Jamiyat
Bloger Farhod Mannopovning o‘limiga olib kelgan operatsiyani amalga oshirgan shifokor sudda oqlandi
Apellyatsiya sudi blogerning o‘limiga faqat anesteziolog-shifokor aybdor degan xulosaga kelgan. Sud hujjatida yozilishicha, u aynan operatsiya jarayonida ma’lum muddat telefonda suhbatlashib o‘tirgan va Farhod Mannopovning tana harorati ko‘tarilganini o‘z vaqtida aniqlamagan.
Bloger Farhod Mannopovni o‘limi oldidan operatsiya qilgan LOR shifokori apellyatsiya instansiya sudi tomonidan oqlandi. Birinchi instansiya sudi unga 2 yil tibbiyot sohasida LOR shifokori vazifasida ishlash huquqidan mahrum qilgan holda 5 yil muddatga ozodlikni cheklash jazosi tayinlagandi.
Blogerning o‘limi
Kun.uz tanishgan sud hukmida keltirilishicha, Farhod Mannopovni “Star Med Center” xususiy klinikasida operatsiya qilishda qatnashgan anesteziolog (ism-sharifi tahririyatga ma’lum) telefonda suhbatlashib o‘tirgan. Ya’ni u aynan operatsiya vaqtida bemorning umumiy holatini nazorat qilib turish o‘rniga boshqa shaxslar bilan soat 14:54 da 122 soniya, soat 15:19 da esa 71 soniya operatsiya jarayonlariga bog‘liq bo‘lmagan holatlar bo‘yicha suhbatlashib o‘tirgan. Buning oqibatida anesteziolog Farhod Mannopovning tana harorati ko‘tarilganini o‘z vaqtida aniqlamagan. Soat 15:40 da bemorning barmog‘ida bo‘lgan pulsometr ishlamay qolganiga gumon qilib, uni boshqa barmog‘iga qo‘ygan vaqtida Mannopovning tana harorati 38,7 darajaga ko‘tarilib ketganini kech bilgan. Bunga qadar tana harorati ko‘tarilib borgan bemor organizmida narkoz berilgani sabab metobolik o‘zgarishlar vujudga kelgan. Buning oqibatida Farhod Mannopovning yuragi birinchi marta soat 16:30 da to‘xtab qolgan va u koma holatiga tushgan.
Shifokor yo‘l qo‘yilgan kamchilikni turli dori vositalarini betartib qo‘llash orqali to‘g‘rilashga harakat qilgan. Ammo ular keltirib chiqarishi mumkin bo‘lgan nojo‘ya ta’sirlarni hisobga olmagan. Oqibatda Farhod Mannopovning yuragi ikkinchi marta soat 17:10 da, uchinchi marta soat 17:53 da to‘xtab qolgan. Shundan so‘ng u chuqur komatoz holatga tushgan va o‘ziga kelmasdan, o‘tkir yurak-qon tomir nafas, buyrak va jigar yetishmovchiligi, DVS sindromi, o‘pka va miya shishi bilan 2023 yil 5 mart kuni soat 3:20 da shu klinikada vafot etgan.
Sud-tibbiy ekspertizasining 2023 yil 30 martdagi xulosasiga ko‘ra, Farhod Mannopovning o‘limi organizmning og‘ir darajali anafilaktik shok oqibatida yuz bergan.
Taxmin ostidagi novokain
LOR shifokori dastlabki sud hukmidan norozi bo‘lib, apellyatsiya shikoyati kiritgan. U blogerni to‘liq tekshiruvdan o‘tkazgan bo‘lsa-da, sud bunga e’tibor qaratmaganini, sud jarayonida aybi yo‘qligi o‘z isbotini topganini, biroq asossiz ravishda ayblanganini aytib, oqlov hukmi chiqarishni so‘ragan.
Sudda qo‘shimcha guvoh sifatida so‘ralgan Mudofaa vazirligi MHKG otolaringologiya bo‘limi boshlig‘i – bosh otolaringolog uning ish faoliyatida operatsiya jarayonida bemorning tana harorati 40 yoki 43 darajaga chiqqan holat biror marta bo‘lmaganini ma’lum qilgan.
“Bu LOR shifokor tomonidan yo‘l qo‘yilgan nuqson deya olmayman. Sababi bizga taqdim qilingan hujjatlar to‘liq bo‘lmagan. Bemor LORning aybi bilan o‘lgan deb hisoblamayman. Fikrimcha, aynan rinoplastika vaqtida LOR shifokorining aybi bilan bemorning tana harorati ko‘tarilib ketishi amaliyotda uchramagan. Qanaqadir tashqi ta’sirda anafilaktik shok bo‘lishi moyilroq. Anafilaktik shok organizmga tashqaridan tushgan yot narsaga organizmning kuchli reaksiyasi hisoblanadi. Yot narsa dori moddalari bo‘lgan bo‘lishi ham mumkin. Lekin aynan qaysidir dorini ajratib aytolmayman”, degan u.
Yana bir qo‘shimcha guvoh – O‘zbekiston Respublikasi Qurolli kuchlari Sud-tibbiy ekspertiza markazi sud-tibbiy ekspertiza bo‘linmasi davlat sud-eksperti shifokorlar tomonidan o‘tkazilgan harakatlarda xato-kamchiliklar aniqlamaganini ma’lum qilgan.
“Apellyatsiya instansiyasida taqdim qilingan qo‘shimcha hujjatlar asosida o‘lim sababi aniqlandi. Ya’ni taqdim etilgan tibbiy hujjatlar, kasallik tarixi, birlamchi va komission sud-tibbiy ekspertizalar, mutaxassislar bergan ma’lumotlar, jinoyat ishi materiallari va ma’lumotlarga ko‘ra Farhod Mannopovning o‘limi sababi – jarrohlik amaliyoti jarayonida dori vositasiga medikamentoz allergik reaksiya natijasida rivojlangan anafilaktik shok bo‘lgan. Bu klinik holatda marhumning burun shilliq qavatlariga inʼeksiya orqali yuborilgan novokain mahalliy anestetik dori vositasi etiologik omil sifatida ishtirok etgani ehtimoldan xoli emas.
Novokain eng ko‘p allergiya beradigan dori vositasiga kiradi. Tibbiy hujjatlar o‘rganilganda Farhod Mannopovda allergik kasallik mavjud deb ko‘rsatilgan. Lekin taqdim etilgan hujjatlarda bemor o‘zida allergik reaksiyalarni inkor qilgani tasdiqlangan. Novokaindan tashqari boshqa olgan dori vositalarda ham allergiya bo‘lishi mumkin. Lekin novokain tarkibida allergiya keltirib chiqarish foizi ko‘proq”, degan ekspert.
U ekspert sifatida LOR vrachning biror bir xatosini topa olmaganini aytib o‘tgan.
Sudda qo‘shimcha guvoh tariqasida so‘ralgan Ixtisoslashtirilgan allergologiya ilmiy amaliy markazi shifokor allergologi ham o‘lim sababini dori vositasiga allergik reaksiya oqibatida rivojlangan anafilaktik shok deb belgilashganini ma’lum qilgan.
Apellyatsiya sudi
Apellyatsiya instansiyasi birinchi instansiya sudi LOR shifokorni ayblashda ayrim o‘rinlarda taxminiy va asoslantirmagan xulosaga kelgan, deb hisoblagan.
Jumladan, sudlov hay’ati tergov va sudning LOR shifokori Farhod Mannopovni zudlik bilan jarrohlik amaliyotini tezlashtirishga ko‘ndirgani haqidagi taxmin bilan kelishmagan.
“Chunki jinoyat ishi hujjatlarida shifokor bemorni zudlik bilan jarrohlik amaliyotini tezlashtirishga ko‘ndirgan holati mavjud emas. Shifokorda bunga ehtiyoj yoki manfaat bo‘lmagan. Aksincha, ishda aniqlangan holatga ko‘ra, Farhod Mannopov burun sohasidagi jarrohlik amaliyotini tezroq o‘tkazishni aynan o‘zi so‘ragan va buning uchun chet elga uchish maqsadida olingan aviachiptani ham topshirgan. Farhod Mannopov va uning sherigi LOR shifokorni reklama qilish sharti bilan 4 400 dollarlik rinoseptoplastika jarrohlik amaliyotini bepul o‘tkazishga kelishgan” deya keltiriladi sud hukmida.
Qayd etilishicha, Sog‘liqni saqlash vazirligi tomonidan o‘tkazilgan 2023 yil 16 martdagi va 2023 yil 15 maydagi xizmat tekshiruvida shifokor bemorga nisbatan burun sohasini davolash va jarrohlik amaliyotini o‘tkazish jarayonida o‘limga olib kelishiga sabab bo‘ladigan xatoliklarga yo‘l qo‘ygani aniqlanmagan.
Bundan tashqari, sud hujjatida bemorning anesteziya va intensiv terapiya paytidagi funksional holatini monitoring qilib borishga anesteziolog-reanimatolog shifokor mas’ulligi, LOR shifokorning ushbu holatlarga aloqasi hamda aralashishga vakolati yo‘qligi keltirib o‘tilgan.
Sudda qo‘shimcha guvoh tariqasida so‘roq qilingan Ixtisoslashtirilgan otorinolaringologiya va bosh-bo‘yin kasalliklari ilmiy-amaliy tibbiyot markazi direktori o‘rinbosari ham operatsiya qilinayotgan jarayonda bemorning umumiy holatiga anesteziolog javobgar bo‘lishini, LOR shifokor esa bevosita xirurgiyaga taalluqli qismiga javobgar hisoblanishini aytib o‘tgan.
Shu va boshqa asoslardan kelib chiqib, Toshkent shahar sudi jinoyat ishlari bo‘yicha sudlov hay’ati apellyatsiya instansiyasi hukmi bilan dastlabki sud hukmining LOR shifokorga oid qismi bekor qilingan. U qilmishida jinoyat alomatlari bo‘lmagani sabab aybsiz deb topilib oqlangan hamda jinoyat ishining unga oid qismi tugatilgan.
Nima bo‘lgandi?
“Mittivine” taxallusi bilan tanilgan bloger Farhod Mannopov 2023 yil 5 mart kuni 27 yoshida vafot etgan edi. U basseynda suzayotib boshi va burnidan jarohat olgan, shu sabab burnini operatsiya qildirish maqsadida Toshkentdagi “Star Med Center” xususiy klinikasiga murojaat qilgan, ammo operatsiya jarayonida koma holatiga tushib, o‘ziga kelmagan.
Jinoyat ishi 2023 yil sentabr oyida sudga oshirilgan edi. 2023 yil oktyabrida marhumning yaqinlari iltimosi bilan sud jarayonning OAVda yoritilishini taqiqlagandi.
Asilbek o‘rta sinfdaligida poytaxtga keladi va o‘qishini Muhammad al-Xorazmiy nomidagi maktabda davom ettiradi. U tinimsiz mehnati orqali ketma-ket fan olimpiadalarida sovrindor bo‘ladi. Yutuqlari uchun Nexia 3 avtomobili hamda 620 mln so‘mdan ortiq mablag‘ bilan mukofotlanadi. 2026 yilning fevral oyida esa u dunyoning birinchi raqamli oliygohi Massachusets Institute of Technology’ga 100 foiz grant asosida qabul qilindi. Bu OTM unga o‘qish xarajatlarini qoplash uchun 385 ming dollar mablag‘ ajratishini anglatadi. Asilbek Kun.uz bilan suhbatda dunyoga mashhur ta’lim muassasiga to‘liq grant yutishni qanday uddalagani, tayyorgarlik jarayoni va boshqa jihatlar haqida gapirib berdi.
2007 yilda Sirdaryo viloyatida tug‘ilgan Asilbek bolaligidan matematikaga qiziqqan. Uning fanga ishtiyoqi onasining maktabda o‘qituvchi bo‘lishi bilan bog‘liq. Kichikligidan kitoblar o‘qish bilan shug‘ullanib, mustaqil mashqlar qilgan.
“Oyim matematikadan kitoblar olib kelardilar, o‘zlari menga dars o‘tardi. Shu sabab fanga qiziqishim ortgan. Boshlang‘ich maktabni yaxshi baholar bilan tugatdim. To‘rtinchi sinfni bitirgach, oldimda muhim savol paydo bo‘ldi: qayerda o‘qishni davom ettiraman? Ikki tanlov bor edi: Gulistondagi xorijiy tillar maktabi yoki Toshkentdagi ixtisoslashgan maktablar. Ancha vaqt o‘yladim. Internetdan kunlab ta’lim muassasalarini izladim, telefon qilib ma’lumotlar so‘radim. Oxiri Muhammad al-Xorazmiy nomidagi maktabni topdim. Bu yerda informatika va matematika fanlari chuqurlashtirilgan holda o‘qitilardi. Mazkur maktabga hujjat topshirdim va imtihondon o‘tib, o‘qishga qabul qilindim.
Maktabga borgach, bir narsani tushundim: men o‘zim o‘ylaganchalik kuchli emas ekanman. Avvalgi maktabimda eng yaxshi o‘quvchilardan biri edim, lekin bu yerda hatto oson masalalarni ham ishlay olmay qolgan paytlarim bo‘lgan. Bu holat meni ancha o‘ylantirib qo‘ydi. Lekin aynan shu paytda ustozim Kamoliddin aka ko‘proq yordam berdi. Ular mening potensialimni ko‘rib, olimpiada masalalarini o‘rgata boshladi”, – deydi u.
Maktab yillarida Asilbek Qo‘qon shahrida bo‘lib o‘tgan respublika olimpiadasida g‘olib bo‘lib, Nexia 3 avtomobilini yutib oldi. 2025 yilda esa Boliviyaning Sukre shahrida o‘tgan 37-xalqaro informatika olimpiadasida kumush medal sohibi bo‘ldi va 620 million so‘mdan ortiq pul bilan mukofotlandi.
“Olimpiada men uchun shunchaki musobaqa emas edi. Boshlanishida natijalar yaxshi bo‘lmagan. Ba’zilarida yutqazib qaytganman. Shunday paytlarda odam “balki bu yo‘l menga emasdir”, deb o‘ylab qoladi. 7-sinfdan fanga yanada ko‘proq vaqt ajrata boshladim. Shu paytda Qo‘qon shahrida o‘tkazilgan respublika olimpiadasida qatnashdim. Bu olimpiadada 5-7-sinflar orasida g‘olibga Nexia 3 avtomashinasi berilishi aytilgandi. Olimpiadada ikkinchi kun imtihon tugagach, bir payt do‘stlarim orqadan baqirib qoldi: “Asilbek, sen birinchi o‘rinni olibsan!” deyishdi. Dastlab ishonmadim. Natijalar ro‘yxatini ko‘rsatishgach, haqiqatan ham birinchi o‘rinda ekanimni bildim, o‘sha paytda ko‘zimdan yosh chiqib ketgandi. Avtomobil topshirilgan vaqtda dadam hayajondan mashinani ham qo‘zg‘atolmay qolgani esimda. Keyin tushundimki, olimpiadadagi natijalar yakun emas, balki keyingi imkoniyatlar uchun eshik ekan. Maktabni tugatib, universitetlar haqida jiddiy o‘rganishni boshladim. Internetdan turli oliygohlar dasturlarini ko‘rdim, talablarini o‘qidim, talabalarning tajribalarini o‘rganishga harakat qildim”, – deydi Asilbek.
U maktabni bitirgach, bir yil davomida nufuzli oliygohga kirish uchun tayyorgarlik ko‘rdi. 11-sinfni tugatganidan so‘ng Asilbekning olimpiadalardan yutgan grantlari orqali mahalliy universitetga kirish imkoni bor edi. Ammo u o‘z yo‘nalishi bo‘yicha top oliygohda o‘qishni davom ettirishni tanladi.
“Bir yilga tanaffus qildim, bu vaqt ichida ingliz tili darajamni oshirib oldim, insho yozish qobiliyatlarimni rivojlantirdim. Avgustdan dekabrgacha kuniga 10 soatdan oshiq kuchli tayyorgarlik ko‘rdim. Birinchi SAT imtihonida 1250 ball olgan edim. Keyin haftada olti marta, kuniga besh soatdan dars olib, ikki yarim oy ichida ko‘rsatkichimni 1450 ballga ko‘tardim. Dekabrda esa qayta topshirib, 1540 ball oldim. IELTS imtihonida 7,5 ball to‘pladim. Bundan tashqari, turli loyihalarda qatnashib, portfoliomni boyitdim”, – deydi u.
Asilbek shu vaqtgacha 9 ta nufuzli oliygohga hujjat topshirgan. Shularning orasida fan va texnologiya bo‘yicha dunyoning birinchi raqamli oliygohi – MIT’dan 100 foiz grant asosida o‘qishga qabul qilinganlik xatini olgan. Universitet unga o‘qish xarajatlarini qoplash uchun $385 000 mablag‘ taqdim etishini ma’lum qilgan.
Suhbat davomida Asilbek imtihonda qanday savollar tushgani, portfoliosini aynan nimalar bilan boyitgani qabul jarayonida ustunlik bergani hamda maqsadlari haqida gapirib berdi.
Intervyuni to‘liq holda Kun.uz’ning YouTube’dagi sahifasida tomosha qilishingiz mumkin.
Dastur kontent yaratish, matnli va vizual formatlar hamda janrlarning qo‘llanishi, axborot xavfsizligi, strategik kommunikatsiya, media menejment, SMM hamda sun’iy intellektdan foydalanish kabi ko‘plab muhim mavzularni qamrab oladi.
30 mart kuni Qoraqalpog‘iston Respublikasida axborot makonida yilning eng yirik ta’limiy-amaliy voqeligi — “Media haftalik” boshlandi. Unda qatnashchilar zamonaviy media muhitidagi dolzarb masalalar yuzasidan ko‘nikmalarini oshiradi.
Dastur kontent yaratish, matnli va vizual formatlar hamda janrlarning qo‘llanishi, axborot xavfsizligi, strategik kommunikatsiya, media menejment, SMM hamda sun’iy intellektdan foydalanish kabi ko‘plab muhim mavzularni qamrab oladi.
Trening va mahorat darslari davomida ishtirokchilar nafaqat nazariy bilimlarni, balki real keyslar asosida ishlash, xatolarni tahlil qilish, yangi yondashuvlarni shakllantirish imkoniyatiga ega bo‘ladi. Tadbirda ilg‘or ekspertlar, amaliyotchi jurnalistlar, muharrirlar, prodyuserlar hamda mutaxassislar spiker sifatida qatnashmoqda. Ular o‘z tajribalari bilan o‘rtoqlashib, zamonaviy media rivojining ustuvor yo‘nalishlari bo‘yicha tavsiyalar beradi.
Ta’kidlanishicha, “Media haftalik”ning muhim jihati — ishtirokchilarga alohida e’tibor qaratish. Tadbir davomida o‘nlab intervyular, ochiq muloqotlar va fikr almashinuvlar tashkil etilib, ishtirokchilarning o‘zlari media sohasidagi muammolar, kutilayotgan natijalar va erishilgan yutuqlar haqida fikr bildiradi.
Haftalik doirasida quyidagi yo‘nalishlar bo‘yicha maxsus sessiyalar tashkil etilgan:
• bosma va internet nashrlari jurnalistlari;
• telejurnalistlar va operatorlar;
• davlat organlari matbuot kotiblari;
• blogerlar va kontent yaratuvchilar;
• mobilograflar va SMM mutaxassislari.
Haftalik yakunida Media forum tashkil etilib, unda tadbir natijalari sarhisob qilish rejalashtirilgan.
Jamiyat
Bolalar kontent qurboniga aylanyaptimi? Psixologlar ijtimoiy tarmoqlardagi xavflardan ogohlantirmoqda
Ijtimoiy tarmoqlarda bolalar ishtirokidagi videolar soni keskin oshmoqda. Mutaxassislar esa bu holatni oddiy kontent emas, balki bola psixikasiga ta’sir qiluvchi jiddiy omil sifatida baholab, uning ortida yashirin xavflar borligini ta’kidlamoqda.
Bugun urf bo‘lgan bolalar bilan bog‘liq kontentlarni tayyorlash va ommaga taqdim etish o‘ta nozik masala. Biroq mutaxassislar bu tendensiyaga jiddiyroq qarashga chaqirmoqda. Ularning ta’kidlashicha, bolalarni kontentga jalb qilish, ayniqsa ularning roziligi va manfaatlari hisobga olinmagan holda, kelajakda psixologik muammolar, bulling va shaxsiy chegaralarning buzilishiga olib kelishi mumkin.
«Bolalarning onlayn ishlashi ularni paxta terdirish yoki tilanchilikka chiqarishdan battarroq»
Rozaliya Gabdulhakova, bolalar psixologi:
«Har bir ota-ona farzandining shirin qiliqlarini yoki kulgili harakatlarini, ba’zida yig‘lab, isterika qilgan vaqtlarida videoga olib ommaga ko‘rsatishni, yaqinlariga ko‘rsatishni xohlaydi. Ba’zi bir paytlarda ana shu ota-onaning o‘zi ham bilmagan holatda bolaning kelajagida uning ustidan kuladigan, boshqa tengdoshlari tomonidan bullingga uchraydigan harakatlar qilib qo‘yadi. Lekin masalaning yana bitta tarafi ham bor. Hozir bolalar marketing uchun eng yaxshi qurol bo‘lib borishmoqda. Afsuski, bolalarning onlayn ishlashi ularni paxta terdirish yoki tilanchilikka chiqarishdan hech yaxshiroq emas. Onlayn ishlash deganda, kontent uchun bolalardan foydalanish nazarda tutiladi. Masalan, nimanidir reklama qilmoqchi bo‘lganingizda, mana Chocotella’ning reklamasi kichkina shirintoy bola bilan hammamizning esimizda. Agar uni katta odam “shirin” deganda, hech kim eslab qolmagan bo‘lardi. Qarang, mana bolaning shirintoyligidan marketing maqsadida qanday foydalanilyapti. Ana shu narsa endi ommaning ichida, ya’ni ijtimoiy tarmoqlarni hech kim boshqarmaganligi uchun hamma o‘zining ilhomidan kelib chiqqan holatda foydalanyapti va, afsuski, bolaning emotsional holatiga yoki kelajakda ana shunaqa tengdoshlari tomonidan ulg‘aygach bulling bo‘lishi-bo‘lmasligiga qanday ta’sir qilishi haqida ko‘pchilik o‘ylamayapti».
Mutaxassislarga ko‘ra, turli ta’lim maskanlarida bolalar bilan bog‘liq kontentlar asosan SMM menejerlari tomonidan olinadi. Bu esa ijtimoiy-psixologik eksperiment hisoblanadi.
«Bolaning psixikasi xohlagan odam tajribasini o‘tkazadigan maydon emas»
Sayyora Azlarova, bolalar psixologi:
«Aslida bizda ijtimoiy tarmoqlarga bolalarni olib chiqish nisbatan boshqa davlatlardan ko‘ra yangi urfga chiqayotgan odat. Chet davlatlarda bo‘lsa, deyarli yigirma yildan beri bu odat bor. Bolaning har xil qiliqlari, shirin odatlari va hokazo holatlarni beziyon, bezarar, hatto marketing uchun emas, shunchaki kundalik hayotini ko‘rsatish uchun ham blogerlar tomonidan olib chiqish bor va bu normaga kirgan. Lekin bolaning huquqlari, ayniqsa ijtimoiy tarmoqdagi huquqlari to‘g‘risida, ularda ijtimoiy tarmoq oldindan rivojlangani uchun sekin-sekin tartibga solib kelinyapti. Bolani ijtimoiy tarmoqda necha yoshgacha qo‘yish mumkin, necha yoshgacha qo‘ymaslik kerak, unga tegishli axborotlarning qanchasini berish mumkin, qanchasini bermaslik kerak. Va bola bilan ijtimoiy-psixologik eksperiment — hozir biz aytgan rolik ijtimoiy-psixologik eksperiment hisoblanadi — qay tarzda o‘tkazilishi mumkin, qay tarzda o‘tkazilishi mumkin emas, ota-onaning roziligi kerak bo‘lgan va kerak bo‘lmagan holatlar haqida alohida qonun, hujjatlar bor. Lekin bizda hali bu tartibga solinmagan.
Bu ochiqchasiga ijtimoiy-psixologik eksperiment hisoblanadi. Bu holatda aslida o‘sha xalqaro huquqlarga ko‘ra, bolaning ota-onasi ogohlantirilishi kerak, roziligi bildirilishi kerak va bu bolaga ziyon yetkazmasligi haqida kafolat berilishi kerak. Xohlagan odam xohlagan paytida ijtimoiy tarmoqda ko‘rgan eksperimentini bola bilan o‘tkazishi mumkin emas. Bolaning psixikasi xohlagan odam tajribasini o‘tkazadigan maydon emas».
Hududdagi simyog‘ochlar eskirib ketgani aytilmoqda.
Jizzax viloyatida eskirgan simyog‘ochlar qulashi oqibatida uch bosh qoramol nobud bo‘ldi. Jamoatchilik faoli Xayrulla Qilichevga ko‘ra, hodisa 15 mart kuni Forish tumani Garasha qishlog‘ida yuz bergan.
Hududdan yuqori kuchlanishli elektr liniyasi o‘tgani, qulagan simyog‘ochlar esa 1950-yillarda o‘rnatilgani va ular allaqachon eskirib chirib ketgani ta’kidlangan.
Qilichevning so‘zlariga ko‘ra, qoramollarning egasi zararni qoplab berishni so‘rab, «Hududiy elektr tarmoqlari» AJning Forish tumani bo‘limiga murojaat qilgan. Biroq arizaga javob berilmagan.
Shuningdek, voqea sodir bo‘lgan kuni hududga eski simyog‘ochlarni almashtirish uchun beton ustunlar keltirilgan. Biroq ular hamon o‘rnatilmagan.
«Hududiy elektrtarmoqlari» AJ matbuot xizmati holat yuzasidan Kun.uz’ga izoh berdi.
Dastlabki izohga ko‘ra, qoramol egasi hududni to‘siqlar bilan o‘rab olgani, amaldagi qonunchilikka ko‘ra esa elektr uzatish liniyalari muhofaza zonasida bunday qilish taqiqlangani ta’kidlangan.
Shuningdek, kompaniya holat hozirda o‘rganilayotgani, yaqin vaqt ichida hududda yangi beton ustunlar o‘rnatilishini bildirdi.
Bundan tashqari, qoramol egasi tegishli tartibda sudga murojaat qilishi mumkinligi va agar sud kompensatsiya belgilasa, kompaniya zararni qoplab berishga tayyorligi qayd etilgan.
Joriy yil 29 mart kuni Angren shahridagi Mirzo Ulug‘bek mahallasida joylashgan, OKMK homiyligida zamonaviy qiyofaga keltirilgan “Yangi Angren” madaniyat va sport majmuasining tantanali ochilish marosimi bo‘lib o‘tdi.
Tadbirda bosh vazir o‘rinbosari, Oila va xotin-qizlar qo‘mitasi raisi Zulayho Mahkamova, O‘zbekiston faxriylarining ijtimoiy faoliyatini qo‘llab-quvvatlash “Nuroniy” jamg‘armasi boshqaruvi raisi o‘rinbosari Sharof Ubaydullayev, O‘zbekiston Respublikasi Madaniyat va Sport vazirliklari mas’ullari, Toshkent viloyati hokimi Zoyir Mirzayev, OKMK boshqaruv raisi, senator Abdulla Xursanov, mahalla aholisi, nuroniylar, turli millat vakillari, milliy-madaniy markazlar faollari hamda keng jamoatchilik vakillari ishtirok etdi.
Tadbirda mas’ullar tomonidan ramziy lenta qirqilib, “Yangi Angren” madaniyat va sport majmuasi rasman o‘z faoliyatini boshladi.
Mazkur majmua OKMK homiyligida kombinat bunyodkorlari tomonidan to‘liq ta’mirlanib, foydalanishga topshirildi.
2025–2026 yillarda majmuada loyiha qiymati 31 milliard so‘mlik ta’mirlash ishlari amalga oshirilib, zamonaviy qiyofaga keltirildi.
Majmua tarkibida 32×20 o‘lchamli sport zali, fitnes xonasi, sheyping zali kabi zamonaviy sport inshootlari joylashgan.
Binoning ikkinchi qavatida esa, tasviriy san’at, amaliy san’at, raqs, vokal, teatr, folklor va musiqa yo‘nalishlaridagi to‘garaklar faoliyati uchun barcha sharoitlar yaratilgan. E’tiborlisi, endilikda angrenlik yoshlar bu yerda sportning badiiy gimnastika, kurash, yengil atletika, voleybol, basketbol, fitnes, sheyping, mini futbol turlari bilan ham shug‘ullanishadi.
Binoning xonalari va yo‘laklari o‘ziga xos milliylik ruhida bezatilgan bo‘lib, har bir xonaga alohida e’tibor qaratilgan. Badiiy akademiya ijodkorlari tomonidan taniqli aktyorlar, yozuvchilarning portretlari tayyorlab berildi.
Kombinat quruvchilari tomonidan binoning tomi, kommunikatsiya tizimlari to‘liq yangilandi. Barcha zarur mebel jihozlari bilan ta’minlandi. Hududda obodonlashtirish va ko‘klamzorlashtirish ishlari amalga oshirilib, 2 dona shiyponcha o‘rnatilib, yo‘laklarga dekorativ beton qoplamasi yotqizildi.
“Yangi Angren“ madaniyat va sport saroyining foydalanishga topshirilishi aholi, ayniqsa yoshlarning madaniyat va sport bilan muntazam shug‘ullanishi, bo‘sh vaqtlarini mazmunli tashkil etishi, milliy qadriyatlar va san’atni yanada rivojlantirishga xizmat qiladi.
Tadbirda mamlakatimiz ijtimoiy sohasini qo‘llab-quvvatlab kelayotgani uchun OKMK boshqaruv raisi Abdulla Xursanov O‘zbekiston Respublikasi Madaniyat vazirining “Madaniyat va san’at fidokori” ko‘krak nishoni hamda sport vazirining “Jismoniy tarbiya va sport a’lochisi” ko‘krak nishoni bilan taqdirlandi.
Zinnat Hayitqulova, Angren shahridagi Mirzo Ulug‘bek mahallasi fuqarosi: – Shunday ulug‘ ayyom kunlarida mahallamizda ajoyib madaniyat va sport majmuasi qad rostlagani barcha mahalla ahlini xursand qildi. Ushbu maskanda hudud yoshlarining bo‘sh vaqtlarini mazmunli o‘tkazishlari uchun barcha sharoitlar muhayyo etilgan. Yaratilgan sharoitlar ko‘zni quvnatadi. Fursatdan foydalanib, mahalla ahli nomidan mana shunday ezgu amallarni boshidan tutgan davlatimiz rahbariga o‘z minnatdorchiligimizni bildirib qolamiz.
OKMK tomonidan angrenliklarga tuhfa etilgan mazkur zamonaviy majmua hudud aholisi uchun ma’naviyat, madaniyat va sportni birlashtirgan muhim maskan sifatida xizmat qilishi shubhasiz.
Reklama huquqi asosida
Rekord qarz olishga qaramay, O‘zbekiston qarzining yalpi ichki mahsulotga nisbati pastligicha qolmoqda – 27,1 foiz – Roziz Qudratov
MITʼdan 100 foiz grant yutgan sirdaryolik Asilbek Sunnatov
O‘zbekiston yozgi suv ta’minotini ta’minlash bo‘yicha qo‘shni davlatlar bilan faol muloqot olib bormoqda – Suv vaziri Hamroyev
-
Jamiyat5 days ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Siyosat4 days agoOʻzbekiston ikkita toʻlaqonli islom bankini tashkil etadi, 2030-yilgacha 1 milliard dollar jalb etishni maqsad qilgan
-
Dunyodan1 day agoOrmuz boʻgʻozi taqdirini hal qiluvchi yetti orol
-
Dunyodan4 days ago
Maskat va Toshkent oʻrtasida toʻgʻridan-toʻgʻri reyslar yoʻlga qoʻyiladi.
-
Dunyodan2 days ago
Prezident Tramp Hormuz boʻgʻozini ochish haqidagi soʻrovni yana keyinga qoldirdi
-
Jamiyat5 days ago
«Ташаббусли бюджет» ғолиблари эълон қилинди
-
Dunyodan3 days ago
Saudiya Arabistoni AQShni urushga chaqirmoqda
-
Iqtisodiyot5 days agoO‘zbekistonda kichik AES qurilishi Rossiya kompaniyalarini 24,7 mlrd dollargacha buyurtmalar bilan ta’minlaydi – Lixachyov