Farg‘ona viloyati tarixi va madaniyati davlat muzeyi hamda ushbu muzeyning Shohimardon tabiat muzeyi filiali fond saqlovida bo‘lgan 11 dona muzey eksponatlari yo‘qolgan.

Madaniy meros agentligi direktorining tegishli buyrug‘i bilan holat yuzasidan muzey mas’ul xodimlariga nisbatan xizmat tekshiruvi tayinlandi.

Qayd etilishicha, xizmat tekshiruvi o‘tkazish bo‘yicha qaror Farg‘ona tumani Ichki ishlar bo‘limining 2026-yil 18-fevraldagi taqdimnomasidan so‘ng qabul qilingan.

Holat yuzasidan xizmat tekshiruvi o‘tkazish bo‘yicha komissiyaga IIB taqdimnomasida qayd etilgan barcha holatlarni belgilangan tartibda qonunchilik hujjatlari talablariga muvofiq atroflicha va xolisona o‘rganib chiqish hamda xizmat tekshiruvi yakuni bo‘yicha ma’lumotni Madaniy meros agentligi direktoriga va Farg‘ona tumani Ichki ishlar bo‘limiga taqdim etish vazifasi yuklangan.

«Xabar.uz»ning Farg‘ona viloyati IIB bilan bog‘lanib, ushbu vaziyat yuzasidan bergan aniqlashtiruvchi savollari esa ochiq qoldirildi.

Eslatib o‘tamiz, 2022-yilning yoz oylarida ham Farg‘ona viloyati tarixi va madaniyati davlat muzeyida saqlanayotgan umumiy bahosi 2,5 mlrd. so‘mlik 70 ta noyob eksponatlar (ulardan 56 tasi rangtasvir asarlari) qalbakilashtirilgani, muzeyni kapital ta’mirlash uchun budjetdan ajratilgan 3,1 mlrd. so‘m mablag‘ning 1,4 mlrd. so‘mi mansabdor shaxslar tomonidan talon-toroj qilingani aytilgan edi.

Shuningdek, muzeyda saqlanishi lozim bo‘lgan 1 dona rangtasvir va 1 dona grafika asari topilmagan. 

Biroq, keyinchalik «Xabar.uz» qo‘lga kiritgan sud hujjatlariga ko‘ra, muzey xodimlarining ikki nafari – muzey direktori va muhofizi mazkur jinoiy ish doirasida tergov bergan va sudda 4 dona orden va medallarni yo‘qotish, 14  dona  ordenni esa qalbakilashtirishda aybli deb topilgan hamda tegishli tartibda jazoga tortilgan. Muzeyni kapital ta’mirlash uchun ajratilgan, biroq o‘zlashtirib yuborilgan pullar miqdori ham 1,6 mlrd hisoblangan (mazkur jinoiy ish tafsilotlari haqida keyinroq xabar joylanadi. Unda, jumladan, «ish»ga aloqador 1938-43 yillarda O‘zbekiston SSR Oliy Soveti Prezidiumi raisi bo‘lgan Yo‘ldosh Oxunboboyevning shaxsiga doir ayrim ma’lumotlar ham keltiriladi, -tahr.).

Bundan tashqari, 2011-yilda muzeydan noma’lum sabablarga ko‘ra, Farg‘ona viloyati Ichki ishlar boshqarmasiga jo‘natilgan 21 nomdagi ashyolarning 7 donasi ham g‘oyib bo‘lgan.

Muzeydagi eksponatlarning yo‘qolganidan biroz vaqt o‘tib esa, aniqrog‘i 2024-yilning 11-aprelida mazkur muzeyda to‘satdan yong‘in chiqqan va bir nechta qimmatbaho eksponatlar jiddiy zararlangan.

Source link

Qoidabuzarlik uchun javobgarlikni boshqa shaxsga o‘tkazish xizmati my.gov.uz portalida ishga tushirildi. Maqolada buni amalga oshirish tartibi, qaysi qoidabuzarlikka nechchi ball berilishi va jarima ballari qanday hisoblanishi bilan tanishasiz.

Qanday amalga oshiriladi?

my.gov.uz portalida o‘z shaxsiy kabinetingizga kirasiz.

So‘ngra qidiruv bo‘limiga xizmat nomini yozib, uni tanlaysiz.

Shundan so‘ng xizmat sahifasi ochiladi. Bu yerda “xizmatdan foydalanish” tugmasini bosasiz.

1-qadamda “keyingisi” tugmasini bosish orqali ommaviy oferta talablarini qabul qilgan bo‘lasiz.

2-qadamda onlayn ariza so‘rovnomasi shakllantiriladi. Ariza beruvchi unda javobgarlikni o‘z zimmasiga oluvchi haydovchining shaxsini tasdiqlovchi hujjat ma’lumotlarini, muddatni ko‘rsatadi. Elektron ishonchnoma va sug‘urta ma’lumotlari avtomatik ravishda tekshiriladi. Agar mashina bosh ishonchnoma asosida boshqarilayotgan bo‘lsa, uning elektron nusxasi so‘rovnomaga ilova qilinadi.

Shundan so‘ng “yuborish” tugmasi bosiladi. Haydovchi my.gov.uz profilidagi “Xabarnomalar” bo‘limiga kirib, arizani elektron raqamli imzo, Mobile-ID yoki Face-ID orqali tasdiqlaydi. So‘rovnoma tasdiqlangach, belgilangan to‘lov amalga oshiriladi hamda ma’lumotlar avtomatik ravishda Yo‘l harakati xavfsizligi xizmati axborot tizimiga yuboriladi.

Qoidabuzarlik uchun javobgarlikni boshqa shaxsga o‘tkazishni Jamoat xavfsizligi departamenti Yo‘l harakati xavfsizligi xizmatining mobil ilovasi orqali ham amalga oshirish mumkinligi bildirilgan.

Xizmat narxi qancha?

Ushbu xizmat uchun BHMning 10 foizi (41 200 so‘m), ariza my.gov.uz orqali topshirilganda esa 9 foizi miqdorida (37 080 so‘m) yig‘im undiriladi.

Ijtimoiy reyestrdagilar hamda I va II guruh nogironlari uchun 50 foiz chegirma bor. Shuningdek, davlat organlari va yo‘lovchi tashuvchilar uchun o‘z xodimlariga javobgarlikni rasmiylashtirish bepul.

Ko‘rib chiqish muddati

Ariza jismoniy shaxslar uchun avtomatik, agar bosh ishonchnoma bo‘lsa 5 ish kunida, yuridik shaxslar uchun esa 5 ish kunida ko‘rib chiqiladi.

Yuridik shaxslar uchun tartib bor: tashkilot rahbari har bir mashina uchun alohida ariza yuboradi va ishonchnoma, sug‘urta polisi yoki yo‘l varaqasini ilova qiladi.

Xizmatdan foydalanmasa nima bo‘ladi?

Ayrimlar mashinani ishonchnoma asosida boshqaradi. Agar qoidabuzarlik uchun javobgarlik ishonchnoma berilgan haydovchiga o‘tkazilmasa yoki javobgarlikni qabul qilib oluvchi buni tasdiqlamasa, jarima ballari mashina egasiga yoziladi (haydovchilik guvohnomasi bo‘lgan taqdirda).

Agar qabul qilib oluvchi shaxs buni tasdiqlamasa, shuningdek, transport vositasining mulkdorida haydovchilik guvohnomasi bo‘lmasa, bunday transport vositalarida sodir etilgan qoidabuzarliklar uchun hisoblanadigan jarima ballari yig‘indisi 12 balldan oshganda, jarima maydonchasiga joylashtirish orqali vaqtincha ushlab turiladi.

Eslatib o‘tamiz, 1 apreldan foto va video qurilmalar ham yo‘ldagi qoidabuzarliklar uchun jarima ballari hisoblashni boshladi. 2025 yil 1 iyundan buyon faqat yo‘l harakati xavfsizligi xodimi tomonidan qo‘l rejimida qayd etilgan qoidabuzarliklarga nisbatan jarima ballari hisoblab kelinayotgandi.

Qaysi qoidabuzarlikka nechchi ball?

Vazirlar Mahkamasining 2025 yil 6 maydagi tegishli qarori bilan jarima ballari hisoblanishi belgilangan qoidabuzarlik va jarima ballarining miqdorlari tasdiqlangan.

Tizimda quyidagi qoidabuzarliklar uchun jarima ballari belgilangan:

tormoz tizimida, rul boshqaruvida yoki ulovchi qurilmada nosozligi bo‘lgan yoxud tegishli ruxsatnomasiz qayta jihozlangan transport vositalarini boshqarish — 0,3 ball;
foydalanish belgilangan tartibda man etilgan transport vositalarini, xuddi shuningdek davlat raqam belgisi o‘zboshimchalik bilan yechib olingan transport vositalarini boshqarish — 1 ball;
texnik reglamentga muvofiq bo‘lmagan ko‘zgusimon yoki tusi o‘zgartirilgan oynali transport vositalaridan, xuddi shuningdek haydovchining o‘rnidan tevarak-atrofni ko‘rishni cheklaydigan qo‘shimcha narsalar o‘rnatilgan yoki qoplamalar surtilgan transport vositalaridan foydalanish — 0,5 ball. Xuddi shunday huquqbuzarlik ma’muriy jazo chorasi qo‘llanganidan keyin bir yil davomida takror sodir etilgan bo‘lsa — 1 ball. Oynalar tusini o‘zgartirish uchun tegishli ruxsatnoma berilgan transport vositalari bundan mustasno.
tovush signalini sababsiz berish, transport vositalariga uni ishlab chiqargan korxona nazarda tutmagan tovush chiqaruvchi va yorituvchi qurilmalarni o‘rnatish, xuddi shuningdek ularni o‘zgartirib o‘rnatish — 0,2 ball;
tezlikni soatiga 20 kilometrdan ko‘p bo‘lmagan kattalikda oshirib yuborish — 0,5 ball;
tezlikni soatiga 20 kilometrdan ortiq, lekin 40 kilometrdan ko‘p bo‘lmagan kattalikda oshirib yuborish — 1 ball;
tezlikni soatiga 40 kilometrdan ortiq, lekin 60 kilometrdan ko‘p bo‘lmagan kattalikda oshirib yuborish — 1,5 ball;
tezlikni soatiga 60 kilometrdan ortiq kattalikda oshirib yuborish — 2 ball;
svetoforning taqiqlovchi signaliga yoki yo‘l harakatini tartibga soluvchining taqiqlovchi ishorasiga bo‘ysunmasdan o‘tish — 1 ball;
tezkor va maxsus xizmatlarning ko‘k yoki qizil yoxud ko‘k va qizil rangli yaltiroq mayoqchani yoqqan holda hamda maxsus tovushli signal bilan yaqinlashib kelayotgan transport vositalari to‘siqsiz o‘tib ketishi uchun transport vositalari haydovchilari tomonidan xalaqit berish — 0,5 ball;
yo‘lning qarama-qarshi harakatlanish uchun mo‘ljallangan tomoniga yoki bo‘lagiga yo‘l harakati qoidalarini buzgan holda chiqish, xuddi shuningdek avariya holati yuzaga kelishiga sabab bo‘lgan, ya’ni yo‘l harakatining boshqa qatnashchilarini tezlikni, harakat yo‘nalishini keskin o‘zgartirishga yoki o‘z xavfsizligini yoxud boshqa fuqarolarning xavfsizligini ta’minlash uchun o‘zga choralarni ko‘rishga majbur qiluvchi huquqbuzarlikni sodir etish — 1 ball;
to‘xtash yoki to‘xtab turish qoidalarini buzish — 0,2 ball;
odam tashish qoidalarini buzish — 0,3 ball;
avtobus va mikroavtobuslarda ichki ishlar organlarining hamrohligisiz odam tashish, agar ularning hamrohligida odam tashish shart bo‘lsa — 0,5 ball;
quvib o‘tish qoidalarini buzish — 1 ball;
yo‘l harakati xavfsizligiga tahdid soluvchi yoki avariya holatini keltirib chiqaruvchi guruh bo‘lib harakat qilishda qatnashish — 1,5 ball;
temiryo‘lning o‘tish joylaridan o‘tish qoidalarini buzish — 1 ball;
yo‘l-transport hodisasi qatnashchilarining belgilangan qoidalarni buzgan holda hodisa yuz bergan joydan ketib qolishi — 2 ball.

Qanday hisoblanadi?

Belgilangan tartibga ko‘ra, jarima ballari 12 oy davomida baholab boriladi. Bunda jarima ballari haydovchilar qoidabuzarlikni birinchi marta sodir etgan kundan boshlab, keyingi yil shu kunga qadar amalda hisoblanadi.

Jarima ballarini hisoblash davrida jami jarima ballari 12 ballga yetmasa, to‘plangan ballar kuyib ketadi. Ya’ni keyingi jarima ballarini hisoblash davri uchun hisoblanishiga yo‘l qo‘yilmaydi hamda jarima ballarini hisoblash yangidan boshlanadi.

Sodir etilgan qoidabuzarliklar 8 jarima balliga teng bo‘lganda, haydovchilar telefoniga “SMS” xabar yuborish yo‘li bilan ogohlantiriladi. Jarima ballari miqdori bir yil davomida 12 balldan oshganda haydovchilarning qoidabuzarliklari to‘g‘risidagi ma’lumotlar ma’muriy jazo qo‘llash uchun jinoyat ishlari bo‘yicha tuman (shahar) sudlariga inson omilisiz avtomatik tarzda elektron shaklda yuboriladi.

12 oy mobaynida yo‘l harakati qoidalarini buzmagan haydovchilarga rag‘batlantirish tariqasida keyingi davrda qoidalarni birinchi marta buzganligi uchun birinchi jarima balli hisoblanmaydi. Bunda ular asosiy jazodan ozod etilmaydi. Shuningdek, haydovchiga jarima balli yozilganidan keyin u 6 oy davomida boshqa qoidabuzarlik sodir etmasa, uning jarima ballaridan 2 jarima balli chegirib tashlanadi.

12 oy ichida 12 ball to‘plagan haydovchilar 6 oydan 3 yilgacha muddatga haydovchilik guvohnomasidan mahrum bo‘ladi. Haydovchilik guvohnomasidan mahrum etilgan shaxs yana rulga o‘tirsa, buning uchun jinoiy javobgarlikka tortiladi.

Source link

O‘zbekiston Respublikasi Prezidenti Shavkat Mirziyoyev 1-aprel kuni mamlakatimizda tashrif bilan bo‘lib turgan «BMT Turizm» bosh kotibi Shayxa Nosir Al Novaysni qabul qildi.

O‘zbekiston va BMTning ushbu ixtisoslashgan muassasasi o‘rtasidagi ko‘p qirrali va uzoq muddatli hamkorlikni yanada kengaytirish masalalari ko‘rib chiqildi.

Tashkilot rahbari O‘zbekistonda turizm sohasida amalga oshirilayotgan keng ko‘lamli islohotlarni yuksak baholadi. Sayyohlik infratuzilmasini modernizatsiya qilish va xizmatlarni diversifikatsiya qilish bo‘yicha izchil choralar amalga oshirilmoqda. Aviaqatnovlar geografiyasi kengaymoqda, yangi muzeylar tashkil etilmoqda, yirik madaniy tadbirlar muntazam o‘tkazilmoqda.

So‘nggi 8 yilda yurtimizga kelgan sayyohlar soni 6 barobar ko‘payib, qariyb 12 million nafarga yetgani alohida qayd etildi. 2030-yilga qadar ularning sonini 20 millionga, turizmning mamlakatimiz yalpi ichki mahsulotidagi ulushini esa 7 foizga yetkazish rejalashtirilgan.

O‘zbekiston va «BMT Turizm» o‘rtasidagi hamkorlik jadal sur’atda rivojlanib borayotgani katta mamnuniyat bilan ta’kidlandi. 2023-yilda Samarqand shahrida Tashkilot Bosh Assambleyasi muvaffaqiyatli o‘tkazildi, Xalqaro turizm akademiyasi tashkil etildi, yaqinda esa «Ipak yo‘lida turizm» mavzusidagi ofisning ochilishi bo‘lib o‘tadi.

O‘zbekiston tashabbusi bilan BMT Bosh Assambleyasining 2027-yilni Xalqaro barqaror va yashovchan turizm yili deb e’lon qilish to‘g‘risidagi rezolyusiyasi qabul qilindi.

Suhbat chog‘ida tomonlar sheriklikni yanada rivojlantirish, jumladan, sayyohlik sohasida xalqaro huquqiy bazani takomillashtirish, qo‘shma loyihalarni amalga oshirish, ekspertlik va texnik hamkorlikni kengaytirish, turizm sohasi uchun yuqori malakali kadrlarni tayyorlash niyatida ekanini qat’iy tasdiqladilar.

Source link

31 mart kuni avtokredit rasmiylashtirish uchun bankka borgan fuqaro bedarak yo‘qoldi. Ko‘p o‘tmay bank xodimi qo‘lga olindi, u o‘zaro janjal oqibatida mijozni o‘ldirib, jasadni Katta Farg‘ona kanaliga tashlab yuborganiga iqror bo‘lgan. Hozirda jasadni qidirish ishlari olib borilmoqda.

Foto: Wikimedia/Getty images

Farg‘ona viloyati O‘zbekiston tumanida yashovchi fuqaro S.E joriy yilning 31 mart kuni avtokredit rasmiylashtirish maqsadida Qo‘qon shahridagi bankka borgan va shundan keyin bedarak yo‘qolgan. Uning yaqinlari Kun.uz’ga ma’lum qilishicha, u bank binosini bank xodimi bilan birga tark etgan, ikki soat o‘tib xodim yolg‘iz qaytib kelgan.

Bosh prokuratura axborot xizmati tergovga qadar tekshiruv davomida Qo‘qon shahridagi banklardan birining kredit bo‘limi mutaxassisi A.T. gumonlanuvchi sifatida qo‘lga olinganini ma’lum qildi. U mijozni o‘ldirib, jasadni Katta Farg‘ona kanaliga tashlab yuborganiga iqror bo‘lgan.

U S.E. 31 mart kuni aksiya doirasida avtomashina uchun kredit olish maqsadida filialga kelgani, u bilan filialda o‘zaro tortishib qolgani, Tracker rusumli avtomashinasida o‘zaro gaplashib olish uchun yo‘lga chiqib, O‘zbekiston tumani «Taraqqiyot» MFY hududiga kelgani, bu yerda mashina ichida oshxona pichog‘i bilan uning bo‘yin sohasiga bir necha marta zarba berib o‘ldirganini aytgan.

U shundan so‘ng ish joyiga qaytib kelgan, murdani mashinasida qoldirgan, soat 19:00 larga qadar ishda bo‘lib, ishdan so‘ng, avtomashinasida Katta Farg‘ona kanalining O‘zbekiston tumanidagi To‘lash mahallasi hududidan oqib o‘tgan qismiga borib, murdani kanalga tashlab yuborganini bildirgan.

Holat yuzasidan JKning 97-moddasi 1-qismi (qasddan odam o‘ldirish) bilan jinoyat ishi qo‘zg‘atilib, A.T. qo‘lga olingan. Ayni vaqtda jabrlanuvchining jasadi topilmagan, qidiruv ishlari davom etmoqda.

Qidiruvga FVVning Farg‘ona viloyat boshqarmasi xodimlari jalb etilgan. Shuningdek, mahalliy aholi vakillari ham qidiruv ishlarida ishtirok etmoqda.

Eslatib o‘tamiz, avvalroq Toshkent viloyatining Bo‘ka tumanida ham IIB xodimi tomonidan urib yuborilgan shaxsning jasadi Farhod kanalidan 80 kundan so‘ng topilgan edi.

Source link

Voqea guvohiga ko‘ra, ko‘p qavatli uyning 1-qavatidagi savdo do‘konlaridan birida asosiy ustun olib tashlangan. Shu sababli uy qulash holatiga kelgan.

Sirdaryo viloyatining Guliston shahridagi ko‘p qavatli uylardan birida qulash xavfi yuzaga keldi. Bu haqda Kun.uz manbasi xabar berdi.

Ma’lum bo‘lishicha, Guliston shahri Bog‘ishamol mahallasidagi 8-uyda yashovchilar 1 aprel kuni tushdan keyin tezkor ravishda evakuatsiya qilingan. Bunga ko‘p qavatli uyda qulash xavfi yuzaga kelgani sabab bo‘lgan.

Voqea guvohlaridan birining Kun.uz’ga ma’lum qilishicha, ushbu ko‘p qavatli uyning 1-qavati savdo va xizmat ko‘rsatish maskanlariga aylantirilgan.

“Do‘konlardan birining egasi tegishli tashkilotlar ruxsatisiz asosiy ustunni olib tashlabdi. Shu sababli, “dom” qulash holatiga kelgan. Hozir hech kim yashamayapti. Qurbi yetganlar ijaraga uy olishgan, yetmaganlarni esa yotoqxonalarga joylashtirishgan”, deydi u.

Sirdaryo viloyati hokimligi matbuot xizmati holatni Kun.uz’ga tasdiqladi. Uning bildirishicha, tekshirilib, xulosa olingunicha ehtiyot chorasi sifatida odamlar evakuatsiya qilingan. Hokimlik vakiliga ko‘ra, holat o‘rganilyapti, uyni ta’mirlash yoki boshqa qurib berish masalasi ko‘rilmoqda. 

Source link