Jamiyat
«Angliyaga ishga joylashing, pulga ega bo‘ling va Biz bilan hamkorlik qiling!»
Shu shior ostida 23 nafar fuqarolarni Angliya davlatiga jo‘natish bilan aldab, yirik miqdordagi mablag‘larni o‘zlashtirgan ma’uliyati cheklangan jamiyati rahbari sud hukmi bilan 6 yilga qamaldi.
Buxoro viloyati, Vobkent tumanidagi «Hajivon» mahallasi, Bo‘yrabot qishlog‘ida tug‘ilgan Sh.I.ning 22 yoshga to‘lib-to‘lmay, mas’uliyati cheklangan jamiyat tashkil etib, faoliyatini yo‘lga qo‘ygani qishloqdoshlarida havas uyg‘otgan. Qishloqdoshlarining havasi unga «qanot» bo‘lgan.
«Vobkentning hu-uv chekkasida yashasam. Odamlar uchun kichikkina qilgan bir ishing ham «vo-oo» bo‘lib ko‘rinadi. Yetmaganiga qishloqdoshlarim sodda. «Ha» deganga ishonaverishadi. Ular havasda davom etaverishsin, men uning ortidan soqqa ishlab olaman»,-hoyu-havasga berilgan Sh.I. odamlarni chet elga yuborish va’dasi bilan o‘zi tashkil etgan MChJda qing‘ir xatti-harakatlarni boshladi.
O‘zi rahbarlik qilib kelayotgan «WTI» MChJ faoliyatini yuritishi uchun huquqiy hujjatlari bo‘lsa-da, O‘zbekiston fuqarolarini vaqtinchalik mehnat faoliyatini amalga oshirishlari maqsadida chet elga yuborish uchun beriladigan litsenziyasi bo‘lmagan. Shunga qaramasdan, u odamlarni MChJ orqali vaqtinchalik ishlash uchun Angliya davlatiga yuborib, yaxshi oylik maoshli ishga joylashtirib qo‘yishiga ishontirib kelgan. Hatto, bu ishga boshqa shaxslarni ham jalb etib, ular bilan jinoiy til biriktirgan. Odamlarni aldash va ishonchini suiiste’mol qilish yo‘li orqali katta miqdordagi mulkni qo‘lga kiritishni maqsad qilgan. Buxoro shahrida joylashgan «Buxoro savdo majmuasi» binosiga ijara shartnomasi orqali «o‘rnashib» olgan Sh.I. aynan shu manzilda fuqarolarni aldab, yirik miqdordagi mablag‘larni qo‘lga kiritib kelgan. Ayniqsa, korxonasi peshtoqiga ilingan Angliyaga ishga jo‘natish va pul ishlab topishga chorlovchi shior: «Angliyaga ishga joylashing, pulga ega bo‘ling va Biz bilan hamkorlik qiling!» unga qo‘l kelgan.
«Aka, olti oydan oshdi. Qachon Angliya ketamiz?», «Jo‘natsang jo‘nat, yo‘qsa, ustingdan arz qilamiz» degan iddaolar odamlar noroziligini keltirib chiqishiga sabab bo‘lgan. Shunga qaramasdan, Sh.I. o‘zining jinoiy harakatlarini davom ettirib, takroran boshqa shaxslar bilan ham jinoiy til biriktirib, salkam 30 ming AQSh dollariga teng pullarni qo‘lga kiritgan.
Yirik mablag‘ni korxona hisob raqamiga «o‘tkazib» qo‘ygan fuqaro O.J. salkam yarim yildan ortiq vaqtdan beri Angliyaga ketolmagach, sarsonlikka chek qo‘ygan va huquq tartibot idoralariga shikoyat arizasi bilan murojaat qilgan. O.J.ning shikoyati ortidan olib borilgan surishtiruv harakatlari davomida «WTI» rahbarining odamlarni aldash va ularning ishonchini suiste’mol qilish orqali ularning yirik miqdordagi mablag‘larini qo‘lga kiritib kelayotgani aniqlangan.
«Jami 23 nafar fuqaro jamiyat rahbariga «chuv» tushgan. Sud-tergov harakatlari davomida yosh «ishbilarmon»ning kirdikorlari fosh etildi. O‘zbekiston Respublikasi Jinoyat Kodeksining 168-moddasi (Firibgarlik), 3-qismining «b» bandi bilan 6 yil muddatga ozodlikdan mahrum qilindi»,-deydi Buxoro viloyati sudi sudyasi Nozimjon Jo‘rayev.
O‘zbekiston musulmonlari idorasi tomonidan 2026 yil 20 mart – juma kuni Ramazon hayiti kuni etib belgilandi.
Shunga ko‘ra Ramazon hayiti namozi Toshkent vaqti bilan soat 06:50 da, boshqa viloyatlarda namoz vaqtidagi tafovutni inobatga olib o‘qiladi.
Ramazon hayiti namozini viloyatlarda o‘qiladigan vaqtlari:
1. Andijon viloyati 06:40
2. Farg‘ona viloyati 06:40
3. Namangan viloyati 06:40
4. Toshkent shahar 06:50
5. Toshkent viloyati 06:50
6. Sirdaryo viloyati 06:55
7. Jizzax viloyati 07:00
8. Samarqand viloyati 07:00
9. Navoiy viloyati 07:05
10. Buxoro viloyati 07:05
11. Qashqadaryo viloyati 07:05
12. Surxondaryo viloyati 07:05
13. Xorazm viloyati 07:25
14. Qoraqalpog‘iston Res. 07:30
O‘zbekiston Respublikasi Prezidenti Shavkat Mirziyoyev Navro‘z umumxalq bayrami va muborak Ramazon hayitini nishonlash arafasida xalqimizga xos ezgulik, mehr-oqibat, bag‘rikenglik, kechirimli bo‘lish kabi olijanob fazilatlarni namoyon etgan holda hamda davlatimiz tomonidan olib borilayotgan insonparvarlik siyosatining amaliy tasdig‘i sifatida “Jazo muddatini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan bir guruh shaxslarni afv etish to‘g‘risida”gi Farmonni imzoladi.
Farmonga muvofiq, O‘zbekiston Respublikasi Konstitutsiyasining 109-moddasi 23-bandiga asosan jazo muddatini o‘tayotgan hamda qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan 392 nafar shaxs afv etildi.
Afv etilgan shaxslarning 223 nafari asosiy jazodan to‘liq ozod etildi, 82 nafari jazoni o‘tashdan muddatidan ilgari shartli ozod qilindi, 34 nafarining ozodlikdan mahrum etish jazosi yengilroq jazo bilan almashtirildi.
Shuningdek, 53 nafar shaxslarga tayinlangan ozodlikdan mahrum etish jazosining muddatlari qisqartirildi.
Afv etilganlarning 3 nafarini chet el fuqarolari, 26 nafarini ayol, 14 nafarini 60 yoshdan oshgan erkaklar, 166 nafarini yoshlar hamda 24 nafarini taqiqlangan tashkilotlar faoliyatida qatnashgan shaxslar tashkil etadi.
Farmon ijrosi yuzasidan afv etilgan shaxslarni oilasi va yaqinlari bag‘riga qaytarish, ijtimoiy hayotga moslashib, foydali mehnat bilan shug‘ullanishlari, sog‘lom turmush tarzini yo‘lga qo‘yib, jamiyatda munosib o‘rin topishlari uchun ularga ko‘mak berish bo‘yicha mas’ul vazirlik va idoralarga tegishli topshiriqlar berildi.
Toshkent viloyatining Bo‘stonliq tumanida joylashgan Chinorkent tog‘larida adashib qolgan fuqaroga qutqaruvchilar yordam ko‘rsatdi.
Favqulodda vaziyatlar vazirligi ma’lum qilishicha, voqea yuzasidan xabar Toshkent viloyati FVBBga «112» qisqa raqami orqali kelib tushgan. Unga ko‘ra, tog‘ hududida bir erkak adashib qolgani va qutqaruvchilar ko‘magi zarurligi bildirilgan.
Shundan so‘ng, zudlik bilan aytilgan manzilga Toshkent viloyati Favqulodda vaziyatlar bosh boshqarmasining qidiruv-qutqaruv guruhi yetib borgan.
Qutqaruvchilar tomonidan adashib qolgan fuqaro topilib, muvaffaqiyatli ravishda xavfsiz hududga evakuatsiya qilingan.
Korrupsiyaga qarshi kurashish yo‘nalishida DXX Qashqadaryo viloyati bo‘yicha boshqarmasi hamda Iqtisodiy jinoyatlarga qarshi kurashish departamenti xodimlari tomonidan o‘tkazilgan tezkor tadbirda Qarshi shahridagi mahalla fuqarolar yig‘inlaridan birida hokim yordamchisi lavozimida ishlovchi shaxs qo‘lga olindi.
Aniqlanishicha, u 1983 yilda tug‘ilgan fuqaroga 2019 yilda shahar hokimligi tomonidan ijara shartnomasi asosida berilgan davlat zaxirasidagi 35 sotix yer maydonini mansabdor tanishlari orqali xususiy mulk sifatida rasmiylashtirib berish evaziga 1000 AQSh dollari olgan vaqtida ushlangan.
Tergovga qadar tekshiruv davomida mazkur pul mablag‘i shahar hokimligining yetakchi mutaxassisiga berilishi kerakligi ma’lum bo‘lgan. Shundan so‘ng tezkor tadbir davom ettirilib, u ham ushbu mablag‘ni olgan vaqtida ashyoviy dalillar bilan ushlangan.
Hozirda mazkur shaxslarga nisbatan jinoyat ishi qo‘zg‘atilgan bo‘lib, tergov harakatlari olib borilmoqda.
DXX fuqarolarni kundalik hayotda shunday qonunbuzilish holatlariga duch kelgan taqdirda, idoraning 1520 qisqa raqami orqali murojaat qilishga chaqirdi. Qayd etilishicha, murojaat qiluvchining shaxsi sir saqlanishi kafolatlanadi.
«Malika» bozori yaqinidagi vaziyat muammo faqat bitta bekat joylashuvi bilan cheklanmasligini ko‘rsatmoqda. Ushbu hududda yuqori intensivlikdagi transport oqimi, jamoat transporti harakati, piyodalar qatnovi, to‘xtash joylari va bozorga kirish yo‘llari bir nuqtada kesishmoqda.
Foto: Yo‘l harakatini tashkil etish markazi
Shu munosabat bilan, harakatlanish sxemasini to‘liq qayta ko‘rib chiqmasdan amalga oshiriladigan har qanday qisman yechim, jumladan faqat bekatni ko‘chirish, kutilgan samarani bermasligi, aksincha vaziyatni yanada murakkablashtirishi mumkinligi ta’kidlanmoqda.
Ma’lum qilinishicha, Yo‘l harakatini tashkil etish markazi mutaxassislari mazkur hududda harakatni tashkil etishning bir nechta variantlari ustida ish olib bormoqda. Xususan, chorraha geometriyasi va yo‘laklarning o‘tkazuvchanlik qobiliyati tahlil qilinmoqda, svetofor boshqaruvi tizimi samaradorligi baholanmoqda, yo‘l qismidan amaldagi foydalanish holati, jumladan, to‘xtash joylari hisobga olinmoqda. Shuningdek, turli yechimlarning transport va piyodalar oqimiga ta’siri ham modellashtirilmoqda.
Kompleks yondashuv doirasida bekatlar joylashuvini o‘zgartirish ehtimoli, harakatlanish sxemasini tuzatish, svetoforlar ishini optimallashtirish hamda to‘xtash joylarini tartibga solish kabi choralar ko‘rib chiqilyapti.
Qayd etilishicha, asosiy maqsad haydovchilar, yo‘lovchilar va piyodalar uchun yangi ziddiyatlar keltirib chiqarmasdan harakatni yaxshilashdan iborat.
Ayni paytda mazkur hudud uchun chuqur tahlillarga asoslangan yechim variantlaridan biri tayyorlangan bo‘lib, u transport tugunidagi yuklamani kamaytirishga qaratilgan yondashuvni namoyon etadi. Shu bilan birga, qaror qabul qilishda aholi fikri muhim omil sifatida qaralayotgani, fuqarolardan konstruktiv taklif va mulohazalar kutilayotgani bildirildi.
Aviaparvozning yagona qurboni” filmi taqdim etildi
«Italiya – Markaziy Osiyo (S5) + Ozarbayjon» biznes-forumida muhim kelishuvlarga erishildi
Ramazon hayiti namozini o‘qish vaqtlari e’lon qilindi
-
Dunyodan5 days ago
Eron Hormuz boʻgʻozi orqali cheklangan oʻtishga ruxsat beradi
-
Siyosat4 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Jamiyat5 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Iqtisodiyot5 days agopayme Tez QR orqali to‘lovni 3% keshbek bilan ishga tushirmoqda
-
Dunyodan5 days ago
Istanbulda yetti yil avval sodir etilgan qotillik ishi fosh etildi. O’zbek ayoli vafot etdi
-
Iqtisodiyot5 days agoQashqadaryo viloyati ijtimoiy-iqtisodiy rivojlantiriladi
-
Dunyodan4 days ago
Isroil mintaqaviy tuzilmani qayta tiklamoqchi
-
Jamiyat3 days agoToshkentda bayram kunlari jamoat transporti uchun maxsus jadval joriy etildi