Jamiyat
iHamkor startaplar uchun biznes ma’lumotlaridan bepul foydalanish dasturini ishga tushirmoqda
iHamkor.uz biznes ma’lumotlar platformasi IT Park ko‘magida yosh texnologik jamoalarni qo‘llab-quvvatlashga qaratilgan”iHamkor for Startups” yangi tashabbusi boshlanganini e’lon qildi.
“Bizning nazarimizda, ma’lumotlar iqtisodiy o‘sishning yangi drayveri hisoblanadi. O‘z oldimizga qo‘ygan vazifa — bu ma’lumotlarga nafaqat banklar va korporativ sektor uchun, balki kelajakni yaratishda faol ishtirok etayotganlar uchun ham imkoniyat yaratish”, – deb qayd etdi “Defen Financial” MChJ asoschisi va bosh direktori, iHamkor.uz platformasi operatori Asqar Ismailov.
Dastur doirasida startaplar quyidagilarga ega bo‘lishadi:
iHamkor API’dan 6 oygacha bepul foydalanish imkoniyati
Integratsiya jarayonida ko‘maklashish va texnik yordam
Taqdimotlar va veb-saytda “iHamkor asosida ishlab chiqilgan” belgisini qo‘llash huquqi
Hamkorlikdagi maqolalar va amaliy misollar tayyorlashda qatnashish imkoniyati
“IT Park’ning eng muhim vazifalaridan biri – innovatorlar zamonaviy texnologiyalarga ega bo‘lgan startap ekotizimini yaratish. iHamkor loyihasi – davlat va xususiy sektor hamkorligi O‘zbekistonda IT sohasining rivojiga qanchalik katta turtki berishi mumkinligining yorqin misolidir”, – dedi IT Park Uzbekistan bosh direktori Abdulaxad Kuchkarov.
Dastur O‘zbekistonda ro‘yxatdan o‘tgan va IT Park rezidenti bo‘lgan, dastlabki (pre-seed) yoki urug‘ (seed) bosqichidagi, daromadi 500 million so‘mgacha va xodimlar soni 10 nafargacha bo‘lgan jamoalar uchun ochiq.
Biz iHamkor startaplar uchun AWS infratuzilma sohasida yoki Stripe moliya texnologiyalarida qanday o‘rin tutgan bo‘lsa, shunday darajaga chiqadi deb o‘ylaymiz. Agar sizning mahsulotingiz biznes ma’lumotlariga asoslangan bo‘lsa, demak bizning maqsadlarimiz bir”, – dedi Asqar Ismailov.
iHamkor API o‘z ichiga nimalarni oladi?
iHamkor API platformasi O‘zbekiston Soliq qo‘mitasi tomonidan taqdim etilgan keng qamrovli ma’lumotlardan foydalanish imkoniyatini beradi. Bular quyidagilardan iborat:
Yuridik shaxslar haqidagi ma’lumotlar: ro‘yxatdan o‘tkazish ma’lumotlari, aloqa ma’lumotlari, soliq rejimlari, soliq va ijtimoiy to‘lovlar to‘g‘risidagi ma’lumotlar, aylanmalar, foyda, qarzlar va mulkchilik tuzilmasi.
Jismoniy shaxslar haqidagi ma’lumotlar: daromadlar, ish haqi, ushlab qolingan va ajratilgan mablag‘lar to‘g‘risidagi ma’lumotlar.
Bu ma’lumotlarning ayrimlariga kirish uchun egalarining roziligini olish talab etiladi.
Mavjud API va ma’lumot toifalarining to‘liq ro‘yxati quyidagi sahifada joylashtirilgan: iHamkor.uz/help?tab=api
Qanday qilib ariza topshirish mumkin?
iHamkor for Startups dasturida ishtirok etish uchun ariza topshirish juda oson:
1. Dastur sahifasiga o‘ting
Quyidagi sahifani oching: www.iHamkor.uz/startups
2. Qisqa so‘rovnomani to‘ldiring
Quyidagilarni ko‘rsating:
Startap nomi va STIR (agar mavjud bo‘lsa)
Vakilning F.I.Sh. va aloqa ma’lumotlari
Mahsulotning qisqacha tavsifi
Rivojlanish bosqichi (pre-seed, seed va hokazo)
Xodimlar soni
Hozirgi daromad darajasi (agar mavjud bo‘lsa)
3. Arizani yuboring
So‘rovnomaning barcha bandlari to‘ldirilganiga ishonch hosil qiling.
4. Javobini 3 ish kuni ichida olishingiz mumkin.
Biz siz bilan bog‘lanib, ishtirok etish shartnomasini va API kirish kalitlarini jo‘natamiz.
5. Ishlab chiqishni boshlang — iHamkor ma’lumotlarini mahsulotingizga qisqa fursatlarda joriy etishingiz mumkin.
Biz haqimizda
iHamkor.uz — bu haqiqiy vaqt rejimida to‘liq, ishonchli va hujjatlashtirilgan ma’lumotlarni taqdim etuvchi ko‘p vazifali avtomatlashtirilgan axborot tizimidir. Tizim O‘zbekiston Respublikasi qonunchiligiga muvofiq soliq to‘lovchilar to‘g‘risidagi ma’lumotlar va boshqa ma’lumotlarga to‘siqsiz kirishni ta’minlaydi, iqtisodiy muomalada ishtirok etuvchilarning axborot ehtiyojlariga to‘liq mos keladi hamda tadbirkorlik o‘rtasida sog‘lom raqobat muhitini yarata oladi.
Tizim “DEFEN FINANCIAL” MChJ tomonidan O‘zbekiston Respublikasi Vazirlar Mahkamasining 2021 yil 19 avgustdagi “Soliq to‘lovchilar to‘g‘risidagi ma’lumotlarni uchinchi shaxslarga taqdim etish chora-tadbirlari to‘g‘risida”gi 529-sonli qaroriga muvofiq, 2022 yil 24 mayda imzolangan “Ishonchli hamkor” avtomatlashtirilgan axborot tizimini ishlab chiqish va joriy etish bo‘yicha davlat-xususiy sheriklik to‘g‘risida”gi DXSH/52-2022-sonli bitim asosida ishlab chiqilgan.
Reklama huquqi asosida
Zarafshon shahrida yashovchi 43 yoshli shaxs 775 gr miqdordagi NDSI-2K markali portlovchi moddani 1,5 mln so‘mga sotgan vaqtida tezkor tadbirda qo‘lga olingan. U sud hukmi bilan 5,5 yilga ozodlikdan mahrum qilindi.
Navoiy viloyati Zarafshon shahrida portlovchi modda sotgan ovchi jinoiy jazoga tortildi. Kun.uz sud hujjati bilan tanishdi.
Sud hukmida keltirilishicha, 1982 yilda tug‘ilgan J.I. Zarafshon shahrida istiqomat qilib, kirakashlik faoliyati bilan shug‘ullanib kelgan. U 2017 yildan ovchilik jamiyati a’zosi bo‘lgan.
J.I. 2025 yil 4 iyul kuni Zarafshon shahrida shartli xaridorga 1,5 mln so‘mga portlovchi modda sotgan vaqtida tezkor tadbirda ashyoviy dalillar bilan ushlangan. Ichki ishlar vazirligi Ekspert-kriminalistika bosh markazining xulosasiga ko‘ra, ovchi sotgan modda 775 gr og‘irlikdagi NDSI-2K markali portlovchi modda bo‘lgan.
J.I. sudda aybiga iqror bo‘lgan va portlovchi moddani Buxoro viloyati Shofirkon tumani hududida ov qilib yurganida topib olganini aytgan.
“2017 yildan ovchilik jamiyatiga a’zoman. IJ-27 markali, 12 kalibrli, ikki stvolli ov qurolini nomimga rasmiylashtirib olganman. Shundan buyon ov mavsumida ovga chiqib turaman. Ovda ishlatadigan patronlarni ovchilik do‘konidan sotib olaman. Ko‘pincha o‘zim qo‘lbola usulda yasab foydalanaman.
2023 yilda Shofirkon tumanida zovur atrofida ov qilib yurgan vaqtimda yerdan 2 dona uzinligi taxminan 35-40 sm bo‘lgan porox tayoqchalarini topib oldim. Ularni ovda patron tayyorlash uchun Zarafshon shahriga olib keldim. So‘ngra porox tayoqchalaridan birini o‘zimning yashash xonadonimda pichoq bilan maydalab, patron yasab, ovda foydalandim”, degan u suddagi ko‘rsatmasida.
Ovchi sodir etgan qilmishi jinoyat ekanini bilmaganini aytib, pushaymonlik bildirgan hamda suddan yengillik so‘ragan.
J.I.ga nisbatan qo‘zg‘atilgan jinoyat ishi JIB Zarafshon shahar sudida ko‘rib chiqildi. Sudning hukmi bilan J.I. Jinoyat kodeksining 248-moddasi 3-qismida nazarda tutilgan jinoyatni (o‘qotar qurolni, o‘q-dorilarni, portlovchi moddalarni yoki portlash qurilmalarini o‘tkazish) sodir etganlikda aybli deb topilgan. Unga Jinoyat kodeksining 57-moddasini qo‘llagan holda 5 yil 6 oy muddatga ozodlikdan mahrum qilish jazosi tayinlangan. Jazoni umumiy tartibli koloniyalarda o‘tash belgilangan.
“Davlat xizmatida boshqaruv samaradorligini yanada oshirish chora-tadbirlari to‘g‘risida”gi Prezident farmoni qabul qilindi.
Ma’lumot uchun: Boshqaruv samaradorligi agentligi (Agentlik) Davlat xizmatini rivojlantirish agentligi negizida tashkil etilgan.
Farmonga ko‘ra, 2026-yil 1-yanvardan “Yangi O‘zbekiston qiyofasidagi tuman (shahar)” maqomidagi 33 ta tuman (shahar) hokimliklarida tajriba-sinov tariqasida quyidagilarni nazarda tutuvchi natijaga asoslangan boshqaruv tizimi joriy etiladi:
davlat organlari faoliyatining maqsadli ko‘rsatkichlari va indikatorlari ularga qo‘yilgan vazifalar asosida Agentlik tomonidan shakllantiriladi hamda Vazirlar Mahkamasi tomonidan tasdiqlanadi;
Agentlik:
– natijaga asoslangan boshqaruv modelini ishlab chiqadi hamda uning joriy etilishini uslubiy jihatdan muvofiqlashtiradi;
– maqsadli ko‘rsatkichlarga erishilganligini “samaradorlik.gov.uz” elektron platformasi orqali baholashni tashkil etadi;
– tegishli vazifalarni bajarish va maqsadli ko‘rsatkichlarga erishishda kadrlar salohiyatini rivojlantirishga ko‘maklashadi;
– davlat fuqarolik xizmati lavozimlarini egallash uchun tanlovlarda zamonaviy yondashuv, zarur hollarda, qo‘shimcha bosqichlarni joriy etadi.
O‘zbekiston prezidentining “Davlat xizmatida boshqaruv samaradorligini yanada oshirish chora-tadbirlari to‘g‘risida”gi farmoniga muvofiq, davlat organlarining vazifa va funksiyalari quyidagi 5 ta darajaga ajratiladi:
konstitutsiyaviy va milliy daraja;
respublika ijro etuvchi hokimiyat organlari darajasi;
hududiy daraja;
tuman (shahar) darajasi;
mahalla (qishloq, ovul) fuqarolar yig‘ini darajasi.
2026-yil 1-yanvardan “Yangi O‘zbekiston qiyofasidagi tuman (shahar)” maqomidagi 33 ta tuman (shahar)da faoliyat yurituvchi davlat organlarida kadrlar rotatsiyasi tizimi joriy etiladi. Bunda:
respublika ijro etuvchi hokimiyat organlarining tuman (shahar) bo‘linma rahbari hamda tuman (shahar) hokimi va uning o‘rinbosarlari har 5 yilda, qoida tariqasida, Qoraqalpog‘iston Respublikasi, viloyatlar hamda Toshkent shahri doirasida boshqa tuman (shahar)ga rotatsiya qilinadi;
rotatsiya qilinadigan rahbarlar Agentlikning “hrm.gov.uz” elektron platformasi orqali aniqlanadi;
rahbar yangi hududga o‘tishdan oldin hududning iqtisodiy va ijtimoiy holati bo‘yicha intensiv kursda o‘qitiladi;
rotatsiya qilingan rahbar faoliyati Agentlik tomonidan elektron platforma orqali onlayn tarzda monitoring qilinadi.
Jamiyat
Toshkentda katta miqdorda psixotrop dori biologik qo‘shimcha idishlariga solingan holda topildi
DXX Toshkent viloyati bo‘yicha boshqarmasi va bojxona organlari hamkorligida o‘tkazilgan tezkor tadbir natijasida biologik faol qo‘shimcha idishlariga solib, yashirin tarzda sotishga mo‘ljallangan katta miqdorda psixotrop dori vositalari aniqlandi.
Davlat xavfsizlik xizmati Toshkent viloyati bo‘yicha boshqarmasi hamda bojxona idoralari tomonidan o‘tkazilgan tezkor tadbir doirasida avvaldan kuzatuvda bo‘lgan, poytaxtda yashovchi 1970 yilda tug‘ilgan shaxsning Uchtepa tumanida joylashgan yashash xonadoni xolislar ishtirokida ko‘zdan kechirildi.
Ko‘rik vaqtida unga tegishli uydan 1 835 dona “Regapen” nomli kuchli ta’sir qiluvchi dori vositalari topilib, belgilangan tartibda daliliy ashyo sifatida rasmiylashtirib olindi.
Tarkibida katta miqdorda pregabalin moddasi bo‘lgan ushbu psixotrop dorilar biologik faol qo‘shimchalar idishlariga solingan holda saqlangani va kelgusida ularni dorixonalarda yashirin tarzda sotish rejalashtirilgani aniqlandi.
Hozirda mazkur shaxsga nisbatan Jinoyat kodeksining 251¹-moddasi 5-qismi bilan jinoyat ishi qo‘zg‘atilgan hamda unga nisbatan “qamoq” ehtiyot chorasi qo‘llangan.
Tergov harakatlari davom etmoqda.
Taniqli pulmonolog olim, O‘zbekiston Fanlar akademiyasi akademigi, O‘zbekistonda xizmat ko‘rsatgan tibbiyot xodimi Abdulla Muharramovich Ubaydullayev 91 yoshida olamdan o‘tdi.
«Xabar.uz» jamoasi marhumning oila a’zolari va yaqinlariga hamdardlik bildiradi.
Navoiyda portlovchi modda sotgan shaxs qamaldi
Bashar Asadning Suriyadagi ag’darilganligining 1 yilligi
33 ta hokimlikda tajriba tariqasida yangicha boshqaruv yo‘lga qo‘yiladi
-
Sport3 days agoТуркия Суперлигаси. «Башакшеҳир» – «Фенербаҳче». Шомуродов ва Файзуллаев — асосий таркибда
-
Jamiyat5 days agoSirdaryoda 100 million kub metrlik yangi suv ombori quriladi
-
Iqtisodiyot5 days agoO‘zbekiston oktyabrda oltinning eng yirik xaridorlaridan biri bo‘ldi
-
Iqtisodiyot5 days agoSirdaryodagi 9 ta tuman-shahar hokimlari Xitoyga yo‘l oladi
-
Jamiyat5 days agoSirdaryoda 122 mln dollarlik avtomobil ishlab chiqarish loyihasi yo‘lga qo‘yiladi
-
Turk dunyosi4 days agoTurkiya qimor o’yini-onaviy tergovning bir qismi sifatida futbolchilar va sheriklar hibsga olingan
-
Turk dunyosi4 days agoTurkiya Rossiya quvur liniyali gaz ta’minotini bir yil davomida kengaytirmoqda
-
Hayot tarzi4 days agoDemi Xestemanning Jessi Gatikaulaning “Me’blari” ga qanday munosabatda bo’ldi