Jamiyat
Bugun Xalqaro xayriya kuni: odamiylik sinovi
Har yili 5 sentyabr butun dunyoda Xalqaro xayriya kuni sifatida nishonlanadi. Bu sana bejiz tanlanmagan: u butun umrini muhtojlarga yordam berishga bag‘ishlagan buyuk inson – Tereza onaning vafoti kuniga to‘g‘ri keladi. Tereza ona 1979-yilda Tinchlik uchun Nobel mukofoti bilan taqdirlangan, uning qashshoqlikka qarshi kurash va insoniyat azob-uqubatlarini yengillashtirishdagi tinimsiz sa’y-harakatlari e’tirof etilgan.
Tereza onaning ushbu fikri endilikda shiorga aylangan: «Biz barcha uchun katta yaxshiliklar qila olmaymiz, ammo biz kichik ishlar orqali katta muhabbat ko‘rsata olamiz.»
Nega bu kun muhim?
Ushbu maxsus kunning maqsadi ijtimoiy mas’uliyat haqida xabardorlikni oshirish, xayriya tadbirlarini rag‘batlantirish va qashshoqlik, ochlik, ta’lim, farovonlik kabi muammolarni hal qilish uchun butun dunyo bo‘ylab jamoalarni birlashtirishdir. Bu kun, shuningdek, kichik ezgu harakatlar ham jamiyatga sezilarli ta’sir ko‘rsatishi mumkinligini eslatib turadi.
Xayriya bu faqat moddiy yordam emas. Inson o‘z vaqti, bilimi, mehri yoki tajribasini ham xayriya qilishi mumkin. Kelajakda bu kichik yordamlar katta amaliy ta’sir ko‘rsatadi. Masalan biror bolaga kitob sovg‘a qilish, keksalarning yukini yengillatish yoki uysiz hayvonga mehr ko‘rsatish ham chinakam xayriyadir.
Bu kun bizga nimalarni eslatadi?
Hammamizda berish mumkin bo‘lgan narsalarimiz bor. To‘g‘ri yordam kichik bo‘lishi mumkin, lekin uning ta’siri beqiyos. Loaqal bugun siz bir insonni yaxshi so‘zingiz bilan ham xursand qila olasiz. Bu kun bizga yanada mehrga saxiyroq bo‘lishimizni eslatadi. Qolaversa jamiyatning insoniy qiyofasi xayriya ishlari orqali ko‘rinadi.
Beshinchi sentyabrning ahamiyati nimada?
Xayriyani yilning har qanday kunida amalga oshirish mumkin. Ammo 5 sentyabrda uning ko‘lami odatdagidan ham kengroq bo‘ladi. Chunki 2012-yil BMT tomonidan 5 sentyabr Xalqaro xariya kuni deb rasman e’lon qilingani sabab, dunyodagi ko‘plab davlatlar, tashkilotlar va hatto biznes kompaniyalar ham maxsus aksiyalar, marafonlar va xayriya tadbirlari o‘tkazishadi. Shu kuni jamoatchilik e’tibori aynan saxovat va yordamga qaratilgani uchun xayriyaning ta’siri ham ko‘proq seziladi.
Dunyo va biz
Yevropada bu kunda marafonlar va aksiyalar o‘tkaziladi, AQShda esa ko‘ngillilar jamoaviy xayriya tadbirlariga chiqishadi. Bizda bu kun nishonlanmasa-da, lekin Ramazon va Qurbon hayitida har doimgidan ko‘proq odamlarga mehr-muruvvat ko‘rsatiladi, xayriya aksyailari tashkil qilinadi. Demak, bugungi kun ham bag‘rikengligimizni ifodalash uchun yana bir sabab bo‘la oladi.
Ta’sirchan voqealar
Birlashgan Millatlar Tashkilotining hisob-kitoblariga ko‘ra, global xayriyalar yiliga qariyb 2,7 trillion dollarni tashkil qiladi.
Masalan 2004 yilgi Indoneziya sunamidan keyin dunyo bo‘ylab milliardlab dollar yig‘ildi, yuz minglab ko‘ngillilar qurbonlar va tirik qolganlarga yordamga otlandi. Bu hamjihatlikning tarixda qolgan eng yirik misollaridan biri.
COVID-19 pandemiyasi davrida minglab insonlar ko‘ngilli sifatida shifoxonalarda ishladi, kimdir niqob tikib tarqatdi, kimdir oziq-ovqat yetkazib berdi. Bu davr odamiylikning haqiqiy sinovi bo‘ldi.
O‘zbekistonda esa 2020-yilgi Sardoba fojiasi paytida butun yurt aholisi bir tanu bir jon bo‘lib, xonadonlaridan ayrilganlarga uy-joy va oziq-ovqat yetkazib berishdi. Bu xalqimizdagi bag‘rikenglikning chin isboti edi.
Xayriyada yetakchi mamlakatlar
Dunyoda eng saxovatli mamlakatlar statistikasida yildan-yilga o‘zgarish bo‘ladi, ammo Jahon xayriya indeksi 2024-yil ma’lumotlariga ko‘ra: bir necha yildan buyon Indoneziya dunyoda eng ko‘p xayriya qiladigan davlat sifatida birinchi o‘rinni egallab kelmoqda. Myanma, Keniya, Singapur ham ko‘ngillilik va xayriya darajasi yuqori bo‘lgan mamlakatlar sifatida qayd etilgan. Yana AQSh, Avstraliya, Kanada eng ko‘p xayriya qiladigan mamlakatlar qatorida.
Qizig‘i shundaki, bu davlatlarning ba’zilari iqtisodiy jihatdan juda boy emas. Demak, xayriyaning asosi saxiylik, moddiy imkoniyat emas.
Siz qanday ishtirok etishingiz mumkin?
Masalan o‘qituvchi bo‘lsangiz o‘quv dargohlarida ushbu kunning ahamiyatini yoshlarga tushuntirishingiz mumkin. Xalqaro xayriya kunini nishonlash o‘quvchilar o‘rtasida hamdardlik, saxovat va birdamlik kabi asosiy qadriyatlarni singdirishga yordam beradi. Xayriya loyihalarida ishtirok etish orqali yoshlar ijtimoiy farovonlik, faol fuqarolik pozitsiyasi va ijobiy ta’sir ko‘rsatish muhimligini o‘rganadi. Xayriya mavzusi bo‘yicha insholar tanlovini o‘tkazish ham maqsadga muvofiq. Hafta davomida «tasodifiy xayrixohlik»ka qaratilgan sinf loyihalarini boshlang.
Mehribonlik uylari, boshpanalar, rak bilan kasal bo‘lgan bolalar xospislariga tashrif buyuring yoki farzandlaringiz bilan hayvonlarni parvarish qilish tashkilotlari uchun xayriya aksiyasini tashkil qiling.
Kam ta’minlanganlarni qo‘llab-quvvatlash uchun jamoat markazlarida, kutubxonalarda kitob yoki oziq-ovqat tarqatish orqali ko‘ngilli vaqt o‘tkazing.
Saxiylikning ahamiyati haqida qo‘llanmalar va ma’lumot beruvchi materiallarni yarating va tarqating.
16 sentyabr Butunjahon ozon kuni uchun ekologik xayriya tadbirlarini rejalashtiring.
Bu shunchaki sana emas…
Xullas, Xalqaro xayriya kuni taqvimdagi sanadan ko‘ra muhimroq – ushbu kunning maqsadi barcha insoniyatni mehr-oqibatli va adolatli dunyoni qurishga yordam berish uchun harakatga chaqirishdir. Bugun insonni ezgulikka chorlaydigan eng muhim kun bir-birimizga befarq bo‘lmaslikni yodga soladi. Chunki har bir kichik tashabbus jamiyatimizdagi yanada katta ijobiy o‘zgarishlarga hissa qo‘shishi mumkin.
Yana bu kun insonparvarlikning eng yuksak cho‘qqisini belgilaydi.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Siyosat2 days ago
Шавкат Мирзиёев Бишкекда кутиб олинди
-
Jamiyat5 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport5 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat4 days ago
Qonunchilikdagi noaniqliklar tadbirkor foydasiga talqin qilinadi
-
Mahalliy2 days ago
«Enamdan qolgan dalalar» (Esse)
-
Jamiyat3 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif
-
Jamiyat3 days ago
Bu yilgi Mustaqillik bayrami ijtimoiy tarmoqlarda chin ma’noda portladi!
-
Siyosat4 days ago
Pokiston bosh vaziri bilan uchrashuv o‘tkazildi