Jamiyat
Germaniya TIV rahbari yadro quroli sinovi bo‘yicha moratoriyga rioya etishga chaqirdi
Germaniya tashqi ishlar vaziri Yoxann Vadeful barcha beshta yadroviy derjava yadroviy qurol sinovlari bo‘yicha moratoriyga rioya qilishi o‘ta muhim ekanini ta’kidladi. XDI esa Trampning sinovlarni qayta boshlash haqidagi bayonotiga tushunish bilan yondashdi.
AQSh prezidenti Donald Tramp yadroviy qurol sinovlarini qayta boshlashini aytganidan so‘ng, Germaniya tashqi ishlar vaziri Yoxann Vadeful AQSh va Rossiyani yangi yadroviy sinovlar o‘tkazmaslikka chaqirdi. «Barcha beshta yadroviy derjava sinovlar bo‘yicha moratoriylarga amal qilishni davom ettirishi keskin muhim», — dedi u jurnalistlarga 30 oktyabr kuni Suriya poytaxti Damashqqa qilgan tashrifi chog‘ida.
GFR TIV rahbari moratoriyga rioya qilishga chaqiriq Koreya Xalq Demokratik Respublikasiga ham taalluqli ekanini qayd etdi. Uning so‘zlariga ko‘ra, XXI asrda yadroviy sinov o‘tkazgan yagona davlat — shu davlat.
Bundan oldin Donald Tramp Pentagonga yadroviy qurol sinovlarini boshlashni topshirganini aytib, buni «boshqa mamlakatlar sinov dasturlarini amalga oshirayotgani» bilan izohlagandi. Bunga javoban Moskva ham yadroviy sinovlarni tiklash bilan tahdid qildi.
Yoxann Vadeful Trampning bayonotini «ko‘proq Rossiyaning o‘tmishda yadroviy dvigatelli tizimlarni sinaganiga reaksiya» deya baholadi. Uning aytishicha, Germaniya hukumatiga hozircha AQSh prezidenti nima nazarda tutgani to‘liq aniq emas va bu masala «amerikalik hamkorlar bilan muhokama qilinadi». «Hozirgi paytda men bu yadroviy sinovlarni darhol qayta boshlash to‘g‘risida emas, deb hisoblayman — qolaversa, bunday sinovlar jiddiy tayyorgarlikni talab qiladi», — deya qo‘shimcha qildi nemis vaziri.
XDI/XSI blokining tashqi siyosat bo‘yicha parlament fraksiyasi eksperti Yurgen Xardt Trampning yadroviy qurol sinovlarini qayta boshlash haqidagi bayonotiga tushunish bilan munosabat bildirdi. Uning ta’kidlashicha, dunyoda yadroviy raketalar soni yana ortayotgani tashvishli, «lekin bu yangi bosqichning tashabbuskori Amerika emas, avvalo Putin». Deputat RTL va ntv telekanallari efirida shunday dedi.
Uning so‘zlariga ko‘ra, Rossiya Yevropada o‘rta masofali yadroviy raketalarni joylashtirib, xalqaro shartnomalarni buzgan, Xitoy ham faol qurollanmoqda. Dunyo bu qurollanishdan voz kechishi kerak — «va buning kaliti Vashingtonda emas, Moskva va Pekinda», deya ta’kidladi Xardt.
Siyosatchi AQShning yadroviy kuchini Germaniya va G‘arbiy Yevropaning tirik qolishi uchun asosiy kafolatlardan biri deb atadi. Shu bois, u AQSh prezidentini yadroviy arsenalni modernizatsiya qilish uchun tanqid qila olmasligini, «bu jarayon sinovlarni ham o‘z ichiga olishi mumkinligini» qayd etdi.
Bu orada GFR muxolifatida AQSh rahbarining so‘zlari tanqidga uchradi. «Global qurollanish poygasini yanada qo‘zg‘atish o‘rniga, Germaniya hukumati yakka tartibda qurolsizlanish va qurollanish ustidan nazorat sari qadamlar tashlashi kerak», — dedi «So‘llar» partiyasining mudofaa masalalari bo‘yicha eksperti Ulrix Toden. Unga ko‘ra, buning uchun eng avvalo Germaniyada Amerikaning yangi o‘rta masofali raketalarni joylashtirishdan voz kechish lozim.
Trampning ritorikasini Myunxen xavfsizlik anjumani sobiq rahbari Kristof Xoysgen ham xavotir bilan qarshi oldi. «Biz Donald Tramp bayonotlari har doim ham amalga oshmasligini bilamiz, ammo bu bayonotning o‘zi yetarlicha yomon — u boshqa yadroviy derjavalarni Tramp izidan borishga undashi, natijada eskalatsiya spirali boshlanishi mumkin», — dedi u.
2026 yilda Farg‘ona viloyatidagi 100 ta mahallada namunaviy mahalla kutubxonalari tashkil etiladi. Buk-kafe ochgan tadbirkorlarga soliq va ijara to‘lovlaridan imtiyoz beriladi.
Axborot xurujlari avj olayotgan hozirgi davrda yoshlar o‘rtasida kitobxonlikni ommalashtirish har qachongidan ham dolzarb. Bu haqda prezident Shavkat Mirziyoyev Farg‘ona viloyatiga tashrifi doirasidagi yig‘ilishda aytib o‘tdi.
Davlat rahbarining so‘zlariga ko‘ra, shu maqsadda 2026 yilda viloyatdagi 100 ta mahallada namunaviy mahalla kutubxonalari tashkil etiladi, buk-kafe ochgan tadbirkorlarga soliq va ijara to‘lovlaridan imtiyoz beriladi.
Shavkat Mirziyoyev “Burhoniddin Marg‘inoniy” ilmiy-ma’rifiy va turizm majmuasida har ikki yilda Xalqaro kitobxonlik festivalini o‘tkazish, ushbu tadbirga dunyoning mashhur yozuvchi va shoirlarini taklif qilish tashabbusini bildirdi.
Prezident o‘zbek adabiyoti tarixida Qo‘qon adabiy muhitining o‘rni beqiyos ekani, bu zaminda 300 dan ziyod shoir va adib yashab ijod qilganini ham qayd etdi.
Shunday adiblarni yetishtirgan Qo‘qon UNESCO’ning “Adabiyot shahri” maqomini olishga ham munosib. Lekin bunday boy meros haligacha tizimli o‘rganilmagani, ilmiy tadqiqotlar olib borilmagani qayd etildi
Shu bois, Qo‘qon adabiy muhiti antologiyasi va elektron platformasini yaratish, Adabiyot va ijod maktabini tashkil etish taklif qilindi.
Hodisa Karmana tumanida sodir bo‘lgan. YTH oqibatida 16 yoshli yigit vafot etgan. Yana bir o‘quvchi shifoxonada qolmoqda.
Karmana tumanida maktab o‘quvchilari ishtirokida YTH sodir bo‘ldi. Bu haqda Navoiy viloyati IIB YHXB axborot xizmati xabar berdi.
Ma’lum bo‘lishicha, YTH 22 aprel kuni soat 21:00 lar atrofida tumanning Malik mahallasi hududida sodir bo‘lgan. Ichida Hazora qishlog‘idagi 22-umumta’lim maktabining ikki o‘quvchisi bo‘lgan Cobalt yo‘ldan chiqib ketgan.
YTH oqibatida 9-sinf o‘quvchisi I.H. shifoxonada vafot etgan. 11-sinf o‘quvchisi esa tan jarohati olib, shifoxonaga yotqizilgan.
Navoiy viloyati IIB YHXB maktabda yuqori sinf o‘quvchilari ishtirokida muhokama yig‘ilishi o‘tkazgan.
Kun.uz’ning aniqlik kiritishicha, mashina shifoxonadagi o‘quvchining otasiga tegishli bo‘lgan. Biroq u rulni sherigiga berganini aytmoqda. Mashinani kim boshqarganini aniqlash uchun ekspertiza tayinlanishi mumkin.
Avvalroq Navoiyda YTH oqibatida 5 kishi halok bo‘lgandi.
Yanvar-mart oylarida mehnat faoliyati bilan bog‘liq 198 ta baxtsiz hodisa sodir bo‘lgan. Ularning 49 tasi esa o‘lim bilan yakunlangan. Eng ko‘p baxtsiz hodisa sanoat va qurilish sohalarida qayd etilgan.
O‘zbekistonda 2026 yilning 1-choragida 62 kishi mehnat faoliyati bilan bog‘liq baxtsiz hodisalar oqibatida halok bo‘lgan. Bu haqda Kambag‘allikni qisqartirish va bandlik vazirligi xabar berdi.
Ma’lum qilinishicha, yanvar-mart oylarida respublikada mehnat faoliyati bilan bog‘liq 198 ta baxtsiz hodisa sodir bo‘lgan. Ularning 9 tasi guruhiy, 139 tasi og‘ir oqibatli, 49 tasi esa o‘lim bilan yakunlangan.
Baxtsiz hodisalar oqibatida:
146 kishi og‘ir tan jarohati olgan;
15 kishi yengil jarohatlangan;
62 kishi vafot etgan.
Sohalar kesimida sodir bo‘lgan baxtsiz hodisalar:
sanoat – 71 ta;
qurilish – 54 ta;
qishloq va suv xo‘jaligi – 9 nafar;
savdo va xizmat – 8 nafar;
transport – 8 ta;
ta’lim – 4 nafar;
sog‘liqni saqlash – 4 nafar.
Hududlar kesimida eng yuqori ko‘rsatkich Toshkent shahrida kuzatilgan – 44 ta baxtsiz hodisa. Keyingi o‘rinlarda Surxondaryo (36 ta), Toshkent (29 ta), Navoiy (18 ta), Buxoro (16 ta), Andijon (15 ta) viloyatlari qayd etilgan.
O‘zbekistonda 2025 yilda ishdagi baxtsiz hodisalarda 248 ta o‘lim kuzatilgandi.
Hududlar kesimida Toshkent shahri, Sirdaryo va Toshkent viloyatida ajrimlar soni ko‘pligi kuzatilmoqda.
2025 yil holatiga ko‘ra, O‘zbekistonda nikoh barqarorligi koeffitsiyenti 175,6 promilleni tashkil etdi. Bu 1000 ta nikohga o‘rtacha 175 ta ajrim to‘g‘ri kelishini anglatadi.
Oila va gender ilmiy-tadqiqot instituti tahlillariga ko‘ra, mazkur ko‘rsatkich xalqaro miqyosda past bo‘lib, O‘zbekistondagi ajrimlar darajasi ko‘plab boshqa davlatlarga nisbatan «ancha kam ekanini» ko‘rsatadi.
Xususan, nikoh barqarorligi koeffitsiyenti Moldovada – 642,7, Ozarbayjonda – 431,9, Qozog‘istonda – 328,2, Qirg‘izistonda esa – 289,6 promilleni tashkil etadi.
“Tahlillardan ko‘rinadiki, O‘zbekistonda ajrimlar darajasi xalqaro ko‘rsatkichlarga nisbatan ancha past bo‘lib, bu jamiyatda oilaviy qadriyatlar ustuvor ekanini va nikohlar barqarorligini ko‘rsatadi”, deyiladi xulosada.
Oila va gender instituti tayyorlagan nikoh barqarorligi haritasi
Hududlar kesimida tahlil qilinganda, Qashqadaryo, Xorazm va Surxondaryo viloyatlarida nikoh barqarorligi yuqori darajada saqlanib qolmoqda. Toshkent shahri, Sirdaryo va Toshkent viloyatida esa ajrimlar nisbatan yuqoriroq ekani kuzatilmoqda.
Saida Mirziyoyeva Samarqand viloyatiga tashrifi davomida bir qator infratuzilma loyihalari hamda «Yangi O‘zbekiston» massivini rivojlantirish ishlari bilan tanishdi.
Xususan, musiqa maktabi kabi yangilanishga muhtoj binolar ko‘zdan kechirildi. «Geologlar» mahallasidagi bog‘cha nafaqat kapital ta’mirlanadi, balki tubdan qayta quriladi. Rekonstruksiyadan so‘ng u Samarqanddagi eng yirik maktabgacha ta’lim muassasasiga aylanadi va 600 nafargacha bolani qabul qiladi.
Tashrif yakunida Samarqand viloyati va tumanlari rahbariyati bilan uchrashuv o‘tkazildi.
Ta’kidlanishicha, hududlardagi bunday o‘zgarishlar Prezident tomonidan olib borilayotgan tizimli islohotlarning bir qismidir. Bunday tashriflardan asosiy maqsad — topshiriqlar ijrosini qog‘ozdagi hisobotlarda emas, balki joyiga chiqqan holda real ko‘rish va amaliy ko‘mak berishdan iborat.
«Rahbarimiz topshiriqlarining joylardagi ijrosini ta’minlashga jamoam bilan birga ko‘maklashish, haqqoniy holatni qog‘ozlardagi hisobotlarda emas, balki o‘z ko‘zim bilan ko‘rish uchun ham bu yerga tez-tez kelib turaman», — dedi Saida Mirziyoyeva.
Milliy daromadni oshirish iqtisodiyotning ustuvor yo‘nalishi bo‘lib qolmoqda – Prezident Mirziyoyev
2,4 mlndan 24,3 mln so‘mgacha. O‘zbekistonda o‘rtacha oyliklar qancha?
Buk-kafe ochgan tadbirkorlarga imtiyoz beriladi
-
Iqtisodiyot5 days ago
Markaziy bank: 24-aprelda dollar pasayadi
-
Iqtisodiyot5 days ago“QQSni oson qaytarib olish ta’minlanmasa, stavkani 6 foizga tushirishni taklif qilamiz” – Davron Vahobov
-
Dunyodan5 days ago
Buyuk Britaniyada “chekmaydigan avlod” dunyoga keldi
-
Iqtisodiyot5 days agoQirg‘iziston ilk marta Yevropa Ittifoqining sanksiyalarni chetlab o‘tishga qarshi kurashish mexanizmiga tushdi
-
Dunyodan4 days ago
Eron oliy rahbari yuzi va oyog‘idan jiddiy jarohat oldi
-
Siyosat5 days ago
Shavkat Mirziyoyev Mirzo Ulug‘bek tumani hokimligiga tashrif buyurdi
-
Siyosat4 days agoYevropa Ittifoqi Rossiya mudofaa sanoatiga xomashyo yetkazib bergan ikki O‘zbekiston shirkatiga sanksiyalar kiritdi
-
Siyosat5 days agoToshkent yangi integratsiyalashgan raqamli avtoturargoh piloti yordamida yo‘l harakati muammolarini hal qilmoqda