Jamiyat
“Avtobuslar xuddi taksiday yuribdi” – Shota Rustavelining o‘rtasida avtobus yo‘lagi ochildi
Toshkent shahrining Shota Rustaveli ko‘chasi markazidagi yo‘lakda avtobuslar harakatlana boshladi. Birinchi bosqichda 38, 57 va 58-sonli avtobus yo‘nalishlari qatnoviga ruxsat berilgan. Xo‘sh, jamoat transportining yangi tizimi yo‘lovchilarda qanday taassurot qoldiryapti? Kun.uz muxbiri shu haqda reportaj tayyorladi.
{Yii::t(}
O’tkazib yuborish 6s
O’tkazib yuborish
7 oktyabr kuni Toshkentning Shota Rustaveli ko‘chasi o‘rtasida avtobuslar uchun ajratilgan 5 kmlik yo‘lak ochildi. Hozircha 38, 57 va 58-sonli avtobuslar harakatlanyapti. Kun.uz muxbiri bilan suhbatlashgan yo‘lovchilarga ko‘ra, ushbu yo‘lak tufayli 20-25 daqiqalik yo‘l 10-15 daqiqaga qisqargan, tirbandlik kamaygan.
“Biz bu yo‘lni 3 oy kutdik, juda qulay. Bekatga o‘tishi uchun peshexod bor. Bolalar o‘zi ham o‘ta oladi. Oldin bunaqa darajada peshexod yo‘q edi. Oldin mashinalar bilan aralashgani hisobiga avtobus o‘rtada qolib ketardi, chiqa olmay qolardi, maktabga kech qolardik”, – deydi yo‘lovchilardan biri.
Boshqa bir suhbatdosh yengil mashinalarning to‘xtovsiz signallari endi yo‘qligini aytdi.
“Ko‘pincha metrodan foydalanardim. Shota Rustaveli ko‘chasi yopiqligi sababli metro tirband edi. Mana bugun ochilibdi, mashinalarda oldingidek, signallar yo‘q. Endi bu yo‘lakni yana ham rivojlantirish uchun qanaqadir manzarali daraxtlar o‘tqazish kerak deb o‘ylayman.
Oldin ishxonagacha taxminan 45-50 daqiqada borardim. Hozir shu yo‘lning yarmiga yetdik («Grand Mir» mehmonxonasi), hali 15 daqiqa o‘tmadi. Menimcha, bekatlar yozgi issiq kunlarga unchalik yaxshi himoyalanmagan. Tomi tunukadan iborat, quyosh nuri o‘tib ketadi. Bekatlarga konditsionerlar o‘rnatibmi, yanayam zamonaviy qilish kerak”, – deydi yo‘lovchi.
58-sonli avtobus haydovchisi Furqat Jo‘rayev yo‘lak ancha xavfsiz ekanligini bildirdi.
“Yengil mashinalar xalaqit qilmaydi. Bexatar yuramiz-da. Qulayliklari zo‘r. Oldingidan 5-10 minut farq qiladi. 40 daqiqada boradigan joyimizga yarim soatda boryapmiz. Avval tirbandlik ko‘p bo‘lardi. Bu zo‘r tizim”, – deydi u. 38-sonli avtobus haydovchisi Nosir Mirzakamolov yengil avtomobillar yo‘lakka chiqib olayotgani noqulaylik tug‘dirayotganini aytdi.
“Vaqtimiz qisqarishga qisqardi-yu, bizning vaqtimiz Sergeli, Bodomzor konechkalarida ko‘proq ketib qolyapti. Tirbandliklar asosan o‘sha yerda bo‘lyapti. Bu yo‘lak bo‘yicha tirbandliklar yo‘q. Qulay. Kamchiliklari bor-u, yaxshi, chiroyli qurilgan. Yengil mashinalar ozgina yo‘nalishini bilmayapti, bizning yo‘nalishimizga kirib, xalaqit beryapti. Agar shu yo‘nalish oxirigacha olib borilsa, odamlarning manziliga yetish vaqti qisqaradi, Indeks bozorigacha uzaytirishsa, ancha qulay bo‘ladi”, – deydi Mirzakamolov.
Uning so‘zlariga ko‘ra, hozirda yo‘l belgilari yetishmasligi tufayli yengil avtomobillar bilan turli noqulayliklar kelib chiqyapti. Toshkent shahar transport bosh boshqarmasi boshlig‘i o‘rinbosari Olloyor Norbo‘tayevning ma’lum qilishicha, ikkinchi bosqichda ushbu yo‘lakda harakatlanish uchun 9 ta avtobus yo‘nalishiga ruxsat beriladi.
“Mazkur 5 kilometr avtobuslar yo‘lagida jami 22 ta avtobus yo‘nalishi harakatlanadi. Hozirda birinchi bosqichda uchta avtobus yo‘nalishiga, ya’ni mazkur ko‘chadan boshdan oxirigacha harakatlanuvchi uchta avtobus yo‘nalishiga ruxsat berildi. Hozir mana ko‘rib turibsiz, o‘sha bekatlarda oxirgi o‘rnatish ishlari, tozalash ishlari amalga oshirilmoqda. Ikkinchi bosqichda 9 ta avtobus yo‘nalishi va 3-bosqichda qolgan avtobus yo‘nalishlari ham mazkur yo‘l bo‘lagi bo‘ylab harakatlanadi. 3 ta avtobus yo‘nalishi boshidan oxirigacha harakatlansa, qolgan avtobuslarimiz mazkur yo‘l uchastkasining ma’lum bir qismida harakatlanadi. Eng ko‘pi shu yo‘lakning bir kilometridan 14 ta avtobus harakatlanadi. O‘sha 2 ta bekat o‘rtasida, masalan, 81-avtobus yo‘nalishimiz o‘sha «Grand Mir» mehmonxonasidan mazkur ko‘chaga harakatlangan holda, Bobur ko‘chasida o‘ngga burilib, Chorsu savdo markaziga harakatlanadi”, – deydi Norbo‘tayev.
Uning qo‘shimcha qilishicha, avtobus yo‘nalishlari maxsus joylar va svetoforlar orqali umumiy oqimga oson qo‘shiladi. Norbo‘tayevga ko‘ra, mazkur yo‘lak bo‘ylab avtobuslarning harakatlanish tezligi o‘rtacha 11-14 foizga oshishi hamda harakatlanish vaqti 7 daqiqaga qisqarishi hisoblab chiqilgan.
Prezident Shavkat Mirziyoyev favqulodda vaziyatlarning oldini olish hamda ularni bartaraf etish tizimini takomillashtirishga oid taqdimot bilan tanishdi.
Mamlakatimizda aholi xavfsizligi aziz ne’mat sifatida muhofaza qilinadi. Turli xatarlar paydo bo‘layotgan hozirgi zamonda favqulodda vaziyatlar organlari tizimini ham takomillashtirish zarurati tug‘ilmoqda.
Sohada 30 dan ortiq qonun hujjatlari qabul qilingani bilan haligacha favqulodda vaziyatlar muhofazasi bo‘yicha kompleks dastur yo‘q. Bundan 16 yil oldin qabul qilingan “Yong‘in xavfsizligi to‘g‘risida”gi qonun ham eskirgan.
Shu bois, favqulodda vaziyatlarni oldindan baholab, tezkor va proaktiv ishlaydigan tizim yaratish vazifasi qo‘yilgan.
Taqdimotda mutasaddilar shu boradagi tahlil natijalari, mavjud muammolar va takliflarini bayon qildi.
Hozir favqulodda vaziyatlarning oldini olish bo‘yicha profilaktika ishlari asosan davlat idoralarida amalga oshirilyapti. Lekin bunday holatlarning 70 foizdan ortig‘i aholi xonadonlarida nosoz, muddati o‘tgan gaz va elektr jihozlaridan foydalanish, xavfsizlik madaniyatiga rioya qilmaslik oqibatida yuzaga kelyapti.
Shuning uchun tizim ishini mahallalarda tashkil etib, favqulodda vaziyatlarning oldini olish, xavfsizlik madaniyatini oshirish bo‘yicha chora-tadbirlar bilan har bir mahalla, har bir ko‘cha va xonadonni qamrab olishi zarurligi ta’kidlandi.
Sohada raqamli texnologiyalar va zamonaviy texnik vositalardan foydalanish darajasi ancha past, bu boradagi ishlar xanuzgacha zamon talablariga moslashtirilmagan.
Shu bois, sohada raqamli infratuzilma yaratish, favqulodda vaziyat haqida xabar berishdan boshlab, uni to‘liq bartaraf etishgacha bo‘lgan hamma jarayonlarni raqamlashtirish, shuningdek, yangi ishlash mexanizmlarini joriy etish bo‘yicha topshiriq berildi.
Favqulodda vaziyatlarni tezkor bartaraf qilish uchun zamonaviy texnika va jihozlarni ko‘paytirish, ularni o‘zimizda ishlab chiqarishni yo‘lga qo‘yish lozimligi ko‘rsatib o‘tildi.
So‘nggi yillarda mamlakatimizda barcha tarmoqlar transformatsiya bo‘lyapti, qurilish industriyasi o‘zgarmoqda. Hamma sohalarda “yashil” texnologiyalar keng joriy qilinmoqda. Ular orqali yuzaga kelishi mumkin bo‘lgan yangi turdagi texnogen xavflarni baholab, oldini olish uchun zamonaviy kadrlar tayyorlash, qayta tayyorlash va malakasini oshirishning uzluksiz tizimini yaratish dolzarbligi qayd etildi.
Shu munosabat bilan Favqulodda vaziyatlar vazirligi akademiyasida dual ta’limni yo‘lga qo‘yish va malaka oshirish markazini tashkil etish, professional qutqaruvchilarni tayyorlash, o‘qitish va ilmiy tadqiqotlar ko‘lamini kengaytirish topshirildi.
Ijtimoiy murabbiy(life-coach) Dilrabo Norqulovaning ta’kidlashicha, suitsidga psixologik va ijtimoiy omillarning ta’siri ustun bo‘ladi.
{Yii::t(}
O’tkazib yuborish 6s
O’tkazib yuborish
“Jamiyatimizda ruhiy muammolar haqida gapirishdan qo‘rquv bor. Hammasini ichiga yutishga o‘rganib, moslashib qolganmiz. Ko‘pchilik hanuzgacha “psixologga borish”ni zaiflik, “depressiya”ni esa irodasizlik deb biladi va ichki og‘rig‘ini yashiradi, yordam so‘rashdan tortinadi. Bu esa ruhiy tushkunlik xavfini yanada oshiradi”, — deydi u.
Mutaxassisga ko‘ra, suitsidning ildizi ko‘pincha muammolarni yashirish va uni atrofdagilar eshitmasligida bo‘ladi. Odam iztiroblarini kimgadur aytib yoki san’at orqali to‘kib-sochib, ichidan chiqarib yuborishi kerak. Dardlar to‘planib, chuqur depressiyani hosil qiladi va suitsid xavfini oshiradi.
Intervyuni to‘liq holda Kun.uz’ning YouTube’dagi sahifasida tomosha qilishingiz mumkin.
Fermer yo‘lovchi tashishga mo‘ljallanmagan Labo’da terimchi ayollarni paxta dalasiga tashigan. YTH sodir bo‘lganda mashina bortida 16 nafar ayol bo‘lgani, ularning barchasi turli darajada tan jarohati olgani aytilmoqda.
Surxondaryo viloyatining Bandixon tumanida Labo va Cobalt to‘qnashdi. Bu haqda Kun.uz manbasi xabar berdi.
Ma’lum bo‘lishicha, YTH 3 oktyabr kuni kechki payt sodir bo‘lgan: fermer A.H. boshqaruvidagi Labo qarama-qarshi yo‘nalishda kelayotgan Cobalt bilan to‘qnashib ketgan. Bu paytda Labo mashinasi bortida paxta terimidan qaytayotgan ayollar bo‘lgan.
YTH oqibatida fermer hamda terimchi ayollar turli darajada tan jarohati olgan. Ulardan ayrimlarining ahvoli og‘ir ekani aytilmoqda.
“Labo bortida o‘ndan ortiq ayol bo‘lgan. Fermer yo‘lovchi tashish mumkin bo‘lmasa ham Labo’da ayollarni paxta dalasiga tashigan. Qishloq va fermerning dalasi o‘rtasidagi masofa taxminan 10 km atrofida.
YTHda o‘nga yaqin ayol jarohatlangan. Ulardan biri singlim. Hozir Sherobod tuman shifoxonasida. Yelkasi singan. Shifokorlar jarrohlik amaliyoti o‘tkazish zarurligini aytmoqda. Yana bir ayolning tos suyagi, boshqasining qovurg‘asi singan. Ayni paytda fermerning oilasidagi ruhiy holatni tushunamiz, biroq jarohatlangan ayollarga moddiy ko‘mak zarur”, deydi jabrlanuvchilardan birining yaqin qarindoshi Kun.uz jurnalisti bilan suhbatda.
Uning qo‘shimcha qilishicha, fermerning o‘zi ham shifoxonaning jonlantirish bo‘limiga yotqizilgan. YTHda og‘ir tan jarohati olganlar Termiz shahridagi shifoxonaga olib ketilgan.
“3 oktyabr kuni Abbos akaning dalasidan paxta terimidan qaytayotganimizda 16 ayol avariyaga uchradik. Mashinani fermerning o‘zi boshqarib kelayotgandi. Barchamiz jarohatlandik, lekin yordam berishmayapti, hol-ahvol so‘ramadi hech kim. Yaxshisan, deb shifoxonadan javob berib yuborgandi. Kecha xususiy klinikaga borib, apparatga tushib keldim, 4 ta qovurg‘am singan deb chiqardi. Hamma ayollar jabr ko‘rgan, ko‘pi operatsiya bo‘lyapti”, degan jabrlangan ayollardan biri.
Yana bir jabrlanuvchi Salima Murodova esa fermerning akasi jarohatlangan ayollardan 2 kun xabar olib turganini, keyin u ham kelmay qo‘yganini ma’lum qilgan.
Surxondaryo viloyati IIB YHXB hozircha holat yuzasidan munosabat bildirmadi.
Respublikamizda 2026-yil uchun barcha bosma nashrlarga obuna qabul qilish jarayoni davom etmoqda. Shu munosabat bilan “Xabar” gazetasi kelgusi yilgi obuna doirasida korxonalari, tashkilotlar va muassasalar uchun foydali takliflarni e’lon qilmoqda.
“Xabar” gazetasiga:
• 1000 dona obuna uyushtirgan korxonalarga — bir yil davomida xabar.uz va ict.xabar.uz saytlari hamda gazeta sahifalarida cheksiz hajmda bepul piar materiallar joylashtirish imkoniyati beriladi.
• 500 dona obuna uyushtirgan korxonalarga — bir yil davomida 10 ta videomaterial, 12 ta piar maqola, 25 ta e’lonni tahririyatning barcha media resurslarida bepul joylashtirish imkoniyati taqdim etiladi.
Ayni paytda “Xabar” tahririyati bosma va internet nashrlarni uyg‘unlashtirgan kuchli media maydon hisoblanadi.
Bu esa har qanday targ‘ibot va axborotni keng jamoatchilikka yetkazish uchun katta imkoniyat yaratadi. Bu imkoniyatdan foydalanib qoling!
Bog‘lanish uchun telefon: +99897 493 27 77.
Tarmoqlarda Surxondaryo viloyatining Boysun tumanida ko‘mir uchun yuzaga kelgan navbat va buning oqibatida yuz bergan talato‘p aks etgan video tarqaldi.
Surxondaryo viloyatining Boysun tumanida tabiiy gaz yetib bormagan olis hududlarda yashovchi aholiga ko‘mir yetkazib berishda muammolar borligi aytilmoqda. Kun.uz’ga bu borada murojaat kelib tushdi.
Unda ta’kidlanishicha, videodagi talato‘p “ko‘mir vaqtida yetkazib berilmagani” ortidan vujudga kelgan. Ta’kidlanishicha, ko‘mir Angren shahridan olib kelinadi, biroq u vaqtida kelmagani uchun navbatlar paydo bo‘lgan.
“Sovuq kunlar yaqin, odamlar sarosimada. Boysun tumanida ko‘p joylarga gaz yetib bormagan. Shuning hisobiga odamlar qishni ko‘mir bilan o‘tkazadi.
Haftasiga 3-4 vagon keladi. Aholi ko‘p, bu yetmayapti. Aslida mas’ullar bu ishlarni oldinroq — yoz oylarida qilishi kerak edi.
O‘tgan yili shunday holatda ko‘mir talashib, bir-birini ketmon bilan urganlar bor”, — deyiladi murojaatda.
Hozircha tuman va viloyat rasmiylari mazkur holatga izoh bergani yo‘q.
Ma’lumot uchun, O‘zbekistondagi eng yirik ikkinchi ko‘mir koni — Sharg‘un Surxondaryo viloyatida joylashgan. Uning zaxirasi 36 mln tonna ekanligi aytiladi.
Avvalroq prezident Shavkat Mirziyoyev respublikada kuz-qish mavsumiga tayyorgarlik yuzasidan o‘tkazilgan yig‘ilishda aholiga omborlardagi 27 ming tonna tarqatilmay qolgan ko‘mirni tarqatish haqida topshiriq bergandi. Shuningdek, davlat rahbari ma’sullarga kuz-qish mavsumida iste’molchilarga 330 ming tonna suyultirilgan gazni to‘liq yetkazishni topshirgandi.
Prezident favqulodda vaziyatlar tizimini raqamlashtirish bo‘yicha topshiriq berdi
“Dardni ichga yutish depressiyani kuchaytiradi”
Falastin elchisi O‘zbekistondagi missiyasini yakunladi
-
Dunyodan5 days agoEvropa davlatlarining hukmdorlari taxtdan voz kechishdi
-
Jamiyat3 days agoO‘zbekiston va OTB hamkorligining 30 yilligi munosabati bilan ekologik aksiya o‘tkazildi
-
Jamiyat4 days agoTadbirkorning salkam 1 mlrd so‘mini qo‘lga kiritgan shaxs aniqlandi
-
Jamiyat5 days agoBolalarga nisbatan Internetdan foydalanib uyatsiz harakatlar sodir etganlik uchun javobgarlik belgilanmoqda
-
Sport5 days agoJCh-2026 chiptalari rekord darajada qimmat bo‘ladi
-
Dunyodan5 days agoBir zumda “Diddi” shawn o’z taqdirini sudda bilib oldi
-
Turk dunyosi4 days agoG’azo bilan bog’langan flot: Isroil 137 faollarni tinchlik bilan deportatsiya qilganini tasdiqlaydi – Dunyo
-
Mahalliy4 days ago«TalabaExpo–2025» Surxondaryoda — ko‘rgazma qanday o‘tdi!