Holat yuzasidan tergovga qadar tekshiruv harakatlari olib borilmoqda.

Buxoro shahrida yashovchi fuqaro o‘z boshqaruvida bo‘lgan Chery rusumli avtomashinasida yo‘l transport hodisasini sodir etdi.

Buxoro viloyati IIBning xabariga ko‘ra, voqea 15 aprel kuni soat taxminan 20:50larda yuz bergan.

Olib borilgan surishtiruv harakatlari davomida haydovchi spirtli ichimlik ta’sirida avtomashina boshqarganligi aniqlangan.

Qayd etilishicha, uning mastlik holati tegishli tartibda rasmiylashtirilgan.

Hozirda mazkur holat yuzasidan tergovga qadar tekshiruv harakatlari olib borilmoqda.

Source link

1 apreldan benzin va dizel, metan va propanni naqd pulga sotish taqiqlandi. Kun.uz muxbiri Farg‘ona viloyatining ayrim tumanlaridagi shoxobchalarda yangi tartib qanday ishlayotganini o‘rgandi, haydovchilar fikriga qiziqdi.

Mashinangizga benzin yo gaz quyishga kirdingiz, yoningizda esa faqat naqd pul bor. Lekin tushkunlikka tushishga hali erta: har qanday cheklovda bo‘lgani kabi, amaliyotda noqulaylikni imkon qadar yengil o‘tish yo‘llari paydo bo‘lib ulgurgan. Quva va Farg‘ona shaharlari hamda Rishton tumanidagi qator shoxobchalarga kirib, bunga yana bir bor guvoh bo‘ldik.

“Naqdga quyaveramiz-u, foizi bor-da…”

Birinchi shoxobchada operatorga yuzlanib, yonimizda faqat naqd pul borligini aytdik va plastik kartasiz ham ishimizni bitirib berishlari yoki yo‘qligini so‘radik. Operator buni kassa xodimi hal qilishini aytdi. Kassaga borib, 50 ming so‘m uzatdik. Xodim naqd puldan foiz ushlab qolinishi va 47 500 so‘mlik propan quyib berishlarini aytdi.

Lekin hamma joyda ham bunday emas. Yana bir shoxobchada 50 ming so‘mlik propan quydik, kassa xodimi hech qanaqa komissiya ushlab qolmadi. Bu vaziyatda, taxminimizcha, u ikki yo‘ldan birini tanlagan: yo xarid cheki chiqarmagan, yoki boshqa bir jismoniy shaxsning kartasidan 50 ming so‘m yechib hisobni to‘g‘rilab qo‘ygan.

65 ming so‘mga qo‘shimcha 1 000 so‘m…

Keyin, boshqa bir shaharda naqd pulga AI-92 benzini quyishga muvaffaq bo‘ldik. 5 litr benzinning narxi 65 ming so‘m bo‘ldi. Lekin ularning talabi bilan kassaga qo‘shimcha 1 000 so‘m, jami 66 ming so‘m to‘lashga to‘g‘ri keldi.

Shunga o‘xshash komissiyani boshqa bir shoxobchada ham uchratdik. Operator 100 ming so‘mlik propanga naqd to‘lov qilganimiz sabab, 1 000 so‘m komissiya borligini aytdi.

“Otaxon pul qo‘yishni bilmayapti, yordam beringlar…”

Metan shoxobchalardan birida qo‘lida bir taxlam pul bilan boshini qashib turgan yoshi ulug‘ haydovchini uchratdik. U mashinasiga metan quyib olgan, to‘lash uchun qo‘lidagi naqd pulini bankomatga solishni bilmay o‘ylanib turardi. Shu payt kassa ichkarisidan mikrofonda “otaxon pul qo‘yishni bilmayapti, yordam beringlar…” degan ovoz eshitildi. Operatorlardan biri ishini tashlab yordamga kelib haydovchining pulini plastik kartasiga solib berdi.

Kassa xodimining aytishicha, naqd pul savdosining taqiqlanishi haydovchilarga ham, zapravka xodimlariga ham noqulayliklar tug‘diryapti.

“70-80 foiz mijozlar naqd pul bilan kelyapti. Kartasi borlar – 20-25 foiz. Endi, yangilik bo‘lgani uchun-da bu”, deydi u.

Kartani infokiosklar orqali to‘ldirayotgan haydovchilar ushlab qolinayotgan komissiyadan norozi. Biz suhbatlashgan ko‘plab aholi vakillari yangi tartibni bekor qilish kerak, deb hisoblashini bildirdi.

Source link

16:13

“Qo‘rquv bo‘lishi tabiiy, ammo bu sizni to‘xtatmasin”, – 17 yoshida NASA va SpaceX bilan kosmik loyihani amalga oshirgan Akbar hikoyasi



Source link

“Hozir rahbar kadr bo‘ldimi, ikki yilda PhD bo‘lyapti. Yana ikki-uch yil o‘tmasdan fan doktori bo‘lyapti… Endi ulardan nima foyda fanga?” – deydi Shavkat Ayupov.

Shavkat Ayupov / Jadid.uz videosidan kadr

O‘zbekiston Fanlar akademiyasi prezidenti, O‘zbekiston Qahramoni Shavkat Ayupov Jadid.uz’ga bergan intervyusida yuqori lavozimga o‘tirgan mansabdorlar ko‘p o‘tmay ilmiy darajali bo‘lib qolishi va “qaroqchi” ilmiy jurnallardagi maqolalar soni jihatidan O‘zbekiston yuqori o‘rinlarda turishi haqida gapirib o‘tdi.

“Fanga e’tibor berila boshlagandan keyin, [ilm kishilariga] qancha imkoniyat yaratildi: mana, fan nomzodiga 30 foiz, fan doktoriga 60 foiz qo‘shimcha haq to‘lanadi, yana boshqa imtiyozlar bor… Bu bir tomondan yaxshi, olimlar qo‘llab-quvvatlanadi, ikkinchi tomondan, bu ishonchni, prezidentimiz bu berayotgan imkoniyatlarini suiiste’mol qilish avj olib ketdi.

Men o‘zim 1997–2003 yillarda, olti yil davomida Oliy attestatsiya komissiyasi raisi bo‘lganman. O‘shanda bir yilda hamma fanlar bo‘yicha umumiy taxminan 100-100 ta doktorlik himoyasi bo‘lardi, 500–600 ta fan nomzodligi uchun himoyalar bo‘lardi. Lekin keyin, shunaqa bo‘ldiki, o‘n barobar oshib ketdi. Ikki barobar ham emas, o‘n barobar.

Men o‘zim OAK Prezidiumi a’zosi sifatida ko‘rdim: ko‘p [ilmiy] ishlar juda yuzaki. Yuzaki bo‘lgani ham mayli, plagiat ko‘payib ketdi. Rossiyadan olib, tarjima qilib, himoya qilinganlarni ham ko‘rdim-da. Shuni men ko‘rsatdim, qoida bo‘yicha bunaqalarni diplomini bekor qilish kerakligini aytdim. Shuni qilishmadi-da.

Bu masaladan prezidentimiz xabarlari bor. Shu tizimni isloh qilmasa bo‘lmaydi. Hozir rahbar kadr bo‘ldimi, ikki yilda PhD bo‘lyapti. Yana ikki-uch yil o‘tmasdan fan doktori bo‘lyapti… U rahbar odam qachon ilm qiladi? O‘zining ishi [ko‘p bo‘lsa]… Men mana bunaqa mansabga o‘tirib, ko‘ryapman: umuman vaqt yo‘q, kitob o‘qishgayam, boshqagayam. Katta-katta rahbarlar fan nomzodi, fan doktori bo‘lib ketyapti. Endi ulardan nima foyda fanga?

Natijada O‘zbekiston fanining obro‘si tushib ketyapti. Internetlarda ko‘p chiqadi: “qalbaki” jurnallarda chiqqan eng ko‘p maqolalar O‘zbekistondan. Yoki eng ko‘p sifatsiz maqolalar O‘zbekistondan, deb chiqadi. Bu – bizning fanimiz uchun juda katta sharmandagarchilik-ku”, – dedi Shavkat Ayupov.

Olimning qo‘shimcha qilishicha, sifatsiz ilmiy ishlar yoki maqolalarning aksariyati oliy ta’lim tizimiga to‘g‘ri keladi.

Source link

Qashqadaryo viloyatida yer maydonlarini noqonuniy sotmoqchi bo‘lgan shaxslar ashyoviy dalillar bilan ushlandi. Jinoyatlar DXX va IJQKD xodimlari hamkorligida o‘tkazilgan tezkor tadbirlarda fosh bo‘ldi.

Kadastr agentligining Qarshi tuman bo‘limi yetakchi inspektori fuqaroning noqonuniy egallab olingan 12 sotix yeri uchun belgilangan 82 mln so‘mlik jarimani mansabdor tanishlari orqali bekor qilib berishni va’da qilgan. Shuningdek, u ushbu yer maydoniga kadastr hujjatlarini tayyorlab berish evaziga 2 000 AQSh dollari so‘ragan va pulni olayotgan vaqtida qo‘lga tushgan.

Shahrisabz tumanida esa muqaddam firibgarlik uchun sudlangan 59 yoshli shaxs va Davlat kadastrlari palatasi tuman filiali xodimi ushlandi. Ular o‘zaro kelishib, dehqon xo‘jaligiga tegishli 9 sotix yerni qurilish firmasi rahbari nomiga rasmiylashtirib bermoqchi bo‘lishgan.

Ular ushbu «xizmat» uchun 7 000 AQSh dollari so‘rashgan va kelishilgan puldan 4 000 dollarini olayotgan vaqtda qo‘llariga kishan solingan.

Har ikki holat bo‘yicha jinoyat ishlari qo‘zg‘atilib, tergov harakatlari olib borilmoqda.

Source link