Iqtisodiyot
AQSh sanksiyalaridan keyin Turkiya RF neftini kamroq sotib olmoqda
AQShning Rossiyaga nisbatan yangi sanksiyalariga javob sifatida RF neftiga tayangan turk NQZ xomashyoni Rossiyadan ko‘ra Iroq va Qozog‘istondan ko‘proq xarid qila boshladi, deb xabar berdi Reuters manbalariga tayanib.
Turkiya neftni qayta ishlash zavodlari (NQZ) Iroq va Qozog‘istondan ko‘proq neft sotib ola boshladi, deb yozadi Reuters agentligi 2 noyabr kuni xabardor manbalarga tayanib. Bu holat AQSh, Yevropa Ittifoqi va Buyuk Britaniya Moskva Ukrainadagi urushni davom ettirayotgani uchun Rossiya neft sektoriga sanksiyalar joriy etganidan ko‘p o‘tmay ro‘y berdi.
Ma’lumotlarga ko‘ra, Turkiyadagi yirik NQZdan biri — Ozarboyjonning SOCAR kompaniyasiga tegishli SOCAR Turkey Aegean Refinery — yaqinda «dekabr oyida yetkazib berish shartlari bilan Iroq, Qozog‘iston va boshqa ta’minotchilardan to‘rt partiya xom neft» xarid qilgan.
Boshqa yirik qayta ishlovchi — Tupras ham Rossiyadan emas, jumladan Rossiyaning Urals turiga o‘xshash Iroq turlaridan neft xaridini oshirmoqda. Reuters hamsuhbatlarining taxmin qilishicha, ikki katta NQZga egalik qiluvchi Tupras yaqin vaqtda zavodlardan birida Rossiya neftini import qilishni butunlay to‘xtatishi mumkin. Bundan tashqari, mazkur turk kompaniyasi ilk bor Braziliyadan neft sotib oldi, noyabr boshida esa Angolaning Mostarda turidan ikkinchi partiyani kutib olmoqda.
Xitoy va Hindiston bilan bir qatorda Turkiya ham Rossiya neftining kam sonli yirik xaridorlaridan biri hisoblanadi. Reuters manbalariga ko‘ra, noyabrda Turkiya sutkasiga 141 ming barrel Iroq neftini qabul qiladi — bu oktyabrdagi 99 ming barrel/sutkadan va joriy yildagi o‘rtacha 80 ming barrel/sutkadan ko‘proq. Shu bilan birga, oktyabrgacha Turkiya neft importida sutkasiga 317 ming barrel (yoki 47 foiz) Rossiya nefti hissasiga to‘g‘ri kelgan.
22 oktyabr kuni AQSh prezidenti Donald Tramp Kreml Ukrainadagi urushni to‘xtatishdan bosh tortganidan so‘ng Rossiyaning eng yirik ikki neft kompaniyasi — «Rosneft» va «Lukoyl», shuningdek ularning 34 ta shu’ba tuzilmasiga sanksiyalar joriy qildi. AQSh Moliya vazirligi cheklovlarga tushgan kompaniyalar bilan operatsiyalarni yakunlash uchun bir oy muddat berdi.
Oktyabrda «Gazprom»ning Yevropaga yetkazib berishi «Turk oqimi» gaz quvurining bitta tarmog‘i orqali o‘sdi. Bundan 1 noyabr kuni Yevropa gaztransport tizimlari operatorlari tarmog‘i — ENsOG saytida e’lon qilingan ochiq ma’lumotlar guvohlik beradi.
Ushbu ma’lumotlarga ko‘ra, Turkiya—Bolgariya chegarasidagi «Strandja 2 / Malkochlar» kirish nuqtasi orqali oktyabr oyida 17 403 GVt·soat gaz o‘tgan. Bu sentabrga nisbatan 8,7 foizga va 2024 yil oktyabriga nisbatan 13 foizga ko‘p. Joriy yil boshidan bu yo‘nalish orqali jami 152 000 GVt·soat gaz yetkazib berildi — o‘tgan yilning shu davriga nisbatan 7,5 foizga ko‘p.
Yevropaga qaratilgan «Turk oqimi» tarmog‘i — «Shimoliy oqim»lardagi portlashlar, Rossiya gazining Ukraina orqali tranziti va «Yamal-Yevropa» bo‘ylab yetkazib berish to‘xtaganidan so‘ng, «Gazprom»ning quvur orqali Yevropaga gaz yetkazishi mumkin bo‘lgan yagona marshrutdir. Turkiya va Rossiyani «Ko‘k oqim» gaz quvuri ham bog‘lab turadi, ammo u yerdan gaz faqat Turkiyaning ichki bozoriga yetkaziladi.
Yevropa Ittifoqi 2028 yil 1 yanvarga qadar Rossiya gazining istalgan turidan butunlay voz kechmoqchi. Shu bilan birga, Rossiyadan keladigan suyultirilgan tabiiy gaz (STG)dan 2027 yil 1 yanvarga qadar voz kechish rejalashtirilgan.
Noyabr oyida zaxiralar 1,9 milliard dollarga o‘sdi, yil boshidan esa ular 20 milliard dollarga oshdi. Bu, avvalo, oltin narxi va hajmining ortishi bilan bog‘lanmoqda.
2025 yil 1 dekabr holatiga ko‘ra, O‘zbekistonning oltin-valuta zaxiralari 61,23 milliard dollarga yetdi. Bu haqda Markaziy bank ma’lum qildi.
Noyabr oyida zaxiralar 1,9 milliard dollarga o‘sdi, yil boshidan esa ular 20 milliard dollarga oshdi. Bu, avvalo, oltin narxi va hajmining ortishi bilan bog‘lanmoqda.
Oltinning fizik hajmi ketma-ket ikkinchi oy oshdi. Noyabrda u 310 ming troya unsiyaga (9,64 tonna) oshib, 12,23 million unsiyaga (380,4 tonna) yetdi.
Oltin zaxiralarining qiymati 3 milliard dollarga oshib, 50,86 milliard dollarga yetdi.
Zaxiralarning valuta qismi esa 1,1 milliard dollarga kamayib, 9,8 milliard dollarni tashkil etdi.
Qimmatli qog‘ozlar hajmi avvalgi oyga nisbatan 503,3 million dollarga ko‘payib, 1,53 milliard dollarni tashkil etdi.
O‘zbekistonliklar sog‘liqni saqlash sohasidagi xizmatlar uchun 10 oyda 16,5 trln so‘m sarflagan.
Milliy statistika qo‘mitasi ma’lumotlariga ko‘ra, 2025-yilning yanvar-oktyabr oylarida sog‘liqni saqlash sohasidagi bozor xizmatlari hajmi 16,5 trln so‘mga yetdi.
Bu ko‘rsatkich o‘tgan yilning mos davri bilan solishtirganda 15,4 % ga oshgan. Jami ko‘rsatilgan bozor xizmatlari hajmida ushbu xizmat turining ulushi 2 % ni tashkil etgan.
Hududlar kesimida sog‘liqni saqlash sohasidagi xizmatlar hajmi:
Toshkent shahri – 7,7 trln so‘m
Toshkent viloyati – 1,6 trln so‘m
Samarqand viloyati – 1,2 trln so‘m
Farg‘ona viloyati – 1,1 trln so‘m
Namangan viloyati – 747,7 mlrd so‘m
Andijon viloyati – 739 mlrd so‘m
Buxoro viloyati – 640,1 mlrd so‘m
Qashqadaryo viloyati – 612,8 mlrd so‘m
Xorazm viloyati – 557,8 mlrd so‘m
Surxondaryo viloyati – 416,8 mlrd so‘m
Jizzax viloyati – 398,8 mlrd so‘m
Sirdaryo viloyati – 293,1 mlrd so‘m
Qoraqalpog‘iston Resp. – 285,6 mlrd so‘m
Navoiy viloyati – 269 mlrd so‘m.
Qayd etilishicha, Nurota tog‘ tizmasining janubi-g‘arbiy qismida joylashgan ushbu kon O‘zbekiston tog‘-kon sanoatida strategik ahamiyatga ega bo‘lgan yirik obektlardan biri hisoblanadi.
Jizzax viloyatida 2,5 million tonna volfram zaxirasiga ega Qo‘ytosh koni ishga tushish arafasida, deb xabar berdi viloyat hokimligi matbuot xizmati.
Xabarga ko‘ra, xitoylik investorlar yil oxirigacha konni tozalash ishlarini tugallaydi. Kelasi yilda esa ruda qazib olish jarayonlari boshlanadi.
Kon hududida volframni ajratib olish bo‘yicha zamonaviy qayta ishlash zavodi barpo etiladi.
Qayd etilishicha, Nurota tog‘ tizmasining janubi-g‘arbiy qismida joylashgan ushbu kon O‘zbekiston tog‘-kon sanoatida strategik ahamiyatga ega bo‘lgan yirik obektlardan biri hisoblanadi.
Loyihaning birinchi bosqichida 100 nafarga yaqin fuqaro ish bilan ta’minlanadi va yiliga 150 ming tonna ruda qazib olinadi.
O‘zbekiston oltin-valyuta zaxiralari, 1-dekabr holatiga, 61,23 mlrd dollarga yetdi. Bu haqda Markaziy bank ma’lumot berdi.
Zaxiralar noyabrda 1,9 mlrd dollarga (+3,2 foiz) o‘sdi, yil boshidan esa 20 mlrd dollarga (+48,7 foiz) oshdi. Bu avvalo oltin narxi va hajmining ortishi bilan bog‘lanmoqda.
Qolaversa, Markaziy bank sotib olgan qimmatli qog‘ozlar qiymati ham sezilarli darajada oshgan — noyabrda 503 mln dollarga ko‘payib, $1,52 mlrdga yetgan.
Iqtisodiyot
O‘zbekistonliklarni Koreyaga ishga jo‘natishga tayyorlaydigan maxsus o‘quv ustaxonalari ochiladi
Uch oylik dasturda koreys tili va madaniyati, texnika xavfsizligi, Koreya metodikasi asosida amaliy avtomobil servisi o‘rgatiladi. O‘quvni muvaffaqiyatli tamomlaganlar Koreyaga ishga jo‘natiladi.
Foto: Migratsiya agentligi
Janubiy Koreyaning “KIA Auto” kompaniyasi rahbariyati Migratsiya agentligida bo‘ldi.
Uchrashuv yakunlariga ko‘ra, 2026 yil boshidan Migratsiya agentligi tomonidan KIA AUTO standartlariga mos maxsus o‘quv ustaxonalari ochiladi. Uch oylik dasturda koreys tili va madaniyati, texnika xavfsizligi, Koreya metodikasi asosida amaliy avtomobil servisi o‘rgatiladi.
O‘quvni muvaffaqiyatli tamomlaganlar E-7 vizasi (malakali ishchi) bilan Koreyaga ishga joylashtiriladi. E-7 vizasining asosiy talabi — koreys tilini TOPIK 1 darajasida bilish.
“Koreya Adliya vazirligi 2025 yildan boshlab avtomobil kuzovini bo‘yash yo‘nalishiga xorijlik mutaxassislarni jalb qilishga ruxsat berdi. Shu vaqtga qadar faqat mahalliy aholi ishlagan. O‘zbekiston ushbu loyihaga birinchi bo‘lib jalb etilmoqda”, deyiladi Migratsiya agentligi xabarida.
KIA Auto — Koreyaning yetakchi avtomobillarga xizmat ko‘rsatish tarmog‘i bo‘lib, mamlakat bo‘ylab 600 ga yaqin servis markazi bor. Yiliga 1 milliondan ortiq avtomobillarga texnik xizmat ko‘rsatadi va malakali kadrlarga ehtiyoj yuqori.
O‘zbekistonning oltin-valuta zaxiralari 61 mlrd dollardan oshdi
Shavkat Mirziyoyev Konstitutsiya bayrami arafasida 615 kishini afv etdi
raqiblar, taqvim va Ronaldu haqida
-
Jamiyat5 days agoСаида Мирзиёева атмосфера ҳавосининг ифлосланиши бўйича йиғилиш ўтказмоқда
-
Iqtisodiyot3 days agoO‘zbekistondan Daniyaga ilk bor oziq-ovqat va quruq meva eksport qilindi
-
Iqtisodiyot3 days agoPrezidentning Sirdaryoga tashrifi «River Med Pharm» korxonasidan boshlandi
-
Jamiyat4 days agoYunusobodda YTH oqibatida avtomobil yonib ketdi
-
Dunyodan4 days agoIndoneziyada bir necha kun ichida 700 dan ortiq kishi halok bo’ldi.
-
Siyosat3 days agoMarkaziy Osiyo mamlakatlari 2026 yilda suvdan foydalanish va suv havzalari tizimiga kelishib olishdi
-
Sport3 days ago«Real» ta’qibni davom ettirdi, «Liverpul» yana ochko yo‘qotdi. Kun o‘yinlari
-
Sport4 days agoShavkat Mirziyoyev Prezident Olimpiadasi ishtirokchilarini tabrikladi