Sport
«Barsa»da yirik mag‘lubiyat, «Siti»da qiyin g‘alaba. Kun o‘yinlari
Yakshanba oqshomida Yevropa futbolida ro‘y bergan asosiy voqealar, o‘yinlardagi gollar va turnir jadvallaridagi vaziyat.
Angliya: Gvardiolaning yubileyi
«Nyukasl» – «Nottinghem Forest» 2:0
Gollar: Gimarayns, 58 (1:0). Voltemade, 84 – penalti (2:0)
«Nyukasl»: Poup, Botman, Tshau, Bern, Trippiyer, Tonali, Joelinton (Mayli, 90+1), Gimarayns, Gordon (Barns, 69), Elanga (Merfi, 70), Voltemade (Osula, 90+1)
«Nottinghem Forest»: Sels, Kunya, Moratu (Bakva, 77), Milenkovich, Anderson, Yyeyts (Hatchinson, 64), Uilyams, Savona, Gibbs-Uayt, Ndoy (Hadson-Odoi, 64), Vud (Igor Jyezus, 64)
Ogohlantirishlar: Yyeyts, 32. Uilyams, 34. Moratu, 68. Anderson, 83
«Nottinghem»dagi inqirozning oxiri ko‘rinmayapti, jamoa boshqaruviga Angelos Posteko‘g‘li kelganidan keyingi davr esa — to‘liq qora polosani eslatadi. «Sent-Jyeyms Park»dagi o‘yinning birinchi bo‘limini «o‘rmonchilar» o‘z aktiviga yozib qo‘yishi mumkin, lekin ikkinchi bo‘lim boshidagi birinchi gol mehmonlarni sindirib qo‘ydi. Bruno Gimaraes markaziy zonada Gibbs-Uaytdan to‘pni olib qo‘yib, hujumga qo‘shilgan himoyachi Bern bilan raqib jarima maydoni yaqinida o‘zaro devor uslubida o‘ynadi va to‘pni qabul qilib olgach, to‘sin ostiga kuchli zarba berdi. Shundan keyin faqat Selsning harakatlari mehmonlar uchun imkoniyat saqlab turdi, u avvaliga Barnsning yaqin masofadan zarbasini to‘sdi, keyin esa Tshauning zarbasini oyoqlari bilan to‘sib qoldi. Ammo o‘yin oxirlariga borib Voltemade penaltini benuqson ijro etgan holda o‘yindagi intrigaga barham berdi. Germaniyalik hujumchi «qarg‘alar»ga Isakning yo‘qligini bilintirmayapti.
«Brentford» – «Manchester Siti» 0:1
Gol: Holand, 9 (0:1)
«Brentford»: Kelleher, van der Berg, Ayyer (Fabiu Karvalyu, 90+2), Kollinz, Hiki, Kayode, Henderson (Oniyeka, 73), Damsgor (Yyensen, 68), Yarmolyuk (Yanelt, 73), Shade, Tiago (Uattara, 68)
«Manchester Siti»: Donnarumma, Ruben Diash, Gvardiol, O`Rayli, Mateus Nunes, Rodri (Gonsales, 22), Reynders (Bernardu Silva, 77), Foden, Savio, Bobb (Doku, 77), Holand
Ogohlantirishlar: Shade, 45. Henderson, 70. Uattara, 84 – Mateus Nunes, 77. O`Rayli, 83
O‘yin startidayoq Gvardiolning ancha ichkaridan yo‘llagan uzatmasidan keyin to‘pni o‘ziga bo‘ysundirib olgan Holand raqib himoyachilari qarshiligini sezmasdan osonlik bilan darvozani ishg‘ol etdi. Aytish mumkinki, bu bilan norvegiyalik hujumchi geshtaltni yopdi, Londondagi stadionlarda muvaffaqiyatli to‘p suradigan (22 o‘yinda 21 gol) hujumchi bungacha faqat «Brentford» maydonida gol urmagandi. Shu bilan birga, bu Erling gol urgan 22-stadion bo‘ldi (23 stadiondan). Uning o‘yinda yagonaligini saqlab qolgan goli Xosep Gvardiolaning yubileyi uchun yetarli bo‘ldi. Ispaniyalik mutaxassis APLda 250-g‘alabasini nishonladi. Buning uchun unga 349 o‘yin yetarli bo‘ldi. U bu natijaga erishgan Arsen Vengerdan keyingi ikkinchi murabbiyga aylandi (fransiyalik mutaxassisda 423 o‘yinda shuncha g‘alaba bo‘lgan). Birinchi bo‘limda mezbonlar raqib jarima maydoni ichida biror marta to‘pga tegina olmadi, «asalarilar»da bunaqasi APLga chiqqanidan buyon biror marta kuzatilmagandi (159 igr). Lekin ikkinchi bo‘limda mezbonlar kuchliroq o‘yin namoyish etishdi va Donnarumma oyoqda o‘ynash unga xos emasligini eslatib qo‘ydi. Italiyalik darvozabon to‘pni uzoqlashtirishda xatoga yo‘l qo‘yib, uni raqibga topshirdi, uning baxtiga to‘p darvoza sohasiga to‘g‘ri bormadi.
Ispaniya: «Barsa»da kichik inqiroz
«Sevilya» – «Barselona» 4:1
Gollar: Sanches, 13 – penalti (1:0). Romero, 36 (2:0). Reshford, 45 (2:1). Karmona, 90 (3:1). Adams, 90+6 (4:1)
Aniq ijro etilmagan penalti: Levandovski, 76’
«Sevilya»: Vlaxodimos, Aspilikueta, Markan, Suaso, Karmona, Agume, Sou (Gudel, 61), Mendi (Peke Fernandes, 73), Vargas (Yanuzay, 73), Sanches (Edjuke, 90+3), Romero (Adams, 61)
«Barselona»: Shchensni, Arauxo (Balde, 46), Kubarsi, Martin (Garsiya, 46), Kunde, Pedri, de Yong (Kristensen, 88), Olmo, Torres (Barji, 69), Reshford, Levandovski
Ogohlantirishlar: Markan, 20. Romero, 50. Yanuzay, 74. Agume, 81. Peke Fernandes, 90 – Martin, 16. Torres, 21. de Yong, 38. Reshford, 84
«Barselona» bir hafta ichida ikkinchi bor, la ligada esa ilk marta yutqazdi. Amaldagi chempionlar «Sevilya» maydonida sensatsion ravishda tor-mor etildi.
«Barsa»ga bu o‘yinda jarohat tufayli Yamal yordam bera olmasdi. Uning o‘rniga o‘ng qanot vingeri pozitsiyasiga Reshford tushirildi, Torres chap qanotdan joy oldi, markaziy forvard rolini safga qaytgan Levandovski bajardi. Shuningdek, «PSJ» bilan o‘yinda markaziy himoyada o‘ynagan Erik Garsiya o‘z o‘rnini Arauxoga bo‘shatib berdi.
Hans-Diter Flik o‘z ixtiyoridagi eng kuchli tarkibni jangga tashlagan bo‘lsa-da, jamoa mezbonlar bosimiga dosh bera olmadi. Shu kuni «Barselona»ni umuman tanib bo‘lmay qoldi, mezbonlar birinchi bo‘limda to‘liq ustunlikka erishdi va raqib himoya chizig‘i doimgidek o‘ta yuqori joylashganidan foydalanib, ikki to‘p farqi bilan oldinga chiqib olishdi. Mehmonlar raqib tezligiga ulgura olmadi va follar ishlatishga majbur bo‘ldi. Shunday vaziyatlardan birida Arauxo jarima maydoni ichida Isak Romeroga ishlatgan fol uchun penalti belgilandi, kataloniyaliklarning sobiq hujumchisi Aleksis Sanches aniq zarba bilan hisobni ochdi. Romero hisob 1:0 holatida het-trik qayd etishi ham mumkin edi, ammo birgina gol bilan cheklandi.
«Barsa»ni la liga o‘yinlarida o‘n yildan buyon yenga olmayotgan «Sevilya» shu kuni katta ishtiyoq bilan maydonga tushgandi. Ammo mehmonlar o‘yinda burilish yasashi ham mumkin edi. Reshford birinchi bo‘limga qo‘shib berilgan yettinchi daqiqada Pedrining ajoyib pasidan keyin havodagi to‘pni to‘xtatmasdan ideal zarba berdi va hisobni qisqartirdi. Ikkinchi bo‘limda hisob tenglashishi ham mumkin edi. Balde Reshford bilan «devor» uslubida o‘ynab, jarima maydoniga yorib kirganida Yanuzay uni qo‘llari bilan gazonga yiqitdi. «Ramon Sanches Pisxuan»dagi tribunalar karaxt holatga tushgandi, ammo Levandovski to‘pni qiyshiq tepganida mahalliy muxlislar bayramni davom ettirishdi.
«Barselona» vaziyatni o‘nglashga harakat qilishda davom etdi va yakunda zarbalar soni bo‘yicha «Sevilya»dan o‘zib ketdi ham (17:13). Ammo so‘nggi daqiqalarda Karmona va Adams qarshi hujumlarda hisobni yirik ko‘rinishga keltirib qo‘yishdi. Natijada Flik boshqaruvi davrida ilk bor uch to‘p farqi bilan yutqazgan «Barsa» turnir jadvalida ikkinchi o‘rinda qoldi.
«Selta» – «Atletiko» 1:1
Gollar: Starfelt, 6 – avtogol (0:1). Aspas, 68 (1:1)
«Selta»: Radu, Starfelt, Alonso, X. Rodriges, Beltran (U. Alvares, 55), D. Rodriges, Karreyra (Moriba, 84), Mingesa, Hutgla (Aspas, 63), Svedberg (Saragosa, 63), Iglesias (Duran, 84)
«Atletiko»: Oblak, Langle, Le Norman, Gansko, Liorente, Koke (Gallaher, 77), Barrios, Gonsales, Simeone (Molina, 82), Grizmann (Galan, 46, Baena, 76), X. Alvares (Serlot, 82)
Ogohlantirishlar: Iglesias, 65 – Langle, 25. Baena, 78
Chetlatish: Langle, 40 (ikkinchi sariq)
Nihoyat g‘alabali yo‘lga tushib olgan «Atletiko» Vigodagi o‘yinning 40-daqiqasidayoq Langlening ikkinchi bor sariq kartochka olishi tufayli ozchilik bo‘lib qolishdi, ammo bu vaqtga kelib «matraschilar» hisobda oldinda borayotgandi. Grizmanning ajoyib pasidan keyin himoyachilardan qochib ketgan Pablo Barrios raqib himoyachisi Starfeltni o‘z darvozasini ishg‘ol etib qo‘yishga majbur qildi. Ammo «Selta» bir kishi ko‘p bo‘lib o‘ynaganida mag‘lubiyatdan qutulib qoldi, o‘yinning ikkinchi bo‘limi o‘rtalarida 38 yoshli Aspas hisobni tenglashtirdi. Yago gol urmasa ham bo‘lmasdi, u shu kuni galisiyaliklar jamoasidagi 533-o‘yinida maydonga tushgandi va bu bilan Manologa tegishli bo‘lgan klub rekordini takrorlagandi.
\
Italiya: «Napoli» va «Roma» ilgarilab ketmoqda
«Fiorentina» – «Roma» 1:2
Gollar: Kin, 14 (1:0). Soule, 22 (1:1). Kristante, 30 (1:2)
«Fiorentina»: de Xea, Mari (Komutsso, 75), Raniyeri, Pongrachich, Mandragora (Jyeko, 75), Nikolussi Kavilya, Gozens, Dodo (Fortini, 81), Gudmundsson (Pikkoli, 46), Fatssini (Ndur, 67), Kin
«Roma»: Svilar, Manchini, N`Dika, Zeki Chelik, Kristante, Kone, Tsimikas (Rench, 68), Uesli Vinisius (Tsiolkovski, 81), Soule (Al-Aynaui, 81), Baldansi (Pellegrini, 59), Dovbik (Dibala, 59)
Ogohlantirishlar: Gudmundsson, 43. Mari, 70 – Kristante, 3. Tsimikas, 65. Uesli Vinisius, 68
O‘tgan hafta o‘rtasida Yevropa ligasida yutqazib qo‘ygan «Roma» ichki chempionatda g‘alabali yurishini davom ettirib, Florensiyadan ham uch ochko bilan qaytdi. Bu «bo‘rilar» o‘z tarixida uchinchi marta chempionat startidagi dastlabki uchta safar o‘yinida g‘alaba qozonishi bo‘lmoqda. Yakshanba kungi g‘alaba ijodkori Soule bo‘ldi, «Lill» bilan o‘yinda penaltini aniq ijro eta olmagan futbolchi aybini to‘liq yuvdi. Argentinalik hujumkor yarimhimoyachi avvaliga navbatdagi marta jarima maydoni tashqarisidan yo‘llagan zarbasi (A Seriyada bu borada uning tengi yo‘q) bilan hisobni tenglashtirdi. Keyin esa uning ijrosidagi kornerdan keyin Kristante bosh bilan darvozani ishg‘ol etib, g‘alabani ta’minladi. «Fiorentina» Stefano Pioli qo‘li ostida mavsum startida muvaffaqiyatsizlikka uchragan bo‘lsa (jamoa 6 turda 3 durang va 3 mag‘lubiyat qayd etgan), Jan Piyero Gasperini boshchiligida rimliklar 6 turda 5 g‘alabaga erishdi va onlayn rejimda turnir jadvalining birinchi o‘rniga chiqib olishdi.
«Napoli» – «Jyenoa» 2:1
Gollar: Exator, 34 (0:1). Zambo Angissa, 57 (1:1). Hoylund, 75 (2:1)
«Napoli»: Milinkovich-Savich, Juan Jyezus, Bekema, Olivera (Spinatssola, 50), Di Lorenso, Lobotka (Gilmor, 44), Maktominay, Zambo Angissa, Neres (Guterres, 82), Politano (De Breyne, 50), Hoylund (Lukka, 82)
«Jyenoa»: Leali, Vaskes, Markandalli (Otoa, 46), Sabelli (Karboni, 76), Norton-Kaffi, Frendrup, Masini, Malinovskiy (Torsbi, 61), Vitinya (Kolombo, 76), Ellersson, Exator (Ekuban, 61)
Ogohlantirishlar: Neres, 55 – Markandalli, 28. Malinovskiy, 38. Otoa, 63
«Napoli» esa «Jyenoa»ga qarshi o‘yinning birinchi bo‘limida hisobda ortda bordi va «Roma» muxlislari o‘z sevimli jamoasi birinchi o‘rinda qolishiga ishona boshlashdi. Qolaversa, o‘yini chiqmayotgan neapolliklar safida Lobotka jarohat tufayli almashtirildi. Ammo Antonio Konte tanaffusda jamoani o‘ziga keltira oldi. Ikkinchi bo‘limda neapolitanliklar katta kuch bilan oldinga tashlandi va Zambo-Angissa hisobni tenglashtirdi. Keyin esa Italiyada o‘zining eng yaxshi formasiga qaytgan Rasmus Hoylund g‘alaba golini urdi va «Napoli»ni birinchi o‘ringa qaytardi.
«Yuventus» – «Milan» 0:0
Aniq ijro etilmagan penalti: Pulishich, 53’
«Yuventus»: Di Gregorio, Rugani (Kostich, 86), Kelli, Gatti, Lokatelli, Makkenni, Kambiyaso, Kalyulyu, Konseysau (Tyuram, 68), Kenan Yildiz (Vlahovich, 68), David (Openda, 68)
«Milan»: Menyan, Gabbia, Pavlovich, Tomori, Rabio, Modrich, Fofana (Loftus-Chik, 63), Bartesagi, Salemakers, Ximenes (Leau, 63), Pulishich (Nkunku, 74)
Ogohlantirishlar: Lokatelli, 49. Gatti, 74 – Fofana, 45. Bartesagi, 59
Yakshanba oqshomidagi markaziy bahsda esa jamoalar «futbolcha shaxmat» o‘ynashdi. Igor Tudor va Massimiliano Allegri bir-birining jamoasini chuqur o‘rganishganini namoyish etishdi. Jamoalardan biri gol ura olganida o‘yin ochilib ketishi ham mumkin edi, ammo Devid Makkennining original pasini kutmagani ma’lum bo‘ldi, Santyago Ximenes Pavlovichning qanotdan uzatmasiga boshini qo‘yganida esa to‘p darvoza ustuni yonginasidan o‘tib ketdi. Ikkinchi bo‘limda esa Menyan Gattiga bir necha metr masofadan gol urishga yo‘l qo‘ymadi.
Bunday vaziyatda Modrich katta sahnaga chiqdi va to‘pni himoyachilar ortiga yetkazib berdi, to‘pga yetib borgan Ximenesni esa Kelli ortdan turtib yiqitdi. Penaltini Lukaning o‘zi ijro etganda yaxshiroq bo‘lardi, nuqtaga yaqinlashgan Pulishichning asablari esa dosh bera olmadi va to‘p yuqoridan o‘tib ketdi. Keyinroq Rafael Leau ham dramatik vaziyat qahramoniga aylandi. Portugaliyalik hujumchi darvozabon hududida turib aniq zarba bera olmadi. Bu durang Neapol va Rimdagi jamoalar uchun haqiqiy sovg‘a bo‘ldi.
O‘zbekiston milliy terma jamoasi 22-martdan Toshkentda o‘quv-mashg‘ulot yig‘inlarini boshlaydi.
Fabio Kannavaro FIFA Series uchun jalb etilgan futbolchilar ro‘yxatini e’lon qildi.
Kengaytirilgan ro‘yxatdan o‘rin olgan futbolchilarimiz — Jaloliddin Masharipov, Husniddin Aliqulov, Abbosbek Fayzullayev, Dilshod Komilov, Ibrohimhalil Yo‘ldoshev, Abdulla Abdullayev, Alibek Davronov va Husayn Norchayev jarohati tufayli yig‘inni o‘tkazib yuborishi ma’lum bo‘ldi.
Eslatib o‘tamiz, milliy jamoa FIFA Series doirasida 27 mart kuni Gabon, 30 mart kuni esa Venesuyealaga qarshi maydonga tushadi. O‘yinlar «Bunyodkor» stadionida soat 19:00 da start oladi.
Sport
FIFA Nigeriya e’tirozini rad etdi – Kongo DR O‘zbekiston bilan bir guruhdan joy olish uchun kurashadi
Afrika futbolida katta mojaro: JCh-2026 yo‘llanmalaridan biri uchun kurash maydondan tashqarida kechmoqda. FIFA Nigeriyaning Kongo Demokratik Respublikasi milliy jamoasi tarkibidagi ehtimoliy qoidabuzarliklar bo‘yicha shikoyatini rad qildi. Endi nigeriyaliklar xalqaro Sport arbitraj sudida (CAS) «adolat izlashga» urinib ko‘radi. Holat O‘zbekiston milliy jamoasining JCh-2026 guruh bosqichidagi ehtimoliy raqibini o‘zgartirishi mumkin.
FIFA tartib-intizom qo‘mitasi Nigeriya futbol federatsiyasining Kongo Demokratik Respublikasi milliy jamoasi ustidan bergan shikoyatini rad qildi. Bu haqda ESPN Nigeriya futbol federatsiyasiga (NFF) tayanib xabar berdi. NFF zudlik bilan apellyatsiya jarayonini boshlaganini ma’lum qildi.
Avvalroq, NFF kongoliklar tarkibidagi bir necha futbolchi fuqarolik haqidagi FIFA talablarini buzgani bo‘yicha e’tiroz bildirib, ushbu milliy jamoaga texnik mag‘lubiyat yozgan holda JCh-2026 saralash o‘yinlaridan chetlatishni talab qilgan edi.
«Biz FIFA Tartib-intizom qo‘mitasining arizamiz bo‘yicha qarorini oldik, biroq arizamiz rad etilgan qaror bizni qoniqtirmaydi», dedi NFF bosh kotibi Muhammad Sanusi. «Nigeriyaliklarni ishontirib aytamanki, NFF zudlik bilan qaror ustidan shikoyat qilish jarayonini boshladi».
Endi shikoyat Sport arbitraj sudiga (CAS) yuborilishi kutilmoqda, ammo apellyatsiya jarayoni 26 mart kuni – qit’alararo pley-off boshlangunga qadar yakunlanishi dargumon.
Kongo DR futbol federatsiyasi bu xabarga munosabat bildirmadi.
Mojaro mazmuni
2025 yil noyabr oyida Kongo DR milliy jamoasi Afrika pley-offida Nigeriyani mag‘lub etdi (asosiy vaqtda 1:1 va penaltilar seriyasida 4:3). Bu kongoliklarga JCh-2026 yo‘llanmasi uchun qit’alararo pley-off o‘yinlariga yo‘llanmani taqdim etdi. Nigeriya esa JCh-2026 yo‘llanmasidan mahrum bo‘ldi.
Dekabrda AQSh poytaxti Vashingtonda JCh-2026 guruh bosqichiga qur’a tashlandi. O‘zbekiston milliy jamoasi K guruhida Portugaliya, Kolumbiya va saralashdan o‘tadigan yana bir jamoaga (Kongo DR/Yamayka/Yangi Kaledoniya) qarshi o‘ynashi ma’lum bo‘ldi.
Nigeriya futbol federatsiyasi (NFF) Kongo DR fuqarolik va milliy mansublikni o‘zgartirish talablariga javob bermaydigan o‘yinchilardan foydalangani haqida FIFAga rasmiy shikoyat bilan chiqdi.
Shikoyat nimaga asoslangan
Nigeriya futbol federatsiyasi (NFF) Kongo DR tarkibidagi 9 nafargacha futbolchi fuqarolikni o‘zgartirish tartibini buzgan deb hisoblamoqda – ularda Yevropa pasporti bor, ammo Kongo DR qonunlariga ko‘ra ikki fuqarolikka ruxsat berilmaydi.
Nigeriyaliklarning ta’kidlashicha, bu futbolchilar Yevropa pasportidan voz kechmagan va Kongo DR futbol federatsiyasi FIFAni milliy fuqarolik hujjatlari bilan «chalg‘itgan».
FIFA futbol qoidalariga ko‘ra, futbolchidan faqat mamlakatning amaldagi pasporti talab qilinadi. Ammo Kongo DR fuqarolik qonunchiligi bo‘yicha ikki fuqarolik taqiqlangan. Ushbu holat shikoyatga sabab bo‘lgan.
Kongo DR futbol federatsiyasi barcha o‘yinchilar FIFA tomonidan ma’qullanganini va maydonga tushish huquqiga ega ekanini ta’kidlamoqda va Nigeriyani maydondagi mag‘lubiyatdan so‘ng «orqa eshikdan bostirib kirishga» urinishda ayblamoqda.
Dastlab FIFA 2025 yil dekabr oyida futbol qoidalari uchun futbolchi vakil bo‘lgan mamlakatning amaldagi pasporti bo‘lishi yetarli ekanini aytib, shikoyatni rad qilgan edi. Ammo fevral oyi o‘rtalarida bir qator ommaviy axborot vositalarida (jumladan, The African Mirror va Eye Witness News) FIFA Tartib-intizom qo‘mitasi o‘yin paytida futbol fuqaroligini o‘zgartirish jarayoni tugallanmagan «X futbolchi» uchun ishni qayta ko‘rib chiqayotgani haqida xabarlar paydo bo‘ldi.
FIFA qaroridan keyin, endi NFF xalqaro Sport arbitraj sudida (CAS) «adolat izlashga» urinib ko‘radi.
Osiyo futbol konfederatsiyasi (OFK) 2031 va 2035 yilgi Osiyo Kubogi mezbonlarini tanlash jarayonlarini bekor qildi. Musobaqalar FIFA talabiga ko‘ra juft yillarga ko‘chirildi. Endi mezbon tanlash jarayoni qaytadan boshlanadi. Avvalroq, 2031 yilgi turnir mezbonligiga O‘zbekiston, Tojikiston va Qirg‘iziston qo‘shma ariza topshirgan edi.
Foto: REUTERS/Ibraheem Al Omari
Osiyo futbol konfederatsiyasi (OFK) 2031 va 2035 yilgi Osiyo Kubogi mezbonlarini tanlash jarayonlari bekor qilingani haqida milliy federatsiyalarni rasman xabardor etdi, deb yozdi Reuters.
Turnir mezbonligiga O‘zbekiston, Tojikiston va Qirg‘izistonning qo‘shma arizasi ham da’vogarlik qilayotgan edi.
Bekor qilinishiga sabab FIFA tashabbusi bo‘lib, u qit’a turnirlari jadvalini o‘zgartirish va ularni juft yillarga ko‘chirishni taklif qilgan. Muhokamalardan so‘ng OFK bu taklifga rozi bo‘ldi.
Nima o‘zgaradi?
Asosiy oqibat – turnirlarning to‘liq ko‘chirilishi: Osiyo kubogi-2031 endi 2032 yilga rejalashtirilgan, Osiyo kubogi-2035 esa 2036 yilga ko‘chirilgan. Shunday qilib, turnirni o‘tkazishning an’anaviy tizimi buziladi va musobaqalar boshqa vaqt oralig‘ida o‘tkaziladi. Shu bilan birga, Osiyo Kubogi-2027 reja bo‘yicha o‘z muddatida bo‘lib o‘tadi.
Osiyo Kubogining juft yillarga ko‘chirilishi yana bir muammoni keltirib chiqarmoqda – boshqa konfederatsiyalarning eng yirik turnirlari bilan bir vaqtga to‘g‘ri kelmoqda. Endi bir yil davomida quyidagi musobaqalar o‘tkazilishi mumkin: Yevropa chempionati (UYeFA Yevro), Amerika Kubogi (Copa America), Osiyo Kubogi.
FIFA nega tizimni o‘zgartirmoqda?
O‘zgarishlar xalqaro taqvimni markazlashgan holda boshqarish bilan bog‘liq. FIFA allaqachon 2030 yilgacha bo‘lgan global musobaqalar rejasini tasdiqlagan bo‘lib, unda milliy jamoalar o‘yinlari uchun oynalar, saralash turnirlari, final bosqichlari va o‘rtoqlik o‘yinlari aniq ko‘rsatilgan. Ushbu tizimda har bir konfederatsiya umumiy jadvalga moslashishi kerak. Osiyo Kubogi qarori – mana shu katta islohotning bir qismi.
Mezbonlikka nomzodlar bilan vaziyat qanday?
Turnirlar sanasining o‘zgarishi mezbonlikka da’vogarlarning barcha arizalarini avtomatik ravishda bekor qiladi. Bu shuni anglatadiki, mezbonlarni tanlash jarayoni qaytadan boshlanadi, hamma yangi tartibni kutishiga to‘g‘ri keladi. OFK amalda ikki turnirga tayyorgarlik siklini qaytadan boshlaydi.
2031 yilgi Osiyo Kubogi mezbonligiga Avstraliya, Hindiston, Indoneziya, Kuvayt, Janubiy Koreya, shuningdek, O‘zbekiston, Qirg‘iziston va Tojikiston qo‘shma ariza topshirgan edi. Endi O‘zbekistonning yangi turnirlar mezbonligi uchun ariza topshirishi masalasi noma’lum. Hozircha, O‘zbekiston futbol assotsiatsiyasi (O‘FA) vaziyatga munosabat bildirmadi.
Fudbol bo‘yicha O‘zbekiston milliy jamoasi Toshkentda bo‘lib o‘tadigan FIFA Series xalqaro o‘rtoqlik turnirida qatnashadi. Musobaqa 27–30 mart kunlari tashkil etiladi va unda Gabon, Trinidad va Tobago hamda Venesuela jamoalari ishtirok etadi.
Mart oyining oxirida Toshkent shahri FIFA Series xalqaro o‘rtoqlik turniriga mezbonlik qiladi. Milliy terma jamoa bosh murabbiyi Fabio Kannavaro maskur yig‘in uchun jalb etilgan futbolchilar ro‘yxatini e’lon qildi.
Darvozabonlar: O‘tkir Yusupov («Navbahor»), Abduvohid Ne’matov («Nasaf»), Botirali Ergashev («Neftchi»).
Himoyachilar: Rustamjon Ashurmatov («Istiqlol», Eron), Umarbek Eshmurodov («Nasaf»), Abduqodir Husanov («Manchester Siti», Angliya), Muhammadrasul Abdumajidov, Hojiakbar Alijonov, Sherzod Nasrullayev, Muhammadqodir Hamraliyev («Paxtakor»), Behruz Karimov («Surxon»), Jahongir O‘rozov («Dinamo»), Farruh Sayfiyev («Neftchi»).
Yarim himoyachilar: Umarali Rahmonaliyev («Sabah», Ozarbayjon), Ibrohim Ibragimov, Dostonbek Hamdamov, Akmal Mozgovoy («Paxtakor»), Alisher Odilov, Jamshid Iskanderov («Neftchi»), Otabek Shukurov («Baniyas», BAA), Azizjon G‘aniyev («Al Bataeh», BAA), Oston O‘runov («Persepolis», Eron).
Hujumchilar: Eldor Shomurodov («Istanbul Bashakshehir»), Igor Sergeyev («Persepolis», Eron), Sherzod Temirov («Erbil», Iroq).
Musobaqa 27-30 mart kunlari o‘tkaziladi.
27 mart
15:00 Venesuela – Trinidad va Tobago («Paxtakor» stadioni);
19:00 O‘zbekiston – Gabon («Bunyodkor» stadioni).
30 mart
15:00 Gabon – Trinidad va Tobago («Paxtakor» stadioni);
19:00 O‘zbekiston – Venesuela («Bunyodkor» stadioni).
Ma’lumot uchun, FIFA Series 2026 turnirlari o‘rtoqlik o‘yinlari o‘rnini bosishi nazarda tutilgan va butun dunyo bo‘ylab o‘tkaziladi. Erkaklar o‘rtasidagi bahslarga Avstraliya, Ozarboyjon, Indoneziya, Qozog‘iston, Yangi Zelandiya, Puerto-Riko, Ruanda va O‘zbekiston mezbonlik qiladi. Ayollar o‘rtasidagi musobaqalar Braziliya, Kot-d’Ivuar va Tailandda bo‘lib o‘tadi.
Turnirda ishtirok etayotgan beshta erkaklar milliy jamoasi – Avstraliya, Kabo-Verde, Kyurasao, Yangi Zelandiya va O‘zbekiston 2026 yilgi jahon chempionati ishtirokchisi sanaladi.
O‘zbekiston Superligasida 4-tur o‘yinlari o‘tkazildi. «Neftchi» mavsumda birinchi marta gol o‘tkazdi, ammo g‘alabali qadamini davom ettirdi. «Navbahor» va «Nasaf» so‘nggi daqiqalarda gol o‘tkazib, mag‘lubiyatga uchradi. Jizzaxda 6 ta gol urilgan o‘yinda «Paxtakor» uch ochkoni qo‘lga kiritdi. OKMK birinchi marta g‘alaba qozondi, bosh murabbiy Mirjalol Qosimov mobil o‘yinlar tufayli futbolchilarda ishtiyoq pasayib ketganini aytdi.
18-20 mart kunlari futbol bo‘yicha O‘zbekiston Superligasida 4-tur o‘yinlari o‘tkazildi.
QIZILQUM 0:1 OKMK
Gol: Abror Karimov, 34 (0:1)
OKMK mavsumdagi birinchi g‘alabasini Navoiyda qo‘lga kiritdi. Yagona gol «Qizilqum»ni mag‘lub etish uchun yetarli bo‘ldi. Olmaliqliklar ushbu g‘alabadan keyin musobaqa jadvalida 10-o‘ringa ko‘tarilib oldi.
«Qizilqum» bosh murabbiyi Akmal Rustamov jamoa yagona xato tufayli yutqazganini aytdi. OKMK ustozi Mirjalol Qosimov futbolchilarning ishtiyoqini telefondagi o‘yinlar olib qo‘yayotganidan shikoyat qildi. «Hozir telefon chiqib ko‘plarning xayolini olyapti, telefondagi o‘yinlar maydondagi futboldan ko‘proq azart beryapti. Qaniydi maydonda ham shunday kurash kechsa. Telefondagi o‘yinlar yoshlarning miyasini buzyapti», dedi u.
QO‘QON-1912 2:1 NAVBAHOR
Gollar: Anri Chichinadze, 14 (0:1), Javohir Husanov, pen 28 (1:1), Muhammadanas Hasanov, 90+4 (2:1)
Qo‘qonda kutilmagan natija qayd etildi. G‘alaba nimaligini bilmay kelayotgan mezbonlar «Navbahor»ni irodali tarzda mag‘lub etishga erishdi. G‘alaba keltiruvchi gol so‘nggi daqiqalarda urildi.
«Qo‘qon-1912» ustozi Andrey Shipilov bugun omad kulib boqqanini tan oldi. «Navbahor» bosh murabbiyi Temur Kapadze mag‘lubiyatni boshqa narsalar qatori maydon holati bilan ham bog‘ladi. «Maydon ham og‘ir, o‘t baland ekan, bu esa raqibga qo‘l keldi. Maydonda to‘p sekin yurdi, bizga og‘irlik qildi, maydon holati bilan kurash olib bordik», dedi u.
XORAZM 1:2 BUNYoDKOR
Gollar: Nosirjon Abdusalomov, 16 (0:1), Matiya Krivokapich, 43 pen (0:2), Temur Ismailov, 54 (1:2)
Chetlatish: Sardor Rahmonov, 62 (Bunyodkor)
«Bunyodkor» Urganchdagi qiyin o‘yinda 3 ochkoni qo‘lga kiritdi. Toshkentliklar so‘nggi yarim soatni raqibga nisbatan kamchilikda o‘tkazdi, ammo g‘alabani ushlab qolishga erishdi.
«Xorazm» bosh murabbiyi Sergey Tokov ikkita gol o‘tkazib yuborilgan birinchi bo‘lim haqida «uyalishimiz kerak» dedi. «Bunyodkor» ustozi Ilyos Zeytullayev g‘alabadan xursandligini yashirmadi va o‘zini «o‘zbek Spalettisi» deb atalishiga xotirjam munosabatda ekanini ta’kidladi. «Men o‘zimni o‘zbek spagettisi deyman (kulib). Menga Spaletti murabbiy sifatida yoqadi, lekin men angrenlikman», dedi u.
BUXORO 3:1 DINAMO
Gollar: Ravshan Xayrullayev, 45, avtogol (0:1), Temur Mamasidiqov, 48 (1:1), Shahzodbek Ubaydullayev, 54 (2:1), Ravshan Xayrullayev, 63 (3:1)
Yana bir kutilmagan natija Buxoroda qayd etildi. Aleksandr Xomyakov qo‘l ostidagi «Buxoro» Samarqandning «Dinamo» klubini irodali tarzda mag‘lub etdi. Bu natijadan so‘ng, buxoroliklar musobaqa jadvalida ikkinchi o‘ringa ko‘tarilib oldi va chempionat startidagi asosiy kashfiyot bo‘lib turibdi.
«Buxoro» bosh murabbiyi o‘yindan keyin «dastlab uyatli gol o‘tkazdik va tezkor gol urdik. Ikkinchi golda omadimiz keldi, uchinchi golimiz esa o‘yinga yakun yasab berdi», dedi. «Dinamo» ustozi Vadim Abramov maydon sifatiga e’tiroz bildirdi. «O‘ylashimcha, bu maydonda futbol o‘ynashga boshqa ruxsat berishmasa kerak», dedi u.
ANDIJON 2:0 MASh’AL
Gollar: Martin Boake, 18 (1:0), Doniyor Abdumannopov, 76 (2:0)
Chetlatish: Ibrohim G‘anixonov, 12 (Mash’al)
«Andijon» autsayder ustidan ishonchli tarzda g‘alaba qozondi. «Mash’al» o‘yin boshidayoq bir futbolchi kam bo‘lib qoldi. Ibrohim G‘anixonov «Andijon» himoyachisi Igor Golbanga tirsagi bilan zarba bergan deb topildi va maydondan chetlatildi. Vaziyat ijtimoiy tarmoqlarda faol muhokama qilindi, qoidabuzarlik yaqqol emasdek ko‘rindi. O‘yindan keyin Futbol hakamlari markazi Igor Golbanning yorilgan qoshi fotosuratini e’lon qildi. Mezbonlar tarkibdagi ustunlikni g‘alabaga aylantira oldi. «Mash’al» hali birorta gol urmadi va jadval tubiga «o‘rnashib» qoldi.
«Andijon» bosh murabbiyi Samvel Babayan o‘yindan keyin tanqidiy fikr bildirdi: «Jamoam o‘yinidan to‘liq qoniqmadim. Qoniqdim degan murabbiy faoliyatini tugatib qo‘yavergani yaxshi deb o‘ylayman», dedi. «Mash’al» ustozi Igor Surov «agar bir kishi kam bo‘lib qolmaganimizda, umuman boshqacha futbol namoyish etgan bo‘lardik», dedi.
SO‘G‘DIYoNA 2:4 PAXTAKOR
Gollar: Filip Ivanovich, 2 (1:0), Flamarion, 36 (1:1), Rustam Turdimurodov, 50 (1:2), Rustam Turdimurodov, 57 pen (1:3), Hojimat Erkinov, 74 pen (1:4), Feysal Mulich, 90+5 pen (2:4)
Turning eng «quvnoq» o‘yini Jizzaxda o‘tkazildi. 6 ta gol urilgan bahsda «Paxtakor» ishonchli g‘alabani qo‘lga kiritdi va uchinchi o‘ringa ko‘tarilib oldi. Mehmonlar tarkibida Rustam Turdimurodov ikkita gol urdi. «So‘g‘diyona» uchun mavsum starti muvaffaqiyatsiz kechdi – jamoa 1 ochko bilan so‘nggi o‘rinlardan birini egallab turibdi.
«So‘g‘diyona» bosh murabbiyi Ivan Boshkovich dastlabki to‘rtta o‘yinda atigi bir ochko to‘plangani haqida gapirar ekan, buni inqiroz ekanini qisman tan oldi, lekin jamoa yanada yaxshiroq harakat qilishiga ishontirdi. Moliyaviy muammolar haqidagi savolni esa javobsiz qoldirdi.
NASAF 0:1 SURXON
Gol: Tornike Dzebniauri, 90+2 (0:1)
Yana bir kutilmagan natija Samarqandda qayd etildi. «Nasaf» so‘nggi daqiqalarda gol o‘tkazib, «Surxon»ga yutqazdi. Termizliklar bundan oldin bosh murabbiy Stanislav Kudryashov bilan xayrlashib, o‘rniga Anvar G‘ofurovni tayinlagan edi. Uning debyuti muvaffaqiyatli chiqdi. «Nasaf» bosh murabbiyi Ro‘ziqul Berdiyev mag‘lubiyatni «hujumlarda yetarlicha faol bo‘lmagani» bilan izohladi. Anvar G‘ofurov g‘alabani omad bilan izohladi.
NeFTChI 3:1 LOKOMOTIV
Gollar: Ibrohimhalil Yo‘ldoshev, 11 (1:0), Temurxo‘ja Abduxoliqov, 36 pen (1:1), Stipe Peritsa, 65 (2:1), Alisher Odilov, 89 (3:1)
«Neftchi» navbatdagi g‘alabani qo‘lga kiritdi. Farg‘onaliklar 15 yilda ilk marotaba «Lokomotiv»ni o‘z maydonida yengishga muvaffaq bo‘ldi va chempionatda yo‘qotishsiz bormoqda. Bu o‘yinda ular mavsumdagi ilk golini o‘tkazdi (penaltidan), ammo yana uchta gol urishga muvaffaq bo‘ldi. «Neftchi» bosh murabbiyi Islombek Ismoilov dastlabki o‘tkazib yuborilgan goldan ranjiganini tan oldi: «gol o‘tkazmaslik seriyasini uzoq davom ettirishni maqsad qilgandik», dedi. «Lokomotiv» ustozi Mirko Yyelichich: «Hozircha darajamiz «Neftchi» bilan bir xil emas va buni to‘g‘ri tushunish kerak», dedi.
4-tur o‘yinlaridan keyin Superliga jadvali
Superliga to‘purarlari
Ko‘rgazmabozlik soyasidagi bayram yoxud sahnadan haydalgan bolalar
Turkmanistonda talabalarga suratlarini ijtimoiy tarmoqlarga joylashtirish taqiqlandi
Eron 10 million riyollik banknotni muomilaga chiqardi
-
Dunyodan4 days ago
Eron Hormuz boʻgʻozi orqali cheklangan oʻtishga ruxsat beradi
-
Iqtisodiyot5 days ago“Markaziy Osiyo umumiy investitsiya makonini yaratishi zarur” – Alisher Umirdinov
-
Jamiyat4 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Siyosat3 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot4 days agopayme Tez QR orqali to‘lovni 3% keshbek bilan ishga tushirmoqda
-
Dunyodan3 days ago
Istanbulda yetti yil avval sodir etilgan qotillik ishi fosh etildi. O’zbek ayoli vafot etdi
-
Iqtisodiyot5 days agoMetandan go‘shtgacha. Narxi keskin oshgan mahsulot va xizmatlar
-
Dunyodan5 days ago
Xakerlar Isroil va Rizo Pahlaviyning maxfiy hujjatlarini qo’lga kiritadilar