Jamiyat
Xorijga chiqish pasportini qanday olish mumkin?
O‘zbekiston fuqarosi qanday maqsadda bo‘lmasin, xorijga chiqish pasportisiz chetga chiqa olmaydi. U turizm, ishlash, o‘qish, davolanish va tranzit safarlari uchun kerak bo‘ladi. Quyida xorijga chiqish pasportini qayerda va qanday rasmiylashtirish, qanday hujjatlar talab etilishi, narxi hamda rasmiylashtirishga qancha vaqt ketishi haqida ma’lumot beramiz.
Kimlarga xorijga chiqish pasporti kerak?
Xorijga chiqish pasporti mamlakatdan tashqariga chiquvchi barcha O‘zbekiston fuqarolari uchun talab qilinadi. Safar maqsadi yoki vizaviy tartib bo‘yicha hech qanday istisno yo‘q – ushbu hujjat vizali davlatlar uchun ham, vizasiz davlatlar uchun ham zarur.
O‘zbekistonda faqat biometrik xorijga chiqish pasporti rasmiylashtiriladi. Uning amal qilish muddati yoshga bog‘liq: kattalar uchun — 10 yil, bolalar uchun — 5 yil. Har bir bola alohida xorijga chiqish pasporti oladi, bolalarni ota-onaning pasportiga kiritish mumkin emas.
Xorijga chiqish pasporti qayerda rasmiylashtiriladi?
Xorijga chiqish pasportini rasmiylashtirish uchun ikkita joyga ariza berish mumkin:
Davlat xizmatlari markaziga;
Ichki ishlar organlarining migratsiya va fuqarolikni rasmiylashtirish bo‘limlariga (pasport stol).
Ariza berish joyi safar maqsadiga yoki boriladigan mamlakatga (vizali yoki vizasiz) bog‘liq emas. Xorijga chiqish pasporti barcha ariza beruvchilar uchun yagona tartib asosida rasmiylashtiriladi.
Hujjatlarni topshirish vaqtida ariza beruvchi shaxsan o‘zi ishtirok etishi va majburiy tartiblardan, jumladan, biometrik ma’lumotlarni topshirishdan o‘tishi shart.
Ariza qanday beriladi?
Xorijga chiqish pasportini rasmiylashtirish uchun arizani oldindan Davlat xizmatlari portali orqali onlayn topshirish yoki Davlat xizmatlari markazi yoxud pasport bo‘limiga shaxsan murojaat qilib rasmiylashtirish mumkin.
Tanlangan usuldan qat’i nazar, ariza beruvchi jarayonni to‘liq yakunlash uchun davlat organiga shaxsan kelishi shart.
Shaxsan borilgan vaqtda:
hujjatlar qabul qilinadi va tekshiriladi;
ariza tizimda rasmiylashtiriladi;
suratga tushiriladi va barmoq izlari olinadi.
Shaxsan kelish shart, chunki xorijga chiqish pasporti biometrik hujjat hisoblanadi. Uni to‘liq masofaviy tarzda rasmiylashtirish yoki ishonchnoma orqali topshirish nazarda tutilmagan.
Qabul tartibi va kutish vaqti markazga hamda murojaat qilingan kundagi yuklamaga bog‘liq bo‘ladi, ammo bu xorijga chiqish pasporti tayyorlanish muddatiga ta’sir qilmaydi.
Davlat xizmatlari portali orqali ariza topshirish
Arizani oldindan my.gov.uz portali orqali onlayn to‘ldirish mumkin. Saytda ariza beruvchi xizmat turini tanlaydi va portal orqali topshirilganda rasmiylashtirishning amaldagi narxini ko‘radi.
my.gov.uz portalida «Xorijga chiqish pasportini rasmiylashtirish uchun ariza berish» xizmati
Ariza beruvchi xizmatni tanlaganidan so‘ng elektron anketa to‘ldiradi. Ma’lumotlarning bir qismini tizim avtomatik to‘ldiradi, qolgan ma’lumotlarni ariza beruvchi o‘zi kiritadi.
Shaxsiy ma’lumotlarni to‘ldirish.
Bu bosqichda hudud va biometrik ma’lumotlar topshiriladigan punkt — Davlat xizmatlari markazi yoki migratsiya bo‘limi tanlanadi.
Ish joyi haqidagi ma’lumotlarni to‘ldirish
Ariza beruvchi qo‘shimcha ma’lumotlar – qarindoshlari va so‘nggi yillardagi mehnat faoliyati haqidagi ma’lumotlarni kiritadi.
Arizani jo‘natishdan oldin to‘ldirilgan anketani tekshirish.
Arizani jo‘natishdan oldin portal ma’lumotlarni tekshirishni taklif qiladi.
Davlat xizmatlari portali orqali davlat bojini to‘lash.
Ariza tasdiqlanganidan so‘ng portal orqali davlat boji to‘lanadi. Ariza onlayn berilganida pasaytirilgan stavka amal qiladi.
Ariza rasmiylashtirilib, davlat boji to‘langandan so‘ng ariza beruvchi tanlangan Davlat xizmatlari markaziga yoki pasport stoliga hujjatlarni tekshirish hamda biometrik ma’lumotlar — fotosurat va barmoq izlarini topshirish uchun shaxsan kelishi shart. Busiz xorijga chiqish pasporti rasmiylashtirilmaydi.
Ariza topshirish usullaridan tashqari, davlat organiga tashrifni rejalashtirish uchun elektron navbatdan foydalanish mumkin.
Elektron navbat nega kerak?
Elektron navbat xorijga chiqish pasportini rasmiylashtirish uchun emas, balki pasport stoli yoki Davlat xizmatlari markaziga tashrifni tashkil etish uchun mo‘ljallangan.
Undan quyidagi maqsadlarda foydalaniladi:
qabul kuni va vaqtini oldindan tanlash;
pasport stoliga navbatda turmasdan kelish;
belgilangan vaqtda hujjatlarni topshirish yoki rasmiylashtirishni yakunlash uchun.
“Migratsiya va fuqarolikni rasmiylashtirish bo‘limiga (pasport stol) elektron navbatga turishni rasmiylashtirish” xizmati
Bo‘lim, sana va vaqtni tanlash
Elektron navbat ariza topshirish o‘rnini bosmaydi, davlat boji to‘lashni o‘z ichiga olmaydi va xorijga chiqish pasportini rasmiylashtirish jarayonini boshlamaydi.
Oddiy qilib aytganda, elektron navbat — bu hujjatni rasmiylashtirish emas, balki qabulga qulay tarzda kirish usulidir.
Qanday hujjatlar kerak?
Xorijga chiqish pasportini rasmiylashtirish uchun quyidagilar kerak bo‘ladi:
ichki pasport yoki ID-karta;
fotosurat;
davlat boji to‘langani to‘g‘risidagi kvitansiya.
Bolaga xorijga chiqish pasporti rasmiylashtirishda hujjatlar to‘plami kattalarnikidan farq qiladi. Bunda bolaning hamda uning ota-onasi yoki qonuniy vakillarining hujjatlari kerak bo‘ladi. Hujjatlar ro‘yxati holatga qarab farq qiladi va ariza topshirish vaqtida ma’lum bo‘ladi.
Bolaga xorijga chiqish pasportini rasmiylashtirish uchun qanday hujjatlar kerak?
Bolaga xorijga chiqish pasportini rasmiylashtirish uchun quyidagi hujjatlar kerak bo‘ladi:
bolaning tug‘ilish guvohnomasi;
ota-onaning (yoki qonuniy vakilining) ichki pasporti yoki ID-kartasi;
davlat boji to‘langani to‘g‘risidagi kvitansiya;
fotosurat.
Ayrim holatlarda quyidagilar talab qilinishi mumkin:
ota yoki onaning notarial tasdiqlangan rozilik xati;
vasiylik hujjatlari — agar ariza ota-ona tomonidan berilmayotgan bo‘lsa.
Hujjat topshirish vaqtida bola shaxsan bo‘lishi kerak, chunki uning biometrik ma’lumotlari olinadi.
Xorijga chiqish pasportini rasmiylashtirish narxi?
Xorijga chiqish pasportini rasmiylashtirish narxi ariza beruvchining yoshi va ariza topshirish usuliga bog‘liq. Narxlar maqola tayyorlangan vaqtdagi BHM qiymatiga asoslangan.
Ariza berish vaqtida xorijga chiqish pasportini rasmiylashtirish narxlari.
To‘lov so‘mda amalga oshiriladi. Davlat bojining aniq miqdori arizani rasmiylashtirish vaqtida ma’lum bo‘ladi — Davlat xizmatlari portalida yoki shaxsan murojaat qilganda. Asosiy stavka va BHV miqdori normativ hujjatlar bilan belgilangan va lex.uz milliy qonunchilik bazasida e’lon qilinadi.
Bola uchun xorijga chiqish pasporti qanday olinadi?
Xorijga chiqish pasporti yoshidan qat’i nazar, har bir bola uchun alohida olinadi.
Arizani kim beradi?
Bolaga xorijga chiqish pasporti olish uchun arizani quyidagilar berishi mumkin:
Hujjat topshirish vaqtida ariza beruvchi bola manfaatlarini ifoda etish huquqiga ega ekanligini tasdiqlaydi.
Bolaning ishtiroki
Ariza topshirishda bola shaxsan ishtirok etishi shart. Bu talab biometrik hujjat rasmiylashtirish bilan bog‘liq: ariza topshirishda bola suratga olinadi va belgilangan tartibda biometrik ma’lumotlari qayd etiladi.
Ota-onaning roziligi
Ayrim hollarda ota yoki onaning roziligi talab qilinadi:
arizani ota-onadan faqat bittasi berganida;
ota-ona rasmiy nikohda bo‘lmaganida;
ota yoki ona hujjat topshirishda qatnashmaganida.
Rozilikning talab qilinishi va shakli ariza topshirish vaqtida holatdan kelib chiqib ma’lum bo‘ladi.
Xorijga chiqish pasporti qancha vaqtda tayyor bo‘ladi?
Xorijga chiqish pasportining rasman tayyor bo‘lish muddati 10 ish kunigachani tashkil etadi. Ammo amalda ko‘proq vaqt ketishi mumkin, bu dam olish kunlari, bayramlar va bo‘limlarning yuklamasiga bog‘liq.
Xorijga chiqish pasporti tayyor bo‘lganini qanday bilish mumkin?
Xorijga chiqish pasporti rasmiylashtirilish holatini bir nechta usulda tekshirish mumkin — bu ariza qayerda topshirilganiga bog‘liq.
Hujjat topshirilgan joyda
Agar ariza Davlat xizmatlari markazi yoki pasport stoli orqali berilgan bo‘lsa, u holda pasport tayyor bo‘lgani haqida:
hujjat topshirish vaqtida ko‘rsatilgan telefon raqamiga sms xabarnoma keladi;
markaz yoki bo‘limdan qo‘ng‘iroq qilishlari mumkin.
Xabar berish usuli muassasa va hududga bog‘liq.
Davlat xizmatlari portali orqali
Agar ariza my.gov.uz portali orqali topshirilgan bo‘lsa, murojaat holatini shaxsiy kabinetda tekshirish mumkin. U yerda arizani qayta ishlash bosqichlari va uning tayyorligi haqidagi ma’lumot aks etadi.
Agar xabarnoma kelmasa nima qilish kerak
Agar sms yoki qo‘ng‘iroq bo‘lmasa:
hujjat topshirilgan joyga shaxsan murojaat qilish kerak;
Davlat xizmatlari markazi yoki pasport stoliga qo‘ng‘iroq qilish kerak.
Xorijga chiqish pasporti ariza berilgan joyga shaxsan borib shaxsni tasdiqlovchi hujjatni ko‘rsatgan holda olinadi.
2026-yilning yanvar–mart oylarida O‘zbekistondan xorijiy davlatlarga 2 277 nafar fuqaro doimiy yashash maqsadida ko‘chib ketgan. Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning mos davriga nisbatan 4,1 foizga kamaygan.
Xorijga ko‘chib ketganlarning asosiy qismi Qozog‘iston va Rossiya hissasiga to‘g‘ri kelgan. Jumladan, ko‘chib ketganlarning 80,6 foizi Qozog‘istonga, 16,4 foizi Rossiyaga yo‘l olgan. Shuningdek, Janubiy Koreya, Qirg‘iziston va boshqa davlatlarga ketganlar ham qayd etilgan.
Hududlar kesimida eng ko‘p ko‘chib ketish holati Qoraqalpog‘iston Respublikasida — 727 nafar, Toshkent viloyatida — 637 nafar va Navoiy viloyatida — 511 nafarni tashkil etgan.
Eng past ko‘rsatkichlar esa Qashqadaryo viloyatida — 5 nafar va Surxondaryo viloyatida — 3 nafar bo‘lgan.
Buxoro viloyatidagi tumanlardan birida sog‘liqni saqlash bo‘limi rahbari davlat xaridlari va rag‘batlantirish mablag‘lari bilan bog‘liq korrupsion holatlarda gumon qilinib, tezkor tadbir davomida ushlandi.
Ma’lum bo‘lishicha, joriy yilda tuman sog‘liqni saqlash bo‘limi hamda dori-darmon va tibbiy buyumlar ulgurji savdosi bilan shug‘ullanuvchi MChJ o‘rtasida 1 mlrd 2 mln so‘mlik shartnoma tuzilib, tibbiy buyumlar xarid qilingan.
Shartnoma mablag‘ining 30 foizi avvaldan MChJ hisob raqamiga o‘tkazilgan. Keyinchalik esa tuman sog‘liqni saqlash bo‘limi mudiri qolgan 70 foiz mablag‘ni ajratish, shuningdek, kelgusidagi xaridlarni ham aynan ushbu MChJ orqali amalga oshirish evaziga mahsulotlar umumiy qiymatining 15 foizi — 150 mln so‘m miqdorida “ulush” talab qilgan.
Davlat xavfsizlik xizmati xodimlari tomonidan o‘tkazilgan tezkor tadbirda mansabdor shaxs so‘ralgan mablag‘ning bir qismi — 11 800 AQSh dollarini turmush o‘rtog‘i orqali olgan vaqtida qo‘lga olingan.
Tergov davomida yana bir holat aniqlangan. Unga ko‘ra, mansabdor shaxs tumandagi oilaviy poliklinikalar xodimlariga yarmini qaytarish sharti bilan jami 448 mln so‘m rag‘batlantirish puli ajratgan va ushbu mablag‘ning 92 mln so‘mini qayta yig‘ib olgan.
Hozirda mazkur holat yuzasidan Jinoyat kodeksining pora olish, pora berish hamda o‘zlashtirish yoki rastrata yo‘li bilan talon-toroj qilishga oid moddalari bilan jinoyat ishi qo‘zg‘atilib, tergov harakatlari olib borilmoqda.
DXX fuqarolarni shu kabi qonunbuzilish holatlari haqida 1520 qisqa raqami orqali xabar berishga chaqirdi.
Hukumat qarori bilan «Erta aralashuv» xizmati ko‘rsatilishini tashkil etish tartibi to‘g‘risidagi nizom tasdiqlandi.
Qarorga ko‘ra, «Erta aralashuv» xizmati quyidagi bolalarga ko‘rsatiladi:
belgilangan tashxislar bo‘yicha nogironlik belgilangan tug‘ilgandan boshlab 3 yoshgacha bo‘lgan bolalar;
oilaviy shifokor tomonidan rivojlanishida orqada qolish xavfi mavjudligi haqida xulosa berilgan 1 yoshgacha bo‘lgan bolalar;
rivojlanishida orqada qolish xavfi mavjudligi haqida xulosa berilgan 1-3 yoshdagi bolalar.
«Erta aralashuv» xizmatini ko‘rsatish istagini bildirgan nodavlat tashkilotlar elektron reyestrga kiritiladi.
Bolaning otasi yoki onasi xizmatdan foydalanish uchun «Inson» markazi, Davlat xizmatlari markaziga yoxud YaIDXP (my.gov.uz) yoki «Ijtimoiy karta» ilovasi orqali murojaat qilishi mumkin.
So‘rovnoma tasdiqlangandan so‘ng 1 ish kunida bola «Erta aralashuv» xizmatidan foydalanishi uchun elektron vaucher shakllanadi.
Vaucher shakllangan sanadan boshlab bolaning ota-onasi 30 kun ichida vaucherdan foydalanishni boshlashi lozim.
Buyurtma nodavlat tashkilot tomonidan qabul qilingandan so‘ng 10 ish kuni ichida bolaning ota-onasi bilan birgalikda bolaning erta aralashuv rejasi ishlab chiqiladi.
«Erta aralashuv» xizmati vaucherning amal qilish muddati davomida 6 kunlik ish haftasida 08:00 dan 18:00 gacha bo‘lgan vaqt oralig‘ida ko‘rsatiladi.
Nodavlat tashkilotga ko‘rsatilgan xizmat xarajatlari vaucherning haqiqatda foydalanilgan qismi bo‘yicha subsidiya shaklida to‘lanadi.
2026 yil 1 dekabrdan mahalla fuqarolar yig‘inlari tomonidan mahalla hududidagi qabristonni obodonlashtirish bo‘yicha ehtiyojidan kelib chiqib Obodonlashtirish boshqarmasiga ariza kiritish amaliyoti yo‘lga qo‘yiladi.
“Qabristonlarni obodonlashtirish ishlarini samarali tashkil etish to‘g‘risida”gi hukumat qarori qabul qilindi.
Qarorga ko‘ra, qabristonlarni saqlash va ta’mirlash uchun rejalashtirilgan mablag‘larni boshqa yo‘nalishlarga qayta taqsimlash qat’iyan taqiqlanadi.
Mobil ilovalar orqali qabristonlarni saqlash hamda obodonlashtirish uchun istalgan qabristonga onlayn shaklda ixtiyoriy xayr-ehsonlar qilishining soddalashtirilgan tartibi (QR-kodlar orqali) yo‘lga qo‘yiladi.
2026 yil 1 dekabrdan mahalla fuqarolar yig‘inlari tomonidan mahalla hududidagi qabristonni obodonlashtirish bo‘yicha ehtiyojidan kelib chiqib Obodonlashtirish boshqarmasiga ariza kiritish amaliyoti yo‘lga qo‘yiladi.
Hind faylasufi Oshoning (asl ismi Chandra Moxan Jey) «Ijod», «Sir», «Komillik sarhadlari» deb nomlangan mashhur asarlarini o‘qib, yon daftarimga uning quyidagi fikrlarni yozib qo‘yganman…
Xudosiz dunyo – telba dunyo. Xudosiz odamda hech vaqo – na ma’no, na mohiyat bo‘ladi. U hatto narsa ham emas. XX asr Xudosiz asr bo‘ldi. Tarixda bu asrdan ko‘ra telba asr bo‘lgan emas. Eng og‘ir gunohlar, qirg‘inbarotlar shu asrda sodir etildi.
Eshitmoq, tinglamoq Xudo qasriga kirishning muhim sirlaridan biri.
Donishmandlardan ko‘ra donolikka da’vosi bo‘lmagan oddiy kishilar Xudoga yaqinroq bo‘ladilar
Ijodkor mo‘jiza yaratmaydi, yarata olmaydi ham. U shunchaki vositachi. Mo‘jiza yaratish, ya’ni yo‘qdan bor qilish – Xudoning ishi.
Ijodkor hech kim ko‘rmagan narsani ko‘radi, hech kim eshitmagan sasni eshitadi.
Oqillik yonida bir oz telbalik ham bo‘lishi kerak. Daho darajasiga yetgan kishida ham qay bir imkoniyat uyg‘onmay qolib ketgan bo‘ladi.
Shoh Jahon sherozlik haykaltaroshni huzuriga chorlab, undan g‘oyat go‘zal haykal yaratib berishni iltimos qildi. Haykaltarosh shohga: «Sen yigirma beshta kanizagingni parda ortiga olib kel, men ularning qo‘lini ushlab, bittasini tanlayman va o‘sha tanlaganimning haykalini yasayman. Agar haykal o‘sha kanizakka o‘xshasa, men unga uylanaman, dedi. Haykal bitdi, uni ko‘rib shoh dong qotib qoldi…
Podsho boqqa ishqiboz ekan. Ustozidan maslahat olib, uch yil ter to‘kib, zahmat chekib, go‘zal bog‘ yaratibdi. Ustozi: «Qani bog‘, men uni ko‘rmayapman, qani daraxtlarning yerga to‘kilib yotgan barglari, qani singan, quriy boshlagan shoxchalari? Bu bog‘ haqiqiy emas, sun’iy bog‘ bo‘lib qolibdi», debdi.
Baliq qarmoqqa ilinib, qirg‘oqqa otilganidagina suvning qadriga yetadi.
Inson o‘z menini yaratmaydi, u o‘z «men»i bilan tug‘iladi. «Men»ni yaratish ham Allohning ishi.
Izzat-nafs bor joyda ijod o‘ladi. Izzat-nafs quliga aylangan odam hech qachon ijodkor bo‘lolmaydi.
Fan olamni ikkiga bo‘ladi: anglangan va anglanmagan dunyo. Anglangan narsalar bir vaqtlar anglanmagan narsalar edi. Eynshteyn «Bir kun kelib anglanmagan narsa qolmaydi» degan va keyinchalik bu xatosini o‘zi tuzatgan.
Bilish – bilmaslikka olib keladi.
O‘tmishidan qutulmoqchi bo‘lgan odam kelajagidan ham ayriladi.
Bolani to‘g‘ri javob berishga o‘rgatmang. Qanday javob berishni o‘zi qidirib topsin.
Jamiyat alohida qarashga ega kishilarni yoqtirmaydi, ulardan qo‘rqadi. Hamma an’anaviy fikrlasin, o‘zgacha bo‘lmasin, savol beraverib, boshimizni qotirmasin, deyishadi. Jamiyat shunday fikrlaydigan, savoli yo‘q, tanqidiy tafakkursiz odamlardan iborat bo‘lsa, unda ular podaga aylanadi. Podani podachining tayog‘i boshqaradi. Tayoq zarbidan qo‘rqqan sigirlar to‘dadan ajralmaydi, to‘da qayoqqa yursa – shu yoqqa yuradi. Bunday jamiyatning rivojlanishi qiyin.
Insoniyat tarixidagi barcha buyuk zotlar o‘z jamiyati qoliplariga sig‘magan shaxslardir. Qahramonlarning aksariyati qo‘rqoq bo‘lishga jur’ati yetmagan kishilardir.
Nikohdan o‘tish – jamiyatning talabi ekan, uni bajar, albatta. Ammo nikohdan o‘tgach, xayolingga «U endi meniki», degan fikrni yo‘latma. U biror buyum emaski, seniki bo‘lsa. Sen ayolga xo‘jayinlik qilishni boshlasang, u ham senga xo‘jayinlik qilishni boshlaydi. Oqibatda na unda va na senda sevgi qoladi (boshqa bir kitobda o‘qiganim: «Ayolni Ayol maqomida hurmatlang, xotin darajasiga tushirib qo‘ymang»).
Ona qornidagi hayot. Homilaga nima kerak bo‘lsa, hammasi muhayyo. Hech narsaga ehtiyoj yo‘q. G‘am-tashvish yo‘q. Ona homilasi uchun taom yeydi, homilasi uchun nafas oladi. Yashash uchun bundan qulay boshqa hech joy yo‘q. Ammo ona qornida yashash – bu yashash emas. Hayot hamisha tashqi olamda.
Kiyimning yirtig‘ini yopish uchun unga qancha ko‘p yamoq solinsa, yirtiqligi shuncha ko‘p oshkor bo‘ladi.
Rivojlanishdan so‘ng turg‘unlik yuzaga keladi. Bu esa yangi rivojlanish zaruratini keltirib chiqaradi.
Sharq botin haqida o‘ylaydi, G‘arb esa bugunni.
Eng zo‘r texnologiya yaxshi niyatli odamlar qo‘liga tushsa baxt keltiradi. Yomonlar qo‘liga tushsa kulfat olib keladi.
Odam hamisha o‘ziga o‘zi savol berib turishi kerak. Jasoratli odamlargina shunday qila oladilar.
Insonda faqat bitta – o‘z «men»ini yo‘qotib qo‘yish qo‘rquvi bor. Har qanday sharoitda o‘zini idora qilishga qodir kishilarda qo‘rquv bo‘lmaydi.
Miyangizni ishlating, uni yoriting, bu yorishuvdan bahra oling. Ammo… unda butunlay qolib ketmang.
Siz o‘zingizni bilimdon deb hisoblaysizmi? Ko‘p narsani bilishingizga ishonasiz. Ammo boshqa bir bilimdon kishiga duch kelganingizda sizning bilimingiz erib, bug‘ga aylanib ketadi.
(A.Meliboyevning «Siz yozmagan kitob»idan)
AQSh va Eron Hormuz boʻgʻozini ochish boʻyicha shartli kelishuvga yaqinlashmoqda
O‘zbekistondan xorijga doimiy yashash uchun ko‘chib ketganlar soni kamaydi
2031 yilga borib dunyo iqtisodiy xaritasi o‘zgaradi
-
Siyosat4 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Iqtisodiyot5 days agoKo‘chmas mulk bo‘yicha soliqni bozor narxi asosida hisoblash tartibi belgilandi
-
Siyosat5 days agoO’zbekistonda banklardan oltin quymalarini qanday sotib olish mumkin
-
Jamiyat3 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Iqtisodiyot3 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda
-
Dunyodan1 day agoPrezident Trampning Gʻazo boʻyicha 15 banddan iborat rejasi eʼlon qilindi
-
Siyosat3 days ago
Shavkat Mirziyoyev YeXHT bosh kotibini qabul qildi
-
Iqtisodiyot4 days agoOLX onlayn reklama bozorida ustun mavqega ega deb topildi