Jamiyat
“Asirlar almashinuviga rozi bo‘lmadim” – Ukrainada asir tushgan yigit O‘zbekiston so‘rovini kutmoqda
Rossiyaga ish izlab ketgan buxorolik Zuhriddin Yo‘ldoshev bugun Ukraina asirligida. O‘zining aytishicha, urushga majburan jo‘natilganidan keyin jang qilmay, asir tushishni tanlagan, keyinchalik asirlar almashinuvi doirasida Rossiyaga qaytishni rad etgan. U vataniga qaytish uchun O‘zbekiston davlatidan najot kutmoqda.
{Yii::t(}
O’tkazib yuborish 6s
O’tkazib yuborish
Buxoro viloyati G‘ijduvon tumanida tug‘ilgan Zuhriddin Yo‘ldoshev Rossiyaga ishlash uchun ketgandi. Lekin ko‘p o‘tmay Rossiya–Ukraina urushida asir tushgan yoki halok bo‘lgan shaxslar haqida ma’lumot berib boruvchi telegram kanallarda uning ham ism-familiyasi paydo bo‘ldi.
Kun.uz Buxoro viloyatida bo‘lib, voqea tafsilotlarini o‘rgandi.
Muhriddin Yo‘ldoshevning aytishicha, ukasi Zuhriddin avval ham Rossiya Federetsiyasiga borib ishlab kelib yurgan. Bu safar 2025 yil avgust oyida Orenburg shahriga borgan va uch-to‘rt kundan so‘ng haydovchi sifatida ish topganini aytgan. U qonuniy tartibda ishlashga ruxsatnoma olish harakatida bo‘lgan.
“Ukam hujjatlarini Rossiya Federal xavfsizlik xizmati tekshirayotganini aytdi. Ikkimiz ham bu holatga tushunmadik, odatda ishlash uchun ruxsatnoma olish tartibi bunaqa bo‘lmasdi. Rossiyadagi vaziyatdan kelib chiqib, migrantlarni jiddiy tekshirishayotgan bo‘lsa kerak, deb o‘yladik. Bir necha kundan keyin ukam bilan yana suhbatlashganimda, u Lugansk shahriga “Gazel”da qurol olib borayotganini aytdi. Angladimki, u urushga jalb qilingan. Keyin vaziyatni tushuntirishini so‘radim. Ukam haqiqatan ham urushga jalb qilinganini, telefoni nazoratda ekanini va ortiqcha gapirolmasligini aytdi”, – deydi Muhriddin.
Zuhriddin urushga jo‘nab ketishidan avval o‘ziga nimadir bo‘lsa, akasiga o‘zini qayerdan, kimlardan surishtirish mumkinligini ma’lum qilgan. U urushga kirmasligi, imkonini topib qochishi yoki ukrain harbiylariga taslim bo‘lishini bildirgan. Maqsadi tirik holda O‘zbekistonga qaytish bo‘lgan.
Muhriddin Yo‘ldoshevning aytishicha, ijtimoiy tarmoqlarda ko‘plab rus-ukrain kanallari, guruhlari mavjud bo‘lib, ularda asir tushganlar, Markaziy Osiyodan urushga ketayotganlar, vafot etganlar ro‘yxati, video va suratlari e’lon qilib boriladi. Ukrainada asir tushgan ukasi haqida ham dastlab o‘sha telegram kanallarda xabar berilgan.
2025 yil 24 sentabr kuni o‘zini O‘zbekiston Tashqi ishlar vazirligidan deb tanishtirgan odam Zuhriddinning yaqinlari bilan telefon orqali bog‘langan va uning haqiqatan ham asirlikda ekanini tasdiqlagan.
Bu orada asirlikdagi Zuhriddin akasiga aloqaga chiqqan. U o‘zining asirlikda ekani, ukrain harbiylari tomonidan qiynoqqa solinmayotgani, yashash va ishlash uchun sharoit qilib berilgani, O‘zbekistondagi yaqinlari bilan telefon orqali muloqot qilishiga ruxsat berilganini aytgan. Shu bilan birga, urushga jo‘nab ketishidan avval o‘zining rus kuchishlatar tizimlari tomonidan qiynoqqa solingani, tirnoqlari qo‘parib olinib, elektr toki bilan azob berilgani natijasida urushga ketishga majbur bo‘lganini bildirgan.
Muhriddin huquq-tartibot idoralariga ukasiga tegishli barcha ma’lumotlar, hujjatlarni taqdim qilgan.
Shubhasiz, barcha urushlar ko‘proq onalarning, ayollarning qaddini bukadi. Taassufki, motamsaro onalar tarixda qolib ketmadi. Ular bugun ham yonimizda yashayapti.
Zuhriddinning onasi Gulshanda Qudratova o‘g‘li Rossiyaga ishlashga ketishidan avval so‘nggi burda nonini ham onasiga ilinganini aytib yig‘ladi.
“Farzandlarim Rossiyaga avval ham borib ishlab kelib yurgan. Bu safar u yerda tinchlik emasligini aytdim, ko‘nglim notinch edi. O‘g‘lim ozgina ishlab qaytaman, kam-ko‘stlarimni to‘g‘rilab olay, deb ketdi. Dastlabki kunlari har kuni gaplashib turdik, keyin birdan aloqa uzildi. Bir muddat o‘tib mahallamiz vakillari orqali o‘g‘limning urushga ketgani va asirlikda saqlanayotganini aytishdi. Yig‘lamagan, o‘g‘limning telefoniga yozmagan kunim yo‘q. To‘rt nafar yosh bolasi bor, ularni ko‘rib yuragim eziladi”, deydi Dilobar Qobulova.
Ma’lum bo‘lishicha, Zuhriddin turmush o‘rtog‘i Gulmira Mardonova bilan ham telefonda gaplashgan. To‘rt farzandining oldida yuzi yorug‘ligini, hech kimga qurol o‘qtalmagani, odam o‘ldirmagani, maqsadi boshdanoq asir tushib, O‘zbekistonga tirik qaytish bo‘lganini aytgan.
Zuhriddin qanday qilib urushga jo‘natilgani, asirlikda saqlanayotgani va o‘zining ayni holati haqida ukrain lageridan O‘zbekiston hukumatiga videomurojaat ham yo‘llagan.
Muhriddin Yo‘ldoshevga ko‘ra, ukasi Ukrainada jinoyatchi maqomida asirlikda saqlanmayapti. Boshidanoq taslim bo‘lgani, majburan urushga jalb qilingani uchun Ukraina unga yaxshi munosabatda bo‘lyapti. Tez-tez oilasi bilan xabarlashib turishi uchun imkoniyat yaratib berilyapti. Uni O‘zbekistonga qaytarish, ekstraditsiya qilish imkoniyati bor va O‘zbekiston qonunchiligiga ko‘ra qandaydir jazo choralari qo‘llanishiga rozilik bildirgan.
Ushbu maqola tayyorlanishi jarayonida Zuhriddin Yo‘ldoshevdan yana bir xabar keldi. U ushbu murojaatida shu kunlarda Rossiya-Ukraina asirlar almashinuviga rozi bo‘lmagani, asirlikda qolganini bildirgan, O‘zbekiston tomonidan olib ketishini so‘ragan.
So‘nggi vaqtlarda bu kabi voqealar, manzaralarga ko‘nikib boryapmiz. Biroq eng yomoni ko‘nikishning o‘zi. Chunki insonga berilgan bir martalik umr bunchalik arzon bo‘lmasligi kerak. Vatanga tobutda qaytayotgan, chegaralar ortida yo‘qolib ketayotgan, asirlikda saqlanayotgan, urushga kirgan yurtdoshlarimizning bugun hisobi qaysi ro‘yxatlarda qayd etilyapti, bizga noma’lum.
Ushbu lavha orqali avvalo yurtdoshlarimizni yana bir bor ogohlikka chaqirishni maqsad qildik. Qolaversa, O‘zbekiston Tashqi ishlar vazirligi, elchixonalar qandaydir harakatlarni amalga oshiradi va mushkul vaziyatga tushib qolgan yurtdoshlarimizga kerakli yordamni beradi, deb ishonamiz.
Isomiddin Po‘latov,
Kun.uz muxbiri
Tasvirchi va montaj ustasi:
Faxriddin Hotamov
Sirdaryo viloyatida Saudiya Arabistonining «ACWA Power» kompaniyasi tomonidan quvvati 1500 MVt bo‘lgan zamonaviy issiqlik elektr stansiyasi foydalanishga topshirilgan.
Energetika vazirligining ma’lum qilishicha, ushbu elektr stansiyasining 2-sonli gaz turbinasida rotor nosozligi kuzatilgan. Stansiya ishini tezkor tiklash maqsadida, investor hamda ishlab chiqaruvchining kafolatli shartnomaviy majburiyatlariga asosan Yaponiyaning «Mitsubishi» kompaniyasida yangi rotor qisqa muddatda tayyorlanib, maxsus reys bilan 8 dekabr kuni Toshkent xalqaro aeroportiga olib kelindi.
Og‘irligi 114 tonna bo‘lgan qurilma aeroportdan to‘g‘ridan-to‘g‘ri elektr stansiyasi maydoniga yetkazildi.
«Barcha jarayonlar tegishli vazirlik va idoralar, investor, pudratchi va texnologik hamkorlar bilan birgalikda amalga oshirildi. Yangi rotorni o‘rnatish va sinov-sozlash ishlari taxminan bir oy vaqt talab qiladi.
Bu quvvatlarni qoplash maqsadida qo‘shimcha zaxiradagi va yangi ishga tushirilyotgan bloklardan foydalanilyapti», – deyiladi vazirlik xabarida.
Yangi rotor gaz turbinasiga o‘rnatilgach, stansiyaning ishlab chiqarish quvvati tiklanadi va elektr ta’minotida vaqtincha ko‘rilayotgan choralarlarning oldi olinadi.
Shuningdek, ayni kunlarda havo bulutli (kam quyoshli) bo‘layotganligi va kunlar qisqaligi hisobidan quyosh fotoelektr stansiyalari orqali elektr energiyasini ishlab chiqarish kamaygani, shu sababli esa ishlab chiqarish va iste’mol balansini tartibga solish, ularning muvozanatini saqlash maqsadida ayrim hududlarning elektr ta’minotida asosan iste’mol ortgan pallalarda (17:00-21:00 lar oralig‘ida) qisqa muddatli uzilishlar kuzatilishi mumkinligi aytildi.
Qo‘shimcha qilinishicha, agar bunga zarurat tug‘ilsa, iste’molchilar oldindan xabardor qilinadi.
Bosh prokuratura huzuridagi Departamentning Zangiota tumani bo‘limi, DXX va Bojxona organlari hamkorligida o‘tkazilgan tezkor tadbirda Toshkent shahridagi ijara xonadonda umumiy bahosi 1,5 mlrd so‘mlik kuchli ta’sir qiluvchi dori vositalari noqonuniy saqlanayotgan ombor fosh etildi. Holat yuzasidan Jinoyat kodeksining 251-1-moddasi bilan jinoyat ishi qo‘zg‘atildi.
Foto: Bosh prokuratura huzuridagi departament
Bosh prokuratura huzuridagi Departamentning Zangiota tumani bo‘limi tomonidan Davlat xavfsizlik xizmati va Bojxona organlari xodimlari bilan hamkorlikda tezkor tadbir o‘tkazildi.
Tezkor tadbir davomida qonunga xilof ravishda dori vositalari savdosi bilan shug‘ullanib kelgan A.X. Toshkent shahri Uchtepa tumanidagi xonadonni ijaraga olib, uni noqonuniy dori omboriga aylantirgani aniqlandi.
Ushbu xonadondan xorijda ishlab chiqarilgan, tarkibida kuchli ta’sir qiluvchi moddalar mavjud bo‘lgan quyidagi dori vositalari topildi va ashyoviy dalil sifatida olib qo‘yildi:
15 330 dona Pregabalin Capsules;
1 196 dona Chorionig Gonadotropxin Injection;
1 175 dona Sodium Chloride Injection I.P;
501 dona Iron Sucrose Injection.
Bundan tashqari, dori vositalarini qadoqlash va savdoga tayyorlash maqsadida saqlab kelingan 39 turdagi 4 125 ta dori qutilari va yo‘riqnomalari ham aniqlandi. Umumiy zarar qiymati taxminan 1,5 mlrd so‘m etib belgilanmoqda.
Mazkur holat yuzasidan Jinoyat kodeksining 251-1-moddasi (kuchli ta’sir qiluvchi moddalarni qonunga xilof ravishda muomalaga kiritish va ularga doir mahsulotni tayyorlash, tarqatish, reklama qilish yoki namoyish etish) bilan jinoyat ishi qo‘zg‘atildi va hozirda tergov harakatlari olib borilmoqda.
Mutasaddi organlar kuchli ta’sir qiluvchi dori vositalarining noqonuniy aylanmasiga qarshi kurashish bo‘yicha tezkor va qat’iy choralar amalga oshirilishini ta’kidlamoqda.
Prezident Shavkat Mirziyoyevning Qishloq xo‘jaligi sohasi xodimlari kuni munosabati bilan soha vakillari bilan muloqotida go‘sht va sut mahsulotlarini ko‘paytirish masalasi ham ko‘tarildi.
Qayd etilishicha, kelgusi yilda chetdan 100 ming bosh qoramol va 200 ming bosh qo‘y-echki olib kelinadi. Paxta va g‘alla yo‘nalishidagi fermerlarga o‘z yerida chorvachilikni yo‘lga qo‘yish uchun 20 sotixgacha joyda yengil konstruksiyali bino qurishga ruxsat beriladi. Import qilingan nasldor qoramol va bir kunlik jo‘ja uchun subsidiya ajratish tartibi yana 5 yilga uzaytiriladi.
Chorvachilik loyihalari uchun keyingi yil Jahon banki va Qishloq xo‘jaligini rivojlantirish xalqaro jamg‘armasidan olib kelingan resurslar hisobidan 157 million dollar yo‘naltiriladi. Ushbu mablag‘lar chorvadorlarga 10 yil muddatga 3 yillik imtiyozli davr bilan 17 foizdan beriladi.
Bunga qo‘shimcha JICAdan 150 million dollar, Osiyo taraqqiyot bankidan 60 million dollar jalb qilinadi. Bu mablag‘larni samarali ishlatib, kelgusi yilda 5 trillion so‘mlik 1 mingta loyihani ishga tushirish, Fransiya tajribasi asosida 167 ta tumanda 340 ta go‘sht va sut yo‘nalishidagi 50-60 boshli kichik chorvachilik xo‘jaliklarini tashkil etish muhimligi qayd etildi.
Qishloq xo‘jaligi sohasi xodimlari bilan bo‘lib o‘tgan muloqotda davlat rahbari ishning ko‘zini biladigan dehqonlar intensiv bog‘ yaratib, gektaridan 50 ming dollargacha hosil olayotganini ta’kidladi.
«Bunday bog‘larni keskin ko‘paytirish va yerga munosabatni tubdan o‘zgartirish kerak», – dedi Shavkat Mirziyoyev.
Qayd etilishicha, bugun respublikada 90 ming gektar eskirgan va kam hosilli bog‘-tokzorlar bor. Eski bog‘lardan olinayotgan hosil gektariga 10 tonnaga ham yetmaydi. Shu bois, yangi bog‘ va tokzorlarni tashkil qilish, eskilarini yangilash bo‘yicha uch yillik dastur qabul qilinadi.
Prezident bog‘dorchilik xo‘jaliklari uchun qator yangiliklarni e’lon qildi.
Endilikda Agrosanoatni rivojlantirish jamg‘armasidan intensiv bog‘ tashkil qilish uchun 7 yilga 3 yillik imtiyozli davr bilan 14 foizli kredit beriladi. Tadbirkorlik kompaniyasi tomonidan muzlatkichli ombor uchun kredit foizining asosiy stavkadan oshgan 8 foizgacha qismi qoplanadi. Savdoni rivojlantirish kompaniyasi sabzavot eksportchilari va bog‘bonlarga qadoqlash xarajatining 50 foizini kompensatsiya qiladi.
Bundan tashqari, sertifikatlangan ko‘chat sotib olish xarajatining 50 foizi budjetdan to‘lanadi. Meva turiga qarab shpalerlar uchun fermerlarga 20 ming so‘mdan 70 ming so‘mgacha subsidiya ajratiladi.
Paxta va g‘allada bo‘lgani kabi meva-sabzavot yo‘nalishidagi fermerlar uchun ham arzonlashgan narxda o‘g‘it va yoqilg‘i xarid qilish imkoniyati yaratiladi.
9 dekabr kuni Toshkent shahar Olmazor tumanida avariyaviy holat tufayli Nexia-3 rusumli avtomashina ustunga borib urildi. Hodisa natijasida haydovchiga shifokorlar tomonidan birinchi tibbiy yordam ko‘rsatildi.
Toshkent shahar IIBB YHXB ma’lumotiga ko‘ra, joriy yil 9 dekabr kuni soat 09:00 larda Olmazor tumani Sebzor ko‘chasida Tracker-2 rusumli avtomashina haydovchisi Nexia-3 avtomashinasiga nisbatan avariyaviy xavfli holat yuzaga keltirgan.
Natijada Nexia-3 rulini boshqarish imkoniyatini yo‘qotgan haydovchi yo‘l chetidagi yoritgichlar uchun mo‘ljallangan ustunga borib urilgan va yo‘l-transport hodisasi sodir bo‘lgan.
YTH oqibatida Nexia-3 haydovchisiga shifokorlar tomonidan birinchi tibbiy yordam ko‘rsatilgan.
Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Huquqni muhofaza qiluvchi organlar barcha yo‘l harakati qatnashchilaridan qoidalarga qat’iy rioya qilish, ayniqsa, zich harakat va tor ko‘chalarda ehtiyotkorlikni yanada oshirishni so‘ragan.
Papa prezident Trumpni Evropa va AQSh o’rtasidagi munosabatlarga zarar etkazishda ayblamoqda
O‘zbekiston bo‘ylab ayrim hududlarda «svet» vaqtincha o‘chirilishi mumkin – vazirlik
O‘zbekiston agrar sektoriga Britaniya kompaniyasi jalb etilmoqda
-
Sport4 days agoТуркия Суперлигаси. «Башакшеҳир» – «Фенербаҳче». Шомуродов ва Файзуллаев — асосий таркибда
-
Jamiyat2 days agoTo‘qqiz qizli Jasur – to‘rt egiz tug‘ilgan xonadondan reportaj
-
Iqtisodiyot4 days agoXitoylik investorlar Jizzaxdagi volfram konini ishga tushirmoqda
-
Iqtisodiyot4 days agoBMTning Oziq-ovqat va qishloq xo‘jaligi tashkiloti bilan hamkorlikda qator loyihalar amalga oshiriladi
-
Jamiyat5 days ago«Samarqand HET» turk kompaniyasi boshqaruviga beriladi
-
Siyosat5 days ago2027 yilga kelib elektr energiyasini xususiy operatorlar uchun to’rtta mintaqada elektr tarmog’iga o’tkazadi
-
Jamiyat2 days agoToshkentda qidiruvdagi shaxs YPX reydi davomida aniqlandi
-
Sport2 days agoO‘zbekiston fuqaroligini qabul qilgan rossiyalik tennischi WTA 125 turniri g‘olibi bo‘ldi