Iqtisodiyot
Elektron soliq hujjatlarini Face-ID yoki barmoq izi yordamida ham tasdiqlash mumkin bo‘ladi
Senatorlar soliq to‘lovchilar tomonidan ortiqcha to‘langan va ortiqcha undirilgan summalardan nafaqat xuddi shu soliq, balki boshqa soliqlar bo‘yicha ham foydalanish imkonini beruvchi qonunni ma’qulladi. Soliq organiga topshirilgan yozma yoki elektron arizani ko‘rib chiqish muddati ham 15 ish kunidan 3 ish kunigacha qisqartiriladi. Elektron soliq hujjatlarini biometrik identifikatsiyadan foydalangan holda – yuz (Face-ID) yoki barmoq izi orqali tasdiqlash imkoni ham paydo bo‘ladi.
Senatning bugun, 28 may kungi yalpi majlisida “Soliq kodeksiga qo‘shimcha va o‘zgartirishlar kiritish to‘g‘risida”gi qonun loyihasi ko‘rib chiqilib ma’qullandi. Unda bir qator o‘zgarishlar ko‘zda tutilgan.
Amaldagi qonunchilikka muvofiq, soliq to‘lovchi tomonidan ortiqcha to‘langan yoki undan ortiqcha undirilgan soliq summasi budjetdan qaytarilar yoki faqat ushbu soliq bo‘yicha kelgusi to‘lovlar uchun hisobga olinishi mumkin edi.
Kiritilayotgan o‘zgartirishga asosan endi ortiqcha to‘langan soliq summalarini nafaqat xuddi shu soliq, balki boshqa soliqlar bo‘yicha ham kelgusidagi majburiyatlarga nisbatan qo‘llash mumkin bo‘ladi.
Soliq to‘lovchining qarzi bo‘lmagan taqdirda, u soliq organiga yozma yoki elektron ariza bilan murojaat qilishi mumkin, hisob-kitoblar uch ish kuni (hozirda 15) ichida amalga oshiriladi.
Shuningdek, elektron soliq hujjatlarini biometrik identifikatsiyadan foydalangan holda – yuz (Face-ID) yoki barmoq izi orqali tasdiqlash imkoni ham paydo bo‘ladi. Hozirda bu elektron raqamli imzo (ERI) yordamida amalga oshiriladi.
ERI kaliti sertifikatini berish uchun tadbirkorlik sub’yektlaridan bazaviy hisoblash miqdori (BHM)ning 10 foizi, jismoniy shaxslardan esa 7 foizi miqdorida yig‘im undiriladi. Bu esa o‘z navbatida soliq to‘lovchilarning soliq majburiyatlarini bajarishdagi sarf-xarajatlarining oshishiga sabab bo‘lyapti.
Chernobil AESdagi avariya oqibatlarini tugatishda ishtirok etgan fuqarolar yer solig‘ini to‘lashdan ozod etilgandi. Qonunchilikdagi normalarni muvofiqlashtirish maqsadida ushbu toifadagi fuqarolar daromad solig‘idan ham ozod etilishi belgilanyapti.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
Prezident Shavkat Mirziyoyev raisligida Andijon viloyatini ijtimoiy-iqtisodiy rivojlantirish, tadbirkorlikni qo‘llab-quvvatlash va aholi daromadlarini oshirish masalalari bo‘yicha yig‘ilish o‘tkazilmoqda.
Joriy yilning birinchi yarmida viloyat iqtisodiyoti 8,8 foiz, sanoat 9,2 foiz, xizmatlar 16,1 foiz, investitsiyalar 8,9 foizga o‘sgani qayd etildi.
– Bizga o‘sishdagi raqamlar emas, balki har bir ko‘rsatkich har bir oilaning kundalik hayotiga qanday o‘zgarish olib kirgani muhim,– dedi davlatimiz rahbari.
Andijonda yer va tabiiy boyliklar cheklangan bo‘lsa-da, harakatchan aholi, kuchli tadbirkorlik ruhi, ko‘p sonli yoshlar, sanoat maktabi va katta bozor kabi imkoniyatlar borligi ta’kidlandi.
So‘nggi o‘n yilda viloyatga respublika budjetidan 20 trillion so‘m, banklar tomonidan tadbirkorlik uchun 90 trillion so‘m yo‘naltirildi. Birgina joriy yilda aholi farovonligini oshirishga 6 trillion so‘m ajratildi.
Hokimlarga berilgan vakolatlar va yaratilgan moliyaviy imkoniyatlar shunga munosib natijaga aylanishi zarurligi ko‘rsatib o‘tildi.
