun qulay sharoit yaratish maqsadida qurilish-ta’mirlash ishlari bosqichma-bosqich amalga oshirilmoqda.
Avvalgi bosqichda ko‘chaning bir tomonidagi qatnov qismi to‘liq ta’mirlanib, yo‘l qoplamasi yangilandi. Shuningdek, ko‘cha bo‘ylab muhandislik-kommunikatsiya tarmoqlari va boshqa infratuzilma obektlarini takomillashtirish ishlari ham davom etmoqda.
Endi esa ko‘chaning ikkinchi tomonida ta’mirlash ishlarini boshlash uchun harakat tartibi o‘zgartiradi.
Shu munosabat bilan 2026 yil 16 iyul soat 01:00 dan 31 iyul soat 22:00 gacha Mustaqillik shohko‘chasining Parkent ko‘chasi kesishmasidan Mirzo Ulug‘bek ko‘chasi chorrahasigacha bo‘lgan qatnov qismi transport vositalari harakati uchun vaqtincha yopiladi.
Ayni paytda 16 iyul soat 02:00 dan qurilish-ta’mirlash ishlari yakunlangan Mirzo Ulug‘bek ko‘chasi kesishmasidan Oqqo‘rg‘on ko‘chasigacha bo‘lgan yo‘nalish barcha transport vositalari harakati uchun qayta ochiladi.
Ma’lum qilinishicha, vaqtinchalik cheklovlar Mustaqillik shohko‘chasini to‘liq va sifatli rekonstruksiya qilish, harakat xavfsizligini oshirish hamda haydovchilar, yo‘lovchilar va piyodalar uchun zamonaviy va qulay yo‘l infratuzilmasini yaratish maqsadida joriy etilmoqda.
Mas’ullar haydovchilardan yuzaga kelishi mumkin bo‘lgan noqulayliklar uchun uzr so‘rab, yo‘nalishlarini oldindan rejalashtirishni tavsiya qildi.
Toshkent viloyatining Bo‘stonliq tumanida o‘tkazilgan tezkor tadbir davomida 17,6 ming tup ko‘knori va 9 tup kannabis yetishtirilgan yashirin plantatsiya aniqlandi. Holat yuzasidan jinoyat ishi qo‘zg‘atilib, tergov harakatlari olib borilmoqda.
Foto: Videodan kadr / DXX
Davlat xavfsizlik xizmati hamda Ichki ishlar organlari xodimlari tomonidan «Xavfsiz va sog‘lom yurt» keng qamrovli tezkor-profilaktik tadbirlari doirasida giyohvandlik vositalarining noqonuniy aylanmasiga qarshi navbatdagi tezkor tadbir o‘tkazildi.
Tadbir davomida Bo‘stonliq tumanida yashovchi 1971 yilda tug‘ilgan fuqaro taqiqlangan ko‘knori o‘simligini ekib, parvarishlab kelayotgani aniqlangan.
Gilavasoy qishlog‘i tog‘ yonbag‘irlarida joylashgan yer maydoni ko‘zdan kechirilganda, jami 17 600 tup ko‘knori va 9 tup kannabis o‘simligi mavjudligi ma’lum bo‘lgan.
Shuningdek, gumonlanuvchining yashash xonadoni tintuv qilinganda, quritilgan ko‘knori boshoqlari hamda quritib, maydalangan holda saqlanayotgan ko‘knori ashyoviy dalil sifatida olingan.
Mazkur holat yuzasidan fuqaroga nisbatan Jinoyat kodeksining 270-moddasi 2-qismi «v» bandi hamda 25, 273-moddasi 6-qismi «a» bandi bilan jinoyat ishi qo‘zg‘atilgan. Ayni paytda tergov harakatlari davom etmoqda.
Toshkent shahrida Serra-Leonedan kurerlik jo‘natmasi orqali olib kirilgan 728 gramm kokain musodara qilindi. Giyohvandlik vositasi avtoehtiyot qismlari ichiga yashirilgan bo‘lib, uni qabul qilib olgan shaxs qo‘lga olindi.
Foto: Videodan kadr / DXX
Davlat xavfsizlik xizmati hamda Bojxona organlari xodimlari tomonidan «Xavfsiz va sog‘lom yurt» keng qamrovli tezkor-profilaktik tadbirlari doirasida giyohvandlik vositalarining noqonuniy aylanmasiga qarshi navbatdagi tezkor operatsiya o‘tkazildi.
Ma’lum qilinishicha, Serra-Leone davlatidan yuborilgan kurerlik jo‘natmasini Toshkent shahrining Yakkasaroy tumanidagi xususiy kurerlik xizmati orqali qabul qilib olmoqchi bo‘lgan Yashnobod tumanida yashovchi, 1983 yilda tug‘ilgan, muqaddam sudlangan shaxs ushlangan.
Tekshiruv davomida avtoehtiyot qismlari ichiga yashirilgan 728 gramm kokain borligi aniqlanib, giyohvandlik vositasi protsessual tartibda musodara qilindi.
Shuningdek, gumonlanuvchining yashash xonadoni ko‘zdan kechirilganda, zip-paketlarga joylangan kukunsimon moddalar hamda tarkibida narkotik moddalar mavjud bo‘lgan shirinliklar ashyoviy dalil sifatida olindi.
Hozirda mazkur shaxsga nisbatan Jinoyat kodeksining 246-moddasi 2-qismi bilan jinoyat ishi qo‘zg‘atilgan bo‘lib, tergov harakatlari davom etmoqda.
Xitoyda ishlab chiqarilgan ayrim bolalar o‘yinchoqlari savdodan chiqarildi.
Jizzax shahridagi savdo nuqtalaridan birida o‘tkazilgan nazorat xaridlari davomida Xitoyda ishlab chiqarilgan ayrim bolalar o‘yinchoqlarida xavfsizlik talablariga nomuvofiqliklar aniqlandi.
Texnik jihatdan tartibga solish sohasida nazorat inspeksiyasining Jizzax hududiy bo‘limi hamda Sanitariya-epidemiologik osoyishtalik va jamoat salomatligi boshqarmasi mutaxassislari tomonidan o‘tkazilgan o‘rganishlarda Mesh Squezee Ball savdo belgili, stressga qarshi o‘rgimchak shaklidagi yumshoq o‘yinchoqlardan namunalar olinib, laboratoriya sinovlaridan o‘tkazildi.
Sinov natijalariga ko‘ra, mazkur mahsulotlarda o‘tkir hid mavjudligi hamda formaldegid miqdori belgilangan me’yorlardan yuqoriligi aniqlandi.
Mutaxassislarning qayd etishicha, formaldegid moddasi inson salomatligiga, xususan, nafas yo‘llari, ko‘z va teriga salbiy ta’sir ko‘rsatishi, allergik holatlarni kuchaytirishi mumkin.
Shuningdek, tekshiruv davomida mahsulot yorliqlarida zarur ma’lumotlar davlat tilida aks ettirilmagani ham qayd etildi. Aniqlangan holatlar «Bolalar o‘yinchoqlarining xavfsizligi to‘g‘risidagi umumiy texnik reglament» talablariga zid deb topildi.
Aniqlangan kamchiliklar yuzasidan savdo subyektlariga tegishli ko‘rsatmalar berilib, mahsulotlarni savdodan chiqarish va realizatsiyasini to‘xtatish bo‘yicha choralar ko‘rildi.
Biznes-ombudsman Toshkent shahar hokimligini ogohlantirdi
«Nima desa, deyaverishsin». Messi heyterlarga javob qaytardi va g‘alabani Maradonaga bag‘ishladi
Qatar Volkswagen kompaniyasiga Isroil bilan hamkorlik qilishga ruxsat bermadi
-
Sport5 days agoAngliya-Norvegiya bahsi boshlanish vaqti kechiktirilishi mumkin
-
Dunyodan5 days ago
Frantsiyada ko’pchilik qo’rqqan narsa yuz berdi.
-
Jamiyat5 days agoBektemir tumanida «zakladchik»lar qo‘lga olindi
-
Jamiyat3 days agoToshkent metrosiga yana 3 ta zamonaviy poyezd qo‘shildi
-
Siyosat3 days ago
Prezident Shavkat Mirziyoyev Qatar amiriga ta’ziya bildirdi
-
Sport4 days agoInfantino yana JCh ishtirokchilari sonini oshirish g‘oyasi haqida gapirdi
-
Dunyodan3 days ago
Anqarada NATO sammiti boshlandi
-
Jamiyat4 days ago
Bugun ayrim hududlarda chang-to‘zon kuzatiladi, havo 43 darajagacha isiydi