O‘zbekistonda metallurgiya sanoati yil boshida 2,1 barobarga o‘sdi. 

Milliy statistika qo‘mitasi ma’lumotlariga ko‘ra, 2026-yilning yanvar oyida O‘zbekistonda 29,2 trln so‘mlik metallurgiya sanoati mahsulotlari ishlab chiqarilgan.

Bu ko‘rsatkich 2025-yilning mos davriga nisbatan 2,1 barobarga oshgan.

Yillar kesimida metallurgiya sanoati hajmi quyidagicha (yanvar):

2020- yil – 4,8 mlrd so‘m

2021-yil – 6,8 mlrd so‘m

2022-yil – 7,7 mlrd so‘m

2023-yil – 8,1 mlrd so‘m

2024-yil – 10,4 mlrd so‘m

2025-yil – 14,1 mlrd so‘m

2026-yil – 29,2 mlrd so‘m. 

Source link

Prezident qaroriga muvofiq, aholini kuz-qish mavsumlarida qishloq xo‘jaligi mahsulotlari bilan barqaror ta’minlash maqsadida issiqxona xo‘jaliklarini qo‘llab-quvvatlashga qaratilgan qator yangi imtiyoz va preferensiyalar joriy etildi.

2026 yil 25 martda qabul qilingan “Aholini kuz-qish mavsumlarida qishloq xo‘jaligi mahsulotlari bilan barqaror ta’minlashning qo‘shimcha chora-tadbirlari to‘g‘risida”gi prezident qaroriga ko‘ra, 2026–2027 yillarda respublikada issiqxonalar faoliyatini rivojlantirish bo‘yicha asosiy maqsadli ko‘rsatkichlar belgilandi.

Jumladan, Surxondaryo viloyati Sherobod tumanida kamida 940 gektar maydonda zamonaviy issiqxona majmualarini tashkil etish rejalashtirilgan. Shuningdek, energiya tejamkor va muqobil energiya manbalariga asoslangan isitish tizimlari ulushini kamida 50 foizga yetkazish ko‘zda tutilgan.

Qarorga muvofiq, Surxondaryo viloyatida “Surxon-Agro” erkin iqtisodiy zonasi tashkil etiladi. Mazkur hududda faoliyat yurituvchi issiqxona xo‘jaliklariga qator imtiyozlar taqdim etiladi.

Xususan, yer uchastkalari tadbirkorlarga elektron onlayn auksion orqali ijaraga berilganda 5 yil davomida ijara to‘lovining nol stavkasi qo‘llanadi. Shuningdek, issiqxonalarni sug‘orish va texnologik jarayonlar uchun foydalaniladigan oqova hamda yerosti suvlari uchun to‘lovlardan 3 yil muddatga ozod etish belgilangan.

Bundan tashqari, anomal sovuq ob-havo sharoitlarida, ekologik talablarga rioya qilingan holda, istisno tariqasida ko‘mir yoqishga ruxsat beriladi.

Mazkur chora-tadbirlar issiqxona xo‘jaliklarini rivojlantirish, oziq-ovqat mahsulotlari ishlab chiqarish hajmini oshirish va aholini yil davomida barqaror ta’minlashga xizmat qiladi.

Source link

Tarkibidagi xomashyo O‘zbekistonda ishlab chiqarilmaydigan 15 turdagi mahsulot uchun xomashyoga import bojlari olib tashlanadi. Maqsad – mahalliy ishlab chiqarishni qo‘llab-quvvatlash va ichki bozordagi raqobatni oshirish. Bosh vazir o‘rinbosari Jamshid Xo‘jayev qandolat mahsulotlari misolida vaziyatni izohlab, ayni paytda shokolad va boshqa shirinliklarni import qilish mahalliy ishlab chiqarishdan arzonga tushayotganiga e’tibor qaratdi. Buning asosiy sababi tayyor mahsulotlarga bojlar yo‘q, ammo xomashyoga tariflar saqlanib qolyapti.

O‘zbekistonda 15 turdagi mahsulotni ishlab chiqarish uchun zarur bo‘lgan xomashyo importiga bojxona bojlari bekor qilinadi. Bu haqda 28 mart kuni bosh vazir o‘rinbosari Jamshid Xo‘jayev Idoralararo komissiyaning Jahon savdo tashkiloti bilan hamkorlik bo‘yicha tadbirkorlar bilan o‘tkazilgan ilk ochiq muloqotida ma’lum qildi.

Xo‘jayevning ta’kidlashicha, ayrim mahsulotlarda “tarif inversiyasi” holati mavjud. Ya’ni tayyor mahsulotlar import qilinishi arzonroq, ammo ushbu turdagi mahsulotlarni mamlakat ichida ishlab chiqarish uchun kerakli xomashyolarga yuqori bojlar qo‘llanyapti. Natijada mahalliy ishlab chiqaruvchilar tannarxning oshishi, import mahsulotlari bilan raqobat qilish imkoniyatining pasayishi kabi muammolarga duch kelishyapti, ko‘p korxonalar to‘laqonli ishlay olmayapti.

Bosh vazir o‘rinbosari qandolat mahsulotlari misolida vaziyatni izohlab, ayni paytda shokolad va boshqa shirinliklarni import qilish mahalliy ishlab chiqarishdan arzonga tushayotganiga e’tibor qaratdi. Buning asosiy sababi tayyor mahsulotlarga bojlar yo‘q, ammo xomashyoga bojlar saqlanib qolyapti.

2025 yil dekabr oyida prezident JST bilan hamkorlik bo‘yicha Idoralararo komissiyaga “bojxona hududida qayta ishlash” bojxona rejimi doirasida ayrim tovarlarni olib kirishga va tayyor mahsulotlarni ichki bozorda sotishga ruxsat berish vakolatini bergan edi. Ishchi guruh tahlil o‘tkazib, tajriba tariqasida yangi tartib qo‘llanishi rejalashtirilayotgan bir qator tovarlarni tanlab olgan. Xususan, 15 turdagi mahsulot uchun xomashyo importida bojlar bekor qilinishi mumkin. Ular qatoriga quyidagilar kirishi mumkin:

elektr skuterlar;
nogironlik aravachalari;
kungaboqar yog‘i;
marmeladlar;
karamelli shirinliklar;
shokolad;
bolalar ozuqasi;
tez tayyorlanadigan ugra;
pryanik va pechenelar;
vaflilar;
piroglar;
kekslar;
jyem va murabbolar;
konservalangan qulupnay;
shakarli ichimliklar.

Xo‘jayevning so‘zlariga ko‘ra, tadbirkor mahsulotni ichki bozorda sotgan taqdirdagina QQS to‘laydi. Bundan tashqari, tayyor mahsulot mamlakat ichida sotilganda, unga tayyor mahsulot sifatida boj undiriladi, biroq uni ishlab chiqarish uchun zarur bo‘lgan barcha xomashyo bojsiz olib kiriladi.

Source link

2026-yil 1-fevral holatiga ko‘ra, O‘zbekistonda nashriyotchilik faoliyati sohasida 2,1 mingta korxona faoliyat yuritmoqda. Bu Milliy statistika qo‘mitasi xabar berdi.

Qayd etilishicha, ko‘rsatkich o‘tgan yilning shu davriga nisbatan 520 taga ko‘paygan. Bu esa noshirlik bozorida yangi ishtirokchilar paydo bo‘layotganini anglatadi.

So‘nggi yillarda korxonalar soni ma’lum darajada o‘zgaruvchan dinamikani namoyon etgan. 2022-yil 1 fevral holatida 1 587 ta korxona qayd etilgan.

2023-yilda bu ko‘rsatkich 1 677 taga yetgan bo‘lsa, 2024-yilda 1 632 taga biroz pasaygan. 2025-yilda esa 1 571 ta korxona faoliyat yuritgan.

2026-yildagi 2 091 ta natija esa sohada keskin o‘sish yuz berganini ko‘rsatadi va avvalgi yillar tendensiyasidan farq qiladi.

Source link

Lotin Amerikasi asta-sekin, ammo ishonch bilan dunyodagi eng muhim oziq-ovqat yetkazib beruvchilardan biri maqomini mustahkamlab bormoqda. Mintaqaning bir nechta asosiy davlatlari soya va mol go‘shtidan tortib avokado hamda qahvagacha bo‘lgan mahsulotlar bo‘yicha global taklifni shakllantirmoqda. Sohaga oid so‘nggi ma’lumotlar va prognozlar shuni ko‘rsatmoqdaki, mintaqa nafaqat o‘sib borayotgan jahon talabiga ulgurmoqda, balki tobora ko‘proq hollarda shu talab yo‘nalishini o‘zi belgilay boshlamoqda.

Foto: RIA Novosti / Aleksey Kudenko

Qishloq xo‘jaligi salohiyati tahliliga ko‘ra, oldingi safda qahva, soya, makkajo‘xori, shakarqamish va mol go‘shti kabi asosiy eksport mahsulotlarini ishlab chiqarayotgan Braziliya turibdi. Uning ortidan Argentina bormoqda: u soya, makkajo‘xori, bug‘doy va mol go‘shti bo‘yicha yuqori ko‘rsatkichlarni namoyish etib, Janubiy Amerika mintaqasining “dunyo don ombori” sifatidagi rolini mustahkamlamoqda.

Yangi dinamika Market Data Forecast tahlilchilari prognozlariga mos keladi. Ularga ko‘ra, Lotin Amerikasi agrar bozori oziq-ovqat, bioyonilg‘i va qishloq xo‘jaligi eksportiga bo‘lgan jahon talabining o‘sishi fonida barqaror o‘sishni davom ettiradi.

Braziliya dunyodagi eng yirik qahva ishlab chiqaruvchi va soya hamda mol go‘shtining yetakchi eksportchilaridan biri bo‘lib qolmoqda. Ishlab chiqarish miqyosi va qishloq xo‘jaligining diversifikatsiyasi uni global oziq-ovqat zanjirlarining hal qiluvchi bo‘g‘iniga aylantirgan.

Argentina esa, o‘z navbatida, jahon don bozorida o‘ta muhim o‘rin tutadi. Soya shroti va makkajo‘xorining yetakchi eksportchilaridan biri sifatida u Osiyo va Yevropa mamlakatlariga yetkazib berishni ta’minlamoqda.

World Visualized

Mutaxassislar qayd etishicha, tashqi bozorlardagi barqaror talab va zamonaviy agrotexnologiyalarni joriy etish yaqin yillarda ham ushbu tarmoqlar o‘sishini qo‘llab-quvvatlaydi.

Eng yirik iqtisodiyotlardan tashqari, mintaqaning qishloq xo‘jaligi yaqqol ifodalangan ixtisoslashuvi bilan ham ajralib turadi.

Meksika yuqori daromad keltiradigan ekinlar — avokado, pomidor va mevalar eksportida kuchli pozitsiyalarni shakllantirgan. Bunga AQShga yaqinlik va qulay savdo kelishuvlari yordam bermoqda. Bugungi kunda Meksika dunyodagi yetakchi avokado eksportchilaridan biri hisoblanadi.

Kolumbiya va Ekvador tropik mahsulotlarga ixtisoslashgan. Kolumbiya o‘zining qahvasi va gullari bilan mashhur bo‘lsa, Ekvador banan eksportida yetakchi o‘rinlarni egallab turibdi va qisqichbaqa yetishtirishni ham faol rivojlantirmoqda.

Peru va Chili premium toifadagi qishloq xo‘jaligi mahsulotlari yetkazib beruvchi sifatida o‘z o‘rnini mustahkamladi. Peru avokado, uzum va sparja eksportni faol oshirmoqda, Chili esa mevalar va raqobatbardosh losos yetishtirish tarmog‘iga tayanmoqda.

Market Data Forecast ma’lumotlariga ko‘ra, bunday diversifikatsiya mintaqaga oz sonli tovarlarga qaramlikni kamaytirish va yuqori foyda keltiradigan eksport bozorlariga chiqishga yordam bermoqda.

Lotin Amerikasi qishloq xo‘jaligining kengayishi jahon oziq-ovqat xavfsizligi bo‘yicha xavotirlar ortib borayotgan bir paytda yuz bermoqda. Mintaqa soya, makkajo‘xori, qahva va mol go‘shtining jahon eksportida salmoqli ulushni egallab, xalqaro ta’minotda muhim rol o‘ynamoqda.

Hatto Paragvay va Urugvay kabi nisbatan kichik davlatlar ham soya ishlab chiqarish, mol go‘shti va sut mahsulotlari eksporti orqali sezilarli hissa qo‘shmoqda. Kosta-Rika esa qahva, banan va ananasning muhim yetkazib beruvchisi bo‘lib qolmoqda.

Tahlilchilar ta’kidlashicha, qulay iqlim, keng yer resurslari va agrotexnologiyalarga kiritilayotgan investitsiyalarning oshib borishi mintaqaning raqobat ustunliklarini kuchaytirmoqda hamda uning jahon maydonidagi pozitsiyalarini mustahkamlamoqda.

Source link