Jamiyat
fermerlar kanaldagi qo‘shimcha quloqlardan norozi
Toshkent viloyatining O‘rta Chirchiq, Piskent va Ohangaron tumanlariga reja-grafik asosida 5 kundan suv berilyapti. Kun.uz tahririyatiga murojaat qilgan ohangaronlik fermerlarga ko‘ra, muammo 5 kunlik navbatda emas, balki kanal bo‘ylab ochib olingan 21 ta noqonuniy quloqlarda. Shu sababli, yer maydoni kanal oxirida joylashgan o‘nlab fermerlarga suv yetib bormayapti. Kanal va ariqlar esa tozalanmagan.
{Yii::t(}
O’tkazib yuborish 6s
O’tkazib yuborish
Toshkent viloyati Ohangaron tumanining bir guruh fermerlari suv taqchilligi muammosi bilan yuzlashgan. Tuman hududidan oqib o‘tadigan Yalpoqtepa kanali to‘sib qo‘yilgan. Besh kunlik navbat ortidan dehqonchilik orqaga ketgan. Qoraxitoy mahallasi sobiq raisi Qo‘chqor Po‘latovning aytishicha, 45 yil deganda birinchi marta navbat paydo bo‘ldi.
«Bu kanalimiz 1980-yillarda barpo etilgan. Avval unga 9 kub suv ketardi. Hozirgi dolzarb paytda kanalimizdan navbat qilib, besh kun u zona ishlatadi, besh kun bu zona ishlatadi. Fermerlarimizning dehqonchiligi butunlay orqaga ketdi. Tsement zavodi orqasida katta yerlar bor, mana fermerlarning o‘zlari ham turibdi. Ularga reja hisoblanadi. Suv bo‘lmagandan keyin reja qayerdan bo‘ladi? Mana 3 kun bo‘ldi o‘chganiga», – deya vaziyat haqida aytadi u.
Qo‘chqor Po‘latov, Qoraxitoy mahallasi sobiq raisi
Po‘latovning so‘zlariga ko‘ra, yaqinda 3 kub suv berilgan. U fermerlarga yetib bormagan. «Men 2025 yil 14 yanvar kuni Ohangaron tuman hokimiga kanalning ahvolini ko‘rsatdim. Lekin undan keyin hech kim qiziqmadi. Fermerlarimizga juda og‘ir, chilla kirdi, dalalar suv ichmasa ular rejani qanday bajaradi?
Fermerlarimizga suv uch kunda yetib boradi. Kanalni tozalasa, suv hammaga yetgan bo‘lardi. Undan 20 ming aholi foydalanadi. Bu ariqdan bu ariqqa suv olaversak, faqat ariq sug‘oramiz, yo dehqon bo‘lmaydi, yo unisi», – deydi Qo‘chqor Po‘latov.
Fuqarolarning aytishicha, uzunligi 32 km bo‘lgan kanal oxirgi marta 2015 yilda tozalangan. Kanalning hozirgi holati chindan ham og‘ir, hamma xohlaganicha suv yo‘lini to‘sib olgan.
Yaltoqtepa kanalida ochilgan quloq
Shaxsini sir tutishni so‘ragan fuqaroga ko‘ra, suvchilarning o‘zi odamlarga noqonuniy quloqlar ochib beryapti. Natijada fermerlarning 750-800 gektar yeriga suv bormayapti.
«Kanal qurilishida 4664 gektar yer suv ichadi deb loyiha qilingan. Suv bilan ta’minlanadi deyilgan. Bu yerni sug‘orish uchun 33 ta quloq qo‘yilgan. Keyin esa bular qo‘shimcha 21 taga ruxsat bergan. Endi suv chiqmaydigan yerlarga ham nasos o‘rnatib, suv tortib olyapti.
Shu gapni ochiq aytaman, mas’ullarning xabari bor. Ohangaron tumanida suv tizimi umuman izdan chiqqan. Suv bor, uni to‘g‘ri taqsimlash yo‘lga qo‘yilmagan. Nazorat o‘rnatilmagan. Mana ko‘rdingiz, qancha suv soyga tushyapti. Agar suvchilar dambalarni qo‘ymasdan, nazoratni to‘g‘ri olib borganda, bunaqa suv muammosi bo‘lmasdi. Suvchilar masalan 10 gektarga 10 litr suv berishi kerak bo‘lsa,10 gektar yerga kerak bo‘lsa 50 gektar yerning suvini ham beradi.
Aslida kanalga, zovurga umuman to‘g‘on qo‘yish mumkin emas. Bu jinoyat hisoblanadi. Bu bo‘yicha ma’muriy javobgarlik bor kodeksda. Shundan keyin fermerlar shartnoma rejalarini bajara olmayapti. Suv tejovchi texnologiyalar qilingan. Davlatdan subsidiyalar olingan.
Prezidentning qarorida yozilgan. Birinchi navbatda suv tejovchi texnologiyalar qilgan fermerlarga suv yetkazib berish kerakligi aytilgan. Lekin bu gaplar chekkada qolib ketyapti. Fermerlarimiz tanish-bilishchilik, o‘z vazifasini bajarmaslik, noqonuniy quloqlar ochilishi tufayli kuyib qolyapti. Toshkent viloyati, Ohangaron, Dalvarzin deymiz, suv havzasi bor. Boshlig‘i Qurbonov, u umuman vazifasini bajarmaydi», – deydi suhbatdosh.
Kanalning eng oxirgi nuqtasida, suv yetib bormayotgan yerlardagi fermerlar suv yo‘qligidan hosil kamaygani, ekinlar rivojlanmayotganini aytib berishdi.
«Biz boshlanishiga chorvachilik uchun 180 gektar, 2014 yilda esa hokim qaroriga asosan 70 gektar shartli suvli yer maydoni oldik. 2023 yilda chorvachilikni rivojlantirish maqsadida Germaniyadan yomg‘irlatib sug‘orish uskunasini sotib olib, uni 100 gektar yer maydonda joriy etdik. Shu yilda odatiy sug‘orish usulida bir gektar yerdan 15 sentnergacha, yomg‘irlatib sug‘orishda esa 30 sentnergacha bug‘doy hosili oldik.
Joriy yil aprelida tuman suv yetkazib berish korxonasi bilan shu suvga shartnoma tuzganmiz. Suv yetib kelishi qiyinlashdi. Olgan bo‘lsak, aprel-may oylarida bir kun yoki ikki kun suv olganmiz. Mana yomg‘irlatib sug‘orish uchun 4000 kub suv ketadigan hovuz tashkil qilganmiz. Agar suv tinimsiz kelib tursa, hovuz 2 kunda kunda to‘ladi», – deydi “Bekzod-Sherzod faxr” fermer xo‘jaligi raisi Bekzod Egamberdiyev.
Bekzod Egamberdiyev, “Bekzod-Sherzod faxr” fermer xo‘jaligi raisi
Uning aytishicha, mas’ullar suv 5 kunlik grafik asosida berilishi haqida ogohlantirmagan.
«O‘tgan hafta grafik bo‘yicha biz suv olishimiz kerak edi, 1-2 kundan keyin yopib qo‘yishdi. Keyin bilsak, shu O‘rta Chirchiq tumaniga paxtaga suv yetmayotgani sababli, suvni u yerga haydash buyurilgan ekan», – deydi fermer.
50 gektar yerga beda ekib, 2 mingta zotdor qo‘y boqayotgan “Hisorment” fermer xo‘jaligi ish boshqaruvchisi Fayziddin Shaydullayev ham suvdan qiynalayotganini aytib berdi.
«Bedani aprel oyidan beri bir marta sug‘ordik. Masalan, sug‘orish o‘z o‘rnida bo‘lsa, shu kecha-kunduzgacha uchinchi o‘rimni o‘rib olishimiz kerak edi. Hozir ikkinchisi ham tayyor bo‘lmadi. Agar mana shu ketish bo‘lsa, ikkinchisini ham o‘ra olmaymiz. 20 santimetrda to‘xtab qolgan.
Birinchi o‘rimni yomg‘ir hisobiga o‘rib olganmiz. U bilan qo‘ylarni qishdan chiqara olmaymiz-da. Ohangaronda qish ko‘proq bo‘ladi. Bahorgacha kamida 17-18 mingta beda press yig‘ishimiz kerak», – deydi u.
Fayziddin Shaydullayev, “Hisorment” fermer xo‘jaligi ish boshqaruvchisi
Zotli sigirlar boqayotgan fermer Ulug‘bek Komilovning aytishicha, kelayotgan suv yerga nisbatan juda kam.
«Davlatdan 5,5 mlrd so‘m kredit olganmiz, 28 gektar yer maydonida makkajo‘xori ekdik, bu yil bug‘doy, arpalarimiz biz kutgan hosilni bermadi», –deydi Komilov.
Fermer Ulug‘bek Komilov
Ohangaron tuman suv yetkazib berish xizmati davlat muassasasi direktori Abdulaziz Aliqulov holat yuzasidan izoh berdi.
«Besh kunlik grafik ishlab chiqilgan. Chunki suv tanqis hozirgi kunda, besh kun hammaga yetkazib berilyapti. Hamma grafikka rozi. Grafik vaqtida ochilib, vaqtida yopib turibdi. Hozirgi kunda bizda dushanba kuni grafik bo‘yicha besh kun yopilgan. Shanba kuni ochiladi», – dedi u.
Abdulaziz Aliqulov, Ohangaron tuman suv yetkazib berish xizmati davlat muassasasi direktori
Aliqulov kanaldagi holat tangligini tan olib, uni yaxshilash uchun Suv xo‘jaligi vazirligiga loyiha kiritilganini aytdi. U bir hafta ichida kanal to‘liq tozalanishiga va’da berdi.
Ushbu masala yuzasidan Yalpoqtepa kanaliga suv yetkazib beruvchi Ohangaron-Dalvarzin irrigatsiya tizimi boshqarmasi boshlig‘i Nodir To‘laganov bilan bog‘landik. Uning aytishcha, tabiiy manbalar hisoblangan 6-7 ta soyda hozir suv yo‘q. «Bu yil ikki oycha yog‘ingarchilik bo‘lmadi. Suv tanqis, suv ko‘paysa, 5 kunlik grafik taqsimotdan voz kechiladi», – deydi To‘laganov.
U yaqin vaqtlar ichida Ohangaronga suv ochilishini bildirdi. Ammo kanal tozalanishidan va noqonuniy quloqlar bartaraf etilishidan hali darak yo‘q.
28 iyun kuni Toshkent viloyati suv xo‘jaligi boshqarmasi vakili Kun.uz muxbiri bilan bog‘lanib, fermerlarga suv berilgani, noqonuniy quloqlar yopilganini aytdi. Tahririyatga murojaat qilgan fermerlar esa suv bo‘limidagilar noqonuniy quloqlarni yopishga ruxsat bermagani, quloqlarning egalari ham bunga qarshilik ko‘rsatgani, kanal ham tozalanmaganini aytib bergan. Daryodan kanalga suv ochishni ham fermerlar o‘zi texnika olib kelib amalga oshirishiga to‘g‘ri kelgan. Kanalga suv ochilganidan keyin ham hajmi yetarli bo‘lmagani tufayli kanal oxiridagi maydonlarda ahvol og‘irligicha qolmoqda.
Yaltoqtepa kanali, suv olinadigan qulog‘i buzilishiga qarshilik ko‘rsatayotgan fuqaro
Shahzod O‘roqboyev,
Kun.uz
Bayram arafasida Toshkent shahrida yo‘l tarmog‘iga katta yuklama tushdi – 19 mart kuni atigi 11 soat ichida poytaxtdan 500 mingdan ortiq transport vositasi chiqib ketgan.
Toshkent shahar IIBB Yo‘l harakati xavfsizligi boshqarmasi ma’lumotiga ko‘ra, 19 mart kuni soat 09:00 dan 20:00 gacha bo‘lgan vaqt oralig‘ida 500 mingdan ortiq avtomobil poytaxt hududini tark etgan.
Ma’lum qilinishicha, bunday yuqori transport oqimi Ramazon hayiti bayrami va dam olish kunlari munosabati bilan aholining ommaviy ravishda shahardan chiqib ketishi bilan bog‘liq.
Shahardagi yo‘l harakati holati Yagona tezkor boshqaruv markazi orqali sutka davomida nazorat qilinmoqda. Mutaxassislar videokuzatuv tizimlari yordamida ko‘chalar, asosiy magistrallar hamda chiqish postlaridagi vaziyatni real vaqt rejimida kuzatib bormoqda.
Bayram kunlari ayrim hududlarda qisqa muddatli tirbandliklar kuzatilgan. Yo‘l harakatini tartibga solish va tirbandliklarning oldini olish maqsadida ichki ishlar organlarining qo‘shimcha kuch va vositalari jalb etilgan.
YHXB xodimlari haydovchilarni yo‘l harakati qoidalariga qat’iy rioya qilishga chaqirmoqda. Ayniqsa, shaharlararo yo‘llarda harakat jadalligi yuqori bo‘lgani sababli masofani saqlash va tezlik rejimini buzmaslik tavsiya etilmoqda.
Turkiyaning Bodrum shahrida 36 yoshli O‘zbekiston fuqarosiga nisbatan jinoyat sodir etganlikda gumonlangan ikki nafar erkak qo‘lga olindi.
Foto: bodrumsicakhaber.com
Ma’lum qilinishicha, voqea Bodrumning Yalikavak tumanidagi Go‘kchebel mahallasida sodir bo‘lgan. Jabrlanuvchi ayol yo‘l chetida transport kutib turgan vaqtda, ikki nafar erkak bo‘lgan avtomobil to‘xtab, uni Turkbuku hududiga olib borishni taklif qilgan.
Yo‘l davomida haydovchi yo‘nalishni o‘zgartirib, ayolni qurilish obektiga olib borgan. Jabrlanuvchining aytishicha, u yerda erkaklar tomonidan kuch ishlatish tahdidi ostida jinoyat sodir etilgan.
Shundan so‘ng gumonlanuvchilar ayolning sumkasi, pul mablag‘lari va mobil telefonini olib, voqea joyidan yashiringan.
Og‘ir holatiga qaramay, jabrlanuvchi yaqin atrofdagi uylarga yetib borib, mahalliy aholidan yordam so‘ragan. U shifoxonaga yotqizilib, tibbiy va psixologik yordam ko‘rsatilmoqda.
Huquqni muhofaza qiluvchi organlar tomonidan olib borilgan tezkor tadbirlar natijasida gumonlanuvchilar — 24 va 25 yoshli ikki nafar erkak aniqlanib, qo‘lga olingan. Sud qarori bilan ular qamoqqa olindi.
Mazkur ish mahalliy huquqni himoya qiluvchi tashkilotlar nazoratida bo‘lib, tergov harakatlari davom etmoqda.
Toshkent shahrida o‘tkazilgan tezkor tadbirlar davomida katta miqdordagi noqonuniy import mahsulotlari fosh etildi. Ularning umumiy qiymati 33,5 mlrd so‘mni tashkil etadi.
Foto: Davlat xavfsizlik xizmati
Iqtisodiy jinoyatlarga qarshi kurashish doirasida Davlat xavfsizlik xizmati va Bojxona qo‘mitasi xodimlari tomonidan o‘tkazilgan tezkor tadbirda xorijdan mamlakatga noqonuniy ravishda olib kirilgan mahsulotlar aniqlandi.
Xususan, Toshkent shahrida avtomobil ehtiyot qismlari savdosi hamda aholiga xizmat ko‘rsatish faoliyati bilan shug‘ullanuvchi ikki ta mas’uliyati cheklangan jamiyat tomonidan ijaraga olingan omborlar xolislar ishtirokida ko‘zdan kechirildi.
Tekshiruv jarayonida boshqa tovarlar niqobi ostida mamlakatga noqonuniy olib kirilgan, aksiz markasiga ega bo‘lmagan 29 turdagi 1 million 963 ming 964 quti tamaki mahsulotlari, shuningdek 4 turdagi 807 kilogramm oziq-ovqat mahsulotlari aniqlandi.
Ushbu mahsulotlar protsessual tartibda rasmiylashtirib olindi. Mutaxassislar xulosasiga ko‘ra, ularning umumiy qiymati 33,5 mlrd so‘mni tashkil etadi.
Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
2025 yilda O‘zbekistonda jami 879 599 ta tug‘ilish qayd etildi. Shu tug‘ilishlar orasida 70 yoshdan oshgan 48 nafar erkakning ota bo‘lgani qayd etilgan.
Milliy statistika qo‘mitasi ma’lumotlariga ko‘ra, 2025 yil davomida mamlakatda 879 599 ta tug‘ilish rasman ro‘yxatga olingan.
Tug‘ilishlar otaning yosh guruhlari kesimida tahlil qilinganda, eng katta ulush 25–39 yoshli erkaklarga to‘g‘ri kelgan — 718 798 holat. 25 yoshgacha bo‘lgan otalar hissasi 97 917 nafarni tashkil etgan.
Shuningdek, 40–59 yoshli erkaklar 62 246 holatda ota bo‘lgan. 60 yosh va undan katta yoshdagi otalar soni esa 638 nafarni tashkil etib, ular orasida 70 yoshdan oshganlar 48 nafarni tashkil qilgan.
Mazkur ma’lumotlar tug‘ilishlar dinamikasida turli yosh guruhlaridagi erkaklar ishtirokini ko‘rsatadi.
Insoniyat tarixida ehson va xayriya ishlari jamiyatni birlashtiruvchi, muhtojlarga yordam beruvchi ezgu qadriyatlardan biri hisoblanadi. Islom dinida ham muhtojlarga yordam ko‘rsatish, sadaqa va zakot ulashish insonning savobini ko‘paytiruvchi, jamiyatda mehr-shafqatni mustahkamlovchi amal sifatida ta’kidlangan.
Biroq so‘nggi yillarda ayrim jinoiy va ekstremistik guruhlar ana shu ezgu tushunchani suiiste’mol qilib, “ehson” yoki “xayriya” niqobi ostida terrorizmni moliyalashtirishga urinish holatlari kuzatilmoqda.
O‘tgan yilning kuz faslida Koreya telekanallari orqali Janubiy Koreyada soxta xayriya orqali 663 ming dollar miqdorida pul yig‘ib, terrorchilik faoliyatini moliyalashtirgan o‘zbekistonlik yigit ushlanganligi to‘g‘risidagi xabarlar keng tarqaldi.
Afsuski, so‘nggi yillarda ayrim jinoiy to‘dalar va ekstremistik guruhlar ushbu olijanob tushunchani suiiste’mol qilib, “ehson” niqobi ostida terrorizmni moliyalashtirishga urinmoqda. Xususan, o‘tgan yilning kuzida Janubiy Koreyada soxta xayriya tadbirlarini tashkil etib, 663 ming AQSh dollari miqdorida mablag‘ to‘plagan o‘zbekistonlik yigit qo‘lga olingani haqidagi xabarlar ushbu mamlakat ommaviy axborot vositalarida keng aks-sado berdi.
Ma’lum bo‘lishicha, 29 yoshli ushbu shaxs firibgarlik va aldov yo‘li bilan yig‘ilgan mablag‘larning bir qismini BMT tomonidan terrorchilik tashkiloti deb tan olingan “Katiba at-Tavhid val-Jihod” (KTJ) hamda “HAMAS” guruhlariga yo‘naltirgan.
Bundan tashqari, shu kunlarda OAVda Buxoroda terrorizmni moliyalashtirgan ota va o‘g‘il haqida xabarlar tarqaldi. Aniqlanishicha, Buxoro shahrida yashovchi, 1999-yilda tug‘ilgan shaxs yot g‘oyalar ta’sirida 2019-yilda Suriyadagi “Tavhid va jihod katibasi” xalqaro terroristik tashkiloti safiga borib qo‘shilgan va ijtimoiy tarmoqlar orqali jangarilarni qo‘llab-quvvatlash maqsadida xayriya pullarini yig‘ib kelgan. Bu ishga hatto otasini ham jalb qilgan.
Hozirda uning aldovlariga uchib, pul yuborgan 8 nafar shaxsga nisbatan Jinoyat kodeksining 155-3-moddasi, ya’ni terrorizmni moliyalashtirish aybi bilan jinoyat ishlari qo‘zg‘atilib, tergov harakatlari olib borilmoqda. Ota esa sud hukmi bilan ozodlikdan mahrum etildi. Jinoyatchi o‘g‘ilga nisbatan qidiruv e’lon qilingan.
Mazkur har ikki holatda ham “ehson” deya yig‘ilgan pullarning oxiri borar manzili terrorchilarning cho‘ntagi bo‘lgan va ularning kayfi-safosiga sarflangan.
Bugungi kunda terrorchi tashkilotlar ham internet orqali musulmonlarga, G‘azo aholisiga yordam berishni niqob qilgan holda xayriya aksiyalarini tashkil etish orqali pul yig‘ib,ularning faoliyati moliyalashtirib kelishmoqda.
Rahmdil va saxovatpesha xalqimiz esa yuqoridagi kabi terrorchilik tashkilotlari tarafdorlarining aldoviga uchib, internetda e’lon qilingan norasmiy manbalarga “ehson” yuborishmoqda. Oqibatda o‘zlari bilmagan holda terrorizmni moliyalashtirishda ishtirok etgan jinoyatchiga aylanishmoqda.
Ta’kidlash lozimki, ayrim terrorchi tashkilotlar tomonidan yuqoridagi usullar orqali yig‘ilgan pullarning juda ham oz qismi, odamlarni ishontirish maqsadida ehsonga sarflanadi va ushbu holat videotasvirga olinib, ijtimoiy tarmoqlarda faol tarqatiladi. Natijada, ushbu videomateriallarni ko‘rgan fuqarolar ularga to‘liq ishonib, ehson sifatida pullarni yuborishmoqda.
O‘zbek xalqi bag‘rikeng va insonparvar, dini va e’tiqodiga sodiq. Yordamga muhtojlarga hamisha qo‘lidan kelguncha yaxshilik ulashishni, xayru ehson qilishni ezgu amal sifatida qadrlaydi. G‘azoga ko‘mak, musulmon birodarlarimizga yordam deb jinoyatchilarga sherik bo‘lib qolmaslik uchun ham davlatimiz tomonidan, mamlakat Prezidenti boshchiligida G‘azoni qayta tiklash borasida muhim vazifalar belgilanib, amalga oshirilayotganini bilish zarur.
Zero, ezgu niyat bilan qilingan ehson jamiyatni yaxshilikka yetaklashi kerak, zo‘ravonlik va adovatni moliyalashtirishga emas. Ushbu Muborak Ramazon oyida xalqimizni “zakot”, “fitr” ko‘rinishidagi “ehson” pullarni terrorchilik tashkilotlari a’zolariga yuborishlarining oldini olish maqsadida ogohlikka chaqiramiz!
«Bu ezgu maqsadga mening hissam qo‘shilsin, deb xayru ehson qilishni istagan kishilar O‘zbekiston Musulmonlari idorasi huzurida faoliyat yuritadigan “Vaqf” xayriya jamoat fondi orqali xayrli maqsadlarini amalga oshirsalar ayni muddaodir.
“Vaqf” jamoat fondiga tushgan mablag‘lar masjidlar va diniy ta’lim muassasalarini qurish va ta’mirlash, diniy o‘quv yurtlarini qo‘llab-quvvatlash, talabalar va olimlarga moddiy yordam berish, kam ta’minlangan oilalar, nogironlar va muhtojlarga yordam ko‘rsatish, haj va umraga boruvchilarga xizmatlarni tashkil qilishga sarflanadi. Bu ishlar esa xayriya pullari, zakot, fitr va sadaqalar orqali amalga oshiriladi.
Ehsonning eng afzali oilangga, qarindoshing, qo‘ni-qo‘shning, mahallang ahliga qilinganidir. Ehson — insonparvarlik va bag‘rikenglik ramzi. Uni suiiste’mol qilish esa jamiyat uchun katta xavf tug‘diradi. Shu bois har bir inson xayriya qilishda mas’uliyatli bo‘lishi, mablag‘lar haqiqatan ham muhtojlarga yetib borishiga ishonch hosil qilishi zarur.
Toshkentdan bir kunda 500 mingdan ortiq avtomobil chiqib ketdi
Turkiyada o‘zbekistonlik ayolga hujum qilindi: ikki erkak ushlandi
Toshkentda 33,5 mlrd so‘mlik kontrabanda mahsulotlari aniqlandi
-
Turk dunyosi4 days agoTurkiyaning Baykal K2 bir tomonlama hujumga uchragan uchuvchisiz samolyotining toʻda harakatini sinovdan oʻtkazdi
-
Jamiyat1 day ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Jamiyat3 days ago
Ichki ishlar xodimlarining qo‘pol muomalasi va tergov sifatidan norozilik ko‘paygan – Prezident
-
Dunyodan1 day ago
Eron Hormuz boʻgʻozi orqali cheklangan oʻtishga ruxsat beradi
-
Siyosat21 hours agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot2 days agopayme Tez QR orqali to‘lovni 3% keshbek bilan ishga tushirmoqda
-
Iqtisodiyot3 days agoMetandan go‘shtgacha. Narxi keskin oshgan mahsulot va xizmatlar
-
Iqtisodiyot4 days ago«Yomg‘ir va qorda ham foydalanishga tayyor bo‘ladi» – Toshkent-Andijon pulli yo‘li haqida nimalar ma’lum?