Jamiyat
Xorijga chiqish pasportini qanday olish mumkin?
O‘zbekiston fuqarosi qanday maqsadda bo‘lmasin, xorijga chiqish pasportisiz chetga chiqa olmaydi. U turizm, ishlash, o‘qish, davolanish va tranzit safarlari uchun kerak bo‘ladi. Quyida xorijga chiqish pasportini qayerda va qanday rasmiylashtirish, qanday hujjatlar talab etilishi, narxi hamda rasmiylashtirishga qancha vaqt ketishi haqida ma’lumot beramiz.
Kimlarga xorijga chiqish pasporti kerak?
Xorijga chiqish pasporti mamlakatdan tashqariga chiquvchi barcha O‘zbekiston fuqarolari uchun talab qilinadi. Safar maqsadi yoki vizaviy tartib bo‘yicha hech qanday istisno yo‘q – ushbu hujjat vizali davlatlar uchun ham, vizasiz davlatlar uchun ham zarur.
O‘zbekistonda faqat biometrik xorijga chiqish pasporti rasmiylashtiriladi. Uning amal qilish muddati yoshga bog‘liq: kattalar uchun — 10 yil, bolalar uchun — 5 yil. Har bir bola alohida xorijga chiqish pasporti oladi, bolalarni ota-onaning pasportiga kiritish mumkin emas.
Xorijga chiqish pasporti qayerda rasmiylashtiriladi?
Xorijga chiqish pasportini rasmiylashtirish uchun ikkita joyga ariza berish mumkin:
Davlat xizmatlari markaziga;
Ichki ishlar organlarining migratsiya va fuqarolikni rasmiylashtirish bo‘limlariga (pasport stol).
Ariza berish joyi safar maqsadiga yoki boriladigan mamlakatga (vizali yoki vizasiz) bog‘liq emas. Xorijga chiqish pasporti barcha ariza beruvchilar uchun yagona tartib asosida rasmiylashtiriladi.
Hujjatlarni topshirish vaqtida ariza beruvchi shaxsan o‘zi ishtirok etishi va majburiy tartiblardan, jumladan, biometrik ma’lumotlarni topshirishdan o‘tishi shart.
Ariza qanday beriladi?
Xorijga chiqish pasportini rasmiylashtirish uchun arizani oldindan Davlat xizmatlari portali orqali onlayn topshirish yoki Davlat xizmatlari markazi yoxud pasport bo‘limiga shaxsan murojaat qilib rasmiylashtirish mumkin.
Tanlangan usuldan qat’i nazar, ariza beruvchi jarayonni to‘liq yakunlash uchun davlat organiga shaxsan kelishi shart.
Shaxsan borilgan vaqtda:
hujjatlar qabul qilinadi va tekshiriladi;
ariza tizimda rasmiylashtiriladi;
suratga tushiriladi va barmoq izlari olinadi.
Shaxsan kelish shart, chunki xorijga chiqish pasporti biometrik hujjat hisoblanadi. Uni to‘liq masofaviy tarzda rasmiylashtirish yoki ishonchnoma orqali topshirish nazarda tutilmagan.
Qabul tartibi va kutish vaqti markazga hamda murojaat qilingan kundagi yuklamaga bog‘liq bo‘ladi, ammo bu xorijga chiqish pasporti tayyorlanish muddatiga ta’sir qilmaydi.
Davlat xizmatlari portali orqali ariza topshirish
Arizani oldindan my.gov.uz portali orqali onlayn to‘ldirish mumkin. Saytda ariza beruvchi xizmat turini tanlaydi va portal orqali topshirilganda rasmiylashtirishning amaldagi narxini ko‘radi.
my.gov.uz portalida «Xorijga chiqish pasportini rasmiylashtirish uchun ariza berish» xizmati
Ariza beruvchi xizmatni tanlaganidan so‘ng elektron anketa to‘ldiradi. Ma’lumotlarning bir qismini tizim avtomatik to‘ldiradi, qolgan ma’lumotlarni ariza beruvchi o‘zi kiritadi.
Shaxsiy ma’lumotlarni to‘ldirish.
Bu bosqichda hudud va biometrik ma’lumotlar topshiriladigan punkt — Davlat xizmatlari markazi yoki migratsiya bo‘limi tanlanadi.
Ish joyi haqidagi ma’lumotlarni to‘ldirish
Ariza beruvchi qo‘shimcha ma’lumotlar – qarindoshlari va so‘nggi yillardagi mehnat faoliyati haqidagi ma’lumotlarni kiritadi.
Arizani jo‘natishdan oldin to‘ldirilgan anketani tekshirish.
Arizani jo‘natishdan oldin portal ma’lumotlarni tekshirishni taklif qiladi.
Davlat xizmatlari portali orqali davlat bojini to‘lash.
Ariza tasdiqlanganidan so‘ng portal orqali davlat boji to‘lanadi. Ariza onlayn berilganida pasaytirilgan stavka amal qiladi.
Ariza rasmiylashtirilib, davlat boji to‘langandan so‘ng ariza beruvchi tanlangan Davlat xizmatlari markaziga yoki pasport stoliga hujjatlarni tekshirish hamda biometrik ma’lumotlar — fotosurat va barmoq izlarini topshirish uchun shaxsan kelishi shart. Busiz xorijga chiqish pasporti rasmiylashtirilmaydi.
Ariza topshirish usullaridan tashqari, davlat organiga tashrifni rejalashtirish uchun elektron navbatdan foydalanish mumkin.
Elektron navbat nega kerak?
Elektron navbat xorijga chiqish pasportini rasmiylashtirish uchun emas, balki pasport stoli yoki Davlat xizmatlari markaziga tashrifni tashkil etish uchun mo‘ljallangan.
Undan quyidagi maqsadlarda foydalaniladi:
qabul kuni va vaqtini oldindan tanlash;
pasport stoliga navbatda turmasdan kelish;
belgilangan vaqtda hujjatlarni topshirish yoki rasmiylashtirishni yakunlash uchun.
“Migratsiya va fuqarolikni rasmiylashtirish bo‘limiga (pasport stol) elektron navbatga turishni rasmiylashtirish” xizmati
Bo‘lim, sana va vaqtni tanlash
Elektron navbat ariza topshirish o‘rnini bosmaydi, davlat boji to‘lashni o‘z ichiga olmaydi va xorijga chiqish pasportini rasmiylashtirish jarayonini boshlamaydi.
Oddiy qilib aytganda, elektron navbat — bu hujjatni rasmiylashtirish emas, balki qabulga qulay tarzda kirish usulidir.
Qanday hujjatlar kerak?
Xorijga chiqish pasportini rasmiylashtirish uchun quyidagilar kerak bo‘ladi:
ichki pasport yoki ID-karta;
fotosurat;
davlat boji to‘langani to‘g‘risidagi kvitansiya.
Bolaga xorijga chiqish pasporti rasmiylashtirishda hujjatlar to‘plami kattalarnikidan farq qiladi. Bunda bolaning hamda uning ota-onasi yoki qonuniy vakillarining hujjatlari kerak bo‘ladi. Hujjatlar ro‘yxati holatga qarab farq qiladi va ariza topshirish vaqtida ma’lum bo‘ladi.
Bolaga xorijga chiqish pasportini rasmiylashtirish uchun qanday hujjatlar kerak?
Bolaga xorijga chiqish pasportini rasmiylashtirish uchun quyidagi hujjatlar kerak bo‘ladi:
bolaning tug‘ilish guvohnomasi;
ota-onaning (yoki qonuniy vakilining) ichki pasporti yoki ID-kartasi;
davlat boji to‘langani to‘g‘risidagi kvitansiya;
fotosurat.
Ayrim holatlarda quyidagilar talab qilinishi mumkin:
ota yoki onaning notarial tasdiqlangan rozilik xati;
vasiylik hujjatlari — agar ariza ota-ona tomonidan berilmayotgan bo‘lsa.
Hujjat topshirish vaqtida bola shaxsan bo‘lishi kerak, chunki uning biometrik ma’lumotlari olinadi.
Xorijga chiqish pasportini rasmiylashtirish narxi?
Xorijga chiqish pasportini rasmiylashtirish narxi ariza beruvchining yoshi va ariza topshirish usuliga bog‘liq. Narxlar maqola tayyorlangan vaqtdagi BHM qiymatiga asoslangan.
Ariza berish vaqtida xorijga chiqish pasportini rasmiylashtirish narxlari.
To‘lov so‘mda amalga oshiriladi. Davlat bojining aniq miqdori arizani rasmiylashtirish vaqtida ma’lum bo‘ladi — Davlat xizmatlari portalida yoki shaxsan murojaat qilganda. Asosiy stavka va BHV miqdori normativ hujjatlar bilan belgilangan va lex.uz milliy qonunchilik bazasida e’lon qilinadi.
Bola uchun xorijga chiqish pasporti qanday olinadi?
Xorijga chiqish pasporti yoshidan qat’i nazar, har bir bola uchun alohida olinadi.
Arizani kim beradi?
Bolaga xorijga chiqish pasporti olish uchun arizani quyidagilar berishi mumkin:
Hujjat topshirish vaqtida ariza beruvchi bola manfaatlarini ifoda etish huquqiga ega ekanligini tasdiqlaydi.
Bolaning ishtiroki
Ariza topshirishda bola shaxsan ishtirok etishi shart. Bu talab biometrik hujjat rasmiylashtirish bilan bog‘liq: ariza topshirishda bola suratga olinadi va belgilangan tartibda biometrik ma’lumotlari qayd etiladi.
Ota-onaning roziligi
Ayrim hollarda ota yoki onaning roziligi talab qilinadi:
arizani ota-onadan faqat bittasi berganida;
ota-ona rasmiy nikohda bo‘lmaganida;
ota yoki ona hujjat topshirishda qatnashmaganida.
Rozilikning talab qilinishi va shakli ariza topshirish vaqtida holatdan kelib chiqib ma’lum bo‘ladi.
Xorijga chiqish pasporti qancha vaqtda tayyor bo‘ladi?
Xorijga chiqish pasportining rasman tayyor bo‘lish muddati 10 ish kunigachani tashkil etadi. Ammo amalda ko‘proq vaqt ketishi mumkin, bu dam olish kunlari, bayramlar va bo‘limlarning yuklamasiga bog‘liq.
Xorijga chiqish pasporti tayyor bo‘lganini qanday bilish mumkin?
Xorijga chiqish pasporti rasmiylashtirilish holatini bir nechta usulda tekshirish mumkin — bu ariza qayerda topshirilganiga bog‘liq.
Hujjat topshirilgan joyda
Agar ariza Davlat xizmatlari markazi yoki pasport stoli orqali berilgan bo‘lsa, u holda pasport tayyor bo‘lgani haqida:
hujjat topshirish vaqtida ko‘rsatilgan telefon raqamiga sms xabarnoma keladi;
markaz yoki bo‘limdan qo‘ng‘iroq qilishlari mumkin.
Xabar berish usuli muassasa va hududga bog‘liq.
Davlat xizmatlari portali orqali
Agar ariza my.gov.uz portali orqali topshirilgan bo‘lsa, murojaat holatini shaxsiy kabinetda tekshirish mumkin. U yerda arizani qayta ishlash bosqichlari va uning tayyorligi haqidagi ma’lumot aks etadi.
Agar xabarnoma kelmasa nima qilish kerak
Agar sms yoki qo‘ng‘iroq bo‘lmasa:
hujjat topshirilgan joyga shaxsan murojaat qilish kerak;
Davlat xizmatlari markazi yoki pasport stoliga qo‘ng‘iroq qilish kerak.
Xorijga chiqish pasporti ariza berilgan joyga shaxsan borib shaxsni tasdiqlovchi hujjatni ko‘rsatgan holda olinadi.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport5 days ago
EChL 2026/2027. Umumiy guruh bosqichi taqvimi e’lon qilindi
-
Siyosat2 days ago
Шавкат Мирзиёев Бишкекда кутиб олинди
-
Jamiyat4 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport4 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat3 days ago
Qonunchilikdagi noaniqliklar tadbirkor foydasiga talqin qilinadi
-
Siyosat3 days ago
Pokiston bosh vaziri bilan uchrashuv o‘tkazildi
-
Mahalliy1 day ago
«Enamdan qolgan dalalar» (Esse)
-
Siyosat4 days ago
Saida Mirziyoyeva Pekinda Va I bilan muloqot o‘tkazdi