Sport
“Erkabulan, qayerdasan?” — Oktogon mag‘lubiyat maydonimizga aylanmasin
Yoshligimizda ko‘chada yoki maktab atrofida bir manzara ko‘p takrorlanardi. Yoshi sal kattaroq, qitmirroq bolalar o‘zidan kichiklarni yoniga chorlab, bosh barmog‘ini tik tutar, ovozini ingichka qilib: “Kim xo‘roz? Kim makiyon?” — deb gijgijlovchi qiliqlar qilardi.
Go‘yo o‘sha barmoqni ushlamasang — makiyon, ushlasang — xo‘rozsan. Bolalik g‘ururi, soddalik, uyatdan qochish, ko‘p oldida “qo‘rqoq” bo‘lib qolmaslik hissi bilan ikki tomon ham chaqiriqni qabul qilardi. Shundan keyin so‘z talashish, turtkilash, janjal boshlanib ketardi. Bu janjaldan esa naf ko‘radigan, rohat oladigan uchinchi taraf, ya’ni o‘sha gijgijlovchilar bo‘lar edi. Urishganlar yo jarohat olardi, yo ruhan singan holda qolaverardi.
Oktagon ligasini tomosha qilar ekanman, beixtiyor o‘sha bolalik voqealari yodimga tushadi. Faqat bugun sahna almashgan, ishtirokchilar ulg‘aygan, ammo mohiyat deyarli o‘zgarmagan. Oktagon ligasi — bu faqat sport emas. Bu katta o‘yin sahnasi, axborot makoni va moddiy manfaatlar maydoni. Har bir harakat, har bir so‘z, har bir jang tasviri shunday yoritiladiki, tomoshabin ekrandan uzila olmaydi, uning his-tuyg‘ulari boshqariladi.
Shu sababli bu musobaqa katta auditoriyani o‘ziga tortadi. G‘alaba — eyforiya, mag‘lubiyat — tushkunlik. Bu jarayon ortida katta targ‘ibot va manipulyasiya ham yashiringan. Kechagi OCTAGON 84 musobaqasida Shahzod “Gold”dan hamma g‘alaba kutdi. Nega? Chunki ijtimoiy tarmoqlar uni sportchi sifatida emas, mif sifatida yaratdi. Kameralar, baland ovozli intervyular, tahdidli so‘zlar — barchasi obraz yaratish uchun xizmat qildi.
Lekin ring obrazga ishonmaydi. Ring reklamaga aldanmaydi. U faqat tayyorgarlikni, aqlni, texnikani va intizomni sinaydi. Qanchalik ko‘p “qahramon” qilib ko‘rsatmang, ringda kuchlilar g‘alaba qiladi.
Albatta, Oktagon ligasi sportning sof shakli emas. Bu media-shou. Bu reyting, pul va shuhrat savdosi uchun qurilgan ulkan sahna. Bu yerda ayrim “jangchi”lar haqiqiy jang uchun emas, shov-shuv uchun yaratiladi. Ijtimoiy tarmoqlarda “sen o‘liksan” deb yozadi, kamera oldida baqiradi, lekin ringga chiqqan zahoti birinchi zarbaga ham chiday olmaydi. Ammo millionlab ko‘z oldida millat bayrog‘ini ko‘tarib chiqadi. Ana shunday soxta “qahramon”larga bizda rostdan ham ehtiyoj bormi?!
Bizga kerak bo‘lgani — baqiroq emas, kamtar, lekin chinakam kuchli sportchilar. Yillar davomida ter to‘kib tayyorgarlik ko‘rgan, intizomni hayot tarziga aylantirgan, mikrofonda emas, ringda gapiradigan insonlar. Oldida yo‘q raqibiga “qayerdasan?” deb qichqiravermay, jimgina g‘alaba qozonadiganlar.
Endi shunchaki “Gold”lar emas, balki haqiqatan ham oltin qiymatiga ega bo‘lganlar — mehnat, aql va intizom bilan bayrog‘imizni ko‘tarsin. Aks holda Oktagon mag‘lubiyat maydoniga aylanib, sportimizning “yomon kunlari” ko‘payib boraveradi.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat5 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot15 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat2 days ago
O‘zbekiston do‘konlarida 73 turdagi mahsulot sifatsiz deb topildi