Deloitte 2024/2025-yillar mavsumida eng ko‘p daromad olgan futbol klublari reytingini tuzdi.

O‘tgan mavsumda 1,16 mlrd yevro daromad olgan «Real Madrid» qatorasiga ikkinchi marta reyting yetakchisi bo‘ldi. Bundan oldin Madrid jamoasi daromadi 1,05 mlrd yevroni tashkil etgandi.

«Real» 2024/2025-yillar mavsumida bitta ham sovrin yutmagan.

2019/2020-yillar mavsumidan so‘ng ilk marta kuchli uchlikka qaytgan «Barselona» klubi ikkinchi pog‘onadan o‘rin oldi — €974,8 mln, uchinchi o‘rinda — «Bavariya» (€860,6 mln), to‘rtinchi — «Pari Sen-Jermen» (€837 mln).

Beshinchi o‘rinni egallagan «Liverpul» (€836,1 mln) bu pog‘onani Angliya klublari orasida birinchi bo‘lib zabt etdi. Jamoa Chempionlar ligasiga qaytishi va tijoriy daromadlari 7 foizga o‘sishi evaziga sakkizinchidan beshinchi o‘ringa ko‘tarildi.

Reytingga kiritilgan 20 klubning umumiy daromadi 12,4 mlrd yevroni tashkil etdi. Bu 2023/2024-yillar mavsumiga nisbatan 11 foizga ko‘pdir.

Source link

Yevropa ligasining 7-tur o‘yinlari yakuniga yetdi. Markaziy o‘yinlardan birida «Aston Villa» «Fenerbahche»ni, «Lion» «Yang Boyz»ni yengib, to‘g‘ridan-to‘g‘ri 1/8 finalga yo‘l oldi. «Frayburg», «Midtyulland» va «Braga» ham nimchorak final masalasini deyarli hal qildi.

Barcha uchrashuvlar natijalari:

Yevropa Ligasi. 7-tur. 22-yanvar

Fenerbahche — Aston Villa 0:1
Gol: Sancho (25).

Yang Boyz — Lion 0:1
Gol: Meytlend-Naylz (45+1).

Bolonya — Seltik 2:2
Gollar: Dallinga (58), Rou (72) — Hatate (6), Trasti (40).
Chetlatish: Hatate (34, Seltik).

Viktoriya Plzen — Portu 1:1
Gollar: Cherv (6) — Gul (90).
Foydalanilmagan penalti: Samu (45+5, Portu).
Chetlatish: Vidra (45+4, Viktoriya).

PAOK — Betis 2:0
Gollar: Jivkovich (67), Yakumakis (87, penalti).

Brann — Midtyulland 3:3
Gollar: Holm (19), Kornvig (68, penalti), Soltved (90+10, penalti) — Erlich (4, 70), Brumado (31).

Feyenoord — Shturm 3:0
Gollar: Vatanabe (5), Haj Musa (69), Borjes (90).

Frayburg — Makkabi Tel-Aviv 1:0
Gol: Matanovich (82).

Malmyo — Srvena Zvezda 0:1
Gol: Kostov (16).

Roma — Shtutgart 2:0
Gollar: Pisilli (40, 90+3).

Braga — Nottingem Forest 1:0
Gol: Yeyts (54, avtogol).
Foydalanilmagan penalti: Gibbs-Uayt (53).
Chetlatish: Anderson (90+5, Nottingem Forest).

Selta — Lill 2:1
Gollar: Svedberg (1), Starfelt (69) — Jiru (86).
Chetlatish: Sotelo (29, Selta).

Reynjers — Ludogorets 1:0
Gol: Diomande (33).

Ferensvarosh — Panatinaikos 1:1
Gollar: Dele (62, penalti) — Zaruri (86).

Zalsburg — Bazel 3:1
Gollar: Alaybegovich (4, 12), Kratzig (35) — Agbonifo (56).

Nitssa — Gou Ehed Iglz 3:1
Gollar: Vanxut (10), Guveyya (41, 59) — Stokkers (68).

Dinamo Zagreb — Styaua 4:1
Gollar: Bakrar (7), Belyo (11, 71), Kulenovich (90+3) — Birlija (42).

Source link

O‘zbekiston termasi Dubayda ikki uchrashuv o‘tkazadi. 

Xabaringiz bor, ayni kunlarda O‘zbekiston milliy terma jamoasi Birlashgan Arab Amirliklarining Dubay shahrida o‘quv-mashg‘ulot yig‘inlarini o‘tkazmoqda.

Mazkur yig‘in davomida murabbiylar shtabi tomonidan terma jamoaga nomzod futbolchilarning imkoniyatlarini sinovdan o‘tkazish hamda ularning jismoniy holatini nazorat qilish rejalashtirilgan. 

Mazkur yig‘in FIFA kunlari doirasidagi rasmiy uchrashuvlardan tashqari reja asosida tashkil etilgan bo‘lib, asosiy e’tibor futbolchilarni ko‘rikdan o‘tkazishga qaratilgan. 

Shu bois milliy jamoaning Xitoy milliy terma jamoasi hamda «Urartu» klubiga qarshi bahslari mashg‘ulot uchrashuvi formatida o‘tkaziladi. Mazkur o‘yinlar yopiq eshiklar ortida bo‘lib o‘tadi, deyiladi O‘FA xabarida.

Avvalroq O‘zbekiston FIFA reytingida 52-o‘rinni egallagandi. 

Source link

So‘nggi turda muxlislarni shiddatli to‘qnashuvlar kutmoqda. Lekin grand jamoalarning hammasi ham 1/8 finalga to‘g‘ridan to‘g‘ri chiqa olmaydi.

Chempionlar ligasining umumiy guruh bosqichidagi sakkiz turdan yettitasi o‘tib bo‘ldi. Klublar guruh bosqichida yana bittadan o‘yin o‘tkazishi kerak. Yakuniy o‘yin kunidagi barcha uchrashuvlar bir vaqtga, 28 yanvarga belgilangan.

So‘nggi tur arafasida intriga – yetarlicha. Quyida shu haqda.

Reglament

O‘tgan mavsumdan Chempionlar ligasi formati yangilangandi:

1/8 finalga umumiy guruh bosqichidan faqat sakkiz jamoa to‘g‘ridan to‘g‘ri yo‘l oladi;
9-24-o‘rinlarni egallagan jamoalar pley-offning qo‘shimcha raundiga – o‘tish o‘yinlariga o‘tadi;
umumiy guruhda egallangan o‘rinlar jamoalarning pley-offda saralanishiga ta’sir ko‘rsatadi. O‘tish bosqichida 9 va 10-o‘rinlar bilan chiqqan jamoalar 23 va 24-o‘rinlarni egallagan jamoalarga qarshi, 11-12 – 21-22 bilan, 13-14 – 19-20 bilan, 15-16 – 17-18 bilan o‘ynaydi;
o‘tish raundida jamoalar ikkitadan o‘yin o‘tkazadi – uyda va safarda. Saralangan klublar (9 dan 16-o‘ringacha) javob bahslarini o‘z maydonida o‘tkazadi;
o‘tish o‘yinlarida bir mamlakat vakillari to‘qnash kelishiga cheklov yo‘q;
o‘tish o‘yinlari va 1/8 finaldan oldin qur’a o‘tkaziladi;
top-24 ga kira olmagan jamoalar yevrokuboklarni tark etadi.

Ochkolar teng kelib qolganda kim yuqorida bo‘ladi?

Agar ikki (va undan ortiq) klublar bir xilda ochko to‘plasa, ularning pozitsiyalari quyidagi ko‘rsatkichlarga qarab belgilanadi:

To‘plar nisbati
Urilgan gollar soni
Safardagi gollar soni
G‘alabalar soni
Safardagi g‘alabalar soni
Raqiblar ishlagan ochkolar soni*
Raqiblarning to‘plar nisbati*
Raqiblar urgan gollar soni*
Intizomiy balllar (sariq va qizil kartochkalar)
Klub koeffitsiyenti

* Jamoalarning guruh bosqichidagi barcha sakkiz raqibining ko‘rsatkichlari hisobga olinadi. Kimning raqiblari yaxshiroq ishtirok etgan (ko‘proq ochko ishlagan, to‘plar nisbati yaxshiroq va hokazo) bo‘lsa, o‘sha klub turnir jadvalida yuqoriroq joylashadi.

So‘nggi tur oldidan YeChL turnir jadvalidagi vaziyat

Yakuniy o‘yin oldidan Chempionlar ligasi ishtirokchilari umumiy jadvalda quyidagicha joylashgan:

Faqat «Arsenal»da yo‘qotish yo‘q

Yettinchi tur o‘yinlaridan keyin faqat «Arsenal» va «Bavariya» 1/8 final yo‘llanmasini kafolatlagan. Londonliklar maksimal ochko jamg‘arishgan (21), «Bavariya»da uch ochko kamroq, ammo hamon nazariy jihatdan birinchi o‘ringa chiqish imkoniyatiga ega (agar «Arsenal» o‘z uyida «Qayrat»ga yirik hisobda yutqazsa va «Bavariya» safarda «PSV» ustidan kerakli hisobda g‘alabaga erishsa).

«Real» va «Liverpul»da 15 tadan ochko bor, ammo to‘qqizinchi o‘rin bilan oradagi farq atigi ikki ochkoni tashkil etmoqda. Beshinchi o‘rinda «Tottenhem» (14 ochko) joylashgan.

Keyin esa birato‘la sakkiz jamoada 13 tadan ochko bor: «PSJ», «Nyukasl» va «Chelsi» to‘plar nisbati yaxshiligi evaziga hozircha kuchli sakkizlikda turibdi, «Barselona», «Sporting», «Manchester Siti», «Atletiko» va «Atalanta» – hozircha 1/8 finalga to‘g‘ridan to‘g‘ri yo‘llanma beruvchi o‘rinlardan tashqarida. «Inter» va «Yuventus» (12 tadan ochko) ularni ta’qib etmoqda. Yuqorida nomlari keltirilgan 15 klubning barchasi pley-offdagi ishtirokini kafolatlagan.

Top-24 dan tashqarida nomdor klublar ham bor: «Napoli» (8), «Benfika» (6), «Ayaks» (6). Lissabonliklar va amsterdamliklarda yevromavsumni qutqarib qolish imkoniyati juda past – ular pley-offga yo‘llanma beruvchi so‘nggi o‘rindan ikki ochkolik farq bilan ortda.

To‘rt jamoa bahorda yevrokubok o‘yinlarida qatnashish imkoniyatidan mahrum bo‘lib ulgurgan: «Ayntraxt» (4), «Slaviya» (3), «Vilyarreal» (1) va «Qayrat» (1).

O‘tish bosqichidagi ehtimoliy savatchalar

Agar umumiy guruh bosqichi hozirning o‘zida yakunlangan bo‘lganida, o‘tish bosqichi setkasi quyidagi ko‘rinishda bo‘lgan bo‘lardi (eslatma: juftliklardagi muayyan raqiblar qur’a orqali aniqlanadi):

«Barselona» yoki «Sporting» «Atletik» yoki «Olimpiakos»ga qarshi;

«Manchester Siti» yoki «Atletiko» «Monako» yoki «PSV»ga qarshi;

«Atalanta» yoki «Inter» «Marsel» yoki «Bayyer»ga qarshi;

«Yuventus» yoki «Borussiya» «Galatasaroy» yoki «Qorabog‘»ga qarshi;

So‘nggi tur taqvimi

YeChL umumiy guruh bosqichi 8-turidagi barcha 18 o‘yin 28 yanvar kuni o‘tkaziladi. O‘yinlar Toshkent vaqti bilan payshanbaga o‘tar kechasi 01:00 da start oladi.

«Ayaks» – «Olimpiakos»

«Arsenal» – «Qayrat»

«Atletik» – «Sporting»

«Atletiko» – «Budyo-Glimt»

«Barselona» – «Kopenhagen»

«Bayyer» – «Vilyarreal»

«Benfika» – «Real»

«Bryugge» – «Marsel»

«Borussiya» D – «Inter»

«Ayntraxt» F – «Tottenhem»

«Liverpul» – «Qorabog‘»

«Manchester Siti» – «Galatasaroy»

«Monako» – «Yuventus»

«Napoli» – «Chelsi»

«Pafos» – «Slaviya»

«PSJ» – «Nyukasl»

«PSV» – «Bavariya»

«Yunion» – «Atalanta»

Pley-offdagi asosiy sanalar

O‘tish bosqichi qur’asi: 30 yanvar

O‘tish bosqichi: birinchi o‘yinlar – 17-18 fevral, javob o‘yinlari – 24-25 fevral

1/8, 1/4 va yarimfinal qur’asi: 27 fevral

1/8 final: birinchi o‘yinlar – 10-11 mart, javob o‘yinlari – 17-18 mart

1/4 final: birinchi o‘yinlar – 7-8 aprel, javob o‘yinlari – 14-15 aprel.

Yarimfinal: birinchi o‘yinlar – 28-29 aprel, javob o‘yinlari – 5-6 may.

Final: 30 may. Budapesht.

Source link

Chorshanba oqshomida YeChL guruh bosqichida o‘tkazilgan o‘yinlar va guruh jadvalidagi vaziyat.

Bokuliklar pley-offga yaqin

«Qorabog‘» – «Ayntraxt» F 3:2

Gollar: Duran, 4 (1:0). Uzun, 10 (1:1). Shaibi, 78 – penalti (1:2). Duran, 80 (2:2). Mustafozoda, 90+4 (3:2)

«Qorabog‘»: Koxalski, Mustafozoda, Medina, Jafarguliyev, Silva, Yankovich, Pedru Bikalyu, Montiel (Adday, 84), Zubir, Leandru Andrade (Kashchuk, 84), Duran (Gurbanli, 90+1)

«Ayntraxt» F: Santos, Kox, Teat, Kollinz (Xeylunn, 85), Sxiri, Larsson (Shtaff, 85), Braun, Kristensen, Knauff (Baoyya, 79), Doan (Shaibi, 71), Uzun (Gyotse, 71)

Ogohlantirishlar: Duran, 83 – Kristensen, 61. Shtaff, 89

«Qorabog‘» bu mavsumda ajablantirishdan to‘xtamayapti – Ozarboyjon jamoasi bu safar «Ayntraxt»ga qarshi o‘yinning 80-daqiqasiga qadar 1:2 hisobida ortda bora turib, yakunda g‘alabaga erishdi. Holbuki bokuliklar jamoasi tarkibi YeChLning bu mavsumidagi ishtirokchilari orasida eng arzon uch tarkibdan biri sanaladi.

Kambek Duranning dubli bilan boshlandi – u Jafarguliyevning uzatmasidan keyin to‘pni bir teginishda darvoza to‘riga yo‘lladi. Mezbonlar raqib jarima maydonini shturm qilishda davom etishdi va so‘nggi soniyalarda mo‘jiza sodir bo‘ldi: avvaliga «Qorabog‘» futbolchilari burchak zarbasini muvaffaqiyatsiz ijro etishdi, ammo ikkinchi urinishda jarima maydoniga yorib kirishdi va markaziy himoyachi Mustafozoda to‘pni to‘sin ostidan darvoza to‘riga mixladi. Endi oxirgi turd «Enfild»da mehmon bo‘ladigan «Qorabog‘» bir oyog‘i bilan o‘tish o‘yinlarida turibdi.

«Galatasaroy» – «Atletiko» 1:1

Gollar: Simeone, 4 (0:1). Liorente, 20 – avtogol (1:1)

«Galatasaroy»: Ugurjan Chaqir, Sanches, Abdulkarim Bardakchi, Eren Elmali, Sholloi, Torreyra (Gundo‘g‘an, 88), Lemina, Yunus Oqkun (Sara, 65), Barish Yilmaz (Yakobs, 80), Sane, Osimhen

«Atletiko»: Oblak, Gansko, Pubil, Rudjyeri, Liorente, Koke (Le Norman, 56), Barrios (Kardozo, 56), Almada (Baena, 46), Simeone, Syorlot (Grizmann, 61), Alvares (Gonsales, 73)

Ogohlantirishlar: Osimhen, 29. Sholloi, 61. Lemina, 83 – Pubil, 29. Almada, 41. Barrios, 49. Simeone, 67

So‘nggi daqiqada esa «Galatasaroy» g‘alaba golini urib ketishi mumkin edi: Sara burchak tomon kuchli zarba yo‘lladi, ammo bu safar Oblak aql bovar qilmas seyv amalga oshirdi.

Parallel o‘yinda «Atletiko» Istanbulda o‘zini mezbondek his qildi va tezkor gol bilan hisobni ochdi: 4-daqiqadayoq kichik Simeone Rudjyerining uzatmasiga yetib borib, boshda yo‘llagan zarbasi bilan darvoza to‘rini ishg‘ol etdi. Ko‘p o‘tmay madridliklarning boshqa futbolchisi Liorente ham o‘z nomini tabloga yozdirib qo‘ydi, ammo hisob 2:0 emas, 1:1 ko‘rinishini oldi. Shallaining uzatmasidan keyin ispaniyalik yarimhimoyachi o‘z darvozasini ishg‘ol etib qo‘ygandi.

Shu kuni zaxiradan tushgan Grizmann navbatdagi marta Simeoneni qutqarib qolishi mumkin edi, ammo uning xavfli jarima zarbasini Chaqir qaytardi, yana bir hujumda esa turkiyalik himoyachi to‘pni darvoza chizig‘i ustida qaytardi, takroriy zarbani esa Liorente to‘sib qoldi. Durang natija ikki jamoaning ham vaziyatini qiyinlashtirdi. «Atletiko»ning kuchli sakkizlikka kirish imkoniyati pasaydi, so‘nggi o‘yinni «Manchester Siti» maydonida o‘tkazadigan «Galatasaroy» esa o‘tish bosqichidan qolib ketishi mumkin.

Levandovskidan jyentlmencha dubl

«Slaviya» – «Barselona» 2:4

Gollar: Kushey, 10 (1:0). Fermin Lopes, 34 (1:1). Fermin Lopes, 42 (1:2). Levandovski, 44 – avtogol (2:2). Olmo, 63 (2:3). Levandovski, 71 (2:4)

«Slaviya» Praga: Stanek, Zima, Xaloupek, Xolesh (Vlchek, 46), Provod, Dorli, Sadilek, Sanyang (Cham, 72), Mozes (Dudera, 46), Kushey (Xitil, 79), Xori (Shrans, 65)

«Barselona»: X. Garsiya, Martin, E. Garsiya, Balde (Arauxo, 78), Kunde, Pedri (Olmo, 61), de Yong, Fermin Lopes (Bernal, 78), Rafinya, Bardji (Reshford, 61), Levandovski

Ogohlantirishlar: de Yong, 87

Bu kutilmaganda kunning eng keskin uchrashuviga aylandi. «Slaviya» burchak zarbasidan hisobni ochdi, keyin esa Ferminning dubli tufayli hisobdagi ustunlikni boy berdi. Tanaffus arafasida chexiyaliklarga polshalik Levandovski yordamga keldi, kataloniyaliklar hujumchisi burchak zarbasidan keyin o‘z jamoasi darvozasini ishg‘ol etib qo‘ydi.

Ikkinchi bo‘limda yana barchasi qaytadan boshlandi va mehmonlarning ketma-ket hujumlari ostida mezbonlar mudofasi parokanda bo‘lib ketdi: avvaliga Olmo to‘qqizlikni aniq nishonga olib, jamoasini yana hisobda oldinga olib chiqdi. Ko‘p o‘tmay Levandovski birinchi bo‘limdagi xatosini tuzatib, jamoa muxlislarini asabiy yakundan qutqarib qoldi. Endi kataloniyaliklar kuchli sakkizlikka kirish so‘nggi turda «Kamp Nou»da «Kopenhagen»ni imkon qadar yirik hisobda mag‘lub etishi kerak bo‘ladi – raqobatchilar bilan ochkolar teng kelib qolgan taqdirda to‘plar nisbati hal qiladi.

Banner «Marsel»ga yordam bermadi

«Marsel» – «Liverpul» 0:3

Gollar: Soboslai, 45+1 (0:1). Ruli, 72 – avtogol (0:2). Gakpo, 90+3 (0:3)

«Marsel»: Ruli, Balerdi, Pavar, Medina, Murilo, Kondogbiya (Nadir, 68), Heyberg, Traore (Payshao, 68), Vea, Guiri (Obameyang, 67), Grinvud

«Liverpul»: Alisson, Gomes, van Deyk, Kerkez, Frimpong, Gravenberh, Makallister, Soboslai, Virs (Jons, 79), Salax, Ekitike (Gakpo, 79)

Ogohlantirishlar: Pavar, 48

«Marsel» muxlislari mersisaydliklarni Beatles guruhi aks etgan banner bilan qarshi olishdi. Unda Liverpuldan chiqqan guruh a’zolari gazetada fransuzlarning 2004 yil «Liverpul» ustidan g‘alaba qozongani haqidagi maqolani o‘qib o‘tirgani tasvirlangan.

Muxlislar ushbu natija takrorlanishiga umid qilishgandi, ammo «Marsel» barcha frontlarda tor-mor etildi. Birinchi bo‘lim boshida Soboslai jarima zarbasidan hisobni ochdi. Ikkinchi bo‘limda Frimpong g‘alabani mustahkamladi (uning qanotdan uzatmasidan keyin to‘p darvozabon Ruliga tekkan holda darvoza to‘riga borib tushdi), o‘yinga qo‘shib berilgan daqiqalarda esa Gakpo qarshi hujumda hisobni yiriklashtirdi.

Keyn het-trik qilolmadi

«Bavariya» – «Yunion» 2:0

Gollar: Keyn, 52 (1:0). Keyn, 55 – penalti (2:0)

Aniq ijro etilmagan penalti: Keyn, 81’

«Bavariya»: Noyyer, Kim Min Je, Ta, Bishof, Rafael Gerreyru (Deyvis, 67), Kimmix (Goretska, 90+2), Pavlovich, Karl (Ito, 67), Dias, Olise (Gnabri, 90+2), Keyn

«Yunion»: Sxerpen, Makallister, Berdjyess, Sayks, Xalaili, van de Perre, Ait El-Hoji (Leysen, 67), Zorgan (Sxofs, 82), Floruch (Patris, 67), Smit (Fuseyni, 67), Devid (Keyta, 82)

Ogohlantirishlar: Kim Min Je, 18. Olise, 58 – Devid, 66

Chetlatish: Kim Min Je, 63 (ikkinchi sariq)

Myunxendagi o‘yinning birinchi bo‘limidan keyingi hisob ko‘pchilikni ajablantirdi. Ammo vaziyatlarga qaralsa, momenty, golga ko‘proq «Yunion» yaqin edi. Ammo Promes Devidning darvozabonning olis burchagi tomon yo‘llagan zarbasi hisobni ochish uchun yetarli bo‘lmadi, chunki darvozada Noyyer turgandi. Manuel hali ham yaxshi formada ekanini namoyish etdi va tabloda nollar qolishini ta’minladi.

Tanaffusdan keyin esa Keyn barchasini joy joyiga qo‘ydi. Avvaliga Harri Olise burchakdan oshirgan to‘pni yaqin burchak oldida turib darvozaga yo‘lladi. Bir necha daqiqa o‘tib o‘zi ishlagan penaltini o‘zi aniq ijro etdi. Hisob yirikroq bo‘lishi ham mumkin edi, ammo birinchidan, 63-daqiqada Kim Min Je ikkinchi sariq kartochkani olib, jamoasini ozchilikda qoldirib ketdi. Ikkinchidan, Keyn navbatdagi penaltini urolmadi – uning zarbasidan keyin to‘p to‘singa bordi.

Joze pley-offdan umid uzmoqda

«Yuventus» – «Benfika» 2:0

Gollar: Tyuram, 55 (1:0). Makkenni, 64 (2:0)

Aniq ijro etilmagan penalti: Pavlidis, 81’

«Yuventus»: Di Gregorio, Bremer, Kelli, Kambiyaso (Kabal, 70), Kalyulyu, Lokatelli (Kopmeyners, 87), Tyuram, Miretti (Konseysau, 46), Kenan Yildiz (Kostich, 82), Makkenni, Devid (Openda, 70)

«Benfika»: Trubin, Otamendi, Arauju, Dal, Dedich, Eursnes, Barreyru, Sudakov (Barrenechea, 69), Shelderup (Ivanovich, 69), Prestianni (Regu, 77), Pavlidis

Ogohlantirishlar: Lokatelli, 49. Kelli, 89

«Yuventus» yarimhimoyachilari jamoani qulog‘idan tortib, oldinga boshlashda davom etmoqda. Ikkinchi bo‘lim boshida Tyuram yaqin burchakka kuchli zarba yo‘llab hisobni ochdi, ko‘p o‘tmay Makkenni ajoyib texnikasini namoyish etdi. Amerikalik futbolchi o‘zini raqibning uch futbolchisi o‘rab turganiga qaramay to‘pni saqlab qoldi va dribling ishlatib darvozabon bilan yakkama-yakka vaziyatga chiqib bordi.

«Benfika» o‘yin oxirida kambek uchun imkoniyatga ega bo‘lgandi: ammo Pavlidis 81-daqiqada penaltidan foydalana olmadi. Yakunda Luchano Spalletti shogirdlari o‘tish o‘yinlaridagi ishtirokini kafolatladi, Mourinio jamoasi so‘nggi to‘rt o‘yindan uchtasini yutqazgan holda, amalda pley-offga chiqish imkoniyatini yo‘qotdi.

«Pafos» «Chelsi»ni asabiylashtirdi

«Chelsi» – «Pafos» 1:0

Gol: Kaysedo, 78 (1:0)

«Chelsi»: Yyergensen (Sanches, 46), Badiashile, Fofana, Xato (Kukurelya, 70), Gyusto, Jyeyms (Estevan, 46), Kaysedo, Fernandes, Garnacho (Gittens, 70), Pedru Netu, Delap (Joao Pedro, 70)

«Pafos»: Gorter, Lyukkassen, Pileas, Sema (Langa, 83), Shunich, Pepe, Jaja (Kina, 65), Brunu, Orshich (Bassauamina, 83), Dragomir (Mixail, 89), Anderson Silva (Dimata, 65)

Ogohlantirishlar: Gittens, 73. Fernandes, 86 – Orshich, 33. Sema, 56. Shunich, 78

Londonliklar ancha vaqtgacha kiprliklar «avtobusi»ni buza olmadi: darvozabon Gorter qo‘llari bilan ham, yelkasi bilan ham zarbalarni qaytardi, darvoza ustuni ham unga yordamga keldi. Mezbonlar faqat 78-daqiqada maqsadiga erishdi: Kaysedo o‘z pozitsiyasini tashlab, raqib jarima maydoniga kirib bordi va bosh bilan darvozani ishg‘ol etdi. «Chelsi» ham kuchli sakkizlikda qolish uchun oxirgi turda Neapolda yirikroq hisobda g‘alaba qozonishi kerak bo‘ladi. Hozirda jami 6 jamoada, jumladan, quyiroqda joylashgan «PSJ» va «Manchester Siti» jamoalarida ham 13 tadan ochko mavjud.

«Nyukasl» — kuchli sakkizlikda

«Nyukasl Yunayted» – «PSV» 3:0

Gollar: Vissa, 8 (1:0). Gordon, 30 (2:0). Barns, 65 (3:0)

«Nyukasl Yunayted»: Poup, Botman, Tshau, Holl, Trippiyer (Uillok, 87), Tonali, Joelinton (Remsi, 72), Gimarayns (Mayli, 45+3), Gordon (Elanga, 72), Barns, Vissa (Voltemade, 72)

«PSV»: Kovarj, Gaserovski, Sxauten, Salohiddin (Obispo, 45), Sildilya, Mauro Junior, Verman, Vanner, Perishich (Driosh, 62), Man (Bayraktarevich, 62), Til (Flamingo, 73)

Ogohlantirishlar: Gimarayns, 26. Tonali, 54 – Sildilya, 34. Gaserovski, 62. Verman, 90. Obispo, 90

«Nyukasl»da Voltemade gol urmay qo‘ygandi va Eddi Hau Vissani boshlang‘ich tarkibda tushira boshladi. Kongolik hujumchi «Brentford»daligidayoq olingan jarohat tufayli mavsumning yarmini o‘tkazib yubordi, ammo endi formaga kirmoqda. Aynan u Joelintonning uzatmasidan keyin tezkor gol urdi, bu hujumni esa maydon markazida to‘pni raqibdan olib qo‘ygan Brunu Gimaraes boshlab bergandi.

Keyin esa Vissa raqib himoyachilarini jarima maydoni yaqinida xato qilishga majburladi va Gordonni golli uzatma bilan ta’minladi. Shunday qilib, Entoni YeChLning bir mavsumida gol urish bo‘yicha Alan Shirerga tegishli bo‘lgan klub rekordini (6) takrorladi.

O‘yindagi yakuniy nuqtani «qarg‘alar»ning qishdagi qahramoni Barns o‘rnatdi. Yirik g‘alabadan keyin jamoa kuchli sakkizlikka kirib oldi, jamoa oxirgi turda «PSJ»ga qarshi o‘yinda ushbu o‘rinni saqlab qolishga harakat qiladi.

«Atalanta»dagi beqarorlik

«Atalanta» – «Atletik» 2:3

Gollar: Skamakka, 16 (1:0). Guruseta, 58 (1:1). Serrano, 70 (1:2). Navarro, 74 (1:3). Krstovich, 88 (2:3)

«Atalanta»: Karnesekki, Jimsiti, Kolashinats (Axanor, 76), Kossunu, Ederson, de Ron, Bernaskoni (Sulemana, 82), Dzappakosta (Samardjich, 76), De Ketelare, Zalevski (Lukman, 66), Skamakka (Krstovich, 66)

«Atletik»: Simon, Vivian, Paredes, Lekue, Boyro (Sanset, 46), Gorosabel (Areso, 81), Hauregisar (Vesga, 59), Rego (Ruis de Galarreta, 59), Gomes (Serrano, 68), Guruseta, Navarro

Ogohlantirishlar: Karnesekki, 90 – Vivian, 22. Hauregisar, 54

«Atalanta» o‘yin masalasini birinchi bo‘limning o‘zidayoq hal qilishi mumkin edi – bergamoliklar qator vaziyatlardan foydalana olmadi, goh «Atletik» darvozaboni Unai Simon qutqardi, goh darvoza ustuni yoki to‘sini zarbani o‘ziga qabul qildi, darvoza ishg‘ol etilganida esa hakamlar ofsayd holatini qayd etishdi. Ammo bo‘lim oxirida Skamakka baribir hisobni ochishga erishdi. 

Ikkinchi bo‘limda esa basklar uyg‘onishdi. Navarro avvaliga ikki sherigini golli paslar bilan ta’minladi, keyin esa o‘zi uchinchi golni urdi. Krstovichning 88-daqiqada urgan goli esa faqat hisobni qisqartirishga yaradi. Basklar vaqt cho‘zishmadi va hujumkor o‘ynashda davom etishdi, lekin g‘alabani qo‘ldan boy berishmadi. Bu tur oldidan kuchli sakkizlikda turgan «Atalanta» endi 13-pog‘onaga quladi, dastlabki turlarni inqiroz tufayli g‘alabasiz o‘tkazgan «Atletik»da esa o‘tish o‘yinlariga o‘tish imkoniyati paydo bo‘ldi. Buning uchun oxirgi turda «Sporting»ga qarshi uyda kechadigan o‘yinda durang natija ham yetarli bo‘lishi mumkin.

Umumiy guruh jadvalidagi vaziyat:

Source link