Jamiyat
Bolalikdan illat botqog‘ida «sug‘orildik» yoki ichimizdagi «poraxo‘r»
«Korrupsioner», «korrupsionizm» – lug‘atdagi yangi so‘z emas! Tarjimasiz ham bu so‘zning ma’nosini tushunmaydigan odam yo‘q. Ko‘pchiligimiz sovet jamiyatining korrupsion «tuzum»ida yashab, o‘z davrining moddiy manfaatdorlariga aylanib ulgurganmiz. Aslida esa buni tan olgimiz kelmaydi.
Bolaligimizdan shu og‘u girdobida ulg‘aydik.
***
Maoshi kesilishidan qo‘rqqan otam
1979-yil. 6 yoshdaman. Otam «kolxoz»da tabelchi. Aslida, dalashiyponda o‘tirib, hisob-kitobini qilishi kerak bo‘lgan otam uzzukun kolxozchilarga qo‘shilib, dala ishchilarigayam ko‘maklashadi: egatlarga egilib, paxtani o‘tash, yagonalash, chekankalashga qarashadi. Paxta ham teradi. Kolxoz dalasida ishlagani yetmagandek uyimiz tomorqasidayam ter to‘kadi. Tomorqada yetishtirganlari hosil bersa, yog‘och darvozamiz tagida rais bovayu, meshqorin brigadir amakilarning mashinasi tiziladi. Otam ularga zomcha (handalak, -shev.), qovun-tarvuz, uzumu noklar beradi.
– Ota, bizgayam qolsin, – deyman.
– Ko‘p gapirma, hammaga yetadi, oyoq ostiga o‘ralashma! – deydi otam ham achchiq, ham kulgi aralash.
– Hamma yaxshilarini berayapsiz, faqat o‘zimizga chiriganlari qoladi, – deyman yana tumshayib.
– Bu tirranchang balo chiqdi-ku! – deydi brigadir amaki.
Ular tomorqamizdagi eng sarxil hosillarni mashinasiga solib, ke-ye-yetishadi.
Ko‘p o‘tmay, otam keladi. Rahmatli buvim otamning oldiga chiqadi.
– Ha-a, bolam, berdingmi-i? – deydi xafahol.
– Hm. Bular olishmasa, ertaga maoshimni kesishadi. Keyin qiynalib qolamiz-da, ona, – deydi otam o‘ychan.
6 yoshimda «korrupsiya», «poraxo‘rlik», degan so‘zni eshitmaganmanu ammo bir nima undirmasa, otamning oyligini kesadigan rais bovayu brigadir amakidan nafratlanib ketgandim.
– Baloni yesin ular! – dedim jimjiloqday qiz tumshayib, – hali katta bo‘lsam, hamma haqimizni qaytarib olaman, – dedim qo‘shimchasiga.
Otam miyig‘ida kulib, patalak sochimni «aposh»lab, «qayerdan o‘rganadi-ya, bu qiz bunday gaplarni?» deya yana ishiga qaytadi.
***
Xurmo va iris qand evaziga «pishgan» reja
…1-sinfga borishimga ikki oycha vaqt qolgan. Rais bova va brigadir amakidan qasdimni olishim kerak. Robiya, Sherali, Orzigul ismli o‘zimni katta-kichik qishloqdosh tengdoshlarim bilan bir joyga to‘plandik. Reja tuzdik: «brigadir bovaning dala yeridagi hamma qovun-tarvuzlarni uzib, kolxozchilarning egatiga tashlab chiqamiz. Ular maza qilib yeyishsin!»
– E-e, man bormayman, qo‘rqaman, meshqorin ushlab olsa, o‘ldiradi, – deydi Sherali.
Jahlim chiqdi:
– O‘ldirolmaydi. O‘ldirsa, qamaladi. O‘lmaysan, yur! – deyman qo‘rslik bilan.
Oraga biroz sukut cho‘mdi.
– Hay, senlarga bir nima beraman, keyin man bilan borasizlar. Otam kecha xurmo va iris qand keltirgandi. Uchovlaringizgayam bir hovuchdan beraman. Ammo, onamga aytmanglar, yo‘qsa, yeya olmaysanlar, buvim yaxshi, buvimdan so‘rayman, «yo‘q» demaydi, – deyman labimni burib.
Xurmo va iris qandni eshitgan bolalar «rejam»ga rozi bo‘lishdi: brigadir amakining yeridagi qovun-tarvuzlarni o‘g‘irlab, kolxozchilarning egatlariga tashlab chiqdik.
Xurmo va iris qand evaziga reja amalga oshdi…
Ha, qandaydir maqsadni amalga oshirish uchun kimga nimadir berish kerak ekan, degan o‘yda o‘sdik.
***
«Besh»ga aylangan «uch» baho
1980-yil. 1-sinfga bordim. Maktabning balandligini ko‘rib, hayratda qoldim. Biram o‘qigim kelib ketdi.
«Sening bo‘ying uzun ekan», – deb meni sinfning eng orqadagi partasiga qo‘yishdi. Jahlim chiqib, ichimda sinfdoshchalarni «pakanalar» deb so‘kdim. Usti qirilgan, har xil gul va allambalolar yozilgan partalardan biriga o‘tirdim.
Birinchi o‘qituvchimiz «Kim she’r biladi?» deb so‘radi. Hech kim bilmas ekan.
– Men bilaman! – dedim.
– Ayt-chi!
– «Haylo samolyot, uchib ketopti,
Ichiga Zulayho yig‘lab ketopti.
Yig‘lama, Zulayho, Toshkent borasan,
Toshkent shahrida domlo bo‘lasan… »
Davom ettirmoqchi edim, o‘qituvchi «paqillab» kulib, meni to‘xtatdi:
– Shevada aytish bo‘lmasin! – dedi.
Men bu o‘qituvchining «shevasi» nima ekan, deb angrayib qoldim. She’r so‘raganda, opamdan o‘rgangan she’rimni aytib bergan bo‘lsam…
She’r aytib berganimda, o‘qituvchining ustimdan kulgani alam qildi.
– Ona haqidayam she’r bilaman, lekin, endi sizga aytib bermayman! – dedim qoshlarim chimirilib.
O‘qituvchining og‘zi lang ochildi. Ammo, gapirmadi. Darslariga yaxshi qatnashsam ham qo‘lidagi jurnaliga menga ketma-ket «uch» baho qo‘yaverdi. Darslarda yaxshi qatnashmasa ham o‘qituvchiga sovg‘a olib kelganlar «besh» baho bilan gerdayib yuraverishdi.
Uyga keldim.
– Buvijon, «uch» yomon bahomi? – so‘radim.
Buvim indamadi. Ertalab maktabga borgim kelmayotganini aytdim. Buvim charm papkamga bir latta xaltachaga g‘o‘lin (turshak), mayiz, qand, patir tugib berdi. «O‘qituvchingga ber!» dedi. Buvimning aytganini qildim. Uchinchi soatdan keyin katta tanaffusda o‘zimning yegim kelib turgan bo‘lsa ham buvimning tugunchasini o‘qituvchimga berdim. O‘qituvchimning chehrasi ochilib: «Vuy, kerakmas edi», – deya turib, tugunchani oldi va stolining tagiga yashirib qo‘ydi. Shu kundan boshlab, «uch» baholarim «besh»ga aylandi. Negadir, bola ko‘nglim og‘rigan edi, buni har kuni buvimga kelib, aytib-aytib berar edim.
***
«Sizga pul bermaymiz… »
1987-yil. Yuqori sinfga ko‘tarilganimizda, sinfdoshlar 8-martda xotin-qiz o‘qituvchilar bayramiga pul yig‘ishdi. Bu paytda bizning oilamizdan 7 bola maktabda o‘qirdi. Bizlarni o‘qitish onamga, otamga ancha qiyinchilik tug‘dirayotganini bilardim. Shu bois, onamdan pul so‘ray olmadim. «O‘qituvchimga sovg‘a bera olasizmi, ona?» – dedim. Onam o‘qituvchimga ataylab chiroyli ro‘mol berdi. Hovlimiz o‘rtasidagi bog‘dan bir dasta rayhon gul ham uzib berdi.
– Bu sizga mendan sovg‘a, ustoz, bayramingiz muborak bo‘lsin! – dedim birinchilardan bo‘lib o‘qituvchimni tabriklar ekanman.
O‘qituvchi rayhon gullarni hidlab, stolining ustiga qo‘ydi-yu, sovg‘amni ochib ko‘rdi. Avzoyi o‘zgardi.
– Man tushunmadim. Mani bitta ro‘molga loyiq ko‘rdingmi? Ol, sovg‘angni, menga ro‘mol kerak emas! – dedi u keskin va xuddi yuzimga irg‘itgandek gazetaga o‘rog‘lik ro‘molni shasht bilan qo‘limga qayta tutqazdi.
Turgan joyimda qotib qoldim. Ustimdan muz quyilgandek bo‘ldi. Sinfdoshlar ham angrayib qolishdi.
– Sovg‘aning katta-kichigi bormi, ustoz? Yaxshi ish qilmadingiz, endi biz ham bayram uchun to‘plagan pulimizni sizga, umuman, bermaymiz! – dedi Qahramon ismli sinfdoshim o‘rnidan dadil turib.
Men esa yig‘lagancha, sinfdan chiqib ketdim.
O‘shanda o‘qituvchimiz ham sinfdan so‘zsiz chiqib ketgan ekan. Shu bilan u maktabimizga qaytib ko‘rinmadi.
***
1990-yil. O‘z kuchim va bilimim evaziga talaba bo‘ldim. «Soqqa» bilan talabalikka erishganlar esa 1-2-kursdan nariga o‘tisholmadi. Imtihonlarni pul bilan «yopgan»lar ham ko‘pchilikni tashkil etdi. Guruhimizdagi bir-ikki «ataman»lar poraxo‘rlikka yo‘l qo‘ygan domlani «ochib» tashladik…
***
Illatlar bilan «sug‘orildik»
…Ha, illat botqog‘ini bolalikdan ko‘rib, shuning ichida ulg‘aydik. Kimgadir soqqa berishni istamagani evaziga yillab sohada ishlolmaganlar bor. Musofirlik to‘nini kiyib, xorijga ishlash uchun ketib qolgan zo‘r-zo‘r kadrlar qancha. Cho‘ntakdan-cho‘ntakka qo‘l solib, hamma sohalarda «begonalar» o‘tlab ketganida ham holatni bilib-turib, jimgina kuzatdik.
***
«Ikki yil, deganda, nevaramizni bog‘chaga qo‘yish uchun navbat keldi. Xursand bo‘lib olib bordik. Yangi, zamonaviy bog‘cha. Ko‘rsa, havas qilgulik. Kamchiligi yo‘q. Qo‘limizga uzundan-uzoq «ro‘yxat» tutqazishdi. «Ro‘yxatdan tashqari, 50 dollar ham… bog‘chaga yordam qilishingiz kerak!» – deya shart sifatida bildirishdi. Na iloj, rozi bo‘lmasak, nevaramiz shu bog‘chada, rozi bo‘lsak, buyam korrupsiyaning bir ko‘rinishi… ko‘nishga majburmiz!»
***
«Hozir hamma idora, tashkilotlar kameralashtirilgan. Shifoxonalar ham bundan mustasno emas. Baribir, yo‘lini qilishyapti. Majbur bo‘lyapmiz, to‘g‘rirog‘i, o‘zlari o‘rgatishyapti… ko‘ngildan chiqarib berishimiz kerak pullarni bemorimiz uchun paketlarda olganimiz – oziq-ovqatlar yoniga qo‘shib solib yuborishni. Ayniqsa, bu roddomlarda kuchaygan…»
***
Bunday munosabatlarni ko‘pchilikdan eshitamiz. Har gal bu holatlarga yangilik emasdek qaraganimizning o‘zi jamiyatda muammolar battar urchib ketishiga sabab bo‘lmoqda.
Shifokorga borganda, uning cho‘ntagiga «qo‘l haqi» solib qo‘yishdan, avtomashina boshqarishda yo‘l qoidalarini buzganda, xodimning qornini «g‘amlash»dan, yaqinlarni ishga joylashtirishda kattalarni «ko‘rish»dan tap tortmay, shunday illatlar bilan «sug‘orilib» yashadik. «Poraxo‘rlik azaliy kasallik-ku!» – deya e’tiborsiz qo‘l siltab qo‘yishga ko‘nikdik. Bu tomoshabinlik ham, aslida, bizning «korrupsioner»ligimiz…
Bu illat jamiyatda keng quloch yoyib, dunyoni ostin-ustun qilar darajaga olib kelayotgandagina asli xatolar boshida o‘zimiz va o‘zimizning e’tiborsizligimiz sababchi ekanini tan ola boshladik. Endi esa ichimizdagi korrupsion illatdan qutilish uchun harakatdamiz. Har birimiz ichimizni bu illatdan tozalamas ekanmiz, uning botqog‘ida sug‘orilib yashashda davom etaveramiz.
Bugun ham kech emas! Birgalikda, hamjihatlikda o‘zimiz qurgan va jamiyatni muallaq holatga keltirib qo‘yayotgan korrupsiyaga qarshi kurashdan to‘xtamasligimiz shart! Zero, kelajak avlodning nozik yelkasi bu arosat jamiyatga ustun bo‘la olmaydi. Xatolarimiz jabrini ular tortmasin!
Laylo Hayitova
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport5 days ago
EChL 2026/2027. Umumiy guruh bosqichi taqvimi e’lon qilindi
-
Siyosat2 days ago
Шавкат Мирзиёев Бишкекда кутиб олинди
-
Jamiyat4 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport4 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat4 days ago
Qonunchilikdagi noaniqliklar tadbirkor foydasiga talqin qilinadi
-
Mahalliy2 days ago
«Enamdan qolgan dalalar» (Esse)
-
Siyosat3 days ago
Pokiston bosh vaziri bilan uchrashuv o‘tkazildi
-
Jamiyat2 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif