Jamiyat
Buxoro markazidagi festivalda 15 mingdan oshiq yoshlar to‘plandi (foto)
Buxoroda «Yangi O‘zbekiston yoshlari, birlashaylik!» shiori ostida yoshlar festivali o‘tkazildi. Viloyatning Eski shahar qismidagi «Poyi Kalon» majmuasi, «Shahriston» maydoni, «Ark» qo‘rg‘oni atrofida tashkil etilgan loyiha, ko‘rgazma va dasturlarlar doirasida 15 mingdan ziyod yoshlar ishtiroki ta’minlandi.
Garchi, bir qarashda, yoshlar tashkilotlari tomonidan ilgarigi yillarda o‘tkazilgan yirik loyiha va tadbirlar oldida bugungi festivallar arzimas bo‘lib tuyulsa-da, yoshlar erishgan va erishayotgan yutuqlar salmog‘i yuz yilliklarga tenglashib bormoqda. Ilm-fan, madaniyat, san’at va sport sohalaridagi o‘zgarishlar, ayniqsa, zamonaviy texnologiya va ITning rivoji yanada barqarorlashdi.
Festival yoshlarda birlik, hamjihatlik, ijodkorlik, bilimga chanqoqlik kabi fazilatlarni mustahkamlashga xizmat qilib, ularning faol hayot pozitsiyasini shakllantirishga zamin yarata oldi. Texnologik loyihalarga ixtisoslashgan maxsus loyiha «IT-School»da ishtirok etgan yigit-qizlar yuqori tezlikdagi internet tarmog‘iga ulangan zamonaviy kompyuterlardan foydalangan holda, veb-dizaynlar hamda yangi saytlar yaratish, «twitter»da muloqot qilish, 5D texnologiyalar asoslari haqida bilimlar olishga muvaffaq bo‘lishdi. Tajribali trenerlar tomonidan o‘tkazilgan qiziqarli trening ishtirokchilarni texnologiyalarning yangicha olami sari chorladi.
Keraklilik – baxt
Festivalning muhim jihati — Buxoro viloyati yoshlar ishlari boshqarmasi hamda Ijtimoiy himoya milliy agentligi hamkorligida maxsus maktab-internatlari o‘quvchilari tomonidan tayyorlangan mahsulotlar ko‘rgazmasi bo‘ldi.
Unda nogironligi bo‘lgan yoshlar tomonidan yaratilgan turli hunarmandchilik buyumlari, qo‘l mehnati mahsulotlari keng jamoatchilik e’tiboriga havola qilindi va savdoga qo‘yildi. Bu esa, nogironligi bo‘lgan yoshlarga jamiyat e’tiborini qaratishda muhim qadam bo‘ldi. Ayniqsa, xorijlik sayyohlar ushbu mahsulotlarning asosiy xaridoriga aylanishdi.
«Men adashmayman: Buxoro – O‘zbekistonning yuragi. Bundan 11 yil ilgari Buxoroga kelganman. O‘shanda internet masalasida muammo yuzaga kelganda, mahalliy yoshlarga so‘rovim ochiq qolgan. Deyarli, internetga qiziqishmasliklari, zamonaviy texnologiyalardan xabarsiz ekanini bildirishgan. Bugun qadim go‘sha Buxoroyi sharifga sayohatimiz yoshlar festivali bilan uyg‘unlashib ketdi. Yoshlarning internet, balki zamonaviy texnologiya va IT sohasida ilgarilab ketishgani meni hayratlarda qoldirdi. Ayniqsa, robototexnika shu qadar rivojlanib ketibdiki, yoshlar tomonidan yaratilgan bunday texnologik uskunalardan bemalol oilaviy uy sharoitida, ko‘chada va hatto, ishda ham foydalanish imkoni bor. Jismoniy nuqsoni bor yoshlar tomonidan tayyorlangan mahsulotlarning savdo ko‘rgazmasi tashkil etilgani yanada qoyil qoldirdi. Xarid qildik. Bolalar ko‘zidagi quvonchni aytmaysizmi? Bevosita shu festival ishtirokchisiga aylandik-qoldik. Mana, bizga hatto, yoshlar tashkilotlari belgisi tushirilgan futbolka va kepkalar berishdi»,-dedi germaniyalik sayyoh P’eer Veeldon.
Fransiyaning Nant shahridan tashrif buyurgan sayyoh Send Benedikt esa «Biz ham O‘zbekistonni sevamiz!»-dedi.
Ayonki, O‘zbek xalqi — saxovatpesha, oqibatli xalq. Barcha insonlarga mehr-muruvvat ko‘rsatadi, yetimlarning boshini silaydi, jismoniy nuqsoni borlarni qo‘llab-quvvatlaydi. Xalqimizga xos ana shu odatlar yoshlar festivalida ham o‘zligini namoyish etdi. Nogironligi bo‘lgan yoshlarning, hunarmandchilik yo‘nalishidagi mahsulotlari ko‘rgazmasi ham tashkil etildi.
«Qator yillar davomida men va men kabi yoshlar bunday yirik festivallarga bu qadar ommaviy ravishda jalb etilmaganmiz. Bunday paytlarda o‘zimizni kamsitilgandek sezib kelganimizni ham yashirmaymiz. Bugun esa sport musobaqalaridan tortib, san’atgacha, «Zakovat» bellashuvlaridan tortib, zamonaviy IT sohasigacha ishtirokimiz ta’minlandi. Keraklilik – baxt ekan. Men shu baxtning bir bo‘lagiman!»-dedi Buxoro shahridagi 24-sonli ko‘rish bo‘yicha imkoniyati cheklangan bolalar uchun ixtisoslashtirilgan davlat ta’lim muassasasi o‘quvchisi.
Yoshlar muammolarini hal qilish – rahbar burchi
Festival o‘z loyihalari davomida «Vatan himoyasi – yuksak mas’uliyat» tushunchasini targ‘ib qila oldi. Yoshlarni harbiy vatanparvarlik ruhida tarbiyalashga qaratilgan tadbirlar Buxoro shahrida joylashgan harbiy qismlarda ham tashkil etildi. Uchrashuvlar va davra suhbatlari yoshlarning harbiy sohaga bo‘lgan qiziqishini oshirdi. Harbiy xizmatchilar, harbiy bilim yurti kursantlari bilan uchrashuvlar shular jumlasidandir.
«2025-o‘quv yilidan boshlab maktabning yuqori sinfidaman. To‘g‘risi, quyi sinfimning ketma-ket ikki yilida VEN nazoratida turganman, yashirmayman. Ota-onam yuqori sinfimni ham «VEN»da kechishidan yuragini hovuchlab turadi. Bir kuni sinfimizga Buxoro viloyati yoshlar ishlari boshqarmasi boshlig‘i keldi. Mendan: «Sening nima muammoing bor!» deb so‘radi. Men: «Harbiy bo‘lmoqchiman. Ammo, muammo – mening bezoriligimda!»-dedim. Gapimga hamma kuldi. Men va yoshlar tashkiloti boshlig‘igina kulmadik. «Sen, albatta, harbiy bo‘lasan! Men seni bir kuni harbiy qismga yetaklab boraman!»-dedi-da, chiqib ketdi. Shu bilan ikki-uch oy ko‘rinmadi. Kuni kecha tong saharlab shu kishi maktabda yozgi ta’til boshlangani uchun uyimizga kelibdi. «Senga bergan va’dam bor. Seni hozir bir yoqqa olib boraman, bu senga harbiy bo‘lishing uchun poydevor bo‘ladi»,-dedi-da meni o‘zi bilan ergashtirib ketdi. Borgan manzilimiz harbiy qism ekan. Bilasizmi, yuragim shunaqa urib ketdiki… harbiy qism ostonasidan kiriboq, Vatanga, yurtga bo‘lgan tuyg‘ularim oshdi. Harbiy kiyim kiydirishganida esa ko‘zlarim yoshga to‘ldi. Harbiy qurol-yarog‘, texnika vositalari bilan mashq qildirishdi. Kursandlar bilan suhbatda bo‘ldim. Men, albatta, harbiy bo‘laman va o‘zgaraman, deya o‘z-o‘zimga qaror qildim. Meni jasoratga, dadillikka chorlagan yoshlar tashkilotidan minnatdorman»,-dedi Buxoro shahridagi N-sonli maktab o‘quvchisi Ibodjon Rahimov.
Festival doirasida tashkil etilgan loyihalar ma’naviy jihatdan erkin va ozod bo‘lgan yoshlarning hayot irodasini mustahkamlashda, e’tiqodini yuksaltirishda, jamiyat ravnaqi uchun orzu-umid qilishdan charchamaslikka va o‘z maqsadlarini amalga oshirishda ularga kuch bag‘ishladi. Turli yo‘nalishlarda o‘z imkoniyatlarini sinovdan o‘tkazgan yoshlar o‘z intellektual qobiliyatlari, tashabbuskorlik layoqatlarini kashf etishdi.
Yoshlar va mutasaddi rahbarlar ishtirokida tashkil etilgan uchrashuvlar yoshlarning bo‘sh vaqtlarini mazmunli o‘tkazishlarini ta’minlash va ularni qiynayotgan ayrim muammolarga e’tibor qaratildi. Yuzma-yuz uchrashuvlarda yetakchilar faoliyatida erishilgan yutuqlar barobarida mavjud kamchiliklar borligi, ularni bartaraf etish vaqti allaqachon yetgani xususida so‘z bordi.
«Yurtimiz egalari bo‘lgan yoshlarni har jihatdan qo‘llab-quvvatlash, ularni qiynayotgan va tashvishlantirayotgan masalalarga quloq tutish, asosiysi, yoshlar muammolarini hal qilishga kirishish, e’tibor ko‘rsatish – har bir mutasaddi rahbarning burchi. Shu burch har bir lavozim egasi zimmasiga mas’uliyat bo‘lib yuklanganki, bunga panja ortidan qarash – yurt kelajagiga bolta urish bilan barobar»,-dedi Buxoro viloyati yoshlar ishlari boshqarmasi boshlig‘i Shavkat Rahmonov o‘z so‘zida.
Uchrashuvda arzimas sabablar bilan ajralish ostonasida turgan yosh oilalarni yarashtirish, turli xorij davlatlariga ish izlab ketayotgan yoshlarda til o‘rganish darajasini oshirish, muomala madaniyatini rivojlantirish, yot g‘oyalar ta’siriga tushib qolmasligi uchun mehnat muhofazasini kuchaytirish zarurligi borasida munozaralar bo‘ldi.
Festival loyihalarining turli yo‘nalishlarida g‘olib bo‘lganlar diplom va esdalik sovg‘alari bilan taqdirlanishdi. Buxoro viloyati hokimi Botir Zaripov yoshlarga omadlar tiladi va turli sohalarda erishayotgan yutuqlariga alohida to‘xtaldi.
«Bugun ertamiz egalari qaysi sohada bo‘lmasin, o‘z o‘rniga ega. Ular o‘z sohalari rivojiga salmoqli hissa qo‘shmoqda. Qolaversa, viloyat iqtisodiyotini harakatga keltiruvchi kuchga aylanmoqda. Buxorolik yoshlar bugun ilm-fanda ilg‘or, zamonaviy fikr, kreativ tashabbuslarga ega. Yoshlarimiz kichik biznesdan tortib yirik investitsion loyihalarni ham amalga oshirish qodir!» – dedi Botir Zaripov.
Hozir o‘zini o‘zi band qilgan fuqarolar ixtiyoriy ravishda soliq to‘lamoqda. Keyinchalik bu majburiy bo‘lishi mumkin.
O‘zini o‘zi band qilgan shaxslarga ijtimoiy soliq to‘lashni majburiy qilish rejalashtirilmoqda. Bu haqda Iqtisodiyot va moliya vaziri o‘rinbosari Otabek Fozilkarimov «O‘zbekiston 24» telekanaliga bergan intervyusida ma’lum qildi.
«Hozir 2,8 million nafar o‘zini o‘zi band qilgan fuqarodan 800 mingga yaqini ixtiyoriy ravishda soliq to‘laydi. Pensiya jamg‘armasiga bazaviy hisoblash miqdorida (412 ming so‘m) to‘lov qilsa, ularga bir yillik ish staji avtomatik hisoblanadi. Mana shuni rag‘batlantirish maqsadida majburiy tartibda belgilash tizimini joriy qilmoqchimiz», dedi u.
Unga ko‘ra, fuqarolarning to‘lagan pullaridan Ijtimoiy sug‘urta jamg‘armasiga ajratmalar joriy qilinadi. Yangi tizimda kelgusida bola parvarishi yoki kasallik sabab nafaqa ta’tiliga chiqqanlarga nafaqa olish imkoniyati yaratiladi.
«Davlat rahbari shu bo‘yicha alohida topshiriqlar berdi, takliflarimizni ma’qulladi», dedi vazirlik rasmiysi.
Ta’kidlanishicha, hozir Pensiya jamg‘armasidan moliyalashtiradigan pensionerlar soni 4,3 milliondan oshgan. Ularga 2026 yilda jami 86 trillion so‘m to‘lash belgilangan. Bu jon boshiga oyiga o‘rtacha 1,66 million so‘mdan to‘g‘ri keladi.
Poytaxtda avtobus bekatlari buzilib, o‘rniga yangi tipdagilari o‘rnatilmoqda. Yangi bekatlar qishning sovuq, yozning jazirama kunlarida yo‘lovchilarga nima bera oladi? Soyasi yetmaganidan quyoshdan pana izlab o‘zini har yonga urayotgan odamlar bu yangilik haqida qanday fikrda? Kun.uz odamlarga mikrofon tutdi.
Toshkent shahrida jamoat transporti infratuzilmasini yaxshilash maqsadida boshlangan avtobus bekatlarini modernizatsiya qilish ishlari davom etmoqda. Poytaxt hokimligiga ko‘ra, hozirga qadar 1000 dan ortiq bekat yangilangan.
Joriy yil mart oyi boshida Toshkent shahar hokimi barcha bekatlarni yagona standart asosida bosqichma-bosqich modernizatsiya qilish to‘g‘risidagi qarorni imzolagan edi. Hujjatga ko‘ra, poytaxtdagi jami 2717 ta bekatdan 1185 tasi yangilanishi, shuningdek, ulardagi noqonuniy savdo shoxobchalari olib tashlanishi belgilangan.
Loyiha Yo‘l harakatini tashkil etish markazi (YHTeM) tomonidan muvofiqlashtirilib, davlat-xususiy sheriklik mexanizmi asosida amalga oshirilmoqda. Rasmiylarning ta’kidlashicha, yangi bekatlar platformalari tekis va to‘siqsiz bo‘lib, imkoniyati cheklangan fuqarolar uchun ham moslashtiriladi. Shahar bo‘ylab kunlik yo‘lovchilar oqimi hozirda 1,4 million kishini tashkil etmoqda va yil yakuniga qadar bu ko‘rsatkichni 2 million kishiga yetkazish rejalashtirilgan. Bu esa bekatlarning sig‘imi va qulayligiga bo‘lgan talabni yanada oshirmoqda.
Rasmiy ma’lumotlar ortida qanday amaliy holat mavjudligini aniqlash maqsadida Kun.uz muxbiri bir nechta bekatda bo‘lib, yo‘lovchilar fikri bilan qiziqdi.
So‘rovnoma davomida respondentlarning aksariyati yangi bekatlarning “ochiq” va “yupqa” konstruksiyaga ega ekanidan shikoyat qildi. Shuningdek, bekatlarning quyosh, yomg‘ir va boshqa noqulay ob-havo sharoitlaridan yetarli darajada himoya qila olmasligi asosiy muammolardan biri sifatida qayd etildi. Aksariyat yo‘lovchilar bekatlar zamonaviy dizaynga ega bo‘lsa-da, amaliy foydalanish nuqtayi nazaridan yetarlicha qulay emasligini ta’kidladilar. Ayniqsa, yoz oylaridagi yuqori harorat sharoitida soyabon maydonining kichikligi yo‘lovchilarga noqulaylik tug‘dirayotgani ta’kidlandi.
«Quyoshli kun, issiq kunlari quyoshni qop ketayotganligini sababli, sal kengaytirish ham kerak. Naves bo‘lsa yaxshi, odamlarga qulay bo‘ladi-da», — deya izohladi yo‘lovchilardan biri.
Yana bir respondent bekat konstruksiyasining amaliy jihatlariga e’tibor qaratib, shunday dedi:
«Bekatni orqa tarafiga o‘tib, avtobusni kutishga majbur bo‘lyapmiz. Bu ostanovkalar bittasi ham yaramas bo‘ladi, yomg‘ir-qorda odamlar hammasini urib tashlaydi».
So‘rovnoma ishtirokchilari tomonidan ko‘tarilgan yana bir muhim masala — bekatlarning raqamli axborot tizimlari bilan to‘liq jihozlanmaganidir. Xususan, GPS asosidagi real vaqt rejimida avtobuslarning harakatini ko‘rsatuvchi elektron monitorlarning yetishmasligi yo‘lovchilarda noaniqlikni yuzaga keltirib, kutish vaqtining ortishiga sabab bo‘lmoqda. Bu esa jamoat transportidan foydalanish qulayligiga salbiy ta’sir ko‘rsatmoqda.
«Bu yerda GPS yo‘q, bu yerda o‘zbekchilik, mana shu yo‘lga qarab, tomosha qilib o‘tirishadi».
Bekatlarda o‘rindiqlar sonining kamligi ham yo‘lovchilar tomonidan dolzarb muammo sifatida tilga olindi. Ayniqsa, yoshi katta fuqarolar, homilador ayollar hamda yosh bolalar bilan harakatlanayotgan yo‘lovchilar uzoq vaqt tik turishga majbur bo‘layotgani qayd etildi. Bu esa bekatlarning inklyuzivlik va qulaylik talablariga to‘liq javob bermayotganini ko‘rsatadi.
«Skameykalar ham ko‘paytirish kerak, chunki bu yerda yoshi katta odamlar qiynaladi, ko‘p oyoqda qolib ketishadi».
Intervyular davomida ayrim bekatlarda sanitariya holati va tozalik masalalari ham ko‘tarildi. Respondentlarning ta’kidlashicha, chiqindi qutilarining o‘z vaqtida bo‘shatilmasligi hamda bekat hududining muntazam tozalanmasligi umumiy muhit sifatiga salbiy ta’sir ko‘rsatmoqda. Bu holat nafaqat estetik ko‘rinishni, balki yo‘lovchilarning jamoat transporti tizimi haqidagi umumiy taassurotini ham yomonlashtirmoqda.
«Birinchidan, hozir bu yerni ko‘rganda holi kayfiyat tushib ketadigan darajada. Musur idishlari yo‘lida qaralmagan, toza emas».
Qashqadaryo viloyatida tijorat banklari faoliyati bilan bog‘liq uchta firibgarlik va mablag‘larni o‘zlashtirish holati fosh etildi. Tergovga qadar tekshiruvlarda bank xodimi va sobiq mahalla agentlari fuqarolarni aldab, omonat va kredit mablag‘larini talon-toroj qilgani aniqlangan.
Bosh prokuratura huzuridagi Iqtisodiy jinoyatlarga qarshi kurashish departamentining Kitob tumani bo‘limi tomonidan o‘tkazilgan tekshiruvda tijorat banklaridan birining hududiy boshqarmasi yetakchi mutaxassisi D.Sh. fuqarolarga bankda yuqori foizli omonat mavjudligini aytib, ularning ishonchiga kirgani ma’lum bo‘ldi.
Tekshiruvlarga ko‘ra, u ikki nafar fuqarodan jami 19 ming AQSh dollari va 300 million so‘mni qabul qilib, mablag‘larni bankka omonat sifatida joylashtirmasdan, o‘zlashtirish yo‘li bilan talon-toroj qilgan.
Ko‘kdala tumanida aniqlangan holatda esa tijorat banklaridan birining Ko‘kdala bank xizmatlari markazi sobiq mahalla agenti A.B. yuqori lavozimda ishlovchi tanishlari orqali 60 million so‘m kredit ajratib berishni va’da qilib, fuqarodan 300 AQSh dollari va 1 million so‘m olgan.
Shuningdek, u ajratilgan 60 million so‘m kredit mablag‘ini ham o‘zlashtirgani aniqlangan. Tergov davomida mazkur mablag‘ hisobidan 2 million so‘m protsessual tartibda qaytarilgan.
Muborak tumanidagi holatda esa tijorat banklaridan birining filialida sobiq mahalla agenti bo‘lib ishlagan G.A. fuqaroning ishonchiga kirib, qalbaki hujjatlardan foydalangan holda uning nomiga 47 million so‘m miqdorida kredit rasmiylashtirib, mablag‘ni o‘zlashtirgan.
Tekshiruv jarayonida ushbu kredit mablag‘i bankka to‘liq qaytarilgan.
Har uchala holat yuzasidan Jinoyat kodeksining tegishli moddalari bilan jinoyat ishlari qo‘zg‘atilgan bo‘lib, hozirda tergov harakatlari davom etmoqda.
Toshkent viloyatidagi Chimyon tog‘ida sayr vaqtida yo‘ldan adashib qolgan to‘rt nafar fuqaro Favqulodda vaziyatlar vazirligi qutqaruvchilari tomonidan qidirib topilib, xavfsiz hududga olib chiqildi. Hodisa oqibatida hech kim tan jarohati olmagan.
Favqulodda vaziyatlar vazirligi ma’lum qilishicha, voqea yuzasidan xabar Toshkent viloyati Favqulodda vaziyatlar bosh boshqarmasiga 112 yagona dispetcherlik xizmati orqali kelib tushgan.
Murojaatga ko‘ra, to‘rt nafar fuqaro Chimyon tog‘iga sayrga chiqqan. Ortga qaytayotganda yo‘lni qisqartirish maqsadida asosiy marshrutdan chetga chiqqani sababli adashib qolgan va qutqaruvchilar yordamiga muhtoj bo‘lgan.
Xabar olinishi bilan Chimyon maxsus qutqaruv otryadi xodimlari zudlik bilan voqea joyiga yetib borib, qidiruv-qutqaruv ishlarini boshlagan. Natijada adashib qolgan fuqarolar topilib, xavfsiz hududga olib chiqilgan.
FVV ma’lumotiga ko‘ra, hodisa oqibatida fuqarolarning hech biri tan jarohati olmagan.
Vazirlik tog‘li hududlarga sayohat qiluvchilarga yo‘nalishni oldindan rejalashtirish, ob-havo sharoitini inobatga olish hamda belgilangan marshrutdan chetga chiqmaslikni tavsiya qildi.
O‘zbekistonda kuzatilayotgan anomal issiqlar munosabati bilan respublika bo‘ylab yashil hududlarni asrash va aholi uchun qulay muhit yaratishga qaratilgan chora-tadbirlar kuchaytirildi. Daraxt va butalar tong, kechqurun hamda tungi soatlarda sug‘orilmoqda, maxsus texnikalar yordamida esa ko‘chalar sovitilmoqda.
Foto: Ekologiya vazirligi
Ekologiya va iqlim o‘zgarishi milliy qo‘mitasi ma’lum qilishicha, respublika hududiga o‘ta issiq havo massalarining kirib kelishi va havo haroratining 44–46 darajagacha ko‘tarilishi munosabati bilan hududiy bosh boshqarmalar mahalliy hokimliklar bilan hamkorlikda kompleks tadbirlarni amalga oshirmoqda.
Mamlakatning barcha hududlarida daraxtlar, butalar va manzarali o‘simliklar namlikning bug‘lanishi eng kam bo‘ladigan tong, kechqurun va tungi vaqtlarda sug‘orilmoqda. Shuningdek, maxsus texnikalar yordamida shahar ko‘chalari va jamoat joylarini sovitish ishlari ham tashkil etilgan.
Buxoro viloyatida yashil hududlarni parvarishlash ishlari kuchaytirilib, favvoralar ishga tushirilgan. Markaziy ko‘chalar va yashil zonalar muntazam sug‘orilmoqda. Konimex tumanida esa havo haroratini pasaytirish hamda chang miqdorini kamaytirish maqsadida ko‘chalarga suv sepilmoqda.
Qashqadaryo viloyatida ekologiya xodimlari daraxt va butalarning qurib qolishining oldini olish maqsadida tungi sug‘orish ishlarini amalga oshirmoqda.
Xonobod va Andijon shaharlarida maxsus texnikalar yordamida ko‘chalar sovitilmoqda. Bu tadbirlar havo sifatini yaxshilash va chang ko‘tarilishining oldini olishga xizmat qilmoqda.
Surxondaryo viloyatida tasdiqlangan grafik asosida ko‘chalar, daraxtlar va yashil maydonlar sug‘orilmoqda. Termiz shahrida esa kunning eng issiq vaqtlarida aholiga yuqori harorat ta’sirini yumshatish maqsadida ko‘chalarga suv sepilmoqda. Shu bilan birga, viloyatning bir qator hududlarida maysazor va gulzorlarni uzluksiz suv bilan ta’minlaydigan zamonaviy sug‘orish tizimlari joriy etilgan.
Navoiy viloyatida daraxtlar, gulzorlar va boshqa yashil maydonlarni muntazam sug‘orish ishlari davom ettirilmoqda. Namangan viloyatida esa anomal issiq oqibatlarini yumshatish maqsadida shahar ko‘chalariga qo‘shimcha suv sepish va yashil hududlarni sug‘orish ishlari kuchaytirilgan.
Ekologiya va iqlim o‘zgarishi milliy qo‘mitasi fuqarolarni ham yashillikni asrashga hissa qo‘shishga chaqirib, jazirama kunlarda sug‘orilgan har bir daraxt mamlakat ekologik barqarorligi uchun muhim ahamiyatga ega ekanini ta’kidladi.
Markaziy bank huzurida Islomiy moliya kengashi tashkil etildi
O‘zini o‘zi band qilganlarga ijtimoiy soliq to‘lash majburiy bo‘lishi mumkin
Angliya va Argentina nega bir-birini yomon ko‘radi? Ashaddiy dushmanlik tarixi
-
Sport4 days agoIspaniya Belgiyani yengib, yarimfinalga chiqdi
-
Sport4 days agoAngliya-Norvegiya bahsi boshlanish vaqti kechiktirilishi mumkin
-
Sport3 days agoInfantino yana JCh ishtirokchilari sonini oshirish g‘oyasi haqida gapirdi
-
Jamiyat4 days agoBektemir tumanida «zakladchik»lar qo‘lga olindi
-
Jamiyat4 days agoDori narxini sun’iy oshirgan yuzlab dorixonalar aniqlandi
-
Jamiyat4 days agoJanubiy Koreya va AQShga noqonuniy migratsiya tashkil etmoqchi bo‘lganlar ushlandi
-
Iqtisodiyot4 days ago
17 mlrd so‘mdan ortiq davlat xaridlaridagi qonunbuzilishlar aniqlandi
-
Dunyodan4 days ago
Frantsiyada ko’pchilik qo’rqqan narsa yuz berdi.