Jamiyat
Denov va Chiroqchi tumani hokimlari va ularning o‘rinbosarlari ishdan olinadi
Prezident Shavkat Mirziyoyev raisligida kambag‘allikni qisqartirish hamda aholi bandligini ta’minlash borasidagi ishlar sarhisobi va kelgusi yil uchun ustuvor vazifalar yuzasidan videoselektor yig‘ilishi boshlandi.
Kun tartibiga mahallalarda aholi daromadini oshirish, kambag‘allik va ishsizlikni qisqartirish bo‘yicha qilingan ishlar va 2026-yildagi vazifalar kiritilgan.
Davlat rahbari bu yo‘nalishda barcha zarur moliyaviy va tashkiliy masalalar hal qilib berilganini ta’kidladi.
Jumladan, pastda ishlarni to‘g‘ri tashkil qilish, mahallama-mahalla yurib, yangi tashabbuslarni topib, odamlar hayotini yaxshilashga mas’ul bo‘lgan viloyat, tuman hokimlari va ular xodimlarining moddiy va texnik imkoniyatlari tubdan yaxshilandi.
«Endi vazirlar, hokimlar, rahbarlar o‘ziga savol bersin: shuncha yaratilgan sharoitdan, imkoniyatdan qay darajada foydalanyapti? Nima natija qilyapti? Islohotlarimiz natijasi har bir oilaga, har bir xonadonga kirib boryaptimi? Odamlar buni qanday his qilyapti?
Bunday savollar ko‘p. Barcha rahbarlar tayyor tursin. Yil tugayapti, bugun natijalarni tahlil qilib, ayrimlarga nisbatan xulosa qilaman», – dedi Prezidentimiz.
Ta’kdlanishicha, joriy yil boshidan ishsizlik 4,9 foizga tushdi (o‘tgan yili 5,5 foiz bo‘lgan).
Ayniqsa, Buxoro, Kogon, Navoiy, Zarafshon, G‘ozg‘on, Samarqand, Shirin shaharlarida ishsizlik 4 foizdan pasayib, ilk bor «tabiiy ishsizlik» darajasiga yaqinlashdi.
Ehtiyojmand 302 ming oila kambag‘allikdan chiqdi. Yil yakunigacha kambag‘allik darajasi 6 foizgacha kamayishi kutilmoqda (o‘tgan yili 8,9 foiz bo‘lgan).
Sharoiti og‘ir bo‘lgan Xovos, Mirzaobod, Oqoltin, Do‘stlik, Paxtakor, Forish, Bo‘ston, Vobkent, Mirishkor, Mingbuloq, Uzun va Piskentda kambag‘al oilalar soni 4,5 barobargacha kamaydi.
Ilgari qiyin ahvolda bo‘lgan 105 ming oila daromad ko‘rishni boshladi, kambag‘al oilalarning o‘rtacha daromadi yil boshiga nisbatan 2 barobarga oshdi.
Joriy yilda ilk bor 1 ming 435 ta mahalla «kambag‘allikdan xoli» hududga aylandi.
Davlatimiz rahbari Uzun tumanini namunaviy hududlardan biri sifatida qayd etdi. 51 ta mahallasi bo‘lgan tumanga joriy yil kambag‘allikni qisqartirish va bandlik dasturlari doirasida 160 milliard so‘m mablag‘ berilgan.
Tumanga 70 million dollar xorijiy investitsiya olib kelindi, 47 ta korxona ishga tushirildi, 300 ta servis obektida 1 ming nafar odam ishli bo‘ldi, 9 ta mahalla uzumchilikka ixtisoslashtirilib, tadbirkor bilan aholi o‘rtasida kooperatsiya yo‘lga qo‘yildi, 2 mingdan ziyod mikroloyihada 4 ming 200 nafar odam daromadli bo‘ldi.
Shularning hisobiga Uzun tumanida yil boshidan kambag‘allik darajasi 10,5 foizdan 3 foizgacha kamaydi.
Shu bilan birga, Uzun tumaniga nisbatan 4,5 barobar ko‘p mablag‘ olgan Denov tumani hokimligi ishlarni o‘z holiga tashlab qo‘ygani ko‘rsatib o‘tildi. Kambag‘al oilalar reyestriga kirganidan buyon 1200 ta oila daromadida o‘zgarish bo‘lmagan.
Yoki Chiroqchi tumaniga joriy yil mahallada tadbirkorlikni rivojlantirish uchun kreditga 309 milliard so‘m resurs berilgan. Lekin tuman hokimligi shuncha resursi bilan ham odamlarga imkoniyatiga yarasha tayyor loyiha bermagan.
Shu bois, Denov tumani hokimi I.Abrorov, uning birinchi o‘rinbosari Sh.To‘raqulov, Chiroqchi tumani hokimi F.Yusupov, uning birinchi o‘rinbosari Z.Ergashev ishdan olinishi belgilandi.
Qashqadaryo viloyati hokimiga yangi o‘rinbosarlar tayinlandi.
Muratov Shuhrat Kaxarovich — Qashqadaryo viloyati hokimi o‘rinbosari – viloyat investitsiyalar, sanoat va savdo boshqarmasi boshlig‘i lavozimiga tayinlandi.
Shuhrat Muratov 1978-yilda Qarshi shahrida tug‘ilgan. Qarshi davlat universitetini tamomlagan.
Tayinlovga qadar u Qarshi shahridagi «Alp Texno Servis» xususiy korxonasi rahbari sifatida faoliyat yuritgan.
Amanov Oybek Anvarovich — Qashqadaryo viloyati hokimining cho‘l hududlari va agrar sohaga investitsiyalarni jalb qilish bo‘yicha o‘rinbosari lavozimiga tayinlandi.
Oybek Amanov 1984-yil Dehqonobod tumanida tug‘ilgan. U Toshkent davlat agrar universitetini tamomlagan.
U tayinlovga qadar Qishloq xo‘jaligida bilim va innovatsiyalar milliy markazi direktori o‘rinbosari lavozimida faoliyat yuritib kelayotgan edi.
Davlat xavfsizlik xizmati hamda Bosh prokuratura huzuridagi Departament xodimlari tomonidan o‘tkazilgan tezkor tadbirlarda Andijon viloyatidagi bir nechta korrupsion holatlar fosh etildi. Tergovga qadar tekshiruvlarda davlat mulki, elektr ta’minoti va yer ajratish jarayonlarida mansab vakolatini suiiste’mol qilish holatlari aniqlangan.
Dastlabki holatda Davlat aktivlarini boshqarish agentligining hududiy boshqarmasi bosh mutaxassisi tadbirkor bilan bog‘liq sud ishini uning foydasiga hal qilib berishni va’da qilgan. U Izboskan tumanidagi davlat mulki obyekti bo‘yicha tuzilgan shartnomani bekor qilmaslik evaziga 15 ming dollar talab qilgan.
Tezkor tadbir davomida mansabdor so‘ralgan mablag‘ni uchinchi shaxs orqali olgan vaqtida ushlangan. Holat yuzasidan jinoyat ishi qo‘zg‘atilib, tergov harakatlari boshlangan.
Yana bir holatda «Hududiy elektr tarmoqlari» AJning Andijon hududiy filiali muhandisi tadbirkordan 15 ming dollar talab qilgani ma’lum bo‘ldi. U sholi quritish sexida elektrdan noqonuniy foydalanilgani haqidagi dalolatnoma bo‘yicha hisoblangan 650 mln so‘m zararni kamaytirib berishni va’da qilgan.
Muhandis 10 ming dollar olgan vaqtida qo‘lga olingan. Tergov organlari ushbu mablag‘ pora sifatida talab qilinganini ta’kidlamoqda.
Boshqa epizodda esa tuman kadastr bo‘limi boshlig‘i fuqaroga uy-joy va dehqon xo‘jaligi uchun yer ajratib berish evaziga 3 ming dollar olgani aniqlangan. Shuningdek, u yer ajratilgani haqida soxta hujjat rasmiylashtirgani ma’lum qilindi.
Ma’lum bo‘lishicha, joriy yil boshida o‘tkazilgan xatlov jarayonida mazkur yer maydoni noqonuniy ajratilgani fosh etilgan. Natijada fuqaroga nisbatan 82 mln so‘m jarima qo‘llangan.
Kadastr mansabdori olgan pulni uchinchi shaxs orqali qaytarishga uringan vaqtida fosh etilgan. Hozirda barcha holatlar bo‘yicha jinoyat ishlari qo‘zg‘atilib, tergov harakatlari olib borilmoqda.
Davlat xavfsizlik xizmati fuqarolarni shu kabi korrupsion holatlar haqida 1520 qisqa raqami orqali xabar berishga chaqirdi.
Haydovchi 8 o‘rindiqli transport vositasida 58 bolani bog‘chaga tashigan.
Andijon viloyati, Izboskan tumanida 58 nafar bolani 8 o‘rindiqli mikroavtobusda olib ketayotgan haydovchi ushlandi. Unga nisbatan ma’muriy bayonnoma rasmiylashtirildi.
Ma’lum bo‘lishicha, 6 may kuni O‘rta qishloq mahallasida haydovchi Q.Z. King Long rusumli mikroavtobusda «Xadichabegim» davlat-xususiy sheriklik asosidagi ta’lim muassasasining 58 nafar tarbiyalanuvchisini olib ketayotgan vaqtda to‘xtatilgan.
Holat yuzasidan haydovchiga nisbatan Yo‘l harakati qoidalarining «Odam tashish» talablarini buzgani uchun Ma’muriy javobgarlik to‘g‘risidagi kodeks asosida bayonnoma tuzilgan. Shuningdek, haydovchi va ta’lim muassasasi rahbariyati bilan profilaktik suhbat o‘tkazilgan.
Bugun, 7-may kuni Jizzax viloyati hokimligida o‘tkazilgan yig‘ilishda tashkiliy masala ko‘rib chiqildi.
Unda, jumladan, Xudayshukurov Dilmurod Xolmurodovich – Jizzax viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlandi.
Tayinlovga qadar Jizzax viloyati hokimligi Tashkiliy-kadrlar guruhi rahbari lavozimida faoliyat yuritib kelgan.
Jizzax viloyati hokimiga yangi o‘rinbosar tayinlandi.
Jizzax viloyati hokimligida o‘tkazilgan yig‘ilishda tashkiliy masala ko‘rildi.
Xudayshukurov Dilmurod Xolmurodovich – Jizzax viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlandi.
Tayinlovga qadar Jizzax viloyati hokimligi Tashkiliy-kadrlar guruhi rahbari lavozimida faoliyat yuritib kelgan.
Prezident «Matonat madhiyasi» yodgorligi poyiga gulchambar qo‘ydi
Prezident Ikkinchi jahon urushi qatnashchilaridan xabar oldi
Qashqadaryo viloyati hokimiga o‘rinbosarlar tayinlandi
-
Dunyodan4 days ago
Hormuz boʻgʻozida qolib ketgan xorijlik kema chiqarib yuboriladi
-
Jamiyat4 days ago
Prezident Buyuk Britaniyaning ikki marhum fuqarosini mukofotladi
-
Jamiyat4 days agoChustda qalbaki dollar sotuvchilari qo‘lga tushdi
-
Dunyodan3 days agoXitoyda pirotexnika zavodining portlashi oqibatida 26 kishi halok bo‘ldi
-
Dunyodan5 days ago
Qozog‘istonda “oltin viza” joriy etildi.
-
Dunyodan3 days agoTahlilchilar neft haqida xavotirli ma’lumotlarni e’lon qilishdi
-
Dunyodan4 days ago
Amirliklar neft eksport qiluvchi arab davlatlari tashkilotini tark etadi
-
Siyosat5 days ago
O‘zbekiston OTBning «Osiyo uchun raqamli magistral» tashabbusiga qo‘shiladi