Jamiyat
Dovonlarda ko‘paygan qor ko‘chkilari. Ehtiyotkorlik talab etiladi
Qamchiq dovonida bu yil qishda ortiqcha qor yog‘ishi oqibatida qor ko‘chkisi xavfi yuzaga keldi. Favqulodda vaziyatlar vazirligi va qator idoralar tomonidan tez-tez transport harakati vaqtincha to‘xtatilib, aholi xavfsiz hududlarga ko‘chirildi. Haydovchilar va yo‘lovchilardan ogohlantirishlarga amal qilish va ehtiyotkorlikni saqlash talab etiladi, chunki qish mavsumi hali davom etmoqda.
Bu yilgi qish mavsumida ko‘plab hududlarda qor miqdori me’yordan ortiq yog‘di, tog‘li mintaqalarda esa qalin qor qatlami shakllandi. Shu bilan birga, dovonlarda harakatning vaqtincha cheklanishi va qor ko‘chkisi xavfi haqidagi ogohlantirishlar ham keskin ko‘paydi. Ayniqsa Qamchiq dovonida.
Mavsumiy ko‘chkilar xavfi ortidagi omillar va dovonlardagi haqiqiy vaziyat masalasida mas’ul tashkilotlardan biri Favqulodda vaziyatlar vazirligi Kun.uz’ga izoh berdi.
«Toshkent viloyati, Namangan, Jizzax, Samarqand, Qashqadaryo va Surxondaryo viloyatlarining tog‘li hududlari mavsumga xos gidrometeorologik xavfli jarayonlarning sodir bo‘lish ehtimolliklari yuqori. Dekabr, yanvar oylari va fevral oyining birinchi 10 kunligida tog‘ qiyaliklarida yaxshigina qor yog‘di. Bu bizni quvontiradi, lekin ko‘p miqdorda to‘plangan qor o‘ziga yarasha tabiiy xavflarni keltirib chiqarishi mumkin.
Qamchiq dovonining 137- va 162-kilometrlari oraliqlarida 50 dan ortiq 45 darajadagi tog‘ qiyaliklarida qor ko‘chish ehtimoli mavjud.
Ogohlantirish xati asosida Qamchiq dovonida xavfning oldini olishga kirishildi. IIV, Milliy gvardiya, Transport vazirligi va Qamchiqavtoyo‘l bilan birgalikda tadbirlar amalga oshirildi. Bu yerda xavfning oldini olish maqsadida transport harakatiga cheklov qo‘yildi. O‘sha paytda ijtimoiy tarmoqlarda ham kuzatildi: juda ko‘p joylarda qor massasi ko‘chib tushdi. Yo‘lga ta’sir qilmasa ham xavf mavjud edi. 30 ga yaqin hududlarda qor massalari majburiy ko‘chirildi.
Aynan xavf yuqori bo‘lgan joylardan 955 ta yengil avtomashina hamda 28 ta yuk avtomobillari, ularda harakatlangan 2800 ortiq aholi xavfsiz hududga ko‘chirildi. Qamchiq dovonidagi qorning ko‘chishiga asosiy sabab – oxirgi oylarda yog‘gan qor juda ko‘p massani tashkil qilgan. Aynan 9-10 fevral kunlari yog‘gan qorning ustiga yomg‘ir yog‘gan. Natijada qorning ustki qismida muzlama hosil bo‘lgan. 11-12 fevral kunlari esa bu hududlarga ko‘p miqdorda qor yog‘di. Avval yog‘gan yomg‘irlar hisobiga qiyalikda to‘plangan qor massasi ortib ketishi natijasida o‘sha joylarda qor ko‘chkisi xavflari vujudga keldi. Bu qor ko‘chishi xavfi borligi sababli Gidrometeorologiya xizmati tomonidan bizga byulleten berildi, xavf e’lon qilindi va o‘sha hududlarda aholini evakuatsiya qilish ishlari amalga oshirildi», deydi Favqulodda vaziyatlar vazirligi axborot xizmati xodimi Samandar Hikmatullayev.
Qor ko‘chkisi – tabiat hodisasi. Uni to‘xtatib bo‘lmaydi. Ammo uning oqibatlarini kamaytirish mumkin. Bu har bir haydovchi va yo‘lovchining ham mas’uliyati. Ogohlantirishlarga amal qilish, tavakkalchilikdan voz kechish va xavfsizlik qoidalariga rioya etish o‘zimizning zimmamizda. Qish davom etmoqda – demak dovonlardagi sinov ham hali tugagani yo‘q.
2026-yilning yanvar–fevral oylarida «Soliq» mobil ilovasidagi «Soliq hamkor» tizimi orqali 21 964 ta murojaat kelib tushgan. Ularning 18 826 tasi chek bermaslik, 620 tasi karta orqali to‘lovni qabul qilmaslik, 35 tasi summa oshirish, 2 483 tasi boshqa holatlarga to‘g‘ri keladi.
4 890 ta murojaat takroriy yoki tekshiruv jarayonida bo‘lgani sababli ko‘rib chiqilmagan. Qolganlari asosida 12 216 ta sayyor soliq tekshiruvi o‘tkazilgan.
Tekshiruvlarda 99,2 foiz holatda qonunbuzarlik tasdiqlangan. Fuqarolarga 6 701 ta holat bo‘yicha jami 4,3 mlrd so‘m mukofot to‘langan.
Mukofotlar hududlar kesimida turlicha taqsimlangan. Eng yuqori ko‘rsatkich Toshkent shahrida – 1 328 ta holat va 901 mln so‘m.
Toshkent viloyatida 673 ta holat uchun 396,5 mln so‘m, Samarqandda 639 ta holat uchun 462,5 mln so‘m, Farg‘onada 545 ta holat uchun 325 mln so‘m to‘langan.
Shuningdek, Andijonda 509 ta va 325,5 mln so‘m, Buxoroda 521 ta va 330 mln so‘m, Xorazmda esa 469 ta holat va 285 mln so‘mni tashkil etgan.
Qashqadaryoda 333 ta holat uchun 204,5 mln so‘m, Surxondaryoda 332 ta va 217,5 mln so‘m, Qoraqalpog‘istonda 314 ta va 192,5 mln so‘m mukofot berilgan.
Xalq deputatlari Toshkent viloyati kengashining 24-martdagi qaroriga ko‘ra, 1-apreldan chiqindi olib ketish tariflari oshiriladi. Yangi tariflar aholi va tashkilotlar uchun alohida belgilangan.
Xususan, fuqarolar uchun qattiq maishiy chiqindilarni olib chiqish narxi bir kishi uchun oyiga QQSsiz 9 700 so‘m, QQS bilan 10 864 so‘m etib belgilandi.
Budjet va xo‘jalik tashkilotlari uchun esa bir kubometr chiqindi narxi QQSsiz 86 890 so‘m, QQS bilan 97 316 so‘mni tashkil etadi.
Yangi tariflar Chiqindilarni boshqarish va sirkulyar iqtisodiyotni rivojlantirish agentligining Toshkent viloyati boshqarmasi tizimidagi korxonalarga taalluqli. Jumladan, «Zero Waster» MChJ, «Zangiota Obodon» MChJ, «Angren Bunyod Fayz» MChJ, «Rahnamo Servis» MChJ, «Ohangaron Sanitariya Tozalash» MChJ hamda «Toshkent viloyati Toza hudud» DM ushbu qaror doirasida ish yuritadi.
Yakkasaroy tumanidagi “Kislorod” turar joy majmuasi tomida qo‘shimcha qurilma uchun Yakkasaroy tuman Arxitektura va shaharsozlik kengashining xulosasi olingan. Uyda yashovchilar bu qurilishdan norozi. Mulkdorlarning tomdagi tortishuvi sudgacha borgan.
Toshkent shahrining Bo‘rijar ko‘chasida joylashgan “Kislorod” turar joy majmuasida yashovchi fuqarolar binoning tom qismida olib borilayotgan qo‘shimcha qurilish ishlaridan norozi bo‘lib Kun.uz’ga murojaat qilishdi.
«16-qavatdagi 139-xonadon egalari umumiy foydalanish mulkini, tomni o‘zlartirib, uyiga qo‘shib, uyining davomini qilib quryapti. Bu masalani necha marta majlislarga olib chiqqan, doim rad javobini olgan. Quruvchi kompaniya – Murad Buildings bu to‘g‘risida rasmiy xat bergan. Ya’ni tomga hech qanaqa qurilish mumkin emas degan. Bu qo‘shni hamma hujjatlari borligini aytgan. Lekin bu qurilishga ruxsatnoma olish uchun kamida 51 foiz mulkdorlarning ruxsati kerak. Bu to‘g‘risida hech qanday ovoz berish, majlis o‘tkazilmagan va bizdan rozilik olinmagan. Hamma qo‘shnilar nomidan gapiryapman”, – deydi majmuada istiqomat qiladigan Dildora Norqulova.
Aholiga ko‘ra, bu qurilish amalga oshirilsa binoning yong‘in xavfsizligi qismiga putur yetishi mumkin. Qurilish ishlari 24 soat rejimda, kechasi 22:00 dan boshlab ertalabgacha davom etgan paytlar ham bo‘lgani aytildi.
«Ventilyatsiya, livniklar (qor-yomg‘ir suvlarini chiqarish tizimi), yuqori kuchlanishli shitlar kabi barcha muhandislik tizimi tomda joylashgan. 19 fevralda Yakkasaroy tumani qurilish inspeksiyasidan vakil kelib qurilish ishlarini olib borayotgan brigada bilan akt tuzishgan: qurilish ishlari to‘xtatilishi, tom o‘z holiga qaytarilishi haqida. Tomda ochilgan eshik bekitildi. Ular tasdiqlovchi hujjatlarni bermaguncha ish boshlanmasligi haqida akt bor, 3 tomonlama imzo qo‘yilgan. Lekin 13 martdan boshlab boshqaruv kompaniyasidan, aholidan roziliklarsiz ishni boshlab yuborishdi. Qo‘riqlovchilar ularning texnikasini ushlab qololmadi», – deya ta’kidladi yana bir fuqaro.
Murojaatchilar tomdagi bu qurilishning aholiga xavfi katta ekanligini, ular quyosh panellari o‘rnatmoqchi ekanliklarini, ammo bu shaxs tom qismini o‘rab olayotganini ma’lum qilishdi.
Ayni paytda majmua aholisi tahririyatga taqdim etgan hujjatlarga ko‘ra, uy tomida qurilish taqiqlangan. Ammo mulkdor nomidan qurilish ishlarini olib borayotgan o‘zini Hojiakbar Ergashev deb tanishtirgan shaxs buni amalga oshirish uchun biror rasmiy hujjat taqdim etmadi. U hujjatlarni rasmiylashtirish boshqaruv kompaniyasi bir necha bor almashgani va ayrim davrlarda mas’ul direktor bo‘lmagani sababli jarayon to‘liq yakuniga yetmagani bilan izohladi.
“Kislorod” turar-joy majmuasi aholisi qurilishni to‘xtatishni so‘rab qurilishda nazorat inspeksiyasining Toshkent shahar hududiy boshqarmasiga murojaat qilgan. Ammo natija bo‘lmagan.
Ma’lum bo‘lishicha, qurilish uchun Yakkasaroy tumani Arxitektura va shaharsozlik kengashi ishchi organining 15.12.2025 yildagi loyiha xulosasi olingan. Boshqaruv kompaniyasi ayni paytda ushbu xulosani haqiqiy emas deb topishni so‘rab sudga ariza kiritgan.
Ijtimoiy tarmoqlarda Bo‘stonliqda mushuklar qiynoqqa solingani va o‘ldirilgani aks etgan videolar tarqaldi. Ikki kishi ularni tepgan va miltiqdan o‘q uzgan. Voqea 2025 yil dekabrda sodir bo‘lgan. Aybdorlar aniqlanib, sud qilindi.
Ijtimoiy tarmoqlarda Toshkent viloyatining Bo‘stonliq tumanida hayvonlarga nisbatan shafqatsiz munosabatda bo‘lingani aks etgan videolar tarqaldi.
Kadrlarda bino ichida bir kishi mushukni tepib, unga jarohat yetkazgani aks etgan. Jonivor o‘zini olib qochishga uringan, biroq lavhalarning birida u harakatsiz bo‘lib qolganini ko‘rish mumkin. Shundan so‘ng zo‘ravon uni ko‘tarib, xonadan chiqib ketgan.
Keyinroq kadrda qo‘lida qurol bo‘lgan boshqa bir erkak paydo bo‘ladi. U ham mushuklarga nisbatan shafqatsiz munosabatda bo‘lib, miltiqdan ular tomon bir necha bor o‘q uzadi. Boshqa bir yozuvda esa arqonga osib qo‘yilgan jonsiz mushukni ko‘rish mumkin.
Toshkent viloyati IIBB mazkur holat 2025 yilning dekabr oyida Bo‘stonliq tumani Yangiqo‘rg‘on mahallasidagi mehmonxonalardan birida sodir bo‘lganini ma’lum qildi.
IIV Jamoat xavfsizligi departamenti matbuot xizmati Gazeta’ga aniqlik kiritishicha, 2025 yil 27 dekabr kuni ro‘y bergan voqeaga aloqador shaxslar aniqlangan, ularning harakatlari yuzasidan tegishli hujjatlar rasmiylashtirilib, sudga oshirilgan.
Ushbu shaxslar Bo‘stonliq tumanidagi dam olish maskanida ishlovchi fuqarolar – 1993 yilda tug‘ilgan Sh. M. va 1996 yilda tug‘ilgan A. A. ekani ma’lum bo‘lgan. Ularga nisbatan Ma’muriy javobgarlik to‘g‘risidagi kodeksning 111-moddasi (Hayvonlarga nisbatan shafqatsiz munosabatda bo‘lish) va 220–1-moddasi (Qurolning qonunga xilof ravishda muomalada bo‘lishi) bilan ma’muriy ish qo‘zg‘atilgan.
2026 yil 26 mart kuni bo‘lib o‘tgan sud qarori bilan, 33 yoshli (M.Sh.)ga nisbatan MJtKning 111-moddasi (Hayvonlarga nisbatan shafqatsiz munosabatda bo‘lish) bilan 15 sutka ma’muriy qamoq jazosi, 30 yoshli (A.A.)ga nisbatan MJtKning 220(1)-moddasi (Qurolning qonunga xilof muomalasi) bilan 10 sutka ma’muriy qamoq jazosi tayinlandi.
Toshkent viloyati IIBB matbuot xizmati hayvonlarga nisbatan shafqatiz munosabat uchun qonunchilikda javobgarlik muqarrarligi, ma’muriy jazo qo‘llangandan so‘ng bu kabi harakatlar takroran sodir etilsa, jinoiy javobgarlikka sabab bo‘lishini eslatgan.
U bu ishni qasddan amalga oshirgan – jabrlanuvchilar uning sobiq rafiqasi va hamrohlari bo‘lgan.
Toshkent shahrida haydovchi Tracker rusumli avtomobilini piyodalar ustiga qasddan haydab bordi. Toshkent shahri IIBB xabariga ko‘ra, hodisa 26 mart kuni Yunusobod tumani Niyozbek yo‘li ko‘chasida sodir bo‘lgan.
Qayd etilishicha, 27 yoshli erkak o‘zining sobiq rafiqasi va uning yonida bo‘lgan shaxslar bilan janjallashib qolgan. Shundan so‘ng o‘z boshqaruvidagi mashinani ularning ustiga haydagan va ularni qasddan urib yuborgan.
Hodisa oqibatida 25 yoshli ayol va uning tanishlaridan biri yengil turdagi turli jarohatlar bilan shifoxonaga yotqizilgan.
Idora xabarida voqeaning barcha ishtirokchilari shaxsi aniqlangani, tuman ichki ishlar bo‘limiga olib kelingani, shuningdek, tergovga qadar tekshiruv o‘tkazilayotgani ma’lum qilingan.
Mazkur holat Ichki ishlar vazirligi va Toshkent shahar IIBB rahbariyati tomonidan nazoratga olingan.
AQSh Kiyevga Donbassdan voz kechishni talab qilmoqda – Zelenskiy
Soliq huquqbuzarliklari haqida xabar berganlar 4,3 mlrd so‘m mukofot olgan
Uganda Eron bilan urush istaydi
-
Siyosat4 days agoIslom bank ishi anʼanaviy foizlarga asoslangan modellardan nimasi bilan farq qiladi?
-
Jamiyat3 days agoO‘zbekistonda taksichilarni aldashning yangi firibgarlik usuli fosh etildi
-
Dunyodan2 days ago
Prezident Tramp Eronga Hormuz boʻgʻozini ochish uchun 48 soat vaqt berdi
-
Dunyodan2 days ago
Eron tarixidagi eng katta banknotalar muomalaga chiqariladi
-
Jamiyat3 days ago
Namanganda yirik turistik majmua qurilishi boshlandi
-
Jamiyat1 day ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Siyosat3 days agoO‘zbekiston va AQSh mehnat migratsiyasi bo‘yicha yangi kelishuvga erishdi
-
Dunyodan4 days ago
Hormuzdan tashqaridagi yirik neft yo‘llari ham xavf ostida.