Jamiyat
davlat bog‘chasida bir oilaning ikki farzandi ham zo‘ravonlikka uchragani aytilmoqda
Tahririyatga murojaat qilgan onaning iddaosiga ko‘ra, Olmazor tumanidagi davlat bog‘chasida egizak farzandlaridan biri og‘ir ahvolda komaga tushgan, ikkinchisi esa ko‘ziga jarohat yetgan holda uyga qaytgan. Vaziyatga oydinlik kiritishi mumkin bo‘lgan kamera yozuvlari esa har ikki holatda ham taqdim etilmagan.
Rayyan kids xususiy bog‘chasidagi bolalarga nisbatan zo‘ravonliklar jamoatchilikni larzaga soldi. Ammo tahririyatga murojaat qilgan ona bunday xavotirlar faqat xususiy bog‘chalar bilan cheklanmasligini aytmoqda. Uning so‘zlariga ko‘ra, davlat bog‘chasida egizak farzandlaridan biri komaga tushgan, ikkinchisi esa ko‘kargan ko‘ziga pudra surtilgan holda uyga qaytgan. Har ikki holatda ham voqeaga oydinlik kiritishi mumkin bo‘lgan kamera yozuvlari taqdim etilmagan.
Bog‘chaga sog‘lom ketgan bola komaga tushdi
Shahnoza Qurbonovaning egizak farzandlari Olmazor tumanidagi 201-sonli davlat maktabgacha ta’lim tashkilotiga boradi.
“Bog‘cha opasi telefon qilib kelayotganimni so‘rab, “Umar yaxshimidi, negadir mazasi bo‘lmayapti, og‘irlashib qoldi”, dedi. Yaxshiligini aytib, nima bo‘lganini so‘radim. Yonida ovozlar eshitilyapti: “Bolaning yuragi to‘xtab qolyapti, nafas beringlar” deb baqir-chaqir bo‘lib ketdi. Menga yana boshqa bog‘cha opa chiqib baqiryapti “qanaqa onasanlar, kasal bolangni uyda qarasang bo‘lmaydimi? Nogiron bolalaringniyam bog‘chaga berasanlar”, deb. Bu menga yomon ta’sir qildi. Bir tomonda bolamning o‘layotganini eshitib turibman. Bolam kasal emasdi, tushunmay shok holatda qoldim. Tez yordam chaqirib turinglar desam “bog‘chamizning obro‘yiga to‘g‘ri kelmaydi. Bizga gap tegadi, chunki bolang bog‘cha yoshida emas deb telefonni o‘chirishdi. Kelsam bolamni bog‘chadan olib chiqib, ro‘paradagi xonadonga olib kirishgan. Bolam bitta nuqtaga qarab gapirmayapti. O‘lib qoldi deb o‘yladim. Odeyalga o‘rab qo‘yishgan. Menga suv berishdi, bog‘cha opa tinimsiz mendan kechirim so‘rayapti.
Bolam shifoxonada uch kun komada yotdi, 10 kun jonlantirish bo‘limida yotdik. Juda og‘ir ahvolga tushib qoldi, hozirgi kunda bolamning nutqiga ta’sir qilgan bu narsa. Yaxshi gapira olmaydi. Ko‘zini juda ko‘p pirpiratadi. U holatda nima bo‘lganini bilmaymiz, lekin shifokorlar bola sog‘lom, shok holatida, yurak yorilish darajasiga yetib kelgan deb tashxis qo‘yishdi. Bolani yoki qattiq qo‘rqitishgan, yoki qattiq yiqitishgan, yoki qattiq baqirishgan deyishdi”.
Darhaqiqat, Kun.uz’ga taqdim etilgan shifokor xulosalarida bolaning ahvoli juda og‘ir bo‘lgani aytilgan, lekin ikkala tomon uchun ham oydinlik kiritishi mumkin bo‘lgan kamera yozuvlari o‘chirib yuborilgan. Holat yuzasidan ona hech qayerga shikoyat qilmagan.
Bolaning ko‘ziga ayollar “tonalniy” pudrasi surtilgan
Shahnoza Qurbonovaning aytishicha, oradan ko‘p o‘tmay ikkinchi farzandi ham jarohat bilan uyga qaytgan.
“12 may kuni egizaklarimning kichkinasi sog‘lom holda bog‘chaga ketdi. 18:00 larda uyga kelganda bitta ko‘zi shishib ketgan, ochilmayapti, ovozi chiqmayapti, gapira olmayapti. Nima bo‘lganini so‘rasam zo‘rg‘a “bog‘cha opam urdi”, dedi. Shifokorga olib borsak, bolaga katta inson tarafidan yaxshigina zarba bo‘lganini aytdi. Chunki qovoqlari bilan shishib ketgandi. Ko‘zini ichini ko‘raman deb yaxshiroq ochsam, bolani ko‘ziga ayollar “tonalniy” pudrasi surtilgan.
Ular qilar ishni qilishyapti, har doimgiday kamera yozuvlari yo‘q. Doim bola jarohatlansa, kamera yozuvlari bo‘lmaydi. Bu 6- yoki 7- holat bo‘ldi bizda. O‘rtada tirnog‘i uzilib chiqdi bir marta, “eshikka siqib oldi, uzr”, deyishdi. Bog‘chaga borib baqir-chaqir qilib yomon ko‘rinmay dedim, bolalarim shu bog‘chaga o‘rgandi deb ko‘p joyda yuz-xotir qilganman. Chunki o‘sha hududda yashaymiz, bog‘cha yonimizda. Ertaga “onasi shallaqi”, degan gapni olmaslik uchun yuz-xotir qilib keldim”.
Shu holatdan keyin ona kamera yozuvlari talab qilgan, biroq o‘sha paytda bog‘chada “svet” o‘chganligini aytib yozuvni berishmagan. Ammo tuman elektr tarmoqlari bu paytda hududda elektr uzilishlar bo‘lmaganini aytgan.
Mazkur holat yuzasidan Olmazor tuman maktabgacha va maktab ta’limi bo‘limi tomonidan tarbiyachiga intizomiy jazo qo‘llangan. Maktabgacha va maktab ta’limi vazirligi ham muassasa faoliyati o‘rganilganini va onaning vajlari qisman o‘z tasdig‘ini topganligini ma’lum qilgan.
“Bolangiz tirikligiga shukur qiling”
Onaning aytishicha, u vaziyat yuzasidan bir qator davlat idoralariga murojaat qilgan.
“Boshimga tushib, ko‘p joyga yugurdim: Ta’lim vazirligi, RAYONO, guno, ko‘p joylarga bordim. Yaxshi ishlaydigan odamlar ham bordir, lekin ko‘p joyda tanish-bilish rol o‘ynarkan. Ona sifatida bordim, hech kim eshitmadi. “Bolam komaga tushdi, kaltaklanib chiqdi, kamera yozuvlarini berishmayapti” desam, RAYONOdagi xodim bolam tirikligiga shukur qilishim kerakligini aytyapti. Qachongacha bog‘chalarda bu holat davom etadi, bola o‘lsa keyin chora ko‘riladimi?
Biz bog‘chaga bolamizni majburlikdan beramiz, men majburlikdan berganman: ishlaganim uchun, uyda qaraydigan odamim yo‘qligi uchun. Hech kim bekorchilikdan bermaydi. Ota-onalar kamerani ko‘rib nazorat qilib turishlarini xohlardim. Bolamizning nima bo‘lganini bilishimiz uchun, kerak bo‘lganda shunga qarab davolatish uchun”.
Oxirgi yillarda davlat bog‘chalarida videokuzatuv tizimlari bosqichma-bosqich joriy etildi. Ammo bola jarohat olganida aynan shu tizimlar haqiqatni aniqlash vositasiga aylanishi kerak bo‘lgan bir paytda, ota-onalar ko‘p hollarda yozuvlarni ololmayotganini aytmoqda. Xo‘sh, agar kameralar voqeani yoritib bermasa, ularning mavjudligidan maqsad nima?
O‘zbekistonda minglab ota-onalar farzandlarini har kuni bog‘chaga ishonch bilan topshiradi. Ular bolalari bog‘chada xavfsiz bo‘lishini xohlaydi.
Eslatib o‘tamiz, maktab va bog‘chalarda bolalarga zo‘ravonlik qilgan tarbiyachi-pedagoglar 1 yilgacha bu muassasalarda ishlashdan mahrum qilinadi. Mazkur qonun Senatda tasdiqlandi.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport4 days ago
EChL 2026/2027. Umumiy guruh bosqichi taqvimi e’lon qilindi
-
Jamiyat3 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Siyosat5 days ago
Prezidentning Mustaqillik bayrami tabrigidan o‘rin olgan asosiy fikrlari
-
Sport3 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Siyosat1 day ago
Шавкат Мирзиёев Бишкекда кутиб олинди
-
Jamiyat3 days ago
Qonunchilikdagi noaniqliklar tadbirkor foydasiga talqin qilinadi
-
Siyosat3 days ago
Pokiston bosh vaziri bilan uchrashuv o‘tkazildi
-
Mahalliy18 hours ago
«Enamdan qolgan dalalar» (Esse)