O‘zbekistonda banklar hujjatsiz 500 dollargacha valyuta sotishi taklif etildi. 

Markaziy bank va Bosh prokuratura huzuridagi Iqtisodiy jinoyatlarga qarshi kurashish departamenti tomonidan tegishli o‘zgartishlar loyihasi ishlab chiqildi.

Hozirda tijorat banklari mijozlar 100 dollardan ortiq miqdorda valyuta sotib olmoqchi bo‘lsa, ularni tekshirish choralarini ko‘rishi shart. Yangi taklifga ko‘ra, ushbu limit 500 dollargacha oshirilishi rejalashtirilmoqda.

Shuningdek, bank hisobvarag‘i ochmasdan amalga oshiriladigan operatsiyalarda mijozni tekshirish majburiy bo‘lgan miqdor ham o‘zgartirilishi mumkin. Amalda bu chegara 500 BHMga teng bo‘lsa, yangi taklifda u qat’iy summa — 175 million so‘m etib belgilanmoqda.

Mazkur hujjat hozircha loyiha bo‘lib, u muhokama bosqichida. Qabul qilinib, rasmiy e’lon qilingan taqdirda, uch oy o‘tib kuchga kirishi belgilangan. Muhokama 4 aprelgacha davom etadi. 

Source link

Prezident Shavkat Mirziyoyevga neft-gaz tarmog‘ida qazib chiqarish hajmini barqarorlashtirish va yangi zaxiralarni o‘zlashtirish bo‘yicha chora-tadbirlar ijrosi yuzasidan hisobot berildi.

«O‘zbekneftgaz» tizimida tabiiy gaz qazib chiqarish dinamikasi, mavjud pasayish omillari hamda ularni qoplash bo‘yicha ko‘rilayotgan choralar haqida axborot berildi. Joriy yilning birinchi choragida yangi quduqlarni ishga tushirish, mavjudlarini ta’mirlash va texnologik tadbirlarni amalga oshirish hisobiga qo‘shimcha hajmlar ta’minlangani, yil davomida esa bu boradagi ishlar yanada kengaytirilishi rejalashtirilgani qayd etildi.

Quduqlar samaradorligini oshirish uchun zamonaviy texnologiyalarni joriy qilish masalasiga alohida e’tibor qaratildi. Hozirda yangi 2D va 3D seysmik tadqiqotlar uchun istiqbolli maydonlar aniqlanmoqda. Burg‘ilash va dala ishlari ustidan xalqaro standartlar asosida nazoratni kuchaytirish maqsadida supervayzing tizimini yo‘lga qo‘yish, geologik-gidrodinamik modellashtirish va qazib chiqarish dasturlarini yanada puxta shakllantirish bo‘yicha choralar belgilangan.

Konlarda gaz qazib olish koeffitsiyentini oshirish, qiyin o‘zlashtiriladigan zaxiralarga yangi yondashuvlarni tatbiq etish, 2026-2027-yillarga mo‘ljallangan dasturlarning iqtisodiy samaradorligini baholash masalalariga ham to‘xtalib o‘tildi. Bu borada xalqaro kompaniyalar bilan hamkorlikda tegishli ishlar olib borilayotgani qayd etildi.

Davlatimiz rahbari tarmoqda ishlab chiqarish barqarorligini ta’minlash, mavjud quvvatlardan samarali foydalanish, geologiya-qidiruv va burg‘ilash ishlarini tizimli tashkil etish, shuningdek, xorijiy hamkorlar bilan amaliy natija beradigan sheriklikni kengaytirish muhimligini ta’kidladi.

Mutasaddilarga belgilangan rejalar ijrosini qattiq nazoratga olish va har bir yo‘nalish bo‘yicha aniq natijadorlikni ta’minlash yuzasidan topshiriqlar berildi.

Source link

O‘zbekistonda bankdan naqd AQSh valutasini sotib olishda shaxsni tasdiqlovchi hujjat talab etiladigan chegara 100 dollardan 500 dollargacha oshirilishi mumkin. Markaziy bank bu haqdagi hujjat loyihasini jamoatchilik muhokamasiga qo‘ydi.

Foto: Morteza Nikoubazl / Zuma / TASS

Loyihaga ko‘ra, tijorat banklari ekvivalenti 500 AQSh dollaridan oshgan miqdorda chet el valutasini sotib olayotgan jismoniy shaxslarni lozim darajada tekshirishini yo‘lga qo‘yish taklif etilmoqda. Amalda bu chegara 100 AQSh dollariga teng.

Bundan tashqari, yana bir holatda mijozni lozim darajada tekshirish (amalda – identikatsiya qilish) talabiga o‘zgartirish kiritish taklif etilmoqda.

Amalda bazaviy hisoblash miqdorining 500 baravari (hozirda 206 ml so‘m)ga teng yoki undan oshgan summada bank hisobvarag‘ini ochmasdan yoki hisobvaraqdan foydalanmasdan operatsiyalarni amalga oshirishda bank mijozning shaxsiga aniqlik kiritishi kerak. Muhokamaga qo‘yilgan loyihada bu borada 175 mln so‘mlik qat’iy chegarani o‘rnatish ko‘zda tutilgan.

Loyiha bo‘yicha jamoatchilik muhokamasi 4 aprelgacha davom etadi.

Source link

Prezident huzuridagi taqdimotda aytilishicha, joriy yilda kamida bitta tijorat bankida islomiy “darcha” faoliyatini yo‘lga qo‘yish, 2026-2030 yillarda esa to‘liq islomiy bank faoliyatini amalga oshiruvchi ikkita bank tashkil etish rejalashtirilgan. Bu orqali 5 yil ichida qo‘shimcha 1 mlrd dollar investitsiya va depozitlarni jalb qilish imkoniyati yaratiladi.

25 mart kuni prezident Shavkat Mirziyoyev islomiy moliya xizmatlarini joriy etishga oid taqdimot bilan tanishdi.

Taqdimotda aytilishicha, O‘zbekistonda quyidagi islomiy moliya instrumentlarini joriy qilish nazarda tutilmoqda:

tovarni nasiyaga sotish orqali mijozni moliyalashtirish – murobaha;
foydani taqsimlash sharti asosida mijozni moliyalashtirish yoki pul mablag‘larini jalb etish – muzoraba;
vakillik shartnomasi orqali pul mablag‘larini berish yoki jalb etish – vakala;
tovarlar uchun oldindan haq to‘lash orqali moliyalashtirish – salam va istisno;
birgalikdagi faoliyat orqali mijozni moliyalashtirish – mushoraka;
mol-mulkni islomiy ijaraga berish;
qonunchilikka zid bo‘lmagan boshqa islomiy moliya instrumentlar.

Bunda:

sotilgan tovar ustamasiga qo‘shilgan qiymat solig‘i hisoblanmaydi;
investitsiyaviy omonatdan olingan daromad soliqdan ozod qilinadi;
islomiy ijara shartnomalari moliyaviy ijara va lizingga tenglashtiriladi.

Foto: Prezident matbuot xizmati

Sohada tizimli boshqaruvni ta’minlash maqsadida Markaziy bank huzurida Islomiy moliya kengashi tashkil etiladi. Shuningdek, islomiy moliya xizmatlarini ko‘rsatuvchi banklarda ham alohida kengashlar tuziladi. Ushbu kengashlar standartlar ishlab chiqish, me’yoriy-huquqiy hujjatlar loyihalarini tayyorlashda ko‘maklashish, bahsli masalalarga izoh berish, shartnomalar va ichki hujjatlarni ko‘rib chiqish, muvofiqlik ustidan nazoratni ta’minlash bilan shug‘ullanadi.

Joriy yilda kamida bitta tijorat bankida islomiy “darcha” faoliyatini yo‘lga qo‘yish, 2026-2030 yillarda esa to‘liq islomiy bank faoliyatini amalga oshiruvchi ikkita bank tashkil etish rejalashtirilgan.

Umuman, sohadagi yangiliklar orqali 2026-2030 yillarda qo‘shimcha 1 milliard dollar miqdorida investitsiya va depozitlarni jalb qilish imkoniyati yaratilishi qayd etildi.

Eslatib o‘tamiz, islomiy banklar faoliyatini joriy etishga oid qonun joriy yil 5 fevral kuni Senatda ma’qullangan edi.

Toshkent xalqaro moliya markazi tashkil etiladi

Enterprise Uzbekistan uchun maxsus huquqiy rejim 2100 yilgacha amal qiladi

Source link

Jizzaxda qurilishi boshlangan kam quvvatli AES loyihasi Rossiya korxonalariga 2 trln rublgacha buyurtmalar olib keladi, deya e’lon qildi “Rosatom” rahbari Aleksey Lixachyov. Bu mablag‘ – RF Markaziy bankining bugungi kursi bo‘yicha 24,7 mlrd dollarga teng. Bir yil oldin “O‘zatom” rahbari Azim Ahmadxo‘jayev kichik AESni qurish xarajati 2 mlrd dollardan oshmasligiga va’da bergandi.

Kotlovan qazish ishlariga start berish marosimi. 2025 yil 9 oktyabr

24 mart kuni “O‘zatom” va “Rosatom” rahbarlari O‘zbekistonda birinchi AESni qurish bo‘yicha yana ikkita hujjatni imzoladi. Forish tumanidagi qurilish maydonchasida yadroviy energoblok uchun beton quyish ishlari boshlandi.

Shu paytga qadar obektning moliyaviy tomonlari: loyiha-smeta parametrlari, stansiyalarning umumiy qiymati, ishlab chiqarilgan elektr energiyasining tannarxi qancha bo‘lishi va qanday narxda sotib olinishi ochiqlanmagan.

Mavhumlik hukm surayotgan bir sharoitda, “O‘zbekistondagi faqat kichik atom elektr stansiyasi loyihasi Rossiya korxonalariga 2 trln rublgacha buyurtmalar olib keladi”, deya e’lon qildi “Rosatom” bosh direktori Aleksey Lixachyov. Bu – Rossiya Markaziy bankining bugungi kursi bo‘yicha 24,7 mlrd dollarga teng mablag‘.

“Rossiyada ham xususiy, ham davlat ishtirokidagi kompaniyalar orasida juda ko‘p hamkorlarimiz bor. Faqat kichik blokni qurishning o‘zi 2 trln rublgacha buyurtmalar hajmini beradi. Bandlik nuqtayi nazaridan esa bu Rossiyaning o‘zida to‘g‘ridan to‘g‘ri taxminan 1000 ta ish o‘rni yaratilishini anglatadi.

Makroiqtisodiy samaradorlik nuqtayi nazaridan qaralganda, qurilish bosqichida kiritilgan har bir rubl uchun Rossiyaga 1,5 rublgacha, AESdan foydalanish bosqichida esa 2 rublgacha qaytishni ta’minlaydi”, – dedi “Rosatom” rahbari TASS muxbirining savoliga javoban.

Spot xabariga ko‘ra, “O‘zatom” direktori Azim Ahmadxo‘jayev ham AES bo‘yicha ayrim jihatlarni ochiqlagan. Uning aytishicha, “Rosatom” bilan stansiyani qurish uchun zarur materiallarni xarid qilish bo‘yicha kelishuvga erishilgan. Ishlarning joriy bosqichida mahalliylashtirish darajasi kamida 29−30 foizni tashkil etishi kutilyapti.

Aleksey Lixachyov va Azim Ahmadxo‘jayev O‘zbekistonda integratsiyalashgan AESni qurish bo‘yicha shartnomaga doir kelishuvni imzolash marosimida. 2026 yil 24 mart, Toshkent / Foto: “O‘zatom” matbuot xizmati

Eslatib o‘tamiz, Azim Ahmadxo‘jayev 2025 yil mart oyidagi intervyusida kam quvvatli AESni qurish xarajati 2 mlrd dollardan oshmasligini aytgandi.

So‘nggi kelishuvlarga ko‘ra, Forish tumanidagi tanlangan maydonda RITM-200N reaktorlariga ega ikkita kam quvvatli energoblok (har biri 55 MVt) hamda VVER-1000 reaktorlariga ega ikkita an’anaviy yirik energoblok barpo etiladi.

AES xronologiyasi

O‘zbekistonda atom elektr stansiyasi qurish haqidagi gap-so‘zlar kecha yoki bugun paydo bo‘lib qolgani yo‘q. Bu masala 2017 yildan beri turli davralarda muhokama qilib kelinadi. Xususan, 2018 yilning iyul oyida Rossiyaning “Rosatom” kompaniyasi bilan hamkorlikda har biri 1200 megavatt quvvatga ega 2 ta energoblokdan iborat AES qurish bo‘yicha kelishuvga erishilgani ma’lum qilindi. O‘shanda stansiyani 2028 yilgacha foydalanishga topshirish ko‘zda tutilgandi.

2018 yilning oktyabr oyida AES uchun Navoiy va Buxoro viloyatlari chegarasidagi To‘dako‘l suv ombori hududi tanlab olingani haqida xabarlar chiqdi. Bir muddat o‘tib, Rossiya prezidenti yordamchisi Yuriy Ushakov O‘zbekistondagi AES loyihasining taxminiy qiymati 11 mlrd dollarga baholanayotganini ma’lum qildi. “O‘zatom” loyiha to‘liq ishga tushirilsa, mamlakat energiya ehtiyojlarining 15 foizgacha qismini qoplashini aytgandi.

2020-2023 yillar oralig‘ida pandemiya va Ukrainadagi urush fonida O‘zbekistonda AES qurish masalasi faol kun tartibida bo‘lmadi. 2024 yilga kelib, bu mavzu yana muzokara stoliga qo‘yildi. Jizzaxdagi tanlangan maydonda 6 reaktorli quvvati 330 megavattlik kam quvvatli stansiya qurish bo‘yicha bitim imzolandi. Keyinchalik, loyiha konfiguratsiyasi yana o‘zgardi: kichik stansiya quvvati 330 MW emas, 110 MW bo‘ladigan bo‘ldi. Ya’ni AESda har biri 55 MW quvvat beradigan oltita emas, ikkita RITM-200N reaktorlari bo‘ladi.

Kam quvvatli AESning energobloki joylashadigan obektga beton quyish ishlari boshlandi. 2026 yil 24 mart, Jizzax viloyati Forish tumani / Foto: “O‘zatom” matbuot xizmati

Bundan tashqari, 2025 yilning yozida katta AES masalasida ham bitim imzolandi. Kelishuv kichik stansiyaning yonida an’anaviy o‘lchamdagi katta AESni ham qurishni ko‘zda tutadi. Katta stansiya har biri 1 GW quvvatli ikkita energoblokni o‘z ichiga oladi, energiya bloklari sonini keyinchalik to‘rttaga oshirish imkoniyati nazarda tutiladi.

Shu tariqa, Jizzax viloyatida Rossiya tomonidan ham kam quvvatli, ham an’anaviy katta quvvatli atom elektr stansiyalari quriladigan bo‘lyapti. Bu – O‘zbekistonni ikki xil stansiya loyihasini bitta maydonga joylashtirgan dunyodagi birinchi davlatga aylantiradi. Integratsiyalashgan AESlar majmuasining umumiy quvvati 2,1 GW bo‘lishi ko‘zda tutilgan.

Qariyb 525 gektarlik maydondagi qo‘shma stansiya 2035 yilga borib yiliga 15,2 mlrd kWh elektr energiyasi ishlab chiqaradi. Bu – O‘zbekistondagi bugungi kundagi umumiy iste’molning qariyb 15 foiziga teng, deya ma’lum qilgan bosh vazir o‘rinbosari Jamshid Xo‘jayev.

Source link