Jamiyat
Yangi hafta uchun ob-havo ma’lumoti e’lon qilindi
O‘zbekiston shimolida payshanbaga qadar, mamlakatning boshqa hududlarida esa juma kuniga qadar havo haroratining kundan kunga 1−2 darajadan yuqori ko‘tarilib borishi kutiladi. Dam olish kunlari esa mintaqaga navbatdagi biroz salqin havo — kuchli shamol va chang to‘zonlari bilan birga — kirib kelishi oydinlashmoqda.
Haftaning eng issiq kunlari payshanba va jumaga to‘g‘ri kelishi prognoz qilinyapti. Juma kuni markazida atmosfera bosimi 995 gPa gacha bo‘lgan juda issiq atmosfera bosimi sohasi O‘zbekistonning markazidan shimol tomon harakatlanib, ayni aholi zich istiqomat qiluvchi viloyatlarda +44 darajagacha yuqori issiq haroratni taqdim etishi kutilmoqda.
Manba: Windy.com
Xorijiy ob-havo byurolari ma’lumotida ham juma kuni issiq havo oqimi ta’sirida aholi zich istiqomat qiluvchi viloyatlarda o‘rtacha sutkalik havo harorati ko‘p yillik iqlimiy me’yordan 5−6 darajagacha yuqori chetlanib ketishi keltirilgan. Bu yozning ayni davri uchun sezilarli issiqlikdir. Xususan, Toshkent shahri aholisi ham juma kuni kunduzi juda issiq haroratdan aziyat chekadi.
Manba: Meteoinfo.ru
Jazirama issiq ortidan haroratni biroz pasaytiruvchi navbatdagi salqin havo oqimi dam olish kunlari shimoli-g‘arb tarafdan asta-sekin mintaqaga kirib keladi. Shimoliy hududlar aholisi juma kunidayoq bu salqinlikdan bahramand bo‘ladi. Umuman olganda, joriy haftada bir isib ketish va keyin salqinroq harorat muhiti kuzatiladi.
Yog‘in taqchilligi esa joriy hafta ham davom etadi.
Manba: Meteoinfo.ru
«O‘zgidromet» prognoziga ko‘ra, 30 iyun kuni respublika bo‘ylab yog‘ingarchilik kutilmaydi. Buxoro va Navoiy viloyatlarida havo harorati maksimumi +39 darajagacha, Surxondaryo va Qashqadaryo viloyatlarida +41 darajagacha, boshqa hududlarda +37 darajagacha ko‘tarilishi prognoz qilinmoqda. Tungi harorat Buxoro, Navoiy, Qashqadaryo, Surxondaryo, Andijon, Namangan va Farg‘ona viloyatlarida +25 darajagacha, boshqa hududlarda +22 darajagacha bo‘ladi. Tog‘larda kunduzgi harorat +30 darajagacha isishi, tunda +12 darajaga salqinlashishi kutilmoqda.
Sinoptiklar 1−3 iyul kunlari respublika bo‘ylab havo haroratining ko‘tarilib borishini ma’lum qilgan. Masalan, seshanba kuni shimol va vodiydan tashqari hududlarda haroratning dushanba kuniga nisbatan 2 darajaga ko‘tarilishi keltirilgan. Shimolda esa kunduz kuni harorat dushanbaga nisbatan 4 daraja ko‘tarilib ketishi, vodiyda esa o‘zgarmasligi ko‘rsatilgan.
Chorshanba va payshanba kunlari esa jaziramaning ta’siri respublikaga kuchli ta’sir etib, deyarli barcha hududlarda kunduzi havo harorati +40 darajadan yuqori ko‘tarilishi, janubiy hududlar va cho‘llarda esa +44 darajagacha yetishi oydinlashgan. Tungi harorat qiymatlari ham asta ko‘tarilib borish tamoyilida o‘zgarishi, seshanbadan chorshanbaga, ayrim viloyatlarda chorshanbadan payshanbaga o‘tar kechasi «tropik tun» bo‘lishi keltirilgan. Ushbu kunlari tunda havo harorati ko‘p hududlarda +27…+30 daraja issiq bo‘lishi ko‘rsatilgan.
2−3 iyul kunlari ko‘plab viloyatlarda havo oqimlarining o‘rin almashish muddatlarida kuchli shamollar kuzatilishi, shamollar kuchayganda uning tezligi soniyasiga 22 metrgacha yetishi prognoz qilinmoqda. Bu kabi kuchli shamol esishi ayni davr uchun kuchli chang bo‘ronlarini keltirib chiqarishi mumkin. Ushbu kunlari joylarda yog‘ingarchilik kutilmaydi.
Juma, shanba va yakshanba kunlari haqida gap ketganda, juma kuni shimolda haroratning sezilarli pasayib ketishi, boshqa viloyatlarda hafta davomidagi eng issiq kun bo‘lishi, poytaxtda havo harorati +44 darajagacha ko‘tarilishini, dam olish kunlari esa oldingi kunlarga nisbatan haroratning 6−8 darajagacha sezilarli pasayib ketishini taxmin qilish mumkin.
Juma, shanba va yakshanba kunlari harorat o‘zgarishi va yog‘ingarchiliklar ehtimoli to‘g‘risidagi so‘nggi ma’lumotlarini «O‘zgidromet»ning har kuni yangilanadigan qisqa muddatli ob-havo prognozlari orqali aniqroq bilib olish mumkin.
«O‘zgidromet»ning boshqa bir axboroti hamda Yevropa o‘rta va uzoq muddatli ob-havo prognoz markazi (ECMWF)ning prognozlariga ko‘ra, hafta (30 iyun — 6 iyul kunlari) davomida respublikaning aholi zich istiqomat qiluvchi hududlarida o‘tmish iyul oylari boshlariga nisbatan ancha yuqori harorat kuzatiladi. Ayniqsa, bu tog‘larda kuchli seziladi. Shimolliklar tungi biroz salqinlik va hafta so‘ngidagi salqinliklar sabab, iyulni biroz salqin kutib oladi. Yog‘ingarchilik bo‘yicha respublika hududlarida quruq ob-havo bo‘lishi ma’lum qilingan.
Harorat rejimi va tez o‘zgaruvchan ob-havo muhitining inson salomatligiga ta’siri
Joriy hafta boshidagi jazirama issiq kunlar kishilar salomatligiga sezilarli ta’sir ko‘rsatadi. Ayniqsa, haftaning payshanba va juma kunlarida respublikaning juda katta qismida kutilayotgan +40 daraja va undan yuqori harorat foni qariyalar, qon bosimi kasalligi mavjud bemorlarga ta’sir etadi.
Boshni quyoshdan asrash kerak. Bu muhim ahamiyatga ega. Chunki bosh miyadan katta arteriya, vena qon tomirlari o‘tgan bo‘lib, kunning issiq vaqtida bosh yalang yurganda bosh qizib, butun tanada issiq qon aylanib, odamni «oftob urishi» mumkin. Buning oqibatida tana haroratining ko‘tarilishi, terining qizarishi, holdan toyish, nafas olish va pulsning tezlashishi, bosh og‘rishi, bosh aylanishi, ko‘ngil aynishi, qayt qilish, hushdan ketish kabi holatlar kuzatilishi mumkin.
Jazirama kunlarda nima tanovul qilgan ma’qul? Ko‘p miqdorda suv ichish organizmning yaxshi ishlashiga va suv-tuz balansini me’yorlashtirishga yordam beradi. Ammo bunda organizmning suv tanqisligini to‘ldirish uchun gazlangan yoki nektar suv emas, aksincha, oddiy ichimlik suvini iste’mol qilish kerak. Shuningdek, issiq kunda yog‘li go‘sht mahsulotlari iste’molini kamaytirib, yengil hazm bo‘luvchi taomlar iste’molini ko‘paytirish maqsadga muvofiq. Qolaversa, meva va sabzavotlar ham organizmda yaxshi singib, ichki a’zolar faoliyatini normallashtirishga yordam beradi.
Tush payti, soat 12:00 va 16:00 oralig‘ida imkon qadar tashqariga chiqmagan ma’qul. Favqulodda vaziyatlar vazirligi shu kunlarda soat 10:00 dan 17:00 orasidagi muddatlarda quyosh nuri tik tushadigan joylarda harakatlanmaslikni targ‘ib etib, ogohlantirish xabari ulashgan.
Aholi zich istiqomat qiluvchi hududlarda payshanba va juma, shimoliy hududlarda esa chorshanba va payshanba kunlari kuzatiladigan yozgi jazirama vaqtida issiqlikning organizmga ta’sirini kamaytirish bo‘yicha Sog‘liqni saqlash vazirligi tavsiyalariga amal qilish foydadan holi bo‘lmaydi.
Chorshanba va payshanba kunlari shimolda, juma kuni O‘zbekistonning katta qismida kuchli shamollar kuzatilishidan oldin atmosfera bosimining keskin o‘zgarishi bilan bog‘liq «barik tubsizlik» hodisasining kuchsiz ko‘rinishi yuz berishi mumkin. Atmosfera bosimining keskin o‘zgarishiga moyil kishilar o‘z salomatligida o‘zgarishlar sezsa, avvalgi materiallardagi tavsiyalarga amal qilishlari maqsadga muvofiq.
Bioiqlimiy sharoitlar
Hafta o‘rtalari va juma kunduzgi muddatlarida, hatto chorshanbaga va payshanbaga o‘tar kechasi ham aholi juda issiq va dim havo bilan to‘qnash keladi. Hafta davomida bir tun bo‘lsa-da, respublika aholisi issiq va dim ob-havoga guvohi bo‘lishi mumkin.
Quyidagi bioiqlimiy kartalarda 3 va 4 iyul kunlari soat 17:00 holatiga Osiyo mamlakatlarining bir vaqtda issiqlikni his qilish darajasi aks ettirilgan. Unda payshanba kuni Qoraqalpog‘iston Respublikasi, Xorazm, Buxoro, Surxondaryo viloyatlari, juma kuni Buxoro, Surxondaryo, Samarqand, Navoiy, Sirdaryo, Qashqadaryo va Toshkent viloyatining aksar hududlari ekstremal issiqlik stresclarini qabul qilishi, boshqacha aytganda, ana shu vaqtda aksar o‘zbekistonliklar arab mamlakatlarining eng issiq hududlari, Pokiston, Afg‘oniston va Eronning ayrim hududlaridagi jaziramalar ostida yurganlar kabi issiqlik muhitini tanalarida his etishlari mumkinligi ko‘rsatilgan.
To‘q qizil rangli hududlar issiqlikni eng yuqori his qilayotgan hududlar bo‘lib, bunday rang bilan belgilangan mamlakatlar qatorida O‘zbekiston ham bor. Manba: ECMWF
To‘q qizil rangli hududlar issiqlikni eng yuqori his qilayotgan hududlar bo‘lib, bunday rang bilan belgilangan mamlakatlar qatorida O‘zbekiston ham bor. Manba: ECMWF
Qanday kiyinish kerak? Yoz kunlari tabiiy matodan tikilgan, havoni yaxshi o‘tkazib, quyosh nurini qaytaradigan och rangli kiyimlar hamda keng tikilgan kiyimlarni tanlash maqsadga muvofiq. Chunki ular terini nafas olishiga imkon yaratadi hamda tana haroratining ko‘tarilib ketishiga to‘sqinlik qiladi. Yuqorida ta’kidlanganidek, bosh kiyim ham kiyib olish kerak.
Kosmik ta’sirlar
Yakshanbada kun davomida va dushanba tongida Quyosh dog‘larida M va X sinf kuchli chaqnashlar kuzatilmadi. O‘tgan dam olish kuni Quyosh fotosforesadagi sokinlik sababmi, dushanba-seshanba kunlari «yashil» xavf darajasidagi kuchsiz magnit bo‘roni qo‘zg‘alashlari prognoz qilinmoqda.
Manba: Xras.ru
Qozog‘istondagi Ionosfera instituti e’lon qilgan geomagnit bo‘roni prognozida ham dushanba va seshanba kunlari sayyora magnitosferasida «yashil» xavf darajasidagi magnit bo‘roni, chorshanba kunlari «sariq» (biroz xavfli) qo‘zg‘alishlari taxmin qilingan. Haftaning payshanba va juma kunlari esa «yashil» magnit bo‘roni xavfi prognoz qilingan.
Manba: Ionos.kz
Hozir dunyoda magnit bo‘ronlarini ikki kundan ortiq davr uchun ishonchli prognoz qila oladigan vosita va usullar mavjud emas. Shu bois magnit bo‘ronlariga ta’sirchan kishilar o‘z rejalarini yaqin ikki kunlik magnit bo‘roni prognozi ma’lumotlariga tayanib tuzishi maqsadga muvofiqdir.
Ob-havo o‘zgarishlari bilan bog‘liq atmosfera ifloslanishi
Joriy hafta o‘rtalarida va juma kuni O‘zbekistonda havo oqimlarining o‘rin almashinuvi sabab, kuchli shamol va chang to‘zon, chang bo‘ronlari ko‘tarilishi mumkin. Ushbu davrda havoda mayda RM 10 dispers zarrachalari qisqa muddatga ko‘payishi ehtimoli yuqori.
Boshqa kunlarda havoning tabiiy ravishda ifloslanishi uchun sharoit mavjud emas.
Bunday muhitda, zarurat tug‘ilganda, havoda mayda zarrachalar bilan bog‘liq ifloslanish ortganida qanday harakat qilish bo‘yicha Sanitariya-epidemiologiya qo‘mitasi aholining turli yosh qatlamlari va bemorlar uchun tayyorlagan tavsiyalari bilan tanishib qo‘yish zarar qilmaydi.
Shunday qilib, 30 iyun — 6 iyul kunlari oralig‘ida kishilar salomatligiga kamroq xavf tug‘duruvchi iqlimiy va kosmik muhit dushanba va dam olish kunlari hisoblanadi.
Joriy yilning oktyabr oyida «Xabar.uz»da «Biz o‘z uyimizda xavfda yashayapmiz…» va’dalardan charchagan aholi» sarlavhasi ostida maqola e’lon qilingan edi.
Unda Buxoro viloyati, Romitan tumani markazidagi bir nechta ko‘p qavatli uylar ahvoli aholi yashash uchun noqulaylik tug‘dirayotgani, mutasaddilarning va’da berib, amalda ko‘zbo‘yamachilikdan nariga o‘tmayotgani va shu muammolar atrofida aylanayotgan odamlar noroziliklari xususida so‘z borgan edi.
Oradan ko‘p o‘tmay, tuman hokimi Umid Barnoyev tanqidning o‘rinli ekani, aynan, shu og‘riqli masalani o‘z nazoratiga olganini bildirdi.
Shundan so‘ng ko‘p sonli aholini uzoq yillardan buyon qiynab kelayotgan muammoni bartaraf etishga kirishilgan va masala ijobiy hal etilgan. Romitan tuman hokimligi hamda «Aslon Islom qurilish» boshqaruv servis kompaniyasi tomonidan ko‘p qavatli uylarning tashqi va ichki ko‘rinishi, tom qismi hamda elektr energiyasi yetkazib beruvchi kabellar va boshqa pardozlash ishlari to‘liq ta’mirlanib, tuzatib berilgan.
– Biz xalq xizmatidamiz. «Dom»lar haqiqatan, ta’mirtalab holatga kelib qolgan edi. Ayni paytda aholining barcha talablari yetarlicha qanoatlantirildi. «Domlar» yangi qiyofa kasb etdi. Odamlarning kayfiyati ko‘tarildi. Kelgusi yil, 2026 yilda yo‘laklarni ham ta’mirlab beramiz, – dedi «Aslon Islom qurilish» boshqaruv servis kompaniyasi rahbari Aslon Atoyev.
Darhaqiqat, ta’mirtalab holatga kelib qolgan va ta’mirlash ishlarida o‘z vaqtida e’tibor qaratilmagan ko‘p qavatli uylarning muammolari bartaraf etilgan.
– To‘g‘risi, va’dalardan charchagan edik. Tanqiddan keyin uylar ta’mirlandi. Tanqid samarada berdi. Judayam xursandmiz. Buning uchun kelib asl holatni o‘rgangan hamda muammolarimizga befarq bo‘lmagan «Xabar.uz» tahririyati jamoasiga hamda mutasaddilarga o‘z minnatdorligimizni bildiramiz. Bayramu to‘ylarda xizmat qiladigan uy bo‘ldi. Va umuman, yaxshi va farovon yashashimiz uchun maskanlarimizni chiroyli, obod qilib berganlar kam bo‘lishmasin, – deyishdi fuqarolar.
Ma’lumot o‘rnida: Tuman hokimining so‘ziga ko‘ra, o‘z vaqtida muammolarning yechimsiz qolib ketayotganiga e’tibor qaratmagan va aholi noroziligiga befarq bo‘lgan hokim o‘rinbosari o‘z lavozimidan bo‘shatilgan. Surishtiruv davomida tuman hokimi o‘rinbosari Jo‘raqul Mustafoyev dastlab, bu masala bo‘yicha intervyu berishdan bosh tortgan va har ikki so‘zining birida «zamhokim sifatida va’da beraman» deyishdan to‘xtamay, «Kompaniya rahbarini daraxtga bog‘lab qo‘yaman!» – deya po‘pisa qilgan edi.
Ota-onani moddiy ta’minlash – qonun bilan belgilangan mas’uliyat. MIB Samarqand viloyati boshqarmasi Oqdaryo tumanida o‘z burchini qasddan bajarmagan fuqaro ma’muriy tartibda javobgarlikka tortilganini ma’lum qildi.
MIBga ko‘ra, Fuqarolik ishlari bo‘yicha Payariq tumanlararo sudining ijro hujjatiga asosan, qarzdor E.X.dan o‘z otasi Yu.X. foydasiga oylik daromadining 50 foizi miqdorida aliment to‘lash belgilangan.
Biroq qarzdor belgilangan majburiyatni bajarmasdan, alimentni to‘lashdan qasddan bo‘yin tovlab kelgan. MIB davlat ijrochisi tomonidan berilgan bir necha bor ogohlantirishlarga qaramay, qarzdorning harakati o‘zgarmagani sababli hujjatlar sudga kiritilgan.
2025 yil 1 dekabr kuni JIB Oqdaryo tuman sudi E.X.ga nisbatan Ma’muriy javobgarlik to‘g‘risidagi kodeksning 47-5-moddasi 1-qismi asosida 15 sutka ma’muriy qamoq jazosini tayinladi.
Ma’lumot o‘rnida aytish mumkin, Oila kodeksining 109-moddasida voyaga yetgan, mehnatga layoqatli farzandlar mehnatga layoqatsiz va yordamga muhtoj ota-onalarini moddiy ta’minlashi va ular to‘g‘risida g‘amxo‘rlik qilishi shartligi belgilangan.
Zarafshon shahrida yashovchi 43 yoshli shaxs 775 gr miqdordagi NDSI-2K markali portlovchi moddani 1,5 mln so‘mga sotgan vaqtida tezkor tadbirda qo‘lga olingan. U sud hukmi bilan 5,5 yilga ozodlikdan mahrum qilindi.
Navoiy viloyati Zarafshon shahrida portlovchi modda sotgan ovchi jinoiy jazoga tortildi. Kun.uz sud hujjati bilan tanishdi.
Sud hukmida keltirilishicha, 1982 yilda tug‘ilgan J.I. Zarafshon shahrida istiqomat qilib, kirakashlik faoliyati bilan shug‘ullanib kelgan. U 2017 yildan ovchilik jamiyati a’zosi bo‘lgan.
J.I. 2025 yil 4 iyul kuni Zarafshon shahrida shartli xaridorga 1,5 mln so‘mga portlovchi modda sotgan vaqtida tezkor tadbirda ashyoviy dalillar bilan ushlangan. Ichki ishlar vazirligi Ekspert-kriminalistika bosh markazining xulosasiga ko‘ra, ovchi sotgan modda 775 gr og‘irlikdagi NDSI-2K markali portlovchi modda bo‘lgan.
J.I. sudda aybiga iqror bo‘lgan va portlovchi moddani Buxoro viloyati Shofirkon tumani hududida ov qilib yurganida topib olganini aytgan.
“2017 yildan ovchilik jamiyatiga a’zoman. IJ-27 markali, 12 kalibrli, ikki stvolli ov qurolini nomimga rasmiylashtirib olganman. Shundan buyon ov mavsumida ovga chiqib turaman. Ovda ishlatadigan patronlarni ovchilik do‘konidan sotib olaman. Ko‘pincha o‘zim qo‘lbola usulda yasab foydalanaman.
2023 yilda Shofirkon tumanida zovur atrofida ov qilib yurgan vaqtimda yerdan 2 dona uzinligi taxminan 35-40 sm bo‘lgan porox tayoqchalarini topib oldim. Ularni ovda patron tayyorlash uchun Zarafshon shahriga olib keldim. So‘ngra porox tayoqchalaridan birini o‘zimning yashash xonadonimda pichoq bilan maydalab, patron yasab, ovda foydalandim”, degan u suddagi ko‘rsatmasida.
Ovchi sodir etgan qilmishi jinoyat ekanini bilmaganini aytib, pushaymonlik bildirgan hamda suddan yengillik so‘ragan.
J.I.ga nisbatan qo‘zg‘atilgan jinoyat ishi JIB Zarafshon shahar sudida ko‘rib chiqildi. Sudning hukmi bilan J.I. Jinoyat kodeksining 248-moddasi 3-qismida nazarda tutilgan jinoyatni (o‘qotar qurolni, o‘q-dorilarni, portlovchi moddalarni yoki portlash qurilmalarini o‘tkazish) sodir etganlikda aybli deb topilgan. Unga Jinoyat kodeksining 57-moddasini qo‘llagan holda 5 yil 6 oy muddatga ozodlikdan mahrum qilish jazosi tayinlangan. Jazoni umumiy tartibli koloniyalarda o‘tash belgilangan.
“Davlat xizmatida boshqaruv samaradorligini yanada oshirish chora-tadbirlari to‘g‘risida”gi Prezident farmoni qabul qilindi.
Ma’lumot uchun: Boshqaruv samaradorligi agentligi (Agentlik) Davlat xizmatini rivojlantirish agentligi negizida tashkil etilgan.
Farmonga ko‘ra, 2026-yil 1-yanvardan “Yangi O‘zbekiston qiyofasidagi tuman (shahar)” maqomidagi 33 ta tuman (shahar) hokimliklarida tajriba-sinov tariqasida quyidagilarni nazarda tutuvchi natijaga asoslangan boshqaruv tizimi joriy etiladi:
davlat organlari faoliyatining maqsadli ko‘rsatkichlari va indikatorlari ularga qo‘yilgan vazifalar asosida Agentlik tomonidan shakllantiriladi hamda Vazirlar Mahkamasi tomonidan tasdiqlanadi;
Agentlik:
– natijaga asoslangan boshqaruv modelini ishlab chiqadi hamda uning joriy etilishini uslubiy jihatdan muvofiqlashtiradi;
– maqsadli ko‘rsatkichlarga erishilganligini “samaradorlik.gov.uz” elektron platformasi orqali baholashni tashkil etadi;
– tegishli vazifalarni bajarish va maqsadli ko‘rsatkichlarga erishishda kadrlar salohiyatini rivojlantirishga ko‘maklashadi;
– davlat fuqarolik xizmati lavozimlarini egallash uchun tanlovlarda zamonaviy yondashuv, zarur hollarda, qo‘shimcha bosqichlarni joriy etadi.
O‘zbekiston prezidentining “Davlat xizmatida boshqaruv samaradorligini yanada oshirish chora-tadbirlari to‘g‘risida”gi farmoniga muvofiq, davlat organlarining vazifa va funksiyalari quyidagi 5 ta darajaga ajratiladi:
konstitutsiyaviy va milliy daraja;
respublika ijro etuvchi hokimiyat organlari darajasi;
hududiy daraja;
tuman (shahar) darajasi;
mahalla (qishloq, ovul) fuqarolar yig‘ini darajasi.
2026-yil 1-yanvardan “Yangi O‘zbekiston qiyofasidagi tuman (shahar)” maqomidagi 33 ta tuman (shahar)da faoliyat yurituvchi davlat organlarida kadrlar rotatsiyasi tizimi joriy etiladi. Bunda:
respublika ijro etuvchi hokimiyat organlarining tuman (shahar) bo‘linma rahbari hamda tuman (shahar) hokimi va uning o‘rinbosarlari har 5 yilda, qoida tariqasida, Qoraqalpog‘iston Respublikasi, viloyatlar hamda Toshkent shahri doirasida boshqa tuman (shahar)ga rotatsiya qilinadi;
rotatsiya qilinadigan rahbarlar Agentlikning “hrm.gov.uz” elektron platformasi orqali aniqlanadi;
rahbar yangi hududga o‘tishdan oldin hududning iqtisodiy va ijtimoiy holati bo‘yicha intensiv kursda o‘qitiladi;
rotatsiya qilingan rahbar faoliyati Agentlik tomonidan elektron platforma orqali onlayn tarzda monitoring qilinadi.
Barcha ekipaj a’zolari vafot etdi
Tanqiddan so‘ng: Romitandagi «domlar» ta’mirlandi
Otasini ta’minlashdan bo‘yin tovlagan o‘g‘il 15 sutkaga qamaldi
-
Iqtisodiyot5 days agoO‘zbekiston oktyabrda oltinning eng yirik xaridorlaridan biri bo‘ldi
-
Jamiyat5 days agoSirdaryoda 100 million kub metrlik yangi suv ombori quriladi
-
Iqtisodiyot5 days agoSirdaryodagi 9 ta tuman-shahar hokimlari Xitoyga yo‘l oladi
-
Jamiyat5 days agoPrezident Gulistonga keltirilgan zamonaviy avtobuslarni borib ko‘rdi
-
Sport3 days agoТуркия Суперлигаси. «Башакшеҳир» – «Фенербаҳче». Шомуродов ва Файзуллаев — асосий таркибда
-
Turk dunyosi4 days agoTurkiya qimor o’yini-onaviy tergovning bir qismi sifatida futbolchilar va sheriklar hibsga olingan
-
Turk dunyosi4 days agoTurkiya Rossiya quvur liniyali gaz ta’minotini bir yil davomida kengaytirmoqda
-
Hayot tarzi4 days agoDemi Xestemanning Jessi Gatikaulaning “Me’blari” ga qanday munosabatda bo’ldi