Iqtisodiyot
Toshkentda eng ko‘p aholi savdo sohasida band
2026 yil 1 yanvar holatiga ko‘ra, Toshkent shahrida band aholining eng katta qismi ulgurji va chakana savdo sohasida faoliyat yuritmoqda. Milliy statistika qo‘mitasi ma’lumotlariga ko‘ra, mazkur tarmoqda 241,6 ming nafar kishi mehnat qilmoqda.
Statistikaga ko‘ra, poytaxtda band aholi soni bo‘yicha ikkinchi o‘rinni ishlab chiqarish sanoati egallagan bo‘lib, ushbu sohada 188,9 ming nafar fuqaro faoliyat yuritmoqda. Keyingi o‘rinlarda qurilish (161,2 ming kishi) va ta’lim sohasi (139,4 ming kishi) qayd etilgan.
Shuningdek, davlat boshqaruvi va mudofaa hamda majburiy ijtimoiy ta’minot tizimida 118,6 ming nafar, tashish va saqlash sohasida 103,1 ming nafar, boshqa turdagi xizmatlar ko‘rsatish yo‘nalishida esa 96,2 ming nafar aholi band.
Sog‘liqni saqlash va ijtimoiy xizmatlar ko‘rsatish sohasida 79,1 ming nafar, yashash va ovqatlanish xizmatlarida 77,1 ming nafar, professional, ilmiy va texnik faoliyatda 71,2 ming nafar kishi mehnat qilmoqda.
Axborot va aloqa sohasida band aholi soni 71,1 ming nafarni tashkil etgan bo‘lsa, moliyaviy va sug‘urta faoliyatida 43,5 ming nafar, ko‘chmas mulk bilan operatsiyalarda 31 ming nafar fuqaro ishlamoqda.
Eng kam bandlik qishloq, o‘rmon va baliq xo‘jaligi sohasida kuzatilgan bo‘lib, ushbu tarmoqda 5,8 ming nafar kishi faoliyat yuritmoqda. Shuningdek, elektr, gaz va bug‘ bilan ta’minlash sohasida 7,7 ming nafar, suv ta’minoti va chiqindilarni utilizatsiya qilish yo‘nalishida 13,5 ming nafar aholi mehnat qilmoqda.
Mutaxassislar fikricha, mazkur ko‘rsatkichlar Toshkent shahri iqtisodiyotida savdo, sanoat va xizmat ko‘rsatish tarmoqlari yetakchi o‘rin tutayotganini ko‘rsatadi.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
Prezident Shavkat Mirziyoyev raisligida Andijon viloyatini ijtimoiy-iqtisodiy rivojlantirish, tadbirkorlikni qo‘llab-quvvatlash va aholi daromadlarini oshirish masalalari bo‘yicha yig‘ilish o‘tkazilmoqda.
Joriy yilning birinchi yarmida viloyat iqtisodiyoti 8,8 foiz, sanoat 9,2 foiz, xizmatlar 16,1 foiz, investitsiyalar 8,9 foizga o‘sgani qayd etildi.
– Bizga o‘sishdagi raqamlar emas, balki har bir ko‘rsatkich har bir oilaning kundalik hayotiga qanday o‘zgarish olib kirgani muhim,– dedi davlatimiz rahbari.
Andijonda yer va tabiiy boyliklar cheklangan bo‘lsa-da, harakatchan aholi, kuchli tadbirkorlik ruhi, ko‘p sonli yoshlar, sanoat maktabi va katta bozor kabi imkoniyatlar borligi ta’kidlandi.
So‘nggi o‘n yilda viloyatga respublika budjetidan 20 trillion so‘m, banklar tomonidan tadbirkorlik uchun 90 trillion so‘m yo‘naltirildi. Birgina joriy yilda aholi farovonligini oshirishga 6 trillion so‘m ajratildi.
Hokimlarga berilgan vakolatlar va yaratilgan moliyaviy imkoniyatlar shunga munosib natijaga aylanishi zarurligi ko‘rsatib o‘tildi.
