Jamiyat
O‘zbekiston turizmining tarixiy rekordni yangilashi Prezident islohotlari samarasidir
O‘zbekiston tarixida xorijlik sayyohlar oqimi bo‘yicha rekord natija qayd etildi, ya’ni joriy yilning dastlabki 9 oyi davomida mamlakatga 8,6 mln nafardan ortiq turist tashrif buyurdi.
Aprel oyidan buyon esa xorijiy sayyohlarning har oylik ko‘rsatkichi barqaror ravishda 1 mln nafardan ortmoqda. Ushbu tarixiy natija shubhasiz O‘zbekiston Respublikasi Prezidenti Shavkat Mirziyoyevning turizm sohasini rivojlantirish, O‘zbekistonning xalqaro maydondagi imijini mustahkamlash va sayyohlar uchun qulay sharoitlar yaratishga qaratilgan oqilona siyosatlari mevasidir.
O‘zbekiston bugungi kunda xalqaro turizm yarmarkalari va ko‘rgazmalarida yuqori saviyada ishtirok etmoqda, 20 ga yaqin davlatda road-show va taqdimotlar tashkil qilinmoqda. Samarqandda “UN-Tourism” ofisi ochildi, Xalqaro turizm akademiyasi faoliyati yo‘lga qo‘yildi, turizm sohasida faoliyat yuritayotgan tadbirkorlik sub’yektlariga doimiy ravishda subsidiya ajratilmoqda. Bu islohotlarning samarasi o‘laroq, turistlar soni oshishi bilan bir qatorda ularning O‘zbekistonda qolish muddati ham uzaygani quvonarli holat.
Qolaversa, ilgari yurtimizga aksariyat yoshi ulug‘ sayyohlar kelgan bo‘lsa, endilikda bu boradagi ko‘rsatkich yoshariyib borayotganini alohida ta’kidlash joiz.
Shu o‘rinda uzoq xorij — Yevropa, Osiyo, Yaqin Sharq va Amerikadan kelayotgan turistlar oqimining sezilarli darajada o‘sganini alohida ta’kidlash lozim. Bu jahon sayyohlik xaritasida O‘zbekistonning kundan-kunga tanilib borayotganini va eng sayohatbop yo‘nalishlardan biriga aylanib borayotganligini ko‘rsatadi.
Turistlarning ko‘payishi, tabiiyki, sohadan tushayotgan daromadning oshishiga olib keladi. Bu esa o‘z o‘rnida milliy iqtisodiyotning o‘sishida muhim rol o‘ynaydi. Ilgari turistlar faqatgina muayyan davrda kelishi kuzatilgan bo‘lsa, bugunga kelib, sohadagi islohotlar va yaratilayotgan sharoitlar natijasida turistik mavsum tushunchasi yo‘qolib bormoqda, ya’ni yil davomida turistlar soni barqaror saqlanib qolmoqda.
Viza rejimini soddalashtirish hamda raqamlashtirish xizmatlarini takomillashtirish borasidagi islohotlar tufayli O‘zbekiston dunyoning eng mehmondo‘st mamlakatlaridan biri sifatida e’tirof etila boshlandi. 90 dan ortiq davlatga vizasiz rejim va elektron vizaning joriy etilishi, mamlakatga kirish-chiqish talablarining yengillashuvi, zamonaviy mehmonxona va transport infratuzilmasining rivojlanishi sayyohlar sonining ishonchli o‘sishi uchun asos yaratdi. Bu o‘z-o‘zidan qo‘shimcha ish o‘rinlarini talab qilgani bois mahalliy aholining daromadli ish bilan ta’minlanish darajasi oshib borayotganini alohida e’tirof etish joiz. Prezidentimizning pirovard maqsadi ham shu aslida, ya’ni mahalliy aholi uchun yangi ish joylarini yaratish, yoshlar va xotin-qizlarni yuqori daromadli ish bilan ta’minlash va bu orqali xalqimizning turmush farovonligini oshirish.
Turizm qo‘mitasining Ekologiya, atrof-muhitni muhofaza qilish va iqlim o‘zgarishi vazirligi tarkibida faoliyat yuritishi barqaror va ekologik mas’uliyatli turizmni rivojlantirish tamoyillarini joriy qilish uchun keng imkoniyatlar ochmoqda. Bunday yondashuv turizmni rivojlantirishda mamlakatning tabiiy va madaniy boyliklarini asrashga bo‘lgan e’tiborni kuchaytiradi. Zero barqaror tabiatsiz hech bir sohani, jumladan, turizmni ham rivojlantirib bo‘lmaydi. So‘nggi yillarda butun dunyoda kuzatilayotgan iqlim o‘zgarishi, bioxilma-xillikning yo‘qolishi va atrof-muhitning ifloslanishi kabi muammolar har qanday sohani rivojlantirishda bu omillarni inobatga olish zarurligini va O‘zbekistonda bu borada to‘g‘ri yo‘l tanlanganini ko‘rsatmoqda.
Ekologiya vazirligi Davlat rahbari tomonidan turistik xizmatlar sifatini oshirish, ichki va tashqi turizmni rivojlantirish hamda O‘zbekistonning mintaqadagi yetakchi turistik markazlardan biri sifatidagi maqomini mustahkamlashga qaratilgan vazifalarini sidqidildan amalga oshirishda hamda turizmni tabiat bilan uyg‘unlikda rivojlantirishda davom etadi.
Muhtaram O‘zbekiston Respublikasi Prezidenti Shavkat Mirziyoyev! Tavallud ayyomingiz munosabati bilan sizga chuqur hurmat va samimiy ehtirom izhor etamiz.
So‘nggi yillarda Yangi O‘zbekiston g‘oyasi asosida mamlakatimizda amalga oshirilayotgan keng ko‘lamli islohotlar davlat va jamiyat hayotining barcha sohalarini qamrab oldi. Konstitutsiyaning yangi tahrirda qabul qilinishi, inson qadrini ulug‘lashga qaratilgan siyosat, mahalla tizimini yanada kuchaytirish, raqamli davlat xizmatlarini kengaytirish, tadbirkorlikni qo‘llab-quvvatlash, ta’lim va sog‘liqni saqlash sohalaridagi tub o‘zgarishlar xalqimiz hayotida o‘zining amaliy samarasini namoyon etmoqda.
Ayniqsa, davlat xizmatlarini raqamlashtirish, my.gov.uz orqali aholiga yuzlab xizmatlarni masofadan turib ko‘rsatish, ijtimoiy himoya tizimini takomillashtirish, ipoteka va uy-joy dasturlarini kengaytirish, yoshlar va xotin-qizlarni qo‘llab-quvvatlash bo‘yicha qabul qilinayotgan qarorlar mamlakat taraqqiyotining yangi bosqichini belgilab bermoqda.
Xalqaro maydonda O‘zbekistonning nufuzi tobora oshib, qo‘shni davlatlar bilan yaxshi qo‘shnichilik siyosati, yirik investitsiya loyihalari va ochiq tashqi siyosat mamlakatimizga bo‘lgan ishonchni yanada mustahkamladi. Bu ulkan yutuqlar sizning uzoqni ko‘zlagan strategik siyosatingiz, xalqparvarlik tamoyillariga sodiq rahbarlik faoliyatingiz samarasidir.
Muhtaram Prezident!
Tavallud ayyomingiz munosabati bilan, sizga mustahkam sog‘liq, uzoq umr, yuksak shijoat va Yangi O‘zbekistonni yanada taraqqiy ettirish yo‘lidagi mas’uliyatli faoliyatingizda ulkan muvaffaqiyatlar tilaymiz. Yurtimiz tinch, xalqimiz farovon, Vatanimiz ravnaqi yanada yuksak bo‘lsin!
Tavallud ayyomingiz muborak bo‘lsin, Muhtaram Prezident!
Majburiy ijro byurosi Namangan viloyati boshqarmasi tomonidan kredit qarzdorligini undirish bo‘yicha navbatdagi ijro harakati amalga oshirildi.
Byuro ish yurituvida qarzdor U.Bdan «Kapitalbank» ATB foydasiga 278 mln 132 ming 703 so‘m kredit qarzdorligini undirish haqidagi ijro hujjati mavjud bo‘lgan.
Ijro jarayonida mazkur kredit majburiyatini ta’minlash maqsadida garovga qo‘yilgan, qiymati 266 million so‘m bo‘lgan avtotransport vositasi qidiruvga berilgan.
Olib borilgan qidiruv tadbirlari natijasida avtomashinaning joylashgan manzili aniqlanib, u belgilangan tartibda xatlandi.
Ma’lum qilinishicha, amaldagi qonunchilikka muvofiq, xatlangan mol-mulk baholanib, qarzdorlikni qoplash maqsadida keyingi ijro harakatlari amalga oshiriladi.
Majburiy ijro byurosi sud hujjatlari hamda boshqa organlar qarorlarining o‘z vaqtida va to‘liq ijrosini ta’minlash, shuningdek, kreditorlarning qonuniy huquq va manfaatlarini himoya qilish bo‘yicha ishlar izchil davom ettirilayotganini ta’kidladi.
Sog‘liqni saqlash sohasi mutaxassislari yozning jazirama kunlarida qandli diabet va boshqa endokrin kasalliklarga chalingan bemorlarga salomatlikka alohida e’tibor qaratishni tavsiya etdi.
Qayd etilishicha, yuqori harorat organizmda suyuqlik yo‘qotilishini kuchaytiradi. Shu sababli bemorlarga kun davomida ehtiyojdan kelib chiqib, uch litrgacha toza ichimlik suvi iste’mol qilish tavsiya etiladi.
Shuningdek, issiq havoda qovurilgan va yog‘li taomlarni cheklab, qaynatilgan yoki dimlangan yengil ovqatlar hamda yangi sabzavotlardan tayyorlangan salatlarni ko‘proq iste’mol qilish tavsiya etilgan.
Mutaxassislarning ta’kidlashicha, jazirama qonda glyukoza miqdorining oshishi va qon quyuqlashishiga sabab bo‘lishi mumkin. Shu bois qand miqdorini pasaytiruvchi dori vositalarini shifokor tavsiyasiga muvofiq o‘z vaqtida qabul qilish, ularning dozasini o‘zboshimchalik bilan o‘zgartirmaslik hamda zarurat tug‘ilganda shifokorga murojaat qilish muhim.
Bundan tashqari, bemorlarga qondagi qand miqdorini haftasiga kamida ikki marta, arterial qon bosimini esa har kuni ertalab va kechqurun nazorat qilish tavsiya etildi.
Shifokorlar dori vositalarini maxsus sovituvchi idishlarda saqlash, ularni avtomobil salonida yoki quyosh nuri to‘g‘ridan-to‘g‘ri tushadigan joylarda qoldirmaslik kerakligini ham eslatdi. Chunki yuqori harorat dori vositalarining samaradorligini pasaytirishi mumkin.
Mutaxassislar, shuningdek, endokrin kasalligi bor bolalarning ota-onalariga jazirama kunlarda farzandlariga bosh kiyim kiydirish, yetarli miqdorda suyuqlik ichirish va muzdek emas, xona haroratidagi ichimliklarni berishni tavsiya qildi.
Olim 2027-yildagi jazirama bo‘yicha xavotirli prognozni e’lon qildi
Source link
Raqobat qo‘mitasi tomonidan ijtimoiy tarmoqlarda tarqatilayotgan reklama materiallarining qonunchilik talablariga muvofiqligi yuzasidan o‘tkazilgan monitoring davomida bloger N.Sobirovning sahifasida alkogolli ichimliklar reklamasi joylashtirilgani aniqlandi.
Qo‘mita ma’lumotiga ko‘ra, mazkur reklama amaldagi qonunchilik talablariga zid hisoblanadi.
O‘rganish natijalari asosida blogerga nisbatan belgilangan tartibda ma’muriy chora ko‘rildi.
«Reklama to‘g‘risida»gi Qonunning 38-moddasiga muvofiq, har qanday quvvatdagi alkogolli ichimliklarni reklama qilish taqiqlangan.
Qonunchilikda faqat pivo, tabiiy va ko‘piklanadigan vinolar reklamasiga belgilangan vaqt, shakl va auditoriya bo‘yicha cheklovlarga rioya etilgan holdagina ruxsat beriladi.
Shu bilan birga, ijtimoiy tarmoqlarda alkogolli ichimliklarni har qanday shaklda reklama qilishga yo‘l qo‘yilmaydi.
Raqobat qo‘mitasi bloger N.Sobirov reklama qilinishi qonun bilan taqiqlangan mahsulotni targ‘ib qilgani uchun ma’muriy javobgarlikka tortilganini ma’lum qildi.
Holat yuzasidan rasmiylashtirilgan tegishli hujjatlar qonunchilikda belgilangan tartibda sudga yuborilgan.
Yaponiyalik ayollar 41 marta rekord o’rnatdilar
Tavallud ayyomingiz muborak bo‘lsin, Yangi O‘zbekiston bunyodkori!
QQSning «nol» stavkasi qo‘llaniladigan qishloq xo‘jaligi mahsulotlari ro‘yxati tasdiqlandi
-
Iqtisodiyot4 days ago
Toshkent yarim yilda 1,5 mlrd dollarlik mahsulot va xizmatlarni eksport qildi
-
Sport4 days ago
Fransiya va Germaniya birgalikda jahon chempionatini o‘tkazishi mumkin
-
Iqtisodiyot4 days ago
O‘zbekistonda qurilgan yo‘llar sifatini tekshirish uchun laboratoriya sinovlari o‘tkaziladi
-
Dunyodan3 days ago
Ukraina armiyasining bosh qo‘mondoni almashtirildi.
-
Dunyodan3 days agoRossiya jinoiy javobgarlikka tortilgan muhojirlarga fuqarolikni rad etadi
-
Sport5 days ago
O‘zbekiston terma jamoasining Osiyo o‘yinlaridagi raqiblari aniq bo‘ldi
-
Mahalliy4 days ago
Test kitobini yirtgan abituriyent, «shpargalka» sabab yo‘qotilgan 3 yil: imtihon manzaralari
-
Sport2 days ago
Abduqodir Husanov «Manchester City» bilan shartnomasini 2031 yilgacha uzaytirdi